  <TEI n="M3/4" xml:id="gaytr">
    <teiHeader>
      <fileDesc>
        <titleStmt>
          <title key="M3/4 IR SERM GAYTR" ref="#gaytr.serm_gaytryge" n="SERM GAYTRYGE">Dan Jon Gaytryge's Sermon</title>
          <author key="GAYTRYGE DAN JON" ref="#gaytryge_dan_jon"><forename>Dan Jon</forename> <surname>Gaytryge</surname></author>
          <editor role="compiler" ref="#HC_ME_compilers"/>
        </titleStmt>
        <extent>
          <measure quantity="5230" unit="words"/>
          <idno type="file">CMGAYTRY</idno>
        </extent>
        <publicationStmt>
          <p>Published as a part of the <title ref="#HC_XML">Helsinki Corpus TEI XML Edition</title>.</p>
        </publicationStmt>
        <sourceDesc>
          <biblStruct>
            <monogr>
              <title level="m">Religious Pieces in Prose and Verse</title>
              <editor>G. G. Perry</editor>
              <imprint>
                <pubPlace>New York</pubPlace>
                <date when="1969">1969</date> 
                <date type="first" when="1914">1914</date>
              </imprint>
              <biblScope>pp. 1.1–15.4</biblScope>
            </monogr>
            <series>
              <title level="s">Early English Text Society, O.S.</title>
              <biblScope type="vol">26</biblScope>
            </series>
          </biblStruct>
        </sourceDesc>
      </fileDesc>
      <profileDesc>
        <creation>
          <date type="original" from="1351" to="1420">1350–1420</date>
          <date type="manuscript" from="1351" to="1420">1420–1500</date>
        </creation>
        <langUsage>
          <language ident="enm-x-n">Northern dialect of Middle English</language>
        </langUsage>
        <textClass xml:id="gaytr_classification" default="true">
          <catRef n="O" scheme="#periods" target="#M3"/>
          <catRef n="M" scheme="#periods" target="#M4"/>
          <catRef n="K" scheme="#contemporaneity" target="#non-contemporary"/>
          <catRef n="D" scheme="#dialect" target="#NO"/>
          <catRef n="V" scheme="#form" target="#prose"/>
          <catRef n="T" scheme="#texttype" target="#sermon"/>
          <catRef n="G" scheme="#foreign_orig" target="#x.orig"/>
          <catRef n="F" scheme="#foreign_lang" target="#NA"/>
          <catRef n="W" scheme="#spoken" target="#x.spoken"/>
          <catRef n="X" scheme="#author_sex" target="#male"/>
          <catRef n="Y" scheme="#author_age" target="#age_X"/>
          <catRef n="H" scheme="#social_rank" target="#rank_other"/>
          <catRef n="U" scheme="#audience" target="#aud_x"/>
          <catRef n="E" scheme="#part_rel" target="#x.x"/>
          <catRef n="J" scheme="#interaction" target="#non-interactive"/>
          <catRef n="I" scheme="#setting" target="#x.setting"/>
          <catRef n="Z" scheme="#proto" target="#instr.rel"/>
        </textClass>
      </profileDesc>
    </teiHeader>
    <text>
      <body>
        <div type="sample" n="sample1">
          <pb n="1"/>
          <lb/><head>I. DAN JOHN GAYTRYGE'S SERMON.</head>
          <lb/>
          <p><lb/>Here begynnes a Sermon þat Dan Iohn Gaytryge made, þe
            <lb/>whilke teeches how scrifte es to be made, &amp; whare-of, and in
            <lb/>scrifte how many thyngeȝ solde be consederide. <foreign>Et est Petrus
              <lb/>sentenciarum discrecione prim<hi rend="accented">a</hi>.</foreign></p>
          <lb/>
          <p><lb/>Als a grett Doctour schewes in his buke, of all þe
            <lb/>creatoures þat Gode made in heuen and in erthe,
            <lb/>in water and in ayere, or in oghte elles, þe Souerayne
            <lb/>cause &amp; þe skyll whi He mad þam was His awen
            <lb/>gud will and His gudnes, Thurgh þe whilke gudnes,
            <lb/>alls He es all gude, He walde þat some creatures of þase þat
            <lb/>He made ware communers of þat blyse þat euer-mare lastis.
