page 166

1

139

2

1437 E28/58/62 PRIVY SEAL: PETITION OF WILLIAM SOPER,
3CLERK OF THE EXCHEQUER

4
5    To the kyng oure souerain lord
6    Right mekely besecheth to your souerain lordship youre pore seruant
7William Soper Clerk of your Shippes that for as moche as he hath
8stonde charged with right greet and combrous occupacions in the seid
9Office as well in the tyme of your gracious ffader late oure souerain
10lord whom god assoil As in all your gracious regne and yit doth.
11but it stondeth so right souerain lord that your forseid besecher hath
12made a vowe to do certein Pilgrymages beyonde the see. the whiche
13he may not do whiles he stondeth thus charged with the seid Office
14Wherfor plese hit vnto your souerain lordship. that the seid Beseker
15may be discharged of the seid Office. And that som other man with
16the same office myght be charged. resceyvyng alle manere thinges
17perteynyng vnto the same Office that may be founde due be accompt
18in your Escheker in suche manere and fourme as it hath ben
19accustomed before this tyme in caas semblable to thentent that the
20seid Beseker with your graciouse licence may do the Pilgrymages be
21him so promised / And of your noble grace hym to graunte your
22graciouse lettres patententȝ for his tuicion and fauour in all parties
23duryng his seid pilgrimage in manere as before thys tyme hath ben
24graunted to your oder seruantȝ in cas semblable. And of your more
25haboundant grace to graunte that the seid Beseker may haue xx sakes
26of wolle for his despenses vnto the parties of lumbardye paiyng

page 167

27the custumes and other deuairs as langeth to your Staple at Caleys for
28the loue of god and for charitee. Consideryng graciouse lord that
29the seid Pilgrymage was avowed and promysed for the greet periles and
30combrous occupacions that be liklynesse at diuerse tymes myght
31haue falle in the Office aboueseid. Consideryng also that the seid
32Beseker groweth into such age that if the seid Pylgrymage be not
33don in right short tyme. it may neuere be don be hym:

page 173

34

145

35

1438 E28/60/47 PETITION TO THE COUNCIL CONCERNING THE SHIP
36MARYKNIGHT. MOLEYNS' NOTATION AT THE END

37
38    Vnto the kyng oure souuerayn lord and his most discrete and sage
39Counsell
40    Be yt remembred that how a ship called Maryknyght of Amsterdam
41in Holand of wiche the Maister ys called Petre Van ley went with

page 174

42certein Merchaundiseȝ ynto Iseland and there was lade with stokfissh
43and other merchaundiseȝ and the Merchantȝ ther yn cleped Copeman
44Iohn William Sale and Heyn Rosen with other of Amsterdam and
45Clays Williamsone Van Herlam. And so yt happed the seid ship Maister
46and Merchauntȝ to mete with a Ship of Hull with xl men ther yn
47vnder the costes of Irland at the feste of Michelmasse last passed At
48whiche tyme the seid shippes with the persones of bothe the seid
49parties were Sworn togedir to be either others frende with oon assent
50and promisse And so as frendes they sailed togedir to Crakfarwes
51in Irland and there they leyn and communyd togedir as brethern
52eche of theym cheryng other duryng iij wokes and fro thennes they sailed
53togedir to Dalkesound in Irland and there they came ynne on seynt
54lukes Even last passid And the sonday folwyng thay herd masse and
55ete and drank togedir in Develyn And w(h)ile THE LETTER IN PARENTHESES A SUPERIOR INSERT the seid Maister
56and Merchauntes of the seid ship called Maryknyght were at diner the
57said persones of the Ship of Hull hyred theym hors priuely and
58rode downe to the seid shippes And there the same sonday they toke
59the said ship cleped Maryknyght lade thanne with Stokfyssh oyle
60and lynnencloth and other Merchaundises to the value of xvC li And
61thanne come Englissh folk to the seid Merchauntȝ of the
62Maryknyght and bad theym beware whom they had lefte yn their Ship
63sayng that yt was likely be taken And there vppon the seid persones
64of the ship of Hull goyng to do the said wrong / yaf to oon henry
65wales Gentilman duellyng abowte the coste of Develyn x marcȝ
66to lette and arreste the seid Maister and Merchauntȝ wan they come
67downe toward their Ship cleped Maryknyght And so they were met
68and sonderly prisoned yn dyuerse prisons that they myght not Reskewe
69their owne ship And thanne the Maier and Merchauntes of Develyn
70/ seyng the seid Maister and Merchauntȝ of the sayd Maryknyght
71hauyng the said wrong and vntrue enprisonement with theire strenghth
72and poiar had theym out of prison and lete theym walke at large
73At wiche tyme the seid mysdoers of the ship of Hull were goon forth
74and sailed away with bothe the said Shippes to Portile in Northwales
75And there the seid William Sale Merchaunt of the seid ship cleped
76Maryknyght happed come to Portile And there he Aspied iij of
77the seid Misdoers that toke the said Maryknyght whiche iij ben called
78Thomas Crathorn Merchaunt of york William Cokeram Merchaunt
79of Beuerle and William Abbot Merchaunt of lynne And there the same
80William Sale did to be arrestid the seid iij mysdoers and bothe the
81said Shippes and godes the whiche ben vnder arest and kepyng of
82Henry Noreys depute to the Chamberleyn there And thanne tho iij
83Mysdoers seiden wan they were so arestid that they were not gylty

