1B15.6.19

page 42

    
2Her cyð æþeric on þissum gewrite hwam he geann ofor his
3dæig þæra æhta þe him God alæned hæfð.
4þæt is ærest sona minum hlaforde syxti mancusa goldes &
5mines swyrdes mid fetele & þarto twa hors &
6twa targan & twegen francan.
7& ic geann Leofwynne minan wife ealles þæs þe ic læfe hire
8dæig & ofor hire dæg gange þæt land on Boccinge
9into Cristes circean þam hirede for uncera saule &
10for mines fæder þe hit ær begeat, eall buton
11anre hide ic gean into þære cyrcean þam preoste þe
12þar Gode þeowaþ.
13& ic geann þæs landes æt Rægene be westan into sancte
14Paule þam bisceope to to geleohtenne & þar on
15Godes folce cristendom to dælenne.
16& ic geann þarto twegra hida þe Eadric gafelaþ ælce geare
17mid healfum punde & mid anre garan.
18& ic geann be eastan stræte ægþer ge wudas ge feldas
19ælfstane bisceope into Coppanforde & þæs heges on Glæsne.
20& ic geann þæs landes æt Norðho healf into sancte Gregorie
21on Suþbyrig & healf into sancte Eadmunde
22on Bedericeswyrþe.
23Nu bidde ic þone bisceop ælfstan þæt he amundige mine lafe
24& þa þincg þe ic hyre læfe & gif him God
25lifes geunne lencg þonne unc þæt he gefultumige þæt ælc
26þara þinga stande þe ic gecweden hæbbe.