            <lb/>And for þat na creatoure myghte come to þat blyse with-owtten
            <lb/>knaweyng of Godd, als þat clerkes teches, He made
            <lb/>skillwyse creatours Angelle and man, of witt and wysdom to
            <lb/>knawe God Almyghtyn, and, thorowe þaire knawynge lufe
            <lb/>Hym and serue Hym, and so come to þat blyse þat þay ware 
            <lb/>made to. This manere of knawynge had oure forme-fadyrs in
            <lb/>þe state of Innocence þat þay ware mad In; and so sulde we
            <lb/>hafe hade, if þay had noghte synnede. Noghte so mekill als
            <lb/>hally saules hase now in heuen, Bot mekill mare þan man
            <lb/>hase now in erthe. For oure fourme-fadyrs synned, sayse þe
            <lb/>prophete, and we bere þe wykkydnes of þaire mysdedis; For
            <lb/>þe knawyng þat þay had of Godd All-myghten, they had it of
            <lb/>Goddes gyfte at þaire begynnynge, with-owtten trauayle, or
            <lb/>tray, or passinge of tym. And all þe knaweyng þat we hafe
            <lb/>in þis werlde of Hym, es of heryng, and of lerynge, and of
            <lb/>techyng of oþer, of þe law and þe lare þat langes till Haly
            <pb n="2"/>
            <lb/>Kyrke, þe whilke all creatours þat lufes God Almyghten awe
            <lb/>to knawe and to cun, and lede þaire lyfe aftir, and swa come
            <lb/>to þat blysse þat neuer mare blynnes.</p>
          <p><lb/>And for-thi þat mekill folke now in þis werlde ne ere noghte 
            <lb/>wele ynoghe lerede to knawe God Almyghty, ne lufe Hym ne
            <lb/>serue Hym als þay sulde do, and als þaire dedys oftesythes
            <lb/>opynly schewes, in gret perell to þam, to lyfe and to saule;
            <lb/>and perawnter þe defaute may be in thaym þat hase þair saules
            <lb/>for to kepe, and thaym sulde teche, - als prelates and persons,
            <lb/>vicars and prestes, þat ere halden by dett for to lere þam - 
            <lb/>For-thi our Fadir þe byschope þat God Almyghty saue, þat,
            <lb/>als Sayn Paule sayse in his pystill, will þat all men be safe,
            <lb/>and knawe God Almyghten, and namely þase vndirlowttes þat
            <lb/>till hym langes, hase tretide and Ordeyned for þe comon
            <lb/>profett, thorowe þe councell of his clergy, þat ilkane þat
            <lb/>vndir hym hase cure of saule, Opynly, one ynglysche, apon
            <lb/>sonnondayes, preche and teche þaym þat þay hase cure off,
            <lb/>þe lawe and þe lare to knawe God Almyghty, þat principally may
            <lb/>be schewede in theis sexe thynges - In þe fourtene poyntes
            <lb/>þat falles to þe trowthe, In þe ten commandementes þat
            <lb/>Gode hase gyfen vs, In þe Seuen Sacramentes þat er in 
            <lb/>Haly Kyrke, In þe Seuen werkes of mercy vntill oure euen
            <lb/>crystyn, In þe seuen vertus þat ilke man sall vse, And
            <lb/>in þe Seuen dedly Synnes þat ilke man sall refuse. And he
            <lb/>byddes and commandes in all þat he may, þat all þat hase
            <lb/>cure or kepynge vndir hym Enioyne þair parischennes and þair 
            <lb/>sugettes þat þay here and lere þise ilke sex thynges, and
            <lb/>oftesythes reherse þam till þat þay cun þam, and sythen
            <lb/>teche þam þair childir, if þay any haue, whate tym so þay
            <lb/>are of elde to lere þam. And þat persouns and vycars and
            <lb/>all parische prestis, Enquere delygently of þair sugettes In
            <lb/>þe lentyn tym, when þay come to scryfte, wheþer þay knawe
            <lb/>and cun þise sex thynges; and if it be funden þat þay cun
            <lb/>þam noghte, þat þay Enjoyne þam appon his behalfe, and
            <lb/>Of payne of penance, for to cun þam. And for-thi þat nane
            <lb/>sall excuse thaym thurghe vnknawlechynge for to cun þam,
            <pb n="3"/>
            <lb/>our haly Fadir þe beschope, of his gudnes, hase ordaynede
            <lb/>and bedyn þat þay be schewede opynly one ynglysche amanges
            <lb/>þe folke.</p>
          <p><lb/>Whare-fore, anence þe fyrste of þise sex thynges þat es to
            <lb/>knawe, þe articles þat falles to þe trouthe, - als gret clerkes
            <lb/>teches and schewes in thaire bukes, - Thare Falles to þe faythe
            <lb/>fourtene poyntes; Of þe whilke seuen Falles to Goddes Goddhede,
            <lb/>and oþer seuen Falles to Cristes manehede. The firste
            <lb/>poynte þat we sall trowe of þe Godhede, Es to trow stedfastely
            <lb/>In a trewe Godd, and þat na noþer es for to trowe In. The 
            <lb/>toþer es, þat þe heghe Fadir of heuen es stedfaste and sothefaste
            <lb/>Godd Almyghtyn. The thirde es, þat Ihesu Criste, Goddes
            <lb/>Sone of heuen, es sothefastely Gode, euen till His Fadir. The
            <lb/>ferthe es, þat þe Haly Gaste, þat samenly commes of bathe þe
            <lb/>Fadir and þe Sonne, es sothefaste Godde, euen to þaym bathe;
            <lb/>and þe whethir noghte twa Goddes, þe Fadir and þe Sonne, ne
            <lb/>thre Goddes, þe Fadir and þe Sonne &amp; þe Haly Gaste, Bot thre
            <lb/>sere persouns, and noghte bot a Godd. The fyfte arctecle es,
            <lb/>þat þe Trynyte, þe Fadir and þe Sonne and þe Haly Gaste,
            <lb/>thre persouns and a Godd, es makere of heuen and erthe and
            <lb/>of all thynges. The Sexte artycle es, þat Haly Kirke, oure
            <lb/>modire, es hallyly ane thorow-owte þe werlde, that es, comonynge
            <lb/>and felawrede of all cristen folke þat comouns to-gedir in þe
            <lb/>sacramentes, and in oþer haly thynges þat falles till Haly Kyrke,
            <lb/>with-owtten þe whilke ne es na saule hele. The Seuend
            <lb/>article þat vs awe to trowe es, vppe-rysynge of flesche, and life
            <lb/>with-owtten Ende. For when þe dede hase sundyrde oure
            <lb/>bodyes and oure saules for a certayne tym, als oure kynd askes,
            <lb/>vnto when þat God sall deme þe qwykke and þe dede, Thane
            <lb/>oure saules sall turne agayne till oure bodyes, and we þase ilke
            <lb/>(and nane oþer þan we are nowe), sothefastely sall ryse vp in
            <lb/>body and saule, þat neuer mare sall sundire, fra þat tym furthe,
            <lb/>bot Samen (if we wele doo whiles we er here) wende with Godd
            <lb/>to þat blysse þat euer-mare lastes. And if we euyll do, till
            <lb/>Endles payne.</p>
          <pb n="4"/>
          <p><lb/>Thir are oþer seuen poyntes of Cristes Manhede þat are
            <lb/>nedfull to trowe, till all þat are crystyn. The fyrste es, þat
            <lb/>Ihesu Criste, Goddes Sone of heuen, was sothefastely conceyuede
            <lb/>of þe maden Marie, and tuke flesche and blude, and become
            <lb/>man thurghe þe myghte and þe strenghe of þe Haly Gaste, with-owtten
            <lb/>any merryng of hir modirhede, with-owtten any mynynge
            <lb/>of hir maydenhede. The toþer artecle es, þat we sall trowe
            <lb/>þat He, Godd and man bathe in a persoune, was sothefastely of
            <lb/>þat blessyde mayden, Godd getyn of His Fadire be-fore any
            <lb/>tyme, and man, born of His modir, and broghte furthe in tyme.
