1B8.1.4.1

chapter, verse I,1

    
2ON angynne gesceop God heofonan & eorðan.
3Se eorðe soðlice wæs idel & æmti, & þeostra wæron ofer
4ðære nywelnysse bradnysse; & Godes gast wæs
5geferod ofer wæteru.
6God cwæð ða: Gewurðe leoht, & leoht wæarð geworht.
7God geseah ða ðæt hit god wæs, & he todælde þæt
8leoht fram ðam ðystrum.
9& het ðæt leoht dæg & þa ðystru niht: ða wæs geworden
10æfen & merigen an dæg.
11God cwæð ða eft: Gewurðe nu fæstnys tomiddes ðam
12wæterum & totwæme ða wæteru fram ðam wæterum.
13& God geworhte ða fæstnysse, & totwæmde ða wæteru, ða
14wæron under ðære fæstnysse, fram ðam ðe wæron
15bufan ðære fæstnysse: hit wæs ða swa gedon.
16& God het ða fæstnysse heofonan, & wæs ða geworden æfen
17& mergen oðer dæg.
18God ða soðlice cwæð: Beon gegaderode ða wæteru ðe synd
19under ðære heofonan & æteowige drignys; Hit
20wæs ða swa gedon.
21& God gecygde ða drignysse eorðan & ðæra wætera
22gegaderunga he het sæ. God geseah ða ðæt hit god
23wæs.
24& he cwæð: Sprytte seo eorðe growende gærs & sæd
25wyrcende & æppelbære treow wæstm wyrcende æfter
26his cynne, ðæs sæd sy on him syluum ofer eorðan; Hit wæs
27ða swa gedon.
28& seo eorðe forðteah growende wyrta & sæd berende be hyre
29cynne & treow wæstm wyrcende & gehwilc
30sæd hæbbende æfter his hiwe; God geseah ða ðæt hit god
31wæs.
32& wæs geworden æfen & mergen se ðridda dæg.
33God cwæð ða soðlice: Beo nu leoht on ðære heofenan
34fæstnysse, & todælan dæg & nihte, & beon to tacnum
35& to tidum & to dagum & to gearum.
36& hi scinon on ðære heofenan fæstnysse & alihton ða
37eorðan; Hit wæs ða swa geworden.
38& God geworhte twa micele leoht, þæt mare leoht to ðæs
39dæges lihtinge, & ðæt læsse leoht to ðære
40nihte lihtinge, & steorran he geworhte.
41& gesette hi on ðære heofenan, ðæt hi scinon ofer
42eorðan.
43& gymdon ðæs dæges & ðære nihte & to dældontodældon leoht &
44ðystro; God geseah ða þæt hit god wæs.
45& wæs geworden æfen & mergen se feorða dæg.

chapter, verse I,20

46God cwæð eac swylce: Teon nu ða wæteru forð swymmende
47cynn cucu on life & fleogende cynn ofer
48eorðan under þære heofonan fæstnysse.
49& God gesceop ða ða miclan hwalas & eal lybbende fisccyn &
50styrigendlice, ðe ða wæteru tugon forð
51on heora hiwum, & eall fleogende cyn æfter heora cynne; God
52geseah ða ðæt hit god wæs.
53& bletsode hi, ðus cweðende: Weaxað & beoð gemænifylde,
54& gefyllað ðære sæ wæteru, & ða fugelas
55beon gemænifylde ofer eorðan.
56& ða wæs geworden æfen & merigen se fifta dæg.
57God cwæð eac swilce: Læde seo eorðe forð cuce nytena on
58heora cynne & creopende cyn & deor æfter
59heora hiwum; Hit wæs ða swa gedon.
60& God ða geworhte ðære eorðan deor æfter heora hiwum &
61ða nytenu & eall creopende cynn on heora
62cynne; God geseah ða ðæt hit god wæs.
63& cwæð: Vton wyrcan man to anlicnysse & to ure gelicnysse,
64& he sy ofer ða fixas & ofer ða
65fugelas & ofer ða deor & ofer ealle gesceafta & ofer ealle
66creopende, ðe styriað on eorðan.
67God gesceop ða man to his anlicnysse, to Godes anlicnysse
68he gesceop hine; werhades & wifhades he
69gesceop hi.
70& God hi bletsode, & cwæð: Weaxað & beoð gemenifylde &
71gefyllað ða eorðan & gewyldað hi, & habbað
72on eowrum gewealde ðære sæ fixas & ðære lyfte fugelas &
73ealle nytenu, ðe styriað ofer eorðan.
74God cwæð ða: Efne ic forgyfe eow eall gærs & wyrta sæd
75berende ofer eorðan & ealle treowa, ða ðe
76habbað sæd on him sylfum heora agenes cynnes, ðæt hi beon
77eow to mete.
78& eallum nytenum & eallum fugelcynne & eallum ðam ðe
79styriað on eorðan, on ðam ðe is libbende
80lif, ðæt hi habbon him to gereordigenne; Hit wæs ða swa
81gedon.
82& God geseah ealle ða ðingc ðe he geworhte & hi wæron
83swyðe gode; Wæs ða geworden æfen & merien
84se sixta dæg.

chapter, verse II,1

85EORNOSTLICE ða wæron fulfremode heofonas & eorðe & eall
86heora frætewung.
87& God ða gefylde on ðone seofoðan dæg his weorc ðe he
88worhte. & he gereste hine on ðone seofoðan dæg fram eallum
89ðam weorcum ðe he gefremode.
90& God gebletsode ðone seofoðan dæg & hine gehalgode, for
91ðan ðe he on ðone dæg geswac his
92weorces, ðe he gesceop to wyrcenne.
93ðas synd ðæra heofenan & ðæra eorðan cneornysse, ða
94ða hi gesceapene wæron on ðam dæge ðe God
95geworhte heofonan & eorðan.
96& ælcne telgor on eorðan, ær ðan ðe he up asprunge on
97eorðan, & eall gærs & wyrta ealles eardes,
98ær ðan ðe hi up asprytton; God soðlice ne sende nænne
99ren ofer eorðan ða gyt: & mann næs, ðe ða
100eorðan worhte.
101Ac an wyl asprang of ðære eorðan wæterigende ealle ðære
102eorðan bradnysse.
103God gesceop eornostlice man of ðære eorðan lame, & on
104ableow on his ansyne lifes orðunge, & se
105man wæs geworht on libbendre sawle.
106God ða aplantode wynsumne orcerd fram frymðe, on ðam he
107gelogode þone man ðe he geworhte.
108God ða forð ateah of ðære moldan ælces cynnes treow,
109fæger on gesyhðe & to brucenne wynsum, eac
110swylce lifes treow on middan neorxnawange and treow ingehydes
111godes & yfeles.
112& ðæt flod eode of stowe to stowe ðære wynsumnysse to
113wæterigenne neorxnawang; ðæt flod is ðanon
114todæled on feower ean.
115An ea of ðam hatte Fison; seo gæð onbutan ðæt land ðe
116is gehaten Euilað, ðær ðær gold wyxð.
117& ðæs landes gold is golda selost; ðær beoð eac gemette
118ða gimstanas dellium & honynchinus.
119ðære oðre ea nama is Gion; seo is eac gehaten Nilus: seo
120ymbgæð eall ðæra Silhearwena land.
121þære ðriddan ea nama is Tygris; seo gæð ongean ða
122Assyriscan; Seo feorðe ea is gehaten Eufrates.
123God genam ða ðone man & gelogode hine on neorxnawange,
124ðæt he ðær wyrcean sceolde & ðæs begyman.
125& bebead him, ðus cweðende: Of ælcum treowe ðises
126orcerdes ðu most etan.
127Soðlice of ðam treowe ingehydes godes & yfeles ne et ðu;
128on swa hwylcum dæge swa ðu etst of ðam
129treowe, ðu scealt deaðe sweltan.
130God cwæð eac swylce: Nis na god ðisum men ana to
131wunigenne; uton wyrcean him sumne fultum to his
132gelicnysse.
133God soðlice gelædde ða nytenu, ðe he of eorðan gesceop,
134& ðære lyfte fugelas to Adame, ðæt he
135foresceawode hu he hi gecygde; Soðlice ælc libbende nyten,
136swa swa Adam hit gecygde, swa is his nama.

chapter, verse II,20

137& Adam ða genamode ealle nytenu heora naman, & ealle fugelas
138& ealle wildeor; Adam soðlice ne
139gemette ða gyt nanne fultume his gelican.
140ða sende God slæp on Adam, & ða ða he slep, ða genam he
141an rib of his sidan, & gefylde mid flæsce
142ðær ðæt rib wæs.
143& geworhte ðæt rib, ðe he genam of Adame, to anum wifmen
144& gelædde hi to Adame.
145Adam ða cwæð: ðis is nu ban of minum banum & flæsc of
146minum flæsce; beo heo geciged fæmne, for
147ðan ðe heo is of hyre were genumen.
148For ðan forlæt se man fæder & modor, & geðeot hine to his
149wife, & hi beoð buta on anum flæsce.
150Hi wæron ða buta, Adam & his wif, nacode & him ðæs ne
151sceamode.

