XML Helsinki Corpus Browser

3Mercy.

4The very fownder and begynner of owr fyrst creacyon
5Amonge ws synfull wrechys he oweth to be magnyfyede,
6Þat for owr dysobedyenc he hade non indygnacyon
7To sende hys own son to be torn and crucyfyede.
8Owr obsequyouse seruyce to hym xulde be aplyede,
9Where he was lorde of all and made all thynge of nought,
10For þe synnfull synnere to hade hym revyuyde
11And for hys redempcyon sett hys own son at nought.
12

13Yt may be seyde and veryfyede, mankynde was dere bought.
14By þe pytuose deth of Jhesu he hade hys remedye.
15He was purgyde of hys defawte þat wrechydly hade wrought
16By hys gloryus passyon, þat blyssyde lauatorye.
17O souerence, I beseche yow yowr condycyons to rectyfye
18Ande wyth humylite and reuerence to haue a remocyon
19To þis blyssyde prynce þat owr nature doth gloryfye,
20Þat ȝe may be partycypable of hys retribucyon.
21

22I haue be þe very mene for yowr restytucyon.
23Mercy ys my name, þat mornyth for yowr offence.
24Dyverte not yowrsylffe in tyme of temtacyon,
25Þat ȝe may be acceptable to Gode at yowr goyng hence.
26Þe grett mercy of Gode, þat ys of most preemmynence,
27Be medyacyon of Owr Lady þat ys euer habundante
28To þe synfull creature þat wyll repent hys neglygence.
29I prey Gode at yowr most nede þat mercy be yowr
30defendawnte.
31

32In goode werkys I awyse yow, souerence, to be perseuerante
33To puryfye yowr sowlys, þat þei be not corupte;
34For yowr gostly enmy wyll make hys avaunte,
35Yowr goode condycyons yf he may interrupte.

36

page 155

37O ȝe souerens þat sytt and ȝe brothern þat stonde ryght wppe,
38Pryke not yowr felycytes in thyngys transytorye.
39Beholde not þe erth, but lyfte yowr ey wppe.
40Se how þe hede þe members dayly do magnyfye.
41Who ys þe hede forsoth I xall yow certyfye:
42I mene Owr Sauyowr, þat was lykynnyde to a lambe;
43Ande hys sayntys be þe members þat dayly he doth satysfye
44Wyth þe precyose reuer þat runnyth from hys wombe.
45

46Ther ys non such foode, be water nor by londe,
47So precyouse, so gloryouse, so nedefull to owr entent,
48For yt hath dyssoluyde mankynde from þe bytter bonde
49Of þe mortall enmye, þat vemynousse serpente,
50From þe wyche Gode preserue yow all at þe last jugement!
51For sekyrly þer xall be a streyt examynacyon,
52The corn xall be sauyde, þe chaffe xall be brente.
53I besech yow hertyly, haue þis premedytacyon.
54

55Myscheffe.

56I beseche yow hertyly, leue yowr calcacyon.
57Leue yowr chaffe, leue yowr corn, leue yowr dalyacyon.
58Yowr wytt ys lytyll, yowr hede ys mekyll, ȝe are full of predycacyon.
59But, ser, I prey þis questyon to claryfye:
60Mysse-masche, dryff-draff,
61Sume was corn and sume was chaffe,
62My dame seyde my name was Raffe;
63Onschett yowr lokke and take an halpenye.
64

65Mercy.

66Why com ȝe hethyr, broþer? Ȝe were not dysyryde.

67Myscheff.

68For a wynter corn-threscher, ser, I haue hyryde,
69Ande ȝe sayde þe corn xulde be sauyde and þe chaff xulde be
70feryde,
71Ande he prouyth nay, as yt schewth be þis werse:
72'Corn seruit bredibus , chaffe horsibus , straw fyrybusque .'
73Thys ys as moche to say, to yowr leude wndyrstondynge,
74As þe corn xall serue to brede at þe nexte bakynge.

page 156

75'Chaff horsybus et reliqua ,'
76The chaff to horse xall be goode provente,
77When a man ys forcolde þe straw may be brent,
78And so forth, et cetera .
79

80Mercy.

81Avoyde, goode broþer! Ȝe ben culpable
82To interrupte thus my talkyng delectable.

83Myscheff.

84Ser, I haue noþer horse nor sadyll,
85Therfor I may not ryde.

