1B9.1.3A

page 23

    
2þu leofusta broður, suiðe freondlice & suiðe fremsumlice
3ðu me tældesð, & mid eaðmode ingeðonce
4ðu me ciddesð, forðon ic min mað, & wolde fleon ða
5byrðenne ðære hirdelecan giemenne.
6ðara byrðenna hefignesse, eall ðæt ic his geman, ic awrite
7on ðisse andweardan bec, ðylæs hi hwæm
8leohte ðyncen to underfonne;
9& ic eac lære ðæt hira nan ðara ne wilnie ðe hine
10unwærlice bega;
11& se ðe hi unwærlice & unryhtlice gewilnige, ondræde he
12ðæt he hi æfre underfenge.
13Nu ic wilnige ðætte ðeos spræc stigge on ðæt ingeðonc
14ðæs leorneres, suæ suæ on sume hlædre,
15stæpmælum near & near, oððæt hio fæstlice gestonde on
16ðæm solore ðæs modes ðe hi leornige;
17& forðy ic hi todæle on feower: an is ðara dæla hu he on
18ðone folgoð becume;
19oðer hu he ðæron libbe; ðridda is hu he ðæron lære;
20feorðe is hu he his agene unðeawas ongietan wille & hira
21geðæf bion, þylæs he for ðy underfenge his
22eaðmodnesse forlæte, oððe eft his lif sie ungelic his
23ðenunga, oððe he to ðriste & to stið sie
24for ðy underfenge his lareowdomes;
25ac gemetgige

page 25

26hit se ege his agenra unðeawa, & befæste he mid
27his lifes bisenum ða lare ðæm ðe his
28wordum ne geliefen;
29& ðonne he god weorc wyrce, gemyne he ðæs yfeles ðe he
30worhte, ðette sio unrotnes, ðe he for ðæm
31yflan weorcum hæbbe, gemetgige ðone gefean ðe he for ðæm
32godan weorcum hæfde;
33ðylæs he beforan ðæs dieglan deman eagum sie ahafen on his
34mode & on ofermettum aðunden, &
35ðonne ðurh ðæt selflice his godan weorc forleose.
36Ac monige sindon me suiðe onlice on ungelærednesse, ðeah
37ðe hi næfre leorningcnihtas næren, wilniað
38ðeah lareowas to beonne, & ðyncet him suiðe leoht sio
39byrðen ðæs lareowdomes, forðonðe hi ne
40cunnon ðæt mægen his micelnesse.
41From ðære dura selfre ðisse bec, ðæt is from onginne
42ðisse spræce, sint adrifene & getælde ða
43unwaran, ðe him agniat ðone cræft ðæs lareowdomes ðe hi
44na ne geleornodon.
45

ÐÆTTE UNLÆRDE NE DYRREN UNDERFON LAREOWDOM.

    
46Forðonðe nan cræft nis to læranne ðæm ðe hine ær
47geornlice ne leornode, forhwon beoð æfre suæ
48ðriste ða ungelæredan ðæt hi underfon ða heorde ðæs
49lariowdomes, ðonne se cræft ðæs lareowdomes bið
50cræft ealra cræfta?
51Hua nat ðæt ða wunda ðæs modes bioð digelran ðonne ða
52wunda ðæs lichaman?
53& ðeah ða woroldlecan læcas scomaþ ðæt hi onginnen ða
54wunda lacnian ðe hi gesion ne magon, & huru
55gif hi nouðer gecnawan ne cunnan ne ða medtrymnesse ne eac
56ða wyrta ðe ðærwið sculon.
57& hwilon ne scomað ða ðe ðæs modes læceas beon scoldon,
58ðeah ðe hi nane wuht ongitan ne cunnon

page 27

59ðara gæstlecena beboda, ðæt hie him onteoð ðæt hie sien
60heortan læcas.
61Ac forðonðe nu eall se weorðscipe ðisse worolde is
62gecierred, Gode ðonc, to weorðscipe ðæm
63æwfæstam, ðæt ða sindon nu weorðoste ðe æwfæstoste
64sindon, forðon licet suiðe monig ðæt he æwfæsð lareow
65sie, ðe he wilnað micle woroldare habban.
66Be ðam Crisð selfa cleopode, & ðus cwæð: Hi secað ðæt
67hi mon ærest grete & weorðige on ceapstowum &
68on gebeorscipum, & ðæt hie fyrmest hlynigen æt
69æfengieflum, & ðæt ieldesðe setl on gemetengum hi
70secað.
71Forðon hie sua on ofermettum & mid upahafenesse becumað to
72ðære are ðære hirdelecan giemenne, hi
73ne magon medomlice ðenian ða ðenunga, & ðære eaðmodnesse
74lareowas bion;
75ac sio tunge bið gescinded on ðam lariowdome ðonne hio
76oðer lærð, oðer hio liornode.
77Suelcum monnum Dryhten cidde ðurh ðone witgan, & him suelc
78oðwat, ða he cuæð: Hie ricsedon, næs
79ðeah mines ðonces;
80ealdormen hi wæron, & ic hie ne cuðe.
81ða ðe sua ricsieað, hi ricsiað of hira agnum dome, næs
82of ðæs hiehstan deman, ðonne hi ne beoð mid
83nanre sylle underscotene ðæs godcundlican mægenes, ne for
84nanum cræfte gecorene, ac mid hira
85agenre gewilnunge hie bioð onbærnede, ðæt hie gereafiað
86sua heane lariowdom suiðor ðonne hi hine geearnien.
87Hie ðonne se eca & se diegla dema upahefeð suelce he hi
88nyte, & geðafiende he hit forbireð for ðam
89dome his geðylde.
90Ac ðeah hi on ðam hade fela wundra wyrcen, eft ðonne hi to
91him cumað, he cuið: Gewitað from me ge unryhtwyrhtan;
92nat ic hwæt ge sint.
93Eft he hie ðreade ðurh ðone witgan for hira
94ungelærednesse, ða he cuæð: ða hierdas næfdon andgit:
95hie hæfdon mine æ, & hi me

page 29

96ne gecniowon.
97Se ðe Godes bebodu ne gecnæwð, ne bið he oncnawen from
98Gode.
99ðæt ilce cuæð sanctus Paulus: Se ðe God ne ongit, ne
100ongit God hine.
101Unwise lareowas cumað for ðæs folces synnum.
102Forðon oft for ðæs lareowes unwisdome misfarað ða
103hieremenn, & oft for ðæs lareowes wisdome
104unwisum hieremonnum bið geborgen.
105Gif ðonne ægðer bið unwis, ðonne is to geðencanne hwæt
106Crisð self cuæð on his godspelle, he cwæð:
107Gif se blinda ðone blindan læt, hi feallað begen on ænne
108pytt.
109Be ðæm ilcan se sealmscop cuæð: Sien hira eagan aðistrode
110ðæt hi ne geseon, & hiora hrygc simle gebieged.
111Ne cuæð he ðæt forðyðe he ænegum men ðæs wyscte
112oððe wilnode, ac he witgode sua sua hit geweorðan sceolde.
113Soðlice ða eagan ðæt beoð ða lareowas, & se hrygc ðæt
114sint ða hieremenn;
115forðan ða eagan bioð on ðam lichoman foreweardum &
116ufeweardum, & se hrycg færð æfter ælcre wuhte;
117sua gað ða lareowas beforan ðæm folce, & ðæt folc æfter.
118ðonne ðam lareowum aðistriað ðæs modes eagan, ðe
119beforan gan scoldon mid godum bisenum, ðonne
120gebigð ðæt folc hira hrycg to hefegum byrðenum manegum.
121

NE EFT ÐA GELÆREDAN ÐE SWA NYLLAÐ LIBBAN SWA HIE ON BOCUM
122LEORNEDON, ÐÆT HI SCOLDON NE UNDERFON ÐA
123ARE ÐÆS LAREOWDOMES.