chapter, verse III,1

152EAC swylce seo næddre wæs geapre ðonne ealle ða oðre
153nytenu ðe God geworhte ofer eorðan; & seo
154næddre cwæð to ðam wife: Hwi forbead God eow ðæt ge ne
155æton of ælcon treowe binnan Paradisum?
156þæt wif andwyrde: Of ðæra treowa wæstme ðe synd on
157Paradisum we etað.
158& of ðæs treowes wæstme þe is on middan neorxnawange,
159God bebead us, ðæt we ne æton, ne we ðæt
160treow ne hrepodon ði læs ðe we swelton.
161ða cwæð seo nædre eft to ðam wife: Ne beo ge nateshwon
162deade, ðeah ðe ge of ðam treowe eton.
163Ac God wat soðlice ðæt eowre eagan beoð geopenode on swa
164hwylcum dæge swa ge etað of ðam treowe,
165& ge beoð ðonne englum gelice, witende ægðer ge god ge
166yfel.
167ða geseah ðæt wif ðæt ðæt treow wæs god to etenne, be
168ðam ðe hyre ðuhte, & wlitig on eagum &
169lustbære on gesyhðe, & genam ða of ðæs treowes wæstme &
170geæt & sealde hyre were: he æt ða.
171& heora begra eagan wurdon geopenode; hi oncneowon ða ðæt
172hi nacode wæron, & sywodon him ficleaf,
173& worhton him wædbrec.
174Eft ða ða God com, & hi gehyrdon his stemne ðær he eode
175on neorxnawange ofer midne dæg, ða
176behydde Adam hine, & his wif eac swa dyde, fram Godes
177gesihðe on middan ðam treowe neorxnanwonges.
178God clypode ða Adam, & cwæð: Adam, hwær eart ðu.
179He cwæð: ðine stemne ic gehire, leof, on neorxnawange, &
180ic ondræde me, for ðam ðe ic eom nacod,
181& ic behyde me.
182God cwæð: Hwa sæde ðe ðæt ðu nacod wære, gyf ðu ne
183æte of ðam treowe ðe ic ðe bebead ðæt ðu ne
184æte.
185Adam cwæð: ðæt wif ðe ðu me forgeafe to geferan, sealde
186me of ðam treowe, & ic ætt.
187God cwæð to ðam wife: Hwi dydestu ðæt; heo cwæð: Seo
188nædre bepæhte me & ic ætt.
189God cwæð to ðære næddran: For ðan ðe ðu ðis dydest,
190ðu bist awyrged betweox eallum nytenum &
191wildeorum: ðu gæst on ðinum breoste & etst ða eorðan
192eallum dagum ðines lifes.
193Ic sette feondrædene betwux ðe & ðam wife & ðinum
194ofspringe & hire ofspringe; heo tobrytt ðin
195heafod & ðu syrwst ongean hire ho.
196To ðam wife cwæð God eac swylce: Ic gemænifylde ðine
197yrmða & ðine geeacnunga; on sarnysse ðu
198acenst cild, & ðu bist under weres anwealde & he gewylt ðe.
199To Adame he cwæð: For ðan ðe ðu gehyrdes ðines wifes
200stemne, & ðu æte of ðam treowe ðe ic ðe
201bebead ðæt ðu ne æte, is seo eorðe awyrged on ðinum
202weorce: on geswyncum ðu etst of ðære eorðan
203eallum dagum ðines lifes.
204ðornas & bremelas heo aspryt ðe, & ðu ytst ðære eorðan
205wyrta.
206On swate ðines andwlitan ðu brycst ðines hlafes, oð ðæt
207ðu gewende to eorðan of ðære ðe ðu
208genumen wære, for ðan ðe ðu eart dust & to duste gewyrst.

chapter, verse III,20

209ða gesceop Adam naman his wife, Eua, ðæt is lif, for ðan
210ðe heo is ealra libbendra modor.
211God worhte eac Adame & his wife fellene reaf & gescrydde hi.
212& cwæð: Nu Adam can yfel & god, swa swa ure sum, ðe læs
213he astrecce his hand & nime eac swylce of
214lifes treowe & ete & libbe on ecnysse.
215Adræfde hine ða of neorxnawange, ðæt he ða eorðan
216worhte & him ðæron tilode, of ðære ðe he
217genumen wæs.
218ða ða he adræfed wæs of neorxnawanges myrhðe, ða
219gesette God æt ðam infære engla hyrdrædene &
220fyren swurd to gehealdenne ðone weg to ðam lifes treowe.

chapter, verse VI,1

    
221MEN wurdon ða gemenigfylde ofer eorðan & dohtra gestryndon.
222ða gesawon Godes bearn, ðæt wæron gode men, manna dohtra
223ðæt hi wæron wlitige, & namon him wif of
224eallum ðam ðe hi gecuron.
225& God cwæð ða: Ne ðurhwunað na min gast on men on
226ecnysse, for ðan ðe he is flæsc.
227Entas wæron eac swylce ofer eorðan on ðam dagum, æfter
228ðan ðe Godes bearn tymdon wið manna dohtra
229& hi cendon: ða synd mihtige fram worulde & hlisfulle
230weras.
231ða geseah God ðæt micel yfelnys manna wæs ofer eorðan, &
232eal geðanc manna heortena wæs awend on
233yfel on eallum timan.
234Gode ofðuhte ða ðæt he mann geworhte ofer eorðan: he
235wolde ða warnian on ær & wæs gehrepod mid
236heortan sarnysse wiðinnan.
237& cwæð: Ic adylgie ðone man, ðe ic gesceop, fram ðære
238eorðan ansyne, fram ðam men oð ða nytenu,
239fram ðam slincendum oð ða fugelas: me ofðingð soðlice
240ðæt ic hi worhte.
241Noe soðlice wæs Gode gecweme, & gyfe ætforan him gemette.
242ðas synd Noes cneornyssa: Noe wæs rihtwis wer & fulfremed
243on his mægðum; mid Gode he ferde.
244& gestrynde ðry suna Sem & Cham & Iaphet.
245ða wæs eall seo eorðe gewemmed ætforan Gode & afylled
246mid unrihtwisnysse.
247ða geseah God ðæt seo eorðe wæs gewemmed, for ðan ðe
248ælc flæsc gewemde his weg ofer eorðan.
249& God cwæð ða to Noe: Geendung ealles flæsces com
250ætforan me; seo eorðe is afylled mid
251unrihtwisnysse fram heora ansyne, & ic fordo hi mid ðære
252eorðan samod.
253Wyrc ðe nu ane arc of aheawenum bordum & ðu wyrcst wununga
254binnan ðam arce & clæmst wiðinnan &
255wiðutan mid tyrwan.
256& ðu wyrcst hine ðus: ðreohund fæðma bið se arc on
257lenge, & fiftig fæðma on bræde, & ðritig on
258heahnysse.
259ðu wyrcst ðæron egðyrl & ðu tihst his heahnysse
260togædere on ufeweardum to anre fæðme; duru ðu
261setst be ðære sidan wiðneoðan, & ðu macast ðreo fleringa
262binnan ðam arce.
263Efne ic gebringe flodes wæteru ofer eorðan, ðæt ic ofslea
264eall flæsc on ðam ðe is lifes gast under
265heofonum: ealle ða ðing ðe on eorðan synd beoð
266fornumene.
267Ic sette min wedd to ðe, & ðu gæst in to ðam arce, &
268ðine suna, & ðin wif & ðinra suna wif mid
269ðe.
270& of eallum nytenum ealles flæsces twegen gemacan ðu lætst
271in to ðam arce mid ðe, ðæt hi libban
272magon.

chapter, verse VI,20

273Eac of fugelum be heora cynne, & of eallum orfcynne, & of
274eallum creopendum cynne twam & twam
275faran in mid ðe, ðæt hi magon libban.
276ðu nimst witodlice of eallum mettum, ðe to mete magon, in
277to ðe, ðæt hi beon ægðer ge ðe ge him
278to bigleofan.
279Noe soðlice dyde ealle ða ðing, ðe him God bebead.

chapter, verse VII,1

280AND God cwæð to him: Gang in to ðam arce & eal ðin
281hiwræden, ðe ic geseah soðlice rihtwisne
282ætforan me on þisre mægðe.
283Nim in to ðe of eallum clænum nytenum seofan & seofan
284ægðres gecyndes & of unclænum twam & twam.
285& of fugelcynne seofan & seofan ægðres gecyndes, & sæd si
286gehealden ofer ealre eorðan bradnysse.
287Ic soðlice sende ren nu embe seofan niht ofer eorðan
288feowertig daga & feowertig nihta togædere &
289ic adylegie ealle ða edwiste, ðe ic worhte ofer eorðan
290bradnysse.
291Noe ða dyde ealle ða ðingc ðe him God bebead.
292& he wæs ða sixhund geara on ylde, ða ða ðæs flodes
293wæteru yðedon ofer eorðan.
294Hwæt ða Noe eode in to ðam arce, & his ðry suna & his
295wif & his suna wif, for ðæs flodes
296wæterum.
297Eac swylce ða nytenu of eallum cynne & eallum fugolcynne.
298comon to Noe in to ðam arce, swa swa God bebead.
299þa on ðam eahtoðan dæge, ða ða hi inne wæron & God hi
300belocen hæfde wiðutan, ða yðode ðæt flod
301ofer eorðan.
302On ðam oðrum monðe, on ðone seofonteoðan dæg ðæs
303monðes, ða asprungon ealle wyllspringas ðære
304miclan nywelnysse & þære heofenan wæterðeotan wæron
305geopenode.
306& hit rinde ða ofer eorðan feowertig daga & feowertig nihta
307on an.
308Wæs ða geworden micel flod & ða wæteru wæron gemenifylde
309& ahefdon up ðone arc.
310& yðodon swyðe & gefyldon ðære eorðan bradnysse:
311witodlice se arc wæs geferod ofer ða wæteru.
312& ðæt wæter swyðrode swylce ofer eorðan; wurdon ða
313behelede ealle ða heahstan duna under ealre
314heofenan.

chapter, verse VII,20

315& ðæt wæter wæs fyftyne fæðma deop ofer ða heahstan
316duna.
317Wearð ða fornumen eal flæsc ðe ofer eorðan styrode,
318manna & fugela, nytena & creopendra.
319& ælc ðingc ðe lif hæfde wearð adyd on ðam deopan
320flode.
321Buton ðam anum ðe binnan ðam arce wæron.
322ðæt flod stod ða swa anhund daga & fiftig daga.

