1B4.1

page 2

    
2Her onginneð seo gerecednes be Antioche þam ungesæligan
3cingce and be Apollonige þam tiriscan .     
4An Antiochia þare ceastre wæs sum cyningc Antiochus
5gehaten: æfter þæs cyninges naman wæs seo ceaster
6Antiochia geciged.
7þisesÞises cyninges cwen wearð of life gewiten, be ðare he
8hæfde ane swiðe wlitige dohter ungelifedlicre
9fægernesse.
10Mid þi þe heo becom to giftelicre yldo, þa gyrnde hyre
11mænig mære man micele mærða beodende.
12ðaÐa gelamp hit sarlicum gelimpe: þa ða se fæder þohte
13hwam he hi mihte healicost forgifan, þa gefeol
14his agen mod on hyre lufe mid unrihtre gewilnunge, to ðam
15swiðe þæt he forgeat þa fæderlican arfæstnesse
16and gewilnode his agenre dohtor him to gemæccan.
17and þa gewilnunge naht lange ne ylde, ac sume dæge on
18ærnemergen þa he of slæpe awoc, he abræc into
19ðam bure þar heo inne læg and het his hyredmen ealle
20him aweg gan, swilce he wið his dohtor sume
21digle spæce sprecan wolde.
22Hwæt he ða on ðare manfullan scilde abisgode and þa
23ongeanwinnendan fæmnan mid micelre strengðe earfoðlice
24ofercom, and þæt gefremede man gewilnode to
25bediglianne.     
26ða gewearð hit þæt þæs mædenes fostormodor into ðam
27bure eode and geseah hi ðar sittan on micelre
28gedrefednesse and hire cwæð to: Hwig eart þu, hlæfdige,
29swa gedrefedes modes?
30þæt mæden hyre andswerode: Leofe fostormodor, nu todæg
31forwurdon twegen æðele naman on þisum bure.
32Seo fostormodor cwæð: Hlæfdige, be hwam cwist þu þæt?
33Heo hyre andwirde and cwæð: ær ðam dæge minra bridgifta
34ic eom mid manfulre scilde besmiten.
35ðaÐa cwæð seo fostormodor: Hwa

page 4

36wæs æfre swa dirstiges
37modes þæt dorste cynges dohtor gewæmman ær ðam
38dæge hyre brydgifta and him ne ondrede þæs cyninges
39irre?
40ðæt mæden cwæð: Arleasnes þa scilde on me gefremode.
41Seo fostormodor cwæð: MISSING FROM TORONTO CORPUS: Hwi ne
42segst þu hit þinum fæder? ðæt mæden cwæð:Hwi ne
43segst þu hit þinum fæder? ðæt mæden cwæð:Omitted in the DOEC Hwar is
44se fæder?
45Soðlice on me earmre is mines fæder nama reowlice forworden
46and me nu forðam deað þearle gelicað.
47Seo fostormodor soðlice þa ða heo gehyrde þæt þæt
48mæden hire deaðes girnde, ða cliopode heo hi hire
49to mid liðere spræce and bæd þæt heo fram þare
50gewilnunge hyre mod gewænde and to hire fæder willan
51gebuge, þeah ðe heo to geneadod wære.     
52On þisum þingum soðlice þurhwunode se arleasesta cyngc
53Antiochus and mid gehywedan mode hine sylfne
54ætywde his ceastergewarum swilce he arfæst fæder wære
55his dohtor.
56and betwux his hiwcuðum mannum ne blissode on ðam þæt he
57his agenre dohtor wer wæs.
58and to ðam þæt he hi þe lengc brucan mihte his dohtor
59arleasan bridbeddes and him fram adryfan þa
60ðe hyre girndon to rihtum gesynscipum, he asette ða rædels
61þus cweðende: Swa hwilc man swa minne
62rædels riht aræde, onfo se mynre dohtor to wife, and se ðe
63hine misræde, sy he beheafdod.
64Hwæt is nu mare ymbe þæt to sprecanne buton þæt cyningas
65æghwanon coman and ealdormen for ðam ungelifedlican
66wlite þæs mædenes, and þone deað hi
67oferhogodon and þone rædels understodon to arædenne.
68Ac gif heora hwilc þonne þurh asmeagunge boclicre
69snotornesse þone rædels ariht rædde, þonne wearð
70se to beheafdunge gelæd swa same swa se ðe hine ariht ne
71rædde.
72And þa heafda ealle wurdon gesette on ufeweardan þam geate.     
73Mid þi soðlice Antiochus se wælreowa cyningc on þysse
74wælreownesse þurhwunode, ða wæs Apollonius
75gehaten sum iung man se wæs swiðe welig and snotor and
76wæs ealdorman on Tiro þare mægðe, se getruwode
77on his snotornesse and on ða

page 6

78boclican lare and agan
79rowan oð þæt he becom to Antiochian.
80Eode þa into ðam cyninge and cwæð: Wes gesund,
81cyningc.
82Hwæt ic becom nu to ðe swa swa to godum fæder and
83arfæstum.
84Ic eom soðlice of cynelicum cynne cumen and ic bidde þinre
85dohtor me to gemæccan.
86ðaÐa ða se cyngc þæt gehyrde þæt he his willes gehyran
87nolde, he swiðe irlicum andwlitan beseah to
88ðam iungan ealdormen and cwæð: þu iunga mann, canst ðu
89þone dom mynra dohtor gifta?
90Apollonius cwæð: Ic can þone dom and ic hine æt þam
91geate geseah.
92ðaÐa cwæð se cyningc mid æbilignesse: Gehir nu þone
93rædels, Scelere vereor, materna carne vescor ;
94þæt is on englisc: Scylde ic þolige, moddrenum
95flæsce ic bruce.
96Eft he cwæð: Quaero patrem meum, meae matris virum,
97uxoris meae filiam nec invenio ; þæt is on englisc:
98Ic sece minne fæder, mynre modor wer, mines wifes
99dohtor and ic ne finde.
100Apollonius þa soðlice onfangenum rædelse hine bewænde
101hwon fram ðam cyninge, and mid þy þe he smeade
102ymbe þæt ingehyd, he hit gewan mid wisdome and mid
103Godes fultume he þæt soð arædde.
104Bewænde hine þa to ðam cynincge and cwæð: þu goda
105cyningc, þu asettest rædels; gehyr ðu þa onfundennesse.
106Ymbe þæt þu cwæde þæt þu scilde þolodest, ne eart ðu
107leogende on ðam, beseoh to ðe silfum; and þæt
108þu cwæde moddrenum flæsce ic bruce, ne eart ðu on ðam
109leogende, beseoh to þinre dohtor.     
110Mid þy þe se cyningc gehirde þæt Apollonius þone
111rædels swa rihte arædde, þa ondred he þæt hit to
112widcuð wære.
113Beseah ða mid irlicum andwlitan to him and cwæð: ðu iunga
114man, þu eart feor fram rihte; þu dwelast
115and nis naht þæt þu segst; ac þu hæfst beheafdunge
116geearnad.
117Nu læte ic ðe to þrittigra daga fæce þæt þu beþence
118ðone rædels ariht, and ðu siððan onfoh minre
119dohtor to wife, and gif ðu þæt ne dest þu scealt oncnawan
120þone gesettan dom.
121ðaÐa wearð