    
124Monige eac wise lareowas winnað mid hira ðeawum wið ða
125gæsðlecan bebodu ðe hi mid wordum lærað,
126ðonne hie on oðre wisan libbað on oðre hi lærað.
127Oft ðonne se hirde gæð on frecne wegas, sio hiord

page 31

128ðe unwærre bið, gehrist.
129Be suelcum hirdum cwæð se witga: Ge fortrædon Godes sceapa
130gærs & ge gedrefdon hiora wæter mid
131iowrum fotum, ðeah ge hit ær undrefed druncen.
132Sua ða lareowas hi drincað suiðe hluter wæter, ðonne hi
133ðone godcundan wisdom leorniað, & eac
134ðonne hie hiene lærað;
135ac hie hit gedrefað mid hira agnum unðeawum, ðonne ðæt
136folc bisenað on hira unðeawum, nals on hira
137lare.
138ðeah ðæt folc ðyrste ðære lare, hie hie ne magon
139drincan, ac hio bið gedrefed midðamðe ða lareowas
140oðer doð oðer hie lærað.
141Be ðæm Dryhten cwæð eft ðurh ðone witgan: Yfle preostas
142bioþ folces hryre.
143Ne dereð nan mon suiðor ðære halgan gesomnunge ðonne ða
144ðe ðone noman underfoð & ða endebyrdnesse
145ðæs halgan hades & ðonne on woh doð;
146forðon hie nan monn ne dearr ðreagean ðeah hie agylten, ac
147mid ðam beoð synna suiðe gebrædda ðe hie
148beoð sua geweorðade.
149Ac hie woldon selfe fleon ða byrðenne sua micelre scylde,
150ða ðe his unwierðe wæron, gif hie mid
151hiora heortan earum woldon gehieran & geornlice geðencan ðone
152Cristes cuide, ða he cuæð: Se ðe
153ænigne ðissa ierminga besuicð, him wære betere ðæt him
154wære sumu esulcweorn to ðæm suiran getiged, & sua
155aworpen to sæs grunde.
156ðurh ða cweorne is getacnod se ymbhwyrft ðisse worolde &
157eac monna lifes & hira gesuinces, & ðurh
158ðone sægrund hira ende & se siðemesða demm.
159ðonne bið sio cweorn becierred ðonne se monn bið geendod;
160ðonne bið sio micle cweorn becierred ðonne ðeos weorld
161bið geendod.
162Se ðonne to halgum hade becymð, & ðonne mid yflum bisnum
163oððe worda oððe weorca oðre on won
164gebringð, betre him wære ðæt he on læssan hade & on
165eorðlicum weorcum his lif geendode;
166forðæm gif he

page 33

167on ðæm wel deð, he hæfð ðæs god lean,
168gif he yfle deð, læsse wite he ðrowað on helle,
169gif he ana ðider cymð, ðonne he do, gif he oðerne mid him
170ðider bringð.
171

BE ÐÆRE BYRÐENNE ÐÆS RECCENDDOMES, & HU HE SCYLE EALL
172EARFOÐU FORSION, & HU FORHT HE SCEAL BEON
173FOR ÆLCRE ORSORGNESSE.

    
174Forðon we ðiss feawum wordum sædon, ðy we woldon gecyðan
175hu micel sio byrðen bið ðæs lareowdomes,
176ðylæs ænig hine underfon durre ðara ðe his unwierðe sie,
177ðylæs hie ðurh ða wilnunga ðære woroldare
178underfo ðone latteowdom ðæs forlores.
179Suiðe medomlice Iacobus se apostol his stirde, ða he cuæð:
180Broðor ne beo eower to fela lareowa.
181Forðæm se wealhstod self Godes & monna, ðæt is Crist,
182fleah eorðrice to underfonne.
183Se se ðe ealne ðone wisdom ðara uferrenna gæsta
184oferstigð & ær worolde ricsode on hefenum, hit is
185awriten on ðæm godspelle, Iudeas comon & woldon hine don
186niedenga to cyninge.
187ða se Hælend ðæt ongeat, ða becierde he hie & gehydde
188hiene.
189Hwa meahte ieð monnum rædan butan scylde, ðonne se ðe hi
190gescop?
191Ne fleah he ðy rice ðy his ænig monn bet wyrðe wære, ac
192he wolde us ða bisene astellan, ðæt we
193his to suiðe ne gitseden;
194& eac wolde for us ðrowian.
195He nolde beon cyning, & his agnum willan he com to rode
196gealgan.
197ða weorðmynde cynehades he fleah, & ðæt wite ðæs
198fraceðlecestan deaðes he geceas, forðam ðætte we,
199ðe his liomu sindon, leornedon æt him ðæt we flugen ða
200oliccunga ðisses middangeardes;
201& eac ðæt ðæt we his ege & his brogan us ne ondreden, &

page 35

202for soðfæsðnesse ðæt we lufigen gesuinc,
203& orsorgnesse we us ondræden, & hi forðy forbugen.
204Forðam for ðære orsorgnesse monn oft aðint on ofermettum,
205& ða earfeðu ðurh sar & ðurh sorge hiene
206geclænsiað & geeaðmedað.
207On ðæm gesundfulnessum ðæt mod wierð upahafen;
208& on ðæm earfeðum, ðeah hit ær upahafen wære, hit bið
209geeaðmedd.
210On ðære gesundfulnesse mon forgiett his selfes;
211on ðæm gesuincum he sceal hine selfne geðencean, ðeah he
212nylle.
213On ðære orsorgnesse oft ðæt he to gode gedyde he
214forliesð, on ðæm earfoðum oft ðæt he longe ær to
215yfle gedyde, he gebett.
216Suiðe oft monn bið ðære earfoðnesse lareowdome
217underðieded, ðeah he ær nolde his lareowes ðeawum &
218larum bion.
219Ac ðeah hine ðonne ða brocu getyn & gelæren, sona, gif he
220on rice becymð, for ðære weorðunge ðæs
221folces, he bið on ofermettu awended, & gewunað to ðæm
222gielpe.
223Sua sua Saul se cyning, æresð he fleah ðæt rice, & tealde
224hine selfne his suiðe unwierðne.
225Ac sona sua he ðone anwald onfeng ðæs rices, he astag on
226ofermetto, & hine bealg wið ðone ilcan
227Samuel ðe hine ær on ðæm rice gebrohte, & hine to
228gehalgode, forðamðe he him sæde beforan ðam folce
229his unðeawas, ða he him ær hiera ðonces gestieran ne
230meahte;
231& ða he him from wolde, ða gefeng he hine, & toslat his
232hrægl, & hine geunarode.
233Sua eac Dauit, ðe folneah on eallum ðingum Gode licode, sona
234sua he ða byrðenne næfde sua monegra
235earfeða, he wæs mid ofermettum gewundad, & ðæt suiðe
236wælhreowlice gecyðde on Urias slæge his agenes
237holdes ðegnes, for ðære scamleaslecan gewilnunge his wifes.
238Se ilca se monegum yfelum

page 37

239wið hine selfne forworhtum ær
240gearode, he wearð eft sua ungemetlice
241grædig ðæs godan deaþes, butan ælcre scylde & ælcre
242wiðerweardnesse wið hine.
243Se ilcan Dauid ðe forbær ðæt he ðone kyning ne yfelode,
244ðe hine on sua heardum wræce gebrohte, & of
245his earde adræfde, ða he his wel geweald ahte on ðæm
246scræfe, he genom his loðan ænne læppan to
247tacne ðæt he his geweald ahte, & hine ðeah for ðam ealdan
248treowum forlet.
249Se ilca Dauid miclum his agenes herges pleah, & monigne
250forsende, ðær he ymb his getreowne ðegn unsynnigne sierede.
251Sio scyld hine suiðe feorr of ealra haligra rime atuge, ðær
252him eft ða gesuinc & ða earfeðu ne gehulpen.