chapter, verse VIII,1

323& GOD ða gemunde Noes fare & ðæra nytena ðe him mid
324wæron, & asende wind ofer eorðan, & ða wæteru
325wurdon gewanode.
326& ða wylspringas ðære miclan nywelnysse wurdon
327fordytte & ðære heofonan wæterðeotan, & se ren
328wearð forboden.
329ða wæteru ða gecyrdon of ðære eorðan ongean farende &
330begunnon to wanigenne æfter oðer healfhund
331daga.
332ða ætstod se arc on ðam seofoðan monðe ofer ða muntas
333Armenisces landes.
334& ða wæteru toeodan & wanodon of ðone teoðan monð, & on
335ðam teoðan monðe æteowedon ðæra munta
336cnollas.
337ða æfter feowertigum dagum undyde Noe his eahðyrl, ðe he
338on ðam arce gemacode.
339& asende ut ænne hremn: se hrem fleah ða ut & nolde eft
340ongean cyrran, ær ðan ðe ða wæteru
341adruwodon ofer eorðan.
342He asende ða eft ut ane culfran, ðæt heo sceawode gyf ða
343wætera ðagyt geswicon ofer ðære eorðan
344bradnysse.
345Heo ða fleah ut & ne mihte findan hwær heo hire fot asette,
346for ðan ðe ða wætera wæron ofer ealle
347eorðan; & heo gecyrde ongean to Noe, & he genam hi in to
348ðam arce.
349He abad ða gyt oðre seofan dagas & asende ut eft culfran.
350Heo com ða on æfnunge eft to Noe, & brohte an twig of anum
351elebeame mid grenum leafum on hyre
352muðe.
353ða undergeat Noe ðæt ða wætera wæron adruwode ofer
354eorðan.
355& abad swa ðeah seofan dagas & asende ut culfran; swa heo ne
356gecyrde ongean to him.
357ða geopenode Noe ðæs arces hrof, & beheold ut & geseah
358ðæt ðære eorðan bradnis wæs adruwod.
359God ða spræc to Noe, ðus cweðende.
360Gang ut of ðam arce, ðu & þin wif & ðine suna & heora
361wif.
362& eal ðæt ðær inne is mid ðe, læd ut mid ðe ofer
363eorðan, & weaxe ge & beoð gemænifylde ofer
364eorðan.
365Noe ða ut eode of ðam arce, & hi ealle ofer eorðan.

chapter, verse VIII,20

366& he arærde an weofod Gode, & genam of eallum ðam clænum
367nytenum & clænum fugelum, & geoffrode
368Gode lac on ðam weofode.
369God ða underfeng his lac & ðære winsumnysse bræð, &
370cwæð him to: Nelle ic nateshwon awyrgean ða
371eorðan heononforð for mannum; andgyt & geþoht menniscre
372heortan syndon forðhealde to yfele fram
373iugoðe; Eornostlice ne ofslea ic heononforð mid wætere ælc
374ðingc cuces, swa swa ic dyde.
375Eallum dagum ðære eorðan, sæd & gerip, cyle & hæte,
376sumor & winter, dæg & niht ne geswicað.

chapter, verse IX,1

377GOD bletsode ða Noe & his suna, & cwæð him to: Weaxað &
378beoð gemenifylde & afyllað ða eorðan.
379& beo eower ege & oga ofer ealle nytenu & fugelas & ofer
380ealle ða ðingc ðe on eorðan styriað;
381Ealle sæfixas syndon eowrum handum betæhte.
382& eal ðæt ðe styrað & leofað beo eow to mete, swa swa
383growende wyrta ic hi betæce ealle eow.
384Butan ðam anum ðæt ge flæsc mid blode ne eton.
385Eower blod ic ofgange æt eallum wildeorum & eac æt ðam
386men; of ðæs weres handa & his broðor handa
387ic ofgange ðæs mannes lif.
388Swa hwa swa agyt ðæs mannes blod, his blod byð agoten;
389witodlice to Godes anlicnysse is se man
390geworht.
391Weaxe ge nu & beoð gemænifylde & gað ofer eorðan &
392gefyllað hi.
393God cwæð eft to Noe & to his sunum.
394Efne nu ic sette min wed to eow & to eowrum ofspringe.
395& to eallum libbendum nytenum ðe of ðam arce eodon.
396ðæt ic nateshwon nelle heononforð eal flæsc adydon mid
397flodes wæterum; ne heononforð ne bið flod
398tosencende ða eorðan.
399ðis bið ðæt tacn mines weddes ðæt ic do betwux me & eow
400& eallum libbendum nytenum on ecum
401mægðum.
402ðæt is, ðæt ic sette minne renbogan on wolcnum, & he byð
403tacn mines weddes betwux me & ðære
404eorðan.
405þonne ic oferteo heofonan mid wolcnum, ðonne æteowað min
406boga on ðam wolcnum.
407& ic beo gemyndig mines weddes wið eow, ðæt heononforð
408ne byð flod to adylgienne eall flæsc.
409Bið ðonne se min renboga on ðam wolcnum & ic hine geseo &
410beo gemyndig ðæs ecean weddes, ðe geset
411is betwux Gode & eallum libbendum flæsce, ðe ofer eorðan
412is.
413ðis byð ðæt tacn mines weddes ðæt ic gesette betwux me
414& eallum flæsce ofer eorðan.
415Wæron ða Noes suna ðe of ðam arce eodan: Sem & Cham &
416Iaphet; & Cham witodlice is fæder ðære
417Chananeiscre ðeode.
418& of ðisum ðrym Noes sunum is tosawen eall mancyn ofer
419eorðan.

chapter, verse IX,20

420Noe ða yrðlingc began to wyrcenne ðæt land & gesette
421him wingeard.
422& ða ða he dranc of ðam wine, ða wearð he druncen & læg
423on his getelde unbehelod.
424His sunu ða, Cham, geseah his gesceapu unbeheled, & cydde
425hit his twam gebroðrum ut on felda.
426Hwæt, ða Sem & Iapheth dydon anne hwitel on heora
427sculdrum, & eodon underbæc & beheledon heora
428fæderes gecynd, swa ðæt hi ne gesawon his næcednysse.
429Noe soðlice ða ða he awoc of ðam slæpe, & he ofaxode
430hwæt his suna him dydon.
431ða cwæð he: Awyrged is Chanaan, & he byð ðeowena ðeowa
432his gebroðrum.
433& he cwæð: Gebletsod is Drihten, Semes God; beo Chanaan
434his ðeowa.
435Gemænifylde God Iapheð, & he wunie on Semes geteldum, &
436beo Chanaan his ðeowa.
437Noe ða leofode ðreohund geara & fiftig geara æfter ðam
438flode.
439& wæron ða gefyllede ealle his dagas nygonhund geara &
440fiftig geara, & he forðferde.

chapter, verse XII,1

    
441HER swutelað þæs ælmihtigan Godes mildheortnyss & hys
442wundra, hu he Abraham geceas & hys
443bletsunga him sealde & hys ofspringe.
444God cwæð þa to Abrame: Far of þinum lande & of ðinre
445mægðe & of ðines fæder huse, & cum to þam
446lande þe ic ðe geswutelige.
447& ic macige ðe mycelre mægðe & þe gebletsige & ðinne
448naman ic gemærsige, & ðu byst gebletsod.
449Ic gebletsige ða þe ðe bletsiað, & ic awyrige ða þe
450ðe wyriað, & on þe beoð gebletsode ealre
451eorðan mægða.
452Abram ða ferde of Aran, swa swa God him bead, & Loth ferde
453mid him.
454Mid ealre fare & mid eallum æhtum, oð þæt hi comon to
455þam lande Chanaan.
456& Abram sceawode ðæt land, & ða gemæru: Chananeus wæs
457þa on lande.
458God þa geswutelode hyne sylfne Abrame, & cwæð him to:
459þinum ofspringe ic forgyfe ðis land; Hwæt,
460þa Abram arærde ðær an weofod Gode, þe him æteowde.
461& ferde syððan to þam munte be eastan Bethel, be westan
462Hai, & þær gesloh hys geteld & arærde þær
463an weofod Gode, & hys naman ðær clypode.
464þanon he ferde eft to ðam suðdæle þæs landes.
465& hyt wearð þa mycel hungorgear on þam lande; Abram ða
466ferde to Egypta lande, wolde þær on
467ælþeodinysse anbidian, for ðan ðe se hunger ðearle
468swyðrode.
469Mid ðam ðe hi wæron gehende Egypta lande, þa cwæð
470Abram to hys wife: Ic wat ðæt þu eart wlitig on
471hiwe.
472& þonne ða Egyptiscean ðe geseoð, þonne cweðaþ hi
473ðæt þu min wif sy, & hi ofsleað me & ðe
474healdað.
475Sege nu, ic ðe bidde, þæt ðu min swuster sy, þæt me wel
476sy for ðe, & min sawel lybbe for þinum
477intingan.
478Hi comon ða to Egypta lande, & ða Egyptiscean gesawon ðæt
479þæt wif wæs swyðe wlitig.
480& ðæs cyninges ealdormen spæcon be hyre wlite to þam
481cyninge Farao, & heredon hi beforan him; þæt
482wif wearð þa gelæht & gelædd to þam cyninge.
483& Abram underfeng fela sceatta for hyre: he hæfde ða on
484orfe & on ðeowum, on oluendum & on assum
485mycele æhta.
486God soðlice beswang Farao þone cyning mid þam mæstum
487witum & ealne hys hired for Sarai, Abrames
488wife.
489Farao ða het clypian Abram, & cwæð him to: Hwæt la, hwi
490dydest ðu swa wið me; hwi noldest ðu
491secgan þæt heo þin wif ys.
492For hwylcon intingan sædest ðu þæt heo ðin swustor
493wære; efne nu her ys ðin wif: nim hig and far
494ðe aweg.

