1B8.2.1

page 1

2    Eadig byð se wer þe ne gæð on geþeaht unrihtwisra, ne on
3þam wege ne stent synfulra, ne on heora
4wolbærendum setle ne sitt.
5Ac his willa byð on Godes æ, and ymb his æ he byð
6smeagende dæges and nihtes.
7Him byð swa þam treowe, þe byð aplantod neah wætera
8rynum.
9Þæt sylð his wæstmas to rihtre tide, and his leaf and
10his blæda ne fealwiað, ne ne seariað; swa
11byð þam men þe we ær ymbspræcon eall him cymð to gode
12þæt þæt he deð.
13Ac þa unrihtwisan; ne beoð na swylce, ne him eac swa ne
14limpð; ac hi beoð duste gelicran, þonne hit wind toblæwð.
15þy ne arisað þa unrihtwisan on domes dæg, ne þa
16synfullan ne beoð on geþeahte þæra rihtwisena.

page 2

17Forþam God wat hwylce weg þa rihtwisan geearnedon, ac þa
18unrihtwisan cumað to witum.
19Hwy ryð ælc folc, and hwi smeagað hi unnytt?
20And hwy arisað eorðcynincgas, and ealdormenn cumað tosomne
21wið Gode, and wið þam þe he to hlaforde geceas, and
22gesmyrede; Hi cweðað.
23Utan tobrecan heora bendas, and aweorpan heora geocu of us.

page 3

24Hwæt forstent heora spræc, cwæð se witega, þeah hi swa
25cweðen; Forþam se God, þe on heofonum ys, hig gehyspð, and
26Drihten hyg gescent.
27And he clypað to him on his yrre, and gedrefð heora
28geþeaht.
29And ic eam þeah cincg geset fram Gode ofer his ðone halgan
30munt Syon, to þam þæt ic lære his willan and his æ.
31Forþan cwæð Drihten to me, þu eart min sunu, nu todæg
32ic ðe acende.
33Bide me, and ic þe sylle þeoda to agnum yrfe, and þinne
34anwald ic gebræde ofer ðeoda gemæro.
35And ic gedo þæt þu heora wylst mid isernre gyrde, and hi
36miht swa eaðe abrecan, swa se croccwyrhta mæg ænne croccan.
37Ongytað nu, kyningas, and leorniað, ge domeras, þe ofer
38eorðan demað.
39þeowiað Drihtne, and ondrædað hine, blissiað on Gode,
40and ðeah mid ege.
41Onfoð lare, þy læs eow God yrre weorðe, and þy læs ge
42wendon of rihtum wege.
43Forþæm þonne his yrre byð onæled, þonne beoð eadige,
44þa þe nu on hine getrywað.

page 4

45Eala, Drihten, hwi synt swa manige minra feonda, þara þe me
46swencað; for hwi arisað swa mænige wið me; Monige cweðað
47to minum mode, þæt hit næbbe nane hæle æt his Gode.
48Ac hit nis na swa hy cweðað; ac þu eart, butan ælcum
49tweon, min fultum, and min wuldor, and þu ahefst upp min
50heafod.
51Mid minre stemne ic cleopode to Drihtne, and he me gehyrde of
52his þam halgan munte.
53þa ongan ic slapan and slep, and eft aras; forðam þe
54Drihten me awehte, and me upparærde.
55Forðam ic me nu na ondræde þusendu folces, þeah hi me
56utan ymbþringen; ac ðu, Drihten, aris, and
57gedo me halne; forþam þu eart min God.

page 5

58Forðam þu ofsloge
59ealle þa ðe me wiðerwearde wæron
60butan gewyrhton, and þara synfulra mægen þu gebryttest.
61Forþam on ðe ys eall ure hæl, and ure tohopa, and ofer
62þin folc sy þin bletsuncg.
63þonne ic cleopode to þe, þonne gehyrdest þu me, Drihten;
64forðam þu eart se ðe me gerihtwisast, and on minum
65earfoðum and nearonessum, þu me gerymdest.
66Gemiltsa me, Drihten, and gehyr min gebed.

page 6

67Eala manna bearn, hu lange wylle ge beon swa heardheorte wið
68Gode; and hwi lufige ge idelnesse, and secað leasuncga?
69Wite ge þæt God gemyclade his ðone gehalgodan, and he me
70gehyrð, þonne ic him to clypige.
71þeah hit gebyrige þæt ge on woh yrsien, ne scule ge hit no
72þy hraþor þurhteon, þe læs ge syngien,
73and þæt unriht þæt ge smeagað on eowerum mode
74forlætað, and hreowsiað þæs.
75Offriað ge mid rihtwisnesse, and bringað þa Gode to lacum,
76and hopiað to Drihtne.
77Manig man cwyð, Hwa tæcð us teala, and hwa sylð us þa
78god þe us man gehæt; and is þeah geswutelod
79ofer us þin gifu, þeah hi swa ne cweðen.
80þæt ys þæt þu sealdest blisse minre heortan, and þin
81folc gemicladest, and him sealdest geniht hwætes, and wines,
82and eles, and ealra goda, þeah hi his ðe ne ðancien.
83Ac gedo nu þæt ic mote on þam genihte, and on þære sibbe
84slapan, and me gerestan; forðam þu, Drihten, synderlice me
85gesettest on blisse and on tohopan.

page 7

86Drihten, onfoh min word mid þinum earum, and ongyt mine
87stemne and min gehrop, and ðenc þara worda minra gebeda.
88Forðam ic gebidde on dægred to ðe; ac gedo þæt þu
89gehyre min gebed, Drihten.
90Ic stande on ærmergen beforan ðe æt gebede, and seo þe;
91þæt is, þæt ic ongite þinne willan butan
92tweon, and eac þone wyrce forðam þu eart se ylca God þe
93nan unriht nelt.
94Ne mid þe ne wunað se yfelwillenda, ne þa unrihtwisan ne
95wuniað beforan þinum eagum.
96þu hatast ealle þa þe unriht wyrcað, and þæt ne
97forlætað, ne his ne hreowsiað; and þu fordest þa
98þe symle leasinga specað.

page 8

99And þa manslagan, and þa swicolan þu forsyhst.
100Ic þonne hopiende to þinre þære myclan mildheortnesse,
101ic gange to þinum huse, Drihten, and me gebidde to þinum
102halgan altare, on ðinum ege.
103Drihten, læd me on þine rihtwisnesse fram minra feonda
104willan; geriht minne weg beforan þinre ansyne; se weg ys min
105weorc.
106Forðam on minra feonda muðe is leasuncg, and heora mod is
107swiðe idel.
108Heora mod and heora wilnuncg ys swa deop swa grundleas pytt,
109and heora tungan sprecað symle facn;
110ac dem him, Drihten.
111And gedo þæt hy næ gen don þæt yfel þæt hy þencað
112and sprecað; ac be þære andefne heora unrihtwisnesse
113fordrif hi; forðam hy ðe gremiað, and þine þeowas,
114Drihten.
115And blissian ealle, þa þe to ðe hopiað, and fægnian on
116ecnesse: and þu wuna on him; and fægnian þin ealle, þa þe
117lufiað þinne naman;
118Forþam þu eart se Drihten þe
119gebletsast and geblissast rihtwise; þu us gecoronadest and
120geweorðadest, and us gescyldst mid þam scylde þinre
121welwilnesse.

page 9

122Drihten, ne þrea þu me on þinum yrre, ne on þinre
123hatheortnesse ne swenc me.
124Ac miltsa me, Dryhten, forþam ic eom unhal, and gehæl me,
125forþam eall min mægn, and eal min ban synt gebrytt and
126gedrefed, and min sawl, and min mod ys swyðe gedrefed.
127Eala, Drihten, hu lange wylt þu þæt hit on ðam sy;
128gehwyrf, la Drihten, to me, and alys mine sawle, and gedo me
129halne for þinre mildheortnesse.
130Forðam þa deadan, þe on helle beoð, þin ne gemunan, ne
131ðe andetað, ne ne heriað, swa swa we doð.
132Ic swince on minre granunge, and ælce niht

page 10

133on minum bedde ic sice and wepe, and hwilum min bedd
134wæte mid tearum.
135Mine eagan synt gedrefede for yrre, and ic eom forealdod
136betweoh eallum minum feondum.
137Gewitað fram me ealle þa þe unriht wyrcað; forðam þe
138Drihten hyrde mine wependan stefne, and God
139gehyrde mine healsunge, and Drihten onfeng min gebed.
140Sceamian heora forði, and syn gedrefede ealle mine fynd; and
141gan hy on earsling, and sceamien heora swiðe hrædlice.
142Drihten, min God, to þe ic hopige; alys me fram eallum þam
143þe min ehtað, and gefriða me.

