  <TEI n="O2" xml:id="oros">
    <teiHeader>
      <fileDesc>
        <titleStmt>
          <title key="O2 NN HIST OROS" ref="#oros.orosius" n="OROSIUS">Alfred's Orosius</title>
          <author key="X" ref="#anon">Anonymous</author>
          <editor role="compiler" ref="#HC_OE_compilers"/>
        </titleStmt>
        <extent>
          <measure quantity="8648" unit="words"/>
          <idno type="file">COOROSIU</idno>
        </extent>
        <publicationStmt>
          <p>Published as a part of the <title ref="#HC_XML">Helsinki Corpus TEI XML Edition</title>.</p>
        </publicationStmt>
        <sourceDesc>
          <listBibl>
            <bibl>Based on the <title ref="#TorontoCorpus">Toronto Corpus</title> (Release 1, <date>October 1982</date>), a machine-readable transcript of the source 
              prepared at the <publisher>University of Toronto</publisher> for the <title>Dictionary of Old English</title>.</bibl>
            <biblStruct>
              <monogr>
                <title level="m">King Alfred's Orosius</title>
                <editor>H. Sweet</editor>
                <imprint>
                  <pubPlace>London</pubPlace>
                  <date when="1959">1959</date> 
                  <date type="first" when="1883">1883</date>
                  <biblScope type="part">I</biblScope>
                </imprint>
                <biblScope>pp. 58.13–78.30 (Sample 1)</biblScope>
                <biblScope>pp. 102.1–120.18 (Sample 2)</biblScope>
                <biblScope>pp. 228.1–238.14 (Sample 3)</biblScope>
              </monogr>
              <series>
                <title level="s">Early English Text Society, O.S.</title>
                <biblScope type="vol">79</biblScope>
              </series>
            </biblStruct>
          </listBibl>
        </sourceDesc>
      </fileDesc>
      <profileDesc>
        <creation>
          <date type="original" from="0851" to="0950">850–950</date>
          <date type="manuscript" from="0851" to="0950">850–950</date>
        </creation>
        <langUsage>
          <language ident="ang-x-ws">West Saxon dialect of Old English</language>
        </langUsage>
        <textClass xml:id="oros_classification" default="true">
          <catRef n="O" scheme="#periods" target="#O2"/>
          <catRef n="M" scheme="#periods" target="#O2"/>
          <catRef n="K" scheme="#contemporaneity" target="#non-contemporary"/>
          <catRef n="D" scheme="#dialect" target="#WS"/>
          <catRef n="V" scheme="#form" target="#prose"/>
          <catRef n="T" scheme="#texttype" target="#history"/>
          <catRef n="G" scheme="#foreign_orig" target="#x.orig"/>
          <catRef n="F" scheme="#foreign_lang" target="#NA"/>
          <catRef n="W" scheme="#spoken" target="#x.spoken"/>
          <catRef n="X" scheme="#author_sex" target="#unknown_sex"/>
          <catRef n="Y" scheme="#author_age" target="#age_X"/>
          <catRef n="H" scheme="#social_rank" target="#rank_x"/>
          <catRef n="U" scheme="#audience" target="#aud_x"/>
          <catRef n="E" scheme="#part_rel" target="#x.x"/>
          <catRef n="J" scheme="#interaction" target="#non-interactive"/>
          <catRef n="I" scheme="#setting" target="#x.setting"/>
          <catRef n="Z" scheme="#proto" target="#narr.non-imag"/>
        </textClass>
      </profileDesc>
    </teiHeader>
    <text>
      <body>
        <div type="sample" n="sample1">
          <lb/><note resp="#HC_OE_compilers">B9.2.3</note>
          <pb n="58"/>
          <p><milestone type="Toronto" unit="record" n="1.58.13"/>
            <lb/>Ic wene, cwæð Orosius, þæt nan wis mon ne sie, buton he
            <lb/>genoh geare wite þætte God þone ærestan monn 
            <lb/>ryhtne &amp; godne gesceop, &amp; eal monncynn mid him.
            <milestone type="Toronto" unit="record" n="1.58.15"/>
            <lb/>Ond for þon þe he þæt god forlet þe him geseald wæs, &amp;
            <lb/>wyrse geceas, hit God siþþan longsumlice wrecende 
            <lb/>wæs, ærest on him selfum, &amp; siþþan on his bearnum
            <lb/>gind ealne þisne middangeard mid monigfealdum 
            <lb/>brocum &amp; gewinnum, ge eac þas eorþan, þe ealle cwice
            <lb/>wyhta bi libbað, ealle hiere wæstmbæro <supplied resp="#TorontoCorpus">he</supplied> gelytlade.
            <milestone type="Toronto" unit="record" n="1.58.21"/>
            <lb/>Nu we witan þæt ure Dryhten us gesceop; we witon eac þæt
            <lb/>he ure reccend is, &amp; us mid ryhtlicran lufan 
            <lb/>lufað þonne ænig mon.
            <milestone type="Toronto" unit="record" n="1.58.23"/>
            <lb/>Nu we witon þæt ealle onwealdas from him sindon; we witon
            <lb/>eac þæt ealle ricu sint from him, for þon
            <lb/> ealle onwealdas of rice sindon.
            <milestone type="Toronto" unit="record" n="1.58.25"/>
            <lb/>Nu he þara læssena rica reccend is, hu micle swiþor wene we
            <lb/>þæt he ofer þa maran sie, þe on swa unmetlican 
            <lb/>onwealdun ricsedon.
            <milestone type="Toronto" unit="record" n="1.58.28"/>
            <lb/>An wæs Babylonicum, þær Ninus ricsade; þæt oðer wæs
            <lb/>Creca, þær Alexander ricsade; þridda wæs Affricanum, 
            <lb/><supplied resp="#TorontoCorpus">þær</supplied> Ptolome ricsedon; se feorða is Romane, þe
            <lb/>giet ricsiende sindon.
            <milestone type="Toronto" unit="record" n="1.58.31"/>
            <lb/>þas feower heafodricu sindon on feower endum þyses
            <pb n="60"/>
            <lb/>middangeardes, mid unasecgendlicre Godes tacnunge.
            <milestone type="Toronto" unit="record" n="1.60.1"/>
            <lb/>þæt Babylonicum wæs þæt forme, &amp; on easteweardum; þæt
            <lb/>æfterre wæs þæt Crecisce, &amp; on norðeweardum; 
            <lb/>þæt þridde wæs þæt Affricanum, &amp; on suðweardum; þæt
            <lb/>feorþe is Romane, &amp; on westeweardum.
            <milestone type="Toronto" unit="record" n="1.60.5"/>
            <lb/>Babylonisce þæt æreste &amp; Romane þæt siðmeste hie wæron
            <lb/>swa fæder &amp; sunu, þonne hie heora willan moton wel wealdan.
            <milestone type="Toronto" unit="record" n="1.60.7"/>
            <lb/>þæt Crecisce &amp; þæt <supplied resp="#TorontoCorpus">Affricanisce</supplied> wæron swa swa hie him
            <lb/>hiersumedon, &amp; him underþieded wære.
            <milestone type="Toronto" unit="record" n="1.60.8"/>
            <lb/>þæt ic wille eac gescadwislecor gesecgean, þæt hit mon
            <lb/>geornor ongietan <supplied resp="#TorontoCorpus">mæge</supplied> .
            <milestone type="Toronto" unit="record" n="1.60.11"/>
            <lb/> Se æresta cyning wæs Ninus haten, swa we ær beforan
            <lb/>sægden.
            <milestone type="Toronto" unit="record" n="1.60.12"/>
            <lb/>þa hiene mon ofslog, þa feng Sameramis his cwen to þæm
            <lb/>rice, &amp; getimbrede þa burg Babylonie, to þon
            <lb/> þæt heo wære heafod ealra Asiria; &amp; hit fela wintra
            <lb/>siþþan on þæm stod, oð ðæt Arbatus, Meþa ealdormon, 
            <lb/>Sardanopolum Babylonia cyning ofslog.
            <milestone type="Toronto" unit="record" n="1.60.16"/>
            <lb/>þa wearð Babylonia &amp; Asiria anwald geendad, &amp; gehwearf on
            <lb/>Meðas.
            <milestone type="Toronto" unit="record" n="1.60.17"/>
            <lb/>On þæm ilcan geare þe þiss wæs, Procos, Numetores fæder,
            <lb/>ongon ricsian in Italia þæm londe, þær eft
            <lb/> Romeburg getimbred wearð.
            <milestone type="Toronto" unit="record" n="1.60.19"/>
            <lb/>Se Procos wæs Numetores fæder &amp; Mulieses, &amp; wæs Siluian
            <lb/>eam.
            <milestone type="Toronto" unit="record" n="1.60.20"/>
            <lb/>Seo Siluie wæs Romuses modor &amp; Romules, þe Romeburg
            <lb/>getimbredon.
            <milestone type="Toronto" unit="record" n="1.60.21"/>
            <lb/>ðæt wille ic gecyþan, þæt þa ricu of nanes monnes mihtum
            <lb/>swa gecræftgade ne wurdon, ne for nanre wyrde 
            <lb/>buton from Godes gestihtunge.
            <milestone type="Toronto" unit="record" n="1.60.25"/>
            <lb/>Ealle stærwriteras secgað þæt Asiria rice æt Ninuse
            <lb/>begunne, &amp; Romana rice æt Procose begunne.
            <milestone type="Toronto" unit="record" n="1.60.26"/>
            <lb/>From ðæm ærestan geare Ninuses rices oðþæt Babylonia
            <lb/>burg getimbred wæs, wæron LXIIII wintra; eac of 
            <lb/>ðæm ilcan geare þe Procos ricsade in Italia wæron eac
            <lb/>swilce LXIIII wintra, ær mon Romeburg getimbrede.
            <milestone type="Toronto" unit="record" n="1.60.30"/>
            <lb/>þy ilcan geare þe Romana rice weaxan ongann ond miclian, on
            <lb/>Procos dæge þæs cyninges, þy ilcan geare 
            <lb/>gefeoll Babylonia &amp; eall Asiria rice &amp; hiora anwald, æfter
            <lb/>þæm ðe mon heora cyning ofslog Sardanopolum.
            <milestone type="Toronto" unit="record" n="1.60.33"/>
            <lb/> Siþþan hæfdon Caldei þa lond gebun on freodome, þe nihst
            <lb/>þære byrig wæron, 
            <pb n="62"/>
            <lb/>þeh þe Mæðe hæfden þone
            <lb/> anwald ofer hie, oðþæt Cirus, Persea cyning, ricsian
            <lb/>ongann, &amp; ealle Babylonia aweste, &amp; ealle Asirie 
            <lb/>&amp; ealle Mæþe on Persa anwald gedyde.
            <milestone type="Toronto" unit="record" n="1.62.3"/>
            <lb/>þæt þa swa gelomp, ðætte on þære ilcan tide þe
            <lb/>Babylonia ðiowdome onfeng from Ciruse ðæm cyninge, þætte 
            <lb/>Roma aliesed wearð of þeowdome þara unryhtwisestana
            <lb/>cyninga &amp; þara ofermodgestana, þe mon hæt 
            <lb/>Tarcuinie; &amp; ða ðæt eastrice in Asiria gefeoll, þa eac
            <lb/>þæt westrice in Roma aras.
            <milestone type="Toronto" unit="record" n="1.62.9"/>
            <lb/>Giet scæl ic, cwæð Orosius, monigfealdlecor sprecan wiþ
            <lb/>þa þe secgað þæt þa anwaldas sien of wyrda 
            <lb/>mægenum gewordene, nales of Godes gestihtunge, hu emnlice hit
            <lb/>gelomp ymb ðas tu heofodricu, Asiria 
            <lb/>&amp; Romana, swa swa we ær sægdon, þætte Ninus ricsade on
            <lb/>ðon eastrice LII wintra, &amp; æfter him his cwen
            <lb/>Sameramis XLII wintra, &amp; on middeweardum hire rice hio
            <lb/>getimbrede Babylonia þa burg.
            <milestone type="Toronto" unit="record" n="1.62.15"/>
            <lb/>From þæm geare þe heo getimbred wearð, wæs hire anwald M
            <lb/>wintra &amp; C &amp; LX &amp; folnæh feower, ær hio hiere 
            <lb/>anwaldes benumen wurde &amp; beswicen from Arbate hiere agnum
            <lb/>ealdormenn &amp; Meþa cyninge; þeh þe siðþan 
            <lb/>ymbe þa burg lytle hwile freodom wære buton onwalde,
            <lb/>swa we ær sægdon, from Caldei þæm leodum.
            <milestone type="Toronto" unit="record" n="1.62.19"/>
            <lb/>Swa eac swilce wearð Romeburg ymb M wintra &amp; C &amp; LX &amp; folneah
            <lb/>feower, þætte Alrica hiere ealdormon 
            <lb/>&amp; Gotona cyning hiere onwaldes hie beniman woldon; &amp; heo
            <lb/>hwæðere onwealg on hiere onwalde æfter þurhwunade.
            <milestone type="Toronto" unit="record" n="1.62.24"/>
            <lb/>þeh þe ægþer þissa burga þurh Godes diegelnessa þus
            <lb/>getacnod wurde: ærest Babylonia þurh hiere agenne 
            <lb/>ealdormon, þa he hiere cyning beswac; swa eac Roma, þa hi
            <lb/>hiere agen ealdormonn &amp; Gotona cyning 
            <lb/>hiere anwaldes beniman woldon, hit þeh God for heora
            <lb/>cristendome ne geþafode, naþer ne for heora caseras 
            <lb/>ne for heora selfra, ac hie nugiet ricsiende sindon
            <lb/>ægþer ge mid hiera cristendome ge mid hiora 
            <lb/>anwalde ge mid hiera caserum.