chapter, verse XII,20

495Abram þa ferde of Egypta lande mid ealre hys fare, & Farao
496se cyning him funde ladmen.

chapter, verse XIII,1

497& LOTH ferde forð mid him, oð ðæt hi comon to suðdæle
498betwux Bethel & Hai.
499To ðære stowe þe he ðæt weofod ær arærde, & gebæd
500hyne ðær to Gode.
501& Loth samod mid him.
502Abram soðlice wæs swyðe welig on golde & on seolfre & on
503orfe & on geteldum.
504Swa þæt þæt land ne mihte aberan þæt hi begen, he &
505Loth, ætgædere wunedon: heora æhta wæron
506menigfealde & ne mihton wunian ætgædere.
507Wearð eac ðurh þone intingan sacu betwux Abrames
508hyrdemannum & Lothes; On ðære tide wunedon
509Chananeus & Ferezeus on ðam lande.
510Abram þa cwæð to Lothe: Ic bidde þæt nan sacu ne sy
511betwux me & ðe, ne betwux minum hyrdum &
512ðinum hyrdum; wyt synd gebroðru.
513Efne nu eall seo eorðe lið ætforan ðe: ic bidde, far fram
514me: gyf ðu færst to þære wynstran
515healfe, ic healde þa swyðran healfe;
516gyf þu ðonne þa swyðran healfe gecyst,
517ic fare to þære wynstran healfe.
518Loth ða beheold geond eall, & geseah þæt eall se eard wið
519ða ea Iordanen wæs myrge mid wætere
520gemenged, swa swa Godes neorxnawang, & swa swa Egypta land
521becumendum to Segor, ær þan þe God
522towende ða burga Sodomam & Gomorran.
523Loth ða geceas him þone eard wið Iordanen & ferde fram
524eastdæle, & hi wurdon totwæmede heora
525ægðer fram hys breðer.
526Abram eardode ða on þam lande Chanaan: Loth soðlice
527wunode on þam fæstenum ðe wæron embe
528Iordanen, & he eardode on þære byrig Sodoma.
529þa Sodomitiscan men wæron forcuðostan & swyðe synfulle
530ætforan Gode.
531God cwæð ða to Abrame, æfter ðan þe Loth wæs totwæmed
532him fram: Ahefe upp þine eagan & beheald
533fram ðære stowe þe ðu on stenst to norðdæle & to
534suðdæle & to eastdæle & to westdæle.
535Eal ðis land þe ðu gesyxt, ic forgyfe ðe & þinum
536ofsprincge on ecnysse.
537& ic do þinne ofsprincg swa menigfealdne swa swa ðære
538eorðan dust: gyf ænig man mæg geriman ðære
539eorðan dust, þonne mæg he eac swylce geriman þinne
540ofspring.
541Aris nu & far geond þis land on lencge & bræde, for ðan
542ðe ic hyt þe forgyfe.
543Abram þa eornostlice astyrode hys geteld, & com & eardode
544wið þone dene Mambre, þæt ðe ys on
545Ebron, & þær arærde weofod Gode.

chapter, verse XIV,1

546HYT gelamp ða on þære tide þæt ða cyningas wunnon him
547betwynan.
548iiii ciningas wið v cyningas, oð ðæt hi comon to
549gefeohte.
550þa feollon ða cyningas on ðam gefeohte ofslagene, of
551Sodomam & Gomorran, þæra manfulra ðeoda, &
552heora geferan flugon afyrhte to muntum.
553þa namon þa sigefæstan cyningas sona on þam burgum
554Sodoma & Gomorra ða god þe hi ðær fundon.
555& eac læddon aweg Loth mid hys æhtum, Abrames broðor
556sunu, ðe on þam burgum eardode.
557ða ætbærst him sum man, & se hyt sæde Abrame, hu man hys
558broðor sunu on bendum aweg lædde.
559Abram ða genam ardlice ðreohund manna & eahtatyne men of
560hys inbyrdlingum, & efste wið ðæs heres,
561oð ðæt he hi ofrad.
562Todælde ða hys geferan færlice on þære nihte, & him on
563beræsde & on eornost hi sloh & afligde ða
564lafe, oð ðæt hi comon to Fenicen.
565He lædde þa ongean Loth, hys broðor sunu, mid eallum hys
566æhtum, & ðæt oðer folc samod, mid wifum
567& æhtum, gewunnenum sige.
568þa eode Sodomitiscra cyning sona him togeanes.

page XIV,21

569& bæd þæt he hæfde eall þæt he of ðam here genam,
570buton þam mannum anum.
571& Abram him cwæð to: Ic ahebbe mine hand to ðam healican
572Gode. se ðe ys agnigend eorðan & heofonan,
573þæt ic ne underfo furðon ænne ðwang of eallum þisum
574ðingum ðe þine ær wæron, ðæt þu ne secge eft: Ic
575gewelgode Abram.
576Buton ðam anum ðingon, ðe mine geferan æton, & þæra
577manna dæl þe me mid comon, Anær, & Escol, &
578Mambre; nymon þas heora dæl.
579þær com eac Melchisedech, se mæra Godes man, se wæs
580cyning & Godes sacerd; & he brohte hlaf &
581win.
582& bletsode Abram, & cwæð: Gebletsod ys Abram ðam healican
583Gode, se ðe gesceop heofenan & eorðan.
584& gebletsod ys se healica God: þurh hys scyldnysse synd ða
585fynd on ðinum handum oferwunnene & he
586sealde him þa teoðunga of eallum ðam þingum.

chapter, verse XXII,1

    
587GOD wolde þa fandian Abrahames gehyrsumnysse, & clypode hys
588naman.
589& cwæð him ðus to: Nym ðinne ancennedan sunu Isaac, þe
590ðu lufast, & far to þam lande Visionis
591hraðe, & geofra hyne þær uppan anre dune.
592Abraham ða aras on þære ylcan nihte & ferde mid twam
593cnapum to þam fyrlenum lande, & Isaac samod,
594on assum ridende.
595þa on ðone ðriddan dæg, þa hi ða dune gesawon, ðær
596ðær hi to sceoldon to ofsleane Isaac.
597ða cwæð Abraham to þam cnapum ðus: Anbidiað eow her
598mid þam assum sume hwile: ic & þæt cild gað
599unc to gebiddenne, & we syððan cumað sona eft to eow.
600Abraham þa het Isaac beran þone wudu to þære stowe, & he
601sylf bær hys swurd & fyr.
602Isaac ða axode Abraham hys fæder: Fæder min, ic axige
603hwær seo offrung sy; her ys wuda & fyr.
604Him andwyrde se fæder: God foresceawað, min sunu, him sylf
605ða offrunge.
606Hi comon þa to ðære stowe þe him geswutelode God, & he
607ðær weofod arærde on ða ealdan wisan, &
608þone wudu gelogode, swa swa he hyt wolde habban to hys suna
609bærnette syððan he ofslagen wurde; He
610geband þa hys sunu.
611& hys swurd ateah þæt he hyne geoffrode on þa ealdan
612wisan.
613Mid ðam ðe he wolde þæt weorc begynnan, ða clypode Godes
614engel ardlice of heofonum, Abraham; He
615andwyrde sona.
616Se engel him cwæð to: Ne acwel ðu þæt cild, ne þine
617hand ne astrece ofer hys swuran: nu ic
618oncneow soðlice, þæt ðu swyðe ondrætst God, nu þu þinne
619ancennedan sunu ofslean woldest for him.
620ða beseah Abraham sona underbæc, & geseah ðær ænne ram
621betwux þam bremelum be ðam hornum gehæft,
622& he ahefde ðone ram to ðære offrunge & hyne þær ofsnað
623Gode to lace for hys sunu Isaac.
624He het þa þa stowe Dominus uidit , þæt ys God gesyhð,
625& gyt ys gesæd swa: In monte Dominus
626uidit , þæt ys God gesyhð on dune.
627Eft clypode se engel Abraham, & cwæð.
628Ic swerige ðurh me sylfne, sæde se ælmihtiga, nu ðu
629noldest arian þinum ancennedan suna, ac ðe
630wæs min ege mare þonne hys lif.
631Ic ðe nu bletsige & ðinne ofspringe gemenigfylde swa swa
632steorran on heofonum & swa swa
633sandceosel on sæ; þin ofsprincg sceal agan heora feonda gatu.
634& on þinum sæde beoð ealle ðeoda gebletsode, for þan ðe
635þu gehyrsumodest minre hæse ðus.
636Abraham ða gecyrde sona to hys cnapum, & ferde him ham swa
637mid heofonlicre bletsunge.