page 175

84of the seid wrongfull takyng of the seid ship cleped Maryknyght with
85the said Merchandiȝes And the same William Sale seid to theym
86that he wold fyght with the seid iij Mysdoers that they were at the said
87mysdede doyng And thanne seid oon of the same mysdoers that
88ys called Thomas Crathorne that he wold fight with the said William
89Sale that yt was contrarie that the same William saide And there
90vppon they cast eche to other their gloves whiche were taken vp and
91ensealed by Henry Noreys Depute of the Chamberleyn of Northwales
92And so the same Depute arrested bothe the seid iij Mysdoers
93and also the said William Sale to be kept til the said mater be tried
94byfore you gracious lord and your noble counsell Werfore Iames Rose
95Sederyk Iohnsone and Copeman Iohn Merchauntȝ of the said ship
96cleped Maryknyght besechith you of your speciall grace to considere this
97premisseȝ and by the avise of your worthy and noble counsell ther
98vppon to sende your letters of priuat seale directid to the said Henry
99Noreys comaundyng hym by the same to come (hym self aswel
100as to bryng) THE WORDS IN PARENTHESES ARE OVER ERASURE te said William Sale as the said Thomas Crathorn
101William Cokeram and Williamm Abbot to appere byfore you and your
102seid counsell (at Westmynstre) THE WORDS IN PARENTHESES ARE OVER ERASURE yn þe quynȝisme of Trinite terme
103next comyng and furder more to answere and receve that ye and your
104counsell wol awarde in this partie And more ouer yeuyng yn charge
105to the said henry to kepe sauely and suerly the said shippes and
106Merchaundiseȝ til he haue other comaundemant of you vppon
107peyne of CC li for the loue of God and yn way of Charite

page 188

108

159

109

C 1450 COTTON CLEOPATRA F.IV. FOL.126-27 PETITION OF THOMAS HASELEY, CLERK OF THE CROWN

110
111    Besecheth and ful humbly preieth youre pouere seruiteur Thomas
112Haseley on of þe Clerkes of youre Corone graciously to considere
113howe in the absense of that victorieux prince youre blessed ffader whom
114god assoile hym beyng in his sharp werris and gracious conquest
115of ffraunce and Normandie youre seide seruitour be the commaundement
116of youre most gracieux vncle the duc of Bedford on whom
117god haue mercy that tyme Regent of þis youre noble Roialme and aduys
118of alle the grete counseill her a commission was assigned to take
119and areste Thomas Payn of Glamorganshire Walsshman that brak þe
120Tour of London nowe beyng in Neugate sumtyme Clerk and chief
121conseillour to sir Iohn Oldecastell Traitour atteint to your seid gracious
122ffader the whiche Thomas Payn as Traitour was in the feld armed
123a geins your seid fa(der) THE LETTERS IN PARENTHESES TORN with þe llollardes be side seint Iames next
124Charyngcrosse and eschaped vn hurt or taken til your seid besecher
125aaccompanied atte his cost and all maner expenses (with) THE WORD IN PARENTHESES TRIMMED OFF notable
126poiar be the space of v daies and vj nyghtes lay for hym in the most
127secrete wyse that þei coude: and so with help and grace of most
128almyghty god youre seid seruiteur toke hym and arested hym atte mydnyght
129in a place beside your Castell of Wyndesore where atte that
130tyme was þe Kyng of Scottes kept as prisoner to your seid ffader and
131that same nyght this seid Traitour shulde haue broken the seid
132Castell be treson and goon with þe seid Kyng toward Scotland in proef
133wher of I founde in þe Traitours purs a cedule wreten of alle places
134of giftes and loggynges appointed to hem fro Wyndesore vn to Edynbourgh
135in Scotland and so he confessed the whiche Traitour and
136cedule I delyuered to þe Bisshop of Duresme thanne Chaunceller
137and William kynwolmerssh thanne Tresorer of þis your seide (n)oble THE LETTER IN PARENTHESES RUBBED
138roialme and þe seid Traitour þanne was her committed to prison
139til þe comyng a geyn of your seid most gracious fader into þis roialme
140from your seid duchie of Normandie and þanne in his nexte parlement
141here in þe counseil chambre of þe seid parlement a fore your

