1B16.10.1

page 226

    
2Her swutelað on þissere Cristes bec hwæt Leofric biscop
3hæfð gedon innto sancte Petres minstre
4on Exanceastre þær his bisceopstol is.
5þæt is þæt he hæfð geinnod þæt ær geutod wæs þurh
6Godes fultum & þurh his forespræce & þurh his
7gærsuma, þæt is ærost þæt land æt Culmstoke & þæt
8land æt Brancescumbe & æt Sealtcumbe & þæt
9land æt Sancte Maria circean & þæt land æt Stofordtune &
10æt Spearcanwille & þæt land æt Morceshille &
11Sidefullan hiwisc & þæt land æt Brihtricesstane & þæt
12land æt Toppeshamme þeahþe Harold hit mid
13unlage utnam & þæt land æt Stoce & þæt land æt
14Sydebirig & þæt land æt Niwantune & æt Norðtune &
15þæt land æt Clist þe Wid hæfde.
16ðonne ys þis se eaca on landum þe he hæfð of his agenum
17þæt mynster mid gegodod for his hlaforda
18sawlum & for his agenre þam Godes þeowum to bigleofan þe
19for heora sawlum þingian sceolon, þæt ys
20ærost þæt land æt Bemtune & æt Esttune & æt
21Ceommenige & þæt land æt Doflisc & æt Holacumbe &
22æt Suþwuda.
23& he ne funde þa he to þam mynstre feng nan mare landes þe
24ðider ynn gewylde wære þonne twa hida
25landes æt Ide & þæron næs orfcynnes nan mare buton VII
26hruðeru.
27ðonne ys þis seo oncnawennis þe he hæfð God mid gecnawen
28& sanctum Petrum into þam halgan mynstre
29on circlicum madmum.
30þæt is þæt he hæfð þider ynn gedon ii biscop roda &
31ii mycele gebonede roda butan oðrum litlum
32silfrenum swurrodum & ii mycele cristes bec gebonede &
33iii gebonede scrin & i geboned altare & v
34silfrene caliceas & iiii corporales & i silfren pipe
35& v fulle mæssereaf & ii dalmatica & iii
36pistelroccas & iiii subdiacones handlin.
37& iii cantercæppa & iii canterstafas & v
38pællene weofodsceatas & vii oferbrædelsas & ii
39tæppedu & iii bera scin & vii setlhrægel & iii
40ricghrægel & ii wahreft & vi mæsene sceala & ii
41gebonede hnæppas & iiii hornas.
42And ii mycele gebonede candelsticcan & vi læssan
43candelsticcan gebonede & i silfren storcylle mid
44silfrenum storsticcan & viii læflas

page 228

45& ii guðfana & i merc &
46vi midreca & i firdwæn & i cyste & þær
47næron ær buton vii upphangene bella.
48And nu þær sind xvi upphangene & xii handbella &
49ii fulle mæssebec & i collectaneum & ii pistelbec
50& ii fulle sangbec & i nihtsang & i adteleuaui &
51i tropere.
52And ii salteras & se þriddan saltere swa man singð
53on rome & ii ymneras & i deorwyrðe bletsingboc &
54iii oðre & i englisc cristes boc & ii
55sumerrædingbec & i winterræding boc &
56regula canonicorum .
57And martyrlogium & i canon on leden & i scriftboc
58on englisc & i full spelboc wintres & sumeres &
59Boeties boc on englisc & i mycel englisc boc be gehwilcum
60þingum on leoðwisan geworht.
61& he ne funde on þam mynstre þa he tofeng boca na ma
62buton ane capitularie & I forealdodne
63nihtsang & I pistelboc & II forealdode rædingbec
64swiðe wake & I wac mæssereaf.
65& þus fela leden boca he beget innto þam mynstre, liber
66pastoralis & liber dialogorum & libri
67IIII prophetarum & liber Boetii de consolatione & isagoge
68Porphirii & I passionalis & liber
69Prosperi & liber Prudentii psicomachie & liber Prudentii
70ymnorum & liber Prudentii de martyribus & liber
71Ezechielis prophete & cantica canticorum & liber Isaie
72prophete onsundron & liber Isidori
73ethimolagiarum & passiones apostolorum & expositio Bede super
74euuangelium Luce & expositio Bede super
75apocalipsin & expositio Bede super VII epistolas canonicas
76& liber Isidori de nouo et ueteri
77testamento & liber Isidori de miraculis Christi & liber
78Oserii & liber Machabeorum & liber Persii &
79Sedulies boc & liber Aratoris & diadema monachorum & glose
80Statii & liber officialis Amalarii .
81& ofer his dæg he ann his capellam þider binnan forð mid
82him silfum on eallum þam þingum þe he
83silf dide mid Godes ðeninge on þæt gerad þæt þa Godes
84þeowas þe þær binnan beoð æfre his sawle
85gemunon mid heora gebedum & mæssesangum

page 230

86to Criste & to Sancte Petre & to eallum þam halgum þe þæt
87halige minster is fore gehalgod þæt his sawle beo Gode þe
88anfengre.
89& se þe ðas gyfu & þisne unnan wille Gode & Sancte Petre
90ætbredan si him heofena rice ætbroden &
91si he ecelice geniðerod into helle wite.