1B23.3.6.1

page 90

    
2 ðære æresten nyhte, þonne niwe mone byð ecymen, þæt
3mon þonne in sweofne gesihþ, þæt cymeð to
4gefean.
5 þære æfteran niht & þore ðriddan nyht, ne byoð þæt
6naðer ne god ne yfel.
7 ðære feorðan nyht & þeora fiftan wene heo godre
8gefremednesse.
9 þære syxtan niht, þæt þu gesyxt, swa hyt byoð, & þeo
10wyð eorfoþu geoscilt.
11 þere seofoðan nyht, þæt þu gesixt, swa hyt byð, &
12æfter mycelre tyde agæð.

page 91

13 þære viii niht & þere nigoþan, raþe þu gesihst
14swefn, þæt bið able oðþe trega.
15 þere nigoðan niht þæt þeo gemeteð, þæt bioð butan
16festnesse.
17 þeore xii niht & þeore xiii niht ine þrim dagum
18þu gesihst þin swefn.
19 þeore xiiii nihti ne hafað þat nane gefremednesse.
20 þeore xv niht hit hafað litle gefremædnesse.
21 þeore xvi niht æfter mycelre tide agæð þin sweofn.
22 ðere xvii niht & xviii & nigontene in iii & c
23um daga bið god swefn.
24 ðonne se mona bið xx niht & i & xx niht, þæt bið
25scir oðþe ceap in þem swefne toweard.
26 þonne heo byð ii & xx niht eald, þæt þu gesihst, hit
27lengeð to gode gefean.

page 92

28 þonne heo bið iii & xx nihta eald, þæt bið cid &
29geflit.
30 ðonne heo bið iiii & xx nihta eald, & v & xx & vi &
31xx nihta eald, þæt bið weorðlic ege, on nigon
32dagum oðþe on x þin swefn agæð.
33 þonne heo bid vii & xx & viii & xx nihta eald, ealne
34gefean þæt bicneð.
35 þonne heo bið ix & xx & fulle xxx nihta eald, þæt
36bið æfre buton fræcnesse.
37
38B23.3.6.8

page 270

    
39 Gyf mon meteð, þæt he geseo earn on his heafod ufan
40MS: unfan gesettan, þæt tacnað micel weorðmynd.

page 271

41 Gyf þe þince, þæt þu geseo feola earna ætsamne, þæt
42byð yfel nið.
43 Gyf þe þince, þæt þu geseo beon hunig beran, þæt byð
44þæt he on eadegum handum feoh gestreonað.
45 Gyf hine beon stingen, þæt byð, þæt his moð byð swiðe
46onstired fram ælþeodegum mannum.
47 Gyf him þince, þæt he geseo beon into his huse fleogan,
48þæt byð þes huses awestmas.

page 272

49 Gyf him þineg, þæt he geseo fela fugla ætsamne, þæt
50byð æfest & gecid.
51 Gyf he fuglas geseog betwenan winnan, þæt byð, þæt rice
52hades winnað heom beotweonan.
53 Gyf his nædre ehte, beorge him wyð ifle wifmen.

page 273

54 þonne him þynce, þæt his earn ehte, þæt bið eað.
55 Gyf him þince, þæt he hine on hatum wætere þwea, þæt
56byð his lices tidernes.
57 Gyf him þince, þæt he hine on cealdum weterum þwea, þæt
58byð his lices hælo & gesynto.
59 Gyf him þince, þæt he hine on sæ baðige oððe þwea
60þæt byð blisse.
61 Gyf he fæger weter geseo oððe oferfæreþ, þæt byð
62orsorgnesse.

page 274

63 Gyf hine meteð, þæt he drof wæter geseo, ne deah þæt.
64 Gyf he gold findeð, god swefn þæt bið & yfel þemþe hit
65cynde ne bið.
66 Gyf he mancas oððe penigas findæg, þæt bið æfst.
67 Gyf him þince, þæt he penigas gesio & ne oðrine, god
68þæt bið, gyf he hie nimeð, ne deahg þæt him.

page 275

69 ðonne him þince, ar oððe isen, þæt he habbe, þæt bið
70god.
71 Gyf him þince, þæt he læd habbe, sum unwird him byð
72toweard.
73 Gyf him þince, þæt he æt forðgewitenum men ahtes onfo,
74of unwenum him cymeð gestreon.
75 Gyf him þince, þæt he æt ricum men feos onfo, alysse

page 276

76ðæt byð broca.
77 Gyf him þince, þæt his hus burnat, micel bled & torhtnes
78him byð towæard.
79 Gyf he oft byrnen, þæt bið micellicu gestreon.
80 Gyf man meteg, þæt he his hus timbrie, þæt byð his
81weaxnes.