page 11

144þæt næfre mine fynd ne gripen mine sawle swa swa leo;
145forþam ic nat ealles hwa me ahredde and gehæle, butan þu
146wylle.
147Drihten, min God, gif ic to þisum, þe me nu swencað, þæs
148geearnod hæbbe, þæt hi nu doð, oððe ænig
149unriht wið hi gedon hæbbe.
150Oððe furðum him
151gulde yfel wið yfle, swa swa hi hit geworhton; þonne ofslean
152me mine fynd orwigne, næs þas þe mine frynd beon sceoldon.
153And secan mine fynd mine sawle, and þa gefon, and oftreden
154on eorðan min lif, and minne weorðscipe to duste gewyrcen.
155Aris, Drihten, of þinum yrre, and sær on minra feonda
156mearce, and geweorða þe sylfne þara.
157Aris, Drihten, to þinum gehate, and do swa swa þu gehete;
158þæt wæs þæt þu woldest helpan unscyldegum gif þu swa
159dest, þonne cymð swiðe mycel folc to þinum þeowdome.
160And þu uppastihst, and hi mid þe lætst to heofonum:
161Drihten, dem folcum, and dem me.
162Drihten, dem me æfter minum gewyrhtan, and dem me æfter
163minre unscæðfulnesse.
164Geenda nu þæt yfel þæra unrihtwisra, and gerece and
165geræd þa rihtwisan; þu, Drihten, þe smeast heortan, and
166ædra, and manna geþohtas.

page 12

167Mid rihte we secað fultum to þe, Drihten; forðam þu
168gehælst þa heortan rihtra geþohta.
169þe Drihten, þe is rihtwis dema, and strang and geþyldig,
170hwæðer he yrsige ælce dæge; Bute ge to him gecyrren,
171se deofol cwecð his sweord to eow.
172And he bende his bogan, se is nu gearo to sceotanne; he
173teohað þæt he scyle sceotan þæt deaðes
174fæt, þæt synt þa unrihtwisan he gedeð his flan fyrena,
175þæt he mæge mid sceotan and bærnan þa þe her byrnað on
176wrænnesse, and on unðeawum.
177He cenð ælc unriht, and hit cymð him sare, and his
178geferum.
179He adylfð þone pytt, and he hine ontynð, and on þone
180ylcan befylð.
181Gehweorfe his sar on his heafod, and on his brægn astige his
182unriht.
183Ic þonne andette Drihtne æfter his rihtwisnesse, and herie
184his ðone hean naman, and lofige.

page 13

185He cwæð Eala, Drihten ure God, hu wundorlic þin nama ys
186geond ealle eorðan.
187Forþam ahefen ys þin myclung ofer heofonas; ge furðum, of
188ðæra cilda muðe, þe meolc sucað, þu byst hered,
189þæt hi
190doð to bysmore þinum feondum; forðam þu towyrpest þine
191fynd, and ealle þa þe unrihtwisnesse ladiað and scyldað.
192Ic ongite nu þæt weorc þinra fingra, þæt synd heofonas,
193and mona, and steorran, þa þu astealdest.
194Drihten, hwæt is se mann, þe þu swa myclum amanst; oþþe
195hwæt is se mannes sunu, þe þu oftrædlice
196neosast?

page 14

197þu hine gedest lytle læssan þonne englas, þu hine
198gewuldrast and geweorðast, and him sylst heafodgold to
199mærðe, and þu hine gesetest ofer þin handgeweorc.
200Ealle gesceafta þu legst under his fet, and under his
201anwald; sceap and hryðera, and ealle eorðan nytenu;
202Fleogende fuglas, and sæfiscas, þa farað geond
203þa sæwegas.
204Drihten, Drihten, ure God, hu wuldorlic þin nama ys geond
205ealle eorðan.

page 15

206Ic andette Drihtne on ealre minre heortan, and ic bodige
207ealle ðine wundra.
208And ic blissige, and fægnige, and herige þinne naman, ðu
209hea God;
210Forðam ðu gehwyrfdest mine fynd under bæc, and hi
211wæron geuntrumode, and forwurdon beforan ðinre ansyne.
212Forðam þu demst minne dom and mine spræce,
213and eall for me dydest þæt ic don sceolde: ðu sitst on
214ðam hean setle, þu ðe symle demst swiðe rihte.
215ðu ðreast and bregst þa ðeoda þe us ðreatigað, and ða
216unrihtwisan forweorðað; and ðu adilgas heora naman on
217worulda woruld.
218Seo redelse, and þæt geþeaht urra feonda geteorode, ða hi
219hit endian sceoldan, and heora þu towurpe ealle.
220And heora gemynd onweg gewat mid þam myclan hlisan, and
221Drihten þurhwunað on ecnesse.
222And he gearwað his domsetl, and he demð ealre eorþan
223swyðe emne.
224He demð folcum mid rihte, he ys geworden friðstow
225ðearfendra.
226And gefultumend þu eart, Drihten, æt ælcere

page 16

227ðearfe; forðy hopiað to þe, ealle þa ðe
228witan þinne naman.
229Forðam þu ne forlætst nanne þara þe ðe secð; heriað
230forði Drihten, þone ðe eardað on Sion.
231And bodiað betweoh folcum his wundru; forðam
232he nis na ofergeotol þara gebeda his þearfena, ac
233he is swyþe gemyndig heora blod to wrecanne.
234Gemiltsa me, Drihten, and geseoh mine eaðmetto, hu earmne me
235habbað gedon mine fynd; forðam þu eart se ylca God, þe me
236uppahofe fram deaðes gatum, to þam þæt ic bodade eall
237þin lof on ðam geatum þære burge Hierusalem.
238Ic fægnie on þinre hælo, ðe þu me sylest; and ða ðeoda
239þe min ehtað syn afæstnode on ðam ylcan earfoðum, þe hi
240me geteohhod hæfdon, and heora fet synt gefangene mid þy
241ilcan gryne, þe hi me gehyd and gehealden hæfdon.
242Forþam byð Drihten on his rihtum domum, and on his
243handgeweorce byð gefangen se synfulla.
244And þa unrihtwisan beoð gehwyrfede to helle, and ælc folc
245þæra ðe God forgyt.
246Forþam God ne forgyt his ðearfan oð heora ende, ne heora
247geþyld ne forweorð oþ ende.

page 17

248Aris, Drihten, þy læs
249se yfelwillenda mæge don þæt he wille; and gedo þæt
250eallum folcum sy gedemed beforan ðe.
251Gesete, Drihten, ofer hy sumne anwald, þæt hig gelære
252þæt hy witon þæt hi men synt.
253Drihten, hwi gewitst þu swa feor fram us, and hwi noldest
254þu cuman to us, to þære tide þe us nydþearf wæs?
255þonne se unrihtwisa ofermodegað, þonne byð se earma
256ðearfa onæled and gedrefed, and eac geunrotsod; ac weorðon
257þa unrihtwisan gefangene on þam geþohtum, þe hi geþoht
258habbað.
259Forþam se synfulla byð hered þær he his yfelan willan
260wyrcð, and hine bletsiað þa yfelan for his
261yfelan dædum.
262Se synfulla bysmrað Drihten, and for þære menigu his
263unrihtes, he ne geðencð þæt God hit mæg gewrecan.
264Forþam he ne deð God beforan his modes ansyne; forþam
265beoð his wegas and his weorc ealneh unclæne.
266Forþam he næfð nan gemynd Godes doma beforan his ansyne,
267þæt he mæge rixian, and wealdan ealra his feonda, and don
268him to yfele þæt þæt he wylle.

