page 18

1B9.2.2
2    bið swiðe god to sciprapum.
3Se hwæl bið micle læssa þonne oðre hwalas: ne bið he
4lengra ðonne syfan elna lang.
5Ac on his agnum lande is se betsta hwælhuntað: þa beoð
6eahta and feowertiges elna lange, & þa mæstan
7fiftiges elna lange.
8þara he sæde þæt he syxa sum ofsloge syxtig on twam dagum.
9He wæs swyðe spedig man on þæm æhtum þe heora speda on
10beoð, þæt is, on wildrum.
11He hæfde þagyt, ða he þone cyningc sohte, tamra deora
12unbebohtra syx hund.
13þa deor hi hatað hranas; þara wæron syx stælhranas; ða
14beoð swyðe dyre mid Finnum, for ðæm hy foð þa
15wildan hranas mid.
16He wæs mid þæm fyrstum mannum on þæm lande: næfde he
17þeah ma ðonne twentig hryðera, & twentig sceapa,
18& twentig swyna; & þæt lytle þæt he erede he erede mid
19horsan.
20Ac hyra ar is mæst on þæm gafole þe ða Finnas him
21gyldað.
22þæt gafol bið on deora fellum, & on fugela feðerum, &
23hwales bane, & on þæm sciprapum, þe beoð of hwæles
24hyde geworht, & of seoles.
25æghwilc gylt be hys gebyrdum.
26Se byrdesta sceall gyldan fiftyne mearðes fell, & fif hranes,
27& an beren fel, & tyn ambra feðra, &
28 berenne kyrtel oððe yterenne, & twegen sciprapas; ægþer
29sy syxtig elna lang, oþer sy of hwæles hyde
30geworht, oþer of sioles.
31He sæde ðæt Norðmanna land wære swyþe lang & swyðe
32smæl.
33Eal þæt his man aþer oððe ettan oððe erian mæg þæt
34lið wið ða sæ; & þæt is þeah on sumum stowum swyðe
35cludig; & licgað wilde moras wið eastan & wið uppon
36emnlange þæm bynum lande.
37On þæm morum eardiað Finnas.
38& þæt byne land is easteweard bradost, & symle swa norðor
39swa smælre.
40Eastewerd hit mæg bion syxtig mila brad, oþþe hwene
41bradre ; & middeweard þritig oððe bradre; & norðeweard
42he cwæð, þær hit smalost wære, þæt hit mihte
43beon þreora mila brad to þæm more; & se mor syðþan,
44on sumum stowum, swa brad swa man mæg on twam wucum
45oferferan; & on sumum stowum swa brad swa
46 man mæg on syx dagum ofer feran.

page 19

47Ðonne is toemnes þæm lande suðeweardum, on oðre healfe
48þæs mores, Sweoland, oþ þæt land norðeweard;
49 7 toemnes þæm lande norðeweardum Cwena land.
50þa Cwenas hergiað hwilum on ða Norðmen ofer ðone mor,
51hwilum þa Norðmen on hy.
52& þær sint swiðe micle meras fersce geond þa moras; &
53berað þa Cwenas hyra scypu ofer land on ða meras,
54& þanon hergiað on ða Norðmen; hy habbað swyðe
55lytle scypa & swyðe leohte.
56Ohthere sæde þæt sio scir hatte Halgoland þe he on bude.
57He cwæð þæt nan man ne bude be norðan him.
58þonne is an port on suðeweardum þæm lande, þone man
59hæt Sciringes heal.
60þyder he cwæð þæt man mihte geseglian on anum monðe, gyf
61man on niht wicode, & ælce dæge hæfde ambyrne
62wind; & ealle ða hwile he sceal seglian be lande.
63& on þæt steorbord him bið ærest Iraland, & þonne ða
64igland þe synd betux Iralande & þissum lande.
65þonne is þis land oð he cymð to Scirincges heale, & ealne
66weg on þæt bæcbord Norðweg.
67Wið suðan þone Sciringes heal fylð swyðe mycel sæ up in
68on ðæt lond; seo is bradre þonne ænig man ofer seon mæge.
69& is Gotland on oðre healfe ongean, & siððan Sillende.
70Seo sæ lið mænig hund mila up in on þæt land.
71& of Sciringes heale he cwæð þæt he seglode on fif dagan
72to þæm porte þe mon hæt æt Hæþum; se stent
73 betuh Winedum, & Seaxum, & Angle, & hyrð in on Dene.
74ða he þiderweard seglode fram Sciringes heale, þa wæs him
75on þæt bæcbord Denamearc, & on þæt steorbord
76widsæ þry dagas; & þa, twegen dagas ær he to Hæþum
77come, him wæs on þæt steorbord Gotland, & Sillende,
78& iglanda fela.
79On þæm landum eardodon Engle, ær hi hider on land coman.
80& hym wæs ða twegen dagas on ðæt bæcbord þa igland þe
81in Denemearce hyrað.
82Wulfstan sæde þæt he gefore of Hæðum, þæt he wære on
83Truso on syfan dagum & nihtum, þæt þæt scip wæs
84ealne weg yrnende under segle.
85Weonoðland him wæs on steorbord, & on bæcbord him wæs
86Langaland, & Læland, & Falster, & Sconeg; & þas
87land eall hyrað to Denemearcan.
88& þonne Burgenda land