page 277

82 Gyf him þinceg, þæt his hus si toworpen, sum æfwela him
83bið toweard.
84 Gyf him þinceg, þæt he hwit hrægl gesio, þæt byð micel
85wurðmind.
86 Gyf him þince, þæt he his bearn scire, þonne byð his
87broc litligende.

page 278

88 þonne him þinceg, þæt he micles heses gewald age, þanne
89ofercymeð he ælle hise feond.
90 Gyf hine meteg, þæt he awiht beran geseo, þæt byð
91ungerades.
92 Gyf him þinceg, þæt he seo mid gerenode gyrdel

page 279

93sio gyrded, ðæt byð anmodnes.
94 Gyf hine mæte, þæt he hebbe beag, þæt byð, þæt he
95geþihð healic ealdordom.
96 Gyf him þince, þæt he habbe ruh lic, þonne byð his goda
97waniend.
98 Gyf hine mete, þæt he ne mæge yrnan, miccel broc him
99byð MS byd toweard.

page 280

100 Gyf hine mete, þæt he geseo blindne man geborenne, þæt
101byð forlætnesse his gode.
102 þonne him þince, þæt he spiwe, þæt byð swahwætswa he
103ana wiste, þæt hit weorðæð yppe.
104 Gyf him þince, þæt he mid cyninge sprece, him cumeð
105gefealucu tide & god.
106 Gyf hine mete, þæt he gebunden si, lære ic hine, þæt he
107him beorge wyð frecno þing.
108 Gyf him þince, þæt he stige on heah clif, þæt tacnað
109god.

page 281

110 Gyf him þince, þæt he of dune astige, broces del he
111onfehþ.
112 Gyf hine mete, þæt he mid his freondes wyfe hæme, þæt
113byð adle.
114 Gyf him þince, þæt he mid his agene wife heme, þæt byð
115god swefen.
116 Gyf hine mete, þæt he hine to gode gebidde, micel gyfe him
117byð toweard.

page 283

118 þonne him þince, þæt he fiscas geseo, þæt byð regn.
119 Gyf him þince, þæt he bradne monan geseo, þæt byð god
120swefn.

page 284

121 Gyf mon mete, þæt he hwit hors hæbbe oððe on ride, þæt
122byð weorðmind.
123 Gyf him þince, þæt he on blacum horse ride, þæt byð his
124goda modes eagnes.
125 Gyf him þince, þæt he on redum horse ride, þæt byð his
126goda wanigend.

page 285

127 Gyf him þince, þæt he on fealawan horse ride þæt byð
128god oððe grægan þæt byð god swefn.
129 Gyf man meteð, þæt he wær slea, þæt byð gecid wyð his
130freond.
131 Gyf him þince, þæt he oððerne slea, beorge he him georne
132wyf fræcno þing.
133 Gyf him þince, þæt he þeowas geseo, him byd toward.
134 Gyf hine mete, deadne manan cysse, þæt byð lang lyf.

page 286

135 þonne him þince, þæt he geseo scyp yrnan, god ærende him
136byð towerd.
137 Gyf hine mete, hnyte somnie, god þæt byð.
138 Gyf him þince, þæt he oððerne cysse, god þæt bioð.
139 Gyf hine mete, þæt he hunig æte oððe geseo, þæt byð
140ængnes.
141 Gif him þinceð, þæt he bellan geseo oððe gehire,
142weorðmind him byð toweard.
143 Gyf hine mete, þæt he cirican geseo oððe singan

page 287

144gehire micel god þæt tacnað.
145 Gif him þince, þæt he iseo man mid wæpnan gewundodne,
146ymbhidig forg þæt byð.
147 Gyf him þince, þæt he wæpen wege, þæt byð orsorh.

page 290

148 Gyf man mæte, þæt he seon ne mæge, lær ic hine, þæt he
149him his eahtent beorge.
150 Gyf man mæte, þæt he seo lac oððe godweb hæbbe, god hit
151byð & hwilum læasung.

page 291

152 Gyf mon meæ, þæt he filed sy, god þæt byð.
153 Gyf man mete, þæt he weorðlice gerestod sio, god þæt
154byð.
155 Gyf man mæte, þæt he feola swysa ætsamne geseo, þonne
156mæg he hine wenen broces.