            <milestone type="Toronto" unit="record" n="1.62.32"/>
            <lb/>þis ic sprece nu for ðæm þe ic wolde þæt þa ongeaten,
            <lb/>þe þa tida ures cristendomes leahtriað, hwelc
            <lb/> mildsung siþþan wæs, siþþan se cristendom wæs; &amp; hu
            <lb/>monigfeald wolbærnes ðære worulde ær þæm wæs; 
            <lb/>&amp; eac þæt hie oncnewen hu 
            <pb n="64"/>
            <lb/>gelimplice ure God on þæm ærran
            <lb/>tidum þa anwaldas &amp; þa ricu sette, se ilca 
            <lb/>se þe giet settende is &amp; wendende ælce onwaldas &amp; ælc
            <lb/>rice to his willan.
            <milestone type="Toronto" unit="record" n="1.64.3"/>
            <lb/>Hu gelice onginn þa twa byrg hæfdon, &amp; hu gelice heora dagas
            <lb/>wæron, ægðer ge on <supplied resp="#TorontoCorpus">ðæm</supplied> gode ge on ðæm
            <lb/> yfele.
            <milestone type="Toronto" unit="record" n="1.64.5"/>
            <lb/>Ac hiora anwalda endas wæron swiþe ungelice; for þon þe
            <lb/>Babylonie mid monigfealdum unryhtum &amp; firenlustum 
            <lb/>mid heora cyninge buton ælcre hreowe libbende wæran,
            <lb/>þæt hie hit na gebetan noldan, ær þon hie 
            <lb/>God mid þæm mæstan bismere geeaðmedde, þa he hie
            <lb/>ægðres benam ge heora cyninges ge heora anwaldes; 
            <lb/>ac Romane mid hiora cristnan cyninge Gode þowiende wæron,
            <lb/>þætte he him for þæm ægþres geuþe, ge 
            <lb/>hiora cyninges ge heora anwaldes.
            <milestone type="Toronto" unit="record" n="1.64.13"/>
            <lb/>For þæm magan hiora spræce gemetgian þa þe þæs
            <lb/>cristendomes wiþerflitan sint, gif hie gemunan willað 
            <lb/>hiora ieldrena unclænnessa, &amp; heora wolgewinna, &amp; hiora
            <lb/>monigfealdan unsibbe, &amp; hiora unmiltsunge
            <lb/> þe hie to gode hæfdon, ge eac him selfum betweonum; ðæt
            <lb/>hie nane mildheortnesse þurhteon ne mehtan, 
            <lb/>ær þæm him seo bot of ðæm cristendome com, þe hie nu
            <lb/>swiþost tælað.
            <milestone type="Toronto" unit="record" n="2.64.20"/>
            <lb/>Ymb feower hunde wintra &amp; ymb feowertig þæs þe Troia Creca
            <lb/>burg awested wæs, wearð Romeburg getimbred 
            <lb/>from twam gebroðrum, Remuse &amp; Romuluse.
            <milestone type="Toronto" unit="record" n="2.64.22"/>
            <lb/>&amp; raðe æfter Romulus hiora anginn geunclænsade mid his
            <lb/>broðor slege, &amp; eac siþþan mid his hiwunge &amp;
            <lb/> his geferena: hwelce bisena he ðær stellende wæs, mid
            <lb/>þæm þe hie bædon Sabini þa burgware þætte hi
            <lb/> him geuðen hiora dohtra him to wifum to habbanne, &amp; hie him
            <lb/>þara bena forwierndon.
            <milestone type="Toronto" unit="record" n="2.64.27"/>
            <lb/>Hi swaþeah heora unðances mid swicdome hie begeaton, mid
            <lb/>þæm þe hie bædon þæt hie him fylstan mosten 
            <lb/>ðæt hie hiera godum þe ieð blotan mehten: þa hie him
            <lb/>þæs getygðedon, þa hæfdon hi him to wifum, &amp;
            <lb/> heora fæderum eft agiefan noldon.
            <milestone type="Toronto" unit="record" n="2.64.31"/>
            <lb/>Ymb þæt wearð þæt mæste gewinn monig gear, oð hie
            <lb/>fornæh mid ealle forslægene &amp; forwordene wæron on
            <lb/> ægþere healfe, þæt hie mid nanum þinge ne mehton
            <lb/>gesemede <choice><sic resp="#HC_OE_compilers">weroþan</sic><corr resp="#HC_XML_errata_corrections">weorþan</corr></choice>, ær þara Romana wif mid heora 
            <pb n="66"/>
            <lb/>cildum iernende wæron gemong ðæm gefeohtum, &amp; heora fæderum
            <lb/>wæron to fotum feallende, &amp; biddende þæt 
            <lb/>hie for þara cilda lufan þæs gewinnes sumne ende gedyden.
            <milestone type="Toronto" unit="record" n="2.66.3"/>
            <lb/>Swa weorðlice &amp; swa mildelice wæs Romeburg on fruman
            <lb/>gehalgod, mid broðor blode, &amp; mid sweora, &amp; mid 
            <lb/>Romuluses eame Numetores, þone he eac ofslog, ða he cyning
            <lb/>wæs, &amp; him self siþþan to ðæm rice feng.
            <milestone type="Toronto" unit="record" n="2.66.7"/>
            <lb/>þuss gebletsade Romulus Romana rice on fruman: mid his
            <lb/>broðor blode þone weall, &amp; mid þara sweora blode 
            <lb/>þa ciricean, &amp; mid his eames blode þæt rice.
            <milestone type="Toronto" unit="record" n="2.66.9"/>
            <lb/>Ond siþþan his agenne sweor to deaðe beswac, þa he hiene
            <lb/>to him aspon, &amp; him gehet ðæt he his rice 
            <lb/>wið hiene dælan wolde, &amp; hiene under ðæm ofslog.
            <milestone type="Toronto" unit="record" n="2.66.13"/>
            <lb/>He þa Romulus æfter þiosan underfeng Cirinensa gewinn þara
            <lb/>burgwarana, for þon þe he þagiet lytel landrice 
            <lb/>hæfde buton þære byrig anre, for þon þe Romulus &amp;
            <lb/>ealle Romware oþerum folcum unweorðe wæran, 
            <lb/>for þon ðe hie on cnihthade wæron oþerra manna
            <lb/>niedlingas.
            <milestone type="Toronto" unit="record" n="2.66.17"/>
            <lb/>þa hie ða hæfdon Cirinen þa burg ymbseten, &amp; ðær
            <lb/>micelne hungor þoliende wæron, þa gecwædan hie þæt 
            <lb/>him leofre wære þæt hie on ðæm iermþum heora lif
            <lb/>geendodon þonne hie ðæt gewinn forleten, oððe frið 
            <lb/>genamen.
            <milestone type="Toronto" unit="record" n="2.66.21"/>
            <lb/>Hie ðær þa winnende wæron oð hie þa burg abræcon, &amp;
            <lb/>æfter þæm wið þa londleode on ælce healfe 
            <lb/>unablinnendlice winnende wæron, oð hie ðærymbutan hæfdon
            <lb/>monega byrig begietena.
            <milestone type="Toronto" unit="record" n="2.66.25"/>
            <lb/>Ac þa cyningas þe æfter Romuluse ricsedon wæron forcuðran
            <lb/>&amp; eargran þonne he wære, &amp; þæm folcum laðran 
            <lb/>&amp; ungetæsran, oð þætte Tarcuinius, ðe we ær ymbe
            <lb/>sædon, þe hira <supplied resp="#TorontoCorpus">eallra</supplied> fracoþast wæs, ægþer ge
            <lb/> eargast, ge wrænast, ge ofermodgast, ealra þara Romana wif
            <lb/>ða þe he mehte he to <supplied resp="#TorontoCorpus">geligre</supplied> geniedde,
            <lb/> &amp; his suna geþafode þæt he læg mid Latinus wife,
            <lb/>Lucrettie hatte, <supplied resp="#TorontoCorpus">Brutuses</supplied> sweostor, <supplied resp="#TorontoCorpus">þa</supplied> heo on firde 
            <lb/>wæron, ðeh þe hie Romana bremuste wæron to ðæm
            <lb/>cyninge.
            <milestone type="Toronto" unit="record" n="2.66.32"/>
            <lb/>Heo ða Lucretie hi selfe for þæm acwealde.
            <milestone type="Toronto" unit="record" n="2.66.33"/>
            <lb/>ða þæt Latinus hiere wer geascade, &amp; Brutus hiere broðor,
            <lb/>þa forleton hie ða firde þe hie bewitan sceoldan, 
            <lb/>&amp; þa hie ham comon, þa adræfdon hie ægðer ge
            <lb/>þone cyning, ge his sunu, ge ealle þa þe þær 
            <pb n="68"/>
            <lb/>cynecynnes wæron of þy rice mid ealle.
            <milestone type="Toronto" unit="record" n="2.68.1"/>
            <lb/>Him ða Romane æfter þæm ladteowas gesetton, þe hie
            <lb/>consulas heton, þæt heora rice heolde an gear an
            <lb/> monn.
            <milestone type="Toronto" unit="record" n="3.68.4"/>
            <lb/>æfter þæm þe Romeburg getimbred wæs II hunde wintrum &amp;
            <lb/>IIII, þætte Brutus wæs se forma consul.
            <milestone type="Toronto" unit="record" n="3.68.5"/>
            <lb/>Romulus heora forma cyning &amp; Brutus heora forma consul wurdon
            <lb/>emnreðe.
            <milestone type="Toronto" unit="record" n="3.68.7"/>
            <lb/>Romulus slog his broðor, &amp; his eam, &amp; his sweor.
            <lb/>Brutus slog his V suna &amp; his wifes twegen broðor, for þon
            <lb/>þe hie spræcon ðæt hit betere wære þætte Romane 
            <lb/>eft heora cynecynne onfengen, swa hie ær hæfdon; for
            <lb/>þæm he hie het gebindan, &amp; beforan eallum 
            <lb/>þæm folce mid besman swingan, &amp; siþþan mid æxsum heora
            <lb/>heafda of aceorfan.
            <milestone type="Toronto" unit="record" n="3.68.13"/>
            <lb/>Tarcuinius <supplied resp="#TorontoCorpus">þa</supplied> , ðe ær Romana cyning wæs, aspon Tuscea
            <lb/>cyning him on fultum, Porsenna wæs haten, þæt
            <lb/> he ðe ieð mehte winnan wið Brutuse &amp; wið eallum Romanum.
            <milestone type="Toronto" unit="record" n="3.68.15"/>
            <lb/>He ða Brutus gecwæð anwig wið þone cyning ymb heora
            <lb/>feondscipe; ac him Tarcuinius oðerne ðegn ongean 
            <lb/>sende, Arrunses sunu ðæs ofermodgan, &amp; heora þær ægðer
            <lb/>oðerne ofslog.
            <milestone type="Toronto" unit="record" n="3.68.19"/>
            <lb/>æfter þæm Porsenna &amp; Tarcuinius þa cyningas ymbsæton
            <lb/>Romeburg, &amp; hie eac begeaton, þær Mutius nære,
            <lb/> an monn of ðære byrig: he hi mid his wordum geegsade.
            <milestone type="Toronto" unit="record" n="3.68.21"/>
            <lb/>ða hie hiene gefengon, ða pinedon hie hiene mid þæm þæt
            <lb/>hie his hand forbærndon, anne finger &amp; anne, 
            <lb/>&amp; hiene secgan heton, hu fela þæra manna wære þe wið
            <lb/>þæm cyninge Tarcuinie swiðost wiðsacen hæfde.
            <milestone type="Toronto" unit="record" n="3.68.25"/>
            <lb/>þa he ðæt secgean nolde, þa acsedon hie hine hu fela þær
            <lb/>swelcerra manna wære swelce he wæs.
            <milestone type="Toronto" unit="record" n="3.68.26"/>
            <lb/>þa sægde he him ðæt ðær fela þara monna <supplied resp="#TorontoCorpus">wære</supplied> , &amp;
            <lb/>eac gesworen hæfdon ðæt hie oþer forleosan woldon,
            <lb/> oþþe hira agen lif, oþþe Porsennes þæs cyninges.
            <milestone type="Toronto" unit="record" n="3.68.29"/>
            <lb/>þa þæt þa Porsenna gehierde, he ðæt setl &amp; þæt gewin
            <lb/>mid ealle forlet, þe he ær þreo winter dreogende wæs.
            <milestone type="Toronto" unit="record" n="4.68.32"/>
            <lb/>æfter þæm wæs þæt Sabinisce gewinn, &amp; him Romane þæt
            <pb n="70"/>
            <lb/>swiðe ondrædende wæron, &amp; him gesetton <supplied resp="#TorontoCorpus">hirran</supplied>
            <lb/> ladteow þonne hiera consul wære, þone ðe hie tictatores
            <lb/>heton, &amp; hie mid þæm tictatore micelne sige hæfdon.
            <milestone type="Toronto" unit="record" n="4.70.3"/>
            <lb/>æfter þæm Romane betux him selfum, þa rican menn &amp; þa
            <lb/>earmran, micel gewinn upahofon, &amp; him ðæt to 
            <lb/>longsumere wrace come, þær hie ðe raðor gesemed ne wurden.
            <milestone type="Toronto" unit="record" n="4.70.6"/>
            <lb/>On þæm dagum wæron þa mæstan ungetina on Romanum, ægðer
            <lb/>ge on hungre ge on moncwealme, under þæm twæm 
            <lb/>consulum, Tita &amp; Publia hatton.
            <milestone type="Toronto" unit="record" n="4.70.8"/>
            <lb/>&amp; hie heora gefeohta þa hwile hie gerestan, þeh hie þæs
            <lb/>hungres &amp; þæs moncwealmes ne mehte, ac þa monigfealdan 
            <lb/>iermþo þa werigan burg swiþe brociende wæran.
