page 3

1

I.

2
3

IN DOMINICA PALMARUM.

4
5    Quum appropinquasset ihesus ierosolimam & cetera. Gode
6men hit is an heste dei to dei þe is on .xxi..xii. monþe þis
7godspel sed hu þe helend nehlechede to-ward ierusalem þare
8burh to dei mid his apostles and ec mid oþere floc manna
9þa he com to þere dune oliueti his ihaten þa sende he is .ii.
10leornicnihtes and oþed to heom God in þane castel þet is onȝein
11eou and ȝe finded redliche þar ane asse ȝe-bunden mid
12hire colt unbinded heo and leaded heo to me. ȝif eniman seid
13eawiht to eou segged þet lauerd haued þar-of neode and
14redliche heo leted fere þer-mid. Euntes autem discipuli
15fecerunt sicut precepit illis ihesus & cetera. Þa apostles eoden
16and dedeun alswa þe helende heom het heo nomen þe asse and
17here colt and ledden to him and heo duden heore claþes huppon
18þe asse fole and ure drihten seodþan rad þer-on uppen toward
19ierusalem þa wes hit cud ouer al þe burh þet þe helind wes
20þiderward. heo urnen on-ȝein him al þa hebreisce men mid
21godere heorte and summe mid ufele þeonke. Moni of þan
22floc manna þe earþon fulieden ure drihten and ec ȝe-leafulle
23of þere burh heo nomen heore claþes and þe beste þat heo
24hefde and strehiten under þa assa fet þer drihten rad inne þe

page 5

25weye. him to luue and heriȝinge þa oðre men þe reil nefden
26heo stiȝen uppeon þe godes cunnes treowe and nomen þa twigga
27and þa blostme and duden under þe assa fet and bistreweden
28al þane weye him to wurþscipe and al þe hebreisce folc þe
29eode efter him and biuoren him sungun þisne lofsong hehliche
30to heringe and cweþen. Osanna filio dauid benedictus qui
31uenit in nomine domini. þet is he is iblesced þe þe her cumet
32on drihtenes nome. Þus ha hine hereden a þe þe rad in et
33þan est ȝete þere burh þet ȝet me hat. Speciosa porta. þet his
34þet faire ȝet me hat hit and seodþan þe cristindom wes; nefre
35ouer .xii. monþe nis hit undon bute to dei al þat folc eode
36þar ford to processiun to munte oliueti ; and in al swa. Nu
37leoue broðre nu ic eou habbe þet godspel iseid anfaldeliche nu
38scule ȝe understonden twafaldeliche þet hit bi-tacnet. ȝe
39iherden er on þe godspel hu ure drihten sende his .ii. apostles
40petrum and iohannem on-ȝein þene castel þet heo unbunden
41þat assa and hire fole mid hire. and hu hure drihten set uppen
42ða assa fole. Leoue broðre and sustre ȝe hi hered hu muchel
43edmodnesce ure drihten dude for us. he mihte ridan ȝif he
44walde on riche stede and palefrai and mule and arabisz nalde
45he no. na forþon uppon þa muchele assa aȝc uppon þa lutthle
46fole þat ȝet hit wes sukinde ne ber hit nes nefre nane burðene
47ne hit nes nefere ifuled of nane oðre assa. In swa muchele
48edmodnesse godalmihti hine dude for us and ec sette us bisne
49þaȝ habbe wele to ouer stohwennesse on þisse liue ne beo þu
50þereuore prud ne wilde ne sterc ne wemod ne ouer modi ah
51þes þe we heoueden mare wele on þisse liue. þes we ahte to
52beon þe edmoddre. and þa mare imete al swa hit ure wele
53nere and þonkien hit ure drihten þe hit us lende and don
54þan monna þerof þat hit nabbet. Godemen þa ȝe-leafule
55ebreisce folc eoden and streweden mid twigan in drihtenes
56weye þer he rad. þa hit wes ifullet þet ysaias þe prophete
57iwitegede ueale hund wintra er þis were and cwed.
58    Parate uiam domini rectas facite semitas eius. Redeð up
59drihtenes wei and makiet his weoȝes rihte. Þet tacnet þet we
60sulen habben ure heorte and habben godne ileafe to ure drihten.