86Mercy.

87Hye yow forth on fote, brother, in Godys name!

88Myscheff.

89I say, ser, I am cumme hedyr to make yow game.
90Ȝet bade ȝe me not go out in þe Deullys name
91Ande I wyll abyde.

92New Gyse.

93
94ONE LEAF IS MISSING
95
96Ande how, mynstrellys, pley þe comyn trace!
97Ley on wyth þi ballys hys bely breste!
98

99Nought.

100I putt case I breke my neke: how than?

101New Gyse.

102I gyff no force, by Sent Tanne!

103Nowadays.

104Leppe about lyuely! þou art a wyght man.
105Lett ws be mery wyll we be here!

106Nought.

107Xall I breke my neke to schew yow sporte?

108Nowadays.

109Therfor euer be ware of þi reporte.

110Nought.

111I beschrew ye all! Her ys a schrewde sorte.
112Haue þeratt þen wyth a mercy chere!
113

115Do wey, do wey þis reull, sers! do wey!

116Nowadays.

117Do wey, goode Adam? do wey?
118Thys ys no parte of þi pley.

119Nought.

120Ȝys, mary, I prey yow, for I loue not þis rewelynge.
121Cum forth, goode fader, I yow prey!
122Be a lytyll ȝe may assay.
123Anon of wyth yowr clothes, yf ȝe wyll play.
124Go to! for I haue hade a praty scottlynge.
125

page 157

126Mercy.

127Nay, brother, I wyll not daunce.

128New Gyse.

129Yf ȝe wyll, ser, my brother wyll make yow to prawnce.

130Nowadays.

131Wyth all my herte, ser, yf I may yow avaunce.
132Ȝe may assay be a lytyll trace.

133Nought.

134Ȝe, ser, wyll ȝe do well,
135Trace not wyth þem, be my cownsell,
136For I haue tracyed sumwhat to fell;
137I tell yt ys a narow space.
138

139But, ser, I trow of ws thre I herde yow speke.

140New Gyse.

141Crystys curse hade þerfor, for I was in slepe.

142Nowadays.

143And I hade þe cuppe in my honde, redy to goo to
144met.
145Therfor, ser, curtly, grett yow well.

146Mercy.

147Few wordys, few and well sett!

148New Gyse.

149Ser, yt ys þe new gyse and þe new jett.
150Many wordys and schortely sett,
151Thys ys þe new gyse, euery-dele.
152

153Mercy.

154Lady, helpe! how wrechys delyte in þer synfull weys!

155Nowadays.

156Say not ageyn þe new gyse nowadays!
157Þou xall fynde ws schrewys at all assays.
158Be ware! ȝe may son lyke a bofett.

159Mercy.

160He was well occupyede þat browte yow brethern.

161Nought.

162I harde yow call 'New Gyse, Nowadays, Nought,' all
163þes thre togethere.
164Yf ȝe sey þat I lye, I xall make yow to slyther.
165Lo, take yow here a trepett!
166

167Mercy.

168Say me yowr namys, I know yow not.

169New Gyse.

170New Gyse, I.

171Nowadays.

172I, Nowadays.

173Nought.

174I, Nought.

175Mercy.

176Be Jhesu Cryst þat me dere bowte
177Ȝe betray many men.

page 158

178New Gyse.

179Betray! nay, nay, ser, nay, nay!
180We make them both fresch and gay.
181But of yowr name, ser, I yow prey,
182That we may yow ken.
183

184Mercy.

185Mercy ys my name by denomynacyon.
186I conseyue ȝe haue but a lytyll fauour in my communycacyon.

187New Gyse.

188Ey, ey! yowr body ys full of Englysch Laten.
189I am aferde yt wyll brest.
190'Prauo te', quod þe bocher onto me
191When I stale a leg a motun.
192Ȝe are a stronge cunnyng clerke.

193Nowadays.

194I prey yow hertyly, worschyppull clerke,
195To haue þis Englysch mad in Laten:
196

197'I haue etun a dyschfull of curdys,
198Ande I haue schetun yowr mowth full of turdys.'
199Now opyn yowr sachell wyth Laten wordys
200Ande sey me þis in clerycall manere!
201Also I haue a wyf, her name ys Rachell;
202Betuyx her and me was a gret batell;
203Ande fayn of yow I wolde here tell
204Who was þe most master.
205

206Nought.