            <lb/>The thirde poynte þat we sall trowe es, Cristes Passione
            <lb/>that He tholede bodyly for synfull man-kynde, How He was
            <lb/>betraysede with His disciple, and taken with þe Iewes, beten
            <lb/>with scourges, þat na skynn helde, naylede one þe rude, and
            <lb/>corounde with thornes, and many oþer harde paynes, and dyede
            <lb/>at þe laste. The ferthe artecle es, þat whene He was dede,
            <lb/>and His body tane doun, and wonden and doluen, ȝit þe whills
            <lb/>His body lay in þe graue, þe gaste with þe Godhede wente vnto
            <lb/>Helle, and heryede it, and tuke owte þase þat ware þare-in, als
            <lb/>Adam and Eue and oþer Forme-fadyrs whilke He in His forluke
            <lb/>walde þat ware sauede. The fyfte poynte es, þat one þe
            <lb/>thirde day after þat He dyede, He rase fra dede to lyfe,
            <lb/>Sothefaste Godd and man in body and in saule. For als He
            <lb/>dyede in seknes of oure manhede, So He rase thurghe strenghe
            <lb/>of His Godhede, and swa dystroyed oure dede thurgh His
            <lb/>diynge, and quykkynd vs vnto lyfe thurghe His rysesynge.
            <lb/>The sexte artecle es, þat we sall trowe þat one þe fourtede
            <lb/>day eftyr þat He rase, Thurgh strenghe of Hym-selfe, He steye
            <lb/>in-till Heuen, whare oure kynde es nowe in His blyssyde
            <lb/>personne, noghte anely euynne ne mete till His angells, Bot hey
            <lb/>coround kynge abowne all His angells, þat be-fore tym was
            <lb/>lesse þan þe kynde of angells. The seuend article es, þat
            <lb/>righte als He dyede, and eftirwarde rase, and stey in-till
            <lb/>heuen, Righte swa sall He come apon þe laste day, Bathe
            <lb/>for to deme þe qwykke and þe dede, whare all þe folke þat
            <lb/>euer was, or es, or sall be, sall sothefastely be schewede and
            <pb n="5"/>
            <lb/>sene be-fore Hym, and ilke a man answere of his awen dedis,
            <lb/>and be saued or dampnede wheþer so he serues; For, als His
            <lb/>ryghtwysenes now es mengede with mercy, swa sall it thane be
            <lb/>with-owtten mercy.</p>
          <lb/>
          <lb/><head><foreign>SECUNDO.</foreign></head>
          <lb/><head><foreign>DECEM PRECEPTA DEI.</foreign></head>
          <lb/><head>THE TEN COMMANDEMENTIS.</head>
          <lb/>
          <p><lb/>Þe secund thyng of þe Sex to knawe God Almyghten es,
            <lb/>þe ten Commandmentes þat He hase gyffen vs. Of þe
            <lb/>whilke ten, þe thre þat ere firste, awe vs hallyly to halde
            <lb/>anence oure Godd, and þe Seuen þat ere eftyre, anence
            <lb/>oure euen cristen. The firste comandement charges vs, and
            <lb/>teches vs, þat we leue ne lowte na false goddes. And in þis
            <lb/>commandement es forboden vs alkyn mysbyleues and all
            <lb/>mawmetryes, all false enchauntementes, and all soceryes, all
            <lb/>false charmes, and all wichecraftes, þat men of myssebyleue
            <lb/>traystes appon, or hopes any helpe In, with-owtten God
            <lb/>Almyghten. The toþer commandement byddes vs noghte
            <lb/>take in ydillchipe, ne in vayne, þe name of oure Lorde Godd, 
            <lb/>so þat we trowe noghte in His name bot þat es sothefaste, þat
            <lb/>we swere noghte by His name bot it be byhouely, and þat we
            <lb/>neuen noghte His name bot wirchipfully. The thirde
            <lb/>commandement es, þat we halde and halowe oure haly day,
            <lb/>þe Sonondaye, and all oþer þat falles to þe ȝere, þat er ordeynede
            <lb/>to halowe thurgh Haly Kyrke. In þe whilke dayes all folke,
            <lb/>bathe lerede and lawede, awe to gyffe þam gudly to Goddes
            <lb/>seruyce, to here and say it efter þaire state es, in wirchipe of
            <lb/>Godd All-myghty and of His gud halowes, noghte þan for to
            <lb/>tente to tary with þe werlde, ne lyffe in lykynge ne luste, þat
            <lb/>þe flesche ȝernes, Bot gudly to serue Godd in clennes of lyfe.