page 18

269And he cwyð on his mode, Ne wyrð þisses næfre nan
270wending, butan mycelre frecennesse minra feonda.
271His muð byð symle full wyrignessa, and bitera worda, and
272facnes, and searuwa.
273And under his tungan byð ealne weg oþera manna sar and
274geswinc; he syt symle on geþeahte mid þam
275welegum dygollice, to þam þæt he mæge fordon þa
276unsceðþendan.
277And þreatað þone earman mid his eagum, and settað his
278digollice, swa swa leo deð of his hole.
279He sætað þæt he bereafige þone earman, and þæs
280wilnað; and þonne he hine gefangen hafað mid his gryne,
281þonne genæt he hine, and þonne he hine hæfð
282gewyldne, þonne aginð he sylf sigan, oððe afylð.
283He cwæð ær on his mode, Ne geþencð God þyllices,
284ac ahwyrfð his eagan, þæt he hit næfre ne gesyhð.
285Aris, Drihten, min God, and ahefe upp þine hand ofer ða
286unrihtwisan, and ne forgit þone þearfan on ende.
287Forþam bysmrað se unrihtwisa Drihten; forðam he cwyð on
288his mode, Ne recþ God, þeah ic þus do.

page 19

289Gesyhst þu nu, cwæð se witega to Drihtne hwylc broc, and
290hwylc sar we þoliað and þrowiað; Nu hit
291wære cyn þæt þu hit him wræce mid þinre handa; Ic
292þearfa eom, nu to ðe forlæten; þu eart fultumiend þara
293þe nabbað nawðer ne fæder ne modor.
294þu forbrycst þone earm, and þæt mægen þæs synfullan;
295forþy, þeah hine hwa ahsode, forhwi he swa dyde; þonne ne
296mihte he hit na gereccan, ne geþafa beon nolde, þæt he
297untela dyde.
298Drihten rixað on ecnesse, on þisse worulde ge on þære
299toweardan; forþæm weorðað aworpene þa synfullan of
300ægðrum his rica.
301Drihten gehyrð þa wilnunga his þearfena, and heora modes
302gyrnesse gehyrað þine earan.
303Dem nu, Drihten, þearfe þæs earman, and þæs eaðmodan,
304þæt se awyrgeda ne ece, þæt he hine leng myclie ofer
305eorðan.

page 20

306Hwy lære me þæt ic fleo geond muntas and geond westenu,
307swa spearwa; forþam ic getrywe Drihtne?
308Ic wat þeah, forþam þe þa synfullan bendað heora bogan,
309and fyllaþ heora coceras mid flanum, to þam þæt hi magon
310sceotan þa unscyldigan heortan dygollice, þonan hi læst
311wenað.
312Forþam hi wilniað þæs þe hi magon, þæt hi toweorpen
313þæt God geteohhad hæfð to wyrcanne: hwæt dyde
314ic unscyldega wið hi, oþþe hwæt mæg ic nu don?
315Drihten ys on his halgan
316temple, se Drihten se þæs setl ys on heofenum.
317His egan lociað on his earman þearfan, his bræwas þæt ys
318his rihta dom ahsað manna bearn.
319Se ylca Drihten ahsað rihtwise and unrihtwise; þæt heora
320ægðer secge hwæt he dyde, þæt he him mæge gyldan be
321heora gewyrhtum forðam se þe lufað unriht, he hatað his
322agene sawle.
323Drihten onsent manegra cynna witu, swa swa ren, ofer ða
324synfullan; and hi gewyrpð mid grine, and
325he onsent fyr ofer hig, and ungemetlice

page 21

326hæto þære sunnan, and wolberende windas,
327mid þyllicum, and mid manegum þyllicum
328beoð heora drincfatu gefyldu.
329Forþam God ys swyðe rihtwis, and he lufað rihtwisnesse,
330and heo byð symle swyðe emn beforan him.
331Gehæl me, Drihten, forþam haligdom is nu on þisum tidum
332full neah asprungen, and soðfæstnes ys swyðe gelytlod.

page 22

333Idle spræca hi sprecað to heora nyhstum, facen hi sprecað
334mid heora weolorum; forþam hi nabbað on
335heora mode, þæt hi on heora muðe sprecað, ac þencað
336yfel, þeah hi hwilum tela cweðen.
337Ac Drihten towyrpð ealle þa facnesfullan weoloras, and þa
338oferspræcan, and þa yfelspræcan tungan.
339þa þe teohhiað þæt hi scylen hi sylfe weorðian mid
340idelre spræce; hy cweðað, Hwi ne synt we muðfreo, hu ne
341moton we sprecan þæt we wyllað, hwæt ondræde
342we hwylc hlaford mæg us forbeodan urne willan?
343Ac Drihten cwyð, For yrmðum þæra wædlena, and for
344granunge þæra þearfena, ic arise.
345Ac hi sette on mine hælo, and ic do swyðe treowlice ymb hy.
346Godes word cwæð Dauid beoð swiðe soð, and swiðe clænu;
347hy beoð swa hluttur swa þæt seolfor, þe byþ seofon siðon
348amered, syþþan se ora adolfen byð.
349þu, Drihten, gehælst us, and gefreoðast fram heora yfle on
350ecnesse.
351ðeah þa unrihtwisan us utan began on ælce healfe, and
352heora sy mycle ma þonne ure; þeah þu us tobrædst ongean
353hy, and wið hi gefriðast.

page 23

354Hu lange wilt þu, Drihten, min forgitan, hwæðer þu oð
355minne ende wylle; oððe hu lange wilt þu ahwyrfan þinne
356andwlitan fram me?
357Hu lange sceal ic settan on mine sawle þis sorhfulle
358geþeaht, and þis sar æt minre heortan; hwæþer ic ælce
359dæge scyle?
360Hu lange sceal min feond beon uppahafen ofer me; Beseoh to
361me, Drihten, min God, and gehyr me.
362Onliht mine eagan, þæt hi næfre ne slapan on swylcum
363deaðe.
364Þy læs æfre min feond cweðe, Ic eom strengra þonne
365he; þa þe me swencað hy fægniað

page 24

366gif ic onstyred beo; ac ic þeah on þine mildheortnesse
367gelyfe.
368Min heorte blissað on þinre hælo, and ic singe þam Gode
369þe me eall god syleð, and lofie þinne naman, þu hehsta God.
370Se unrihtwisa cwyð on his mode, Nis nan God þe þis wite,
371oððe wræce:
372þonne byð þæt folc for þam cwyde gewemmed,
373and gescynded on heora wonwillan.
374Nis nan þe eallunga wel do, no forðon anlepe.
375Drihten locað of heofenum ofer manna bearn,

page 25

376and hawað hwæðer he geseo ænigne þæra, þe hine sece,
377oþþe hine ongite.
378Ac hi hine fleoð ealle endemes, and secað and lufiað þæt
379hy syn idle and unnytte: nis heora furðum an, þe eallunga
380wel do.
381Hi synt byrgenum gelice, seo byð utan fæger, and innan ful;
382heora tungan wyrcaþ mycel facn: þeah hi fægere sprecon,
383heora geþeaht, and heora willa, and heora weorc, byð swylce
384þære wyrrestan nædran attor, þa mon aspis hæt.
385Ðara muð byð symle full wyrignessa, and bitera worda, heora
386fet beoð swiðe hraðe blod to ageotanne, unþearfes, for
387yflum willan.
388And heora wegas beoþ symle gedrefede; hie wilniað ealle
389mægne oþera manna
390unsælþa, and him cymð sylfum þæt ylce: ne secað hi nane
391sibbe.
392Ne Godes ege ne byð beforan heora modes eagum; Hwi ne
393ongitað ealle, þe unriht wyrcað.
394Þa þe wilniað fretan min folc swa ænne hlæf; þa ne
395clypiað to Gode mid godum weorcum: hwi ne ongitað hi, þæt
396him cymð, þonne hi læst wenað, ege and ungelimp?
397Hwy ne ongitað hi, þæt God byð mid þam rihtwisran folce;
398Hwi gedrefe ge mines yrminges geþeaht; forþam God ys min
399geþeaht.

