page 41

1

IV.

2
3

IN DIEBUS DOMINICIS.

4
5    Leofemen ȝef ȝe lusten wuleð. and ȝe willeliche hit understonden
6we eow wulleð suteliche seggen of þa fredome þe
7limpeð to þan deie þe is iclepeð su sunedei. Sunedei is ihaten
8þes lauerdes dei and ec þe dei of blisse and of lisse and of alleirestalle irestEdition: alleirest.
9On þon deie þa engles of heofene ham iblissieð. forði þe þa
10erming saulen habbeð rest of heore pine. Gif hwa wule witen
11hwa erest bi-won reste þam wrecche saule to soþe ic eow segge.
12þet wes sancte paul þe apostel and mihhal þe archangel heo
13tweien eoden et sume time in to helle alswa heom drihten het
14for to lokien hu hit þer ferde. Mihhal eode bi-foren and paul
15com efter and þa scawede mihhal to sancte paul þa wrecche sunfulle
16þe þer were wuniende þer-efter he him sceawede heȝe treon
17eisliche beorninde et-foren helle ȝete. and uppon þan treon he
18him sceawede þe wrecche saulen a-honge. Summe bi þa fet.
19summe bi þa honden. summe bi þe tunge. summe bi þe eȝen.
20summe bi þe hefede. summe bi þer heorte. Seodðan he him
21sceaude an ouen on berninde fure he warp ut of him seofe leies
22uwilan of seolcuðre heowe þe alle weren eateliche to bihaldene
23and muchele strengre þen eani þurg to þolien. and þer wið-innen
24weren swiðe feole saule a-honge. ȝette he him sceawede ane welle
25of fure and alle hire stremes urnen fur berninde. and þa welle
26bi-wisten. xii. meister deoflen swilc ha weren kinges to pinen
27þer wiðinnen þa earming saulen þe for-gult weren; and heore

page 43

28aȝene pine neure nere þe lesse þah heo meistres weren. Efter
29þon he him sceawede þe sea of helle and innan þan sea weren. vii.
30bittere uþe. þe forme wes swnan. þat oðer is. þet þridde fur. þet
31feorðe blod. þe fifte neddren. þe siste smorðer. þe seofeþe ful
32stunch. heo wes wurse to þolien þenne efreni of alle þa oðre
33pine. Innan þan ilke sea weren un-aneomned deor summe feðer
34fotetd. Summe al bute fet. and heore eȝen weren al swilc swa
35fur. and heore eþem scean swa deð þe leit a-monge þunre. þas
36ilke nefre ne swiken ne dei ne niht to brekene þa erming licome
37of þa ilca men þe on þisse liue her hare scrift enden nalden.
38Summe of þan monne sare wepeð. Summe swa deor lude remeð.
39summe þer graninde sikeð. summe þer reowliche gneȝeð his aȝene
40tunge. Summe þer wepeð. and alle heore teres beoð berninde
41gleden glidende ouer heore aȝene nebbe. and swiðe reowliche
42ilome ȝeiȝeð and ȝeorne bisecheð þat me ham ibureȝe from þam
43uuele pinan of þas pinan speked dauid þe halie witeȝe. and þus
44seið. Miserere nostri domine quia penas inferni sustinere non
45possumus. Lauerd haue merci of us forðon þa pinen of helle we
46ham ne maȝen iðolien. Seoð-þan he him sceawede and stude
47inne midde-warðe helle. and bi-foren þam ilke stude weren seofen
48clusterlokan þar neh ne mihte nan liuiende mon gan for þan
49ufele breðe and þer wið-inna he him sceawede gan on ald mon
50þet .iiii. deoflen ledden abuten. þa escade paul to mihhal hwet þe
51alde mon were. þa cweð mihhal heh angel he wes an biscop on
52eoðre liue þe nefre nalde cristes laȝen lokien ne halden. ofter he
53walde anuppon his underlinges mid wohe motien and longe
54dringan þenne he walde salmes singen oðer eani oðer god don.
55Herefter iseh paul hwer .iii. deoflen ledden an meiden swiðe
56unbisorȝeliche; ȝeorne escade to mihhal hwi me heo swa ledde.
57þa cweð mihhal. heo wes an meiden on oðer liue þet wel wiste
58hire licome in alle clenesse. ah heo nalde nefre nan oðer god don.
59Elmesȝeorn nes heo nefre. ah prud heo wes swiðe and modi. and
60liȝere and swikel. and wreðful and ontful. and forði heo bið
61wuniende inne þisse pine. Nu bi-gon paul to wepen wunderliche.
62and mihhal heh engel þer weop forð mid him. þa com ure
63drihten of heueneriche to heom on wunres liche and þus cweð.