            <milestone type="Toronto" unit="record" n="4.70.12"/>
            <lb/>ær ðæm þe seo wol geendod wære, Ueigentes &amp; Etrusci þa
            <lb/>leode wið Romanum gewinn up ahofon, &amp; wið þæm 
            <lb/>twæm consulum, Marcuse &amp; Grease.
            <milestone type="Toronto" unit="record" n="4.70.14"/>
            <lb/>&amp; þa Romane him ongean foran, &amp; him betweonum aþas gesworan
            <lb/>þæt hiera nan nolde eft eard gesecan buton hie sige hæfden.
            <milestone type="Toronto" unit="record" n="4.70.16"/>
            <lb/>þær wæron Romane swa swiþe forslægene, þeh hie sige
            <lb/>hæfden, þæt heora an consul þe him to <supplied resp="#TorontoCorpus">lafe</supplied> wearð 
            <lb/>forsoc þone triumhpan, þe him mon ongean brohte þa he
            <lb/>hamweard wæs, &amp; sæde þæt hie hæfden bet <supplied resp="#TorontoCorpus">gewyrht</supplied> 
            <lb/>þæt him mon mid heafe ongean come þonne mid
            <lb/>triumphan.
            <milestone type="Toronto" unit="record" n="4.70.22"/>
            <lb/>þæt hie triumphan heton, þæt wæs þonne hie hwelc folc
            <lb/>mid gefeohte ofercumen hæfdon, þonne wæs heora 
            <lb/>þeaw þæt sceoldon ealle hiera senatus cuman ongean heora
            <lb/>consulas æfter þæm gefeohte, siex mila from 
            <lb/>ðære byrig, mid crætwæne, mid golde &amp; mid gimstanum
            <lb/>gefrætwedum, &amp; hie sceoldon bringan feowerfetes 
            <lb/>twa hwit.
            <milestone type="Toronto" unit="record" n="4.70.27"/>
            <lb/>þonne hie hamweard foran, þonne sceoldon hiera senatus ridan
            <lb/>on crætwænum wiðæftan þæm consulum, &amp; 
            <lb/>þa menn beforan him drifan gebundene þe þær gefongene
            <lb/>wæron, ðæt heora mærþa sceoldon þy þrymlicran
            <lb/> beon.
            <milestone type="Toronto" unit="record" n="4.70.31"/>
            <lb/>Ac þonne hie hwelc folc buton gefeohte on heora geweald
            <lb/>genieddon, þonne hie hamweard wæron, þonne 
            <lb/>sceolde him man bringan ongean of þære byrig crætwæn, se
            <lb/>wæs mid siolfre gegiered, &amp; ælces cynnes feowerfetes 
            <lb/>feos an, hiora consulum to mærþe.
            <milestone type="Toronto" unit="record" n="4.70.35"/>
            <lb/>þæt wæs þonne triumpheum.
            <milestone type="Toronto" unit="record" n="4.70.36"/>
            <lb/>Romulus gesette ærest monna senatum: ðæt wæs, an hund
            <pb n="72"/>
            <lb/>monna, þeh heora æfter fyrste wære þreo hund.
            <milestone type="Toronto" unit="record" n="4.72.1"/>
            <lb/>þa wæron simbel binnan Romebyrg wuniende, to þon þæt hie
            <lb/>heora rædþeahteras wæron, &amp; consulas setton, 
            <lb/>&amp; þæt ealle Romane him hirsumeden, &amp; þæt hie bewisten
            <lb/>eal þæt licgende feoh under anum hrofe þæt
            <lb/> hie begeaton oþþe on gafole oþþe on hergiunga, þæt hie
            <lb/>hit siþþan mehten him eallum gemænelice to 
            <lb/>nytte gedon, þæm þe þær buton þeowdome wæron.
            <milestone type="Toronto" unit="record" n="4.72.8"/>
            <lb/>þa consulas þe on ðæm dagum þæt Sabinisce gewinn
            <lb/>underfengon, þe mon het eall hiera cynn Fabiane, for 
            <lb/>þon hit ealra Romana ænlicost wæs &amp; cræftegast.
            <milestone type="Toronto" unit="record" n="4.72.10"/>
            <lb/>Nu giet todæge hit is on leoðum sungen hwelcne demm hie
            <lb/>Romanum gefeollan.
            <milestone type="Toronto" unit="record" n="4.72.12"/>
            <lb/>Eac þæm monega ea sindon be noman nemnede for þæm
            <lb/>gefeohte, &amp; eac þa geata <supplied resp="#TorontoCorpus">þe</supplied> hie ut of Romebyrig 
            <lb/>to þæm gefeohte ferdon him mon ascop þa noman þe hie giet
            <lb/>habbað.
            <milestone type="Toronto" unit="record" n="4.72.15"/>
            <lb/>æfter þæm Romane curon III hund cempena &amp; siex, þæt
            <lb/>sceolde to anwige gangan wið swa fela Sabina, &amp;
            <lb/> getruwedon þæt hie mid hiera cræftum sceolden sige
            <lb/>gefeohtan.
            <milestone type="Toronto" unit="record" n="4.72.17"/>
            <lb/>Ac Sabini mid heora searwum hie ealle þær ofslogon buton
            <lb/>anum, se þæt laðspel æt ham gebodade.
            <milestone type="Toronto" unit="record" n="4.72.19"/>
            <lb/>Næs na on Romanum anum, ac swa hit an scopleoðum sungen is
            <lb/>þæt gind ealne middangeard wære caru &amp; gewin &amp; ege.
            <milestone type="Toronto" unit="record" n="4.72.22"/>
            <lb/>Cirus, Persa cyning, þe we ær beforan sægdon, þa hwile ðe
            <lb/>Sabini &amp; Romane wunnon on þæm westdæle, þa 
            <lb/>hwile wonn he ægþer ge on Sciþþie ge on Indie, oþ he
            <lb/>hæfde mæst ealne þone eastdæl awest; &amp; æfter
            <lb/> ðæm fird gelædde to Babylonia, þe þa welegre wæs þonne
            <lb/>ænigu oþeru burg.
            <milestone type="Toronto" unit="record" n="4.72.26"/>
            <lb/>Ac hiene Gandes seo <supplied resp="#TorontoCorpus">ea</supplied> þæs oferfæreldes longe gelette,
            <lb/>for þæm þe þær scipa næron: þæt is ealra ferscra 
            <lb/>wætera mæst buton Eufrate.
            <milestone type="Toronto" unit="record" n="4.72.28"/>
            <lb/>þa gebeotode an his ðegna þæt he mid sunde þa ea
            <lb/>oferfaran wolde, mid twam tyncenum; ac hiene se stream fordraf.
            <milestone type="Toronto" unit="record" n="4.72.30"/>
            <lb/>ða gebeotode Cirus ðæt he his ðegn on hire swa gewrecan
            <lb/>wolde, þa he swa grom wearð on his mode &amp; wiþ 
            <lb/>þa ea gebolgen, þæt hie mehte wifmon be hiere cneowe
            <lb/>oferwadan, þær heo ær wæs nigon mila brad þonne 
            <lb/>heo fledu wæs.
            <milestone type="Toronto" unit="record" n="4.72.34"/>
            <lb/>He þæt mid dædum 
            <pb n="74"/>
            <lb/>gelæste, &amp; hie upp forlet an feower hund
            <lb/>ea &amp; on LX, &amp; siþþan mid his firde þær ofer for.
            <milestone type="Toronto" unit="record" n="4.74.2"/>
            <lb/>&amp; æfter þæm Eufrate þa ea, seo is mæst eallra ferscra
            <lb/>wætera, &amp; is irnende þurh middewearde Babylonia 
            <lb/>burg, he hie eac mid gedelfe on monige ea upp forlet, &amp;
            <lb/>siþþan mid eallum his folce on ðære ea gong 
            <lb/>on þa burg færende wæs, &amp; hie gerahte.
            <milestone type="Toronto" unit="record" n="4.74.7"/>
            <lb/>Swa ungeliefedlic is ænigum menn þæt to gesecgenne, hu
            <lb/>ænig mon mehte swelce burg gewyrcan swelce sio 
            <lb/>wæs, oðþe eft abrecan.
            <milestone type="Toronto" unit="record" n="4.74.9"/>
            <lb/>Membrað se ent angan ærest timbran Babylonia, &amp; Ninus se
            <lb/>cyning æfter him; &amp; Sameramis his cwen hie
            <lb/> geendade æfter him on middeweardum hiere rice.
            <milestone type="Toronto" unit="record" n="4.74.11"/>
            <lb/>Seo burg wæs getimbred an fildum lande &amp; on swiþe emnum, &amp;
            <lb/>heo wæs swiþe fæger an to locianne; &amp; heo 
            <lb/>is swiþe ryhte feowerscyte; &amp; þæs wealles micelness &amp;
            <lb/>fæstness is ungeliefedlic to secgenne: þæt 
            <lb/>is, þæt he is L elna brad, &amp; II hund elna heah, &amp; his
            <lb/>ymbgong is hundseofontig mila &amp; seofeða dæl anre 
            <lb/>mile, &amp; he is geworht of tigelan &amp; of eorðtyrewan, &amp;
            <lb/>ymbutan þone weall is se mæsta dic, on þæm
            <lb/> is iernende se ungefoglecesta stream; &amp; wiðutan þæm dice
            <lb/>is geworht twegea elna heah weall, &amp; bufan 
            <lb/>ðæm maran wealle ofer ealne þone ymbgong he is mid
            <lb/>stænenum wighusum beworht.
            <milestone type="Toronto" unit="record" n="4.74.22"/>
            <lb/>Seo ilce burg Babylonia, seo ðe mæst wæs &amp; ærest ealra
            <lb/>burga, seo is nu læst &amp; westast.
            <milestone type="Toronto" unit="record" n="4.74.23"/>
            <lb/>Nu seo burg swelc is, þe ær wæs ealra weorca fæstast &amp;
            <lb/>wunderlecast &amp; mærast, gelice &amp; heo wære to 
            <lb/>bisene asteald eallum middangearde, &amp; eac swelce heo self
            <lb/>sprecende sie to eallum moncynne, &amp; cweþe: 
            <lb/>Nu ic þuss gehroren eam &amp; aweg gewiten, hwæt, ge magan on
            <lb/>me ongietan &amp; oncnawan þæt ge nanuht mid 
            <lb/>eow nabbað fæstes ne stronges þætte þurhwunigean mæge.
            <milestone type="Toronto" unit="record" n="4.74.29"/>
            <lb/>On ðæm dagum þe Cirus Persa cyning Babylonia abræc, ða
            <lb/>wæs Croesus se liþa cyning mid firde gefaren
            <lb/> Babylonium to fultume; ac þa he wiste þæt hie him on nanum
            <lb/>fultome beon ne mæhte, &amp; þæt seo burg abrocen 
            <lb/>wæs, he him hamweard ferde to his agnum rice.
            <milestone type="Toronto" unit="record" n="4.74.33"/>
            <lb/>&amp; him Cirus wæs æfterfylgende, oþ he hiene gefeng, &amp;
            <lb/>ofslog.
            <milestone type="Toronto" unit="record" n="4.74.34"/>
            <lb/>Ond nu ure Cristne Roma bespricð þæt hiere <supplied resp="#TorontoCorpus">weallas</supplied> for
            <lb/>ealdunge brosnien, nales na for þæm þe hio 
            <lb/>mid forheriunge swa gebismrad wære swa Babylonia 
            <pb n="76"/>
            <lb/>wæs; ac heo
            <lb/>for hiere cristendome nugiet is gescild, 
            <lb/>ðæt ægþer ge hio self ge hiere anweald is ma hreosende
            <lb/>for ealddome þonne of æniges cyninges niede.
            <milestone type="Toronto" unit="record" n="4.76.4"/>
            <lb/>æfter þæm Cirus gelædde fird on Sciþþie, &amp; him ðær an
            <lb/>giong cyning mid firde ongean for, &amp; his modor mid him Damaris.
            <milestone type="Toronto" unit="record" n="4.76.6"/>
            <lb/>þa Cirus for ofer þæt londgemære, ofer þa ea þe hatte
            <lb/>Araxis, him þær se gionga cyning þæs oferfæreldes 
            <lb/>forwiernan mehte; ac he for þæm nolde þy he mid his
            <lb/>folce getruwade ðæt he hiene beswican mehte, 
            <lb/>siþþan he binnan ðæm gemære wære, &amp; wicstowa name.
            <milestone type="Toronto" unit="record" n="4.76.10"/>
            <lb/>Ac þa Cirus geahsade þæt hiene se gionga cyning þær
            <lb/>secean wolde, &amp; eac þæt þæm folce seldsiene &amp; uncuðe 
            <lb/>wæron wines dryncas, he for þæm of ðære wicstowe
            <lb/>afor on ane digle stowe, &amp; þær beæftan forlet 
            <lb/>eall þæt þær liðes wæs &amp; swetes; þæt þa se gionga
            <lb/>cyning swiðor micle wenende wæs þæt hie þonon fleonde 
            <lb/>wæren þonne hie ænigne swicdom cyþan dorsten.
            <milestone type="Toronto" unit="record" n="4.76.16"/>
            <lb/>þa hie hit þær swa æmenne metton, hie ðær þa mid
            <lb/>micelre bliðnesse buton gemetgunge þæt win drincende 
            <lb/>wæron, oð hi heora selfra lytel geweald hæfdon.
            <milestone type="Toronto" unit="record" n="4.76.19"/>
            <lb/>He þa Cirus hie þær besyrede &amp; mid ealle ofslog; &amp; siþþan
            <lb/>wæs farende þær ðæs cyninges modor mid þæm 
            <lb/>twæm dælum þæs folces wuniende wæs, þa he þone
            <lb/>ðriddan dæl mid ðæm cyninge beswicen hæfde.