page 8

122Apollonius swiðe gedrefed and mid his geferum
123on scip astah and reow oð þæt he becom to
124Tirum.     
125Soðlice æfter þam þe Apollonius afaren wæs,
126Antiochus se cyningc him to gecigde his dihtnere se
127wæs Thaliarcus gehaten: Thaliarce, ealre mynra digolnessa
128myn se getrywesta þegn, wite þu þæt Apollonius
129ariht arædde mynne rædels.
130Astih nu rædlice on scip and far æfter him, and þonne þu
131him to becume, þonne acwel ðu hine mid isene
132oððe mid attre, þæt þu mage freodom onfon þonne þu
133ongean cymst.
134Thaliarcus sona swa he þæt gehyrde, he genam mid him ge
135feoh ge attor and on scip astah and for æfter
136þam unscæððian Apollonie oð ðæt he to his eðle
137becom.
138Ac Apollonius þeahhwæðre ær becom to his agenan and into
139his huse eode and his bocciste untynde and
140asmeade þone rædels æfter ealra uðwitena and Chaldea
141wisdome.
142Mid þi þe he naht elles ne onfunde buton þæt he ær
143geþohte, he cwæð þa to him silfum: Hwæt dest þu
144nu, Apolloni?
145ðæs cynges rædels þu asmeadest and þu his dohtor ne
146onfenge; forðam þu eart nu fordemed þæt þu acweald
147wurðe.
148And he þa ut eode and het his scip mid hwæte gehlæstan and
149mid micclum gewihte goldes and seolfres
150and mid mænifealdum and genihtsumum reafum, and swa mid
151feawum þam getrywestum mannum on scip astah
152on ðare þriddan tide þare nihte and sloh ut on ða
153sæ.     
154þa ðy æftran dæge wæs Apollonius gesoht and geacsod,
155ac he ne wæs nahwar funden .
156ðarÐar wearð ða micel morcnung and ormæte wop, swa þæt se
157heaf swegde geond ealle þa ceastre.
158Soðlice swa micele lufe hæfde eal seo ceasterwaru to him,
159þæt hi lange tid eodon ealle unscorene and
160sidfeaxe and heora waforlican plegan forleton and heora
161baða belucon.
162þaÞa ða þas þingc ðus gedone wæron on Tiron, ða becom se
163foresæda Thaliarcus, se wæs fram Antiocho þam

page 10

164cynincge asænd to ðam þæt he scolde Apollonium
165acwellan.
166þaÞa he geseah þæt ealle þas þingc belocene wæron, þa
167cwæð he to anum cnapan: Swa ðu gesund sy, sege
168me for hwilcum intingum þeos ceaster wunige on swa micclum
169heafe and wope.
170Him andswerode se cnapa and þus cwæð: Eala hu manful man
171þu eart, ðu þe wast þæt þu æfter axsast.
172Oððe hwæt is manna þe nyte þæt þeos ceasterwaru on
173heafe wunað, forðam ðe Apollonius se ealdorman
174færinga nahwar ne ætywde siððan he ongean com fram
175Antiocho þam cyninge?
176ða þa Thaliarcus þæt gehyrde, he mid micclan gefean to
177scipe gewænde and mid gewisre seglunge binnon
178anum dæge com to Antiochian and eode into þam cynge and
179cwæð: Hlaford cyngc, glada nu and blissa,
180forðam þe Apollonius him ondræt þines rices mægna
181swa þæt he ne dear nahwar gewunian.
182ðaÐa cwæð se cyningc: Fleon he mæg, ac he ætfleon ne mæg.
183He þa Antiochus se cyningc gesette þis geban þus
184cweðende: Swa hwilc man swa me Apollonium lifigendne
185to gebringð, ic him gife fifti punda goldes, and þam
186ðe me his heafod to gebringð, ic gife him
187c punda goldes.
188þaÞa ða þis geban þus geset wæs, þa wæron mid gitsunge
189beswicene na þæt an his find ac eac swilce his
190frind, and him æfter foran and hine geond ealle eorðan
191sohton ge on dunlandum ge on wudalandum
192ge on diglum stowum, ac he ne wearð nahwar funden .     
193ða het se cyngc scipa gegearcian and him æfter faran, ac
194hit wæs lang ær ðam þe ða scipa gegearcode
195wæron, and Apollonius becom ær to Tharsum.
196ðaÐa sume dæge eode he be strande.
197þaÞa geseah hine sum his cuðra manna se wæs Hellanicus
198genemnod, se þe ærest þider com.
199þaÞa eode he to Apollonium and cwæð: Wes gesund, hlaford
200Apolloni.
201ðaÐa forseah he Apollonius cyrlisces mannes gretinge æfter
202ricra manna gewunan.