page 7

61þe witeȝa het þet we sculde makien his stiȝes þenne make we
62ham rihte ȝef we haldet his beode and ȝef we beod under sod
63scrifte and god fructe þurh-ut of alle þinge. and we luuien ure
64efrec oðer us bi-twenen swa we weren broðre and sustre and
65ȝif we þonkiet ure drihten alles þinges þe he us sent. þet
66gode and þet ufele. ȝif we þis doð; þenne make we rihte and
67clene godes weies and his sties þet god almihti mei riden on.
68ȝif we þis doð þenne wunet god almihti in us. Al swa ic er
69cwet hu hure drihten rad to ierusalem þat ebreisce folc sungen
70heore leof song ure helende to wurðinge summe hit sungen
71þurh þene halie gast walden heo naldden heo and þa children
72ploȝeden in þere strete heriende ure drihten and cweþen. Osanna
73filio dauid. þis witeȝede dauid þe þe salm scop in þe saltere
74muchel erdþon þa wile he liuede and cwet. Ex ore infancium
75& lactancium. þis he witeȝede bi drihtene þurh þene halie gast.
76Drihten þu dest þe lof of milc drinkende childre muðe wu
77warpest þene alde feont for þine feonden and þine feond þu biscildest.
78Nu we wulleð seggen mare wet þis godspel itacnet
79þe castel þe wes aȝeines drihtnes twa leornikenehtes; he bi-tacnet
80þeos world is whilende and ontful and swiðe lewe. and swincful
81Ne swincke þu nefre swa muchel; a hit bið undon and
82misliche wederes comet oðer while. and unfrit. and hunger.
83and licome un-hele al for ure gulte and þenne þu wenest þet
84þu scalt libben alre best. þenne gest þu forð and oðer cumed forþi
85ne litmie namon to swiðe to þisse liue. al heo us truket
86þer we lest wenet. Ne we ne beoð iboren for to habbene nane
87prudu ne forðe nane oðre rencas ah we beoð on þisse liue for
88to ernien þa eche blisse in houeneriche. Ȝe habbet iherd hu
89god almihti sende his apostles oȝein þene castel efter þe assa
90fole þe wes ibunden and seoðan un-bunden. þa apostles itacned
91þa leorneres þet beoð þa wise witega þe beoð nu ouer þe halie
92chirche and libbed gastliche heore lif heo sullen eure un-binden
93godes folc from þam deofle and heom seggen godes lore hu
94heo sculen leden heore lif and ernien þa eche blisse mid ibede
95and mid scrifte to betende mid festene and mid elmesse and
96bidden for heom deies and nihtes þet crist heom milcie of heore

page 9

97misdede. Þat assa itacned þe chirche oðer þe sinagoga heo wes
98ibunden on þa ealde laȝe and nuða heo is unbunden in þisse
99newe laȝe. Godemen wite ȝe hwet þes sinagoge on þam alde
100laȝe ere crist were iboren alswa hefden þe giwis heore sinagoge
101efter moises laȝe alswa we habbet nu chirche efter drihtenes
102laȝe and efere to þam setteres dei heo comen þa iudeisce folc
103to settes tima to þan sinagoge and hereden heore drihten swa
104heore laȝe wes. Þat wes heore sunedei and bet heo heolden
105heore wurðing dei þene we doð and ȝet doð þer þe heo beoð.
106leofemen alle þa ileafulle iudeisce men þe heolden wel heore
107laȝe and hersumeden heore drihten her he come on þisse
108middelerd heo weren iclipet synagoge al swa is nu iclepet al
109cristen folc. þa ilke þa haldet cristes heste. Þa assa þe wes
110ibunden and seodðan unbunden þet itacned þe sinagoge þe wes
111ibunden on þan alde laȝe. þet wes al þet ileafule folc of iudeus
112heo weren strongliche ibunden er ure drihten come to þisse
113liue. heo heofden odðre laȝe þenne we habbet. Þet wes þa
114laȝe þa ilke wrake þe ic dude þe; þu scoldest don me and ȝef
115þu sungedest to-ward þine drihtene and me hit mihte witen
116nouþer gold ne seoluer ne moste gan for þe. ac me þe sculde
117nimen and al to-teon mid horse oðer þe al to-toruion mid
118stane. for-þiFor-þi leofe breðre hit is muchel neot þet we þonkien
119ure drihten þa haued þa stronge ealde laȝe auulsed mid þere
120newe. Nu ne þerf na mon his sunne mid wite abuggen
121bute toward crist ane mid scrifte swa him his preost lered
122al swa his festen. þe swiðe ouerkimet þes flesces wlongnesse
123and chuc ȝong and god to donne þeruore monie and feole
124oðre godere werke þe nu were long eou to telle. A. hu þenne
125ȝif hwa is swa sunful and mid deofle biuon þet nulle for his
126ouer-moð. oðer for his prude. oðer his fule heorte wil his
127scrift ihalden. þenne segge ic eou to soðe þet nis hit nan þerf
128þet me her on þisse liue for his saule bidde pater noster. ne
129messe singe ne nan oðer god don. A. hu scolde oðermonnes
130goddede comen him to gode þe nefre on þisse liue nanes godes
131ne rohte; A. hwa is þet mei þet hors wectrien þe him self nule
132drinken; Na ma ne mei me her god don for þere saule þe

page 11

133on þisse liue god bi-ȝinnen nalde. Muchel is us þenne neod
134leoue breðren wet we on þisse middelerd liuien sod scrift and
135swiðe adreden ure monifolde sunne. and ȝerne bidden ure
136milciende drihten þet he us leue swa libben on þisse scorte
137liue þet we moten heonene feren to þan echeblisse þe hon
138wunet. þe feder. and þe sune. and þe halie gast a buten ende.
139per omnia secula seculorum amen.