  <TEI n="M3" xml:id="mand">
    <teiHeader>
      <fileDesc>
        <titleStmt>
          <title key="M3 NI TRAV MAND" ref="#mand.mandeville" n="MANDEVILLE">Mandeville's Travels</title>
          <author key="X" ref="#anon">Anonymous</author>
          <editor role="compiler" ref="#HC_ME_compilers"/>
        </titleStmt>
        <extent>
          <measure quantity="5541" unit="words"/>
          <idno type="file">CMMANDEV</idno>
        </extent>
        <publicationStmt>
          <p>Published as a part of the <title ref="#HC_XML">Helsinki Corpus TEI XML Edition</title>.</p>
        </publicationStmt>
        <sourceDesc>
          <biblStruct>
            <monogr>
              <title level="m">Mandeville's Travels, Translated from the French of Jean d'Outremeuse</title>
              <editor>P. Hamelius</editor>
              <imprint>
                <pubPlace>London</pubPlace>
                <date when="1919">1919</date>
                <biblScope type="vol">I</biblScope>
              </imprint>
              <biblScope>pp. 28.19–37.12 (Sample 1)</biblScope>
              <biblScope>pp. 140.3–145.17 (Sample 2)</biblScope>
            </monogr>
            <series>
              <title level="s">Early English Text Society, O.S.</title>
              <biblScope type="vol">153</biblScope>
            </series>
          </biblStruct>
        </sourceDesc>
      </fileDesc>
      <profileDesc>
        <creation>
          <date type="original" from="1351" to="1420">1350–1420</date>
          <date type="manuscript" from="1351" to="1420">1350–1420</date>
        </creation>
        <langUsage>
          <language ident="enm-x-em">East Midlands dialect of Middle English <note>(identified by <title>LALME</title>)</note></language>
        </langUsage>
        <textClass xml:id="mand_classification" default="true">
          <catRef n="O" scheme="#periods" target="#M3"/>
          <catRef n="M" scheme="#periods" target="#M3"/>
          <catRef n="K" scheme="#contemporaneity" target="#contemporary"/>
          <catRef n="D" scheme="#dialect" target="#EML"/>
          <catRef n="V" scheme="#form" target="#prose"/>
          <catRef n="T" scheme="#texttype" target="#travelogue"/>
          <catRef n="G" scheme="#foreign_orig" target="#transl"/>
          <catRef n="F" scheme="#foreign_lang" target="#French"/>
          <catRef n="W" scheme="#spoken" target="#written"/>
          <catRef n="X" scheme="#author_sex" target="#unknown_sex"/>
          <catRef n="Y" scheme="#author_age" target="#age_X"/>
          <catRef n="H" scheme="#social_rank" target="#rank_x"/>
          <catRef n="U" scheme="#audience" target="#aud_x"/>
          <catRef n="E" scheme="#part_rel" target="#x.x"/>
          <catRef n="J" scheme="#interaction" target="#non-interactive"/>
          <catRef n="I" scheme="#setting" target="#x.setting"/>
          <catRef n="Z" scheme="#proto" target="#narr.imag"/>
        </textClass>
      </profileDesc>
    </teiHeader>
    <text>
      <body>
        <div type="sample" n="sample1">
          <pb n="28"/>
          <lb/><head>OF THE CONTREE OF EGIPT; OF THE BRID
            <lb/>FENIX; OF ARABYE; OF THE CYTEE OF
            <lb/>CAYRE; OF THE CONNYNGE TO KNOWEN
            <lb/>BAWME AND TO PREUEN IT, AND OF THE
            <lb/>GERNERES OF JOSEPH.</head>
          <lb/>
          <p><lb/>EGYPT is a long contree but it is streyt þat is to seye
            <lb/>narow for þei may not enlargen it toward the desert
            <lb/>for defaute of water And the contree is sett along vpon
            <lb/>the ryuere of Nyle be als moche as þat ryuere may serue
            <lb/>be flodes or oþerwise þat whanne it floweth it may spreden
            <lb/>abrood þorgh the contree, so is the contree large of lengthe.
            <lb/>For þere it reyneth not but lityll in þat contree &amp; for þat
            <lb/>cause þei haue no water, but ȝif it be of þat flood of þat
            <lb/>ryuere. And for als moche as it ne reyneth not in
            <lb/>þat contree but the eyr is alwey pure &amp; cleer, þerfore in
            <pb n="29"/>
            <lb/>þat contree ben the gode astronomyeres, for þei fynde
            <lb/>þere no cloudes to letten hem. Also the cytee of Cayre
            <lb/>is right gret &amp; more huge þan þat of Babyloyne the lesse
            <lb/>And it sytt abouen toward the desert of Syrye a lytill
            <lb/>abouen the ryuere aboueseyd. In Egipt þere ben .ij.
            <lb/>parties, The heghte þat is toward Ethiope &amp; the loweness
            <lb/>þat is towardes Arabye. In Egypt is the lond of
            <lb/>Ramasses &amp; the lond of Gessen. Egipt is a strong
            <lb/>contree for it hath many schrewede hauenes be cause
            <lb/>of the grete Roches þat ben stronge and daungerouse
            <lb/>to passe by. And at Egipt toward the Est is the rede
            <lb/>see þat dureth vnto the cytee of Coston &amp; toward the
            <lb/>west is the cytee of lybye þat is a full drye lond &amp; lityll
            <lb/>of fruyt, for it is ouer moche plentee of hete And þat
            <lb/>lond is clept Fusth. And toward the partie meridionall
            <lb/>is Ethiope &amp; toward the north is the desert þat dureth
            <lb/>vnto Syrye &amp; so is the contree strong on all sydes. And
            <lb/>it is wel a .xv. iourneyes of lengthe &amp; more þan two
            <lb/>so moche of desert &amp; it is but .ij. iournees of largeness.