OND HU OFT SIO BISGUNG ÐÆS RICES & ÐÆS RECEDOMES TOSLIT
253ÐÆT MOD ÐÆS RECCERES.

    
254Suiðe oft gedrefeð ða heortan sio manigfealde giemen ðæs
255underfangenan lareowdomes, & ðonne ðæt mod
256bið on monig todæled, hit bið on anes hwæm ðe
257unfæstre, & eac ðe unyttre.
258Bi ðam cuæð Salomonn se snottra: Sunu min, ne todæl ðu on
259to fela ðin mod, & ðin weorc endemes.
260Forðan oft ðonne mon forlæt ðone ege & ða fæsðrædnesse
261ðe he mid ryhte on him innan habban scolde,
262hine spænð his mod to suiðe manegum unnyttum weorce.
263He sorgað ymb ða, & bið ðara suiðe gemyndig, & forgiett
264his selfes, ðonne he suiðor his mod
265gebint to ðam unnyttran weorcum ðonne he ðyrfe.
266Him bið sua sua ðam menn ðe bið abisgod on færelde mid
267oðrum cierrum, oððæt he nat hwider he ær
268wolde, ne geðencan ne con hwæt him

page 39

269losað on ðære gælinge
270ðe he ða hwile amierreð, & hu suiðe he on ðam gesyngað.
271Ne wende na Ezechias Israhela kyning ðæt he gesyngade, ða
272he lædde ða ællðeodgan ærenddracan on
273his maðmhus, & him geiewde his goldhord.
274Ac he onfunde ðeah Godes ierre on ðam hearme ðe his bearne
275æfter his dagum becom.
276& ðeah he wende ðæt hit nan syn nære.
277Oft ðonne hwæm gebyreð ðæt he hwæt mærlices &
278wundorlices gedeð, & his ðonne wundriað ða ðe him
279underðiedde bioð, & hine heriegeað, ðonne ahefð he hine on
280his mode, & his Deman ierre fullice to him
281gecigð, ðeah ðe he hit on yfelum weorcum ne geopenige.
282Suaðeah mid ðy selflice se Dema bið genieded to ðæm
283ierre, & se Dema se ðe ðæt inngeðonc eall wat,
284he eac ðæm inngeðonce demð.
285We magon monnum bemiðan urne geðonc & urne willan, ac we ne
286magon Gode.
287Hwæt se Babylonia cyning wæs suiðe upahafen on his mode for
288his anwalde & for his gelimpe, ða he
289fægnode ðæs miclan weorces & fægernesse ðærre ceastre, &
290hine oðhof innan his geðohte eallum oðrum
291monnum, & suigende he cwæð on his mode: Hu ne is ðis sio
292micle Babilon ðe ic self atimbrede to
293kynestole & to ðrymme, me selfum to wlite & wuldre, mid mine
294agne mægene & strengo?
295ða suigendan stefne suiðe hraðe se diegla Dema gehirde, &
296him suiðe undeogollice gondwyrde mid ðam
297witum ðe he hit suiðe hrædlice wræc.
298ða upahafenesse he arasode & hie getælde, ða he hine ascead
299of ðam woroldrice, & hine gehwyrfde to
300ungesceadwisum neatum, & sua awende mode he hine geðiedde to
301feldgongendum deorum;
302& sua ðy ðearlan dome he forleas his mennisce.
303Se ilca se ðe wende ðæt he wære ofer ealle

page 41

304oðere menn, him gebyrede ðæt he nyste self hwæðer he
305monn wæs.
306Suaðeah, ðeah ic nu ðis recce, næ tæle ic na micel weorc
307ne ryhtne anwald, ac ic tæle ðæt hine mon
308forðy upahebbe on his mode;
309& ða untrymnesse hiera heortan ic wolde getrymman & gestiran
310ðære wilnunge ðæm unmedemum, ðæt
311hiera nan ne durre gripan sua orsorglice on ðæt rice & on
312ðone lareowdom, ðylæs ða gongen on sua frecne
313stige, ða ðe ne magon uncwaciende gestondan on emnum felda.
314

BI ÐÆM ÐE MAGON ON EALDORDOME NYTTE BEON ON BISNUM & ON
315CRÆFTUM, & ÐONNE FOR HIRA AGENRE IEÐNESSE ÐÆT FLEOÐ.

    
316Ac monige siendun mid miclum giefum monegra cræfta & mægene
317geweorðode, forðonðe hie hie scoldon
318monegum tæcan, & for oðerra monna ðearfe onfoð ðyllica
319giefa.
320ðæt is ðæt hie gehealdað hira lichoman firenlusta
321clænne;
322oðer is ðæt hi beoð on færhæfðnesse strenge strange;
323ðridde is ðæt hi beoð mid lara suetmettum gefylde;
324feorðe is ðæt hi beoð on ælengum ðingum & ælcre
325longunge geðyldige, & on forebyrde eaðmode;
326fifte is ðæt hie habbað ða arodnesse & ða bieldo ðæt
327hie magon anweald habban;
328siexte is ðæt hi beoð fremsume;
329siofoðe is ðæt hi beoð reðe & stræce for ryhtwisnesse.
330ða ðe ðonne ðyllice beoð, & him mon suelcne folgað
331beodeð, & hie him wiðsacað, oft him gebyreð ðæt
332hie weorðað bereafod ðara giefa ðe him God for monigra
333monna ðingum geaf, næs for hiera anra.
334ðonne hie synderlice ðenceað hu hie selfe scylen
335fullfremodeste weorðan, & ne giemað to hwon
336oðerra monna wise weorðe, mid ðy hi bereafiað hie

page 43

337selfe ðara
338goda ðe hie wilniað synderlice habban.
339Be suelcum monnum Crist on his godspelle cuæð: Ne scyle nan
340mon blæcern ælan under mittan.
341& eft he cuæð to Petre ðæm apostole: Petrus lufastu me?
342He cuæð: ðu wast ðæt ic ðe lufige.
343& ða cuæð Dryhten: Fed ðonne min sceap, gif ðu me
344lufige.
345Gif ðonne seo feding ðara sceapa bið ðære lufan tacen,
346hwi forcwið ðonne se ðe him God suelce
347cræftas giefð ðæt he ne fede his heorde, buton he cueðan
348wielle ðæt he ne lufige ðone Hlaford & ðone
349hean Hierde eallra gesceafta?
350Be ðam Paulus se apostol cuæð: Gif Crist for us eallum dead
351wæs, ðonne weorðað ealle menn deade.
352Hwæt is ðonne betere ða hwile ðe we libben, ðonne we ures
353flæsces lustum ne libben, ac ðæs bebodum
354ðe for us dead wæs & eft aras?
355Be ðam cuæð Moyses: Gif hwa gefare & nan bearn ne
356gestriene, gif he broðor læfe, fo se to his wife.
357Gif he ðonne bearn ðærbig gestriene, ðonne cenne he ðæt
358ðam gefarenan breðer ðe hie ær ahte.
359Gif he ðonne ðæt wif wille forsacan, ðonne hræce hio him
360on ðæt nebb foran, & his mægas hine
361anscogen oðre fet, ðæt mon mæge siððan hatan his tun
362ðæs anscodan tun.
363ðis wæs ryht dom on ðære ealdan æ, & is nu us to
364bispelle.
365Se ær gefarena broðor getacnað Crist.
366He hine ætiede æfter ðære æriste, & cuæð: Farað &
367cyðað minum broðrum ðæt hie cumen to Galileum;
368ðær hie me geseoð.
369He gefor suelce he butan bearnum gefore, forðon he næfde
370gefylled ðagiet ðone rim his gecorenra.
371Sua sua ðæs gefarenan broðor wif on ðære ealdan æ wæs
372geboden ðæm lifiendan breðer to onfonne, sua
373is cynn ðæt sio giemen ðære halgan ciricean, ðæt is
374Cristes folces