207Thy wyf Rachell, I dare ley twenti lyse.

208Nowadays.

209Who spake to þe, foll? þou art not wyse!
210Go and do þat longyth to þin offyce:
211Osculare fundamentum !

212Nought.

213Lo, master, lo, here ys a pardon bely-mett.
214Yt ys grawntyde of Pope Pokett,
215Yf ȝe wyll putt yowr nose in hys wyffys sokett,
216Ȝe xall haue forty days of pardon.
217

218Mercy.

219Thys ydyll language ȝe xall repent.
220Out of þis place I wolde ȝe went.

221New Gyse.

222Goo we hens all thre wyth on assent.
223My fadyr ys yrke of owr eloquence.

page 159

224Þerfor I wyll no lenger tary.
225Gode brynge yow, master, and blyssyde Mary
226To þe number of þe demonycall frayry!
227

228Nowadays.

229Cum wynde, cum reyn,
230Thow I cumme neuer ageyn!
231Þe Deull put out both yowr eyn!
232Felouse, go we hens tyght.

233Nought.

234Go we hens, a deull wey!
235Here ys þe dore, her ys þe wey.
236Farwell, jentyll Jaffrey,
237I prey Gode gyf yow goode nyght!

240Mercy.

241Thankyde be Gode, we haue a fayer dylyuerance
242Of þes thre onthryfty gestys.
243They know full lytyll what ys þer ordynance.
244I preue by reson þei be wers þen bestys:
245

246A best doth after hys naturall instytucyon;
247Ȝe may conseyue by there dysporte and behauour,
248Þer joy ande delyte ys in derysyon
249Of her owyn Cryste to hys dyshonur.
250

251Thys condycyon of leuyng, yt ys prejudycyall;
252Be ware þerof, yt ys wers þan ony felony or treson.
253How may yt be excusyde befor þe Justyce of all
254When for euery ydyll worde we must ȝelde a reson?
255

256They haue grett ease, þerfor þei wyll take no thought.
257But how þen when þe angell of hewyn xall blow þe trumpe
258Ande sey to þe transgressors þat wykkydly hath wrought,
259'Cum forth onto yowr Juge and ȝelde yowr acownte'?
260

261Then xall I, Mercy, begyn sore to wepe;
262Noþer comfort nor cownsell þer xall non be hade;
263But such as þei haue sowyn, such xall þei repe.
264Þei be wanton now, but þen xall þei be sade.

page 160

265The goode new gyse nowadays I wyll not dysalow.
266I dyscomende þe vycyouse gyse; I prey haue me excusyde,
267I nede not to speke of yt, yowr reson wyll tell it yow.
268Take þat ys to be takyn and leue þat ys to be refusyde.
269

270Mankynde.

271Of þe erth and of þe cley we haue owr propagacyon.
272By þe prouydens of Gode þus be we deryvatt,
273To whos mercy I recomende þis holl congrygacyon:
274I hope onto hys blysse ye be all predestynatt.
275

276Euery man for hys degre I trust xall be partycypatt,
277Yf we wyll mortyfye owr carnall condycyon
278Ande owr voluntarye dysyres, þat euer be pervercyonatt,
279To renunce þem and yelde ws wnder Godys provycyon.
280

281My name ys Mankynde. I haue my composycyon
282Of a body and of a soull, of condycyon contrarye.
283Betwyx þem tweyn ys a grett dyvisyon;
284He þat xulde be subjecte, now he hath þe victory.
285

286Thys ys to me a lamentable story
287To se my flesch of my soull to haue gouernance.
288Wher þe goodewyff ys master, þe goodeman may be sory.
289I may both syth and sobbe, þis ys a pytuose remembrance.
290

291O thou my soull, so sotyll in thy substance,
292Alasse, what was þi fortune and þi chaunce
293To be assocyat wyth my flesch, þat stynkyng dungehyll?
294

295Lady, helpe! Souerens, yt doth my soull myche yll
296To se þe flesch prosperouse and þe soull trodyn wnder fote.
297I xall go to yondyr man and asay hym I wyll.
298I trust of gostly solace he wyll be my bote.
299

300All heyll, semely father! Ȝe be welcom to þis house.
301Of þe very wysdam ȝe haue partycypacyon.
302My body wyth my soull ys euer querulose.
303I prey yow, for sent charyte, of yowr supportacyon.

page 161

304I beseche yow hertyly of yowr gostly comforte.
305I am onstedfast in lywynge; my name ys Mankynde.
306My gostly enmy þe Deull wyll haue a grett dysporte
307In synfull gydynge yf he may se me ende.
308

309Mercy.