            <lb/>And betwene Egipt &amp; Nubye it hath wel a .xij. iournees
            <lb/>of desert And men of Nubye ben cristen but þei ben
            <lb/>blake as the Mowres for gret hete of the sonne. In
            <lb/>Egipt þere ben .v. prouynces, þat on hight <hi rend="type">Sahyth</hi> þat
            <lb/>other hight <hi rend="type">Demeseer</hi> another <hi rend="type">Resich</hi> , þat is an Ile in
            <lb/><hi rend="type">Nyle</hi> , Another <hi rend="type">Alisandre</hi> &amp; another the lond of <hi rend="type">Damyete</hi> .
            <lb/>Þat citee was wont to be right strong but it was twyes
            <lb/>wonnen of the cristene men And þerfore after þat the
            <lb/>sarazines beten down the walles And with the walles &amp;
            <lb/>the toures þerof the sarazaines maden another cytee more
            <lb/>fer from the see &amp; clepeden it the newe Damyete, So þat
            <lb/>now no man duelleth at the rathere toun of Damyete.
            <lb/>At þat cytee of Damyete is on of the hauenes of Egypt
            <lb/>&amp; at Alisandre is þat other þat is a full strong cytee, But
            <lb/>þere is no water to drynke, but ȝif it come be condyt from
            <lb/>Nyle þat entreth in to here cisternes, And who so stopped
            <lb/>þat water from hem, þei myghte not endure þere. In
            <lb/>Egypt þere ben but fewe Forcelettes or castelles be cause
            <pb n="30"/>
            <lb/>þat the contree is so strong of himself. <hi rend="type">Nota of a
              <lb/>Merueyle.</hi> At the desertes of Egypte was a worthi man
            <lb/>þat was an holy heremyte &amp; þere mette with him a Monstre
            <lb/>þat is to seyne a monstre is a þing difformed aȝen kynde
            <lb/>bothe of man or of best or of ony þing elles &amp; þat is cleped
            <lb/>a Monstre. And this monstre þat mette with this holy
            <lb/>heremyte was as it hadde ben a man þat hadde .ij. hornes
            <lb/>trenchant on his forhede &amp; he hadde a body lyk a man
            <lb/>vnto þe navele And benethe he hadde the body lych a
            <lb/>goot &amp; the heremyte asked him what he was. And the
            <lb/>monstre answerde him &amp; seyde he was a dedly creature
            <lb/>such as god hadde formed &amp; duelled in þo desertes in
            <lb/>purchacynge his sustynance, &amp; besoughte the heremyte
            <lb/>þat he wolde preye god for him the whiche þat cam from
            <lb/>heuene for to sauen all mankynde &amp; was born of a mayden
            <lb/>&amp; suffred passioun &amp; deth as wee wel knowen, be whom
            <lb/>wee lyuen &amp; ben. And ȝit is the hede with the .ij. hornes
            <lb/>of þat monstre at Alisandre for a merueyle. In Egipt
            <lb/>is the citee of Elyople þat is to seyne the cytee of the sonne.
            <lb/>In þat cytee þere is a temple made round after the schapp
            <lb/>of the temple of Ierusalem. The prestes of þat temple han
            <lb/>all here wrytynges vnder the date of the foul þat is clept
            <lb/>Fenix &amp; þere is non but on in all the world And he cometh
            <lb/>to brenne himself vpon the awtere of þat temple at the ende
            <lb/>of .v. hundred ȝeer for so longe  he lyueth. And at the
            <lb/> .vc. ȝeres ende the prestes arrayen here awtere honestly
            <lb/>and putten þere vpon spices &amp; sulphur vif &amp; oþer thinges
            <lb/>þat wolen brennen lightly And þan the brid Fenix
            <lb/>cometh &amp; brenneth himself to askes. And the first day
            <lb/>next after men fynden in the askes a worm And the
            <lb/>seconde day next after men fynden a brid quyk &amp; parfyt
            <lb/>And the thridde day next after he fleeth his wey And
            <lb/>so þere is no mo briddes of þat kynde in all the world
            <lb/>but it allone &amp; treuly þat is a gret myracle of god. And
            <lb/>men may wel lykne þat bryd vnto god be cause þat þere
            <lb/>nys no god but on And also þat oure lord aroos from
            <lb/>deth to lyue the thridde day. This bryd men seen often
            <pb n="31"/>
            <lb/>tyme fleen in þo contrees And he is not mecheles more
            <lb/>þan an Egle And he hath a crest of fedres vpon his hed
            <lb/>more gret þan the poocok hath &amp; his nekke is ȝalow after
            <lb/>colour of an Oriell þat is a ston wel schynynge. And
            <lb/>his bak is coloured blew as ynde And his wenges ben
            <lb/>of purpre colour And the tayll is ȝelow &amp; red, castynge
            <lb/>his tayll aȝen in travers. And he is a full fair brid to
            <lb/>loken vpon aȝenst the sonne, for he schyneth full gloriously
            <lb/>&amp; nobely. Also in Egipt ben gardynes þat han
            <lb/>trees &amp; herbes þe whiche beren frutes .vij. tymes in the
            <lb/>ȝeer And in þat lond men fynden manye fayre Emeraudes
            <lb/>&amp; ynowe And þerfore þei ben þere grettere cheep. Also
            <lb/>whan it reyneth ones in the somer in the lond of Egipt
            <lb/>þanne is all the contree full of grete myzs. Also at Cayre
            <lb/>þat I spak of before sellen men comounly bothe men &amp;
            <lb/>wommen of other lawe as we don here bestes in the markat.