            <lb/>The ferthe commandement byddes vs doo wyrchipe to Fadire
            <lb/>and to modire, noghte anely to fleschely fadyr and modire, þat
            <lb/>getes vs and fosters vs furthe in þe werlde, bot till oure gastely
            <lb/>Fadire þat hase heuede of vs, and teches vs to lyffe till hele of
            <pb n="6"/>
            <lb/>oure saules, and till oure gastely modyr, þat es, Haly Kyrke,
            <lb/>to be bouxome þare-to, and saue þe ryghte of it, For it es
            <lb/>modir till all þat cristenly lyffes, and alswa till ilke man þat
            <lb/>wyrchipfull es, for to do wyrchipe eftere þat it es. The fyfte
            <lb/>comandement byddes vs þat we sla na man, þat es to say,
            <lb/>bodyly ne gastely noþer; For als many we sla, in þat at we
            <lb/>may, als we sclaundire or bakbyte or falsely deffames, or fandes
            <lb/>for to confounde þaym þat noghte serues, or withdrawes lyfelade
            <lb/>fra þam þat hase nede, if we be of hauynge for to helpe þam.
            <lb/>The sexte commandment forbeddes us to syn or for to foly
            <lb/>fleschely with any woman, owþer sybbe or fremmede, wedde or
            <lb/>vnwedde, or any fleschely knawynge or dede haue with any,
            <lb/>oþer þan þe Sacrament of matremoyne excuseȝ, and þe lawe and
            <lb/>þe lare of Haly Kyrke teches. The seuend byddis vs þat
            <lb/>we sall noghte stele: In whilke es forboden vs robbyng and
            <lb/>reuyng, and all wrangwyse takynge or with-haldynge, or
            <lb/>hydynge or helelynge of oþer menes gudes, agaynes þaire witt
            <lb/>and þaire will þat hase ryghte to þaym. The aughten
            <lb/>commandement byddes vs þat we sall bere no false wytnes
            <lb/>agaynes oure euen cristen: In þe whilke es forboden vs all
            <lb/>manere of lesynges, False consperacye and false swerynge,
            <lb/>whare-thurghe oure euen cristyn may lese þayre catell, Faith,
            <lb/>Fauour or Fame, or anything ells, wheþer it be in gastely or in
            <lb/>bodyly gudes. The nyende commandement es, þat we ȝerne 
            <lb/>noghte oure neghtboure house: In whilke es forboden all 
            <lb/>wrangwyse couetyse of land or of lythe, or of oghte elles þat
            <lb/>may noghte be lyftede ne raysede fra þe grounde, als thynge
            <lb/>þat es stedfaste, and may noghte be styrrede. The tend
            <lb/>commandement an þe laste es, þat we ȝerne noghte þe wyefe
            <lb/>of oure neghteboure ne of oure euyn cristen, ne his mayden, ne
            <lb/>his knaue, ne his oxe, ne his asse: In þe whilke es forboden
            <lb/>vs to ȝerne or to take any thynge þat may be styrride of oþer
            <lb/>mens gudes, als robes or reches or oþer catell, þat we hafe na
            <lb/>gude titill ne na ryghte to; For what thyng so we take or
            <lb/>getes one oþer wyse þan þe lawe and þe lare of Haly Kyrke
            <lb/>teches, we may noghte be assoylede of þe trespase bot if we
            <pb n="7"/>
            <lb/>make assethe, in þat þat we may, to þam þat we harmede with
            <lb/>haldande þaire gude. And in case þat we hafe thurghe false
            <lb/>athes, als in assises or oþer enquestes, wetandly or willfully
            <lb/>gerte oure euen cristyn lesse þaire patremoyne or þaire heritage,
            <lb/>or falsely be dyssessede of lande or of lythe, or false deuorce be
            <lb/>made, or any man dampnede, þofe all we do þat we may to þe
            <lb/>party, ȝit may we noghte be assoylede of þe trespas, bot of 
            <lb/>oure beschoppe, or of hym þat hase his powere, For swylke caas
            <lb/>es ryuely reseruede till hym seluen. Thise ten commandementeȝ 
            <lb/>þat I hafe now rekkenede er vmbylowkede in twa of
            <lb/>þe gospelle. The tane es, þat we luffe Godd ouer all thynges;
            <lb/>The toþer es, þat we lufe oure euen cristen hallely in oure 
            <lb/>herte als we do oure seluen; For Godd awe vs to lufe hally
            <lb/>with herte, with all oure myghte, with all oure thoghte, with
            <lb/>worde and with dede. Oure euyn crysten, als-swa awe vs to
            <lb/>lufe vn-to þat ilke gude þat we lufe oure-selfe, þat es, þat þay
            <lb/>wele fare in body and in saule, and come to þat ilke blysse þat
            <lb/>we thynke to; and whate-so-euer þat he bee, þat þise twa wele