page 12

203Hellanicus hine eft sona gegrette and cwæð: Wes gesund,
204Apolloni, and ne forseoh ðu cyrliscne man
205þe bið mid wurðfullum þeawum gefrætwod.
206Ac gehyr nu fram me þæt þu silfa nast.
207þeÞe is soðlice micel þearf þæt þu ðe warnige, forðam
208þe ðu eart fordemed.
209ðaÐa cwæð Apollonius: Hwa mihte me fordeman, minre agenre
210þeode ealdorman?
211Hellanicus cwæð: Antiochus se cyngc.
212Apollonius cwæð: For hwilcum intingum hæfð he me
213fordemed?
214Hellanicus sæde: Forðam þe þu girndest þæt þu wære
215þæt se fæder is.
216Apollonius cwæð: Micclum ic eom fordemed?
217Hellanicus sæde: Swa hwilc man swa ðe lifigende to him
218bringð, onfo se fiftig punda goldes.
219Se ðe him bringe þin heafod, onfo se hundteontig punda
220goldes.
221forðam ic ðe lære þæt þu fleo and beorge þinum life.
222æfterÆfter þysum wordum Hellanicus fram him gewænde and
223Apollonius het hine eft to him geclipian and
224cwæð to him: þæt wyrreste þingc þu didest þæt þu me
225warnodest.
226Nym nu her æt me hundteontig punda goldes, and far to
227Antiocho þam cynge and sege him þæt me sy þæt
228heafod fram þam hneccan acorfen, and bring þæt word
229þam cynge to blisse: þonne hafast þu mede and
230eac clæne handa fram þæs unscæðþigan blode .
231ðaÐa cwæð Hellanicus: Ne gewurðe þæt, hlaford, þæt ic
232mede nime æt ðe for þisum þingum, forðon þe mid
233godum mannum nis naðer ne gold ne seolfor wið godes
234mannes freondscipe wiðmeten.
235Hi toeodon þa mid þisum wordum.     
236And Apollonius sona gemette oðerne cuðne man ongean
237hine gan þæs nama wæs Stranguilio gehaten.
238Hlaford geong Apolloni, hwæt dest ðu þus gedrefedum mode
239on þisum lande?
240Apollonius cwæð: Ic gehirde secgan þæt ic wære fordemed.
241Stranguilio cwæð: Hwa fordemde þe?
242Apollonius cwæð:

page 14

243Antiochus se cyngc.
244Stranguilio cwæð: For hwilcum intingum?
245Apollonius sæde: Forðam þe ic bæd his dohtor me to
246gemæccan, be þare ic mæg to soðe secgan þæt heo
247his agen gemæcca wære.
248Forðam gif hit gewurðan mæg, ic wille me bedihlian on
249eowrum eðle.
250ðaÐa cwæð Stranguilio: Hlaford Apolloni, ure ceaster is
251þearfende and ne mæg þine æðelborennesse acuman,
252forðon ðe we þoliað þone heardestan hungor and
253þone reðestan, and minre ceasterwaru nis nan
254hælo hiht, ac se wælreowesta deað stent ætforan urum
255eagum.
256ðaÐa cwæð Apollonius: Min se leofesta freond Stranguilio,
257þanca Gode þæt He me fliman hider to eowrum
258gemæran gelædde.
259Ic sille eowrum ceastergewarum hundteontig þusenda
260mittan hwætes gif ge minne fleam bedigliað.
261Mid þi þe Stranguilio þæt gehirde, he hine astrehte to
262his fotum and cwæð: Hlaford Apolloni , gif
263ðu þissere hungrigan ceasterwaru gehelpest, na
264þæt an þæt we willað þinne fleam bediglian, ac eac
265swilce, gif þe neod gebirað, we willað campian for
266ðinre hælo.     
267ða astah Apollonius on þæt domsetl on ðare stræte and
268cwæð to ðam andweardan ceasterwarum: Ge tharsysce
269ceasterwaran, ic Apollonius se tirisca ealdorman eow
270cyðe þæt ic gelife þæt ge willan beon
271gemindige þissere fremfulnesse and minne fleam bediglian.
272Wite ge eac þæt Antiochus se cyngc me aflimed hæfð of
273minum earde, ac for eowre gesælðe gefultumigendum
274Gode ic eom hider cumen.
275Ic sille eow soðlice hundteontig þusenda mittan hwætes to
276ðam wurðe þe ic hit gebohte on minum lande.
277ðaÐa ða þæt folc þæt gehirde, hi wæron bliðe gewordene
278and him georne þancodon and to geflites þone
279hwæte up bæron.
280Hwæt ða Apollonius forlet his þone wurðfullan

page 16

281cynedom and
282mangeres naman þar genam ma þonne gifendes,
283and þæt wyrð þe he mid þam hwæte genam he ageaf
284sona agean to ðare ceastre bote.
285þætÞæt folc wearð ða swa fagen his cystignessa and swa
286þancful þæt hig worhton him ane anlicnesse of
287are.
288and on ðare stræte stod and mid þare swiðran hand þone
289hwæte heold and mid þam winstran fet þa mittan
290træd, and þaron þus awriten: ðas gifu sealde seo
291ceasterwaru on Tharsum Apollonio þam tiriscan,
292forðam þe he þæt folc of hungre alesde and heora
293ceastre gestaðolode.     
294æfter þisum hit gelamp binnon feawum monðum þæt
295Stranguilio and Dionisiade his wif gelærdon Apollonium
296ðæt he ferde on scipe to Pentapolim þare ciriniscan
297birig, and cwædon þæt he mihte þar bediglad
298beon and þar wunian.
299And þæt folc hine þa mid unasecgendlicre wurðmynte to
300scipe gelæddon, and Apollonius hi bæd ealle
301gretan and on scip astah.
302Mid þi þe hig ongunnon þa rowan and hi forðwerd wæron on
303heora weg, þa wearð ðare sæ smiltnesse awænd
304færinga betwux twam tidum and wearð micel reownes
305aweht, swa þæt seo sæ cnyste þa heofonlican
306tungla and þæt gewealc þara yða hwaðerode mid windum.
307þartoeacanÞartoeacan coman eastnorðerne windas and se angrislica
308suðwesterna wind him ongean stod and þæt scip
309eal tobærst.     
310On ðissere egeslican reownesse Apollonius geferan ealle
311forwurdon to deaðe, and Apollonius ana becom
312mid sunde to Pentapolim þam ciriniscan lande and
313þar up eode on ðam strande.
314þaÞa stod he nacod on þam strande and beheold þa sæ and
315cwæð: Eala þu sæ Neptune, manna bereafigend
316and unscæððigra beswicend, þu eart wælreowra þonne
317Antiochus se cyngc.
318For minum þingum þu geheolde þas wælreownesse þæt ic
319þurh ðe gewurde wædla and þearfa, and þæt se
320wælreowesta