            <lb/>And þere is a comoun hows in þat cytee þat is all full of
            <lb/>smale furneys &amp; thider bryngen wommen of the toun here
            <lb/>eyren of hennes of gees &amp; of dokes for to ben put into
            <lb/>þo forneyses And þei þat kepen þat hows coueren hem
            <lb/>with hete of hors dong Withouten henne goos or doke
            <lb/>or ony oþer foul. And at the ende of .iij. wokes or of a
            <lb/>moneth þei comen aȝen &amp; taken here chikenes &amp; norisschen
            <lb/>hem &amp; bryngen hem forth so þat all the contree is full of
            <lb/>hem And so men don þere bothe winter &amp; somer. Also
            <lb/>in þat contree &amp; in oþere also men fynden longe Apples to
            <lb/>selle in hire cesoun &amp; men clepen hem Apples of Paradys
            <lb/>&amp; þei ben right swete &amp; of gode sauour And þogh ȝee
            <lb/>kutte hem in neuer so many gobettes or parties ouerthwart
            <lb/>or endlonges eueremore ȝee schull fynden in the
            <lb/>myddes the figure of the holy cros of oure lord Ihesu
            <lb/>But þei wil roten within .viij. dayes And for þat cause
            <lb/>men may not carye of þo apples to no fer contrees. Of
            <lb/>hem men fynden the mountance of an hundred in a
            <lb/>bascat to selle &amp; þei han grete leues of a fote &amp; an half
            <lb/>of lengthe &amp; þei ben couenably large. And men fynden 
            <lb/>þere also the appull tree of Adam þat han a byte at on
            <pb n="32"/>
            <lb/>of the sydes And þere ben also Fige trees þat beren no
            <lb/>leves but fyges vpon the smale braunches &amp; men clepen
            <lb/>hem Figes of <hi rend="type">Pharoon</hi> . Also besyde <hi rend="type">Cayre</hi> withouten
            <lb/>þat cytee is the feld where Bawme groweth And it
            <lb/>cometh out on smale trees þat ben non hyere þan to a
            <lb/>mannes breek girdill &amp; þei semen as wode þat is of the
            <lb/>wylde vyne. And in þat feld ben .vij. welles þat oure
            <lb/>lord Ihesu crist made with on of his feet whan he wente
            <lb/>to pleyen with oþer children. Þat feld is not so wel
            <lb/>closed  but þat men may entren at here owne list, But
            <lb/>in þat cesoun þat the bawme is growynge men put
            <lb/>þere to gode kepynge þat no man dar ben hardy to
            <lb/>entre. This bawme groweth in no place but only þere
            <lb/>And þough þat men bryngen of þe plauntes for to planten
            <lb/>in oþer contrees þei growen wel &amp; fayre but þei bryngen
            <lb/>forth no fructuous thing. &amp; the leves of bawme ne falle
            <lb/>nought. And men kutten the braunches with a scharp
            <lb/>flyntston or with a scharp bon whanne men wil go to
            <lb/>kutte hem, For who so kutte hem with jren it wolde
            <lb/>destroye his vertue &amp; his nature. And the sarazines
            <lb/>clepen the wode <hi rend="type">Enochbalse</hi> , And the fruyt the whiche
            <lb/>þat is as quybybes þei clepen <hi rend="type">Abebissam</hi> And the lycour
            <lb/>þat droppeth fro the braunches þei clepen Guybalse.
            <lb/>And men maken all weys þat bawme to ben tyled of the
            <lb/>cristen men or elles it wolde not fructyfye As the Sarazins
            <lb/>seyn hemself for it hath ben oftentyme preued.
            <lb/>Men seyn also þat the bawme groweth in ynde the more
            <lb/>in þat desert where Alysaundre spak to the trees of the
            <lb/>sonne &amp; of the mone But I haue not seen it For I haue
            <lb/>not ben so fer abouen vpward because þat þere ben to
            <lb/>many perilouse passages. And wyte ȝee wel þat a man
            <lb/>oughte to take gode kepe for to bye bawme but ȝif he
            <lb/>cone knowe it right wel, for he may right lyghtly ben
            <lb/>disceyued For men sellen a gomme þat men clepen
            <lb/>Turbentyne in stede of bawme And þei putten þereto a
            <lb/>litill bawme for to ȝeuen gode odour And summe putten
            <pb n="33"/>
            <lb/>wax in oyle of the wode of the fruyt of bawme &amp; seyn
            <lb/>þat it is bawme And summe destyllen clowes of gylofre
            <lb/>&amp; of spykenard of Spayne &amp; of oþere spices þat ben
            <lb/>wel smellynge &amp; the lykour þat goth out þerof þei
            <lb/>clepe it bawme And þus ben many grete lordes &amp; oþere
            <lb/>disceyued And þei wenen þat þei han bawme &amp; þei haue non.