            <lb/>ȝemes, all þe ten commandementes forsothe he fulfilles.</p>
          <lb/>
          <lb/><head><foreign>TERTIO.</foreign></head>
          <lb/><head><foreign>SEPTEM SUNT SACRAMENTA ECCLESIE.</foreign></head>
          <lb/><head>THE SEUENE SACRAMENTES OF HALY KYRKE.</head>
          <lb/>
          <p><lb/>Þe thirde thynge of þe Sex þat I firste touchide, es þe
            <lb/>Seuen Sacramentes þat Haly Kirke gyffes, thurghe
            <lb/>prelates and oþer prestes þat hase þe powere. Of 
            <lb/>whilke seuen, the first fyve ilke cristen man awe
            <lb/>lawefully to take efter his elde es; and twa lyes in þaire will
            <lb/>þat ressayues þaym. The firste sacrament of seuen es oure
            <lb/>'baptym,' þat we take þe firste tym þat we be-com cristyn. In
            <lb/>whilke, bathe þe firste synn þat we ere borne with, and alkyn
            <lb/>oþer synnes, ere waschen awaye, þat we ere fylede with are we
            <lb/>take it; and þe trouthe of Haly Kyrke es taken þare-in, with-owtten 
            <lb/>whilke na synfull mans saule may be sauede. And till
            <lb/>þis sacrament Falles foure thynges, if it sall ryghtely be tane
            <lb/>als Haly Kirke teches. Ane es, ryghte sayeyng and carpyng
            <pb n="8"/>
            <lb/>of þe wordes þat hym awe for to say þat gyffes þis sacrament, 
            <lb/>þat ere þise: - 'I Baptise þe in þe name of þe Fadir and þe 
            <lb/>Sonne and þe Haly Gaste.' Ane oþer es, þat it be done anely
            <lb/>in watire, For na noþer licoure es lefulle þare-fore. Þe thirde
            <lb/>es, þat he þat gyffes þis sacrement be in witt and in will for to 
            <lb/>gyffe it. And þe ferthe es, þat he þat takes it be, noþer of
            <lb/>lerede nor of lewde, Baptisede be-fore; For if þe preste be in 
            <lb/>were of hym þat sall take it, whethire he be baptisede or he be
            <lb/>noghte, þan sall he say þe wordes one þis wyese, 'If þou be
            <lb/>noghte baptisede, I baptise þe in þe name of þe Fadire and þe
            <lb/>Sone and þe haly Gaste.' The secunde sacrament es 'confermynge,'
            <lb/>þat þe byschope gyffes to þam þat ere baptisede,
            <lb/>þat gyffes thorowe his powere to þam þat takes it þe grace
            <lb/>and þe gyfte of þe Haly Gaste, to make þaym mare stalleworthe
            <lb/>þan þay ware be-fore, to stande agaynes þe fende and dedly
            <lb/>syn; þat nane hase powere to do bot þe byschope allane, þat
            <lb/>hase the state and þe stede of Cristes Appostilles. The
            <lb/>thirde sacrament es callede 'penance,' þat es, sothefaste for-thynkynge
            <lb/>þat we hafe of oure syn, with-owtten will or 
            <lb/>thoghte to turne agayne to it. And þis sacrament must haue
            <lb/>thre thynges: - Ane es, sorowe in oure herte þat we hafe synnede.
            <lb/>Anoþer es, opyn scrifte of mouthe, how we hafe synnede.
            <lb/>The <supplied resp="#xpath1(ancestor::TEI//sourceDesc//biblStruct[1]/monogr/editor)">third es, satisfaccion, þat we maun do for oure syn</supplied> .
            <lb/>Þise thre, with gud will to forsake oure syn, clenseȝ vs
            <lb/>and wasches vs of alkyn syn. The ferthe es, 'þe Sacrament
            <lb/>of þe Autyr,' Cristes awen body in lyknes of brede, als hale als
            <lb/>He tuke it of þe blysside mayden, the whilke, ilke man and
            <lb/>woman þat of elde es, awe for to rescheyue anes in þe ȝere, þat
            <lb/>es at say, at þe pasch, als Haly Kyrke vses, when þay ere
            <lb/>clensede of syn thurghe penance, O payne of doynge owte of
            <lb/>Haly Kyrke, bot if þay forbere it by skillwyse cause, þat awe
            <lb/>to be knawen to þam þat sall gyffe it; For he þat tase it 
            <lb/>worthily, tase his saluacyone; and wha-so takes it vnworthily,
            <pb n="9"/>
            <lb/>tase his dampnacione. The fyfte sacrament es 'þe laste Enoyntynge
            <lb/>with oyle,' þat es halowede and handelyde of prestes; þe
            <lb/>whilke sacrament awe anely to be gyffen to þam þat he wate
            <lb/>ere of skillwyse elde, and þat he sese sekyrly in perelle of
            <lb/>dede, in lyghtenes and alegeance of þaire sekenes, if Godde
            <lb/>will þat þay turne agayne to þe hele, and als in forgyffnes of 
            <lb/>venial synnes, and in lessynge of payne if þay passe heþen.
