1B8.1.7.1

page 78

2    & sylð us synna forgyfnysse ærest ðurh wæter
3on ðam fulluhte & syððan ðurh dædbote; & gyf hwa
4forsyhð ða forgyfnysse, ðe se Halga gast sylð,
5ðonne bið his syn æfre unmiltsigendlic on ecnysse.
6Eft seo halige ðrynnys geswutelode on ðisre bec,
7swa swa is on ðam worde, ðe God cwæð: Uton
8wyrcean mannan to ure anlicnisse.
9Mid ðam ðe he cwæð: Uton wyrcean, is seo ðrynnys
10gebicnod; mid ðam ðe he cwæð: to ure anlicnysse,
11is seo soðe annys geswutelod.
12He ne cwæð na menigfealdlice: to urum anlicnyssum, ac
13anfealdlice: to ure anlicnysse.
14Eft comon ðry englas to Abrahame, & he spræc to him eallum
15ðrym swa swa to anum.
16Hu clypode Abeles blod to Gode buton swa swa ælces mannes
17misdæda wregað hine to Gode butan wordum?
18Be ðisum lytlan man mæg understandan, hu deop seo boc is on
19gastlicum andgyte, ðeah ðe heo mid

page 79

20leohtum wordum awriten sy.
21Eft Iosep, ðe wæs geseald to Egypta lande & he ahredde
22ðæt folc wið ðone miclan hunger, hæfde
23Cristes getacnunge, ðe wæs geseald for us to cwale & us
24ahredde fram ðam ecan hungre helle susle.
25ðæt micele geteld, ðe Moyses worhte mid wundorlicum
26cræfte on ðam westene, swa swa him God sylf
27gedihte, hæfde getacnunge Godes gelaðunge, ðe he sylf
28astealde ðurh his apostolas mid menifealdum
29frætewum & fægerum ðeawum.
30To ðam weorce brohte ðæt folc gold & seolfor & deorwurðe
31gimstanas & mænifealde mærða; sume eac
32brohton gatehær, swa swa seo æ bebead.
33þæt gold getacnode urne geleafan & ure gode ingehyd, ðe we
34Gode offrian sceolon; ðæt seolfor
35getacnode Godes spræca & ða halgan lare, ðe we habban
36sceolon to Godes weorcum; ða gimstanas
37getacnodon mislice fægernyssa on Godes mannum; ðæt gatehær
38getacnode ða stiðan dædbote ðæra manna, ðe
39heora synna behreowsiað.
40Man offrode eac fela cynna orf Gode to lace binnan ðam
41getelde; be ðam is swyðe mænifeald
42getacnung, & wæs beboden ðæt se tægl sceolde beon gehal
43æfre on ðam nytene æt ðære offrungae, for ðære
44getacnunge ðæt God wile ðæt we symble well don oð ende
45ures lifes; ðonne bið se tægl geoffrod on urum weorcum.
46Nu is seo foresæde boc on manegum stowum swyðe nearolice
47gesett, & ðeah swyðe deoplice on ðam
48gastlican andgyte; & heo is swa geendebyrd, swa swa God sylf hi
49gedihte ðam writere Moyse, & we ne
50durron na mare awritan on Englisc þonne ðæt Leden hæfð, ne
51ða endebyrdnysse awendan, buton ðam
52anum, ðæt ðæt Leden & ðæt Englisc nabbað na ane wisan on
53ðære spræce fandunge: æfre se ðe awent oððe
54se ðe tæcð of Ledene on Englisc, æfre he sceal gefadian
55hit swa ðæt ðæt Englisc hæbbe his agene
56wisan, elles hit bið swyðe

page 80

57gedwolsum to rædenne ðam ðe ðæs Ledenes wise ne can.
58Is eac to witene ðæt sume gedwolmen wæron ðe woldon
59awurpan ða ealdan æ, & sume woldon habban ða
60ealdan & awurpan ða niwan, swa ða Iudeiscean doð; ac Crist
61sylf & his apostolas us tæhton ægðer to
62healdenne, ða ealdan gastlice & ða niwan soðlice mid
63weorcum.
64God gesceop us twa eagan & twa earan, twa nosðyrlu, twegen
65weleras, twa handa & twegen fet, & he
66wolde eac habban twa gecyðnyssa on ðisre worulde gesett,
67ða ealdan & ða niwan; for ðan ðe he deð
68swa swa hine sylfne gewyrð, & he nænne rædboran næfð, ne
69nan man ne ðearf him cweðan to, Hwi dest ðu swa?
70We sceolon awendan urne willan to his gesetnyssum, & we ne
71magon gebigean his gesetnyssa on urum lustum.     
72Ic cweðe nu ðæt ic ne dearr ne ic nelle nane boc æfter
73ðisre of Ledene on Englisc awendan; & ic
74bidde ðe, leof ealdormann, ðæt ðu me ðæs na leng ne
75bidde, ði læs ðe ic beo ðe ungehyrsum, oððe
76leas gyf ic do.
77God ðe sy milde a on ecnysse.     
78Ic bidde nu on Godes naman, gyf hwa ðas boc awritan wille,
79ðæt he hi gerihte wel be ðære bysne,
80for ðan ðe ic nah geweald, ðeah ðe hi hwa to woge
81gebringe ðurh lease writeras, & hit bið ðonne
82his pleoh na min: micel yfel deð se unwritere, gyf he nele his
83gewrit gerihtan.