            <milestone type="Toronto" unit="record" n="4.76.22"/>
            <lb/>Hio þa seo cwen Dameris mid micelre gnornunge ymb þæs
            <lb/>cyninges slege hiere suna þencende wæs, hu heo 
            <lb/>hit gewrecan mehte; &amp; þæt eac mid dædum gelæste, &amp; hier
            <lb/>folc on tu todælde, ægþer ge wifmen ge wæpnedmen, 
            <lb/>for þon þe þær wifmenn feohtað swa same swa
            <lb/>wæpnedmen.
            <milestone type="Toronto" unit="record" n="4.76.27"/>
            <lb/>Hio mid þæm healfan dæle beforan þæm cyninge farende
            <lb/>wæs, swelce heo fleonde wære, oð hio hiene gelædde 
            <lb/>on an micel slæd, &amp; se healfa dæl wæs Ciruse
            <lb/>æfterfylgende.
            <milestone type="Toronto" unit="record" n="4.76.30"/>
            <lb/>þær wearþ Cirus ofslægen, &amp; twa þusend monna mid him.
            <milestone type="Toronto" unit="record" n="4.76.31"/>
            <lb/>Seo cwen het þa ðæm cyninge þæt heafod of aceorfan, &amp;
            <lb/>beweorpan on anne cylle, se wæs afylled monnes 
            <lb/>blodes, &amp; þus cwæð: þu þe þyrstende wære monnes
            <lb/>blodes XXX wintra, drync nu þine fylle.
            <pb n="78"/>
            <milestone type="Toronto" unit="record" n="5.78.1"/>
            <lb/>æfter þæm þe Romeburg getimbred wæs twa hunde wintra &amp;
            <lb/>IIIIX, þætte <supplied resp="#TorontoCorpus">Cambisis</supplied> feng to Persa rice, Ciruses 
            <lb/>sunu, se, mid þon þe he Egypte oferwon, gedyde þæt
            <lb/>nan hæþen cyning ær gedon ne dorste, þæt 
            <lb/>wæs þæt he heora godgieldum eallum wiðsoc, &amp; hie æfter
            <lb/>þæm mid ealle towearp.
            <milestone type="Toronto" unit="record" n="5.78.6"/>
            <lb/>æfter him ricsade Darius, se awende ealle Asirię &amp; Caldei
            <lb/>eft to Perseum, þe ær from him gebogene wæron.
            <milestone type="Toronto" unit="record" n="5.78.7"/>
            <lb/>æfter þæm he wonn on Sciþþie, ægþer ge for Ciruses
            <lb/>slege þæs cyninges, his mæges, ge eac for þæm þe
            <lb/> him <supplied resp="#TorontoCorpus">mon</supplied> ðær wifes forwiernde.
            <milestone type="Toronto" unit="record" n="5.78.10"/>
            <lb/> His heres wæs seofon hund þusenda, þa he on Sciðþie for.
            <milestone type="Toronto" unit="record" n="5.78.11"/>
            <lb/>Hwæþere ða Sciþþie noldon hiene gesecan to folcgefeohte,
            <lb/>ac þonne hie gind þæt lond tofarene wæron,
            <lb/> hie þonne hie floccmælum slogan.
            <milestone type="Toronto" unit="record" n="5.78.13"/>
            <lb/>þa wæron ða Perse mid þæm swiþe geegsade, &amp; eac ondredon
            <lb/>þæt mon þa brycge forwyrcan wolde þe æt þæm 
            <lb/>gemære wæs, þæt hie siþþan nysten hu hie þonan comen.
            <milestone type="Toronto" unit="record" n="5.78.16"/>
            <lb/>He þa se cyning, æfter ðæm þe his folc swiþe forslægen
            <lb/>wæs, þær forlet hundeahtatig þusenda beæftan
            <lb/> him, þæt hie ðær þagiet leng winnan sceoldon, &amp; he self
            <lb/>þonan gewat on þa læssan Asiam, &amp; hie forhergeade; 
            <lb/>&amp; siþþan on Mæcedoniam, &amp; on Ionas Creca leode, &amp; 
            <lb/>þa hie butu oferhergeade; &amp; for siððan firr 
            <lb/>an Crecas, &amp; gewin upp ahof wið Athenienses, for þæm
            <lb/>hie Mæcedoniam on fultume wæron.
            <milestone type="Toronto" unit="record" n="5.78.22"/>
            <lb/>Sona swa Atheniense <supplied resp="#TorontoCorpus">wiston</supplied> þæt Darius hie mid gefeohte
            <lb/>secan wolde, hie acuron endlefan þusend monna, 
            <lb/>&amp; him ongean foran, &amp; þone cyning æt ðære dune metton
            <lb/>þe mon hætt <supplied resp="#TorontoCorpus">Morotthonie</supplied> .
            <milestone type="Toronto" unit="record" n="5.78.26"/>
            <lb/>Heora ladteow wæs haten Htesseus; se wæs mid his dædum
            <lb/>snelra þonne he mægenes hæfde; se geworhte micelne 
            <lb/>dom on ðæm gefeohte.
            <milestone type="Toronto" unit="record" n="5.78.28"/>
            <lb/>þa wearð tu hund þusenda Persea ofslægen, &amp; þa oþre
            <lb/>gefliemed.
            <milestone type="Toronto" unit="record" n="5.78.29"/>
            <lb/>Ða he eft hæfde fird gegaderod on Perseum, &amp; þæt wrecan
            <lb/>þohte, þa gefor he.</p>
        </div>
        <div type="sample" n="sample2">
          <lb/><note resp="#HC_OE_compilers">B9.2.4</note>
          <pb n="102"/>
          <p><milestone type="Toronto" unit="record" n="3.102.1"/>
            <lb/>æfter þæm þe Romeburg getimbred wæs III hund wintra &amp;
            <lb/>LXXXIII, þa þa Laucius, þe oþre noman wæs haten 
            <lb/>Genutius, &amp; Quintus, þe oþre noman wæs haten Serfilius,
            <lb/>ða hie wæron consulas on Rome, gewearð se 
            <lb/>micla moncwealm on þæm londe: na, swa hit gewuna is, of
            <lb/>untidlican gewideran, þæt is, of wætum sumerum, 
            <lb/>&amp; of drygum wintrum, &amp; of reðre lenctenhæte, &amp; mid
            <lb/>ungemætre hærfestwætan &amp; æfterhæþan; ac an 
            <lb/>wind com of Calabria wealde, &amp; se wol mid þæm winde.
            <milestone type="Toronto" unit="record" n="3.102.8"/>
            <lb/>þes moncwealm wæs on Romanum full II gear ofer ealle menn
            <lb/>gelice, þeh þe sume deade wæron, sume uneaþe 
            <lb/>gedrycnede aweg coman; oþ þæt heora biscepas sædon
            <lb/>þæt heora godas bædon þæt him man worhte anfiteatra, 
            <lb/>þæt mon mehte þone hæðeniscan plegan þærinne
            <lb/>don, &amp; hiora diofolgield, þæt wæron openlice 
            <lb/>ealle unclænnessa.
            <milestone type="Toronto" unit="record" n="3.102.14"/>
            <lb/>Her <supplied resp="#TorontoCorpus">me</supplied> magon nu, cwæð Orosius, þa geondwyrdon þe þæs
            <lb/>cristendomes wiðerflitan sint, hu heora godas
            <lb/> þurh heora blotunge &amp; þurh hiera diofolgield þæs
            <lb/>monncwealmes gehulpon, buton þæt hie ne angeatan 
            <lb/>mid hwelcum scinncræfte &amp; mid hwelcum lotwrence hit deofla
            <lb/>dydon, næs na se soða God, ðæt hie mid þy 
            <lb/>yfele þa menn swenctan, to ðon þæt hie geliefdon heora
            <lb/>ofrunga &amp; heora deofolgieldum, &amp; þæt hie þonan 
            <lb/>mosten to þæm sawlum becuman, &amp; þæt hie <supplied resp="#TorontoCorpus">hie</supplied>
            <lb/>mosten tawian mid þære mæstan bismrunge æt heora 
            <lb/>anfiteatra.
            <milestone type="Toronto" unit="record" n="3.102.22"/>
            <lb/>þa wæron unarimede, &amp; me nu monigfeald to secganne, for þon
            <lb/>þu, fæder Agustinus, hie hæfst on þinum
            <lb/> bocum sweotole gesæd; &amp; ic gehwam wille þærto tæcan þe
            <lb/>hiene his lyst ma to witanne.
            <milestone type="Toronto" unit="record" n="3.102.26"/>
            <lb/>æfter þeosan on þæm ilcan geare tohlad seo eorþe binnan
            <lb/>Romebyrig.
            <milestone type="Toronto" unit="record" n="3.102.27"/>
            <lb/>þa sædon heora biscepas eft þæt heora godas bædan þæt
            <lb/>him mon sealde ænne cucne mon, þa him þuhte þæt 
            <lb/>heo heora deadra to lyt hæfden.
            <milestone type="Toronto" unit="record" n="3.102.29"/>
            <lb/>&amp; seo eorþe swa giniende bad, oþ þæt Marcus, þe oþre
            <lb/>noman hatte Curtius, mid horse &amp; mid wæpnum þæroninnan 
            <lb/>besceat; &amp; hio siþþan togædre behlad.
            <pb n="104"/>
            <milestone type="Toronto" unit="record" n="4.104.1"/>
            <lb/>æfter þæm þe Romeburg getimbred wæs III hund wintra &amp;
            <lb/>LXXXVIII, þætte Gallie oferhergedan Romana lond 
            <lb/>oð IIII mila to ðære byrig, &amp; þa burg mehton eaðe
            <lb/>begitan gif hie þær ne gewicadon; for þon Romane 
            <lb/>wæron swa forhte &amp; swa æmode, þæt hie ne wendon þæt
            <lb/>hie þa burg bewerian mehton.
            <milestone type="Toronto" unit="record" n="4.104.5"/>
            <lb/>Ac þæs on morgenne Titus heora ladteow, þe oðre noman wæs
            <lb/>haten Quintius, hie mid firde gesohte.
            <milestone type="Toronto" unit="record" n="4.104.7"/>
            <lb/>þær gefeaht Mallius anwig, þe oðre noman wæs haten
            <lb/>Tarcwatus, wið anne Galliscne monn, &amp; hiene ofslog; 
            <lb/>&amp; Titus Cuintius þa oðre sume gefliemde sume ofslog.
            <milestone type="Toronto" unit="record" n="4.104.10"/>
            <lb/>Be þæm mon mehte ongietan hwæt ðær ofslagen wæs, þa
            <lb/>heora fela ðusenda gefongen wæs.
            <milestone type="Toronto" unit="record" n="5.104.12"/>
            <lb/>æfter þæm þe Romeburg getimbred wæs IIII hunde wintra &amp;
            <lb/>II, ðætte Cartaina þære burge ærendracan comon 
            <lb/>to Rome, &amp; him gebudon þæt hie frið him betweonum
            <lb/>hæfden, for þon <supplied resp="#TorontoCorpus">hie on an</supplied> <note resp="#HC_OE_compilers">FOR THE EMENDATION MS. 
              <lb/>READS he nan</note> land þa winnende wæron, 
            <lb/>þæt wæs on Benefente.
            <milestone type="Toronto" unit="record" n="5.104.15"/>
            <lb/>Mid þæm þe þa ærendracan to Rome comon, þa com eac mid
            <lb/>him seo ofermæte heardsælnesse &amp; monegra ðeoda 
            <lb/>iermþa, seo longe æfter þæm weaxende wæs, swa hit
            <lb/>heofones tungul on þæm tidun cyþende wæron, þæt 
            <lb/>hit wæs niht oð midne dæg, &amp; on sumre tide hit hagalade
            <lb/>stanum ofer ealle Romane.
            <milestone type="Toronto" unit="record" n="5.104.21"/>
            <lb/>On þæm dagum wæs Alexander geboren on Crecum swa swa an
            <lb/>micel yst come ofer ealne middangeard.
            <milestone type="Toronto" unit="record" n="5.104.22"/>
            <lb/>&amp; Ocus, Persa cyning, þone mon oþere noman het Artecsersis,
            <lb/>æfter þæm þe he Egyptum forhergede, he 
            <lb/>gefor siþþan on Iudana lond, &amp; hiera fela forhergeade;
            <lb/>siþþan on Ircaniam þæm londe he heora <supplied resp="#TorontoCorpus">swiðe</supplied>
            <lb/> fela gesette wið þone sæ þe mon Caspia hætt, &amp; hie þær
            <lb/>gesetene sint giet oð þisne dæg mid bradum 
            <lb/>folcum, on ðæm tohopan þæt hie sume siðe God þonan ado
            <lb/>to heora agnum lande.
            <milestone type="Toronto" unit="record" n="5.104.29"/>
            <lb/>Siþþan Artecsersis abræc Sidonem, Fenitia burg, seo wæs
            <lb/>þa welegast on ðæm dagum.
            <pb n="106"/>
            <milestone type="Toronto" unit="record" n="5.106.1"/>
            <lb/>æfter þæm Romane angunnan þæt Somniticum gewinn ymbe
            <lb/>Campena land.
            <milestone type="Toronto" unit="record" n="5.106.2"/>
            <lb/>Hie þa longe &amp; oftrædlice ymb þæt fuhton on hweorfendum
            <lb/>sigum.
            <milestone type="Toronto" unit="record" n="5.106.3"/>
            <lb/>þa getugon Somnite him on fultum Pirrusan Epira cyning, þone
            <lb/>mæstan feond Romanum.
            <milestone type="Toronto" unit="record" n="5.106.4"/>
            <lb/>þæt gewinn wearð hwæðre sume hwile gestilled, for þon
            <lb/>Punici wið Romane winnan angunnan.