638B8.1.4.4

chapter, verse XIII,1

    
639æFTER ðam ðe Moyses, se mæra heretoga, mid Israhela
640folce, swa swa him God bebead, ofer ða Readan
641Sæ ferde, & Farao adrenced wæs, & syððan se ælmihtiga
642God him æ geset hæfde, ða ða seo fyrd com
643to Pharan ðam westene, ða cwæð se heofonlica God to ðam
644halgan Moyse:
645Ceos ðe nu men þæt magon sceawian ðone eard Chanaan landes,
646ðe ic Israhela folce forgyfan wille to heora gewealde, & asend
647twelf heafodmen of ðam twelf mægðum.
648ða dyde Moyses swa God him bebead, & sende of ðam westene,
649ðe is genemned Pharan, twelf
650sceaweras,
651þe heora naman her synd awritene: Of Ruben, Semmua
652Sechores sunu; of Simeon, Saphath Vries
653sunu; of Iudas, Chaleb Ieppones sunu; of Efraim, Osee Nunes
654sunu; of Isachar, Igal Iosepes
655sunu; of Beniamin, Psalthi Raphues sunu; of Zabulon, Iedidel
656Sodiys sunu; of Ioseph, Gaddi
657Susius sunu; of Dan, Amihel Iemallies sunu; of Aser, Stur
658Michaheles sunu; of Neptalim, Naabdi
659Vaphsies sunu; of Gad, Guel Mathies sunu.
660ðis synd ðara manna naman, ðe Moyses sende to sceawigenne
661Chanaan land.
662& ðus cwæð: Farað geond ðone suðdæl,
663& sceawiað ðæt land, hwæðer hit wæstmbære sy &
664mid wudum gemencged,

chapter, verse XIII,20

665& ða burga gebette oððe butan weallum, &
666hwæðer ðæt landfolc sy to gefeohte stranglic
667oððe untrumlic, feawa on getele hwæðer ðe fela.
668& feriað mid eow of ðære eorðan wæstmum, ðonne ge eft
669cumað; Hit wæs ða se tima ðe winberian
670ripodon.
671& hi ferdon ða sona & sceawodon þone eard,
672& geond feowertig daga embferdon ðone eard.
673& of ðam winbogum mid berium mid ealle & æpplum & ofætum
674eft mid him brohton.
675& comon to Moyse, þær he mid ðære fyrde wæs, on Pharan
676ðam westene.
677& ðas word him to cwædon: We comon to ðam earde þe ge us
678heton faran, þe flewð witodlice meolce &
679hunie, swa swa ge of ðisum wæstmum wel oncnawon magon.
680Ac þa strengstan weras wuniað on ðam lande & micele burga
681ðær synd & mærlice geweallode: ðær we
682gesawon Enachus cynryn.
683Amalech eac swylce eardað on ðam suðdæle, Etheus on ðam
684muntlandum, & Iebuseus & Amorreus,
685Chananeus wið ða sæ & ymb ða ea Iordan.
686Hwæt ða Israhela bearn endemes hrymdon ongean Moysen
687miclum ceorodon; ac Caleph hi gestilde, &
688cwæð mid gebylde: Vton faran to þam earde, & geagnian us
689ðæt land, for ðan ðe we magon mid mihte
690hit begytan.
691ða oðre soðlice cwædon, þe mid him asende wæron: Ne
692mage we faran nateshwon to ðam folce þus, for
693ðan þe hi synd strengran þonne we.
694& we ðær gesawon of ðam entcynne Enachys bearna micelra
695wæstma, ðam we ne synd ðe gelicran ðe
696lytle gærstapan.
697& hi tældon ðæt land mid heora teonwordum.

chapter, verse XIV,1

698HWæT ða, eal seo mæniu endemes weop sona, & miclum
699ceorodon ongean Moysen, & cwædon:
700We wisceað ðæt we on Egypta lande wæron ær deade
701& na on ðisum westene, & we wisceað swyðor þæt we
702forwurðon her & us Drihten ne læde in to ðam lande,
703þæt we ðær licgon ofslagene & ure wif & cyld wurðon
704gehergode; Nis us, la, betere þæt we bugon ongean to Egypta
705lande?
706& ælc cwæð to oðrum: Vton us gesettan efne nu heretogan &
707uton gecyrran to Egypta lande.
708Moyses ða & Aaron miclum wurdon astyrode & feollon astrehte
709ætforan ðære mæniu.
710Caleph ða & Iosue cwædon to ðam folce:
711þæt land ðe we sceawodon is swyðe ðearle god.
712Gyf Drihten us arfæst bið, he us in gelæt to ðam, & sylð
713us ða moldan þe meolce & hunie flewð.
714Ne beo ge wiðerræde wið eowerne Drihten, ne ge ne
715ondrædon eow; Drihten is mid us.
716ða hrymde eal seo mæniu & mid stanum woldon hi oftorfian;
717ac Godes wuldor wearð sona wundorlice
718æteowod ofer ðæt Godes scrin, þær hi on locodon.
719& God cwæð to Moyse: Hu lange tælð þis folc me, & hu
720lange ne gelyfað hi me on eallum ðam tacnum
721þe ic ætforan him dyde?
722Ic ofslea hi mid cwylde & hi fordo mid cwealme, & ic ðe
723gesette syððan to heretogan ofer micele
724ðeode strengran þonne ðeos.
725Moyses ða clypode, & ðus cwæð to Drihtne: Gyf ða
726Egyptiscean gehyrað, & ða ðe her eardiað
727abutan, þæt ðu þas mæniu ofslihst swa swa anne mannan,
728þonne secgað hi sona þæt ðu ofsloge hi for ði,
729þæt ðu ne mihtæst hi gelædan to ðam lande ðe ðu him
730behete.
731Ac sy þin strengð gemærsod, swa swa ðu swore.
732Drihten, ic ðe bidde ðæt ðu forgyfe þises folces synna
733æfter micelnisse þinre mildheortnysse.

chapter, verse XIV,20

734Drihten cwæð to Moyse: Ic hit forgyfe æfter ðinum worde.
735Swa ðeah soðlice ealle þa ðe gesawon mine mægnðrymnysse
736& ða miclan tacna, ðe ic worhte on Egypta
737lande & on þisum westene, & costnodon me nu tyn siðon &
738mine stemne ne gehyrsumodon, ne geseoð
739hi ðæt land, þe ic foreswor heora fæderum, ne nan þæra
740ðe me tælde ne gesihð ðæt land.
741Caleph & Iosue cumað to þam lande.
742Eowre bearn ic læde to þam lande soðlice.
743& eowre lic sceolan licgan on þisum westene.
744Eowre bearn beoð worigende on þisum westene feowertig
745wintra & eower forligr berað, oð ðæt heora
746fædera hreaw beon fornumene.
747æfter ðæra feowertigra daga getæle, þe ge ðæt land
748besceawodon, ger bið for dæge geteald, & on
749feowertigum gearum ge underfoð eowre unrihtwisnyssa, þæt ge
750witon mine wrace.
751ða wurdon sona ofslagene on Godes gesihðe ða tyn
752sceaweras, þe sceawodon ðæt land, & deade nyðer
753feollon, for ðan ðe hi þæt folc mistihton & þæt land
754tæl.
755& ða twegen leofodan, Iosue & Caleph, & hi comon to þam
756lande.
757ða weop þæt folc sare,

chapter, verse XIV,40

758& sona on ærne merien astigon
759gewæpnode up to ðære dune, & cwædon: We
760synd gearwe nu to gewinnenne þæt land be ðam ðe Drihten
761spræc, for ðan þe we syngodon.
762ða cwæð Moyses to andsware: Hwi ofergæge ge Godes word;
763Hit ne becymð eow na to nanre spede.
764Ne fare ge, ic bidde, for ðan þe God nis mid eow, þæt ge
765ne feallon ætforan eowrum feondum.
766Hi swa ðeah ablende beotlice astygon to ðæs muntes
767cnæppe.
768& ða comon heora fynd, Amalechitisc folc & Chananeus samod,
769þe eardedon on ðam munte, & hi miclum
770slogon & ehtende adrifon oþ ðæt hi comon to Horma.

chapter, verse XVI,1

    
771& æFTER ðam færlice arison feower weras, Chore & Hon,
772Dathan & Abiron, ongean Moysen miclum
773astyrode, & ðridde healf hund manna of ðam yldstum mannum;
774& cwædon to Moyse & to Aarone þam sacerde: Eall ðeos
775mæniu soðlice syndon haligra bearn & God wunað on him:
776Hwi synd ge ahafene ofer Drihtnes folc?
777& Moyses feoll astreht sona to eorðan.
778& to ðam folce cwæð: To mergen geswutelað God hwilce he
779gecyst to him.
780Nime eower ælc his storcyllan & stere ætforan Gode; &
781þone þe he gecyst, beo se halig.
782Hi dydon swa on mergen mid miclum gedwylde & brohton heora
783storcyllan, standende æt ðam getelde.
784Ac Dathan & Abiron stodon on heora geteldum.
785& cwædon to Moyse mid miclum graman:
786Is ðe, la, lytel geðuht þæt ðu alæddest us of ðam
787lande þe weol meolce & hunige, þæt ðu us ofsloge on
788þisum westene, butan þu eac ure gewealde?
789Witodlice þu gelæddest us in to ðam lande þe eall flewð
790on riðum meolce & huniges & sealdest us
791land & æhta & wingeardas ðær; oððe wilt ðu, la, ut
792apytan ure eagan?
793ða æteowde Godes wuldor.

chapter, verse XVI,20

794& God cwæð to Moyse:
795Asyndriað eow fram ðisre scyldigan gegaderunge, þæt ic hi
796færlice fordon mæge.
797Hwæt ða færlice geopenode seo eorðe hi sylfe & forswealh
798ða weras mid wifum & cildum, Dathan &
799Abiron, mid heora geteldum & eallum æhtum,
800þæt hi in to helle cuce siðodon mid sande ofhrorene.
801& þæt folc fleah afyrht for heora hreame.
802Eac swylce færlice fyr com fram Gode & ofsloh ða oþre þe
803offrodon ðone stor, ðridde healf hund
804manna, þær hi heoldon þa recelsfata.

page XVI,41

805Eft on ðam oðrum dæge eall seo mæniu ceorode ongean
806Moysen & Aaron, cweðende: Ge ofslogon Godes
807folc.
808& seo sacu ða aras.
809& Moyses & Aaron efston mid fleame to Godes getelde, & þa
810ða hi in agan wæron, ða ætywde Godes
811wuldor.
812& God cwæð to Moyse:
813Gewitað aweg fram ðisre mæniu; nu ic hi adylgie.
814& Moyses cwæð to Aarone: Nim ðin recelsfæt & efst to ðam
815folce & for hi gebide, for ðan ðe Godes
816yrre is ofer hi & his wite reðegað.
817Aaron ða ardlice arn to ðam folce & sterde mid thimiama
818standende betwynan ðam cucuan & ðam
819deadum, & bæd for ðæt folc; ðæt wite ða geswac.
820& þær wæron ofslagene feowertyne ðusenda of ðæs folces
821mæniu & seofonhund manna butan ðam ðe ðær
822ofslagene wæron on Chores ceaste .
823Aaron eode ða eft to Moyse to Drihtnes getelde.