page 26

400Hwa arist elles of Syon to þæm þæt he sylle Israelum
401hælo, butan þu, Drihten, þe afyrst hæftnyd of þinum folce?
402Blissie nu, Iacobes cyn, and fægnian Israele.
403Drihten, hwa eardað on þinum temple, oððe hwa mot hine
404gerestan on þæm halgan munte?
405þa andswarode Drihten þæs witgan mode, þurh onbryrdnesse
406þæs halgan gastes; and cwæð se witga, Ic
407wat, þeah ic ahsige, Hwa þær

page 27

408eardað; Se þe ingæð butan wamme, and wyrcð rihtwisnesse.
409And se þe sprycð rihtwisnesse mid his tungan, and næfð
410nan facn on his mode.
411Ne his nyhstan nan yfel ne deð, ne nan edwit ne underfehð
412wið his nyhstan.
413And se þe þone awyrgdan for nawuht hæfð, and se þe þone
414rihtwisan weorþað, þone þe Godes ege hæfð.
415Se þe his nyhstan swereð, and hine mid treowum
416ne beswicð, and se þe his feoh to unrihtum wæstmsceatte ne
417syleð, ne nanes feos ne wilnað æt þam unscyldigan onfon.
418Se þe þus deð, ne wyrð he næfre astyred, ne scynd, on
419ecnesse.

page 28

420Gehealde me, Drihten, forþam ic hopige to ðe: hu ne sæde
421ic þe, Drihten, þæt þu eart min God; forþam þu me
422eall þa good sealdest þe ic hæbbe, and þe heora nan
423nydþerf nis eft on me to nimene.
424Drihten gefylde ealne minne willan, and me forgeaf, þæt ic
425moste ofercuman þa þeoda, þe me ungeðwære wæron, and
426heora hergas toweorpan, æfter minum agnum willan.
427Heora unmiht, and heora untrymð is swiðe gemanifealdod; nu
428swyðe hraðe hi forwurðað.
429Ne gaderie ic nan folc to unrihtum gewinne, swa swa hi doð;
430ne ic ne clypige to heora godum, ne to heargum ne gebidde mid
431mine muðe.
432Forþam þu, Drihten, eart se dæl mines yrfes, and se calic
433minre blisse; and þu eart se þe me geedniwodest min rice.
434þu gedydest þæt we mætan ure land mid rapum, and min hlyt
435gefeoll ofer þæt betste; forþam is min land nu foremære,
436and me swyðe unbleo.
437Ic bletsige þone Drihten, þe me sealde andgit; ac þeah he
438me þara uterrena gewinna gefreode, þeah winnað wið me þa
439inran unrihtlustas,

page 29

440dæges and nihtes, þæt ic ne eom þeah
441eallunga orsorh.
442Ic ongite Drihten, and he byð symle beforan þære ansyne
443mines modes; forþæm he bið symle on minum
444fultume, þæt ic ne beo eallunga oferswiðed.
445For þæm þingum, min mod is gelustfullod, and ic cyðe þa
446blisse on minre tungan, and on þæm tohopan ic me syððan
447gereste.
448Forþæm þu ne forlætst mine sawle, ne min mod to helle; ne
449þinne gehalgodan ne lætst forrotian, ne forweorðan.
450þu me gedydest lifes wegas cuðe, and gefylst me mid gefean,
451beforan þinre ansyne; for ælc riht lustbærnes cymð þurh
452þinne fultum, þæm þe heo cimð on ecnesse.

page 30

453Gehyr, Drihten, min gebed, and ongit mine rihtwisnesse.
454And onfoh mid þinum earum min gebed; forþon þu wast þæt
455ic butan facne to þe cleopige: beforan þe
456sy se dom betwuh me and him; geseon þine eagan þone rihtan
457dom betwuh us.
458þu hæfst afandod min mod, and þu come to me on niht, and
459me gemettest unrotne, and me sude mid þam fyre monegra
460earfoða, swa
461swa gold oþþe seolfor; and þu ne fundest on me nan unriht
462wiþ hi.
463Ne ic furðum nanum menn ne sæde eal þa earfoða, þe hi me
464dydon; for þam wordum þinra weolora ic geþolode hearde
465wegas, and manigfeald earfoðu.
466Geriht, Drihten, mine stæpas on þine wegas, þæt ic ne
467aslide, þær þær ic stæppan scyle.
468Forþam ic clypige symle to þe, forþam þu symle me
469gehyrdest; onhyld nu þine earan to me, and gehyr min word.
470Gewundra nu, and geweorða þine mildheortnesse on me, þu
471þe symle gehælst þa þe to ðe hopiað, and
472hi gehyldst wið þa þe winnað wið þinne willan.
473Geheald me, Drihten, and beorh me, swa

page 31

474swa man byrhð þam æplum on his eagum mid his bræwum; gehyd
475me under þinra fiðera sceade, wið þara unrihtwisena
476ansyne, þe wilniað þæt hi me fordon.
477Mine fynd me ymbhringdon utan on ælce healfe,
478and hi habbað ealle heora fætnesse, and heora tohopan,
479and heora weolan, swiþe orsorhlice utan bewunden, and
480sprecað nu forþi swiðe ofermodlice.
481Hy habbað me swyðe forsewenlice utan ymbstanden; þa eagan
482heora modes habbað geteohhad, þæt hi me
483gebygen oð eorðan.
484Hy sætiað min, and sittað swa gearwe swa seo leo deð to
485þam þe he gefon wyle, and swa swa his hwelp byð gehyd æt
486þære sæte.
487Aris, Drihten, and cum to me ær hie cumen, and gehwyrfe hi
488fram me, and ahrede mine sawle æt þam unrihtan wisan,
489and of þære wræce minra feonda alys me, mid þinre handa,
490and mid þine mægene.
491Drihten, gedo þæt heora menigo sy læsse þonne ure feawena
492nu is, and tostencte hi geond eorþan libbende of þis lande;
493gefyl hie nu mid þære witnunga, þe þu lange gehyd hæfdest,
494and þeah him geteohhod.

page 32

495Weorþen hi swa geðræste mid hungre, þæt hi eton
496swynenflæsc þæt Iudeum
497unalyfedlic ys to etanne and þæt þæt hi læfon healdan
498heora bearnum and heora bearna bearnum.
499Ic þonne rihtwis me oðywe beforan þinre ansyne, and beo
500þonne gefylled ealles goodes, þonne me byð æteawed
501ðin wuldor.
502Ic þe lufige, Drihten, forþæm þu eart min mægen;
503Drihten, þu eart min trymenes, and min friðstow.

page 33

504þu eart min alysend, and min God, and min gefultumend, to
505þe ic hopige.
506þu eart min scyldere, and se horn minre hælo, þu eart min
507fultumend ; herigende ic clypige to þe,
508Drihten, and fram minum feondum ic weorðe ahredd.
509Me ymbhringdon sar, and sorga, and granung, ful neah oð
510deað; and geotende stream unrihtwisnessa
511minra wiðerweardra me gedrefdon.
512Me ymbhringdon sar and manigfeald witu, ful neah anlic helle
513witum, and deaðes grynu me gefengon,
514and on eallum minum earfoðum ic clypige to Drihtne, and to
515minum Gode ic cige.
516And he gehyrde of his þam halgan temple mine stemne, and
517min gehrop com beforan his ansyne, and
518eac on his earan hit eode.
519And astyred wæs and acwacode seo eorðe minra feonda, and se
520grundweall þara munta wæs tohrered; þæt is þæt mægen
521minra ofermodena feonda hy wæron astyrede, forþam him wæs
522God yrre.
523Forþam astah smec for his yrre, and fyr blysede beforan his
524ansyne.
525Gleda wæron onælde fram him; he onælde heofonas, and astah
526me on fultum; and seo

page 34

527eorðe wæs gesworcen and aðystrod
528under his fotum.
529And he astah eft ofer cherubin, and he fleah; and he fleah
530ofer winda fiðeru.
531And let betwux him
532and minum feondum, þæt he næfre gesewen fram him, and he
533wæs þeah swiðe leoht on his temple; þa hangode swiðe
534þystru wæter on þam wolcnum, and on þære lyfte.
535And þa urnan swa swa ligetu beforan his ansyne, and he
536gemengde hagol and fyres gleda.
537And worhte þunorrada on heofonum, and se hyhsta sealde his
538stemne.
539He sende his strælas , and hi tostencte, and
540gemanigfealdode his ligeta, and gedrefde hig mid þy.
541And eorðan wæter ut fleowan, and seo eorðe wæs astyred,
542and on manegum stowum gehropen;
543For þinum þrean, and for þinum yrre.
544Drihten sende of his heanesse, and ahredde me æt þam
545ofermætum wæterum.
546And of minum strengestum feondum, and for eallum þam þe
547me hatedon; forþam hi wæron gestrangode ofer me.