            <milestone type="Toronto" unit="record" n="5.106.7"/>
            <lb/>Siþþan þæt gewin angunnen wæs, gif ænig mon sie, cwæð
            <lb/>Orosius, þe on gewritun findan mæge þæt Ianas
            <lb/> dura siþþan belocen wurde buton anum geare, &amp; þæt wæs
            <lb/>for þæm þe Romane eallne þone gear an monncwealme 
            <lb/>lægan, ær eft Octauianus dæge þæs caseres.
            <milestone type="Toronto" unit="record" n="5.106.11"/>
            <lb/>þæt hus hæfdon Romane to ðæm anum tacne geworht þæt on
            <lb/>swelce healfe swelce hie þonne winnende beon
            <lb/> woldan, swa suþ, swa norþ, swa east, swa west, þonne
            <lb/>andydan hie þa duru þe on þa healfe open wæs,
            <lb/> þæt hie be þæm wiston hwider hie sceoldon.
            <milestone type="Toronto" unit="record" n="5.106.15"/>
            <lb/>&amp; mið þæm þe hie þara dura hwelce opene gesawon, þonne
            <lb/>tugon hie heora hrægl bufan cneow, &amp; giredon
            <lb/> hie to wige; &amp; be þæm wiston þæt hie wið sum folc frið
            <lb/>ne hæfdon.
            <milestone type="Toronto" unit="record" n="5.106.18"/>
            <lb/>&amp; þonne hie frið hæfdon, þonne wæron ealle þa dura
            <lb/>betyneda, &amp; hie leton hiera hrægl ofdune to fotum.
            <milestone type="Toronto" unit="record" n="5.106.20"/>
            <lb/>Ac þa þa Octauianus se casere to rice feng, þa wurdon Ianas
            <lb/>dura betyneda, &amp; wearð sibb &amp; friþ ofer
            <lb/> ealne middangeard.
            <milestone type="Toronto" unit="record" n="5.106.22"/>
            <lb/>æfter þæm þe Perse frið genaman wið Romanum siþþan
            <lb/>gelicade eallum folcum þæt hie Romanum underþieded 
            <lb/>wære, &amp; hiora æ to behealdanne; &amp; swa swiþe þone frið
            <lb/>lufedon þæt him leofre wæs þæt hie Romanisce 
            <lb/>cyningas hæfden þonne of heora agnum cynne.
            <milestone type="Toronto" unit="record" n="5.106.26"/>
            <lb/>On þæm wæs sweotole getacnod þæt nan eorþlic man ne
            <lb/>mehte swelce lufe &amp; swelce sibbe ofer eallne middangeard 
            <lb/>gedon swelce þa wæs, ac heo for þæm wæs þe
            <lb/>Crist on þæm dagum geboren wæs, þe sibb is heofonwara 
            <lb/>&amp; eorðwara.
            <milestone type="Toronto" unit="record" n="5.106.30"/>
            <lb/>þæt eac Octauianus sweotole getacnade, þa þa Romane him
            <lb/>woldon ofrian swa heora gewuna wæs, &amp; sædon
            <lb/> þæt sio sibb of his mihte wære; ac he ægðer fleah ge þa
            <lb/>dæd ge þa sægene, &amp; eac self sæde þæt seo 
            <lb/>dæd his nære, ne eac beon ne mehte nanes eorðlices monnes,
            <lb/>þætte ealre worolde 
            <pb n="108"/>
            <lb/>swelce sibbe bringan
            <lb/> mehte, þætte twa þeoda ær habban ne mehton, ne, ðætte
            <lb/>læsse wæs, twa gemægþa.
            <milestone type="Toronto" unit="record" n="6.108.3"/>
            <lb/>æfter þæm þe Romeburg getimbred wæs IIII hunde wintrum &amp;
            <lb/>VIII, gewearð þætte Romane &amp; Latine wunnon.
            <milestone type="Toronto" unit="record" n="6.108.4"/>
            <lb/>On þæm forman gefeohte wearð Romane consul ofslagen
            <lb/>Mallius, þe oðre noman wæs haten Tarcuatus.
            <milestone type="Toronto" unit="record" n="6.108.6"/>
            <lb/>&amp; heora oþer consul, þe mon Detius hett, &amp; oðre noman Mure,
            <lb/>his agenne sunu <note resp="#HC_OE_compilers">TORONTO CORPUS: sunn</note> ofslog, for þon he
            <lb/>oferbræc heora gecwedrædenne, þæt wæs þæt <supplied resp="#TorontoCorpus">hie</supplied> 
            <lb/>hæfdon gecweden þæt hie ealle emlice on Latine tengden.
            <milestone type="Toronto" unit="record" n="6.108.9"/>
            <lb/>Ac þær an ut asceat of Latina weorode, &amp; anwiges bæd, &amp; him
            <lb/>ðæs consules sunu ongean com, &amp; hiene þær ofslog.
            <milestone type="Toronto" unit="record" n="6.108.11"/>
            <lb/>For þæm gylte hiene eft hett his fæder ofslean.
            <milestone type="Toronto" unit="record" n="6.108.12"/>
            <lb/>For þæm slege noldan Romane brengan þæm consule þone
            <lb/>triumphan, þe heora gewuna wæs, þeh he sige hæfde.
            <milestone type="Toronto" unit="record" n="6.108.15"/>
            <lb/>On ðæm æfterran geare þæs, Minutia hatte an wifmon, þe
            <lb/>on heora wisan sceolde nunne beon.
            <milestone type="Toronto" unit="record" n="6.108.16"/>
            <lb/>Seo hæfde gehaten heora gydenne Dianan þæt heo wolde hiere
            <lb/>lif on fæmnhade alibban.
            <milestone type="Toronto" unit="record" n="6.108.18"/>
            <lb/>þa forlæg heo hie <supplied resp="#TorontoCorpus">sona</supplied> .
            <lb/>Hie þa Romane for þæm gylte þe heo hiere beot aleag, swa
            <lb/>cuce on eorþan bedulfan, &amp; nugiet to dæge 
            <lb/>þæm gylte to tacne mon hætt ðæt lond Manfeld þær hie
            <lb/>mon byrgde.
            <milestone type="Toronto" unit="record" n="6.108.22"/>
            <lb/>Raþe æfter þæm on þara twegea consula dæge, Claudius,
            <lb/>þe oðre noman hatte Marcellus, &amp; Ualerius, þe
            <lb/> oðre noman hatte Flaccus, þa gewearð hit, þeh hit me
            <lb/>scondlic sie, cwæð Orosius, þætte sume Romana
            <lb/> wif on swelcum scinlace wurdon, &amp; on swelcum wodan dreame,
            <lb/>þæt hie woldon ælcne mon, ge wif ge wæpned, 
            <lb/>þara þe hie mehton, mid atre acwellan, &amp; hit on mete
            <lb/>oþþe on drynce to geþicgenne gesellan.
            <milestone type="Toronto" unit="record" n="6.108.28"/>
            <lb/>&amp; þæt longe donde wæron ær þæt folc wiste hwonan þæt
            <lb/>yfel come, buton þæt hie sædon þæt hit ufane of 
            <lb/>ðære lyfte come, ær þon hit þurh ænne þeowne mon
            <lb/>geypped wearð.
            <milestone type="Toronto" unit="record" n="6.108.31"/>
            <lb/>þa wæron ealle þa wif beforan Romana witan gelaðede; þara
            <lb/>wæs III hund &amp; hundeahtatig.
            <pb n="110"/>
            <milestone type="Toronto" unit="record" n="6.110.1"/>
            <lb/><supplied resp="#TorontoCorpus">&amp;</supplied> þær wæron geniedde þæt hie þæt ilce þigedan
            <lb/>þæt hie ær oþrum sealdon, þæt hie þærryhte deade 
            <lb/>wæron beforan eallum þæm monnum.
            <milestone type="Toronto" unit="record" n="7.110.4"/>
            <lb/>æfter þæm þe Romeburg getimbred wæs IIII hund wintra &amp;
            <lb/>XXII, Alexander, Epirotarum cyning, þæs maran 
            <lb/>Alexandres eam, he mid eallum his mægene wið Romane winnan
            <lb/>angan, &amp; æt Somnite gemære &amp; Romana gesæt, 
            <lb/>&amp; þa nihstan landleode on ægþere healfe him on fultum
            <lb/>geteah, oþ Somnite him gefuhton wið, &amp; þone cyning ofslogon.
            <milestone type="Toronto" unit="record" n="7.110.9"/>
            <lb/>Nu ic þyses Alexandres her gemyndgade, cwæð Orosius, nu ic
            <lb/>wille eac þæs maran Alexandres gemunende
            <lb/> beon, þæs oþres nefan, þeh ic ymbe Romana gewin on þæm
            <lb/>gearrime forð ofer þæt geteled hæbbe.
            <milestone type="Toronto" unit="record" n="7.110.13"/>
            <lb/>Ic sceal hwæðre eft gewendan þæt ic hwelcnehugu dæl
            <lb/>gesecge <supplied resp="#TorontoCorpus">Alexandres</supplied> dæda; &amp; hu Philippus his fæder 
            <lb/>IIII hund wintrum æfter þæm þe Romeburg getimbred
            <lb/>wæs, he feng to Mæcedonia rice on Crecum, &amp; þæt 
            <lb/>hæfde XXV wintra, &amp; binnan þæm gearum he geeode ealle
            <lb/>þa cynericu þe on Crecum wæron.
            <milestone type="Toronto" unit="record" n="7.110.17"/>
            <lb/>An wæs Ahteniense, oþer wæs Thebane, III wæs Thesali, IIII
            <lb/><supplied resp="#TorontoCorpus">wæs</supplied> Læcedemonie, V Focenses, VI Mesi, VII 
            <lb/>Macedonie, þæt he ærest hæfde.
            <milestone type="Toronto" unit="record" n="7.110.20"/>
            <lb/>Philippus þa he cniht wæs, wæs Thebanum to gisle geseald,
            <lb/>Paminunde, þæm strongan cyninge &amp; þæm gelæredestan 
            <lb/>philosophe, from his agnum breþer Alexandre, þe
            <lb/>Læcedemonia rice þa hæfde, &amp; mid him gelæred 
            <lb/>wearð on þam þrim gearum þa he ðær wæs.
            <milestone type="Toronto" unit="record" n="7.110.24"/>
            <lb/>þa wearð Alexander ofslagen his broðor from his agenre
            <lb/>meder, þeh heo hiere oþerne sunu eac ær ofsloge 
            <lb/>for hiere geligernesse; &amp; heo wæs Philippuses
            <lb/><supplied resp="#TorontoCorpus">steopmodor</supplied> .
            <milestone type="Toronto" unit="record" n="7.110.26"/>
            <lb/>þa feng Philippus to Mæcedonia rice, &amp; hit ealle hwile on
            <lb/>miclan pleo &amp; on miclan earfeþan hæfde, þæt 
            <lb/>ægþer ge him mon utane of oðrum londum an wann, ge eac
            <lb/>þæt his agen folc ymbe his feorh sierede,
            <lb/> þæt him þa æt nihstan leofre wæs þæt he ute wunne
            <lb/>þonne he æt ham wære.
            <milestone type="Toronto" unit="record" n="7.110.31"/>
            <lb/>His forme gefeoht wæs wið Atheniense, &amp; hie oferwonn; &amp;
            <lb/>æfter þæm wið Hiliricos, þe we Pulgare hatað, 
            <lb/>&amp; heora monig ðusend ofslog, &amp; heora mæstan 
            <pb n="112"/>
            <lb/>burg geeode,
            <lb/>Larisan.
            <milestone type="Toronto" unit="record" n="7.112.1"/>
            <lb/>&amp; siþþan on Thesali he þæt gewinn swiþost dyde for þære
            <lb/>gewilnunge þe he wolde hi him on fultum geteon 
            <lb/>for heora wigcræfte, for þon hie cuþon on horsum ealra
            <lb/>folca feohtan betst &amp; ærest.
            <milestone type="Toronto" unit="record" n="7.112.4"/>
            <lb/>Hie þa ægðer ge for his ege ge for his olecunge him to
            <lb/>gecierdon.
            <milestone type="Toronto" unit="record" n="7.112.5"/>
            <lb/>He þa gegaderade mid heora fultume &amp; mid his agene ægþer ge
            <lb/>ridendra ge <supplied resp="#TorontoCorpus">gongendra unoferwinnendlicne</supplied> here.
            <milestone type="Toronto" unit="record" n="7.112.8"/>
            <lb/>æfter þæm þe Philippus hæfde Atheniense &amp; Thesali him
            <lb/>underðieded, he begeat Arues dohtor him to wife, 
            <lb/>Malosorum cyninges, Olimphiade wæs hatenu.
            <milestone type="Toronto" unit="record" n="7.112.10"/>
            <lb/>Arues wende þæt he his rice gemiclian sceolde þa he his
            <lb/>dohtor Philippuse sealde.
            <milestone type="Toronto" unit="record" n="7.112.11"/>
            <lb/>Ac he hiene on ðære wenunge geband, &amp; him ðæt an genam
            <lb/>þæt he self hæfde, &amp; hiene siþþan forsende oþ 
            <lb/>he his lif forlet.
            <milestone type="Toronto" unit="record" n="7.112.13"/>
            <lb/>æfter þæm Philippus feaht on Thona þa burg, on Thebana
            <lb/>rice; &amp; him ðær wearþ oþer eage mid anre flan ut ascoten.
            <milestone type="Toronto" unit="record" n="7.112.15"/>
            <lb/>He hwæðre þa burg gewann, &amp; eall þæt moncynn acwealde
            <lb/>þæt he ðærinne mette.
            <milestone type="Toronto" unit="record" n="7.112.18"/>
            <lb/>&amp; æfter þæm mid searewan he geeode eall Creca folc, for
            <lb/>þon heora gewuna wæs þæt hie woldon of ælcerre 
            <lb/>byrig him self anwald habban, &amp; nan oðerre underþied
            <lb/>beon, ac wæron him swa betweonum winnende.
