1B1.2.1

page 1

2

INCIPIT PRAEFATIO HUIUS LIBRI. IN NOMINE CHRISTI
3OMNIPOTENTIS.

4LINES 1 TO 28 (IN LATIN) OMITTED FROM THE TORONTO CORPUS     
5Ic ælfric munuc awende þas boc of ledenum bocum to
6engliscum gereorde þam mannum to rædenne þe þæt leden
7ne cunnon;
8Ic hi genam of halgum godspellum. and æfter geðungenra
9lareowa trahtnungum hi asmeade. þæra lareowa naman

page 2

10ic awrat on ðære ærran bec. on ðære ledenan forespræce;
11Ic gesette on twam bocum þa gereccednysse ðe ic awende. for
12ðan ðe ic ðohte þæt hit wære læsse æðryt to
13gehyrenne. gif man ða ane boc ræt on anes geares
14ymbryne. and ða oðre on ðam æftran geare;
15On ægðer þæra boca. sind feowertig cwyda buton ðære
16forespræce. ac hi ne sind na ealle of godspellum genumene.
17ac sind forwel fela of godes halgena life oððe þrowunge
18gegaderode. þæra anra þe angelcynn mid freolsdagum wurðað;
19ætforan ælcum cwyde we setton ða swutelunge on leden. mæg
20swa ðeah se ðe wile þa capitulas æfter ðære forespræce
21geendebyrdian;
22Nu bidde ic and halsige on godes naman gif hwa ðas boc
23awritan wylle. þæt he hi geornlice gerihte. be ðære bysne
24þe læs ðe we ðurh gymeleasum writerum geleahtrode beon;
25Micel yfel deð se ðe leas writ buton he hit gerihte. swilce
26he gebringe ða soðan lare to leasum gedwylde;
27For ði sceal gehwa gerihtlæcan þæt þæt he ær to woge
28gebigde. gif he on godes dome unscyldig beon wile;