page 189

142seid rightwys fader and alle his lordes present þere þe seid Traitour was
143brought and þe cedule aforeseid and your seid suppliant in that
144presence examined of alle matiers abouesaid and othre circumstaunces
145and incidentȝ and þe maner of takyng of hym atte whiche tyme
146your seide moste noble ffader declared and seide a fore all his lordes
147that takyng plesid hym more þanne I hadde geten or Gyuen hym
148x. ml li for þe grete inconueniences that weren like to falle in his
149longe absense oute of þis roialme and so committe(d) THE LETTER IN PARENTHESES TRIMMED OFF this Traitour
150to þe Tour of London þere saufly to be kept and þanne immediatly
151of his oune roiale largesse and bounteuous grace with outen axing
152of your seid suppliant or eny man for hym graunted to hym xl.
153li a yere to take terme of his lif in what place in Inglond of hys that
154I wold sauyng his oune demesne demesne REPEATED AT THE BEGINNING OF THE NEXT LINE landes and þe duchie
155of lancastre and commaunded þe seid Regent Chaunceler and
156Tresorer gif your seid suppliant were not sped a fore his departyng oute
157of Inglond to spede hym in his absence in recompense of his costes
158(expenses trewe diligentȝ acquitaill and labour a foreseid) THE WORDS IN PARENTHESES CREASED a fore whiche
159spede youre seide fader was dede and so his graunt void.
160    Item to considere howe your seid suppliant be þe commaundement
161and ordinance of your seid ffader at his first parlement holden
162atte leycestre was sent fore to leycestre to appere a fore your seid blessed
163fader where he of his oune mocion appointed assigned and
164ordeigned the seide suppliant seconde Clerk of his parlement with sir
165Iohn Frank nowe Clerk of youre rolles that tyme chosen chief Clerk
166of þe parlement þat hadde and toke xl li yerely þerfore while he
167occupied / and youre seide suppliant shuld hadde x li yerely as other
168men toke to fore hym the whiche office he occupied fro þat tyme
169into youre þredde parlement hens holden atte westmynstre atte whiche
170he myght not be for grete sikenesse and so departed and neuere
171com in þe parlement sithe that tyme and neuere hadde peny of alle his
172tyme of þe seide .x. li. ne of þe seide xl. li ne non othre regard
173in no manere wyse
174    Item howe youre seide suppliant in the tenthe yeere of youre
175roialme aspied and toke in youre ryver of Thamise tweye shippes fretted
176with wolle cloth and othre merchaundise to a notable value
177and weren seiled and departed and no custome ne othre deuoirs to you
178souerain lord þerof due paied wherefore alle was forfaited and be
179þe seid suppliant to his grete perell and labour taken and to you
180asnwered as it appereth of record in youre escheker þe whiche coste
181the seide suppliant more thanne .xx. li whereof he sholde haue had half
182after the fourme of statuyt and hadde no thyng
183    Item howe youre seid suppliant this same yeer of youre regne hath

page 190

184taken and arested diuerse men empesched of high treson ymagined
185a geyns youre persone and mageste roiale and destruccion of youre
186land and lawes the which he sent be youre roile commandement
187to youre presence be your Squyer Gilbert Parre the which were taken
188alle atte his cost and many othre grete þinges doon to your highnesse
189and plesirs whiche were to longe to expresse here and nowe is aboute
190moo /
191    The whiche thynges be youre seid highnesse conteined plese it to youre
192most benigne and abondant grace to considere the longe and continuel
193seruice don be the seide suppliant to youre graunde fader and
194fader kynges of Inglond and to you soueraign lord as it is a fore
195expressed and þe grete age of youre seid suppliant and in recompense
196of alle his costages expenses and labours and diligences a foreseid
197of youre seide grace graunten to youre seide supplaint an annuitee terme
198of his lif in manere and fourme conteined in the cedule to þis bill
199annexed / and youre writtes and allocate currant and dormant for
200allowance of payement of the same withoute payement of eny fee for
201the seales of the same writtes

page 227

202

189

203

AFTER 1432 C1/1/41 PETITION OF THOMAS APPELTON OF DARTFORD, KENT

204RIGHT SIDE RUBBED; MATTER IN PARENTHESES SUPPLIED FROM Proceedings in Chancery in the Reign of Queen Elizabeth
205
206    To my most reuerent fadir in god and most gracious and rightwose
207lord the Bisshop of Bathe Chaunceler of Englond
208    Besechith in the most humble wise your povir seruant Thomas
209Appelton That where as william Aleyn clerk of the countynghous

page 228

210with ynne the housold of the kyng our soueraigne lord. Roberd Aleyn
211fadir to the seid william and Thomas Cotes ymagenyng of grete
212malice before thoght extorcionesli to oppresse and fynalli to distroye
213your seid Suppliaunt ayens concience and lawe / On seynt Stephenes
214day at nyght be twene xj and xij of the Clokke at mydde nyght the
215vijthe. yer of the kyng our soueraigne lord with force and armes on
216horsbak in maner of werre riot and rowte araied. with bowys and
217arowys swerdis and bokelers in maner of rebellion and Insurreccion
218a yens the dygnyte of our soueraigne lord the kynge and his crowne.
219kome to the hous of your seid Suppliaunt. at Derteford in the Shire
220of kent. at mydde nyght. And took awey Anne the doghter and on of
221the heyres of your seid besecher beynge with ynne the age of xij.
222yere. and in his warde whos mariage of right to hym perteyned. and
223to non othir / And that same doghter the seid william Aleyn
224ravisshid be force vileynously ... ... CANCELLED and here enforced be the supportacion
225and helpe of the seid Roberd. and Thomas Cotes. and weddid
226here ayens the wille of here said fadir. and alle here frendis
227expressely ayens lawe And ayens the forme of all maner Statutes in such
228cas made before this tyme / And in lettynge your besecher to take
229the profit and avayle of here seid mariage. ffor the which mariage your
230seid besecher myght haue had CC mark of money. & she to haue
231bene maryed to such dyuerse notable persones as myght exspende
232an C li of enheritaunce be yer of yerly lyflode / where as the seid william
233Aleyn at that tyme hadde nor ȝit hath no fote lond of his owne
234in Englond. And aftir the seid william Aleyn took an accion of wast
235in the comyn place vnIustly withoute concience ayens your besecher
236(and) THE WORD IN PARENTHESES A SUPERIOR INSERT with grete mayntenaunce be color of his seid office broggid
237hyred and enbrasid to hym the Iorores the which Iorores were kept iiij.
238dayes in london at the cost of the seid william Aleyn (Thretyng
239and manasyng your seid besecher) oppressiouesly that the seid Iorores
240were redy to haue condempnyd your seid Suppliaunt in a M li And
241the seid william Aleyn Roberd Aleyn and Thomas Cotes thorow grete
242manace and meyntenaunce of dyuerse peple be cause of the office
243of the seid william Aleyn put your seid besecher in fere of. his lyf and
244compellid hym vntrewly. be oppression to make a feffement of
245all his londis and. his. tenementes to the value of iiij mark be yere
246with ynne the Shires of Essex and Middlesex (to certeyn persones at
247the denomynaccion of the seide william Aleyn) vpon condicion that
248your seid suppliaunte sholde haue suffisaunt and sure astate. noght
249defesable of xxiiijti li be yere to be paied. to hym at iiij termes yerly
250duryng his lyf of the issues and profites of the seid londis and