page 45

375gesomnung, sie ðam beboden ðe
376hie wel ofer mæge, & hiere wel rædan cunne.
377Gif hire ðonne se wiðsace, ðonne is cynn ðæt him spiwe
378ðæt wif on ðæt nebb, ðæt is ðæt hine tæle
379ðæs folces gesomnung, emne suelce hie him on ðæt nebb
380spæten, forðonðe he nyle giefan ðæt him God
381geaf, & helpan ðæs folces mid ðam ðe he his healp.
382Sua is cynn ðæt sio halige gesomnung tæle ælces ðara god
383ðe hit him anum wile to gode habban, &
384nyle oðera mid helpan.
385Se bið eac mid ryhte oðre fet anscod, & hine mon scyle on
386bismer hatan se anscoda.
387Be ðæm cuæð Crist on his gospelle: Sceawiað iowre fet,
388ðæt ge sien gearwe to ganganne on sibbe weg
389æfter minra boca bebodum.
390Gief we ðonne habbað sua micle sorge & sua micle gieman
391urra niehstena sua sua ure selfra, ðonne
392hæbbe we begen fet gescode suiðe untællice;
393gif we ðonne agiemeleasiað urra niehstena ðearfa, &
394ðenceað ymbe ure synderlice, ðonne bið us suiðe
395fracoðlice oðer fot unscod.
396Monige menn siendon, sua sua we ær cuædon, ðe beoð
397geweorðode mid miclum & mid monegum Godes
398giefum, & ðonne beoð onælede mid ðære gierninge ðara
399smeaunga Godes wisdomes anes, & fleoð ðonne ða
400nyttwyrðan hiersumnesse ðære lare, & nyllað ðæs ðencean
401hu hie mægen nyttweorðuste bion hiera niehstum,
402ac lufiað diegla stowa, & fleoð monna onsiena.
403Gif him ðonne God ryhtlice & stræclice deman wile, & he him
404for his mildheortnesse ne arað, ðonne
405beoð hie sua monegum scyldum scyldige sua hie
406manegra unðeawa gestiran meahton mid hiora larum &
407bisenum, gif hi ongemong monnum beon wolden.
408Hwæt ðenceað ða ðe on suelcum weorcum scinað, & magon

page 47

409hiera niehstum sua nytte beon, hwy hie ðara
410geearnunga & diegelnesse & anette bet truwigen ðonne ðære
411hu hie oðerra monna mæst gehelpen?
412Hwæt se ancenneda Godes sunu of his fæder bosme wæs ferende
413to urre andweardnesse ðæt he ure gehulpe.
414

BI ÐÆM ÐE FOR EAÐMODNESSE FLEOÐ ÐA BYRÐENNE ÐÆS
415LAREOWDOMES, ÐONNE HIE BEOÐ RYHTLICE EAÐMODE ÐONNE
416HIE NE WINNAÐ WIÐ ÐONE GODCUNDAN DOM.

    
417ðonne siendon monige ðe fleoð for eaðmodnesse anre,
418forðon hie noldon ðæt hie mon ahofe ofer ða ðe
419him beteran ðynceað ðonne hie selfe.
420Nis ðæs ðonne nan tweo, gif suelc eaðmodnes bið mid
421oðrum godum ðeawum begyrded, ðæt ðæt bið
422beforan Godes eagum soð eaðmodness, ðonne he for nanre
423anwielnesse ne wiðcuið ðam nyttan weorcum ðe him
424mon beodeð to underfonne.
425Ne bið ðæt na soð eaðmodnes, gif mon ongiett ðæt ðæt
426Godes willa sie ðæt he ofer oðre beon scyle,
427ðæt he ðonne wiðsace, ac beo underðieded Godes willan &
428his dome, & forlæte ða uncyste ðære
429anwielnesse.
430ðonne he oferstæled bið, & him gereaht bið ðæt he oðrum
431mæg nytt bion on ðam ðe him mon ðonne
432bebeodeð, mid his mode he hit sceal fleon & ðeah for
433hiersumnesse he hit sceal underfon.
434

ÐÆTTE OFT ÐÆS LAREOWDOMES ÐENUNG BIÐ SWIÐE
435UNTÆLWYRÐLICE GEWILNAD, & EAC SWIÐE UNTÆLWIERÐLICE
436MONIGE BEOÐ TO GENIEDDE.

    
437þeahhwæðre monige wilniað folgoðes & ealdordomes suiðe
438untælwierðlice,

page 49

439& monige beoð togeniedde eac suiðe untælwierðlice.
440ðæt we magon sueotole ongietan, gif we geðenceað ða
441twegen witgan ðe God wolde sendan to læranne .
442Oðer hiene his selfes willum gebead to ðære lare & to ðæm
443færelte.
444Oðer for ðæm ege, ðe he ondred ðæt he hit sua medomlice
445don ne meahte, him wiðsoc.
446ðæt wæs Heremias.
447ða he hine sendan wolde, ða bæd he eaðmodlice ðæt he
448hiene ne sende & cuæð: Eala eala eala
449Dryhten, ic eom cnioht;
450hwæt conn ic sprecan?
451Ac Essaias, ða Dryhten acsode hwone he sendan meahte, ða
452cuæð Essaias: Ic eom gearo;
453send me.
454Loca nu hu ungelic spræc eode of ðissa tuega monna muðe.
455Ac hio wæs of suiðe gelicum willan, forðon hio aweoll of
456anum wille;
457ðeah heo an tu tefleowe, ðeah wæs sio æspryng sio soðe
458lufu.
459Ymb ða we habbað tua bebodu: an is ðæt we lufigen God,
460oðer ðæt we lufien ure niehstan.
461For ðære lufan Essaias wilnode hu he nyttosð meahte beon
462his nihstum on ðys eorðlican life, &
463forðon he wilnode ðære ðegnunga ðæs lariowdomes.
464Hieremias ðonne wilnode singallice hine geðiedan to ðære
465lufan his Scippendes, & forðam he
466forcwæð, & nolde ðæt hine mon sende to læranne.
467ðæt ilce ðæt he untælwyrðlice ondred to underfonne,
468ðæt ilce se oðer swiðe hergeondlice gewilnode.
469Oðer ondred ðæt he forlure sprecende ða gestrion ðe he on
470ðære swigean geðencan meahte;
471oðer ondred ðæt he ongeate on his swygean ðæt he sumne
472hearm geswigode ðær ðær he freme
473gecleopian meahte, gif he ymb ðæt geornlice swunce.
474Ac we sculon swiðe smealice ðissa ægðer underðencean,
475forðonðe se ðe ðær wiðcwæð, na fullice ne
476wiðcwæð, & se se ðe wolde ðæt hine mon sende, he geseah
477ær hine clænsian ðurh ða colu ðæs