chapter, verse XVII,1

824& Drihten cwæð to Moyse:
825Nim nu twelf gyrda æt ðam twelf mægðum fram þære
826mægða ealdrum, & heora ælces naman awrit on his gyrde
827& Aarones nama beo on Leuies mægðe, & lege ða gyrda on
828ðam getelde þær ic ðe to sprece.
829& þone þe ic geceose, þonne sprytt his gyrd, & ic gestille
830fram me Ysrahela ceorunge.
831Moyses ða dyde swa swa Drihten him bebead.
832& eode on ærne merien in to ðam getelde, & efne ða wæs
833growende Aarones gyrd on blostmum & on
834leafum on hnutbeames wisan.
835He bær ða ða gyrda to Ysrahela bearnum, & hi gesawon hwæt
836þær geswutelod wæs; ælc nam þa his
837gyrde.
838& God cwæð eft to Moyse: Ber Aarones gyrde in to ðam
839getelde, ðæt heo sy gehealden Israhele to
840tacne & heora ceorung geswice, þæt hi ne swelton.
841& Moyses dyde swa swa him Drihten bebead.

chapter, verse XVIII,1

    
842GOD geceas Aaron him to sacerde & of his ofsprincge to his
843offrunge symle & of Leuies mægðe
844manega to Leuita Aarone to fylste to ðam ælicum
845onsægednyssum, & God sylf him sealde ða gesetnyssa.

chapter, verse XX,1

846æFTER þisum comon Israhela bearn to ðam westene Sin, &
847ðær sweolt Maria, Aarones swustor, & is
848ðær bebyrged.
849ða næs ðær nan wæter on þam westene þam folce.
850& hi ða ciddon swiðe wið Moysen.
851He clypode ða to Gode.
852& God cwæð to him:
853Gang ðu & Aaron & gegaderiað þis folc geond to ðam stane;
854& se stan eow sylþ wæter.
855Hi comon ða to ðam flinte.
856& he ætforan him eallon sloh mid ðære gyrde tua þone
857flint, & þær fleow sona of ðam flinte wæter
858swa genihtsumlice, þæt heora nytena druncon & eall Israhela
859folc of ðære anre riðe.
860ða sende Moyses ærendracan to Edom þam cynincge;
861Bæd þæt he moste faran forð ofer his land be
862rihtum wege & ne reppan his nan þingc.
863Edom ða andwyrde þam ærendracum, & cwæð: Ne fare ge
864ðurh me.
865& he ferde ða sona mid eallon his folce to gefeohte gearu:
866& forwyrnde Israhele þæt oferfæreld
867þurh his land; Hi gewendon þa aweg, & gewicodon wið ðone
868munt, þe is Or gehaten.
869þær Aaron forðferde & Eleazarus, his sunu, wæs sacerd for
870hine.
871& hi ealle beweopon Aarones forðsið geond xxx daga
872geomriende swyðe.

chapter, verse XXI,1

873CHANANEUS þa wann wið Israhela bearn, & sige on him
874gewann.
875Ac hi wendon to Gode mid ealre heortan.
876& hi gehyrde God, & him sige forgeaf, þæt hi ofslogon þone
877cyningc & his folc samod mid swurdes
878ecge & heora burga towendon.
879& gewendon him ham ðanon ofer langne weg, þæt hi þæt
880land embferdon; þæt folc wearð ða aðryt &
881ðearle geswenct mid ðam siðfæte.
882& ceorodon ongean Godd & ongean Moysen miclum, & cwædon:
883Hwi læddest ðu, la, us of Egypta lande,
884þæt we swulton on þisum westene; We nabbað naðor ne hlaf
885ne wæter, & us wlataþ nu for ðisum
886leohtostan mete.
887For ðam ðingon þa sona sende God him to fyrene næddran, &
888hi ðæt folc totæron & manega adyddon.
889& hi to Moyse cwædon: We syngodon swyðe, for ðan ðe we
890swa spæcon ongean God & ðe; ac gebide for
891us, þæt he afyrsige fram us ða fyrene næddran; Moyses ða
892gebæd for ðæt folc.
893& God cwæð to him: Wyrc ane ærene næddran & sete upp to
894tacne, & se ðe tosliten beo, beseo upp to
895ðære næddran, & he leofoð sona swa he besyhð on hi.
896Moyses ða worhte ða ærenan næddran, & sette to tacne; &
897þa ðe toslitene wæron beheoldon to ðære
898næddran & wurdon gehælede.
899Hi ferdon ða ðanon mid heora fyrdwicum.

page XXI,21

900& Moyses sende ða to Seon, ðam cyninge Amoreiscre ðeode,
901ðisum wordum, & cwæð:
902Ic bidde ðæt ðu me lyfe ofer ðin land to farene; Ne
903reppe we ðine æceras oððe wineardas, eowwer wæterpyttas;
904ac swa swa se weg lið we farað, gyf we moton, forð ofer
905ðin land.
906ða nolde Seon, se cyningc, nateshwon him tiðian þæt
907Israhel ferde forð ofer his gemæru, ac
908gegaderode his folc & ferde him togenes & feaht swyðe ongean,
909oð ðæt he feol ofslagen, & his folc
910samod, mid swurdes ecge.
911Hi geeodon ða his land & ealle his burga, & Israhel wunode
912þa on þam widgillan lande.
913Moyses ða sende & het sceawian Azer; þære wic hi geeodon
914& ahton þone eard.
915Hi gewendon ða ðanon & woldon to Basan, ac Og, se cyning,
916com him togeanes mid eallum his folce
917to gefeohte gearu.
918Drihten cwæð to Moyse: Ne ondræd ðu hine; ic hine sealde
919to þinum gewealde & eall his folc &
920land.
921& hi fuhton ða swyðe, & Israhel ofsloh Og þone cyningc, &
922his suna, & his folc eall to forwyrde,
923& geahton his land & ealle his burga.

chapter, verse XXII,1

924MOYSES ða ferde to Moab mid ðam folce.
925& se cyningc Balac cwæð to his leode: Swa adylegað þis
926folc mid heora fyrdcræfte ealle ða ðe
927eardiað on urum gemærum, swa swa oxa gewunaþ to awestenne
928gærs oð ða wyrtruman eorðslihtes mid
929toðum.
930He sende þa his bodan to Balaam ðam witegan, Beores suna
931& bæd ðæt he come to wyrigenne þæt folc
932þe fundode wið his, & cwæð: Ic wat þæt se bið
933gebletsod, ðe ðu gebletsast, & se bið awyrged TORONTO
934CORPUS: awryged þe
935ðu wyrigst.
936ða bodan ða comon to Balaan mid sceattum.
937Balaam andwyrde þam ærendracum & cwæð: ðeah Balaac me
938sylle goldes & seolfres an hus full, ic ne
939mæg awendan Godes word.
940Ac beoð her to niht & bidað andsware.

chapter, verse XXII,20

941ða com God on niht to Balaam, & cwæð: Nu ðas men þe
942feccað; far mid him, swa ðæt ðu do þæt ic ðe
943bebeode.
944Balaam ða ferde forð mid ðam bodum on assan ridende.
945& efne Godes encgel forstod þone weg ðær he wolde ridan
946mid atogenum sweorde, swilce he hine
947slean wolde.
948Se assa geseah ðone encgel standende, & Balaam ne geseah;
949þa forbeah se assa þæs engles swurd, &
950eode of ðam wege; Hwæt þa Balaam beot þone assan, wolde
951ðæt he eode innon þone weg.
952ða fleah se assa gyt forht for þam encgle, & ðyde his
953hlafordes fot ðearle to ðam hege; Balaam þa
954gyt beot þone assan.
955& se encgel eode in to anum nyrwette, þe he ne mihte
956forbugan on naðre healfe, for ðan þe þær nan
957bige næs.
958ða feol se assa adune afyrht for ðam engle, & Balaam wearð
959yrre & beot hine gyt swyðor.
960ða geopenode Drihten þæs assan muð, & he cwæð: Hwi
961beatst ðu me swa swyðe?
962& Balaam andwyrde: For ðam ðe ðu me beswice, & ic ðe
963ofslean wolde, gyf ic swurd hæfde.
964ða sæde se assa: Ne eom ic na þin assa þe ðu on ridst
965symble; Sege hwænne ic æfre ær þyllic ðe
966gebude.
967God þa geopenode Balaames eagon, þæt he geseah þone engel
968þe se assa forbeah, mid nacodum swurde,
969& he hnah to eorðan, & aleat wið ðæs engles.
970& se encgel cwæþ: Hwi beote ðu þinne assan efne nu
971þrywa?
972Ic þe ofsloge sona & se assa ne leofode, gyf he ne forbuge
973me.
974& Balaam cwæð: Ic syngode nytende; nyste þæt ðu stode
975ongean me, & gyf ðe min færeld mislicað, ic
976fare eft ongean.
977Se encgel cwæð to him: Farr mid þisum mannum, & warna
978þæt ðu nan þinc elles ne sprece buton þæt
979ic þe bebeode; & Balaam þa rad forð.
980Se cyning ða, Balac, com him togeanes.

chapter, verse XXIII,1

981& HE arærde sona seofon weofoda; & þær lac geoffrode on
982ða ealdan wisan.
983& cwæð to Balac: Hu mæg ic awyrian þone ðe God bletsode;
984& he witegode ða, swa him wissode God, &
985bletsode Israhel.
986& Balac cwæð to him: Ic ðe fette for ði, þæt ðu mine
987fynd wyrigdest, & þu hi bletsast.
988Balaam cwæð ða: Cwyst ðu, mæg ic oþer sprecan buton
989ðæt Drihten het?
990ða cwæð Balac him to: Cum to oðre stowe mid me.
991& he eft arærde oðre seofan weofoda, & bletsode Israhel.