page 18

321cyngc me þy eað fordon mihte.
322Hwider mæg ic nu faran?
323Hwæs mæg ic biddan oððe hwa gifð þam uncuðan lifes
324fultum?
325Mid þi þe he þas þingc wæs sprecende to him silfum, þa
326færinga geseah he sumne fiscere gan.
327to þam he beseah and þus sarlice cwæð: Gemiltsa me, þu
328ealda man, sy þæt þu sy; gemildsa me nacodum,
329forlidenum.
330næs na of earmlicum birdum geborenum.
331and ðæs ðe ðu gearo forwite hwam ðu gemiltsige, ic eom
332Apollonius se tirisca ealdorman.
333ðaÐa sona swa se fiscere geseah þæt se iunga man æt his
334fotum læg, he mid mildheortnesse hine up ahof
335and lædde hine mid him to his huse and ða estas him
336beforan legde þe he him to beodenne hæfde.
337þaÞa git he wolde be his mihte maran arfæstnesse him
338gecyðan, toslat þa his wæfels on twa and sealde
339Apollonige þone healfan dæl þus cweðende: Nim þæt ic
340þe to sillenne habbe and ga into ðare ceastre.
341Wen is þæt þu gemete sumne þe þe gemiltsige.
342Gif ðu ne finde nænne þe þe gemiltsian wille, wænd
343þonne hider ongean and genihtsumige unc bam mine
344litlan æhta and far ðe on fiscnoð mid me.
345þeahhwæðreÞeahhwæðre ic mynegie þe, gif ðu fultumiendum Gode
346becymst to ðinum ærran wurðmynte, þæt þu ne forgite
347mine þearfendlican gegirlan.
348ðaÐa cwæð Apollinius: Gif ic þe ne geþence þonne me bet
349bið, ic wisce þæt ic eft forlidennesse gefare
350and þinne gelican eft ne gemete.     
351æfter þisum wordum he eode on ðone weg þe him getæht
352wæs oð ðæt he becom to þare ceastre geate and
353ðar in eode.
354Mid þi þe he þohte hwæne he byddan mihte lifes fultum,
355þa geseah he ænne nacodne cnapan geond þa stræte
356yrnan, se wæs mid ele gesmerod and mid scitan begird
357and bær iungra manna plegan on handa to
358ðam bæðstede belimpende.
359and cliopode micelre stæfne and cwæð: Gehyre ge
360ceasterwaran, gehyre ge ælðeodige, frige and þeowe,
361æðele and unæðele, se bæðstede is

page 20

362open.
363ðaÐa ða Apollonius þæt gehirde he hine unscridde þam
364healfan scicilse ðe he on hæfde and eode into
365ðam þweale, and mid þi þe he beheold heora anra gehwilcne
366on heora weorce, he sohte his gelican,
367ac he ne mihte hine þar findan on ðam flocce.
368ðaÐa færinga com Arcestrates, ealre þare þeode cyningc, mid
369micelre mænio his manna and in eode on þæt
370bæð.
371ðaÐa agan se cyngc plegan wið his geferan mid þoðere, and
372Apollonius hine gemægnde swa swa God wolde
373on ðæs cyninges plegan and yrnende þone ðoðor
374gelæhte, and mid swiftre rædnesse geslegene ongean
375gesænde to ðam plegendan cynge.
376Eft he agean asænde; he rædlice sloh swa he hine næfre
377feallan ne let.
378Se cyngc ða oncneow þæs iungan snelnesse þæt he wiste
379þæt he næfde his gelican on þam plegan, þa
380cwæð he to his geferan: Gað eow heonon.
381þesÞes cniht, þæs þe me þingð, is min gelica.
382ðaÐa ða Apollonius gehyrde þæt se cyning hyne herede, he
383TORONTO CORPUS: ne arn rædlice and genealæhte to ðam
384cynge and mid gelæredre handa he swang þone top mid swa
385micelre swiftnesse þæt se cyngc wæs geþuht swilce
386he of ylde to iuguðe gewænd wære, and æfter þam on his
387cynesetle he him gecwemlice ðenode.
388And þa ða he ut eode of ðam bæðe, he TORONTO CORPUS:
389ne hine lædde be
390þare handa and him þa siððan þanon gewænde þæs
391weges þe he ær com.     
392ða cwæð se cyningc to his mannum siððan Apollonius agan
393wæs: Ic swerige þurh ða gemænan hælo þæt
394ic me næfre bet ne baðode þonne ic dide todæg nat ic
395þurh hwilces iunges mannes þenunge.
396ðaÐa beseah he hine to anum his manna and cwæð: Ga and
397gewite hwæt se iunga man sy þe me todæg swa
398wel gehirsumode.
399Se man ða eode æfter Apollonio.
400Mid þi þe he geseah þæt he wæs mid horhgum scicelse
401bewæfed, þa wænde he ongean to ðam cynge and
402cwæð: Se iunga man þe þu æfter axsodest is forliden man.
403ðaÐa cwæð se cyng:

page 22

404þurh hwæt wast ðu þæt?
405Se man him andswerode and cwæð: þeah he hit silf forswige,
406his gegirla hine geswutelað.
407ðaÐa cwæð se cyngc: Ga rædlice and sege him þæt se cyngc
408bit ðe þæt ðu cume to his gereorde.
409ðaÐa Apollonius þæt gehyrde, he þam gehyrsumode and eode
410forð mid þam men oð þæt he becom to ðæs cynges
411healle.
412ðaÐa eode se man in beforan to ðam cynge and cwæð: Se
413forlidena man is cumen þe ðu æfter sændest, ac
414he ne mæg for scame in gan buton scrude.
415ðaÐa het se cyngc hine sona gescridan mid wurðfullan scrude
416and het hine in gan to ðam gereorde.
417ðaÐa eode Apollonius in and gesæt þar him getæht wæs
418ongean ðone cyngc.
419ðarÐar wearð ða seo þenung in geboren and æfter þam
420cynelic gebeorscipe and Apollonius nan ðingc ne
421æt, ðeah ðe ealle oðre men æton and bliðe wæron, ac
422he beheold þæt gold and þæt seolfor and ða deorwurðan
423reaf and þa beodas and þa cynelican þenunga.
424ðaÐa ða he þis eal mid sarnesse beheold, ða sæt sum eald
425and sum æfestig ealdorman be þam cynge.
426Mid þi þe he geseah þæt Apollonius swa sarlice sæt and
427ealle þingc beheold and nan ðingc ne æt, ða
428cwæð he to ðam cynge: ðu goda cyngc, efne þes man þe
429þu swa wel wið gedest, he is swiðe æfestful
430for ðinum gode.
431ðaÐa cwæð se cyngc: þe misþingð.
432Soðlice þes iunga man ne æfestigað on nanum ðingum ðe
433he her gesihð, ac he cyð þæt he hæfð fela forloren.
434ðaÐa beseah Arcestrates se cyngc bliðum andwlitan to
435Apollonio and cwæð: ðu iunga man, beo bliðe mid
436us and gehiht on God þæt þu mote silf to ðam selran
437becuman.     
438Mid þi ðe se cyning þas word gecwæð, ða færinga þar
439eode in ðæs cynges iunge dohtor and cyste hyre
440fæder and ða ymbsittendan.
441þaÞa heo becom to Apollonio, þa gewænde heo ongean to hire
442fæder and cwæð: ðu goda cyningc and min se
443leofesta fæder, hwæt is þes iunga man þe ongean ðe on
444swa wurðlicum setle sit mid sarlicum andwlitan?
445Nat ic hwæt he besorgað.
446ðaÐa cwæð se cyningc: Leofe dohtor, þes iunga man is