page 45

64Ahwi wepest þu paul. paul him onswerde. Lauerð ic biwepe þas
65monifolde pine ðe ic her in helle iseo. þa cweð ure lauerd. Ahwi
66nalden heo witen mine laȝe þe hwile heo weren en eorðe; þa
67seide paul him mildeliche to ȝeines. Louerd nu ic bidde þe ȝef
68þin wille is þet þu heom ȝefe rest la hwure þen sunne dei a þet
69cume domes-dei. þa cweð drihten to him. paul wel ic wat hwer
70ic sceal milcien. Ic heom wulle milcien þe weren efterward
71mine milce þa hwile heo on liue weren. þa wes sancte paul swiðe
72wa. and abeh him redliche to his lauerdes fet and on halsien
73hine gon mid þas ilke weord þe ȝe maȝen iheren. Lauerd he
74cweð þa. Nu ic þe bidde for þine kinedome and for þine engles.
75and for þine muchele milce. and for alle þine weorkes. and for
76alle þine haleȝen. and ec þine icorene. þat þu heom milcie þes þe
77redþer þet ic to heom com and reste ȝefe þen sunne-dei a þet cume
78þin heh domes dei. þa onswerede him drihten mildere steuene.
79Aris nu paul aris. Ic ham ȝeue reste alswa þu ibeden hauest
80from non on saterdai a þa cume monedeis lihting. þet efre forð to
81domes dei. Nu leofe breðre ȝe habbeð iherð hwa erest bi-won
82reste þam forgulte saule. Nu bi-cumeð hit þerfore to uwilche
83cristene monne mucheles þe mare to haliȝen and to wurðien
84þenne dei þe is icleped sunne-dei. for of þam deie ure lauerd seolf
85seið. Dies dominicus est dies leticie & requiei. Sunne dei is
86dei of blisse and of alle ireste. Non facietur in ea aliquid nisi
87deum orare manducare & bibere cum pace et leticia. Ne beo in
88hire naþing iwrat bute chirche bisocnie and beode to criste and
89eoten and drinken mid griðe and mid gledscipe. Sicut dicitur.
90pax in terra. pax in celo. pax inter homines. for swa is iset. grið
91on eorðe. and grið on hefene. and grið bitwenen uwilc cristene
92monne. eft ure lauerd seolf seit. Maledictus homo qui non custodit
93sabatum. Amansed beo þe mon þe sunne-dei nulle iloken.
94And for-þi leofemen uwilc sunne-dei is to locan alswa ester dei
95for heo is muneȝing of his halie ariste from deðe to liue. and
96muneȝeing of þam hali gast þe he sende in his apostles on þon
97dei þe is icleped wit-sunne-dei. ec we understondeð þet on sunne
98dei drihten cumeð to demene al mon-cun; we aȝen þene sunne
99dei swiþeliche wel to wurþien. and on alle clenesse to locan. for

page 47

100heo hafð mid hire þreo wurdliche mihte þe ȝe iheren maȝen. ðet
101forme mihte is þet heo on eorðe ȝeueð reste to alle eorðe þrelles
102wepmen and wifmen of heore þrel weorkes. þet oðer mihte is on
103heouene. for-þi þa engles hem heom rested mere þenn on sum
104oðer dei. þet þridde mihte is þet þa erming saule habbeð ireste
105inne helle of heore muchele pine. Hwa efre þenne ilokie wel
106þene sunne dei. oðer þa oðer halie daȝes þe mon beot in chirche
107to lokien swa þe sunne dei. beo heo dal neominde of heofene
108riches blisse; mid þan ferde. and mid þan sunne. and mid þan
109halie gast abuten ende. amen. Quod ipse prestare dignetur qui
110uiuit & regnat deus. per omnia secula
111seculorum . Amen.