page 51

478alteres,
479ðylæs ænig unclænsod dorste on swa micelne haligdom fon
480ðære clænan ðegnenga ðæs sacerdhades, oððe
481eft ænig durre on eaðmodnesse hiwe hit ofermodlice
482forcweðan, swelce he licette eaðmetto, & doo ðeah
483for gilpe, gif hine gecist sio uplice gifu.
484Ac forðæmðe hit swa earfoðe is ænegum menn to witanne
485hwonne he geclænsod sie, he mæg ðy
486orsorglicor forbugan ða ðegnunga;
487ond næs swaðeah to anwillice ne forbuge he, swa we ær
488cwædon, ðonne he ongiete ðone ufancundan
489willan ðæt he hit don scyle.
490ægðer ðissa gefylde Moyses ða he wiðsoc swa miclum
491ealdordome.
492ægðer ge he wolde ge he nolde, & ðeah for eaðmodnesse
493geðafode.
494We witon ðæt he nære eaðmod, gif he underfenge ðone
495ealdordom swelces unrimfolces buton ege;
496& eft he wære ofermod, gif he wiðcwæde ðæt he nære
497underðidd his Scippende.
498Ac ægðer ðissa he dyde for eaðmodnesse & for
499underðidednesse.
500He sceawode hine selfne, & pinsode, ða ða him ðuhte ðæt
501he hit doon ne meahte, & swaðeah geðafode,
502forðamðe he getruwode ðæs mægene ðe hit him bebead.
503Hwæt se haliga wer ongeat þæt he hæfde Godes fultom, &
504swaðeah ondred ðæt he underfenge ðone
505lattiowdom ðæs folces, & nu him ne ondrædað ða dolan for
506hiera agnum scyldum ðæt hie sien ofer oðre, & ne
507magon him gegaderian on ðyllicum bisene SWEET: biwene
508hu micel synn & hu micel frecennes hit bið.
509God selfa tyhte Moyses on ðone folgoð, swaðeah he him
510ondred;
511ond nu fandiað swelce wræccan & teoð to, woldon underfon
512ðone weorðscipe & eac ða byrðenne;
513& ða ðe beoð mid hira agnum byrðennum ofðrycte ðæt hie
514ne magon gestondan, hie willað lustlice
515underfon oðerra monna, ond unniedige hie underlutað

page 53

516mid hira sculdrum oðerra byrðenna toeacan hiera agnum;
517he ne mæg his agne aberan, & wolde ðeah maran habban.

518B9.1.3C

page 237

    
519On oðre wisan sint to manianne ða biliwitan, on oðre ða
520lytegan.
521ða bilewitan sint to herigenne, forðæmðe hie simle
522suincað on ðæm ðæt hi tieligeað ðæt hie ne
523sculen leasunga secgan.
524Hie mon sceal eac læran ðæt hi hwilum suigien ðæs soðes,
525forðæm, sua sua sio leasung simle deret
526ðæm secggendum, sua dereð eac hwilum sumum monnum ðæt
527soð to gehierenne.
528Forðæm ure Dryhten gemetgode mid suigean his spræce beforan
529his ðegnum, ða he cuæð: Fela ic hæbbe
530eow to secganne, ac ge hit ne magon nu giet aberan.
531ðy sint to manianne ða bilwitan anfealdan ðætte, sua sua
532hie ða leasunga nyttwyrðlice fleoð, ðæt
533hie eac ðæt soð nytwyrðlice secgen, & geicen ða god hira
534anfealdnesse mid wærscipe, & sua tilige
535ðære orsorgnesse mid ðære anfealdnesse ðætte he ðone
536ymbeðonc ðæs wærscipes ne forlæte.
537Be ðam cwæð se æðela lareow sanctus Paulus: Ic wille
538ðæt ge sien wise to gode & bilwite to yfele.
539Ond eft be ðæm cwæð Dryhten ðurh hine selfne to his
540gecorenum: Beo ge swa ware sua sua nædran & sua
541bilwite sua culfran.
542Forðæm on ðara acorenra monna heortan sceal ðære nædran
543lytignes & hire nið ðære culfran
544biliwitnesse gescirpan, & eft ðære culfran biliwitnesse sceal
545gemetgian ðære nædran wærscipe & hire nið,
546ðylæs hine se wærscipe & se anda

page 239

547gelæde on ealles to micle
548hatheortnesse, oððe eft sio bilewitnes &
549sio anfealdnes hine to ungeornfulne gedoo to ongietanne,
550ðylæs he weorðe besolcen.
551Ongean ðæt mon sceal monian ða lytegan, & him secgan ðæt
552hie ongieten hu hefig ðæt twiefalde
553gesuinc bið ðæt hie him selfe ðurh hira agena scylda
554hira agnes gewealdes him on geteoð.
555ðæt is ðonne ðæt hie eallneg ræswað & ondrædað ðæt
556hi mon tælan wille, & beoð eallneg mid ðæm
557ymbeðoncan abisgode & ofdrædde.
558Oðer is ðara gesuinca ðæt hi simle seceað endelease
559ladunga, hu hie ðonne bereccan mægen.
560Ac nis nan scild trumra wið ðæt tuiefalde gesuinc ðonne
561mon sie untwiefeald, forðæmðe nawuht nis
562ieðre to gesecganne, ne eac to geliefanne ðonne soð.
563Ac ðonne hwa on ða leasunga befehð, ðonne ne mæg he of,
564ac sceal ðonne niede ðencean hu he hie
565gelicettan mæge, & gewergað ðonne his heortan suiðe hearde
566mid ðy gesuince.
567Be ðæm gesuince spræc se salmscop, ða he cuæð: ðæt
568gesuinc hira agenra welena hie geðrycð.
569Forðæm se ilca feond se ðe nu ðæt mod ðurh ða
570bisuiculan olicunga forlæreð, he hit eft mid suiðe
571grimmum edleane geðryscð.
572Be ðæm wæs gecueden ðurh Ieremias ðone witgan: Hie
573lærdon hira tungan, & wenedon to leasunge, &
574swuncon on unryhtum weorce.
575Suelce he openlice cuæde: ða ðe meahton Godes friend beon
576butan gesuince, hie suuncon ymb ðæt hu
577hie meahton gesyngian.
578Wietodlice, ðonne hwa nyle bielwitlice libban butan gesuince,
579he wile geearnian mid his gesuince his agenne deað.
580Ac monige menn, ðonne him beoð unðeawas on anfundene,
581ðonne anscunigað hie ðæt mon wite hwelce hie
582sien, & wilniað ðæt hie hie gehyden & beheligen under
583ðæm ryfte ðære

page 241

584leasunga, ge furðum ðara
585scylda ðe openlice beoð gesewena, hie wilniað ðæt hie
586scylen hie beladian sua georne ðætte oft se ðe
587wilnað hiera unðeawas arasian, bið openlice besuicen &
588ablend mid ðæm miste ðære leasunga, sua ðæt
589him fulneah ðyncð ðætte his nawuht sua ne sie sua sua he
590ær witodlice be him wende.
591Be ðæm ryhtlice bi Iudeum wæs gecueden ðurh ðone witgan
592ymb ðæt synfulle mod ðe hit simle wile
593ladian, he cuæð: ðær ðær se iil hæfde his holh.
594Se iil getacnað ða twiefealdnesse ðæs unclænan modes ðe
595hit symle lytiglice ladað, sua sua se iil,
596ærðæm he gefangen weorðe, mon mæg gesion ægðer ge his
597fet ge his heafod ge eac eall ðæt bodig, ac
598sona sua hiene mon gefehð, sua gewint he to anum cliewene, &
599tihð his fet sua he inmest mæg, &
600gehyt his heafod, sua ðætte betwuh hondum ðu nast hwær him
601awðer cymð, oððe fet oððe heafod, & ær, ær
602ðu his o onhriene, ðu meahtes geseon ægðer ge fet ge
603heafod.
604Swa doð ða lytegan & ða unclænan mod: ðonne him bið sum
605unðeaw on onfunden, ðonne bið ðæs iles heafud gesewen;
606ðonne mon mæg ongietan of hwam hit æresð com, & for hwæm.
607& ðonne beoð ða fet gesewene, ðonne mon ongiet mid hwelcum
608stæpum ðæt nawht wæs ðurhtogen, ac ðeah
609ðæt unclæne mod suiðe hrædlice fehð on ða ladunga, &
610mid ðære beheleð his fet & ða stæpas his
611unnyttan weorces.
612ðonne he tiehð his heafod in to him, ðonne he mid
613wunderlicre ladunga ætiewð ðæt he furðum næfre
614ðæt yfel ne ongunne, sua he hit hæfð mid his lotwrencium
615bewunden oninnan him selfum, suelce se
616lareow hæbbe an cliwen on his honda suiðe nearwe & suiðe
617smealice gefealden, & nyte hwær se ende sie,
618sua feor & sua fæste hit bið