page 229

251tenementes with a sarteyn payne and reentre for defaute of payment
252(in maner and forme) like as in certeyn dedis endentid. there of
253made be twene the seid parties pleynly aperith The which xxiiijti
254li be yere the seid william Aleyn be covyne and confederacie hadde be
255twene hym and the seid Roberd Aleyn and Thomas Cotes with (all
256maner of) profites comynge of the seid londis and tenementes
257withholdith vntrewly ayens all reson and concience in his owne
258hand and paieth your seid. suppliaunt no peny nor no peny wolde paye
259this ij. yere and an half. (last pased) and more And (also hath felde
260downe) all the tymbre of the seid lyflode to the value of an C li
261and more and makith wast fro day to day. And latith the housyng of
262the seid lyflode falle doune and go to noght for lakke of reparacion
263in his defaute (Please hit) to your highne(sse to considere thes
264premisses) and be your most noble and high discrecion to ordeyne
265that your seid Suppliaunt myght haue Writtes direct to the seid
266william Aleyn (Robert Aleyn and Thomas Cotes) THE WORDS IN PARENTHESES SUPERIOR INSERT to appere before you
267in the Chauncerie. with ynne xl. dayes aftir the date of the seid
268writts at Westminster (And that the seid tresspasours be ponysshid for
269the seid riottes oppressions and offences aftir their deserte) THE WORDS IN PARENTHESES SUPERIOR INSERT and
270yf the seid william Aleyn apere to the writ aforeseide. that thanne
271be your discrecion restore the seid Suppliaunt to the seid londis and
272tenementȝ yf hit be founde be due examinacion that the seid rente
273of xxiij li be yere was be hy(nd) noght paied to your seid (Suppliaunt
274at) eny terme with ynne the seide dedis endentid. comprised. with
275the damages that the seid besecher hath hadde in this partie. And
276in cas the seid william Aleyne a pere noght on the Chauncerie to the
277seid writ. that thanne lyke you to ordeyne that your seid supplaiunt
278be restorid to the seid londis and tenementes in maner and forme afore
279seid. with all maner of damages that he hath hadde in this partie
280 ... ERASURE Considering of your rihtwosenesse that your seid Suppliaunt
281hath no more lyflode to lyve vpon / nor dar nethir ride nor go late nor
282rathe in to Essex nor Middlesex where the seid londis and tenementis
283lieth for to distreyne nor for to make non entre (in the seid londis and)
284tenementis nor dar not nor ys noght of power in no maner of wise
285pursue be lawe. ayen the seid william for his damages nor can haue
286non officer to execute no writ ayens the seid william Aleyn whiles
287he s(tondith) in his office aforeseid And that for the love of god
288and in the weye of Charite.