            <lb/>The Sexte sacrament of Haly Kyrke es 'ordire,' þat gyffes
            <lb/>powere to þam þat ryghtwysly tase it, For to serue in Haly
            <lb/>Kirke efter þaire state es, and to þam þat takes þe ordyre of
            <lb/>preste, for to synge messe, aand for to mynystre þe Sacramentes 
            <lb/>of Haly Kyrke, þat to þam fallys, Eftyr þe state þat þay hafe,
            <lb/>and þaire degre askes. The seuend Sacrament es 'Matrymoyne,'
            <lb/>þat es, lawefull festynnynge be-twyx man and woman
            <lb/>at þaire bathere assente, for to lyffe samen with-owtten any
            <lb/>lowssynge, whills þaire lyfe lastes, in remedy of syn and getynge
            <lb/>of grace, if it be tane in gude Entente and clennes of lyfe.</p>
          <lb/>
          <lb/><head>THE FERTHE THYNG OF ÞE SEX.</head>
          <lb/><head>THESE BE ÞE SEUENE WERKES OF MERCY BODYLY.</head>
          <lb/>
          <p><lb/>Þe ferthe thynge of þe Sex to knawe Godd Almyghty, þat
            <lb/>vs byhoues fulfill in all þat we maye, ere þe seuen
            <lb/>dedis of mercy vntill oure euen cristen, þat Godd
            <lb/>sall reherse vs apon þe dredfull day of dome, and wiet
            <lb/>howe we haue done þam here in þis lyfe, als sayne Mathewe
            <lb/>makes mynde in his gospelle. Of whilke, þe firste es, to
            <lb/>fede þaym þat er hunngry. The toþer es, to gyffe þaym
            <lb/>drynke þat er thristy. The thyrde es, for to clethe þam þat
            <lb/>er clatheles or nakede. The ferthe es, for to herber þam þat
            <lb/>er houseles. The fyfte es, for to vesete þam þat lyes in
            <lb/>sekenes. The Sexte es, for to helpe þam þat lyes or er in
            <lb/>presoun. The Seuend es, to bery dede men þat hase myster.
            <lb/>Þise ere the Seuen bodyly dedis of mercy þat ilke man awe
            <lb/>to doo þat es myghtty. Þar are of mercy alswa Seuen gastely
            <lb/>dedis þat vs awe to doo till þam þat hase nede till vs. Ane
            <lb/>es, to consaile and wysse þam þat are wyll. Anoþer es, to
            <pb n="10"/>
            <lb/>chasty þam þat wyrkkys ill. Þe thyrd es, to solauce thaym
            <lb/>þat er sorowefull, and comforthe thaym. The ferthe es, to 
            <lb/>pray for thaym þat ere synfull. Þe fyfte es, to be thole-mode
            <lb/>when men mysdose vs. Þe Sexte es, Gladly to forgyffe when
            <lb/>men haues greuede vs. The seuend, when men askes vs for 
            <lb/>to lere thaym, if we cun mare þan þay, for to lere thaym.
            <lb/>Þise vn-till oure neghtebours ere full nedfull, and to þam þat 
            <lb/>duse thaym wondir medefull; For he sall Mercy þat Mercyfull
            <lb/>es; and man with-owtten Mercy, of Mercy sall mysse.</p>
          <lb/>
          <p><lb/><foreign>vij. opera misericordie corporalia:,: vnde versus: - 
              <lb/>Vestio, cibo, poto, redimo, tego, colligo, condo.</foreign>
            <lb/><foreign>vij. opera misericordie spiritualia: - 
              <lb/>Consule, castiga, solare, remitte, fer, ora,
              <lb/>Instrue, si poteris, sic Christo carus haberis.</foreign></p>
          <lb/>
          <lb/><head>THE FIFTE THYNG OF ÞE SEX.</head>
          <lb/><head>THE SEUENE GASTELY VERTUS.</head>
          <lb/>
          <p><lb/>Þe fyfte thynge of þe Sex to knawe God Almyghten, are
            <lb/>þe Seuen vertus þat Haly Writte teches. Of whilke
            <lb/>seuen, þe thre first þat are hede thewes, teches vs how
            <lb/>to hafe vs vn-to God Almyghtty; and þe foure teches
            <lb/>vs swa for to lyffe þat it be bathe lykande to Godd and to man.
            <lb/>Þe firste vertu es 'trouthe,' wharethurghe we trow anely in 
            <lb/>Godd þat made all thynges, with all þe oþer vertus I touchede
            <lb/>be-fore. And þis es nedfull till all þat cristenly lyffes; For
            <lb/>trouthe es begynnynge of all gude dedis; For noþer es trouthe
            <lb/>worthe with-owtten gud werk, ne na werke with-owtten trouthe
            <lb/>may pay Godd Almyghtty. Þe toþer gude thewe or vertue
            <lb/>es 'hope,' þat es, a sekyr habydynge of gastely gude, thurghe
            <lb/>Goddes gudnes and oure gude dedis, for to com to þat blysse
            <lb/>þat neuer mare blynnes, Noghte anely in trayste of Goddes
            <lb/>gudnes, ne allanly in trayste of oure gude dedis, Bot in trayste
            <lb/>of thaym bathe when þay are bathe Sammen; For noþer sall
            <lb/>we fall sa ferre in-till whanhope þat we ne sall traiste to hafe
            <pb n="11"/>
            <lb/>þat blysse if we wele do; Ne we sall noghte com so ferre in-to
            <lb/>ouerhope for to trayste so mekill in Goddes gudnes þat we sall
            <lb/>hope to haue þat blysse with-owtten gude dedys. Þe thirde
            <lb/>vertue or thewe es 'charyte,' þe whylke es a dere lufe þat vs
            <lb/>awe vn-till Godd Almyghtty als for Hym selfe, and till oure
            <lb/>euencristen for God Almyghttyn; For þe tane may noghte
            <lb/>be lufede with-owtten þe toþer, als Sayn Iohn þe gospellere
            <lb/>sayse in his pystill. 'Þat commandement,' he saise, 'hafe we
            <lb/>of Godd þat wha-sa-euer lufes Gode, lufes his euencristyn.