            <milestone type="Toronto" unit="record" n="7.112.21"/>
            <lb/>þa bædan hie Philippus æst of anre byrig, þonne of
            <lb/>oþerre, þæt hie him on fultume wære wiþ þa þe him 
            <lb/>on wunnon.
            <milestone type="Toronto" unit="record" n="7.112.23"/>
            <lb/>þonne he þa oferswiðed hæfde þe he þonne on winnende
            <lb/>wæs mid þæm folce þe hiene ær fultumes bæd, þonne 
            <lb/>dyde he him ægþer to gewealdon: swa he belytegade ealle
            <lb/>Crece on his geweald.
            <milestone type="Toronto" unit="record" n="7.112.26"/>
            <lb/>þa Crece þæt þa undergeaton, &amp; eac him swiþe ofþyncendum
            <lb/>þæt hie an cyning swa ieðelice forneah buton 
            <lb/>ælcon gewinne on his geweald beþridian sceolde, gelice &amp;
            <lb/>hie him þeowiende wæron, he hie eac oþrum 
            <lb/>folcum oftrædlice on þeowot sealde, þe ær nan folc ne
            <lb/>mehte mid gefeohte gewinnan, hie þa ealle 
            <lb/>wið hiene gewin up ahofan; &amp; he hiene geeaðmedde to þæm
            <lb/>folce þe he him þær heardost ondred, þæt wæron 
            <lb/>Thesalii, &amp; on hie gelec þæt hie mid him <supplied resp="#TorontoCorpus">on</supplied> Athene
            <lb/>wunnon.
            <milestone type="Toronto" unit="record" n="7.112.34"/>
            <lb/>þa hie to ðæm gemære comon mid heora firde, þa hæfdon
            <lb/>hie hiera clusan belocene.
            <milestone type="Toronto" unit="record" n="7.112.35"/>
            <lb/>þa Philippus þærbinnan ne mehte þæt he his teonan
            <lb/>gewræce, he 
            <pb n="114"/>
            <lb/>þa wende on þa ane þe him þa getriewe
            <lb/> wæron, &amp; heora burg gefor, &amp; þæt folc mid ealle fordyde, &amp;
            <lb/>heora hergas towearp, swa he ealle dyde
            <lb/> þe he awer mette, ge eac his agene; oþ him þa biscepas
            <lb/>sædon þæt ealle godas him irre wæren &amp; wiðwinnende; 
            <lb/>&amp; þeh hie him ealle irre wæren, on þæm XXV
            <lb/>wintrum þe he winnende wæs &amp; feohtende he na oferwunnen 
            <lb/>ne wearð.
            <milestone type="Toronto" unit="record" n="7.114.7"/>
            <lb/>æfter he gefor on Capadotiam þæt lond, &amp; þær ealle þa
            <lb/>cyningas mid biswice ofslog.
            <milestone type="Toronto" unit="record" n="7.114.8"/>
            <lb/>Siþþan ealle Capadotiam him gehiersumedon.
            <milestone type="Toronto" unit="record" n="7.114.9"/>
            <lb/>&amp; hiene siþþan wende on his þrie gebroðor, &amp; ænne ofslog,
            <lb/>&amp; þa twegen oðflugon on Olinthum þa burg,
            <lb/> seo wæs fæstast &amp; welegast Mæcedonia rices.
            <milestone type="Toronto" unit="record" n="7.114.11"/>
            <lb/>&amp; him Philippus æfter for, &amp; þa burg abræc, &amp; þa broðor
            <lb/>ofslog &amp; eall þæt þærinne wæs.
            <milestone type="Toronto" unit="record" n="7.114.13"/>
            <lb/>þa þrie gebroðor næron na Philippuse gemedren, ac wæron
            <lb/>gefæderen.
            <milestone type="Toronto" unit="record" n="7.114.15"/>
            <lb/>On þæm dagum on Tracia þæm londe wæron twegen cyningas
            <lb/>ymb þæt <supplied resp="#TorontoCorpus">rice</supplied> winnende: þa wæron gebroþor.
            <milestone type="Toronto" unit="record" n="7.114.16"/>
            <lb/>þa sendan hie to Philippuse, &amp; bædon þæt he hie ymb þæt
            <lb/>rice gesemde, &amp; on þære gewitnesse wære þæt
            <lb/> hit emne gedæled wære.
            <milestone type="Toronto" unit="record" n="7.114.19"/>
            <lb/>He þa Philippus to heora gemote com mid micelre firde, &amp; þa
            <lb/>cyningas begen ofslog &amp; ealle þa witan,
            <lb/> &amp; feng him to þæm ricum bæm.
            <milestone type="Toronto" unit="record" n="7.114.21"/>
            <lb/>æfter þæm Atheniense bædan Philippus, þæt he heora
            <lb/>ladteow wære wið Focenses þæm folce, þeh hie ær 
            <lb/>hiera clusan him ongean belucen, &amp; þæt he oðer ðara dyde,
            <lb/>oþþe hie gesemde, oþþe him gefultumade þæt 
            <lb/>hi hie oferwinnan mehten.
            <milestone type="Toronto" unit="record" n="7.114.25"/>
            <lb/>He him þa gehet þæt he him gefultuman wolde þæt hie hie
            <lb/>oferwunnen.
            <milestone type="Toronto" unit="record" n="7.114.26"/>
            <lb/>Eac æt þæm ilcan cirre bædan Focense his fultumes wið
            <lb/>Athene.
            <milestone type="Toronto" unit="record" n="7.114.27"/>
            <lb/>He him þa gehet þæt he hie geseman wolde.
            <milestone type="Toronto" unit="record" n="7.114.28"/>
            <lb/>Siþþan he buta þa clusan on his gewealde hæfde, þa dyde
            <lb/>he him eac þa ricu to gewealdon; &amp; his here
            <lb/> geond þa byrig todælde, &amp; him bebead þæt hie ðæt lond
            <lb/>hergiende wæron oþ hie hit awesten; þæt þæm 
            <lb/>folce wæs ægþres waa, ge þæt hie þæt mæste yfel
            <lb/>forberan sceoldon, ge eac þæt hie his sciran ne dorstan.
            <milestone type="Toronto" unit="record" n="7.114.33"/>
            <lb/>Ac he ealle þa ricestan forslean het, &amp; þa oðre sume on
            <lb/>wræcsið forsende, sume on oðra mearca gesette.
            <milestone type="Toronto" unit="record" n="7.114.34"/>
            <lb/>Swa he Philippus þa miclan ricu geniþerade, þeh þe ær
            <lb/>anra gehwelc wende þæt hit ofer monig oþru anwald 
            <lb/>habban mehte, þæt hie þa æt nihstan hie selfe to
            <lb/>nohte bemætan.
            <pb n="116"/>
            <milestone type="Toronto" unit="record" n="7.116.1"/>
            <lb/>Philippuse geþuhte æfter þæm þæt he an land ne mehte
            <lb/>þæm folce mid gifan gecweman þe him an simbel 
            <lb/>wæron mid winnende; ac he scipa gegaderode, &amp; wicingas
            <lb/>wurdon, &amp; sona æt anum cirre an C &amp; eahtatig
            <lb/> ceapscipa gefengon.
            <milestone type="Toronto" unit="record" n="7.116.4"/>
            <lb/>þa geceas he him ane burg wið þone sæ, Bizantium wæs
            <lb/>hatenu, to ðon þæt him gelicade þæt hie þær mehten 
            <lb/>betst frið binnan habban, &amp; eac þæt hie <supplied resp="#TorontoCorpus">þær</supplied>
            <lb/>gehendaste wæren on gehwelc lond þonan to winnanne; 
            <lb/>ac him þa burgleode þæs wiðcwædon.
            <milestone type="Toronto" unit="record" n="7.116.8"/>
            <lb/>Philippus mid his fultume hi besæt, &amp; him an wann.
            <milestone type="Toronto" unit="record" n="7.116.9"/>
            <lb/>Seo ilce Bizantium wæs ærest getimbred from Pausania,
            <lb/>Læcedemonia ladteowe, &amp; æfter þæm from Constantino 
            <lb/>þæm cristenan casere geieced, &amp; be his noman heo wæs
            <lb/>gehatenu Constantinopolim, &amp; is nu þæt hehste 
            <lb/>cynesetl &amp; heafod ealles eastrices.
            <milestone type="Toronto" unit="record" n="7.116.13"/>
            <lb/>æfter þæm þe Philippus longe þa burg beseten hæfde, þa
            <lb/>ofþuhte him þæt he þæt feoh to sellanne næfde 
            <lb/>his here swa hie bewuna wæron.
            <milestone type="Toronto" unit="record" n="7.116.16"/>
            <lb/>He þa his here on tu todælde: sum ymb þa burg sætt; &amp; he
            <lb/>mid sumum hloþum for, &amp; monega byrg bereafode 
            <lb/>on Cheranisse, Creca folce; &amp; siþþan for an Sciþþie
            <lb/>mid Alexandre his suna, þær Atheas se cyning 
            <lb/>rice hæfde, þe ær his <supplied resp="#TorontoCorpus">geþofta</supplied> wæs wið Hisdriana
            <lb/>gewinne &amp; þa on ðæt lond faran wolde.
            <milestone type="Toronto" unit="record" n="7.116.20"/>
            <lb/>Ac hie þa landleode wið þæt gewarnedon, &amp; him mid firde
            <lb/>angean foran.
            <milestone type="Toronto" unit="record" n="7.116.22"/>
            <lb/>þa þæt þa Philippus geacsade, þa sende he æfter maran
            <lb/>fultume to ðæm þe þa burg ymbseten hæfdon, &amp; 
            <lb/>mid ealle mægene an hie for.
            <milestone type="Toronto" unit="record" n="7.116.24"/>
            <lb/>þeh þe Sciþþie hæfdon maran monmenie, &amp; self hwætran
            <lb/>wæron, hie þeh Philippus besirede mid his lotwrencum, 
            <lb/>mid <supplied resp="#TorontoCorpus">þæm</supplied> þæt he his heres þriddan dæl
            <lb/>gehydde, &amp; him self mid wæs, &amp; þæm twam dælum bebead,
            <lb/> swa hie feohtan angunnen, þæt hie wið his flugen, þæt he
            <lb/>siþþan mid þæm ðriddan dæle hie beswican 
            <lb/>mehte, þonne hie tofarene wæron.
            <milestone type="Toronto" unit="record" n="7.116.30"/>
            <lb/>þær wearð Sciþþia XX M ofslagen &amp; gefangen wifmonna &amp;
            <lb/>wæpnedmonna, &amp; þær wæs XX M horsa gefangen, þeh 
            <lb/>hie ðær nan licgende feoh ne metten, swa hie ær bewuna
            <lb/>wæron þonne hie wælstowe geweald ahton.
            <milestone type="Toronto" unit="record" n="7.116.33"/>
            <lb/>On þæm gefeohte wæs ærest anfunden Sciþþia wanspeda.
            <milestone type="Toronto" unit="record" n="7.116.34"/>
            <lb/>Eft þa Philippus wæs 
            <pb n="118"/>
            <lb/>þonan cirrende, þa offor hiene oðere
            <lb/>Sciþþie mid lytelre firde, <supplied resp="#TorontoCorpus">Triballe</supplied> wæron hatene.
            <milestone type="Toronto" unit="record" n="7.118.2"/>
            <lb/>Philippus him dyde heora wig unweorð, oþ hiene an cwene
            <lb/>sceat þurh þæt þeoh, þæt þæt hors wæs dead 
            <lb/>þe he onufan sæt.
            <milestone type="Toronto" unit="record" n="7.118.4"/>
            <lb/>þa his here geseah þæt he mid þy horse afeoll, hie þa
            <lb/>ealle flugon, &amp; eal þæt herefeoh forleton þe 
            <lb/>hie ær gefangen hæfdon.
            <milestone type="Toronto" unit="record" n="7.118.6"/>
            <lb/>Wæs þæt micel wundor þæt swa micel here for þæs cynges
            <lb/><supplied resp="#TorontoCorpus">fielle</supplied> fleah, þe na ær ðæm fleon nolde, þeh
            <lb/> his mon fela þusenda ofsloge.
            <milestone type="Toronto" unit="record" n="7.118.8"/>
            <lb/>Philippus mid his lotwrence, þa hwile þe he wund wæs,
            <lb/>aliefde eallum Crecum þæt heora anwaldas moston 
            <lb/>standan him betweonum, swa hie ær on ealddagum dydon.
            <milestone type="Toronto" unit="record" n="7.118.11"/>
            <lb/>Ac sona swa he gelacnad wæs, swa hergeade he on Athene.
            <milestone type="Toronto" unit="record" n="7.118.12"/>
            <lb/>þa sendon hie to Læcedemonium &amp; bædon þæt hie gefriend
            <lb/>wurden, þeh hie ær longe gefiend wæren, &amp; bædon 
            <lb/>þæt hie ealle gemænelice cunnoden, mehten hi heora
            <lb/>gemænan fiend him from adon.
            <milestone type="Toronto" unit="record" n="7.118.15"/>
            <lb/>Hie þa sume him getygðedon, &amp; gegaderodon maran monfultum
            <lb/>þonne Philippus hæfde, sume for his ege ne dorstan.
            <milestone type="Toronto" unit="record" n="7.118.17"/>
            <lb/>Philippuse geþuhte þa þæt he leng mid folcgefeohtum wið
            <lb/>hie ne mehte, ac oftrædlice he wæs mid hloþum 
            <lb/>on hi hergende, &amp; onbutan sierwende oþ hie eft totwæmde
            <lb/>wæron, &amp; ða on ungearwe on Ahtene mid firde gefor.