page XXIII,25

992& Balac cwæð: Ne ðu hine wyrige, ne ðu hine bletsa.
993ða cwæð Balaam to Balaace ðus: Hu ne sæde ic ðe þæt
994swa hwæt swa God me bebude, þæt ic ðæt dyde?
995& Balac cwæð: Cum, ic ðe læde to oðre stowe, gyf Gode
996swa gelicie þæt ðu hi ðanon gewyrige.
997Hi eodon ða begen up to ðam munte; & he sona arærde
998seofan weofoda, & lac geoffrode.

chapter, verse XXIV,1

999& ISRAHEL bletsode, & þa ðingc witegode þe him gewissode
1000God.
1001He mihte geseon Israhel of ðam munte þanon.
1002ða yrsode Balac wið Balaam, & cwæð: Ic ðe het feccan,
1003þæt ðu mine fynd wyrigdest, & þu nu ðrywa
1004hi bletsodest.
1005Far ðe nu ham: ic hæfde gemynt ðe to arwurðienne on
1006æhtum & on feo, ac God ðe benæmde ðæs
1007wurðmyntes.

chapter, verse XXV,1

1008HIT stent on oðrum bocum, þæt Balaam swa ðeah tæhte
1009þam cyningce hu he cuman mihte þæt he hi
1010beswice; & he eac swa dyde; he beswac hi swa, þæt he sette
1011wifmen æt his hæðengylde gehende ðam
1012folce, þær hi on locodon; & hi eodon ða to manega of ðam
1013folce to ðam myltystrum & wið hi hæmdon; &
1014to ðam hæðengylde bugon.
1015God wearð ða yrre Israhela bearnum, & het Moyses ahon þa
1016ðe ðæt man dydon.
1017Moyses þa het ða manfullan ofslean, ealle ða ðe bugon to
1018Belphegor.
1019& þær wurdon ofslagene mid swurdes ecge feower & twenti
1020ðusenda of ðæs folces mæniu; & Godes yrre
1021geswac & he him syððan mildsode.
1022God bebead syþþan Moyse, & cwæð:
1023Wrec Israhela bearn on ðam Madianitiscum & ofsleaþ hi, for
1024ðam þe hi beswicon eow.

chapter, verse XXXI,6

1025MOYSES ða sende sona twelf ðusenda gewæpnodra manna, to
1026ðam wige caflice.
1027& hi ða ferdon & ðæt folc ofslogon, & þone cyningc
1028Balac & Balaam samod; & ðæt land aweston &
1029ða wif heoldon; & comon to Moyse mid micelre huðe.
1030Moyses ða yrsode; & axode hwi hi heoldon ða wifmen to
1031life, ðe hi forlærdon ær æt ðam
1032hæðengylde.
1033& het hi ða acwellan ealle ða wif ðe weras hæfdon.
1034& het healdan þa mædena; Hi didon þa swa & sige hæfdon
1035syððan; & comon to ðam lande þe hi to
1036lædde God, ðe he Abrahame behet & his ofsprincge.

1037B8.1.4.6

chapter, verse II,1

    
1038IOSUE ða sona asende twegen sceaweras digellice of Sathin, &
1039het sceawian ðæt land & ða buruh
1040Iericho, hu heo geworht wære; Hi ferdon ða & comon to anre
1041myltistran huse heo wæs Raab gehaten &
1042gereston hi ðær.
1043ða wearð ðam cyninge gecydd ðæt ðær comon sceaweras of
1044Israhela bearnum, ðæt hi ða burh
1045sceawodon, & sende to Raab & het ða sceaweras agyfan.
1046Ac heo hæfde hi behydd, ær hyre seo hæs to come, on hyre
1047upflora, & geandwyrde ðus: Ic andytte
1048ðæt hi comon to me, ac ic ne cuðe heora fær, & hi urnon on
1049æfnunge ut of ðissere byrig, mid ðam ðe
1050ða burhgata belocene wurdon; efstaþ nu ardlice & ge hi
1051ofridað.
1052Hi ða sona æfter ridon idelum færelde.
1053& ðæt wif ða spræc to ðam behyddum werum:
1054Ic wat nu to soðan ðæt God eow sylð ðisne eard;
1055witodlice eower ege is on us becumen, & ðis folc is geyrged &
1056ormod ongean eow.
1057We gehyrdon ðæt Drihten adrigde ða Readan Sæ, ða ða ge
1058ferdon fram Egypta lande, & hu ge ofslogon
1059syððan twegen cyningas, Seon & Og,
1060& aswearc ure mod, & ure gast forhtode to eowrum infærelde;
1061eower Drihten is soðlice soð God on heofonum & on eorðan,
1062ðe ealle ðingc gewylt.
1063Sweriað me nu ðurh Drihten ðæt ge don eft wið me swylce
1064mildheortnysse swa ic macode wið eow, &
1065syllað me sum tacn, ðæt ic sylf beo gehealden, & min
1066fæder, & modor & mine gebroðra & ða ðe us to
1067lociað, alysað fram deaðe.
1068ða cnihtas hyre andwyrdon & mid aðe hyre beheton: ðonne
1069ure Drihten us forgyfð ðisne eard to
1070gewealde, we cyðað mildheortnysse on ðe.
1071Witodlice hire hus wæs on ðam wealle fæst, & heo let hi ut
1072mid anum langan rape ðurh ðæs huses
1073eahðirl ofer ðone weal.
1074& cwæð: Farað eow nu wærlice & gewendað to muntum &
1075lutiað ðær ðry dagas, ðe læs ðe eow gemeton,
1076ða ðe eow æfter ridon, & efstað syððan aweg.
1077Hi cwædon to ðam wife: We beoð unscyldige wið ðe,
1078ðonne we to ðisum lande becumað, gyf ðu lætst
1079ðisne rap hangian on ðam ehðyrle, ðær ðu us ut alete, &
1080gelangast to ðe ðine leofostan frynd,
1081fæder & modor & ðine magas, in to ðe.
1082& locehwa ut gange, licge he ofslagen, & se ðe on ðam huse
1083beo, hæbbe frið mid ðe.

chapter, verse II,20

1084& gyf ðu abarast ure spræce, we ne beoð forsworene.
1085ðæt wif him cwæð to: Eower cwyde stande.
1086Hi efston ða aweg, swa ðæt wif hi lærde, & comon to
1087Iosue & cyddon him eal ðis.
1088Hi sædon him: To soðan us sylð Drihten ðis land; ealle
1089synd geyrgede, ðe eardiað on ðisum lande.

chapter, verse III,1

1090IOSUE ða aras hraðe on ðære nihte, & astyrode his fyrdwic
1091forð to Iordanen, & wicode ðreo niht
1092wið ða ea on anbidunge.
1093& sende ða bydelas, & bead eallum ðam here: ðonne man
1094eowres Godes earce styrað mid ðam
1095gangendum bærmannum of Leuies cynne, & ge ne cunnon ðone weg,
1096folgiað eow feorran ðære earce, & nan man
1097ne genealæce neah ðam arce.
1098& beoð gehalgode; betwux eow Drihten wyrcð wundra to
1099mergen.
1100& he cwæð to ðam sacerdum: Nimað ðis Godes scrin & gað
1101ætforan ðam folce: & ða sacerdas dydon swa
1102swa Iosue hi het.
1103& Drihten cwæð to Iosue: Nu to dæg ic ongynne ðe to
1104mærsigenne ætforan Israhela bearnum, ðæt hi
1105magon witan ðæt ic wille mid ðe beon, swa swa ic mid Moyse
1106wæs.
1107& ðu gewissa ða sacerdas, ða þe ðæt scrin berað, ðæt
1108hi gebidon on ðære ea.
1109Iosue ða clypode, & cwæð to ðam folce:
1110Be ðam ge magon witan ðæt God wunað betwux eow, & ða
1111hæðenan todræfð, ðe nu habbað ðisne eard on eowre
1112gesyhðe, for ðan Iordan, seo ea, ætstent on hyre
1113ryne; swa ðæt scrin in bið geboren, swa ofstynt se stream.
1114ðæt folc ferde ða forð to ðære ea, & sona swa ða
1115bærmen gesetton heora fotlæst on ðære ea ofre,
1116swa ætstod se stream, & ongan to ðindenne ongean, swilce
1117hit wære an heah dun, & se æftra stream
1118arn ut to ðære sæ.
1119Hwæt ða sacerdas ða ætstodon on ðam grunde on drigre
1120moldan on middan ðære ea, & eal ðæt folc
1121ferde forð ofer ða ea be drium grunde.

chapter, verse IV,1

1122& DRIHTEN cwæð to Iosue:
1123Hat nu twelf weras of ðam twelf mægðum niman twelf stanas
1124on middan ðære ea ðær ða sacerdas stodon, & habban forð
1125mid eow to eowre wicstowe & wurpan hi ðær.
1126ða dide Iosue swa swa Drihten him bebead, & cwæð to ðam
1127folce:
1128Gyf eowre bearn eow befrinað
1129eft on uferum dagum, Hwæt doð ðas stanas her?
1130þonne secge ge to andsware, ðæt seo ea Iordane adruwode,
1131mid ðam ðe ure fæderas ferdon ofer hi
1132mid ðam halgan scrine, & hi beoð her to gemynde Israhela
1133bearnum a on ecnysse.
1134ða dydon ða twelf weras swa swa Drihten him bebead, &
1135namon twelf stanas on ðæs streames ryne;
1136hæfdon forð mid him to heora fyrdwicum.
1137Iosue het eac ahebban oðre twelf stanas tomiddes ðam
1138streame, þær hi stodon mid ðam scrine, & hi
1139ðær ðurhwuniað oð ðisne andweardan dæg.
1140& ðæt folc ferde forð mid gebylde.
1141On ðam dæge gemærsode se ælmihtiga Drihten Iosue þone
1142
1143    æþelan ætforan Israhela folce, ðæt hi hine
1144ondredon, swa swa hi ondredon Moysen.
1145Mid ðam ðe hi ferdon fram ðære ea Iordanen, ða arn se
1146stream forð swa swa he ær dyde.
1147& hi wicodon on Galgala, on easthealfe Iericho, on ðam
1148teoðan dæge ðæs forman monðes.