page 24

447forliden and he gecwemde me manna betst on ðam
448plegan, forðam ic hine gelaðode to ðysum urum
449gebeorscipe.
450Nat ic hwæt he is ne hwanon he is, ac gif ðu wille witan
451hwæt he sy, axsa hine, forðam þe gedafenað
452þæt þu wite.
453ðaÐa eode þæt mæden to Apollonio and mid forwandigendre
454spræce cwæð: ðeah ðu stille sy and unrot, þeah
455ic þine æðelborennesse on ðe geseo.
456Nu þonne gif ðe to hefig ne þince, sege me þinne naman
457and þin gelymp arece me.
458ðaÐa cwæð Apollonius: Gif ðu for neode axsast æfter minum
459naman , ic secge þe ic hine forleas on sæ.
460Gif ðu wilt mine æðelborennesse witan, wite ðu þæt ic
461hig forlet on Tharsum.
462ðætÐæt mæden cwæð: Sege me gewislicor þæt ic hit mæge
463understandan.     
464Apollonius þa soðlice hyre arehte ealle his gelymp and
465æt þare spræcan ende him feollon tearas of
466ðam eagum.
467Mid þy þe se cyngc þæt geseah, he bewænde hine ða to
468ðare dohtor and cwæð: Leofe dohtor, þu gesingodest;
469mid þy þe þu woldest witan his naman and his
470gelimp, þu hafast nu geedniwod his ealde sar.
471Ac ic bidde þe þæt þu gife him swa hwæt swa ðu wille.
472ðaÐa ða þæt mæden gehirde þæt hire wæs alyfed fram hire
473fæder þæt heo ær hyre silf gedon wolde, ða cwæð
474heo to Apollonio: Apolloni, soðlice þu eart ure.
475Forlæt þine murcnunge and nu ic mines fæder leafe habbe,
476ic gedo ðe weligne.
477Apollonius hire þæs þancode, and se cyngc blissode on his
478dohtor welwillendnesse and hyre to cwæð:
479Leofe dohtor, hat feccan þine hearpan and gecig ðe to
480þine frynd and afirsa fram þam iungan his
481sarnesse.
482ðaÐa eode heo ut and het feccan hire hearpan, and sona swa heo
483hearpian ongan, heo mid winsumum sange
484gemægnde þare hearpan sweg.
485ðaÐa ongunnon ealle þa men hi herian on hyre swegcræft and
486Apollonius ana swigode.
487ðaÐa cwæð se cyningc: Apolloni, nu ðu dest yfele, forðam
488þe ealle men heriað mine dohtor on hyre swegcræfte
489and þu ana hi

page 26

490swigende tælst.
491Apollonius cwæð: Eala ðu goda cyngc, gif ðu me gelifst,
492ic secge þæt ic ongite þæt soðlice þin dohtor
493gefeol on swegcræft, ac heo næfð hine na wel
494geleornod.
495Ac hat me nu sillan þa hearpan; þonne wast þu þæt þu nu
496git nast.
497Arcestrates se cyning cwæð: Apolloni, ic oncnawe soðlice
498þæt þu eart on eallum þingum wel gelæred.
499ðaÐa het se cyng sillan Apollonige þa hearpan.
500Apollonius þa ut eode and hine scridde and sette ænne
501cynehelm uppon his heafod and nam þa hearpan
502on his hand and in eode and swa stod, þæt se cyngc and
503ealle þa ymbsittendan wendon þæt he nære
504Apollonius ac þæt he wære Apollines ðara hæðenra God.
505ðaÐa wearð stilnes and swige geworden innon ðare healle.
506And Apollonius his hearpenægl genam and he þa
507hearpestrengas mid cræfte astirian ongan and þare hearpan
508sweg mid winsumum sange gemægnde.
509And se cyngc silf and ealle þe þar andwearde wæron micelre
510stæfne cliopodon and hine heredon.
511æfterÆfter þisum forlet Apollonius þa hearpan and plegode
512and fela fægera þinga þar forð teah, þe þam
513folce ungecnawen wæs and ungewunelic, and heom eallum
514þearle licode ælc þara þinga ðe he forð teah.     
515Soðlice mid þy þe þæs cynges dohtor geseah þæt
516Apollonius on eallum godum cræftum swa wel wæs getogen,
517þa gefeol hyre mod on his lufe.
518ðaÐa æfter þæs beorscipes geendunge cwæð þæt mæden to
519ðam cynge: Leofa fæder, þu lyfdest me litle ær
520þæt ic moste gifan Apollonio swa hwæt swa ic wolde of
521þinum goldhorde.
522Arcestrates se cyng cwæð to hyre: Gif him swa hwæt swa ðu
523wille.
524Heo ða swiðe bliðe ut eode and cwæð: Lareow
525Apolloni, ic gife þe be mines fæder leafe twa hund punda
526goldes and feower hund punda gewihte seolfres and þone
527mæstan dæl deorwurðan reafes and twentig
528ðeowa manna.
529And heo þa þus cwæð to ðam þeowum mannum:

page 28

530Berað þas
531þingc mid eow þe ic behet Apollonio minum lareowe
532and lecgað innon bure beforan minum freondum.
533þisÞis wearð þa þus gedon æfter þare cwene hæse, and
534ealle þa men hire gife heredon ðe hig gesawon.
535ðaÐa soðlice geendode þe gebeorscipe, and þa men ealle
536arison and gretton þone cyngc and ða cwene and
537bædon hig gesunde beon and ham gewændon.
538Eac swilce Apollonius cwæð: ðu goda cyngc and earmra
539gemiltsigend, and þu cwen, lare lufigend, beon
540ge gesunde.
541He beseah eac to ðam þeowum mannum þe þæt mæden him
542forgifen hæfde and heom cwæð to: Nimað þas þing
543mid eow þe me seo cwen forgeaf and gan we secan ure
544gesthus þæt we magon us gerestan.
545ðaÐa adred þæt mæden þæt heo næfre eft Apollonium ne
546gesawe swa raðe swa heo wolde, and eode þa to
547hire fæder and cwæð: ðu goda cyningc, licað ðe wel
548þæt Apollonius þe þurh us todæg gegodod is þus
549heonon fare, and cuman yfele men and bereafian hine?
550Se cyngc cwæð: Wel þu cwæde.
551Hat him findan hwar he hine mæge wurðlicost gerestan.
552ðaÐa dide þæt mæden swa hyre beboden wæs, and Apollonius
553onfeng þare wununge ðe hym getæht wæs and
554ðar in eode Gode þancigende ðe him ne forwyrnde cynelices
555wurðscipes and frofres.     
556Ac þæt mæden hæfde unstille niht, mid þare lufe onæled
557þara worda and sanga þe heo gehyrde æt Apollonige,
558and na leng heo ne gebad ðonne hit dæg wæs, ac
559eode sona swa hit leoht wæs and gesæt beforan
560hire fæder bedde.
561ðaÐa cwæð se cyngc: Leofe dohtor, for hwi eart ðu þus
562ærwacol?
563ðæt mæden cwæð: Me awehton þa gecnerdnessan þe ic
564girstandæg gehyrde.
565Nu bidde ic ðe forðam þæt þu befæste me urum cuman
566Apollonige to lare.
567ðaÐa wearð se cyningc þearle geblissod and het feccan
568Apollonium and him to cwæð: Min dohtor

page 30

569girnð
570þæt heo mote leornian æt ðe ða gesæligan lare ðe þu
571canst.
572and gif ðu wilt þisum þingum gehyrsum beon, ic swerige ðe
573þurh mines rices mægna þæt swa hwæt swa
574ðu on sæ forlure ic ðe þæt on lande gestaðelige.
575ðaÐa ða Apollonius þæt gehyrde, he onfengc þam mædenne to
576lare and hire tæhte swa wel swa he silf geleornode.     
577Hyt gelamp ða æfter þisum binnon feawum tidum þæt
578Arcestrates se cyngc heold Apollonius hand on handa
579and eodon swa ut on ðare ceastre stræte.
580þaÞa æt nyhstan comon ðar gan ongean hy þry gelærede weras
581and æþelborene, þa lange ær girndon þæs
582cyninges dohtor.
583Hi ða ealle þry togædere anre stæfne gretton þone cyngc.
584ðaÐa smercode se cyng and heom to beseah and þus cwæð:
585Hwæt is þæt þæt ge me anre stæfne gretton?
586ða andswerode heora an and cwæð: We bædon gefirn þynre
587dohtor and þu us oftrædlice mid elcunge geswænctest.
588Forðam we comon hider todæg þus togædere.
589We syndon þyne ceastergewaran of æðelum gebyrdum geborene.
590Nu bidde we þe þæt þu geceose þe ænne of us þrym
591hwilcne þu wille þe to aðume habban.
592ðaÐa cwæð se cyngc: Nabbe ge na godne timan aredodne.
593Min dohtor is nu swiðe bisy ymbe hyre leornunga, ac þe læs
594þe ic eow a leng slæce, awritað eowre naman
595on gewrite and hire morgengife; þonne asænde ic þa
596gewrita minre dohtor þæt heo sylf geceose
597hwilcne eowerne heo wille.
598ðaÐa didon ða cnihtas swa and se cyngc nam ða gewrita and
599geinseglode hi mid his ringe and sealde Apollonio
600þus cweðende: Nim nu, lareow Apolloni, swa hit þe
601ne mislicyge, and bryng þinum lærincgmædene.     
602ða nam Apollonius þa gewrita and eode to ðare cynelican
603healle.
604Mid þam þe þæt mæden geseah Apollonium, þa cwæð heo:
605Lareow, hwi gæst ðu ana?
606Apollonius cwæð: Hlæfdige, næs git yfel wif, nim ðas
607gewrita ðe þin fæder þe sænde and ræd.
608ðætÐæt mæden nam and rædde þara þreora cnihta naman, ac heo

page 32

609ne funde na þone naman þar on þe heo wolde.
610ðaÐa heo þa gewrita oferræd hæfde, ða beseah heo to
611Apollonio and cwæð: Lareow, ne ofþingð hit ðe gif
612ic þus wer geceose?
613Apollonius cwæð: Na, ac ic blissige swiðor ðæt þu miht
614ðurh ða lare, þe þu æt me underfenge, þe silf
615on gewrite gecyðan hwilcne heora þu wille.
616Min willa is þæt þu ðe wer geceose þar ðu silf wille.
617þætÞæt mæden cwæð: Eala lareow, gif ðu me lufodest, þu
618hit besorgodest.
619æfterÆfter þisum wordum heo mid modes anrædnesse awrat oðer
620gewrit and þæt geinseglode and sealde Apollonio.
621Apollonius hit þa ut bær on ða stræte and sealde þam
622cynge.
623ðætÐæt gewrit wæs þus gewriten: þu goda cyngc and min se
624leofesta fæder, nu þin mildheortnesse me leafe
625sealde þæt ic silf moste ceosan hwilcne wer ic wolde,
626ic secge ðe to soðan þone forlidenan man
627ic wille.
628and gif ðu wundrige þæt swa scamfæst fæmne swa
629unforwandigendlice ðas word awrat, þonne wite þu þæt
630ic hæbbe þurh weax aboden, ðe nane scame ne can, þæt
631ic silf ðe for scame secgan ne mihte.     
632ða ða se cyningc hæfde þæt gewrit oferræd, þa niste
633he hwilcne forlidene heo nemde.
634beseah ða to ðam þrim cnihtum and cwæð: Hwilc eower is
635forliden?
636ða cwæð heora an se hatte Ardalius: Ic eom forliden.
637Se oðer him andwirde and cwæð: Swiga ðu; adl þe fornime
638þæt ðu ne beo hal ne gesund.
639Mid me þu boccræft leornodest and ðu næfre buton þare
640ceastre geate fram me ne come.
641Hwar gefore ðu forlidennesse?
642Mid ði þe se cyngc ne mihte findan hwilc heora forliden
643wære, he beseah to Apollonio and cwæð: Nim
644ðu, Apolloni, þis gewrit and ræd hit.
645Eaðe mæg gewurðan þæt þu wite þæt ic nat, ðu ðe
646þar andweard wære.
647ðaÐa nam Apollonius þæt gewrit and rædde and sona swa he
648ongeat þæt he gelufod wæs fram ðam mædene,
649his andwlita eal areodode.
650ðaÐa se cyngc þæt geseah, þa nam he Apollonies hand and
651hine hwon fram þam cnihtum gewænde and cwæð:
652Wast þu þone forlidenan man?
653Apollonius