310Cryst sende yow goode comforte! Ȝe be welcum, my
311frende.
312Stonde wppe on yowr fete, I prey yow aryse.
313My name ys Mercy; ȝe be to me full hende.
314To eschew vyce I wyll yow avyse.
315

316Mankynde.

317O Mercy, of all grace and vertu ȝe are þe well,
318I haue herde tell of ryght worschyppfull clerkys.
319Ȝe be aproxymatt to Gode and nere of hys consell.
320He hat instytut you aboue all hys werkys.
321

322O, yowr louely wordys to my soull are swetere þen hony.

323Mercy.

324The temptacyon of þe flesch ȝe must resyst lyke a man,
325For þer ys euer a batell betwyx þe soull and þe body:
326'Vita hominis est milicia super terram.'
327

328Oppresse yowr gostly enmy and be Crystys own knyght.
329Be neuer a cowarde ageyn yowr aduersary.
330Yf ȝe wyll be crownyde, ȝe must nedys fyght.
331Intende well and Gode wyll be yow adjutory.
332

333Remember, my frende, þe tyme of contynuance.
334So helpe me Gode, yt ys but a chery tyme.
335Spende yt well; serue Gode wyth hertys affyance.
336Dystempure not yowr brayn wyth goode ale nor wyth wyn.
337

338Mesure ys tresure. Y forbyde yow not þe vse.
339Mesure yowrsylf euer; be ware of excesse.
340Þe superfluouse gyse I wyll þat ȝe refuse,
341When nature ys suffysyde, anon þat ȝe sese.
342

343Yf a man haue an hors and kepe hym not to hye,
344He may them reull hym at hys own dysyere.
345Yf he be fede ouerwell he wyll dysobey
346Ande in happe cast his master in þe myre.
347

page 162

348New Gyse.

349Ȝe sey trew, ser, ȝe are no faytour.
350I haue fede my wyff so well tyll sche ys my master.
351I haue a grett wonde on my hede, lo! and þeron leyth a playster,
352Ande anoþer þer I pysse my peson.
353Ande my wyf were yowr hors, sche wolde yow all to-banne.
354Ȝe fede yowr hors in mesure, ȝe are a wyse man.
355I trow, and ȝe were þe kyngys palfreyman,
356A goode horse xulde be gesunne.
357

358Mankynde.

359Wher spekys þis felow? Wyll he not com nere?

360Mercy.

361All to son, my brother, I fere me, for yow.
362He was here ryght now, by hym þat bowte me dere,
363Wyth oþer of hys felouse, þei kan moche sorow.
364

365They wyll be here ryght son, yf I owt departe.
366Thynke on my doctryne; yt xall be yowr defence.
367Lerne wyll I am here, sett my wordys in herte.
368Wythin a schorte space I must nedys hens.
369

370Nowadays.

371Þe sonner þe leuer, and yt be ewyn anon!
372I trow yowr name ys Do Lytyll, ȝe be so long fro hom.
373Yf ȝe wolde go hens, we xall cum euerychon,
374Mo þen a goode sorte.
375Ȝe haue leve, I dare well say.
376When ȝe wyll, go forth yowr wey.
377Men haue lytyll deynte of yowr pley
378Because ȝe make no sporte.
379

380Nought.

381Yowr potage xall be forcolde, ser; when wyll ȝe go dyn?
382I haue sen a man lost twenti noblys in as lytyll tyme;
383Ȝet yt was not I, be Sent Qwyntyn,
384For I was neuer worth a pottfull a wortys sythyn I was born.
385My name ys Nought. I loue well to make mery.
386I haue be sethen wyth þe comyn tapster of Bury
387And pleyde so longe þe foll þat I am ewyn wery.
388Ȝyt xall I be þer ageyn to-morn.
389

page 163

390Mercy.