            <lb/>For he þat lufes noghte his broþer wham he may see, how sulde
            <lb/>he lufe God wham he sese noghte?' Þe ferthe vertue or 
            <lb/>thewe es 'ryghtwysenes,' þat es, to ȝelde to all men þat we awe
            <lb/>þam, For to do to ilke a man þat vs awe to doo, for to wirchipe
            <lb/>tham þat ere worthy, For to helpe þe pure þat er nedy, to do
            <lb/>no gyle ne wrange vn-to na man, Bor for to do þat skill es
            <lb/>vntill ilke mane. Þe fyfte vertue or thewe es 'sleghte or
            <lb/>sleghenes,' þat wysses vs to be-warre with wathes of þe werlde;
            <lb/>For it kennes vs to knawe þe gud and þe ill, and alswa to
            <lb/>sundire þe tane fra þe toþer, and for to leue þat es euyll, and
            <lb/>take to þe gude, and of twa gud thynges for to chese þe better.
            <lb/>Þe Sexte vertue es 'strenghe or stalworthnes,' noghte anely
            <lb/>of body, bot of herte and will, euynly to suffire þe wele and þe
            <lb/>waa, welthe or wandreth, whethire so betyde, and þat oure herte
            <lb/>be noghte to hye for na wele-fare, ne ouermekill vndire for nane
            <lb/>euyll fare, Bot styffely for to stande agaynes oure faas, whethir
            <lb/>þay be bodyly or þay be gastely, swa þat na fulle fandynge
            <lb/>make vs to falle ne be false in oure faythe agaynes God Almyghtty.
            <lb/>Þe Seuend vertue and þe laste es, 'methe or methefulnes,' 
            <lb/>þat kepes vs fra owterage and haldes vs in euenhede,
            <lb/>lettes fulle lykynge and luste of þe flesche, and ȝemes vs fra
            <lb/>ȝernynges of werldly gudes, and kepes in clennes of body and
            <lb/>of saule. For methe es mesure and mett of all þat we do, if 
            <lb/>we lyffe skillwysly als þe lawe teches.</p>
          <lb/>
          <pb n="12"/>
          <lb/><head>THE SEXTE THYNG AND ÞE LASTE.</head>
          <lb/>
          <p><lb/>Þe sexte thynge, and þe laste of þase I firste towchede es,
            <lb/>þe Seuen heuede or dedly synnes þat ilke a man and
            <lb/>woman awe for to knawe to flee and forhewe, For
            <lb/>folkes may noghte flee þam bot þay knawe thaym.
            <lb/>Pride an Enuye, Wreth and Glotonye, Couetyse
            <lb/>and Slouthe, and Lecherye. And for-þi er þay callede
            <lb/>Seuen heuede Synnes, for þat all oþer commes of thaym; and
            <lb/>for-þi er þay callede dedely synnes, for þay gastely slaa ilke
            <lb/>manes &amp; womanes saule þat es haunkede in alle or in any of
            <lb/>thaym. Whare-fore þe wyese man byddes in his buke 'als fra
            <lb/>þe face of þe neddyre, fande to flee syn.' For als þe venym of
            <lb/>þe neddire slaas manes body, Swa þe venym of syn slaas manes
            <lb/>saule. The firste of þise Seuen synnes es callede 'Pryde,' þat
            <lb/>es, a lykande heghenees of a manes herte, Of offyce or of heghe
            <lb/>state, or oþer noblaye þat he ouþer haues of kynde or of grace,
            <lb/>or he hopes þat he haues mare þan anothire. And of þis wikkede
            <lb/>synn commes some sere spyces: Boste and auauntynge and
            <lb/>vn-bouxsomnes, despite, and ypocrisy and vnhamlynes, and oþer
            <lb/>þat ofte ere sene amanges prowde men. The secunde dedely
            <lb/>synn es hatten 'Enuy,' þat es, a sorowe and a syte of þe
            <lb/>wele-fare, and a ioy of þe euyll fare, of oure euencristen: Of
            <lb/>whilke synn, many spyces sprenges and spredes. Ane es,
            <lb/>hateredyn to speke or here oghte be spoken, þat may sown
            <lb/>vn-to gude to þaym þat þay hate. Ane-oþer, false juggynge or
            <lb/>dome of þaire dedis, and ay turne vn-to euyll þat es done to
            <lb/>gude. Þe thirde es 'bakbyttynge,' to saye be-hynde þam, þat
            <lb/>we will noghte avowe ne saye be-fore þam; whare noghte
            <lb/>anely he þat spekes þe euyll, bot he þat heres it be spoken, es
            <lb/>for to blame; For, ware þare na herere, þare ware na bakbyttere.
            <lb/>Þe thirde dedly synn or heuede syn es 'wrethe,' þat es, a 
            <lb/>wykkede stirrynge or bollenynge of herte, whare-fore a man
            <lb/>wilnes for to wreke hym, or wykkydly to venge hym, appon his
            <lb/>euyncristyn. And of þis wykkede syn commes stryvynge and
            <pb n="13"/>
            <lb/>flytynge, with many false athes and many foule wordes, Sclaundere,
            <lb/>for to for-do a man's gude fame, Feghtynge and Felony, and
            <lb/>ofte manes-slaughtere, and many ma þat nowe es <supplied resp="#xpath1(ancestor::TEI//sourceDesc//biblStruct[1]/monogr/editor)">na</supplied> nede for
            <lb/>to be neuenede. Þe fferthe dedly synn men calles 'glotonye,'
            <lb/>þat es, ane vnskilwyse lykynge of lufe in taste or in takynge
            <lb/>of mete or of drynke. And þise trespas men duse apponne sere
            <lb/>wyse: - Ane es, ouþer ouer arely or ouer late, or ouer oftesythe,
            <lb/>for to ete or drynke bot if nede gere it. Ane oþer es, for to lyffe
            <lb/>ouer delycately. Þe thirde es, for to ete or drynke ouer mekyll.