            <milestone type="Toronto" unit="record" n="7.118.21"/>
            <lb/>æt þæm cirre wurdon Ahteniense swa wælhreowlice forslagen
            <lb/>&amp; forhiened þæt hie na siþþan nanes anwaldes 
            <lb/>hi ne bemætan ne nanes freodomes.
            <milestone type="Toronto" unit="record" n="7.118.24"/>
            <lb/>æfter þæm Philippus gelædde fird on Læcedemonie &amp; on
            <lb/>Thebane, &amp; hi miclum tintrade &amp; bismrade, oþ hie 
            <lb/>mid ealle wæron fordon &amp; forhiened.
            <milestone type="Toronto" unit="record" n="7.118.26"/>
            <lb/>æfter þæm þe Philippus hæfde ealle Crecas on his geweald
            <lb/>gedon, he sealde his dohtor Alexandre þæm 
            <lb/>cyninge his agnum mæge, þe he ær Æpira rice geseald
            <lb/>hæfde.
            <milestone type="Toronto" unit="record" n="7.118.29"/>
            <lb/>þa on ðæm dæge plegedon hie of horsum, ægþer ge
            <lb/>Philippus ge Alexander, þe he his dohtor him sellan
            <lb/> wolde, ge Alexander his agen sunu, swa heora þeaw æt
            <lb/>swelcum wæs, &amp; eac monige oþere mid him.
            <milestone type="Toronto" unit="record" n="7.118.32"/>
            <lb/>þa Philippuse gebyrede þæt he for ðæm plegan ut of ðæm
            <lb/>monweorode arad, þa mette hiene his ealdgefana 
            <lb/>sum, &amp; hiene ofstang.
            <pb n="120"/>
            <milestone type="Toronto" unit="record" n="7.120.1"/>
            <lb/>Ic nat, cwæð Orosius, for hwi eow Romanum sindon þa ærran
            <lb/>gewin swa wel gelicad &amp; swa lustsumlice on 
            <lb/>leoðcwidum to gehieranne, &amp; for hwy ge þa tida swelcra
            <lb/>broca swa wel hergeað, &amp; nu, þeh eow lytles 
            <lb/>hwæt swelcra gebroca on becume, þonne gemænað ge hit to
            <lb/>þæm wyrrestan tidum, &amp; magon hie swa hreowlice 
            <lb/>wepan swa ge magon þara oþra bliþelice hlihhan.
            <milestone type="Toronto" unit="record" n="7.120.7"/>
            <lb/>Gif ge swelce þegnas sint, swelce ge wenað <supplied resp="#TorontoCorpus">þæt</supplied> ge
            <lb/>sien, þonne sceoldon ge swa lustlice eowre agnu 
            <lb/>brocu aræfnan, þeh hie læssan sien, swa ge heora sint to
            <lb/>gehieranne.
            <milestone type="Toronto" unit="record" n="7.120.10"/>
            <lb/>þonne þuhte eow þas tida beteran þonne þa, for þon eowre
            <lb/>brocu nu læssan sindon þonne heora þa wære.
            <milestone type="Toronto" unit="record" n="7.120.11"/>
            <lb/>For þon Philippus wæs XXV wintra Creca folc hienende,
            <lb/>ægþer ge heora byrig bærnende ge hiera folc sleande, 
            <lb/>&amp; sume on elþiodige forsende; &amp; eower Romana brocu,
            <lb/>þe ge ðær ealneg drifað, næs buton þrie
            <lb/> dagas.
            <milestone type="Toronto" unit="record" n="7.120.15"/>
            <lb/>Philippuses yfel mehte þeh þagiet be sumum dæle gemetlic
            <lb/>þyncan, ær se swelgend to rice feng, Alexander 
            <lb/>his sunu, þeh ic nu his dæda sume hwile gesugian scyle,
            <lb/>oþ ic Romana gesecge þe on ðæm ilcan tidun gedon wæran.</p>
        </div>
        <div type="sample" n="sample3">
          <lb/><note resp="#HC_OE_compilers">B9.2.6</note>
          <pb n="228"/>
          <p><milestone type="Toronto" unit="record" n="6.228.1"/>
            <lb/>æfter þæm þe Romeburg getimbred wæs DC wintrum &amp; XXVII,
            <lb/>Fauius se consul gemette <supplied resp="#TorontoCorpus">Betuitusan</supplied> , Gallia 
            <lb/>cyning, &amp; hiene mid lytlum fultume ofercom.
            <milestone type="Toronto" unit="record" n="7.228.4"/>
            <lb/> æfter þæm þe Romeburg getimbred wæs DC wintra &amp; XXXV,
            <lb/>þa þa Scipia Nasica &amp; Lucius <supplied resp="#TorontoCorpus">Calfurnius</supplied> wæron 
            <lb/>consulas on Rome, Romane wunnon wið Geoweorþan, Numeðia
            <lb/>cyninge.
            <milestone type="Toronto" unit="record" n="7.228.7"/>
            <lb/>Se ilca Geoweorða wæs Mecipsuses mæg, Numeðia cyninges.
            <lb/>&amp; he hiene on his geogoðe underfeng, &amp; hiene fedan het, &amp;
            <lb/>tyhtan mid his twam sunum.
            <milestone type="Toronto" unit="record" n="7.228.9"/>
            <lb/>&amp; þa se cyning gefor, he bebead his twæm sunum þæt hie
            <lb/>þæs rices þriddan dæl Geoweorþan sealden.
            <milestone type="Toronto" unit="record" n="7.228.11"/>
            <lb/>Ac siþþan se þridda dæl on his gewealde wæs, he beswac
            <lb/>begen þa suna: oþerne he ofslog, oþerne adræfde.
            <milestone type="Toronto" unit="record" n="7.228.12"/>
            <lb/>&amp; he siþþan gesohte Romane him to friþe.
            <milestone type="Toronto" unit="record" n="7.228.13"/>
            <lb/>&amp; hie sendon Calfurnan þone consul mid him mid firde.
            <milestone type="Toronto" unit="record" n="7.228.14"/>
            <lb/>Ac Geoweorða geceapade mid his feo æt þæm consule þæt he
            <lb/>þæs gewinnes lytel þurhteah.
            <milestone type="Toronto" unit="record" n="7.228.16"/>
            <lb/>Æfter þæm Geoweorþa com to Rome, &amp; diegellice geceapade to
            <lb/>þæm senatum, to anum &amp; to anum, þæt hie 
            <lb/>ealle <supplied resp="#TorontoCorpus">wæron</supplied> ymb hiene twywyrdige.
            <milestone type="Toronto" unit="record" n="7.228.18"/>
            <lb/>þa he hiene hamweard of þære byrig wende, þa tælde he
            <lb/>Romane, &amp; hie swiþe bismrade mid his wordum, 
            <lb/>&amp; sæde þæt mon nane burg ne mehte ieð mid feo geceapian,
            <lb/>gif hiere ænig mon ceapode.
            <milestone type="Toronto" unit="record" n="7.228.22"/>
            <lb/>þæs on þæm æfterran geare Romane sendon Anilius Mostumius
            <lb/>þone consul mid LX M angean Geoweorþan.
            <milestone type="Toronto" unit="record" n="7.228.23"/>
            <lb/>Heora <supplied resp="#TorontoCorpus">gemeting</supplied> <note resp="#HC_OE_compilers">MS: gemetig</note> wæs æt Colima þære 
            <lb/>byrig, &amp; þær wæron Romane oferwunnen.
            <milestone type="Toronto" unit="record" n="7.228.25"/>
            <lb/>&amp; siþþan lytle hwile hie genamon friþ him betweonum, &amp;
            <lb/>siþþan mæst ealle Africe gecirdon to Geoweorþan.
            <milestone type="Toronto" unit="record" n="7.228.27"/>
            <lb/>æfter þæm Romane sendon eft Metellus mid firde angean
            <lb/>Geoweorþan, &amp; he sige hæfde æt twam cierrun, 
            <lb/>&amp; æt <supplied resp="#TorontoCorpus">þæm</supplied> þriddan cierre he bedraf Geoweorþan on
            <lb/>Numeðiam his agen lond, &amp; hiene geniedde þæt he sealde 
            <lb/>Romanum þreo hund gisla.
            <milestone type="Toronto" unit="record" n="7.228.31"/>
            <lb/>&amp; he þeh siþþan na þy læs ne hergeade on Romane.
            <lb/>þa sendon hie eft Marius þone consul angean Geoweorþan, a
            <lb/>swa lytigne &amp; 
            <pb n="230"/>
            <lb/>a swa brægdenne swa he wæs;
            <lb/> &amp; for to anre byrg gelicost þæm þe he hie abrecan þohte.
            <milestone type="Toronto" unit="record" n="7.230.2"/>
            <lb/>Ac sona swa Geoweorþa hæfde his fultum to þære byrg
            <lb/>gelædd angean Marius, þa forlet he Marius þæt fæsten, 
            <lb/>&amp; for to oþrum, þær he geascade þæt Geoweorþan
            <lb/>goldhord wæs, &amp; gemedde þa burgleode þæt hie 
            <lb/>him eodon on hond, &amp; him ageafon eall þæt <supplied resp="#TorontoCorpus">licgende</supplied> feoh
            <lb/>þæt þærbinnan wæs.
            <milestone type="Toronto" unit="record" n="7.230.7"/>
            <lb/>þa ne getruwade Geoweorþa his agnum folce ofer þæt, ac
            <lb/>geþoftade him wiþ Bohan, Mauritania cyning.
            <milestone type="Toronto" unit="record" n="7.230.8"/>
            <lb/>&amp; he him com to mid micle monfultume, &amp; oftrædlice on Romane
            <lb/>stalade, oþ hie gecwædon folcgefeoht him betweonum.
            <milestone type="Toronto" unit="record" n="7.230.10"/>
            <lb/>To þæm gefeohte hæfde Boho Geoweorþan broht to fultume LX
            <lb/>M gehorsedra butan feþan.
            <milestone type="Toronto" unit="record" n="7.230.12"/>
            <lb/>Næs na mid Romanum ær ne siþþan swa heard gefeoht swa
            <lb/>þær wæs, for þon þe hie wurdon on ælce healfe
            <lb/>utan befangen, &amp; heora eac mæst for þon forwearþ þe hiora
            <lb/>gemitting wæs on sondihtre dune, þæt hie
            <lb/> for duste ne mehton geseon hu hi hi behealdan sceolden.
            <milestone type="Toronto" unit="record" n="7.230.16"/>
            <lb/>Toeacan þæm hie derede ægþer ge þurst ge hæte, &amp; ealne
            <lb/>ðone dæg wæron þæt þafiende oþ niht.
            <milestone type="Toronto" unit="record" n="7.230.18"/>
            <lb/>þa on mergen hie wæron þæt ilce donde, &amp; eft wæron on
            <lb/>ælce healfe utan befangen, swa hie ær wæron.
            <milestone type="Toronto" unit="record" n="7.230.19"/>
            <lb/>&amp; þa hie swiðost tweode hwæðer hie aweg comen, þa
            <lb/>gecwædon hie þæt hie sume hie beæftan wereden, &amp; 
            <lb/>sume <supplied resp="#TorontoCorpus">þurh</supplied> ealle þa truman ut afuhten, gif hie mehten.
            <milestone type="Toronto" unit="record" n="7.230.22"/>
            <lb/>þa hie swa gedon hæfdon, þa com <supplied resp="#TorontoCorpus">an</supplied> ren; &amp; swiþe
            <lb/>Mauritaniæ wæron mid þæm gewergade, for þon þe hiera 
            <lb/>sceldas wæron betogen mid elpenda hydum, þæt hie heora
            <lb/>feawa <supplied resp="#TorontoCorpus">for þam wætan</supplied> ahebban mehton, &amp; for
            <lb/> þæm gefliemde wurdon, for þon þe elpendes hyd wile
            <lb/>drincan wætan, gelice &amp; spynge deð.
            <milestone type="Toronto" unit="record" n="7.230.27"/>
            <lb/>þær wearð Mauritania ofslagen LX M &amp; an hund <supplied resp="#TorontoCorpus">manna</supplied> .
            <milestone type="Toronto" unit="record" n="7.230.28"/>
            <lb/>æfter þæm Boho genom friþ wið Romanum, &amp; him Geoweorþan
            <lb/>gebundenne ageaf, &amp; hiene mon dyde siþþan on 
            <lb/>carcern &amp; his twegen suna, oþ hie þær ealle acwælon.
            <milestone type="Toronto" unit="record" n="8.230.31"/>
            <lb/> æfter þæm þe Romeburg getimbred wæs VI hunde wintra &amp;
            <lb/>XLII, þa þa Malius &amp; Cuintinus wæron consulas, 
            <lb/>Romane gefuhton wið Cimbros &amp; wið Teutonas &amp; wið
            <lb/>Ambronos, þas þeoda wæron on Gallium, &amp; þær ealle 
            <lb/>ofslagene wurdon buton 
            <pb n="232"/>
            <lb/>X <supplied resp="#TorontoCorpus">monnum</supplied> , þæt wæs XL M.
            <milestone type="Toronto" unit="record" n="8.232.1"/>
            <lb/>&amp; þær wæs Romane ofslagen eahtatig þusenda, &amp; heora consul
            <lb/>&amp; his twegen suna.
            <milestone type="Toronto" unit="record" n="8.232.2"/>
            <lb/>æfter þæm þa ilcan ðeoda besætan Marius þone consul on
            <lb/>anum fæstenne, &amp; hit long first wæs ær he ut
            <lb/> wolde faran to gefeohte, ær him mon sæde þæt hie wolden
            <lb/>faran on Italiam, Romana lond.
            <milestone type="Toronto" unit="record" n="8.232.6"/>
            <lb/>Ac siþþan he him for to ut of þæm fæstenne, þa hi hi on
            <lb/>anre dune gemetton, þa mænde þæs consules folc 
            <lb/>to him heora þurst, þe him getenge wæs.