391I haue moche care for yow, my own frende.
392Yowr enmys wyll be here anon, þei make þer avaunte.
393Thynke well in yowr hert, yowr name ys Mankynde;
394Be not wnkynde to Gode, I prey yow be hys seruante.
395

396Be stedefast in condycyon; se ȝe be not varyant.
397Lose not thorow foly þat ys bowte so dere.
398Gode wyll proue yow son; ande yf þat ȝe be constant,
399Of hys blysse perpetuall ȝe xall be partener.
400

401Ȝe may not haue yowr intent at yowr fyrst dysyere.
402Se þe grett pacyence of Job in tribulacyon;
403Lyke as þe smyth trieth ern in þe feere,
404So was he triede by Godys vysytacyon.
405

406He was of yowr nature and of yowr fragylyte;
407Folow þe steppys of hym, my own swete son,
408Ande sey as he seyde in yowr trobyll and aduersyte:
409'Dominus dedit, Dominus abstulit; sicut sibi placuit, ita factum
410est; nomen Domini benedictum!'
411

412Moreouer, in specyall I gyue yow in charge,
413Be ware of New Gyse, Nowadays, and Nought.
414Nyse in þer aray, in language þei at large;
415To perverte yowr condycyons all þe menys xall be sowte.
416

417Gode son, intromytt not yowrsylff in þer cumpeny.
418Þei harde not a masse þis twelmonyth, I dare well say.
419Gyff them non audyence; þei wyll tell yow many a lye.
420Do truly yowr labure and kepe yowr halyday.
421

422Be ware of Tytivillus, for he lesyth no wey,
423Þat goth invysybull and wyll not be sen.
424He wyll ronde in yowr ere and cast a nett befor yowr ey.
425He ys worst of þem all; Gode lett hym neuer then!

page 164

426Yf ȝe dysples Gode, aske mercy anon,
427Ellys Myscheff wyll be redy to brace yow in hys brydyll.
428Kysse me now, my dere darlynge. Gode schelde yow from yowr
429fon!
430Do truly yowr labure and be neuer ydyll.
431The blyssynge of Gode be wyth yow all þes worschyppull
432men!

433Mankynde.

434Amen, for sent charyte, amen!
435

436Now blyssyde be Jhesu! my soull ys well sacyatt
437Wyth þe mellyfluose doctryne of þis worschyppfull man.
438The rebellyn of my flesch now yt ys superatt,
439Thankynge be Gode of þe commynge þat I kam.
440

441Her wyll I sytt tytyll in þis papyr
442The incomparable astat of my promycyon.
443Worschypfull souerence, I haue wretyn here
444The gloryuse remembrance of my nobyll condycyon.
445

446To haue remos and memory of mysylff þus wretyn yt ys,
447To defende me from all superstycyus charmys:
448'Memento, homo, quod cinis es et in cinerem reuerteris.'
449Lo, I ber on my bryst þe bagge of myn armys.
450

451New Gyse.

452The wether ys colde, Gode sende ws goode ferys!
453'Cum sancto sanctus eris et cum peruerso peruerteris.'
454'Ecce quam bonum et quam jocundum,' quod þe Deull to þe
455frerys,
456'Habitare fratres in vnum.'

457Mankynde.

458I her a felow speke; wyth hym I wyll not mell.
459Thys erth wyth my spade I xall assay to delffe.
460To eschew ydyllnes, I do yt myn own selffe.
461I prey Gode sende yt hys fusyon!
462

463Nowadays.

464Make rom, sers, for we haue be longe!
465We wyll cum gyf yow a Crystemes songe.
466

467Nought.

468Now I prey all þe yemandry þat ys here
469To synge wyth ws wyth a mery chere:

page 165

470Yt ys wretyn wyth a coll, yt ys wretyn wyth a cole,

471New Gyse and Nowadays.

472Yt ys wretyn wyth a colle, yt ys
473wretyn wyth a colle,

474Nought.

475He þat schytyth wyth hys hoyll, he þat schytyth wyth
476hys hoyll,

477New Gyse, Nowadays.

478He þat schytyth wyth hys hoyll, he þat
479schytyth wyth his hoyll,

480Nought.

481But he wyppe hys ars clen, bytbut he wyppe hys ars clen,

482New Gyse, Nowadays.

483But he wype hys ars clen, but he wype
484his ars clen,

485Nought.

486On hys breche yt xall be sen, on hys breche yt xall be
487sen.

488New Gyse, Nowadays.

489On hys breche yt xall be sen, on hys
490breche yt xall be sen.