page 233

289

193

290

1436 SC8/27/1309 PETITION OF COMMONS CONCERNING THE STEWS
291OF SOUTHWARK

292

page 234

293    Please hit to the Wisedomes and hye discrecions of the Worshipfull
294Comunes in this present parlement assembled to consider two
295grete meschiefs nowe in late dayes bygonnen by vntrywe lyvers and people
296with owte consciens and yet dwelling in the Burgh of Suthwerk
297in the Shire of Surrey / Oon is that howe nowe late by Auctorite of
298parlement was ordeyned and stablet that no person that had dwelled
299at the comune Stywes shulde hald any comune hostryes ne comune
300Tavernes with yn the saide B(urg)h THE LETTERS IN PARENTHESES TORN ne thay shulde not passe in
301no maner enquestes with yn the saide Shire safe only at the saide
302comune Stywes the whiche ordenaunce hath been to grete weel of alle
303the honest people of the saide Burgh and Shire and put awey mony
304and grete periuries robberyes and other inconueniences And nowe
305syn that tyme ther be comyn other strange persones and have set vp
306Stywehouses and houses of bordell and vnclene lyvers with yn the
307hye stretes and among the honest dwellers of the saide Burgh and there
308they herber and refet alle maner of myslyvers and avowterers theefs
309robbers mansleers and other myslyvers wherthurgh meny wemen ben
310ravysshed and brought to evil levyng neightbores and strangers ofte
311tymes robbed and murdred that vnnethese any persone dar passe thair
312house fro nyght come And also nowe late tyme ther been certeyn
313Alienes callid fflemmynges that have set vp comune hostryes and
314comune Tavernes with yn the saide Burgh where ynne thay refet and
315herber alle maner Alienes and strangers as wel ffrensshmen and
316Picardes as flemmynges and alle other nacions aswel Aduersaries to
317oure souuerayn lord the kyng as frendes and there thay han thair
318comenycacions and metynges by thaym self nought sufferyng any
319englisshman to be herbered or come among hem / by the whiche
320Alienes and strangers by liklynesse the Counseill ordenaunce and
321purveaunce of oure saide souuerayn lord and his trywe liege people
322is discovered to his Aduersaries his customes and dywtees
323enbesiled and conceiled to hym grete preiudice and alle his liege people /
324/ Thees premisses considered like hit to youre high discrecions
325to pray the kyng oure souuerayn lord by the Assent of the lordes
326spirituels and temporels and by Auctorite of this present parlement
327to graunte and ordeyne that no maner of persone in eny tyme
328to come be hardy to take vppon hym to holde ne kepe any maner Stywes
329ne houses of bordell and vnclene lyvers in any place with yn the
330saide Burgh safe only atte place called the comune Stywes on peyne
331of enprisonement of their bodyes by xl dayes and makyng fyne
332and raunsom atte kynges will / And that no maner persone Aliene holde
333ne kepe comune hostrye ne comune Taverne in any place with yn
334the saide Burgh after the fest of Estire next comyng on peyne of enprisonement

page 235

335and makyng fyne and raunsom in the fourme
336abovesaide / And that the Iustices of pees in the saide Shire and the
337kynges baillif of the saide Burgh for the tyme beyng and every of
338hem have power at alle tymes that thaym shal seme nedeful and expedient
339to enquere in the saide Burgh of thees premisses And opon
340alle suche persones as thay or any of thaym fynde gilty and dywly
341convycte afore thaym to do execucion and punysshement in the maner
342and fourme byforseide for Charite

page 245

343

202

344

1437 SC8/27/1308 PETITION CONCERNING THE ESTATE OF THOMAS
345NORTON OF BRISTOL

346
347    To the right wise and discreet Comons of this present parlement
348Besechen mekely Thomas Norton Water Norton of Bristowe Gentilmen
349Sonnes and executors of the testament of Thomas Norton late

page 246

350of Bristowe Gentilman Thomas Halewey Nicholas Deuenyssh and
351Iohn Papenham and Iohn Shepward of Bristowe Marchantȝ that it
352please you to considre how that oon Thomas Stamford before our
353souerain lord the kyng at westminstre for certein trespasses falshedes
354and disceites doon vnto the same Thomas Norton the fader atte the
355suyte of the same Thomas by bylle was found gylty by verdite of
356xij notable men of the seid Toun of Bristowe to the harmes of the seid
357Thomas Norton of iiijc marc wherupon it was awarded that the same
358Thomas Norton shuld recouere the seid somme of iiijc marc ayens
359the seid Thomas Stamford. And that the seid (Thomas) THE WORD IN PARENTHESES RUBBED, STAINED Stamford
360shulde be take to satisfie our seid souerain lord of his redempcion
361by cause of the seid trespaces falshedes and deceites of whiche he was
362conuicted. And after that the seid Thomas Stamford beyng atte
363barre at westminstre by fore our lord the kyng at the peticion of
364the same Thomas Norton was comytted to the Marchall in prison to
365abide vnto tyme that he hadde aswell satisfied the same Thomas
366Norton of his seid damages as our souerain lord of his seid redempcion.
367After whiche the same Thomas Stamford pretendyng a fals
368othe to be made by the seid xij men in the seid suyte sued atteynt
369therupon in due fourme of lawe. in whiche it was founden be xxiiij
370notable men of the seid Toun that the seid xij men in the premisses
371hadde made good and true othe Wherupon the seid Thomas Stamford
372was by Iuggement barrid of his seid atteynt and awarded ouere
373by the Court. that he shulde abide in prison vnto the tyme he hadde
374made an other greet fyn with our lord the kyng for the same. After
375whiche tyme Thomas Stamford so beyng in prison encresyng his
376greet vntrouthe and malice by favour supportacion and help of his keper
377there and by comfort of other vntrue persones by sotill and
378malicious menes purposing to hurt vexe and vndoo your seid suppliantȝ
379and to make hem waste and lese her godds and her bodyes to her
380greet hyndryng ymagined (contrevyd) THE WORD IN PARENTHESES RUBBED, STAINED & feyned diuers vntrue accions
381of trespases and fals enprisonementȝ in foreyn shires. that is to
382wite in london tweyn ayens the seid Thomas Norton water Norton
383Thomas halewey & Iohn Papenham iiij of the seid bisechers by the
384names of Thomas Norton and water Norton of Bristowe Gentilmen
385and Thomas Halewey and Iohn Papenham of Bristowe
386marchauntȝ. And in Southrey oon ayens the same Thomas Norton
387water Norton and Iohn Papenham by the same names and Nicholas
388Deuenyssh and Iohn Shipward (of Bristowe marchauntȝ supposyng) THE WORDS IN PARENTHESES CREASED
389that thei shulde haue beten and enprisoned hym. where in trouthe
390thai were neuere gilty þerof ne som of hem com not in suche places

