1B15.6.6

page 30

    
2Her is on sio swutelung hu Ælfhelm his are & his æhta
3geuadod hæfð for Gode & for wurulde.
4þæt is þonne ærest his hlaforde an hund mancosa goldes &
5twa swurd & feorwer scyldas & feower speru
6& feower hors, twa gerædode, twa ungerædode.
7& he gean for his sawle þæs landes æt Wrættincge into
8sancte Æþeldryðe buton þam twam hydon þe Æþelric
9hæfð.
10& ic gean þæs landes æt Brycandune into sancte Petre to
11Westmenstre buton ic wylle þæt man mæste minum
12wiue twa hund swyna þænne þær mæsten sy þider hire
13leouest sy.
14& ic gean Ælfgare minum suna þæs landes æt Hwipstede &
15þæs æt Wealtune his dæg & æfter his dæge ga
16hyt for uncra begra sawle þider him leouest sy.
17& ic cyþe hwæt ic minum wiue to

page 32

18morgengyue sealde, þæt is
19Beadewan & Burgestede & Strætford & þa þreo
20hyda æt Heanhealan.
21& ic gef hire þa wyt ærest togædere comon þa twa hyda æt
22Wilburgeham & æt Hrægenan & þæt þærto lið.
23& ic gean hire Carletunes & ic gean hire þæs heauodbotles
24æt Gyrstlingaþorpe & ealra þara æhta þe þæron
25standað mid mete & mid mannum buton ic gean Godrice &
26minre dehter healues þæs landes be wuda
27& be felda buton þam þe ic minum preoste gean.
28& ic gean minum wiue & minre dehter healues þæs landes æt
29Cunningtune to gedale buton þam feower hydon
30þe ic Æþelrice & Alfwolde gean & þa healuan hyde þe
31ic gean Osmære minum cnihte.
32& ic gean Ælfmære & his breðer Ælfstane þara twegra landa
33to gedale æt Hættanlea & æt Pottune buton
34þam þe ic Osgare gean.
35& ic gean Godere þæs þe ic æt Wimunde gebohte.
36& ic gean Leofsige Lytlanbyrig æfter minum dæge on þæt
37gerad þe þæt stande þe wyt beforan þan ealdormen lucan.
38& ic gean him & his wiue þæs landes æt Stoctune wið an
39hund mancosa goldes & ic wylle þæt man selle
40minum hlaforde þæt gold to minum heregeatum.
41& ic gean minum þrym broþron to gedale þæs landes æt
42Trostingtune buton þam þe ic gean Alfwolde þæs
43þe Æþelric hæfde.
44& ic gean Ælfhelme þære hyde æt Icelingtune & þæs æt
45Mawyrþe & ic gean Wulfmære þæs þe ic æt Byornham
46hæfde.
47& ic gean minre scæðe for mire sawle into Hramesege, healfe
48þan abbode & healue þam hirede.
49& ic gean minum wiue healues þæs stodes æt Trostingtune &
50minan geferan healues þe me mid ridað.
51& fo min wif to healuan þe on wealde is & min dohter to
52healuan.
53& ic wylle þæt min wif fo æfre to healfan æhtan on ælcon
54tune fo to lande se þe fo swa hio to forgyuen wæs.
55Nu bydde ic þe leof hlaford þæt min cwyde standan mote &
56þæt þu ne geþauige þæt hine man mid wuo wende.
57God is min

page 34

58gewyta, ic wæs þinum fæder swa gehyrsum swa ic
59fyrmest myhte & fullice hold on mode & on
60mægene & þe æfre on fullon hyldon hold & on fulre luue,
61þæs me is god gewyta.
62Se man se þe minne cwyde wende buton þu hyt sy, leof, & ic
63hæbbe geleauan þæt þu nelle, God afyrre
64hine of his rice buton he þe hraþor ongen wende.
65& God & ealle his halgan gehealde æcne þara þe þærto
66gefyrþryge þæt he standan mote.
67Gif hwa æfre ænig þinc of þysum cwyde awende oþþe
68ætbrede sy him Godes ar & his ece edlean æfre ætbroden
69& he næfre ne wurþe on his myltse gemet ac he sy
70amansumod of þam gemanan ealra gecorenra Cristes
71heapa, ge nu ge on ecnysse, buton he þe hrædlicor þæt
72forlæte & on riht eac eft gewende.