page 34

654cwæð: ðu goda cyning, gif þin willa bið, ic
655hine wat.
656ðaÐa geseah se cyngc þæt Apollonius mid rosan rude wæs eal
657oferbræded, þa ongeat he þone cwyde and
658þus cwæð to him: Blissa , blissa, Apolloni, for ðam
659þe min dohtor gewilnað þæs ðe min willa is.
660Ne mæg soðlice on þillicon þingon nan þinc gewurðan
661buton Godes willan.
662Arcestrates beseah to ðam þrym cnihtum and cwæð: Soð is
663þæt ic eow ær sæde þæt ge ne comon on gedafenlicre
664tide mynre dohtor to biddanne, ac þonne heo mæg
665hi fram hyre lare geæmtigan, þonne sænde
666ic eow word.
667ðaÐa gewændon hie ham mid þissere andsware.     
668And Arcestrates se cyngc heold for ðon Apollonius hand and
669hine lædde ham mid him, na swilce he cuma
670wære ac swilce he his aðum wære.
671ðaÐa æt nyxstan forlet se cyng Apollonius hand and eode ana
672into ðam bure þar his dohtor inne wæs and
673þus cwæð: Leofe dohtor, hwæne hafast þu ðe gecoren
674to gemæccan?
675ðæt mæden þa feol to hyre fæder fotum and cwæð: ðu
676arfæsta fæder, gehyr þinre dohtor willan.
677Ic lufige þone forlidenan man ðe wæs þurh ungelymp
678beswicen, ac þi læs þe þe tweonige þare spræce,
679Apollonium ic wille, minne lareow, and gif þu me him ne
680silst, þu forlætst ðine dohtor.
681Se cyng ða soðlice ne mihte aræfnian his dohtor tearas, ac
682arærde hi up and hire to cwæð: Leofe dohtor,
683ne ondræt þu ðe æniges þinges.
684þuÞu hafast gecoren þone wer þe me wel licað.
685Eode ða ut and beseah to Apollonio and cwæð: Lareow
686Apolloni, ic smeade minre dohtor modes willan.
687ðaÐa arehte heo me mid wope betweox oðre spræce þas þingc
688þus cweðende: þu geswore Apollonio, gif he
689wolde gehirsumian minum willan on lare, þæt þu woldest
690him geinnian swa hwæt swa seo sæ him ætbræd.
691Nu for ðam þe he gehyrsum wæs þinre hæse and minum
692willan, ic for æfter him.

page 36

    
693ða wæs hyre gecyd, þe ðar ealdor wæs, þæt þar wære
694cumen sum cyngc mid his aðume and mid his dohtor
695mid micclum gifum.
696Mid þam þe heo þæt gehirde, heo hi silfe mid cynelicum
697reafe gefrætwode and mid purpran gescridde
698and hire heafod mid golde and mid gimmon geglængde and mid
699micclum fæmnena heape ymbtrimed com togeanes
700þam cynge.
701Heo wæs soðlice þearle wlitig, and for ðare micclan lufe
702þare clænnesse hi sædon ealle þæt þar nære
703nan Dianan swa gecweme swa heo.
704Mid þam þe Apollonius þæt geseah, he mid his aðume and
705mid his dohtor to hyre urnon and feollon ealle
706to hire fotum, and wendon þæt heo Diana wære seo
707giden for hyre micclan beorhtnesse and wlite.
708þætÞæt haliern wearð ða geopenod and þa lac wæron in
709gebrohte and Apollonius ongan ða sprecan and cweðan:
710Ic fram cildhade wæs Apollonius genemnod, on Tirum
711geboren.
712Mid þam þe ic becom to fullon andgite, þa næs nan cræft,
713ðe wære fram cynegum began oððe fram æðelum
714mannum, þe ic nu cuðe.
715Ic arædde Antiochus rædels þæs cynges to þon þæt ic
716his dohtor underfenge me to gemæccan.
717Ac he silfa wæs mid þam fulestan horwe þar to geþeod and
718me þa sirwde to ofsleanne.
719Mid þam þe ic þæt forfleah, þa wearð ic on sæ forliden
720and com to Cyrenense.
721ðaÐa underfengc me Arcestrates se cyngc mid swa micelre lufe
722þæt ic æt nyhstan geearnode þæt he geaf
723me his ancænnedan dohtor to gemæccan.
724Seo for ða mid me to onfonne minon cynerice and þas mine
725dohtor, þe ic beforan ðe, Diana, geandweardod
726hæbbe, acænde on sæ and hire gast alet.
727Ic þa hi mid cynelican reafe gescridde and mid golde and
728gewrite on ciste alegde þæt se þe hi funde
729hi wurðlice bebirigde, and þas mine dohtor befæste þam
730manfullestan mannan to fedanne.
731For me þa to