page 247

391ther the trespaces ys supposid to be doon by x yere before the trespaces
392supposid and somm of hem neuere. and in this fourme before seid
393the seid suppliantȝ (ben grevousely vexed and labored dailly) THE WORDS IN PARENTHESES CREASED and
394so ben likly by longe tyme to endure. by cause that if þe seid Thomas
395Stamford perceyue that eny enquest woll not passe with his entent
396he woll be nonsuyd and þerupon he will begynn a newe feyned sute
397ayen. so supposyng to labore the seid suppliantȝ infenytly by vntrue
398sutes withoute your good help and socour. And now late our seid
399souerain lord enformed of the greet mysgouernaunce of the seid
400Thomas Stamford hadde ayen hym and his liege peple for dyuers causes
401that meved him and his rightwys Counseill the seid Thomas Stamford
402from the prison callid the kynges benche was remeved vnto his
403prison in london y callid the fflete be his (lettres vnder his prive
404seale) THE WORDS IN PARENTHESES RUBBED, STAINED the whiche Thomas Stamford sueth now to our seid souerain
405lord to be remeued and remyttid ayen to the seid prison of kynges benche
406to that entent that he myght be there at large as he was before
407and there to enbrace the Iurours ayenst the seid suppliantȝ and also
408to be an enfourmour a techer and a Counceillour as well be his
409writyng as otherwise to alle the prisoners and mysdoers beyng in
410the seid prison of the kynges benche As he was before to the gret hurt
411and derogacion of oure souerain lord and of his liege peple as it
412is openly knowen. Please it to your wise discrecions to consider these
413premisses. and that diuers of the seid suppliantȝ for greet age ben
414impotent to laboure. And therupon to praye our souerain lord the
415king by the assent of his (lordes espirituelx) THE WORDS IN PARENTHESES RUBBED, STAINED and temporell in this
416present parlement assembled and by aucorite of the same parlement
417to ordeyne and establie that the seid Thomas Stamford may abide
418and remayne still in the seid prison of fflete and in the kepyng and
419warde of the wardeine of the same prison for the tyme beyng withoute
420eny remevement to be hadde of hym into the seid prison called
421the kynges benche or into eny oþer prison out of the kepyng. and warde
422of the seid wardeyn of fflete for the tyme beyng till the seid fynes
423and alle other thynges of the whiche the seid (Thomas Stamford
424standeth charged ayens oure souerain) THE WORDS IN PARENTHESES CREASED lord be satisfied and
425(determyned) THE WORD IN PARENTHESES CREASED . And the seid executors fully agreed and satisfied
426of the seid iiijc marc as lawe woll and requireth. and that for the
427loue of god and in wey of charitee

page 260

428

212

429

1444 C49/26/5 PETITION CONCERNING THE MURDER OF ISABELL,
430WIFE OF ROGER BAKELER, BY JOHN BOLTON

431
432    Prayen the Comunes of this present parlement that hit please the
433kyng oure soueraigne lord of his benygne grace to consider how
434that now late Iohn Bolton nowe beynge in prison And in the Marschall
435ward of the kynges benche the tiuesday next a fore the feste of Saynt
436lauerens the yere of youre reigne the xxije at Pekham in the Counte
437of Surrey wold haue rauesshed Isabell late the wife of Roger Bakeler
438and for as muche as sche wold not assent vn to him he vilanisly
439toke of here all the Atire of her hede And al so her clothes of her body
440otake her smokke. And yet sche wolde neuer assent vn to his vnlefull
441desir but at all tymes kepte her a goode womman. And at the last