page 35

548Hie me bregdon swiðe swiðlice on þam dagum, þe
549ic geþræsted wæs, and Drihten wæs geworden min scyld,
550and he me gelædde on rymet of minum nearonessum, and
551gedyde me halne, forþam he me wolde.
552And he me geald æfter minre rihtwisnesse, and æfter þære
553unscæðfulnesse minra handa he me geald.
554Forþam ic heold Godes wegas, and his bebodu, and ic ne
555dyde arleaslice, ne unhyrsumlice wið minne Drihten.
556Forþam ealle his domas beoð symle beforan minre ansyne,
557and his rihtwisnessa ic ne awearp fram me.
558Forði ic weorðe unwemme beforan him, and ic me behealde
559wið min unriht.
560And me gylt Drihten æfter minre rihtwisnesse, and æfter
561þære unscæðfulnesse minra handa beforan his eagum.
562Ac beo þu halig, Drihten, wið þa halgan, and unsceðfull
563wið þa unsceðfullan, and gecoren wið þa gecorenan, and
564hwyrf þe wið þa forhwyrfdan.
565Forþam ic wat þæt þu symle eadmod folc gehælpst, and
566þa eagan þara ofermodena þu geeaðmetst.

page 36

567Forþam þu onælest min leohtfæt; Drihten, min God,
568onlyht mine þystru.
569Forþam ic weorðe fram þe alysed æt costingum, and,
570þurh mines Godes fultum, ic utgange ofer minre burge weall,
571þeah heo sy utan behringed mid minum feondum.
572Drihten, min God, unwemme synt þine wegas: Godes word synt
573amered on fyre; he is gefriþiend ælces þara, þe him
574tohopað.
575Hwylc ys God butan uran Gode; oððe hwylc Drihten butan urum
576Drihtne?
577Se God me gegyrde mid mægnum, and mid cræftum, and gesette
578mine wegas unwæmme.
579He gedyde mine fet swa geræde swa swa heorotum, and me
580gesette ofer heanesse.
581He gelærde mine handa to gefeohte, and he gedyde mine earmas
582swa strange swa ærenne bogan.
583And þu, Drihten, sealdest me gescyldnesse þinre hælo, and
584þin swiðre hand me underfeng, and þin lar me getyde.
585þu gebræddest mine stæpas under me, þæt mine fet ne
586slideredon.
587Ic ehte minra feonda, and ic hie gefeng, and ic ne geswac,
588ær hie forwurdon; ic hie gebigde þæt hie ne mihton
589gestandan ongean me, ac feollon under mine fet.

page 37

590þu me begyrdest mid mægenum, and mid cræftum to wige;
591þu gedydest me underþeodde þa þe wið me upparison,
592and minra feonda bæc þu onwendest to me, and me
593hine gesealdest, and þu tostenctest þa þe me hatedon.
594Hy clypodon, and næs þara þe hig gehælde; hy clypodon to
595heora godum, and hy noldon gehyran.
596Forþam ic hi todælde swa smæle, and swa swa dust beforan
597winde, and hi adilgode swa swa wind deð
598dust on herestrætum.
599Gefriða me, Drihten,
600wið þises folces unhyrsumnesse; forþam þu me gesettest him
601to heafde, and eac oðrum ðeodum.
602And þæt folc me þeowode, þæt ic næfre ne cuðe; hy
603onhyldan heora earan to minum wordum, and gehyrdon me.
604Ac þa ælðeodgan bearn me oflugon, and, þeah hi
605forealdedon on minum ðeowdome, hy healtodan on heora wegum,
606forþam hi hyra willum ne heoldon Iudea æ.
607Min Drihten leofað symle, and he byð symle gebletsad, and
608he is upahafen, Drihten min Hælend.
609Þu eart soð God, þu þe me sealdest þæt ic

page 38

610meahte swylc wite don minum feondum, and me
611swylc folc underþydes.
612Þu eart min alysend fram þam þeodum þe wið me yrsiað,
613and me upp ahefst ofer ða þe arison wið me, and fram þam
614unrihtwisan were þu me alysdest.
615Forþam ic ðe andette, Drihten, beforan folcum, and on
616þinum naman ic singe sealmas.
617Gemicla nu, and gemonigfealda þa hælo þæs cynges, ðe ðu
618gesettest ofer folcum; and do mildheortnesse þinum gesmyredan
619Dauide, and his cynne on ecnesse.
620Heofonas bodiað Godes wuldor, and his handgeweorc bodiað
621þone rodor.

page 39

622Se dæg segð þam oðrum dæge Godes wundru, and seo niht
623þære nihte cyð Godes wisdom.
624Nis nan folc on eorðan, ne nan mennisc geþeode, þe ne gyre
625mistlica Godes gesceafta.
626Ofer ealle eorðan færð heora stemn, ofer ealle eorðan
627endas heora word.
628Drihten timbrede his templ on þære sunnan: seo sunne arist
629swiðe ær on morgen up, swa swa brydguma of his brydbure.
630And heo yrnð swa egeslice on hyre weg, swa swa gigant yrnð
631on his weg;
632heo stihð oð þæs heofenes heanesse, and þanon astihð;
633and swa yrnð ymbutan, oð heo eft þyder cymð;
634ne mæg hine nan man behydan wið hire hæto.
635Godes æ is swiðe unleahtorwyrðe, forþæm heo hwyrfð
636manna mod and heora sawla to Gode; Godes bebod
637is swiðe getrywe, Godes rihtwisnessa synt swiðe rihta,
638forðæm hy geblissiað manna heortan; Godes
639bebod is swiðe leoht, hit onliht þa eagan; ægþer ge modes
640ge lichaman.
641Godes ege is swiðe halig, he þurhwunað a worlda world;
642Godes domas synt swiðe soðe, hi synt gerihtwisode on him
643sylfum.
644Hy synt ma to lufianne þonne gold oððe

page 40

645deorwurðe gimmas, and hi synt swetran ðonne hunig oððe
646beobread.
647Forþæm ðin ðeow hi hylt; on heora gehyldnesse is mænig
648edlean.
649Hwa ongyt his uncysta; from þæm ðe me beholen synt,
650geclænsa me, Drihten, and from ælðeodegum feondum spara me
651þinne ðeow, Drihten.
652Gif mine fynd ne ricsiað ofer me, þonne beo ic unwemme, and
653beo geclænsod from þæm mæstum scyldum; ac gif hi me
654abysgiað, þonne ne mæg ic smeagan mine unscylda, ne eac
655ðinne willan ne mæg smeagan to wyrcanne.
656Gif ðu me þonne fram him alyst, þonne sprece ic þæt þe
657licað, and mines modes smeaung byð symle beforan ðinre
658ansyne.
659Drihten, þu eart min fultum, and min alysend.

