1B15.6.1

page 3

    
2Ic Abba geroefa cyðe & writan hate hu min willa is þæt
3mon ymb min ærfe gedoe æfter minum dæge.
4ærest ymb min lond þe ic hæbbe, & me God lah, & ic æt
5minum hlafordum begæt, is min willa gif me God
6bearnes unnan wille, ðæt hit foe to londe æfter me & his
7bruce mid minum gemeccan & sioððan swæ forð
8min cynn ða hwile þe God wille ðæt ðeara ænig sie
9þe londes weorðe sie & land gehaldan cunne.
10Gif me ðonne gifeðe sie, ðæt ic bearn begeotan ne mege,
11þonne is min willa þæt hit hæbbe min wiif ða
12hwile ðe hia hit mid clennisse gehaldan wile.
13& min broðar Alchhere hire fultume & þæt lond hire nytt
14gedoe & him man sęlle an half swulung an Ciollandene
15to habbanne & to brucanne, wið ðan ðe he ðy
16geornliocar hire ðearfa bega & bewiotige & mon
17selle him to ðem londe IIII oxan & II cy & L
18scępa & ænne horn.
19Gif min wiif ðonne hia nylle mid clennisse swæ gehaldan, &
20hire liofre sie oðer hemed to niomanne,
21ðonne foen mine megas to ðem londe & hire agefen hire agen.
22Gif hire ðonne liofre sie an mynster to ganganne oðða suð
23to faranne, ðonne agefen hie twægen mine
24męgas Alchhere & Aeðelwold hire twa ðusenda & fon him to
25ðem londe & agefe mon to Liminge L eawa
26& V cy fore hie.
27& mon selle to Folcanstane in mid minum lice X oxan &
28X cy & C eawa & C swina & higum ansundran
29D pending wið ðan ðe min wiif þær benuge
30innganges swæ mid minum lice swæ sioððan yferran dogre
31TORONTO CORPUS: doqre swæ hwæder swæ hire liofre sie.
32Gif higan ðonne oððe hlaford þæt nylle hire mynsterlifes
33geunnan, oðða hia siolf nylle, & hire oðer
34ðing liofre sie, þonne agefe mon ten hund pending inn mid
35minum lice

page 4

36me wið legerstowe, & higum an
37sundran fif hund pending fore mine sawle.
38& ic bidde & bebeode swælc monn se ðæt min lond hebbe
39ðæt he ælce gere agefe ðem higum æt Folcanstane
40L ambra maltes & VI ambra gruta & III wega
41spices & ceses & CCCC hlafa & an hriðr & VI
42scep.
43& swælc monn se ðe to minum ærfe foe, ðonne gedele he
44ælcum messepreoste binnan Cent mancus goldes
45& ælcum Godes ðiowe pending & to Sancte Petre min wærgeld
46twa ðusenda.
47& Freoðomund foe to minum sweorde & agefe ðeræt feower
48ðusenda, & him mon forgefe ðeran ðreotene hund
49pending.
50& gif mine broðar ærfeweard gestrionen ðe londes weorðe
51sie, þonne ann ic ðem londes.
52Gif hie ne gestrionen oðða him sylfum ælles hwæt sęle,
53æfter hiora dege ann ic his Freoðomunde gif
54he ðonne lifes bið.
55Gif him elles hwæt sæleð, ðonne ann ic his minra
56swæstarsuna swælcum se hit geðian wile & him gifeðe
57bið.
58& gif þæt gesele þæt min cynn to ðan clane gewite ðæt
59ðer ðeara nan ne sie ðe londes weorðe sie, þonne
60foe se hlaford to & ða higon æt Kristes cirican & hit
61minum gaste nytt gedoen.
62An ðas redenne ic hit ðider selle, ðe se monn se ðe
63Kristes cirican hlaford sie, se min & minra erfewearda
64forespreoca & mundbora, & an his hlaforddome we bian
65moten.
66Ic Ciolnoð mid Godes gefe ærcebiscop ðis write & ðeafie &
67mid Cristes rode tacne hit festniæ.
68Ic Beagmund preost ðis ðeafie & write.
69Ic Wærhard preost abbod ðis ðeafie & write.
70Ic Abba geroefa ðis write & festnie mid Kristes rode tacne.
71Ic Aeðelhun preost ðis ðeafie & write.
72Ic Abba preost ðis ðeafie & write.
73Ic Wigmund preost ðis write & ðeafie.
74Ic Iof preost ðis ðeafie & write.
75Ic Osmund preost ðis ðeafie & write.
76Ic Wealhhere diacon ðis write & ðeafie.
77Ic Badanoð diacon ðis write & ðeafie.
78Ic Heaberht diacon ðis write & ðeafie.
79Ic Noðwulf subdiacon ðis write & ðeafie.
80Ic Wealhhere subdiacon ðis write & ðeafie.

page 5

81Ic Ciolwulf subdiacon ðis write & ðeafie.
82Heregyð hafað ðas wisan binemned ofer hire deg & ofer Abban
83ðæm higum et Cristes cirican of ðæm londe
84et Cealflocan.
85ðæt is ðonne ðritig ombra alað & ðreo hund hlafa, ðeara
86bið fiftig hwitehlafa an weg spices & ceses,
87an ald hriðer, feower weðras, an suin, oððe sex weðras,
88sex gosfuglas, ten hennfuglas, ðritig teapera,
89gif hit wintres deg sie, sester fulne huniges, sester
90fulne butran, sester fulne saltes.
91& Heregyð bibeadeð ðem mannum ðe efter hire to londe foen,
92on Godes noman, ðæt hie fulgere witen ðæt
93hie ðiss gelęsten ðe on ðissem gewrite binemned is ðem
94higum to Cristes cirican, & ðæt sie simle
95to higna blodlese ymb twelf monað agefen.
96& se mann se to londe foe, agefe hire erfehonda XIII pund
97pendinga.
98& hio forgifeð fiftene pund for ðy ðe mon ðas feorme ðy
99soel gelæste.
100Abban geroefan arfegedal , his geðinga to Kristes cirican.