            <lb/>For the Sarazines countrefeten it be sotyltee of craft for to
            <lb/>disceyuen the cristene men as I haue seen full many a
            <lb/>tyme. And after hem the marchauntes &amp; the Apotecaries
            <lb/>countrefeten it eftsones &amp; þanne it is lasse worth &amp; a gret
            <lb/>del worse. But ȝif it lyke ȝou I schall schewe how ȝee
            <lb/>schull knowe &amp; preue to the ende þat ȝee schull not ben
            <lb/>disceyued. First ȝee schull wel knowe þat the naturell
            <lb/>bawme is full cleer &amp; of cytryne colour &amp; strongly
            <lb/>smellynge. And ȝif it be thikke or reed or blak it is
            <lb/>Sophisticate þat is to seyne contrefeted &amp; made lyke it
            <lb/>for disceyt. And vnderstondeth þat ȝif ȝee wil putte a
            <lb/>lityll bawme in the pawme of ȝoure hond aȝen the sonne,
            <lb/>ȝif it be fyn &amp; gode ȝee ne schull not suffre ȝoure hand
            <lb/>aȝenst the hete of the sonne. Also taketh a lytill bawme
            <lb/>with the poynt of a knyf &amp; touche it to the fuyr &amp; ȝif it
            <lb/>brenne it is a gode signe. After take also a drope of
            <lb/>bawme &amp; put it into a dissch or in a cuppe with mylk of
            <lb/>a goot And ȝif it be naturell bawme anon it wole take &amp;
            <lb/>beclippe the mylk. Or put a drope of bawme in clere
            <lb/>water in a cuppe of syluer or in a clere bacyn &amp; stere it
            <lb/>wel with the clere water And ȝif þat the bawme be
            <lb/>fyn &amp; of his owne kynde the water schall neuere trouble,
            <lb/>And ȝif the bawme be sophisticat þat is to seyne
            <lb/>countrefeted the water schall beco<supplied resp="#xpath1(ancestor::TEI//sourceDesc//biblStruct[1]/monogr/editor)">m</supplied>e anon trouble.
            <lb/>And also ȝif the bawme be fyn it schall falle to the 
            <lb/>botme of the vessell as þough it were quyk syluer, For
            <lb/>the fyn bawme is more heuy twyes þan is the bawme þat
            <lb/>is sophisticat &amp; countrefeted. Now I haue spoken of
            <lb/>bawme &amp; now also I schall speke of another thing þat is
            <lb/>beȝonde Babyloyne aboue the Flode of Nile toward the
            <pb n="34"/>
            <lb/>desert betwene Affrik &amp; Egypt þat is to seyne of the
            <lb/>Gerneres Joseph þat he leet make for to kepe the
            <lb/>greynes for the perile of the dere ȝeres. And þei ben
            <lb/>made of ston full wel made of Masounes craft Of the whiche
            <lb/> .ij. ben merueylouse grete &amp; hye And the toþere ne ben
            <lb/>not so grete. And euery Gerner hath a ȝate for to entre
            <lb/>withjnne A lytill hygh from the erthe For the lond is
            <lb/>wasted &amp; fallen sithe the Gerneres were made. And
            <lb/>withjnne þei ben all full of serpentes And abouen the
            <lb/>Gerneres withouten ben many scriptures of dyuerse
            <lb/>langages. And summen seyn þat þei ben sepultures of
            <lb/>grete lordes þat weren somtyme but þat is not trewe For
            <lb/>all the comoun rymour &amp; speche is of all the peple þere
            <lb/>bothe fer &amp; nere þat þei ben the Garneres of Joseph And
            <lb/>so fynden þei in here scriptures &amp; in here cronycles. On
            <lb/>þat oþer partie, ȝif þei weren sepultures þei scholden not
            <lb/>ben voyd withjnne Ne þei scholde haue no ȝates for to
            <lb/>entre withjnne. For ȝee may wel knowe þat tombes &amp;
            <lb/>sepultures ne ben not made of such gretness ne of suche
            <lb/>highness, Wherfore it is not to beleue þat þei ben tombes
            <lb/>or sepultures. In Egypt also þere ben dyuerse langages
            <lb/>&amp; dyuerse lettres &amp; of oþer manere condicioun þan þere
            <lb/>ben in oþer partes as I schall deuyse ȝou suche as þei
            <lb/>ben And the names how thei clepen hem, To such entent
            <lb/>þat ȝee mowe knowe the difference of hem &amp; of othere.</p>
          <lb/>
          <lb/><head>OF THE YLE OF CECYLE; OF THE WEYE FRO
            <lb/>BABYLOYNE TO THE MOWNT SYNAY; OF
            <lb/>THE CHIRCHE OF SEYNTE KATERYNE, AND
            <lb/>OF ALLE THE MERUAYLLES ÞERE.</head>
          <lb/>
          <p><lb/>Now wil I retourne aȝen or I procede ony ferthere for
            <lb/>to declare ȝou the othere weyes þat drawen towardes
            <lb/>Babiloyne where the Soudan himself duelleth þat is at
            <pb n="35"/>
            <lb/>the entree of Egypt, for als moche as many folk gon
            <lb/>þider first &amp; after þat to the mownt Synay &amp; after retournen
            <lb/>to Ierusalem, As I haue seyd ȝou here beforn.