page 41

660Gehyre ðe Drihten on þæm dæge þinra earfoða, gefriðie
661þe se nama Iacobes Godes.
662And onsende þe fultum of his þam halgan temple, and of Sion
663gehæle ðe.
664Gemyndig sy Drihten ealra þinra offrunga, and þin ælmesse
665sy andfengu.
666Gylde þe Drihten æfter
667ðinum willan, and eall ðin geðeaht he getrymie;
668þæt we moton fægnian on ðinre hælo, and on ðæm naman
669Drihtnes ures Godes we syn gemyclade.
670Gefylle Drihten eall þin gebedu: nu we ongitað þæt
671Drihten wile gehælan his þone gesmyredan, and ðone
672gehalgodan, and he hine gehyrð of his þam halgan
673heofone: swiðe mihtig is seo hælo his ðære
674swyðran handa.
675On rynewænum, and on horsum, ure fynd fægniað, and þæs
676gilpað; we þonne on þæm naman Drihtnes ures Godes us
677micliað.
678Hy synd nu gebundne, and hi afeollon, and we soðlice arison,
679and synt uppahafene.
680Drihten, gehæl urne kyning, and gehyr us on ðæm dæge, þe
681we ðe to clypiað.

page 42

682Drihten, on ðinum mægene nu blissað ure kyning, and for
683þinre hælo he fægnað swiðe swiðlice.
684Forðæm þu him sealdest his modes willan, and þæs þe he
685mid his weolorum wilnade, þæs þu him ne forwyrndest.
686Mid þære swetnesse þinra bletsunga þu wære hrædra to
687his fultume þonne he wende; þu sendest his heafod kynegold,
688mid deorwyrþum gimmum astæned.
689He bæd langes lifes, and þu hit him sealdest a worlda
690world.
691Swiðe micel is his wuldor .

page 43

692Drihten, Drihten, min God, beseoh to me; hwi forlete þu me
693swa feor minre hælo?
694Ic clypige dæges and nihtes to ðe, and andette mine scylda,
695and seofige min ungelimp, and þu hit ne gehyrst:
696ac ne understand þu hit me to unrihtwisnesse,
697forðæm ic þe nane oðwite, þæt þu me ne gehyrst,
698ac minum agnum scyldum ic hit wite.
699ðu wunast on halgum stowum, Drihten, Israela lof: to þe
700hopedon ure fæderas, hi hopedon to þe, and þu hi alysdest.
701Hy clypodon to ðe, and hi wurdon forði gehælde; hi
702hopedon, and hi þæs ne sceamode.
703Ic eam wyrme gelicra ðonne men; forþam ic

page 44

704eom worden mannum to leahtrunge , and to forsewennesse,
705and ic eom utaworpen fram him of heora gesomnunga, swa þes
706wyrm.
707ælc þæra þe me gesyhð, he me forsyhð and onscunað; hi
708sprecað mid heora welerum, and wecgað heora heafdu,
709and cweðað.
710He hopode to Drihtne, alyse he hine; nu he gealp, þæt he
711hine lufode.
712Drihten, þu eart se þe me gelæddest of minre modor
713innoðe; þu wære min tohopa, syþþan ic fram minre modor
714breoston gelæd wæs; þinre gymenne ic wæs beboden;
715syððan ic of hire innoðe eode, þu wære min God.
716Ne gewit þu fram me; forþam me synt earfoðu swyðe neh,
717and nis nan oþer þe wylle oððe mæge me gehelpan.
718Me ymbhringdon swiðe mænige calfru, þæt synt lytle and
719niwe fynd and þa fættan fearas me ofsæton,
720þæt synd strengran fynd.
721Hi todydon heora muð ongean me, swa swa leo, þonne he
722geonað, and grymetað, and gefehð þæt þæt he
723wyle: eall min mægen is tostenged, and to nauhte worden,
724swa swa þæt wæter, þæt þe byð utagoten.
725Min heorte and min mod is gemolten, swa þæt weax, on innan
726me.

page 45

727And min mægen ys forsearod, swa swa læmen crocca, and min
728tunge ys gecleofod to minum gomum, and to deadum duste ful
729neah mine fynd me geworhton.
730Forðan me ymbhringdon swiðe mænige hundas, and seo
731gegaderung þara awyrgedra me ofsæton.
732Hy þurhdulfon mine handa and mine fet, and gerimde eall min
733ban þæt ys min mægn, and mine getrywan frynd, þam ic
734getruwode, swa wel swa minum agenum limum.
735Hy me hawodon and me beheoldon, and gedældan him min
736hrægl, and þæt tohlutan.
737Ac, la Drihten, ne afyr þinne fultum fram me, ac loca to
738minre generennesse.
739Ahrede mine sawle æt heora sweordum, and of þæs hundes
740handa, min lif.
741Gefriða me of þæs
742leon muðe, and of þam hornum þara anhyrna gefriða me
743yrming.
744Ic þonne bodie þinne naman minum broðrum; on midre heora
745gesomnunge ic þe herie, and cweþe to him.
746Se þe Drihten ondræde herie hine, eall Iacobes cynn:
747Ondræde hine eall Israela cynn, forþam he

page 46

748na forsyhð, ne ne awyrpð earmra manna gebeda, ne he
749his andwlitan ne awende fram me; ac þonne ic clypode
750to him, þonne gehyrde he me.
751Beforan þe byð min lof on þære myclan cyrcan; ic gylde
752min gehat Drihtne, beforan þam þe hine ondrædað.
753þonne etaþ þa þearfan, and hi beoð gefyllede, and
754heriað þonne Drihten þa þe hine secað.
755And heora heortan onfoð mægene, and libbað a worlda world:
756þonne gemunan þæt eall eorðgemæru, and
757gecyrrað ealle to Drihtne;
758And gebiddað hy to him ealle þeoda, and ælc cynn; forþam
759ðe Drihtnes synd þa ricu, and he wylt ealra þeoda.
760Hy etað, and hy gebiddað ealle þa welegan, geond þas
761eorþan; beforan his ansyne cumað ealle þa þe on eorðan
762astigað.
763And min sawl him leofað, and min sæd him þeowað.
764And hy bodiað Drihten, ure cyn þæt æfter us cymð; and
765heofonas bodiað his rihtwisnesse þam folcum
766þe þonne beoð acende, þa worhte Drihten.

page 47

767Drihten me ræt, ne byð me nanes godes wan, and he me geset
768on swyðe good feohland.
769And fedde me be wætera staðum, and min mod gehwyrfde of
770unrotnesse on gefean.
771He me gelædde ofer þa wegas rihtwisnesse, for his naman.
772þeah ic nu gange on midde þa sceade deaðes, ne ondræde ic
773me nan yfel.
774forþam þu byst mid me, Drihten;
775þin gyrd and þin stæf me afrefredon, þæt is þin þreaung
776and eft þin frefrung.

page 48

777þu gearwodest beforan me swiðe bradne beod, wið þara
778willan, þe me hatedon.
779þu gesmyredest me mid ele min heafod: Drihten, hu mære
780þin folc nu is, ælce dæge hit symblað.
781And folgie me nu þin mildheortnes, ealle dagas mines lifes.
782Þæt ic mæge wunian on þinum huse, swiþe lange tiid,
783oð lange ylde.
784Drihtnes ys eorðe and eall þæt heo mid gefyld is;
785and eall mancynn, þe þæron eardað, is Drihtnes.