page 38

732Egipta lande feowertene gear on heofe.
733ðaÐa ic ongean com, þa sædon hi me þæt min dohtor wære
734forðfaren, and me wæs min sar eal geedniwod.     
735Mid þam þe he ðas þingc eal areht hæfde, Arcestrate
736soðlice, his wif, up aras and hine ymbclypte.
737ðaÐa niste na Apollonius ne ne gelifde þæt heo his gemæcca
738wære, ac sceaf hi fram him.
739Heo ða micelre stæfne clipode and cwæð mid wope: Ic eom
740Arcestrate, þin gemæcca, Arcestrates dohtor
741þæs cynges, and þu eart Apollonius, min lareow, þe me
742lærdest; þu eart se forlidena man ðe ic lufode
743na for galnesse ac for wisdome.
744Hwar is min dohtor?
745He bewænde hine þa to Thasian and cwæð: þis heo is.
746And hig weopon ða ealle and eac blissodon, and þæt word
747sprang geond eal þæt land þæt Apollonius,
748se mæra cyngc, hæfde funden his wif, and þar wearð
749ormæte blis, and þa organa wæron getogene and
750þa biman geblawene, and þar wearð bliðe gebeorscipe
751gegearwod betwux þam cynge and þam folce.
752And heo gesette hyre gingran þe hire folgode to sacerde, and
753mid blisse and heofe ealre þare mægðe
754on Efesum heo for mid hire were and mid hire aðume and mid
755hire dohtor to Antiochian, þar Apollonio
756wæs þæt cynerice gehealden.     
757For ða siððan to Tirum and gesette þar Athenagoras, his
758aðum, to cynge.
759For ða soðlice þanon to Tharsum mid his wife and mid his
760dohtor and mid cynelicre firde, and het sona
761gelæccan Stranguilionem and Dionisiadem and lædan
762beforan him, þar he sæt on his þrimsetle.
763ðaÐa ða hi gebrohte wæron, þa cwæð he beforan ealre þare
764gegaderunge: Ge tharsysce ceastergewaran,
765cweðe ge þæt ic Apollonius eow dide æfre ænigne

page 40

766unþang?
767Hi ða ealle anre stæfne cwædon: We sædon æfre þæt þu
768ure cyng and fæder wære and for ðe we woldon
769lustlice swiltan, for ðam þe þu us alysdest of hungre.
770Apollonius þa cwæð: Ic befæste mine dohtor Stranguilionem
771and Dionisiade and hi noldon me þa agifan.
772ðætÐæt yfele wif cwæð: Næs þæt wel, hlaford, þæt þu
773silf aræddest þa stafas ofer hire birgene?
774ða clipode Apollonius swiðe hlude and cwæð: Leofe dohtor
775Thasia, gif ænig andgit sy on helle, læt
776þu þæt cwicsuslene hus and gehir ðu ðines fæder
777stæfne.
778ðætÐæt mæden ða forð eode mid cynelicum reafe ymbscrid and
779unwreah hire heafod and cwæð hlude to þam
780yfelan wife: Dionisia, hal wes þu.
781Ic grete þe nu of helle geciged.
782ðætÐæt forscildgode wif þa eallum limon abifode, þa ða heo
783hire on locode, and seo ceastergewaru wundrode
784and blissode.
785ðaÐa het Thasia beforan gelædan Theophilum, Dionisiades
786gerefan, and him to cwæð: Theophile, to þon
787þæt þu ðe gebeorge, sege hluddre stæfne hwa ðe hete me
788ofslean.
789Se gerefa cwæð: Dionisia min hlæfdige.
790Hwæt, seo burhwaru þa gelæhton Stranguilionem and his wif
791and læddon buton ða ceastre and ofstændon
792hi to deaðe, and woldon eac Theophilum ofslean, ac
793Thasia him þingode and cwæð: Buton þes man
794me þone first forgeafe þæt ic me to Gode gebæde, þonne
795ne become ic to þissere are.
796Heo ræhte þa soðlice hire handa him to and het hine gesund
797faran, and Philothemian, þare forscildgodan
798dohtor, Thasia nam to hyre.     
799Apollonius þa soðlice forgeaf þam folce micele gifa to
800blisse, and heora weallas wurdon geedstaðelode.
801He wunode þa þar six monðas and for siððan on scipe to
802Pentapolim , þare cireniscan birig, and com
803to Arcestrates þam cynge, and se cyng blissode on his ylde
804þæt he geseah his nefan mid hire were.
805Hi wunodon togædere an gear fullice and se cyning siððan,

page 42

806Arcestrates, fulfremedre ylde forðferde
807betwux him eallum and becwæð healf his rice Apollonio,
808healf his dohtor.     
809ðisum eallum ðus gedonum eode Apollonius, se mæra cyngc,
810wið ða sæ.
811þaÞa geseah he þone ealdan fiscere þe hine ær nacodne
812underfengc.
813þaÞa het se cyngc hine færlice gelæccan and to ðare
814cynelican healle gelædan.
815ðaÐa ða se fiscere þæt geseah þæt hine þa cæmpan woldon
816niman, þa wende he ærest þæt hine man scolde
817ofslean.
818Ac mid þam þe he com into ðæs cynges healle, þa het se
819cyningc hine lædan toforan þare cwene and
820þus cwæð: Eala þu eadige cwen, þis is min tacenbora, þe
821me nacodne underfenc and me getæhte þæt ic
822to þe becom.
823ðaÐa beseah Apollonius se cyng to ðam fiscere and cwæð:
824Eala welwillenda ealda, ic eom Apollonius se
825tirisca, þam þu sealdest healfne þinne wæfels.
826Him geaf ða se cyngc twa hund gildenra pænega and hæfde
827hine to geferan þa hwile þe he lifede.
828Hellanicus eac þa to him com, se him ær cydde hwæt
829Antiochus cync be him gedemed hæfde, and he cwæð
830to þam cynge: Hlaford cyng, gemun Hellanicus, þinne
831þeow.
832ðaÐa genam hine Apollonius be þare hand and arærde hine up
833and hine cyste and hine weligne gedide and
834sette hine him to geferan.     
835æfter eallum þisum Apollonius se cyngc sunu gestrynde be
836his gemæccan, þone he sette to cynge on Arcestrates
837cynerice his ealdefæder.
838And he sylfa welwillendlice lifede mid his gemæccan seofon
839and hundseofonti geara and heold þæt cynerice
840on Antiochia and on Tyrum and on Cirenense, and he
841leofode on stilnesse and on blisse ealle
842þa tid his lifes æfter his earfoðnesse.
843And twa bec he silf gesette be his fare and ane asette on ðam
844temple Diane, oðre on bibliotheca .     
845Her endað ge wea ge wela Apollonius þæs tiriscan,
846ræde se þe wille.
847And gif hi hwa ræde, ic bidde þæt he þas awændednesse ne
848tæle, ac þæt he hele swa hwæt swa þar on
849sy to tale.