            <lb/>For þei fulfillen first the more longe pilgrymage &amp; after
            <lb/>retournen aȝen be the nexte weyes because þat the more
            <lb/>ny weye is the more worthi &amp; þat is Ierusalem, For non
            <lb/>other pilgrymage is not lyk in comparsoun to it. But
            <lb/>for to fulfille here pilgrymages more esily &amp; more sykerly
            <lb/>men gon first the longer weye rathere þan the nerere
            <lb/>weye. But whoso wil go to Babyloyne be another weye
            <lb/>more schort from þe contrees of the west þat I haue
            <lb/>reherced before or from oþer contrees next fro hem, þan
            <lb/>men gon by Fraunce be Burgoyne &amp; be Lombardye. It
            <lb/>nedeth not to telle ȝou the names of the cytees ne of
            <lb/>the townes þat ben in þat weye For the weye is comoun
            <lb/>&amp; it is knowen of many nacyouns. And þere ben manye
            <lb/>havenes <supplied resp="#xpath1(ancestor::TEI//sourceDesc//biblStruct[1]/monogr/editor)">where</supplied> þat men taken the see. Summe men taken
            <lb/>the see at Gene, Somme at Venyse &amp; passen be the see
            <lb/>Adryatyk þat is clept the Goulf of Venyse, þat departeth
            <lb/>ytaylle &amp; Grece on þat syde. And somme gon to Naples
            <lb/>somme to Rome &amp; from Rome to Brandys &amp; þere þei
            <lb/>taken the see &amp; in many othere places where þat hauenes
            <lb/>ben. And men gon be Tussye be Champayne be Calabre
            <lb/>be Appuille &amp; be the hilles of ytaylle be Chorisqe be
            <lb/>Sardyne &amp; be Cycile þat is a gret Ile &amp; a gode. In þat
            <lb/>Ile of Cycile þer is a maner of a gardyn in the whiche
            <lb/>ben many dyuerse frutes And the gardyn is alweys
            <lb/>grene &amp; florisshing, all the cesouns of the ȝeer als wel
            <lb/>in winter as in somer. Þat Ile holt in compas aboute
            <lb/> .ccc &amp; l. frensche myles And betwene Cycile &amp; Itaylle
            <lb/>þere is not but a lytill arm of the see þat men clepen
            <lb/>the Farde of Mescyne And Cycile is betwene the see
            <lb/>Adryatyk &amp; the see of lombardye, And fro Cycile in
            <lb/>to Calabre is but .viij. myles of lombardye. And in
            <lb/>Cycile þere is a manere of serpentes be the whiche men
            <lb/>assayen &amp; preuen wheþer here children ben bastardes or
            <lb/>none or of lawefull mariage, For ȝif þei ben born in right
            <pb n="36"/>
            <lb/>mariage the serpentes gon aboute hem &amp; don hem non 
            <lb/>harm And ȝif þei ben born in avowtrie the serpentes
            <lb/>byten hem &amp; envenyme hem &amp; thus manye wedded men
            <lb/>preuen ȝif the children ben here owne. Also in þat Ile
            <lb/>is the Mount Ethna þat men clepen Mount Gybell &amp; the
            <lb/>wlcanes þat ben eueremore brennynge. And þere ben
            <lb/> .vij. places þat brennen &amp; þat casten out dyuerse flawmes
            <lb/>and dyuerse colour And be the chaungynge of þo flawmes
            <lb/>men of þat contree knowen whanne it schall be derthe or
            <lb/>gode tyme or cold or hoot or moyst or drye or in all
            <lb/>othere manere how the tyme schall be gouerned. And
            <lb/>from Itaille vnto the wlcanes nys but .xxv. myle And
            <lb/>men seyn þat the wlcanes ben weyes of helle. Also
            <lb/>whoso goth be Pyse ȝif þat men list to go þat weye þere
            <lb/>is an arm of the see where þat men gon to oþere hauenes
            <lb/>in þo marches And þan men passen be the Ile of <hi rend="type">Greef</hi>
            <lb/>þat is at <hi rend="type">Gene</hi> And after arryueth men in <hi rend="type">Grece</hi> at the
            <lb/>hauene of the cytee of Myrok or at the hauene of Valone
            <lb/>or at the cytee of Duras, &amp; þere is a Duk at Duras, or at
            <lb/>oþere hauenes in þo marches &amp; so men gon to Constantynoble.
            <lb/>And after gon men be watre to the Ile of Crete &amp;
            <lb/>to the Ile of Rodes &amp; so to Cypre &amp; so to Venyse &amp; fro 
            <lb/>þens to Constantynoble, to holde the more right weye be
            <lb/>see it is wel a .m viij &amp; iiij. score myle of lombardye.
            <lb/>And after from Cipre men gon be see &amp; leven Ierusalem &amp;
            <lb/>all þat contre on the left hond vnto Egypt &amp; arryuen at
            <lb/>the cytee of DAMYETE þat was wont to ben full strong &amp;
            <lb/>it sytt at the entree of Egypt. And fro Damyete gon
            <lb/>men to the Cytee of Alizandre þat sytt also vpon the see.