page 49

786He gesette þa eorþan ofer þære sæ, and ofer ðam eam he
787hi gestaðelode.
788Hwa is þær wyrðe, þæt astige on Godes munt; oþþe hwa
789mot standan on his halgan stowe?
790He byð þæs wyrðe, þe unscæðfull byð mid his
791handum, and clæne on his heortan; se þe ne hwyrfð his mod
792æfter idlum geþohtum, and him mid weorcum fulgæð,
793þeah hi him on mod cumen; ne nænne að ne swerað,
794to biswice his nyhstan.
795Se þe swylc byð, he onfehð bletsunge fram Gode and
796miltse æt Drihtne Hælende.
797þyllic byð þæt cyn þe God secð, and þa þe secað
798þone andwlitan Iacobes Godes.
799Undoð nu eowre geatu, ge ealdormen, and onhlidað þa ecan
800geata; forþan þe ingæð se kyning, þe God
801gewuldrod hæfð, and geweorðod; þa andswarode þæt folc,
802and cwæð.
803Hwæt is þes wuldorfæsta
804kyning; Hit is ure hlaford, strang and mihtig, se þe hæfde
805anweald on gefeohte.
806Gedoð nu, ealdormen, eowre geatu, and onhlidað eowre ecan
807geatu; forþam þær inngæð

page 50

808se kyning, þe God gewuldrod hæfð, and geweorðod.
809Hwæt is se gewuldroda kyning; Hit is se wuldorfæsta, se þe
810God fore wyrcð swylc wundru.
811To þe ic hæbbe, Drihten, min mod and mine sawle; Drihten,
812min God, to þe ic hopige, and ic þæs næfre ne sceamige.
813Ne mine fynd me næfre forðy ne bysmrian; ne nan þæra,
814þe to þe hopað, ne wyrð gescended.
815Scamien heora ealle þa unrihtwisan, þe idelnesse
816wyrcað: Drihten, gedo me þine wegas cuðe, and lær me þine
817paðas.
818Geræd me, and gerece on þinre soðfæstnesse, and lær me,
819forþam þu eart Drihten min

page 51

820Hælend; ælce dæge ic anbidige þines fultumes.
821Gemun, Drihten, þinra miltsunga, and þinre mildheortnesse,
822þe fram fruman worlde wæs.
823Þa scylda mines iugoðhades ne gemun þu, Drihten, ne huru
824þa þe ic ungewisses geworhte; þæt synt,
825þa þe ic wende þæt nan scyld nære ac for þinre myclan
826mildheortnesse, beo þu min gemyndig, Drihten.
827Forþam gesette God æ scyldiendum BRIGHT AND RAMSAY:
828æscyldiendum on heora wegum, and geriht þa manðwæran
829on domum, and him getæceð his wegas.
830For þinre godnesse, Drihten, þu eart swete, and wynsum, and
831eac rihtwis; Ealle Godes wegas syndon
832mildheortnes, and rihtwisnes, ælcum þæra þe his æ
833secað, and his bebodu lufiað.
834Drihten, for þinum naman
835beo þu forgifende mina synna, forþy hi synt swyðe mycele.
836Hwa hwylc mann swa Drihten ondræt, he him geset þa æ, and
837him sylð þæt geþeaht on þone weg, þe heora ægðrum
838licað ge Gode ge eac þam men.
839His sawl hi gerest softe on monegum goodum, and his sæd on
840ece yrfeweardnesse gesit eorðan.
841Drihten is mægen and cræftig ælces þæra þe hine
842ondræt, and he him getæcð eallum his willan.

page 52

843Symle lociað mine eagan to Gode; forþam he alysð mine fet
844of gryne.
845Geloca to me, Drihten, and gemiltsa me; forþam ic eom ana
846forlæten, yrming.
847And þa earfoðu minre heortan synd swyðe tobræd, and
848gemanigfealdod; gedo forþi, Drihten, þæt þu me gefriðie
849æt minre nydþearfe.
850Geseo mine eaðmetto, and mine earfoða, and forgif ealle
851mine scylda.
852And geseoh eac mine
853fynd; forþam hi synt swyþe gemanigfealdode, and geseoh hu
854unrihtlice hi me hatiað.
855Geheald mine sawle, and gefriða me, þæt me ne sceamie,
856þæs þe ic to þe clypige.
857þa unsceðfullan, and þa rihtwisan, þa þe begangað,
858coman to me, wendon þæt me sceolde cuman sum fultum, and sum
859frofor fram þe; forþam ic symle þæs anbidode, and wilnode,
860and wende æt þe, Drihten.
861Gefriða me, Drihten, Israela God, of eallum minum
862nearonessum.

page 53

863Dem me, Drihten, forþam ic eom unscyldig wið þas mine
864fynd, and ic hopige to Drihtne, and ic ne weorðe forþi
865geuntrumod.
866Fanda min, Drihten, and smea mine geþohtas.
867Forþan þin mildheortnes is beforan minum eagum, and ic
868symle tilode, mid rihtwisnesse, þe and him to licianne.
869Ne sæt ic na on þære samnunge idelra manna, and unnytra;
870ne ic ineode on þæt geþeaht unrihtwyrcendra;
871Ac ic hatode þa gesamnunge unrihtwisra; forþam ic næfre
872ne teolade sittan on anum willan mid þam arleasum.
873Ac ic wilnode symle þæt ic aðwoge mine

page 54

874handa betwuh þam unscæððigum; þæt is þæt
875ic wære unscyldig betwuh him þæt ic meahte hweorfan
876ymb þinne þone halgan alter, Drihten.
877And þær gehyran þa stemne þines lofes, and þæt ic mæge
878cyþan eall þin wundru.
879Drihten, ic lufode þone wlite þines huses, and þa stowe
880þines wuldorfæstan temples.
881Ac ne forleos mine sawle ongemang þam arleasum, ne min lif
882betwuh þam manslagum, þæra handa and þæra weorc syndon
883fulle unrihtwisnesse.

page 55

884Drihten is min onlyhtend, and min Hælend; hwæt þearf ic
885ondrædan?
886Drihten is scyldend mines lifes; hwy sceal ic beon afærd?
887þonne me togeneahlæhton mine fynd, me to derianne, swylce
888hi woldon fretan min flæsc; þa þe me swencton, hi wæron
889sylfe geuntrumode, and gefeollon.
890þeah hi nu gyt wyrcen getruman, and scyldridan wið me, ne
891byð min heorte nawuht afæred; þeah hi arisan ongean me to
892feohtanne, to þam Gode ic hopie, þe me ær gefreode.
893And geseon Godes willan,
894and þone ongitan, and he me gefriðie on his þam halgan
895temple.
896Forþam he me gehydde on his temple, on þam yflum
897dagum he me gefriðode, on þam sceade his geteldes and his
898temples; and he me ahof uppon heanne stan.
899And huru nu hæfð min heafod uppahafen ofer mine fynd;
900forþæm ic ymbhweorfe þin þæt halige tempel, Drihten,
901and þær offrige, on þinum huse, þa offrunga;
902sangas ic singe, and secge Gode lof.
903Gehyr, Drihten, mine stefne, mid þære ic clypige to þe;
904gemiltsa me, and gehyr me.

page 56

905To þe cwyð min heorte, Ic sohte þine ansyne; ic sece gyt
906symle, Drihten.
907Ne awend þu þine ansyne fram me, ne þe næfre yrringa acyr
908fram þinum þeowe.
909þu eart min fultumend, Drihten; ne forlæt me, ne ne forseoh
910me, Drihten, min Hælend.
911Forþam min fæder
912and min modor me forleton, ac Drihten me ne forlet.
913Gesete me æ, Drihten, on þinum wege, and gerece me on
914rihtne pæð, fore minum feondum.
915And ne syle me to þara modes willan, þe min ehtað;
916forðam arison ongean me lease gewitnessa, and heora leasung
917wæs gecyrred to heom sylfum.
918Ic gelyfe þæt ic geseo Godes good on libbendra lande.
919Hopa nu, min mod, to Drihtne, and gebid his willan, and do
920esnlice, and gestaþela, and gestranga
921þine heortan, and geþola Drihtnes willan.

page 57

922To þe ic cleopige , Drihten, min God; ne swuga, ac dem,
923and miltsa
924me; gif þu swa ne dest, þonne beo ic gelicost þam þe
925afylð on pytt.
926Ac gehyr þa stemne mines gebedes; forþam ic nu to þe
927clypige, and mine handa upphebbe to þinum þam halgan temple.
928Ne syle me, ne ne send mid þam synfullan, and mid þam
929unrihtwyrcendum, ne forleos me.
930Ne me ne fordo mid þam þe luflice sprecað

page 58

931to heora nyhstum, and habbað þeah facn on heora heortan.
932Ic wat þæt þu sylst him edlean be heora gewyrhtum, and
933æfter þam unrihte, þe hi an swincað, þu heom gyldest.
934ðu heom sylst edlean; forþam hy ne ongitað þin weorc, ne
935þa ne geseoð.
936Þu hi towyrpst, and hi eft getimbrast; Gebletsod sy
937Drihten, forþam þe he gehyrde þa stemne mines gebedes.
938Drihten is min scyltumend, and min gescyldend; on hine gehyht
939mine
940heorte, and he me gefultumað.
941Drihten is strengo his folces, and gescyldend þære hælo
942his gesmyredan.
943Gehæl, Drihten, þin folc, and gebletsa þin yrfeland, and
944gerece þa þe þæron eardiað, and hi uppahefe on ecnesse.