            <lb/>Þe ferthe es, ouer hastely to ete or to drynke. Þe fifte es, to
            <lb/>compas &amp; caste appon whate wyese we may gette dylicious metis
            <lb/>or drynkes to fulfill þe lykynges and þe lustes of þe flesch oþer
            <lb/>þan we may gudly lede oure lyffe with, <foreign>Secundum versum,
              <lb/>Prepropere, laute, nimis ardenter, studiose</foreign> .
            <lb/>Þe fyfte dedly syn es callede 'Couetyse,' þat es, a wrangwyse
            <lb/>wilnynge or ȝernynge to haue any maner of gude vs awe noghte.
            <lb/>And þis es donne pryncypally appon twyn wyese. Ane es,
            <lb/>wrangwysely to get any thynge þat oure likynge or oure lufe 
            <lb/>lyghtes apon, als be Sacrelege or by symony, falsehede or okyr,
            <lb/>or oþer gelery, whilke þise worldely men er wounte for to vse
            <lb/>þat castes þaire conaundenes swa vn-to couetyse þat þay ne
            <lb/>rekke wheþer it be with ryghte or with wrange, bot þat þay
            <lb/>may gette þat at þaire herte ȝernes. Anoþer es, wrangwisely
            <lb/>to halde þat at es getyn, þat es, when we will noghte do to
            <lb/>Godd Almyghten ne till Haly Kyrke, ne till oure euencristyn, 
            <lb/>þat vs awe for to do by dett and by lawe, bot anely
            <lb/>haldes þat we hafe for ese of oure selfen, whare noghte anely 
            <lb/>he þat wrangwysly getes, bot he þat wrangwysely haldes, falles 
            <lb/>in þe synn. Þe sexte dedly synn es 'slewthe or slawenes,'
            <lb/>þat es, a hertly angere or anoye till vs of any gastely gud þat
            <lb/>we sall do. And of þis wikkede synn comes sere spyces: -  
            <lb/>Ane es, latesommes or lyte to drawe apon lenghte or to lache
            <pb n="14"/>
            <lb/>any gude dedis þat we sall do þat may turne vs till helpe or
            <lb/>hele of oure saules. Anoþer es, a 'dullnes or heuenes of herte'
            <lb/>þat lettes vs for to lufe oure Lorde God Almyghten, or any
            <lb/>lykynge to hafe in His seruyse. Þe thirde es, 'ydillchipe,' þat
            <lb/>ouer mekyll es hauntede, þat makes lathe to begynn any gude
            <lb/>dedis, and lyghtly dose vs to leue when oghte es begun, and
            <lb/>þare whare we ere kyndely borne for to swynke, als þe feule es
            <lb/>kyndely brede for to flie, It haldes vs euermare in ese agayne
            <lb/>oure kynde, For Idillnes es Enemy to cristen man saule,
            <lb/>stepmodire and stamerynge agaynes gude thewes, and witter-wyssynge
            <lb/>and waye till alkyn vices. Þe Seuend dedely syn
            <lb/>es hatten 'lychery,' þat es, a foule lykynge or luste of þe
            <lb/>flesche. And of þis foule syn comes many sere spyces: - Ane
            <lb/>es 'Fornycacyone,' a fleschely synn be-twyxe ane anlypy man
            <lb/>and ane anlypy woman: and for-thi þat it <supplied resp="#xpath1(ancestor::TEI//sourceDesc//biblStruct[1]/monogr/editor)">es</supplied> agaynes þe
            <lb/>lawe, &amp; þe leue and þe lare þat Haly Kirke haldes, it is dedly
            <lb/>syn to þaym þat it duse. Anoþer es 'Avowtry,' and þat es
            <lb/>spousebreke, wheþer it be bodyly or it be gastely, þat greuosere
            <lb/>and gretter es þan þe toþer. Þe thirde es 'Incest,' þat es, when
            <lb/>a man synnes fleschely with any of his sybb frendes, or any
            <lb/>oþer þat es of his affynyte gastely or bodyly, wheþer so it be.
            <lb/>Oþer spyces many sprynges of þis syn þat ouer mekill es
            <lb/>knawen and kende in þis werlde with þaym þat ledes þaire
            <lb/>lyfe als þaire flesche ȝernes.</p>
          <p><lb/>Þise are þe sex thynges þat I hafe spoken off, þat þe
            <lb/>lawe of Haly Kirke lyes maste in; The whilke we er
            <lb/>halden to knawe and to cun, if we sall knawe God
            <lb/>Almyghty, and come till His blysse. And for to gyffe
            <lb/>ȝow better wyll for to cun thaym, Oure ffadir þe beschope
            <lb/>grauntes of his grace Fourty dayes of pardoun till all 
            <lb/>þat cunnes thaym, and ratyfyes alswa þat oþer men gyffes,
            <lb/>Swa mekill coueites he þe hele of ȝour saules. For ȝife ȝe
            <lb/>conandely knawe þise Sex thynges, thurgh thaym sall ȝe cun
            <lb/>knawe Godd Almyghty, whaym, als Sayne Iohn sayse in his
            <lb/>gospelle, cunnandely for to knawe swylke als He es, It es endles
            <lb/>lyfe and lastande blysse. To þe whilke blysse He brynge vs,
            <pb n="15"/>
            <lb/>oure Lorde Gode Almyghty! Amen! Amen! Amen! <foreign>Per 
              <lb/>Dominum nostrum Iesum Christum, qui cum Deo patre et
              <lb/>Spiritu Sancto viuit et regnat omnipotens deus in secula 
              <lb/>seculorum.</foreign> Amen! Amen! Amen!</p>
        </div>
      </body>
    </text>
</TEI>