491Cantant omnes.

492Hoylyke, holyke, holyke! holyke, holyke, holyke!

494New Gyse.

495Ey, Mankynde, Gode spede yow wyth yowr spade!
496I xall tell yow of a maryage:
497I wolde yowr mowth and hys ars þat þis made
498Wer maryede junctly together.

499Mankynde.

500Hey yow hens, felouse, wyth bredynge.
501Leue yowr derysyon and yowr japyng.
502I must nedys labure, yt ys my lyvynge.

503Nowadays.

504What, ser, we cam but lat hethyr.
505

506Xall all þis corn grow here
507Þat ȝe xall haue þe nexte ȝer?
508Yf yt be so, corn hade nede be dere,
509Ellys ȝe xall haue a pore lyffe.

510Nought.

511Alasse, goode fadere, þis labor fretyth yow to þe bon.
512But for yowr croppe I take grett mone.
513Ȝe xall neuer spende yt alonne;
514I xall assay to geett yow a wyffe.
515

516How many acres suppose ȝe here by estymacyon?

517New Gyse.

518Ey, how ȝe turne þe erth wppe and down!
519I haue be in my days in many goode town
520Ȝett saw I neuer such another tyllynge.

page 166

521Mankynde.

522Why stonde ye ydyll? Yt ys pety þat ȝe were born!

523Nowadays.

524We xall bargen wyth yow and noþer moke nor
525scorne.
526Take a goode carte in herwest and lode yt wyth yowr corne,
527Ande what xall we gyf yow for þe levynge?
528

529Nought.

530He ys a goode starke laburrer, he wolde fayn do well.
531He hath mett wyth þe goode man Mercy in a schroude sell.
532For all þis he may haue many a hungry mele.
533Ȝyt woll ȝe se he ys polytyke.
534Here xall be goode corn, he may not mysse yt;
535Yf he wyll haue reyn he may ouerpysse yt;
536Ande yf he wyll haue compasse he may ouerblysse yt
537A lytyll wyth hys ars lyke.
538

539Mankynde.

540Go and do yowr labur! Gode lett yow neuer the!
541Or wyth my spade I xall yow dynge, by þe Holy Trinyte!
542Haue ȝe non other man to moke, but euer me?
543Ȝe wolde haue me of yowr sett??
544Hye yow forth lyuely, for hens I wyll yow dryffe.

545New Gyse.

546Alas, my jewellys! I xall be schent of my wyff!

547Nowadays.

548Alasse! and I am lyke neuer for to thryue,
549I haue such a buffett.

550Mankynde.

551Hens I sey, New Gyse, Nowadays, and Nowte!
552Yt was seyde beforn, all þe menys xuld be sought
553To perverte my condycyons and brynge me to nought.
554Hens, thevys! Ȝe haue made many a lesynge.

555Nought.

556Marryde I was for colde, but now am I warme.
557Ȝe are ewyll avysyde, ser, for ȝe haue don harme.
558By cokkys body sakyrde, I haue such a peyn in my arme
559I may not chonge a man a ferthynge.
560

561Mankynde.

562Now I thanke Gode, knelynge on my kne.
563Blyssyde be hys name! he ys of hye degre.
564By þe subsyde of hys grace þat he hath sente me
565Thre of myn enmys I haue putt to flyght.
566Ȝyt þis instrument, souerens, ys not made to defende.
567Dauide seyth, 'Nec in hasta nec in gladio saluat Dominus.'

page 167

568Nought.

569No, mary, I beschrew yow, yt ys in spadibus.
570Therfor Crystys curse cum on yowr hedybus
571To sende yow lesse myght!

574Mankynde.

575I promytt yow þes felouse wyll no more cum here,
576For summe of þem, certenly, were summewhat to nere.
577My fadyr Mercy avysyde me to be of a goode chere
578Ande agayn my enmys manly for to fyght.
579

580I xall convycte þem, I hope, euerychon.
581Ȝet I say amysse, I do yt not alon.
582Wyth þe helpe of þe grace of Gode I resyst my fon
583Ande þer malycyuse herte.
584Wyth my spade I wyll departe, my worschyppull souerence,
585Ande lyue euer wyth labure to corecte my insolence.
586I xall go fett corn for my londe; I prey yow of pacyence;
587Ryght son I xall reverte.