page 261

442be cause he cowde noghte haue his desir of her. he ther at the same
443tyme felonesly sleeth and murdred her and kutte her throte twyes.
444and twyes stikked her thurgh her pappes and sides with a dagger wher
445vppon sche died. And all so at the same tyme and plase after the
446said murdre noght repentyng hym of his horible dede as hit semed.
447a gowne. a kirtell. a hode. two kerchieffes and two keyes vppon
448her ther founde of the goods and catells of the said Rog(er) THE LETTERS IN PARENTHESES RUBBED husbond
449to the said Isabell the whiche wer the weryng clothes of the said
450Isabell beyng vppon her person felonesly toke and bare a way of
451the whiche forsaide murdre and roborie the said Iohn Bolton ys endited
452wher of the recordes remayneth a for yowe of Recorde in
453your benche of the whiche Recorde the tenur ther of ys Annexed vn
454to this bille. And the said Iohn Bolton of his sotell ymaginacion
455be cause he wold not answer to the saide enditement nether to other
456diuerse horible felonies of the whiche he was endited he knowleched
457diuerse felonies and ... ... CANCELLED tresons and be cam a prouowr and ther
458of appeled diuerse other men and vnder colour of that Appelle so
459hongyng he gate hym a Chartre of pardon of yow of all maner
460tresons and felonies ye beyng not lerned of the forsaid horible felonies
461and treson the whiche Chartre ys allowed of Recorde. And ther
462vppon to ordeigne And graunte by the Au(ctorite of) THE TEXT IN PARENTHESES TORN, SUPPLIED FROM Rotuli Parliamentorum this present
463parlement that the saide Iohn Bolton so beyng in prison as hit ys forsaid
464by what name so euer he be named be putte to Answer vn
465to the said felonies comprehen(id in the) THE TEXT IN PARENTHESES TORN, SUPPLIED FROM Rotuli Parliamentorum said enditementȝ And in
466especiall to the murdre of the said Isabell with out any processe
467to be made Ayenst hym considering that he ys in the (Marschall
468warde of your benche) THE WORDS IN PARENTHESES ARE OVER ERASURE the said (Chartre) THE WORD IN PARENTHESES TORN, SUPPLIED FROM Rotuli Parliamentorum or allowance ther of or any
469other chartre made or to be made to the said Iohn a contrarie noght
470withstonding And all so that he be came a prouowr or for any
471other cause as a fore (rehersed) THE WORD IN PARENTHESES RUBBED And yf he be founden gilty in the saide
472murdre he to be iuged and demed as a traitour and suche execucion
473to be don vppon his body as schuld be don vppon a traitour (atteint
474of hie) THE WORDS IN PARENTHESES RUBBED treson notwithstondyng the saide (chartre And he
475to forfete) THE WORDS IN PARENTHESES ARE OVER ERASURE his goodes and Catels londes And tenementes as the lawe
476requireth of hym that ys atteint of ffelonie And that the (said chartre
477be) THE WORDS IN PARENTHESES RUBBED not as for the saide murdre and Roborie to hym in no wise
478auaillable but vtterly voide and noght in lawe. And all so that by the
479said Autorite A speciall commission be (made to the) THE WORDS IN PARENTHESES RUBBED Chief iustice
480of youre... ... CANCELLED benche and other iustices nowe beyng present to procede
481to the Areignement of the said Iohn in all goodly hast vppon the
482said murdre (and Roberie) THE WORDS IN PARENTHESES RUBBED accordinge to this said Acte notwithstandinge
483the Aiournement of your Courtes in exsample and drede

page 262

484to all other that wold offende in like wise And that the saide (Chief
485Justice) THE WORDS IN PARENTHESES RUBBED haue power by this saide Autorite to bringe thes saide recordes
486of the saide enditementes by fore hym selue and the saide Comissioners
487at the day that they (shalle sitte uppon the said) THE WORDS IN PARENTHESES TORN; SUPPLIED FROM Rotuli Parliamentorum comission
488And ther vppon to procede in hast as hit ys forsaid (And yf any man
489desire here after to Rauisshe Any woman) THE WORDS IN PARENTHESES ARE OVER ERASURE and for cause that sche
490wolle noghte assente (vnto hym sle and) THE WORDS IN PARENTHESES RUBBED murdre her that any chartre
491to be made to any suche person for any suche murdre (be) THE WORD IN PARENTHESES CREASED voide
492and noght auaillable in lawe for the loue of ihesu and yn way of charite

page 268

493

217

494

1450 SC8/2/52 PETITION OF COMMONS CONCERNING TRADE WITH
495BRABAND, HOLLAND

496LEFT MARGIN TORN; MATERIAL IN PARENTHESES SUPPLIED FROM Rotuli Parliamentorum
497
498    (Prayen) the Comeyns in this (your) THE WORD IN PARENTHESES A SUPERIOR INSERT present parlement assembled
499to consider howe that atte your parlement holden atte Westminstre
500the xxvij yere of your noble reigne for cause of a certeyn ordinaunce
501hadde (proclai)med puplished and streytely kepte in the parties of
502Braband holland and ȝeland that no manere of cloth made in this Reame
503of Englond shulde not come in to the seid parties þer (to be sold)
504in eny wise vppon peyne of forfetur of the same cloth wherefore
505ye our souerain lord by cause it ys expressely ageinis the trieux and appointement
506made & take betwix (youre Rea)mes landes and subgiettes
507of the oon parties and the landes whiche the Duke of Burgoigne holdeth
508and occupieth on þe oþer partie haue often her bifore this tyme do
509write your (lettres requi)sitore and send your messages for due reformacion
510to haue be hadde in this behalfe whereof as yet no due
511redresse is hadde vnto þe right intollerable hurt of all the Comeyns of
512this (Reame by) cause þat many cloth makers þat is to wete men
513weuvers fullers diers and women kempers Carders & spynners & oþer
514biers & sellers þerof such as can noon oþer occupacions (by verrey
515necessite be) compelled for their levyng to do the occupacions And
516such of theym as can nat do noon oþer occupacions be come as ydell
517pepull whiche prouoketh hem to (synne and myschevous lyvyng
518and) vppon this consideracion that it please you souerain lord by