            <milestone type="Toronto" unit="record" n="8.232.8"/>
            <lb/>þa andwyrde he him, &amp; cwæð: eaþe we magon geseon on oþre
            <lb/>healfe urra feonda hwær se drinca is gelang 
            <lb/>þe us nihst is; ac for þæm þe hie us near sint, we him
            <lb/>ne magon buton gefeohte to cuman.
            <milestone type="Toronto" unit="record" n="8.232.11"/>
            <lb/>þær hæfdon Romane sige, &amp; þær wæs Gallia ofslagen twa
            <lb/>hund M, &amp; hiora latteow, &amp; eahtatig M gefangen.
            <milestone type="Toronto" unit="record" n="9.232.14"/>
            <lb/>æfter þæm þe Romeburg getimbred wæs VI hunde wintrum &amp;
            <lb/>XLV, on þæm fiftan geare þe Marius wæs consul, 
            <lb/>&amp; eac þa mid Romanum wæs sibb of oþrum folcum, þa
            <lb/>ongunnon Romane þa mæstan sace him betweonum up 
            <lb/>aræran, þeh ic hit nu scortlice secgan scyle, cwæð
            <lb/>Orosius, hwa þæs ordfruman wæron.
            <milestone type="Toronto" unit="record" n="9.232.18"/>
            <lb/>þæt wæs ærest Marius se consul, &amp; Lucius, &amp; Apulcius, &amp;
            <lb/>Saturninus, þæt hie adræfdon Metellus þone 
            <lb/>consul on elþeode, se wæs consul ær Marius.
            <milestone type="Toronto" unit="record" n="9.232.21"/>
            <lb/>Hit wæs þa swiþe oþþyncende þam oþrum consulum,
            <lb/>Pompeiuse &amp; Caton; þeh þe hie mid þære wrace þæm 
            <lb/>adræfdan on nanum stale beon ne mehton, hie þeh þurhtugon
            <lb/>þæt hie ofslogon Lucius &amp; Saturninus, &amp; eft
            <lb/> wæron biddende þæt Metellus to Rome moste.
            <milestone type="Toronto" unit="record" n="9.232.25"/>
            <lb/>Ac him þagiet Marius &amp; Furius forwierndon, &amp; him þa siþþan
            <lb/>se feondscipe wæs betweonum weaxende, þeh 
            <lb/>þe hie hit openlice cyþan ne dorsten for þara senatum
            <lb/>ege.
            <milestone type="Toronto" unit="record" n="10.232.29"/>
            <lb/>æfter þæm þe Romeburg getimbred wæs VI C wintra &amp; LXI, on
            <lb/>þæm siextan geare þe Iulius se <supplied resp="#TorontoCorpus">casere</supplied> wæs 
            <lb/>consul &amp; Lucius Martius, wearþ ofer ealle <supplied resp="#TorontoCorpus">Italia</supplied>
            <lb/>ungeferlic unsibb &amp; openlice cuð betuh Iuliuse 
            <lb/>&amp; Pompeiuse, þeh hie hit ær swiþe him 
            <pb n="234"/>
            <lb/>betweonum diernden.
            <milestone type="Toronto" unit="record" n="10.234.1"/>
            <lb/>&amp; eac on þæm geare gewurdon monega wundor on monegum londum.
            <milestone type="Toronto" unit="record" n="10.234.2"/>
            <lb/>An wæs þæt mon geseah swelce an fyren hring norðan cumen
            <lb/>mid micle swege.
            <milestone type="Toronto" unit="record" n="10.234.3"/>
            <lb/>oþer wearþ on Tarentan þære byrig æt anre feorme: þonne
            <lb/>mon þa hlafas wrat to þicgeanne, þonne orn þær blod ut.
            <milestone type="Toronto" unit="record" n="10.234.5"/>
            <lb/>þæt þridde wæs þæt hit hagolade seofon niht, dæges &amp;
            <lb/>nihtes, ofer ealle Romane.
            <milestone type="Toronto" unit="record" n="10.234.7"/>
            <lb/>&amp; on Somnia þæm londe seo eorþe tobærst, &amp; þonan up wæs
            <lb/>biernende fyr wið þæs hefones.
            <milestone type="Toronto" unit="record" n="10.234.8"/>
            <lb/>&amp; mon geseah swelce hit wære an gylden hring on heofonum
            <lb/>brædre þonne sunne; &amp; wæs from þæm heofone
            <lb/> bradiende niþer oþ þa eorþan, &amp; wæs eft farende wið
            <lb/>þæs heofones.
            <milestone type="Toronto" unit="record" n="10.234.12"/>
            <lb/>On þære tide Pincente þæt folc, &amp; Uestine, &amp; Marse, &amp;
            <lb/>Peligni, &amp; Marrucine, &amp; Somnite, &amp; Lucani hie
            <lb/> ealle gewearð him betweonum þæt hie wolden Romanum
            <lb/>geswican, &amp; ofslogon Gaius Seruius, Romana ealdormon, 
            <lb/>se wæs mid ærendum to him onsended.
            <milestone type="Toronto" unit="record" n="10.234.15"/>
            <lb/>On ðæm dagum aweddon þa nietenu &amp; þa hundas þe wæron on
            <lb/>Somnitum.
            <milestone type="Toronto" unit="record" n="10.234.17"/>
            <lb/>æfter þæm gefeaht Pompeius se consul wið eal þa folc, &amp;
            <lb/>gefliemed wearþ.
            <milestone type="Toronto" unit="record" n="10.234.18"/>
            <lb/>&amp; Iulius se cesar gefeaht wið Marse þæm folce, &amp; gefliemed
            <lb/>wearð.
            <milestone type="Toronto" unit="record" n="10.234.19"/>
            <lb/>Raþe þæs Iulius gefeaht wið Somnitum, &amp; wið Lucanum, &amp;
            <lb/>hie gefliemde.
            <milestone type="Toronto" unit="record" n="10.234.20"/>
            <lb/>æfter þæm hiene mon het casere.
            <milestone type="Toronto" unit="record" n="10.234.21"/>
            <lb/>þa bæd he þæt mon þone triumphan him ongean brohte.
            <lb/>þa sende him mon ane blace hacelan angean, him on bismer, for
            <lb/>triumphan.
            <milestone type="Toronto" unit="record" n="10.234.23"/>
            <lb/>&amp; eft hie him sendon ane tunecan ongean, þa þe hie to
            <lb/>geheton, þæt he ealles buton arunge to Rome ne com.
            <milestone type="Toronto" unit="record" n="10.234.25"/>
            <lb/>æfter þæm Silla se consul, Pompeiuses gefera, gefeaht wið
            <lb/>Esernium þæm folce, &amp; hie gefliemde.
            <milestone type="Toronto" unit="record" n="10.234.26"/>
            <lb/>æfter þæm gefeaht Pompeius wið Pincentes þæm folce, &amp;
            <lb/>hie gefliemde.
            <milestone type="Toronto" unit="record" n="10.234.27"/>
            <lb/>þa brohton Romane þone triumphan angean Pompeius mid micelre
            <lb/>weorþfulnesse for þæm lytlan sige þe he 
            <lb/>þa hæfde, &amp; noldon Iuliuse nænne weorþscipe don, þeh he
            <lb/>maran dæd gedon hæfde, buton ane tunecan,
            <lb/> &amp; hi heora gewin mid þæm swiþe geiecton.
            <milestone type="Toronto" unit="record" n="10.234.32"/>
            <lb/>æfter þæm Iulius &amp; Pompeius abræcan Asculum þa burg on
            <lb/><supplied resp="#TorontoCorpus">Mærsum</supplied> , &amp; þær ofslogon eahtatiene M.
            <milestone type="Toronto" unit="record" n="10.234.33"/>
            <lb/>æfter þæm gefeaht Silla se consul wið Somnitum, &amp; heora
            <lb/>ofslog eahtatiene M.
            <pb n="236"/>
            <milestone type="Toronto" unit="record" n="11.236.1"/>
            <lb/>æfter þæm þe Romeburg getimbred wæs VI hunde wintra &amp;
            <lb/>LXII, þætte Romane sendon Sillan þone consul 
            <lb/>ongean Metreþatis Partha cyning.
            <milestone type="Toronto" unit="record" n="11.236.3"/>
            <lb/>þa ofþuhte þæt Mariuse þæm consule, Iuliuses eame, þæt
            <lb/>mon ðæt gewin nolde him betæcan.
            <milestone type="Toronto" unit="record" n="11.236.4"/>
            <lb/>&amp; bæd þæt him mon sealde þone seofoþan consulatum, &amp; eac
            <lb/>þæt gewin, for þon þe hit wæs þeaw mid him
            <lb/> þæt mon ymbe XII monað dyde ælces consules setl ane pyle
            <lb/>hierre þonne hit ær wæs.
            <milestone type="Toronto" unit="record" n="11.236.8"/>
            <lb/>þa Silla geacsade on hwelc gerad Marius com to Rome, he þa
            <lb/>hrædlice mid ealre his firde wið Rome weard 
            <lb/>farende wæs, &amp; Marius bedraf into Romeburg mid eallum his
            <lb/>folce, &amp; hiene siþþan þa burgleode gefengon 
            <lb/>&amp; gebundon, &amp; hiene siþþan þohton Sillan agifan.
            <milestone type="Toronto" unit="record" n="11.236.12"/>
            <lb/>Ac he fealh þære ilcan niht of þæm bendum þe hiene mon on
            <lb/>dæg gebende, &amp; siþþan fleah suþ ofer sae 
            <lb/>on Affricam, þær his fultum mæst wæs; &amp; raþe eft wæs
            <lb/>cirrende wið Rome weard.
            <milestone type="Toronto" unit="record" n="11.236.15"/>
            <lb/>Him wæron twegen consulas on fultume, Cinna &amp; Sertorius, þa
            <lb/>wæron simle ælces yfles ordfruman.
            <milestone type="Toronto" unit="record" n="11.236.17"/>
            <lb/>&amp; raðe þæs þe þa senatus gehierdon þæt Marius <supplied resp="#TorontoCorpus">to</supplied>
            <lb/>Rome nealæcte, hie ealle ut aflugon on Creca lond
            <lb/> æfter Sillan &amp; æfter Pompeiuse, þider hi þa mid firde
            <lb/>gefaren wæron.
            <milestone type="Toronto" unit="record" n="11.236.18"/>
            <lb/>þa wæs Silla mid micelre geornfulnisse farende of Crecum
            <lb/>wiþ Rome weard, &amp; wið Marius heardlice gefeaht 
            <lb/>þurhteah, &amp; hiene gefliemde, &amp; ealle ofslog binnan
            <lb/>Romebyrg þe Mariuse on fultume wæron.
            <milestone type="Toronto" unit="record" n="11.236.23"/>
            <lb/>Raðe þæs ealle þa consulas wæron deade buton twæm.
            <milestone type="Toronto" unit="record" n="11.236.24"/>
            <lb/>Marius &amp; Silla geforan him self, &amp; Cinna wæs ofslagen on
            <lb/>Smyrna, Asia byrg, &amp; Sertorius wæs ofslagen on <supplied resp="#TorontoCorpus">Ispania</supplied> .
            <milestone type="Toronto" unit="record" n="11.236.26"/>
            <lb/>þa underfeng Pompeius Partha gewin, for þon Metreþatis
            <lb/>heora cyning teah him to þa læssan Asiam &amp; eall Creca lond.
            <milestone type="Toronto" unit="record" n="11.236.28"/>
            <lb/>Ac hiene Pompeius of eallum þæm londe afliemde, &amp; hiene
            <lb/>bedraf on Armenie, &amp; him æfterfylgende wæs,
            <lb/> oþ hiene oþþre 
            <pb n="238"/>
            <lb/>men ofslogan, &amp; geniedde Arhalaus þone
            <lb/>latteow þæt he wæs his underþeow.
            <milestone type="Toronto" unit="record" n="11.238.2"/>
            <lb/>Hit is <supplied resp="#TorontoCorpus">nu</supplied> ungeliefedlic to secganne, cwæð Orosius, hwæt
            <lb/>on þæm gewinne forwearþ þæt hie wæron dreogende 
            <lb/>XL wintra, ær hit geendad mehte beon, ægþer ge on
            <lb/>þeoda forhergiunge, ge on cyninga slihtum, ge on hungre.
            <milestone type="Toronto" unit="record" n="11.238.6"/>
            <lb/>þa Pompeius hamweard wæs, þa noldan him þa londleode þæt
            <lb/>fæsten aliefan æt Hierusalem.
            <milestone type="Toronto" unit="record" n="11.238.7"/>
            <lb/>Him wæron on fultume XXII cyninga.
            <milestone type="Toronto" unit="record" n="11.238.8"/>
            <lb/>þa het Pompeius þæt mon þæt fæsten bræce, &amp; on fuhte
            <lb/>dæges &amp; nihtes, simle an <supplied resp="#TorontoCorpus">legie</supplied> æfter oþerre unwerig; 
            <lb/>&amp; þæt folc mid þæm aþrytton þæt hie him on hond
            <lb/>eodon, ymbe þreo monað þæs þe hie mon ær ongon.
            <milestone type="Toronto" unit="record" n="11.238.11"/>
            <lb/>þær wæs Iudea ofslagen XIII M.
            <milestone type="Toronto" unit="record" n="11.238.12"/>
            <lb/>&amp; mon towearp þone weal niþer oþ þone grund.
            <milestone type="Toronto" unit="record" n="11.238.13"/>
            <lb/>&amp; mon lædde Aristobolus to Rome gebundenne; se wæs ægþer
            <lb/>ge heora cyning ge heora biscop.</p>
        </div>
      </body>
    </text>
</TEI>