1B15.5.26

page 174

    
2Her kyþ on þison gewrite þæt Harold king let beridan
3Sandwic of Cristes cyrcean him sylfan to
4handa & hæfde hit him wel neh twelf monað & twegen hæringc
5timan swa þeah fullice eall ongean
6Godes willan & agen ealra þara halgena þe restað innon
7Cristes cyrcean swa swa hit him syððan
8sorhlice þær æfter agiode.
9& amanc þisan siþan siðe wearð Ælfstan abbod æt
10sancte Augustine & begeat mid his smehwrencan &
11mid his golde & seolfre eall dyrnuncga æt Steorran þe þa
12wæs þæs kinges rædesmann þæt him gewearð se
13þridda penig of þære tolne on Sandwic.
14þa

page 176

15gerædde Eadsige arcebiscop þa he þis wiste & eall se
16hired æt Cristes cyrcean betweonan heom þæt
17man sende Ælfgar munuc of Cristes cyrcean to Harolde kingce.
18& wæs se king þa binnan Oxanaforde swyþe geseocled swa
19þæt he læg orwene his lifes þa wæs Lyfingc
20biscop of Defenanscire mid þam kincge & þancred munuc mid
21him.
22þa com Cristes cyrcean sand to þam biscop & he forð þa to
23þam kincge & Ælfgar munuc mid him &
24Oswerd æt Hergerdesham & þancred & sædon þam kinge þæt he
25hæfde swyðe agylt wið Crist þæt he æfre
26sceolde niman ænig þing of Cristes cyrcean þe his
27foragengceon dydon þiderinn.
28Sædon þam kinge þa embe Sandwic þæt hit wæs him to handa
29geriden.
30þa læg se king & asweartode eall mid þare sage & swor
31syþþan under God ælmihtine & under ealle
32halgan þarto þæt hit næfre næs na his ræd na his dæd
33þæt man sceolde æfre Sandwic don ut of Cristes
34cyrcean.
35þa wæs soðlice gesyne þæt hit wæs oðra manna geþeaht
36næs na Haroldes kinges & soðlice Ælfstanes
37abbodes ræd wæs mid þam mannan þe hit of Cristes cyrcean ut
38geræddon.
39þa sende Harold king Ælfgar munuc agen to þam arcebiscop
40Eadsige & to eallon Cristes cyrcean
41munecan & grette hig ealle Godes gretincge & his & het þæt
42hig sceoldan habban Sandwic into Cristes
43cyrcean swa full & swa forð swa hig hit æfre hæfdon on
44ænies kinges dæge ge on gafole ge on streame ge
45on strande ge on witun ge on eallon þam þingan þe hit æfre
46ænig king fyrmest hæfde ætforan him.
47þa Ælfstan abbod þis ofaxode þa com he to Eadsige
48arcebiscop & bæd hine fultumes to þam hirode
49embe þone þriddan penig.
50& hi begen þa to eallon gebroþran & bædon þone hired þæt
51Ælfstan abbod moste beon þæs þriddan
52peniges wurðe of þære tolne & gyfan þam hirede X
53pundan.
54Ac hy forwyrndon heom ealle togædere endemes þæt he hit na
55sceolde næfre gebidan & wæs þeah Eadsige
56arcebiscop swiðor his fultum þonne þæs hiredes.
57& þa he ne mihte na forð hermid þa gyrnde he þæt he moste
58macian fornan gen Mildryþe æker ænne
59hwerf wið þone wodan to werianne.
60Ac eall se hired him forwyrnde þæs forð ut mid ealle

page 178

61& se
62arcebiscop Eadsige let hit eall to heora
63agene ræde.
64þa gewearð se abbod Ælfstan æt mid micelan fultume & let
65delfon æt Hyppeles fleote an mycel gedelf
66& wolde þæt scipryne sceolde þærinne licgean eall swa hig
67dydon on Sandwic.
68Ac him na speow nan þingc þæron forþam he swingð eall on
69idel þe swincð ongean Cristes willan.
70& se abbod let hit eall þus & se hired fengc to heora agenan
71on Godes gewitnesse & sancta Marian &
72ealra þara halgena þe restað innan Cristes cyrcean & æt
73sancte Augustine.
74þis is eall soð gelyfe se þe wylle.
75Na gebad Ælfstan abbod næfre on nanan oþre wisan þone
76þriddan penig of Sandwic.
77Godes bletsung si mid us eallon a on ecnysse, amen.