            <lb/>In þat cytee was seynte kateryne beheded And þere was
            <lb/>seynt Mark the Euuangelist martyred &amp; buryed, But the
            <lb/>Emperour Leoun made his bones to ben brought to
            <lb/>Venyse. And ȝit þere is at Alizandre a faire chirche
            <lb/>all white withouten peynture and so ben all the othere
            <lb/>chirches þat weren of the cristene men all white withjnne,
            <lb/>For the Paynemes &amp; the Sarrazynes maden hem
            <lb/>white for to fordon the ymages of seyntes þat weren
            <pb n="37"/>
            <lb/>peynted on the walles. Þat cytee of Alizandre is wel 
            <lb/> .xxx. furlonges in lengthe but it is but .x. on largeness
            <lb/>And it is a full noble cytee &amp; a fayr. At þat cytee
            <lb/>entreth the ryuere of Nyle in to the see as I to ȝou haue
            <lb/>seyd before. In þat ryuere men fynden many precyouse
            <lb/>stones &amp; meche also of lignum aloes And it is a manere
            <lb/>of wode þat cometh out of paradys terrestre the whiche
            <lb/>is good for manye dyuerse medicynes And it <supplied resp="#xpath1(ancestor::TEI//sourceDesc//biblStruct[1]/monogr/editor)">is</supplied> right
            <lb/>dereworth. And from Alizandre men gon to Babyloyne
            <lb/>where the Soudan dwelleth þat sytt also vpon the ryuere
            <lb/>of Nyle, And this weye is most schort for to go streyght
            <lb/>vnto Babiloyne.</p>
        </div>
        <div type="sample" n="sample2">
          <pb n="140"/>
          <lb/><head>OF THE GRETE CHANE OF CHATAY; OF THE
            <lb/>RIALTEE OF HIS PALAYS &amp; HOW HE SITT
            <lb/>AT METE, AND OF THE GRETE NOMBRE OF
            <lb/>OFFICERES ÞAT SERUEN HYM.</head>
          <lb/>
          <p><lb/>Chatay is a grete contree &amp; a fair, noble &amp; riche &amp;
            <lb/>full of marchauntes; þider gon Marchaundes all
            <lb/>ȝeres for to sechen spices &amp; all manere of marchandises
            <lb/>more comounly þan in ony oþer partye. And ȝee schull
            <lb/>vnderstonde þat Marchaundes þat comen fro <hi rend="type">Gene</hi> or
            <lb/>fro <hi rend="type">Venyse</hi> or fro <hi rend="type">Romanye</hi> or oþer parties of <hi rend="type">Lombardye</hi>
            <lb/>þei gon be see &amp; be londe .xj. monethes or .xij. or more
            <lb/>sumtyme or þei may come to the yle of <hi rend="type">Cathay</hi> , þat is
            <lb/>the princypall regyoun of all partyes beȝonde &amp; it is of
            <lb/>the grete <hi rend="type">Cane</hi> . Fro <hi rend="type">Cathay</hi> go men toward the est be
            <lb/>many iorneyes &amp; þan men fynden a gode cytee betwene
            <lb/>þeise oþere þat men clepen <hi rend="type">Sugarmago</hi> . Þat cytee is
            <lb/>on of the beste stored of sylk &amp; oþer marchandises þat
            <lb/>is in the world. After gon men ȝit to anoþer old cytee
            <lb/>toward the est &amp; it is in the prouynce of <hi rend="type">Cathay</hi> , And
            <lb/>besyde þat cytee the men of <hi rend="type">Tartarye</hi> han let make
            <lb/>a nother cytee þat is clept Caydon &amp; it hath .xij. ȝates
            <lb/>And betwene the .ij. ȝates þere is allweys a gret myle.
            <lb/>So þat the .ij. cytees, þat is to seyne the olde &amp; the
            <lb/>newe han in cyrcuyt more þan .xx. myle. In this cytee
            <lb/>is the sege of the grete <hi rend="type">Cane</hi> in a full gret palays &amp;
            <lb/>the most passynge fair in all the world, Of the whiche
            <lb/>the walles ben in circuyt more þan .ij. myle, And within
            <lb/>the walles it is all full of oþer palays. And in the gardyn
            <lb/>of the grete palays þere is a gret hill vpon the whiche
            <lb/>is anoþer palays And it is the most fair &amp; the most riche
            <lb/>þat ony man may deuyse And all aboute the palays &amp; the
            <lb/>hill ben many trees berynge many dyuerse frutes. And
            <pb n="141"/>
            <lb/>all aboute þat hill ben dyches grete &amp; depe And besyde
            <lb/>hem ben grete vyueres on þat o part &amp; on þat other
            <lb/>And þere is a full fair brigge to passen ouer the dyches.
            <lb/>And in þeise vyueres ben so many wylde gees &amp; gandres
            <lb/>&amp; wylde dokes &amp; swannes &amp; heirouns þat it is withouten
            <lb/>nombre. And all aboute þeise dyches &amp; vyueres is the
            <lb/>grete gardyn full of wylde bestes so þat whan the gret
            <lb/><hi rend="type">Cane</hi> wil haue ony desport ouþer to taken ony of the
            <lb/>wylde bestes or of the foules, he wil lete chace hem
            <lb/>&amp; taken hem at the windowes withouten goynge out of
            <lb/>his chambre. This palays where his sege is is bothe
            <lb/>gret &amp; passynge fair And within the palays in the halle
            <lb/>þere ben .xxiiij. pyleres of fyn gold &amp; all the walles ben
            <lb/>couered withjnne of rede skynnes of bestes þat men
            <lb/>clepen <hi rend="type">Panteres</hi> , þat ben faire bestes &amp; wel smellyng
            <lb/>so þat for the swete odour of þo skynnes non euyll ayr
            <lb/>may entre in to the palays. Þo skynnes ben als rede as
            <lb/>blode &amp; þei schynen so brighte aȝen the sonne þat vnethes
            <lb/>noman may beholden hem. And many folk worschipen
            <lb/>þo bestes whan þei meeten hem first at morwe for here
            <lb/>gret vertue &amp; for the gode smell þat þei han, &amp; þo skynnes
            <lb/>þei preysen more þan þough þei were plate of fyn gold.