page 243

619gefealden oninnan ðæs
620synnfullan monnes ingeðonce, & mid his lote
621bewunden, ðætte se lareow ðæs yfeles ðe he stieran scolde,
622ðeah ðe he hit ær wisðe, ðæt he hit ðonne
623nat, & eall ðæt he ær tælwyrðlices geseah mid ðam
624forhwirfdan gewunan ðære unryhtan ladunge he bið
625amierred ðæt he hit eal endemes forlæt, & his nanwuht nat.
626Wietodlice se il hæfð his holh on ðæs unnyttan monnes
627heortan, forðæm ðæt yfelwillende mod gefielt
628hit self twiefald oninnan him selfum, & gehyt hine on ðæm
629ðiestran mid ðære ladunge, sua se iil
630hine selfne gehyt on him selfum.
631Gehieren ða unclænan & ða lytegan hu hit awriten is on
632Salomonnes bocum ðætte se libbe getreowlice
633se ðe bilwitlice libbe.
634ðæt is se truwa micelre orsorgnesse, biliwitnes & anfealdnes
635his weorca.
636Gehirað hwæt of ðæs wisan Salomonnes muðe wæs gecueden;
637he cuæð ðæt ðæs Halgan Gæstes lar wille fleon
638leasunga.
639Gehirað eac ðætte ðæræfter awriten is ðætte he hæbbe
640his geðeaht & his sundorspræce mid ðæm
641bilwitum & mid ðæm anfealdum.
642ðonne spricð God to ðæm menn, ðonne he onlieht ðæt
643mennisce mod mid his agenre andweardnesse, & him
644his dieglan ðing geopenað.
645ðonne is eac gecueden ðætte God spræce to ðæm bilwitum,
646ðonne he mid ðæm uplicum & mid ðæm dieglum
647ðingum hira mod onlieht mid ðæm sciman his giefe & his
648fandunga & eac his tiehtinge.
649ðæt beoð ðonne ealles suiðusð ða mod ða ðe nan sceadu
650ne geðiestrað ðære twiefaldnesse.
651Ac ðæt is ðeah syndrig yfel twiefaldra monna ðætte,
652ðonne ðonne hie oðre menn mid hira lote
653bismriað, ðonne gielpað hie & fægeniað ðæs, suelce hi
654sien micle wærran

page 245

655& wisran ðonne hie, forðæmðe
656hie ne geðenceað ða ðearlan edlean, ac fægniað irmingas
657hiera agnes dysiges & hearmes.
658Gehiren eac ða ilcan mid hwelcum ymbeðonce godcundes
659onwaldes hie ðreade Soffonias se witga, ða he
660cuæð: Giet cymð se micla & se mæra & se egeslica Godes
661dæg, se dæg bið irres dæg & ðiestra dæg &
662mistes & gebreces & biemena dæg & gedynes ofer ealla truma
663ceastra & ofer ealle hea hwammas.
664Hwæt getacniað ðonne ða truman ceastra butan hwurfulu mod,
665getrymedu & ymbtrymedu mid lytelicre
666ladunge, ðæt him ne magon to cuman ða speru ðære
667soðfæsðnesse, ðæt sindon haligra gewrita manunga?
668Wið ða speru ðære soðfæstnesse hie hie scildað, ðonne
669hi mon tælan wile & arasian for hira unðeawum.
670Hwæt getacniað ðonne ða hean hwammas buton unclænu &
671twiefeald mod?
672Forðæm ælc wag bið gebieged twiefeald on ðæm heale.
673Sua bið ðæs monnes heorte: ðonne he ða bilewitnesse & ða
674anfealdnesse flihð, he gefielt his mod
675mid wore & mid unnytre twiefealdnesse, & eac ðætte wierse
676bið, he hine ahefð on his geðohte on gielp
677& on ofermetto for ðæm wærscipe his agenre scylde, & deð
678his agenne unðeaw him to weorðscipe.
679ðonne cymð se Dryhtnes domes dæg & wrace dæg ofer ða
680truman ceastra & ofer ða hean hwammas, ðonne
681ðæt ierre ðæs ytemestan domes ða menniscan heortan
682towyrpð, ða ðe nu sindon betynede & getrymede
683mid lytelicum ladungum wið ða soðfæsðnesse, & arafað
684ðæt cliwen ðære twifaldan heortan.
685ðonne feallað ða truman ceastra, ðonne ða mod ðe Dryhtne
686ungeferu sint weorðað gesciende.
687ðonne feallað ða hean hwammas, ðonne ða

page 247

688heortan ðe hie ahebbað for ðære tuiefealdnesse ðæs
689unryhtan wærscipes ðurh ryhtlicne cuide & dom weorðað
690ofdune aworpne.
691

ÐÆTTE ON OÞRE WISAN SINT TO MANIENNE ÐA HALAN, ON OÐRE
692ÐA UNHALAN.

    
693On oðre wisan sint to manianne ða truman, on oðre ða
694untruman.
695ða truman sint to manianne ðæt hie gewilnigen mid ðæs
696licuman trumnesse ðæt him ne losige sio hælo
697ðæs modes, ðylæs him ðy wirs sie, gif hie ða trumnesse
698ðære Godes giefe him to unnyte gehweorfað,
699& ðylæs hie siððan geearnigen sua micle hefigre wite sua
700hie nu egeleaslicor & unnytlicor brucað
701ðære mildheortlican Godes giefe.
702Forðon sint to manianne ða halan ðæt hie ne forhycgen
703ðæt hie her on worulde on ðære hwilendlican
704hælo him geearnigen ða ecan hælo.
705Ymb ða hwilendlican tida sanctus Paulus spræc, ða he
706cuæð: Nu is hiersumnesse tima & nu sint
707hælnesse dagas.
708Eac sint to manianne ða halan ðæt hie Gode wilnigen to
709licianne ðe hwile ðe hie mægen, ðylæs hie
710eft ne mægen, ðonne hie willen.
711Forðon wæs gesprecen ðurh ðone wisan Salomonn bi ðæm
712Wisdome ðæt se Wisdom wille sona fleon ðone
713ðe hine fliehð, ðonne he hine ful oft ær to him cleopað, &
714he forsæcð ðæt he him to cume.
715Ac eft, ðonne he ðone Wisdom habban wolde, & his wilnað,
716ðonne cuið se Wisdom to him: Ic eow
717cleopode ær to me, ac ge me noldon æt cuman;
718ic ræhte mine hond to eow, nolde iower nan to locian;
719ac ge forsawon eall min geðeaht, & leton eow to giemeleste,
720ðonne ic eow cidde.
721Hwæt sceal ic ðonne buton