page 59

945Ge Godes bearn, bringað eow sylfe Gode, and bringað him eac
946eowra ramma bearn.
947And bringað eac Drihtne wuldor and weorðmynd, and bringað
948wuldor Drihtnes naman.
949And gebiddað eow to Gode, on his halgan healle :

page 60

950ealle Godes word is ofer wætrum, and hy gehæft;
951he is mægenþrymmes God, and
952he þunrað ofer manegum wæterum, and mycelum.
953Godes word is on mycelum mægene, and mycelu þing deð.
954þæs Godes word brycþ cedortreowu, and symle se God brycð
955þa hean ceder treowu on Libano, þam myclan munte:
956þa treowa tacniað ofermodra manna anweald Drihten forbrycð
957and forbryt þa myclan cedertreowu, emne swa þa lytlan
958onwæstmas BRIGHT & RAMSAY: on wæstmas ; þa owæstmas
959beoð swa mycle, and swa fægere
960swa swa þæs deores bearn, þe unicornus hatte.
961Godes word adwæscð fyres lig; Drihten ahrysode þa westan
962eorþan, and astyrede þa westan stowe, þe is gehaten Cades.
963And he gedyde þæt þa fynd flugan swa heortas, and he
964onwreah þa eorðan, þe ær wæs oferþeaht mid feondum;
965cumon nu forþi ealle to his temple, and secgon him þæs lof.
966Drihten us gedyde, þæt we moston buian æfter þam folce:
967se Drihten is ure kyning, se sitt on ecnesse ofer us.
968Drihten sylþ his folce mægen, and gebletsað his folc on
969sibbe.

page 61

970Ic fægnige, Drihten, and þe herige; forþam þu me
971gefriðadest, and þu ne lete mine fynd min fægnian.
972Drihten, min God, ic clypode to þe, and þu me gehældest,
973and atuge mine sawle of neolnessum, and of helle, and me
974gehældest fram þæra geferscipe, þe feollon on pytt.

page 62

975Heriað nu Drihten, ealle his halige, and andetað þæt
976gemynd his halignesse.
977Forþam open wracu ys on his yrsunga, and soð lif on þam
978þæt man wrece his willan.
979þeah we wepon on
980æfen, he gedeð þæt we hlihhað on morgen.
981Ic cwæð on minum wlencum, and on minre orsorhnesse, Ne wyrd
982þises næfre nan wendincg.
983Forþam þu me sealdest, on ðinum goodan willan, wlite and
984mægen; þa awendest þu þinne andwlitan fram me, þa wearð
985ic sona gedrefed.
986þa clypode ic eft to þe, and gebæd me to minum Drihtne,
987and cwæð, Drihten, hu nyt is þe min slæge, oþþe min
988cwalu, oððe min rotung on byrgenne?
989Hwæðer þe þæt dust herige, on þære burgene; oþþe
990hwæðer hit cyðe þine rihtwisnesse?
991þa gehyrde Drihten þa word, and gemildsade me; he wearð me
992to fultume.
993Drihten, þu gehwyrfdest minne heaf and mine seofunga me to
994gefean; þu totære min hwite hrægl, and
995þu me gebyrgdest mid gefean; forþam hit ys cyn þæt
996min wuldor, and min gylp þe herige, þæt ic ne
997wurðe gedrefed.
998Drihten, min God, on ecnesse ic þe herige.

page 63

999To þe ic hopige, Drihten, ne gesceamað me næfre þæs; on
1000þinre rihtwisnesse alys me, and gefriða me.
1001Onhyld to me þine earan, and efste þæt þu me gefriðie.
1002And beo min God, and min gefriðiend, and beo min friðstow,
1003and gedo me halne.
1004Forþam þu eart min trymnes and min gebeorh,

page 64

1005TORONTO CORPUS: andand on þinum naman ic þe healsige,
1006þæt þu beo min ladþeow, and me fede.
1007And alæd me of þysum grynum, þe her gehydde synt beforan
1008me, forþam þu eart min gescyldend, Drihten, an þine handa
1009ic befæste mine sawle.
1010þu me ahreddest, Drihten, rihtwisnesse God; þu hatodest þa
1011þe beeodon idelnesse, and eac þa þe unnyt worhton.
1012Ic þonne symle hopige to Drihtne, and fægnie, and
1013wynsumige, and blissige on þinre mildheortnesse.
1014Forþam þu gesawe mine eadmodnesse, and þu gedydest hale
1015æt nydþearfe mine sawle, and me ne demdes on minra feonda
1016handa.
1017Ac asettest mine fet on swyðe brad land: gemiltsa me nu,
1018Drihten, forþam ic swince.
1019Mine eagan wæron gedrefede and afærde, for þinum yrre; and
1020eac swa ilce, min mod and min maga;
1021Forþam full neah on þam sare geteorode and geendode min lif,
1022and min gear wæron on sicetunga, and on gestæne.
1023And geuntrumod wæs for wædle, and for yrmðum, min mægen;
1024and min ban wæron gedrefedu, and full neah forod.

page 65

1025Ofer ealle mine fynd ic eom geworden to edwite, and minum
1026neahgeburum swiðost; ic eom worden him to ege, and eallum
1027þam þe me cunnon.
1028þa þe me gesawon, hi me flugon: ful neah ic afeoll, swa swa
1029se þe byð dead on his heortan, and on his mode;
1030and ic wæs swylce forloren fæt, and tobrocen;
1031Forþam ic gehyrde manegra manna edwit,
1032þe me ymbutan budon.
1033And swa hwær swa hi hi gegaderodon ealle togædere, to þam
1034þæt hy þeahtodon, hu hi mihton geniman mine sawle.
1035And ic þeah, Drihten, to þe hopode, and sæde þæt þu
1036wære min God: on þinum handum synd þa lenga minra tida.
1037Alys me, and gefriða me of minra feonda handum, and fram
1038þam þe min ehtað.
1039And onliht þinne andwlitan ofer þinne þeow, and gedo me
1040halne for þinre mildheortnesse, and gedo þæt me ne
1041gesceamige, forþam ic cleopode to þe.
1042Ac þeah sceal gescamian þa unrihtwisan, and hi beoð gelæd
1043to helle; and adumbiað þa facnfullan weoloras, þa þe
1044sprecað wið þone rihtwisan unriht, on heora ofermettum,
1045and on heora leahtrunga .

page 66

1046Eala, Drihten, hu micel and hu manigfeald is seo mycelnes
1047þinre swetnesse, þe þu hæfst gehyd and gehealden þam
1048þe þe ondrædað: þa swetnesse þu him ne lætst næfre
1049aspringan, nanum þæra þe to þe hopiað beforan manna
1050bearnum.
1051þu hi gehydst and gehyldst hale and orsorge, ægðer ge
1052modes ge lichaman, butan ælcere gedrefednesse, þe menn
1053þrowiað.
1054þu hi gescyldst on þinum temple, wið ælcere tungan
1055leahtrunge.
1056Gebletsod sy Drihten; forþam he swa wuldorlice gecydde his
1057mildheortnesse me, on þære fæstan byrig.
1058Ic cwæð on minre fyrhto, þæt ic wære aworpen of þinra
1059eagena ansyne;
1060And þu þa forþi gehyrdest
1061þa stemne minra gebeda, þa ic to þe cliopode.
1062Lufiað nu forþan Drihten ealle his halgan; forþam
1063rihtwisnesse God lufað and secð, and
1064forgylt be fullan ælcum þe ofermetto doð.
1065Ac doð esnlice, and gestrangiað eowere heortan, and eower
1066mod, ælc þæra þe to Gode hopige.