            <lb/>And in the myddes of this palays is the mountour for
            <lb/>the grete <hi rend="type">Cane</hi> þat is all wrought of gold &amp; of precyous
            <lb/>stones &amp; grete perles. And at .iiij. corneres of the
            <lb/>mountour ben .iiij. serpentes of gold And all aboute þer is
            <lb/>ymade large nettes of sylk &amp; gold &amp; grete perles hangynge
            <lb/>all aboute the mountour. And vnder the <hi rend="type">mountour</hi> ben
            <lb/><hi rend="type">Condytes</hi> of beuerage þat þei drynken in the Emperours
            <lb/>court And besyde þe condytes ben many vesselles of gold
            <lb/>be the whiche þei þat ben of houshold drynken at the
            <lb/>condyt. And the halle of the palays is full nobelych
            <lb/>arrayed &amp; full meruey<supplied resp="#xpath1(ancestor::TEI//sourceDesc//biblStruct[1]/monogr/editor)">l</supplied>leousely atyred on all partyes in
            <lb/>all thinges þat men apparayle with ony halle. And first
            <lb/>at the chief of the halle is the Emperoures throne full
            <lb/>high where he sytteth at the mete &amp; þat is of fyn
            <pb n="142"/>
            <lb/>precyouse stones bordured all aboute with pured gold &amp;
            <lb/>precyous stones &amp; grete perles, And the grees þat he goth
            <lb/>vp to the table ben of precious stones medled with gold.
            <lb/>And at the left syde of the Emperoures sege is the sege
            <lb/>of his firste wif o degree lowere þan the Emperour &amp; it is
            <lb/>of jaspere bordured with gold &amp; precious stones. And the
            <lb/>sege of his seconde wif is also anoþer <supplied resp="#xpath1(ancestor::TEI//sourceDesc//biblStruct[1]/monogr/editor)">degree</supplied> more lowere
            <lb/>þan his firste wif &amp; it is also of jaspere bordured with
            <lb/>gold as þat oþer is. And the sege of the thridde wif is
            <lb/>also more lowe be a degree þan the seconde wif. For he
            <lb/>hath alweys .iij. wifes with him where þat euere he be &amp;
            <lb/>after his wyfes on the same syde sytten the ladyes of his
            <lb/>lynage ȝit lowere after þat þei ben of estate. And all þo
            <lb/>þat ben maryed han a countrefete made lyche a <hi rend="type">mannes
              <lb/>foot</hi> vpon here hedes cubyte long all wrought with grete
            <lb/>perles of fyne &amp; oryent &amp; abouen made with pecokes fedres
            <lb/>&amp; of oþer schynynge fedres &amp; þat stont vpon here hedes
            <lb/>lyke a crest, in tokene þat þei ben vnder mannes fote &amp;
            <lb/>vnder subieccioun of man, And þei þat ben vnmaryed
            <lb/>han none suche. And after at the right syde of the
            <lb/>Emperour first sytteth his oldest sone þat schall regne
            <lb/>after him; And he sytteth also o degree lowere þan the
            <lb/>Emperour in suche manere of seges as don the Emperesses.
            <lb/>And after him sitten oþer grete lordes of his lynage, euery
            <lb/>of hem a degree lowere þan oþer, as þei ben of estate.
            <lb/>And the Emperour hath his table allone be him self þat
            <lb/>is of gold &amp; of precious stones or of cristall bordured with
            <lb/>gold &amp; full of precious stones or of Amatystes or of
            <lb/><hi rend="type">Lignum Aloes</hi> þat cometh out of paradys or of Iuory
            <lb/>bounden &amp; bordured with gold. And euerych of his
            <lb/>wyfes hath also hire table be hireself And his eldest sone
            <lb/>&amp; the oþer lordes also &amp; the ladyes &amp; all þat sitten with 
            <lb/>the Emperour han tables allone be hemself full riche.
            <lb/>And þere nys no table but þat it is worth an huge tresour
            <lb/>of <choice><sic resp="#HC_ME_compilers">gode</sic><corr resp="#HC_XML_errata_corrections">golde<note resp="#HC_XML_errata_corrections">Edition: gode</note></corr></choice>. And vnder the Emperoures table sitten .iiij.
            <lb/>clerkes þat writen all þat the Emperour seyth, be it good,
            <pb n="143"/>
            <lb/>be it euyll. For all þat he seyth moste ben holden, for
            <lb/>he may not chaungen his woord ne revoke it. And <supplied resp="#xpath1(ancestor::TEI//sourceDesc//biblStruct[1]/monogr/editor)">at</supplied>
            <lb/>grete solempne festes before the Emperoures table men
            <lb/>bryngen grete tables of gold &amp; þereon be Pecokes of gold
            <lb/>&amp; many oþer maner of dyuerse foules all of gold &amp; richely
            <lb/>wrought &amp; enameled &amp; men maken hem dauncen and
            <lb/>syngen clappynge here wenges to gydere &amp; maken gret
            <lb/>noyse &amp; wheþer it be by craft or be nygromancye I wot nere,
            <lb/>but it is a gode sight to beholde &amp; a fair, And it is gret
            <lb/>meruayle how it may be. But I haue the lasse meruaylle
            <lb/>because þat þei ben the moste sotyle men in all sciences &amp;
            <lb/>in all craftes þat ben in the world, For of sotyltee &amp; of
            <lb/>malice &amp; of fer castynge þei passen all men vnder heuene.
            <lb/>And þerfore þei seyn hem self þat þei seen with .ij. eyen
            <lb/>&amp; the cristene men see but with on be cause þat þei ben
            <lb/>more sotyll þan þei, For all oþer naciouns þei seyn ben
            <lb/>but blynde in conynge &amp; worchinge in comparisoun to
            <lb/>hem. I did gret besyness for to haue lerned þat craft
            <lb/>but the maistre tolde me þat he had made avow to his god
            <lb/>to teche it to no creature but only to his eldeste sone.