page 249

722hliehchan ðæs, ðonne ge to lose
723weorðað, & habban me ðæt to gamene, ðonne
724eow ðæt yfel on becymð ðæt ge eow ær ondredon?
725Ond eac cuið se Wisdom eft: ðonne hie to me clipiað, ðonne
726nylle ic hie gehieran.
727On uhtan hie arisað, & me seceað, ac hi me ne findað.
728Ac ðonne se mon his lichoman hælo forsihð , ðonne
729ðonne he wel trum bið to wyrceanne ðæt he ðonne
730wile, ðonne ðonne him eft sio hæl losað, ðonne gefred he
731æresð hwelc heo to habbanne wæs ða hwile ðe
732he hi hæfde, & wilnað hire to late & on untiman, ðonne he
733ær nolde hie gehealdan, ða ða he hi
734hæfde.
735Forðæm eft suiðe ryhtlice Salomonn cuæð: Ne læt ðu to
736ælðiodigum ðinne weorðscipe, ne on ðæs
737wælhreowan hond ðin gear, ðylæs fremde menn weorðen
738gefylled of ðinum gesuince, & ðin mægen sie on oðres
739monnes gewealdum, & ðu ðonne sargige forðæm on lasð,
740ðonne ðin lichoma beo to lore gedon, & ðin
741flæsc gebrosnod.
742Hwa is ðonne from us fremde butan ða awiergdan gæstas,
743ða ðe from ðæs hefencundan Fæder eðle
744adrifene sindon?
745Oððe hwæt is ure weorðscipe on ðissum eorðlicum lichoman
746buton ðæt we sint gesceapene æfter ðære
747biesene ures Scippendes?
748& hwæt is elles se wælhreowa buton ða aworpnan englas, ðe
749hie selfe mid hiera ofermettum on deaðes
750wite gebrohton?
751& on ðone ilcan deað hie wilniað eal moncynn to forspananne
752& to forlædanne.
753Hwæt tacnað ðonne ðæt word elles ðæt mon ne selle
754his weorðscipe fremdum menn buton ðætte se ðe to
755Godes bisene gesceapen is, ðonne he ða tid his lifes on
756gewil ðara awierdena gæsta gehwierfð;
757& his gear geseleð wælhreowum, se se ðe in yfelra &
758wiðerweardra onwald forlæt ða hwile his
759lifes?
760Ond eac cuæð Salomonn ðæt

page 251

761fremde ne scolden beon gefyllede
762ures mægenes, & ure gesuinc ne scolde
763beon on oðres monnes anwalde.
764Sua hwa ðonne sua on ðisse worulde hæfð fulle hæle his
765lichoman, & nyle wisdomes & cræftes on his
766mode tiligan, ac suinceð on ðæn ðæt he leornige unðeawas
767& fremme, ne fylð se no his agen hus godra
768cræfta, ac fremdra hus he fylð, ðæt sint unclæne
769gæstas.
770Wiotodlice ða ðe hira lif on firenluste & on ofermodnesse
771geendigað, ne gefyllað hie godra rim, ac
772awiergedra gæsta.
773ðonne is æfter ðæm gecueden ðæt he sargige æt niehstan,
774ðonne his lichoma & his flæsc sie
775gebrosnod, forðæm oft sio hælo ðæs lichoman on unðeawas
776wierð gecierred, ac ðonne he ðære hælo benumen
777wierð mid monigfaldum sare ðæs modes & ðæs flæsces, se
778lichoma ðonne wierð gedrefed, forðæm sio saul,
779ðonne hio hire unðonces gebædd wierð ðæt yfel to
780forlætanne ðæt hio ær longe on woh hire agnes
781ðonces gedyde, secð ðonne ða forlorenan hælo, & wilnað
782ðære, suelce he ðonne wel & nytwyrðlice libban
783wolde, gif he forð moste.
784Murcnað ðonne forðy ðæt he Gode nolde ðiowigan ða hwile
785ðe he meahte, forðon he ðonne ðone demm his
786giemelieste mid nanum gesuince gebetan ne mæg, buton him
787ðurh his hreowsung & ðurh Godes miltse
788geholpen weorðe.
789Forðæm cuæð se sealmscop: ðonne God hie slog, ðonne
790sohton hie hine.
791Ongean ðæt sint to manianne ða mettruman ðæt hie ongieten
792& gefreden ðæt hie sua micle ma beoð
793Godes bearn, & he hie sua micle ma lufað sua he hie suiður
794manað & suingð, forðæm, gif he ðæm
795gehiersuman mannum næfde geteohchad his eðel to sellanne,
796hwie wolde he hie mid ænegum ungetæsum læran?
797Forðæm cuæð Dryhten to Iohanne ðam godspellere ðurh his
798engel,

page 253

799he cuæð: Ic ðreage & suinge ða ðe ic lufige.
800Forðæm eac cuæð Salomonn: Sunu min, ne agiemeleasa ðu
801Godes suingan, ne ðu ne beo werig for his
802ðreaunge, forðæmðe God lufað ðone ðe he ðreað, &
803suingeð ælc bearn ðe he underfon wile.
804Be ðam ilcan se salmscop cuæð: Suiðe monigfalde sint
805ryhtwisra monna earfoðu.
806Be ðæm eac se eadega Iob cwæð on his earfeðum, &
807geomriende cliopode to Dryhtne, & cuæð: Gif ic
808ryhtwis wæs, ne ahof ic me no forðy, & ðeah ic eom gefylled
809mid broce & mid iermðum.
810Eac is to cyðanne ðæm mettrumum, gif hie willen geliefan
811ðætte Godes rice hiera sie, ðæt hie
812ðonne her on worulde ðoligen earfeðu ðæm timum ðe hie
813ðyrfen, sua sua mon sceal on elðiode.
814Be ðys ilcan is gecueden on kyninga bocum, sua sua hit
815geworden wæs, & eac us to bisene.
816Hit is gecueden ðætte ða stanas on ðæm mæran temple
817Salomonnes wæron sua wel gefegede & sua emne
818gesnidene & gesmeðde, ær hie mon to ðæm stede brohte ðe
819hie on standan scoldon, ðætte hie mon eft
820siððan on ðære halgan stowe sua tosomne gesette ðæt ðær
821nan monn ne gehierde ne æxe hlem ne bietles sueg.
822ðæt ðonne tacnað us ðætte we scylen beon on ðisse
823ælðeodignesse utane beheawene mid suingellan, to
824ðæm ðæt we eft sien geteald & gefeged to ðæm
825gefogstanum on ðære Godes ceastre butan ðæm hiewete
826ælcre suingean, ðætte sua hwæt sua nu on us unnytes sie,
827ðætte ðæt aceorfe sio suingelle from us,
828sua ðætte siððan an sibb Godes lufe butan ælcum ungerade
829us suiðe fæste gebinde & gefege tosomne.
830ðonne sint eac to manianne ða unhalan ðæt hie geðencen
831mid hu monigfaldum ungetæsum & mid hu
832heardum brocum us swingað & ðreagað ure worldcunde fædras