chapter, verse V,1

1149ðA geaxodon ða cyningas ðe eardodon on ðam leodscypum
1150þæt Drihten ða ea Iordanen adrigde ætforan
1151Israhela bearnum ða ða hi ferdon ðær ofer, ða wearð
1152heora heorte toslopen & heora gast ne belaf
1153on him, for ðan ðe hi ondredon Israhela tocymes.
1154Drihten cwæð to Iosue on ðære ylcan tide: Wyrc ðe
1155stænene sex, & oðre siðe ymbsnyð Israhela
1156bearn.
1157Iosue ða dyde swa swa Drihten him bebead, & Israhela bearn
1158ealle ymbsnað uppan ðam beorge ðe is
1159gehaten Preputiorum .
1160Heora fæderas wæron ær on Egypto ymbsnydene & seo iugoð
1161næs, ðe be ðam wege wæs acenned on ðam
1162langsumon færelde feowerti geara, & ðis is se intinga
1163ðære æftran ymbsnydennysse.
1164Hi gewunodan ðær swa on ðære ylcan wicstowe, oð ðæt hi
1165gehælede wurdon, & heton ða stowe
1166Galgala.
1167Drihten cwæð to Iosue: Nu to dæg ic adyde þæra
1168Egyptiscra hosp fram eowrum cynne.
1169Hi wurdon ða on Galgala, & worhton Phase, ðæt is
1170færeldfreols, on ðam feowerteoðan dæge ðæs
1171monðes on æfnunge on Iericho feldum.
1172& æton of ðæs landes wæstmum on ðam oðrum dæge,
1173ðeorfe hlafas & polentan ðæs ylcan geares.
1174æfter ðam ðe hi æton of ðæs eardes wæstmum, him
1175ateorode se heofonlica mete; ne hi syððan ne
1176onbyrigdon ðæs bigleofan ofer ðæt, ac of ðæs geares
1177wæstmum Chanaan landes.
1178Mid ðam ðe Iosue com on Iericho lande, he geseah ænne wer
1179wið ða fyrde standan mid atogenum
1180swurde, & he sona hine axode: Eart ðu ures geferes ðe ure
1181wiðerwinna?
1182Se wer him andwyrde: Ic eom ealdor & latteow Drihtnes heres,
1183& ic hider nu com.
1184Iosue ða feoll sona afyrht to eorðan, & cwæð: Hwæt
1185sprycð min hlaford to his ðeowan ðus?
1186Se engel him cwæð to: Vncnyte ðin gescy hraðe of ðinum
1187fotum, for ðam ðe se stede is halig, ðe ðu
1188on styntst; & he swa dyde.

chapter, verse VI,1

1189HIERICHO seo burh wæs mid weallum ymbtrymed & fæste
1190belocen for ðes folces tocyme, & hi ne
1191dorston ut faran ne in faran for him.
1192Drihten cwæð ða to Iosue: Ic do ðas buruh Hiericho on
1193ðinum gewealde & ðone cyning samod & ða
1194strengstan weras ðe wuniað on hyre.
1195Farað nu six dagas symble ymb ða burh, ælce dæg æne &
1196ealle suwigende;
1197& seofon sacerdas blawan mid byman eow ætforan.
1198Iosue ða swa dyde, & ða sacerdas bæron ðæt Godes scrin
1199ymbe ða burh, ælce dæge æne.
1200& oðre seofon blewon mid sylfrenum byman.
1201& hi ealle to fyrdwicon ferdon æfter ðam.
1202On ðam seofoðan dæge hi ferdon seofon siðon ymb ða burh.
1203& on ðam seofoðan ymbfærelde, ða ða sacerdas blewon, &
1204ðæt folc eall hrymde, swa swa Iosue him
1205rædde, ða burston ða weallas, ðe ða burh behæfdon,
1206endemes to grunde, & hi ða in eodon, ælc man
1207swa he stod on ðam ymbgange.
1208Iosue ða clypode, & cwæð to ðam folce: Sy ðeos burh
1209amansumod & eall ðæt bið on hyre, buton Raab
1210ana libbe & ða ðe lociað to hyre, for ðan ðe heo urum
1211ærendracum arfæstnysse cydde
1212& ge nan ðingc ne hreppon on reafe ne on feo, ðæt ge ne
1213beon scyldige sceamlicre forgægednysse, & Israhela
1214fyrdwic for synne beo gedrefed.
1215Swa hwæt swa her goldes byð, ðæt beo Gode gehalgod, & on
1216seolfre oððe on are, eall in to his
1217hordum.

page VI,21

1218Hi ofslogon ða sona mid swurdes ecge weras & wifmen & ða
1219wepende cild, hryðera & scep, assan &
1220ealle ðingc.
1221Iosue cwæð ða syððan to ðam foresædum ærendracum:
1222Gað nu to ðam huse, ðær ge behydde wæron, &
1223lædað ut ðæt wif, ðe eowrum life geheolp,
1224& ða ðe hyre to lociað, lædað of ðisre byrig.
1225Hy dydon ða swa swa him gedihte Iosue, & læddon hi of
1226ðære byrig mid eallum hyre magum, & hi
1227syððan leofodon mid sibbe betwux him.
1228Hi forbærndon ða ða burh & ðæt ðe binnan hyre wæs.
1229& Iosue bæd ðus: Beo se awyrged, ðe æfre eft
1230geedstaðelie ðas buruh Hiericho.
1231God wæs ða mid Iosue on eallum his weorcum, & his nama
1232wearð gewidmærsod wide geond ðæt land.

chapter, verse VII,1

1233WITODLICE Achar, Charmies sunu, Zabdies suna, Zares suna, of
1234Iudan mægðe, behydde of ðam
1235herereafe, ðe him forboden wæs, ðe Iosue amansumode; & se
1236ælmihtiga God yrsode sona ongean Israhela bearn.
1237ða sende Iosue sceaweras to Hai, ðe ðær gehende wæs, &
1238het besceawian ða burh; Hi ferdon ða &
1239comon, & cwædon to Iosue: Ne læd ðu eal ðis folc to ðære
1240lytlan byrig, ac twa ðusenda oððe ðreo
1241læt faran ðærto; Hwæt sceal eall ðis folc on idel beon
1242geswenct?
1243ða ferdon ðreo ðusenda feohtendra wera to oferwinnenne ða
1244burh, ac hi wurdon on fleame & sona
1245ofslagene, six & ðritig, fram ðære buruhware, ðe him on
1246bæc filigdon; ða wearð Iosue swyðe sarig on
1247his mode, & eal Israhela folc wurdon afyrhte for ðære
1248dæde.
1249& Iosue feol astreht ætforan Godes scrine, & ða yldestan
1250men ealle hi astrehton licgende swa oð
1251æfen, & dydon dust uppan heora heafda.
1252Iosue ða clypode, & cwæð mid angsumnysse: Wella, min
1253Drihten God, hwi woldest ðu lædan ðis folc
1254hider ofer ðas ea, ðæt ðu us sealdest on Amorrea handum &
1255us fordydest?
1256ðis geaxiað Chananei & cumað hider to us, & ealle ðas
1257landleoda belicgað us mid fyrde & urne
1258naman adylegiað; & hwæt dest ðu, Drihten,
1259ðinum mæran naman?
1260& Drihten him cwæð to: Aris nu, Iosue; hwi list ðu neowel
1261on eorðan?
1262Israhel syngode & ða gesetnysse gewemde; hi ætbrudon of
1263ðam herereafe, ðe him forboden wæs, & on
1264heora hordfatum behyddon.
1265Nu næfð Israhel nænne stede wið his fynd ac flyhð
1266underbæc, for ðan ðe he is besmiten mid ðære
1267amansumunge; ne beo ic lengc mid eow, buton ge þone fordon ðe
1268ðises gyltes sy scyldig.
1269& ðus secge ðam folce: Beoð gearwe to mergen: seo
1270amansumung is on eow.
1271Gegaderiað eow be mægðum & gange ðæt gehlot fram mægðe
1272to mægðe & be manna hiwrædenum & be
1273ænlypegum mannum;
1274& beo se forbærned, se ðe befangen byð on
1275ðam fracodan gylte, mid eallum his æhtum,
1276for ðam unrihtum weorce.
1277Hi samnodon hi ða be syndrigum mægðum, & eode ðæt
1278gehlot swa lange oð hit becom to ðam ylcan
1279men, ðe ðæt man gefremode, to ðam foresædan Achar,
1280Charmies suna, of Iudan mægðe, & he wearð
1281ameldod.

chapter, verse VII,20

1282He andette ða Iosue ætforan him eallum, & cwæð: Soðlice
1283ic syngode;
1284Ic geseah betwux ðam herereafum wyrmreadne basingc &
1285twahund entsa hwites seolfres & sumne gyldene dalc on
1286fiftigum entsum, & ic atbræd ðæt & behydde on eorðan
1287ætforan minum getelde.
1288Iosue ða sende sona to his getelde, & man funde ða ðingc,
1289swa swa he foresæde.
1290& hi læddon Achar to Achores dene, mid wife, & mid
1291cildum, & mid eallum æhtum, & hine ðær
1292stændon & his ðingc forbærndon.
1293& worhton mid stanum ænne steapne beorh him ofer; & Godes
1294hatheortnys gecyrde sona fram ðam
1295folce.