            <lb/>Also aboue the Emperoures table &amp; the oþere tables &amp;
            <lb/>abouen a gret partie in the halle is a <hi rend="type">Vyne</hi> made of fyn
            <lb/>gold &amp; it spredeth all aboute the hall &amp; it hath many
            <lb/>clustres of grapes, somme white, somme grene, summe
            <lb/>ȝalowe &amp; somme rede &amp; somme blake, all of precious
            <lb/>stones. The white ben of <hi rend="type">cristall</hi> &amp; of <hi rend="type">berylle</hi> &amp; of
            <lb/><hi rend="type">jris</hi> , the ȝalowe ben of <hi rend="type">topazes</hi> , the rede ben of
            <lb/><hi rend="type">rubies</hi> &amp; of <hi rend="type">Grenaz</hi> &amp; of <hi rend="type">Alabraundynes</hi> , The grene
            <lb/>ben of Emeraudes of Perydos &amp; of Crisolytes, And the
            <lb/>blake ben of Onichez &amp; Garantez. And þei ben all so
            <lb/>propurlych made þat it semeth a verry vyne berynge
            <lb/>kyndely grapes. And before the Emperoures table
            <lb/>stonden grete lordes &amp; riche barouns &amp; othere þat seruen
            <lb/>the Emperour at the mete. But noman is so hardy to
            <lb/>speke a word but ȝif the Emperour speke to him, But ȝif
            <lb/>it be Mynstrelles þat syngen songes &amp; tellen gestes or oþer
            <pb n="144"/>
            <lb/>desportes to solace with the Emperour. And all the
            <lb/>vessell þat men ben serued with in the halle or in 
            <lb/>chambres ben of precious stones And specyally at grete
            <lb/>tables, ouþer of jaspre or of cristall or of Amatystez or
            <lb/>of fyn gold. And the cuppes ben of Emeraudez &amp; of
            <lb/>Saphires or of Topazes, of Perydoz and of many oþer
            <lb/>precyouse stones. Vessell of syluer is þere non, for þei
            <lb/>tell no prys þere of to make no vessell offe, But þei
            <lb/>maken þerof grecynges &amp; pileres &amp; pawmentes to halles &amp;
            <lb/>chambres. And before the halle dore stonden manye
            <lb/>barounes &amp; knyghtes clene armed to kepe þat noman
            <lb/>entre, but ȝif it be the wille or the commandement of the
            <lb/>Emperour or but ȝif þei ben seruauntes or mynstrall of
            <lb/>the houshold; And oþer non is not so hardy to neighen
            <lb/>ny the hall dore. And ȝe schull vndirstonde þat my
            <lb/>felawes and I with oure ȝomen we serueden this
            <lb/>Emperour &amp; weren his Soudyoures .xv. monethes aȝenst
            <lb/>the kyng of <hi rend="type">Mancy</hi> þat held werre aȝenst him. And the
            <lb/>cause was for wee hadden gret lust to see his noblesse &amp;
            <lb/>the estat of his court &amp; all his gouernance, to wite ȝif it
            <lb/>were such as we herde seye þat it was. And treuly we
            <lb/>fond it more noble and more excellent &amp; ricchere &amp; more
            <lb/>merueyllous þan euer we herde speke offe. In so moche
            <lb/>þat we wolde neuer han leved it, had wee not a seen it,
            <lb/>For I trowe þat noman wolde beleve the noblesse, the
            <lb/>ricchesse ne the multytude of folk þat ben in his court,
            <lb/>but he had seen it. For it is not þere as it is here, For
            <lb/>the lordes here han folk of certeyn nombre als þei may
            <lb/>suffise, But the grete <hi rend="type">Chane</hi> hath euery day folk at his
            <lb/>costages &amp; expens as withouten nombre. But the
            <lb/>ordynance ne the expenses in mete &amp; drink ne the
            <lb/>honestee ne the clennesse is not so arrayed þere as it is
            <lb/>here; for all the comouns þere eten withouten cloth vpon
            <lb/>here knees &amp; þei eten all maner of flessch &amp; lityll of bred,
            <lb/>And after mete þei wypen here hondes vpon here skyrtes
            <lb/>&amp; þei eten not but ones a day. But the estat of lordes is
            <lb/>full gret &amp; riche &amp; noble. And all be it þat sum men wil
            <pb n="145"/>
            <lb/>not trow me, but holden it for fable to tellen hem the
            <lb/>nobless of his persone &amp; of his estate &amp; of his court &amp; of
            <lb/>the gret multytude of folk þat he holt, natheles I schall
            <lb/>seye ȝou A partye of him &amp; of his folk, after þat I haue
            <lb/>seen the manere &amp; the ordynance full many a tyme. And
            <lb/>whoso þat wole may leve me ȝif he will, And whoso will
            <lb/>not may leue also. For I wot wel ȝif ony man hath
            <lb/>ben in þo contrees beȝonde, þough he haue not ben in the
            <lb/>place where the grete <hi rend="type">Chane</hi> duelleth, he schall here
            <lb/>speke of him so meche merueylouse þing, þat he schall
            <lb/>not trowe it lightly; And treuly no more did I myself til
            <lb/>I saugh it. And þo þat han ben in þo contrees &amp; in the
            <lb/>gret <hi rend="type">Canes</hi> houshold knowen wel þat I seye soth And
            <lb/>þerfore I will not spare for hem þat knowe not ne beleue
            <lb/>not but þat þat þei seen for to tell ȝou a partie of him &amp;
            <lb/>of his estate þat he holt whan he goth from contree to
            <lb/>contree &amp; whan he maketh solempne festes.</p>
        </div>
      </body>
    </text>
</TEI>