page 269

519the aduyce and assent of your lordes spirituelx and temporelx assembled
520in your said parlement and by auctorite (of the same par)lement
521it was ordeyned that but yf so were þat due continuell reformacion
522wer made in the seid parties of Braband holland and ȝeland
523of the seid (ordenaunce betwi)x that tyme and the fest of seint
524Michell þan next comyng so that all maner of cloth of woll made in
525this Reame myghte come and be accepted into (the same par)ties
526of Braband holland and ȝeland ther to be vttred and sold as frely as
527eny oþer merchandises þat than for defaute of such reformacion
528in (that behalve no manere of) merchandises ne goodes of the
529growyng nor wurkyng of the landes and parties that the said Duke helde
530and occupied schuld not come in to the seid (Reame after the seid
531Fest uppon) peyne of forfeitur of the merchandises þat is for to sey
532the one halfe þerof to the kyng and oþer halfe þerof to hym that
533firste seiseth the seid merchandises (in whos handes that ever) they
534wer founde and that ther vppon open proclamacion shuld be made betwyx
535þat tyme and the xv day of Iuyll than next comyng withinne
536(the Citee of london and other) places necessarie & conuenient þerto
537And yif eny suyt wer commenced aftere that tyme hadd for cause
538of eny such seisyng in which eny issue (concernyng þat acte sh)uld
539be taken þat the seid issue shuld be tried in the shire wher the seid seisyn
540shulde be hadde and in noon oþer place The whiche ordenaunce
541(shuld endure unto the) next parlement And for asmoch as be the
542summyns and commensyng of this your present parlement the seid acte
543is fully expired & determyned no (due reformation) of the parte
544of the seid Duke of the premysses yut hade that it please your highnesse
545be the avise of your (lordes spirituelx and temporell in this your
546present parlement assembled) and be the auctorite of the same to
547ordeyne and estable that open proclamacion be hadde in the Citee
548of london and oþer places necessarie (and convenient) þerto betwyx
549this and the fest of Pentecost next comeyng þat but yf so be dewe
550contenuell reformacion be made and hadde in the seid parties (of Braband)
551holland and ȝeland betwyxte this tyme and the fest of Natiuite
552of Seynt Iohn Baptist next comeyng so that all maner cloth of woll
553(made in) this your Reame mowe come & be accepted into the same
554parties of Braband holland and ȝeland þer to be vttered and sold
555as frely as eny oþer merchandises (that than) for defaute of such reformacion
556in that be halue no maner of merchandises ne goodes of
557the growyng nor wurkyng of the landes and parties that þe (seid
558Duke) holde and occupieth shulle come in to the seid Reame after the
559seid fest vppon peyn of forfaitur of the merchandises that is for
560to sey the (one halfe) þerof to þe kyng & þe oþer halfe þerof to

page 270

561hym that first seiseth the seid merchandises in whos handes that ever
562they wer founde and if eny suyt be (commenced) her after for cause
563of eny such seysyng in whiche eny issue concernyng this acte shall
564be taken that the seid issue be tried in þe shire wher (the seid) seisyng
565inis hadde and in noon oþer place and that this acte indur in
566perpetuete

parameters for this division: #pet4_classification_1

page 212

567

173

568

1424-26 C1/1/27 PETITION OF WILLYAM MIDYLTON OF
569HOLDERNESS, YORKSHIRE

570
571    To my graciouse Lorde of Wynchestre the Chauncellor of
572Engeland
573    Compleines Willyam Midylton of Waughen in holdernesse in als
574mykill als Iohn of Cotyngham gentylman of Waughen forsayde a with
575certeigne men of his. wapynd & armed. yat es to say. Iohn of
576Waughen husbandman. Thomas warde husbandman (Robert of Bate) THE WORDS IN PARENTHESES FADED
577wryght. & Iohn west wryght. wyth yair force of ye same Toune forsayde.
578maliciously agayne ye kyngis pece & (rebelliously) THE WORD IN PARENTHESES FADED agayne ye
579gouernours of ye deuyne seruyce of ye kyrk of Wanghen forsayde
580in seruyce tyme opon seint Steyn day ye last in ye (same) THE WORD IN PARENTHESES FADED kyrke
581woulde haf slayn me with ane polle axe & all ye pepyll & ye preste so
582affrayde at ye leuacion tyme clappyd saume ye buke for ferid. &
583I for drede of my dede habade still in ye same kyrk of seint peter
584ffraunchiss .x. houreȝ lange & ye forsayde Iohan of Cotyng ham Iohn.
585Thomas Robert. & Iohn with yair force en armed & wapened lygand

page 213

586still in ane awayte in ye kyngis way & aboute ye same kyrke to haf slayne
587me if I had comyn oute of ye kyrk. & no man durst him arest to
588ye pece. & yat same Iohn of Cotyngham proferd openly to ye
589qwhylk of yam forsayde yat myght haf kylled me. soulde haf had xx.
590noblis for my dede als (it is) THE WORDS IN PARENTHESES FADED opynly knawen to all yat toune &
591ye contreth. for ane worde I spak in ye kyrk. yat it wer better bell
592vnrogne at ye sauntes tyme yan ye messe vnsogne. & I neuer sen
593yat day hidirward durst yer habyde in ye contree for drede of my
594dede for yat Iohn of Cotyngham & his force forsayde. in harmyng &
595in costes of me & myne. xx li. Qwharfore lyke it to yhour graciouse
596lordeschip in saueyng of my lyfe & ye kyngis pece & ye state of yat
597kyrke of seint peter ffraunchess & my harmeȝ graunte a writ sub
598pena for yis for(sayd) THE LETTERS IN PARENTHESES FADED Iohn of Cotyngham & his iiij. felaughes
599in propir personeȝ to com by for yhour self. for ye luf of god & by
600way of charite