1B15.6.5

page 38

    
2Ælflæd gæswytelaþ on þis gewrite hu hæo wile habban
3gefadad hiræ æhta for Gode & for worldæ.
4ærest þæt ic an minum hlaforde þara VIII landa æfter
5minum dege, þæt is erest æt Douorcortæ & æt
6Fulanpettæ & æt Ælesforda & æt Stanwægun & æt Byrætune
7& æt læxadyne & æt Ylmesætun & æt Bucyshealæ
8& twægra bæha on twera punda gewihte & twa sopcuppan & an
9sæolfran fæt.
10& þæ, leof, æadmodlice bidde for Godes luuan & for mines
11hlafordæs sawle lufan & for minræ swystor
12sawlæ lufan þæt þu amundie þa halgan stowæ et Stocæ
13þæ mine yldran on restaþ & þa are þæ hi þiderin
14sæadon a to freogon Godæs rihte, þæt is þonno þæt ic
15gean æalswa mine yldran his er gæuþan, þæt is
16þonne þæt land æt Stoce into þeræ halagan stowæ & æal
17þæt þæt þær to tunæ gæhyrð & þonæ wuda æt
18hæþfælda þæ min swystar gæuþæ & mine yldran.
19þonne synd þis þa land þæ minæ yldran þærto bæcwædon
20ofær minre swystor dæg & ofær minne, þæt is ðonne
21Stredfordæ & Fresantun & Wiswyþetun & Lauanham &
22Byliesdyne & Polstyde & Wifærmyrsc & Grænstydæ
23& Peltandune & Myræsegæ & þæt wudæland æt Totham þæ
24min fæder geuþæ into Myresiæ & Colne & Tigan.
25þonne synd þis þa land þe minæ yldran becwædon into
26oþrum halgum stowum, þæt is þonne into Cantwarabyrig
27to Cristæs circan þan hired to brece þes landes æt
28Illanlege & into Paules mynstre into Lundene
29þes landes æt Hedham to biscophame & þes landes æt
30Tidwoldingtune þan hirede to brece into Paules
31mynstre & into Beorcingan þam hirede to brece þes landes
32æt Babbingþyrnan.
33& ic gean Ælfþræðe minæs hlauordæs medder Wuduhamæs
34æftær minum dæge & æfter hiræ dege gange hit into
35sancta Marian stowæ into Beorcingan æalswa hit stænt mid
36mæte & mid mannum.
37& ic gæan into sancte Æadmunde þara twegra landa
38Cæorlesweorþæ & Cochanfelde þam hirede to brece
39æalswa
40mine yldran his er geuþan & þæs landes æt Hnyddinge
41æftær Crawan degæ miræ magan.
42& ic gæan into

page 40

43Myresie æfter minum degæ ealswa min hlaford
44& min swester geuþan, þæt is Fingringaho
45& þara six hida þæ þæt mynstær on stent.
46& ic gæan efter Crawan dege þes landes æt Wealdingafelda
47into Suðbyrig to sanctæ Gregoriæ ealswa min
48swestar hit er foræwyrde.
49& ic gean into Ælig sanctæ Petre & sanctæ Æþældryþe &
50sancte Wihtburhe & sanctæ Sexburhe & sancte Æormenhilde
51þer mines hlafordes lichoma rest þara þreo landa
52þe wit buta geheotan Gode & his halgan,
53þæt is æt Rettendune þe wes min morgangyfu & æt Sægham
54& æt Dictune ealswa min hlaford & min swæstar
55his er geuþan & þaræ anre hide æt Cæafle þe min
56swystar begeat & þes bæahges gemacan þe man sæalde
57minum hlaforde to sawlescæatte.
58& ic gean Æðelmære æaldorman þes landes æt Lellinge ofer
59mine deg mid mete & mid mannum æalswa hit
60stent on þet gerad þæt he beo on minum life min fulla freod
61& forespreca & mira manna & efter minum
62dege beo þara halgan stowe & þeræ are ful freod &
63forespeca æt Stocæ þe mine yldran on restaþ.
64& ic gean þes landes æt Lissingtune Eðelmere mines mid
65mete & mid mannum ealswa hit stent & hine eadmodlice
66bidde þæt he min fulla freod & mundiend beo on
67minum dege & efter minum dege gefelste þæt
68min cwide & mira yldran standan mote.
69þis sind þa landmearca to Byligesdyne, of ða burnan æt
70Humelcyrre, fram Humelcyrre Heregeresheafode,
71fram Heregeresheafode æfter ðam ealdan hege to ðare
72grene æc, þonne forð þæt hit cymð to þare stanstræte,
73of þare stanstræte andlang scrybbe þæt hit
74cymð to Acantune, fram Acyntune þæt hit cymð to
75Rigendune, fram Rigindune æft to þara burnan.
76& þær is landes fif hida.
77þis sind þa landgemæra to Hwifermirsce & to Polestede, of
78Loppandune to Scelfleage, fram Leage to Mercyl,
79andlang Mercyle into Sture, andlang Sture to Leofmannes
80gemære, andlang Leofmannes gæmære to
81Amalburnan, fram Amalburnan to Norðfelda, ðonne forð to
82Bindhæcce, fram Bindhæcce to Tudanhæcce, fram
83Tudanhæcce to Giddincgforda

page 42

84fram Giddingforda to
85Hnutstede, fram Huntstede to Hwitincgho, fram Hwitingho
86to Wudemannestune, fram Wudemannestune to Cæresige
87gæmære, fram Cæresige gemære to Hædleage
88gemære, fram Hædleage gæmære to Hligham gemære, fram
89Hligham gemære eft to Loppandun.