page 292

157 Gyf man mæte, þæt he henne ægeru hæbbe oðð þicge, ne
158deah hym þæt.
159 Gyf mon mete, þæt he gæt ge-seo, þonne mæg he wenan þæs
160lað-wendan feondes him on æweste.
161 Gyf mon mæte, þæt he feola stod-horsa habbe oððe ge-seo,
162awest-nesse his goda ðæt tacneð.
163 Gyf man mete, þæt he fela gosa hæbbe, god þæt byð.

page 293

164 Gyf man mæte, þæt he piper ete, ne deah þæt.
165 Gyf mon mete, þæt he fyled spæren ge-seo ætsamneæt-samne, þonne
166byð þæt, þæt he on his feondum his willan ge-wryhð.
167 Gyf mon mete, þæt he win drince, hele hym byð toweard.
168 Gyf man mæte, þæt he byrnende candele on handa habbe,
169god þæt byð.
170
171B23.3.6.9

page 43

    
172 On annihte monan fær to cyninge & bidde þes þu wille,
173ge þæt gifð MS: g~ feð , gang in to him on þa
174þridda tid þes deges oðð þonne þu wyte, þæt sæ si ful.
175 On II nihte monan gang þonne & byge land, þæt þine
176yldran ær ahton, þonne meht þu hit alesan; And
177on II nihte mona he byð god to færanne on oðer land
178& wyf to onfonne to riht life.
179 On III nihtte monan far þonne on þin land & þu hys
180þonne wel gewaldest, & sec þine freonde, & he
181beoð blyðe, & III nihta mona byð god an to fixanne.
182 On IIII nyhta monan sibba þa cidenda men, & þu hie
183gesibbast, & on þone dæg sec þine fiend, & þu
184hie gemetest, & hi gebeoð gewaldne; Se IIII nihta mona
185se byð god þæm ergendan hys sul ut to done,
186& þem grindere his cweorn, & þem cipemen hys cipinge
187to anginnane.
188 On V nihte monan gang to þinum þeahtere, & he þonne

page 44

189þe in eallum þingum wel geþengeð, & sec on
190þone dæg þine frend, & seþeo stelað on þone dæg, ne
191geahsað hit manna.
192 On VI nihtne monan do þonne hig on þin beð, ðonne
193hafast þu þæron nenige wunelic sar, ac þu þer
194byst gefeonde, he is eac god circan on to timbrane & eac
195scipes timber on to anginnanne.
196 On VII nihtne monan bidde þine laford, he þe seleð;
197and gyf þu wille fedan cynigas bearn oððe æðeles
198monnes, geleod hine in þin hus & in þines hiredes, &
199fed hine, þonne byð þe þæt god; Se VII
200nihta mona is god on to fixiane & æðeles monnes wergild
201an to manianne.
202 Se VIII nihta monan geuntrumað, ne leofað he lange, ac
203he ys god on oðer land to feranne & wyf to brigane.
204 On IX nihtte monan, fer to cyniges bene, gang in to him
205æt fulre seo, þonne byst þu gesundful wyð hine.
206 On X nihtne monan bidde swahwasswa þu wylle, hyt þe
207byoð gere; Se X nihta mona he ys god to standanne
208mid æðelum monnum & to sprecanne hymb heora weorc,
209& eac byscop an to cesane & ealdormen & cynigas.
210 On XI nihta eald mona fær on swahwelce healfe
211middangeardes swa þu wylle, ne sceð þe nænig wiht
212ne man dior, & he byð god an to cwellanne micle fixas on
213sæ.
214 On XII nihte monan byð god to feranne ofer sæ & on hird
215to ferenne & æac to gewyfianne.
216 On XIII nihte mone æld fær in niwe hus, & nim eal mid
217þeo þrio fata ful æles & meolce, & hyt byð
218æac god ceap to milciane.
219 On XIIII nihte monan is god ælc telge to anginnanne
220ærest & on niwne hired to færenne & preost
221to halgiene & nunnan halig ref to anfone.
222 On XV nihte monan hys god to fixianne & huntum heortas to
223secanne & wildeswin.

page 45

224 On XVI nihte monan far offer sæ & site on þes scipes
225forðstefna, ðonne geseces þu þæt land, swa
226þeo leofest beoð & freond findest begeondan þæm sæ, &
227he is god hordern on to scæwiene & minster
228to gereranne & to sættenne.
229 On XVII nihte mone, gyf þu wylle hus timbran, ber þæt
230timber.