1B15.5.38

page 236

    
2Her swutelad on þisum gewrite hwylce gerihta langon into
3Tantune on þam timan þe Eadwerd cing wes cucu & dead.
4þæt is ærest of þam lande æt Nigonhidon seo mann redden
5FOR THE COMPOUND mannredden into Tantune cirhsceattas &
6burhgerihtu, heorðpenegas & hundred penegas & teoþung of
7ælcere hide eahta penegas, hamsocn & forsteall, griþbrice
8& handfangenþeof, aþ & ordel, fyrdwite & eall swa oft swa
9him ma bude to gemote he come ofþe hine man badode.
10Dunna wes þæs biscopes mann to þam

page 238

11timan þe Eadward cing wæs cucu & dead of þam lande
12æt Acon & of Taalande & of twam Cedenon.
13& he geaf to gerihton V circsceattas & heorðpenegas &
14hundredpenegas, hamsocne & forsteall, griðbrice
15& handfangenne þeof, aþ & ordel & þriwa secan gemot on
16XII monþum.
17& of Eaforde þa ilcan gerihtu.
18And Ealdreð wæs þæs biscopes mann of þam lande æt Hele &
19dyde þe ilcan gerihta þæ ma dyde of Nigonhidon.
20And of þam fif hidon æt Baggabeorgan, III circsceattas &
21burgerihta, heorðpenegas & hundredpenegas
22& handfangene þeof, aþ & ordel, hamsocn & forsteall,
23griðbrice & þreo motlæþu ungeboden on XII monþum.
24Of Lidigerde, I circsceatt & eall þe geilcan gerihta þe
25ma dyde of Baggabeorge.
26Of Hylle, I circsceatt & burhgerihtu, heorðpenegas &
27hundreðpenegas, hamsocne & forðsteall, griðbrice
28& handfangene þeof, aþ & ordel & III gemot on geare
29buton he hit gebicge oþþe gebidde.
30Of þære oþre healfre hide æt twam Holaforda, II
31circsceattas & eall þæ geylcan gerihta þe ma deð of Cedon.
32ðises ys gewitnes, Gisa bisceop & ælfsie abbod & Wulgeat
33abbod & ælfnod mynsterprauost & Wulfwerd wita
34& Godwine Eadwies sunu & ælmer þæs abbodes broþor &
35ælgelric æt Healswege & Heardinc Eadnoðes sunu
36& Garmund & ælfric tigel & Ordgar se wite & ælfwerd
37Leofsunes sunu & Brichtric se calewa & Dodda
38æt Curi & ælmer werl & Sæwold æt Iliacum & Wulfric æt
39Pauleshele & Ealdred æt Sulfhere & Wulger æt
40Hiwerc & æilwine wunge.