page 20

89wæs us on bæcbord, & þa habbað him sylf cyning.
90þonne æfter Burgenda lande wæron us þas land, þa synd
91hatene ærest Blecingaeg, & Meore, & Eowland,
92& Gotland on bæcbord; & þas land hyrað to Sweon.
93& Weonodland wæs us ealne weg on steorbord oð Wislemuðan.
94Seo Wisle is swyðe mycel ea, & hio tolið Witland &
95Weonodland; & þæt Witland belimpeð to Estum; & seo
96Wisle lið ut of Weonodlande, & lið in Estmere; & se
97Estmere is huru fiftene mila brad.
98þonne cymeð Ilfing eastan in Estmere of ðæm mere ðe Truso
99standeð in staðe, & cumað ut samod in Estmere,
100Ilfing eastan of Estlande, & Wisle suðan of Winodlande,
101& þonne benimð Wisle Ilfing hire naman,
102& ligeð of þæm mere west & norð on sæ; for ðy hit man
103hæt Wislemuða.
104þæt Estland is swyðe mycel, & þær bið swyðe manig burh,
105& on ælcere byrig bið cyningc.
106& þær bið swyðe mycel hunig & fiscnað; & se cyning & þa
107ricostan men drincað myran meolc, & þa unspedigan
108& þa þeowan drincað medo.
109þær bið swyðe mycel gewinn betweonan him.
110& ne bið ðær nænig ealo gebrowen mid Estum, ac þær bið
111medo genoh.
112& þær is mid Estum ðeaw, þonne þær bið man dead, þæt
113he lið inne unforbærned mid his magum & freondum
114monað, ge hwilum twegen; & þa kyningas, & þa oðre
115heahðungene men, swa micle lencg swa hi maran
116speda habbað, hwilum healf gear þæt hi beoð unforbærned,
117& licgað bufan eorðan on hyra husum.
118& ealle þa hwile þe þæt lic bið inne, þær sceal beon
119gedrync & plega, oð ðone dæg þe hi hine forbærnað.
120þonne þy ylcan dæge þe hi hine to þæm ade beran
121wyllað, þonne todælað hi his feoh, þæt þær to lafe
122 bið æfter þæm gedrynce & þæm plegan, on fif oððe syx,
123hwylum on ma, swa swa þæs feos andefn bið.
124Alecgað hit ðonne forhwæga on anre mile þone mæstan dæl
125fram þæm tune, þonne oðerne, ðonne þæne þriddan,
126oþ þe hyt eall aled bið on þære anre mile; & sceall
127beon se læsta dæl nyhst þæm tune ðe se deada
128man on lið.
129ðonne sceolon beon gesamnode ealle ða menn ðe swyftoste
130hors habbað on þæm lande, for hwæga on fif
131milum oððe on syx milum fram þæm feo.
132þonne ærnað hy ealle toweard þæm feo; ðonne cymeð se

page 21

133man se þæt swiftoste hors hafað to þæm ærestan
134dæle & to þæm mæstan, & swa ælc æfter oðrum, oþ hit
135bið eall genumen; & se nimð þone læstan dæl se
136nyhst þæm tune þæt feoh geærneð.
137& þonne rideð ælc hys weges mid ðan feo, & hyt motan
138habban eall; & for ðy þær beoð þa swiftan hors
139 ungefoge dyre.
140& þonne hys gestreon beoð þus eall aspended, þonne byrð
141man hine ut, & forbærneð mid his wæpnum & hrægle.
142& swiðost ealle hys speda hy forspendað mid þan langan
143legere þæs deadan mannes inne, & þæs þe hy be
144þæm wegum alecgað, þe ða fremdan to ærnað, & nimað.
145& þæt is mid Estum þeaw þæt þær sceal ælces geðeodes
146man beon forbærned; & gyf þar man an ban findeð
147unforbærned, hi hit sceolan miclum gebetan.
148& þær is mid Estum an mægð þæt hi magon cyle
149gewyrcan; & þy þær licgað þa deadan men swa lange & ne
150fuliað, þæt hy wyrcað þone cyle him on.
151& þeah man asette twegen fætels full ealað oððe wæteres,
152hy gedoð þæt ægþer bið oferfroren, sam hit
153sy sumor sam winter.