1

XI

2

LITTERA DOMINI REGIS MISSA MAIORI & ALDERMANNIS
3CIUITATIS LONDONIE.

4

DATE: 1418.

5
7
8    Trysty and welbeloued, we grete you well, and do you to
9vnderstonde þat we been in good prosperite of oure persone, and
10so ben al þastates of our hoost, blessed be god, which graunt you
11so to be, And as touching oure gouernaunce and tithing siþ our
12last departyng fro Caen, we com afore our Toun of Louiers &
13wan it by assiege, to þe which place com to vs þe cardinal of
14Vrsin fro our holy fader þe pope, fro to trete for þe good of
15pees Betwix boþe Reaumes, and is goon ayein to paris fro to
16diligence þere in þis same mater, but what ende it shal drawe to
17we wote noght as yet. And aftur þat we hadde wonne our sayd
18toun of Louiers, we cam afore pount-de-larche, and bisieged it
19on þat oon syde of þe riuer of seyne, and vpon munday þe iiij
20day of þe moneþ of Juill we gate vpon our enemys þe passage
21ouer the sayd riuer, and god of his mercy shewed so for vs and
22for our right that it was withouten þe deþ of any mannes persone
23of oures, albehit that our enemys, with grete power, assembled
24nigh the same riuer, for to haue let and defended vs the same
25passage. And than we leyd our men afore the castell, and after
26that they withine the garnison sent to vs for to deliuer vnto vs the
27town, and the sayd Castell of pount-de-Larch, the xx day of the
28sayd moneth, Olesse þan they were rescowed by þat day, by
29batall to be youen to vs by our aduersaire, other his sone, the
30which thing we graunted, and toke þerupon hostage; and so ben
31the sayd castell and Toun yolden and deliuered into our handes,
32wherof, and of all our other good spede that our lord of his mercy

page 72

33sheweþ vnto vs, we thanke hym lowely with all our hert, as we
34haue grete cause, and so haue ye and all our liege men. Ferthermore
35we sent a poursuant of oures to the Duc of Burgoyne, to
36knowe whether he wolde kepe trewes taken bitwix vs and hym
37or no, and the same poursuaunt is comen ayein, and hath fully
38enfourmed vs the sayd duke casteth hym to yeue vs the bataill,
39and so we holde hym our ful enemy, and he is now at Parys. Of
40the deth of the erle of Armeignak, and of the slaghter that haþ
41ben at Parys, we halde no nede to write to you, for we trowe ye
42haue full knowlach þerof. And god haue you in his kepyng.
47

page 82

48

XXI

49

A LETTRE FRO ÞE KYNG TO ÞE MAIR, ALDREMEN
50AND COMUNES.

51

DATE: 1419.

52
53    By the Kyng - Trusty and wel-beloued, We grete you well
54And we thanke you wiþ al our hert of þe good wil and seruice
55þat we haue alweys founde in you hedertoward, And speciallich
56of your kynde and notable profre of an ayde, þe which ye han
57graunted vnto vs of your owne good mocion, as our broþer of
58Bedford and our Chanceller of England haue writen vnto vs,
59yeuing þerinne good ensaumple yn diuerce to al þe remanant
60of our sugitz in our lande, And soo we pray you, as our trust is
61ye wol, for to continue. And as to þe said ayde, þe which ye
62haue concluded to do vnto vs now at þis tyme, we pray you
63specially þat we mow haue it at such tyme and in such wyse as
64our broþer of Bedford shal moor pleinly declare vnto you on
65our behalue, Lating you fully wete þat we haue writen to al our
66frendes and allies þorwe Cristendom, for to haue socours and help
67of hem, ayeins þe same tyme þat our sayd broþer shal declare
68you, the which, when þey here of þarme and þarray þat ye
69and other of our subgitz make at home yn help of ysvs, shal

page 83

70yeue hem gret corage to hast þair comyng vnto vs moche þe
71rather and nat faille, as we trust fully. Wherfor we pray you
72herteley þat ye wolde do touching þe forsayd ayde as our sayd
73broþer shal declare vnto you on our behalue, Considering þat
74so necessarie ne so acceptable a seruice as ye may do, and wol
75do as we trust vnto you at þis tyme, ye ne might neuer haue don
76vnto vs seth our werres in Fraunce be-gan. For we truste fully
77to goddes might and his mercy, wiþ good help of you and of our
78land, to haue a good ende of our sayd werre in short tyme, and
79for to come home vnto you to gret comfort and singuler Joye of
80our hert, as god knoweþ, þe which he graunte vs to his plesaunce,
81And haue you euer in is kepinge. Yeuen vnder our signet, yn
82our Toun of Pontoise, þe xvij day of August.
83    And weteþ þat þe forsayd xvij day of August departed from vs
84at Pountoyse our lettres to you, direct in þis same tenur. And by
85cause it is sayd þe berer of hem is by our enemys taken in to
86Crotey, we renouelle hem here at Trye þe Castell, þe xij^e day of
87Septembre.