page 255

833& hlafordas, forðæm ðe hie wilniað ðæt we him
834geðwære sien, & eac hira irfes wierðe sien, & hie us ðe
835bliðran beon mægen.
836Ac hwelc wite sceal us ðonne to hefig ðyncan ðære
837godcundan ðreaunga wið ðæm ðe we mægen geearnian
838ðone hefonlican eðel ðe næfre to lore ne weorðeð, &
839forðæm ðæt we mægen forbugan ðæt wite ðæt
840næfre ne wierð geendod?
841Forðæm cuæð sanctus Paulus: Ure flæsclican fædras
842lærdon us, & we hie ondredon;
843hie ðreadon us, & we weorðodon hie.
844Hu micle suiðor sculon we ðonne beon gehiersume ðæm ðe
845ure gæsta Fæder bið wið ðæm ðæt we moten
846libban on ecnesse.
847Ure flæsclican fædras us lærdon to ðæm ðe hira willa
848wæs, ac ðæt wæs to suiðe scortre hwile,
849forðæmðe ðios woruld is suiðe lænu, ac se gæsðlica
850Fæder he us lærð nytwyrðlicu ðing to underfonne, ðæt
851is ðæt we geearnigen ðæt ece lif.
852Eac sint to manianne ða mettruman ðæt hie geðencen hu
853micel hælo ðæt bið ðære heortan ðæt se
854lichoma sie medtrum, forðæm sio medtrymnes ðæt mod
855gehwierfð gehwelces monnes hine selfne to
856ongietanne, & ðæt gode mod ðe sio hælo ful oft aweg
857adriefð ðæt gemynd ðære medtrymnesse geedniewað, ðætte
858ðæt mod ðe ofer his mæð bið upahæfen gemyne of ðæm
859suingum ðe ðæt flæsc ðolað to hwæm eal monncynn
860gesceapen is.
861ðæt wære suiðe ryhte getacnod ðurh Balaham on ðære
862lettinge his færeltes, gif he mid his
863hiersumnesse Godes stemne & his gebodum fullice folgian wolde,
864& on his willan fore.
865Baloham ðonne fulgeorne feran wolde ðær hine mon bæd, ac
866his estfulnesse witteah se esol ðe he
867onuppan sæt.
868ðæt wæs forðæmðe se assa geseah ðone engel ongean hine
869standan, & him ðæs færeltes forwiernan,
870ðone ðe ðæt mennisce mod geseon ne meahte.

page 257

871Sua eac, ðonne ðæt flæsc bið gelett mid sumum broce, hit
872getacnað ðæm mode for ðære suingan hwæt
873Godes willa bið, ðone illcan willan ðe ðæt mod hwilum
874ongietan mæg ðe ofer ðæm flæsce sitt, & his
875wealdan sceolde, forðæm ðæt flæsc oft lætt ða
876geornfulnesse & ðone willan ðæs ðiondan modes her on
877worulde.
878Sua mon oft lett fundigendne monnan, & his færelt gælð, sua
879gælð se lichoma ðæt mod, oððæt he
880gebrocad wierð mid sumre mettrymnesse, & ðonne ðurh ða
881mettrymnesse getacnað se lichoma ðæm mode ðone
882ungesewenan engel ðe him togenes stent, & him wiernð his
883unnyttan færelta ðurh ðæs lichoma
884mettrymnesse.
885Be ðæm cwæð sanctus Petrus suiðe ryhtlice: ðæt dumbe &
886ðæt gehæfte neat ðreade ðone witgan for his
887yfelan willan, ða hit cleopode sua sua monn, & mid ðy
888gestierde ðæm witgan his unryhtre & dyslicre wilnunga.
889ðonne ðreað ðæt dumbe neat ðone unwisan monn, ðonne
890ðæt gebrocode flæsc gelærð ðæt upahæfene mod
891to ryhttre & to nyttwyrðre eaðmodnesse.
892Forðæm ne meahte Balaham geearnian ða Godes giefe ðe he
893biddende wæs, ða he Israhela folc wirgean
894wolde & for hine selfne gebiddan;
895forðæm he wearð untygða ðe he hwierfde his stemne nales
896his mod: ðæt wæs ðæt he spræc oðer, oðer
897ðæt he sprecan wolde.
898Eac sint ða seocan to monianne ðæt hie ongieten hu micel
899Godes giefu him bið ðæs flæsces gesuinc,
900forðæmðe hit ægðer ge ða gedonan synna aweg aðwiehð,
901ge hine eac ðara gelett ðe he don wolde, gif
902he meahte, forðæm ðonne he bið gesargod on ðæs
903lichoman wundum, ðonne gewyrceað ða wunda on ðæm
904gebrocodan mode hreowsunge wunda.
905Bi ðæm is eac awriten on Salomonnes cuidbocum ðæt sio wund
906wolde

page 259

907halian, æfterðæmðe heo wyrmsde.
908ðonne aflewð ðæt sar of ðære wunde mid ðy wormse,
909ðonne ðæt sar ðære suingellan ðissa woruldbroca
910aðwiehð ægðer ge ða geðohtan synna ge ða gedonan of
911ðære saule.
912Eac cuæð Salomon ðætte ðæt illce beo bi ðæm wundum ðe
913beoð oninnan ðære wambe.
914ðære wambe nama getacnað ðæt mod, forðæm sua sua sio
915wamb gemielt ðone mete, sua gemielt ðæt mod
916mid ðære gescadwisnesse his geðeahtes his sorga.
917Of Salomonnes cuidum we namon ðætte ðære wambe nama scolde
918tacnian ðæt mod, ða ða he cuæð: ðæs
919monnes lif bið Godes leohtfæt;
920ðæt Godes leohtfæt gindsecð & gindlieht ealle ða
921diogolnesse ðære wambe.
922Suelce he cuæde: æresð he hiene onlieht mid his leohtfæte,
923ðonne he hiene gelieffæsð, & eft he hine
924onlieht, ðonne he hiene onælð mid ðæm tapure ðæs
925godcundan lieges.
926ðæt bið ðonne, ðonne he deð ðæt he ongiet his agne
927unnytte ðeawas & geðohtas ðe wen is ðæt he ær
928hæfde, ðeah he hit geðencean ne meahte.
929ðæt worms ðonne ðara wunda ðæt is ðæt broc ðæs
930lichoman, & ðæt sar innan ðære wambe, ðæt tacnað ða
931sorge ðæs modes.
932Sio sorg ðonne aswæpð aweg ðæt yfel of ðæm mode.
933ðonne we beoð butan ðæm mode on ðæm lichoman gesuencte,
934ðonne beo we suigende gemanode mid ðære
935mettrymnesse ura synna to gemunanne, forðæmðe ðonne bið
936broht beforan ures modes eagan eall ðæt we ær
937yfeles gedydon, forðæm sua se lichoma suiður utan
938ðrowað, sua ðæt mod suiður innan hreowsað ðæs
939unnyttes ðe he ær dyde.
940Forðæm gelimpð ðætte ðurh ða openlican wunda & ðurh
941ðæt gesewene sar ðæs lichoman bið suiðe wel
942aðwægen sio diegle wund ðæs modes, forðæm sio diegle
943wund

page 261

944ðære hreowsunga hælð ða scylðe ðæs won weorces.
945Eac sint to manianne ða mettruman to ðæm ðæt hie
946gehealden ða strenge ðære geðylde.
947Him is to secgeanne ðæt hie unablinnendlice geðencen hu
948monig yfel ure Dryhten & ure Alisend
949geðolode mid ðam ilcan mannum ðe he self gesceop, & hu fela
950edwites & unnyttra worda he forbær, & hu
951manige hleorslægeas he underfeng æt ðæm ðe hine bismredon.
952Se ilca se ðe ælce dæg saula gereafað of ðæs ealdan
953feondes honda, se ilca se ðe us ðwiehð mid ðy
954halwyndan wætre, se na ne forbeag mid his nebbe ðara
955triowleasena monna spatl, ðonne hie him on
956ðæt nebb spætton.
957Se ilca se us gefreoð mid his forespræce from ecum witum, se
958ilca suigende geðafode swingellan.
959Se ðe us sealde ece are betwuxn his engla geferscipe, he
960geðafode ðæt hine mon mid fyste slog.
961Se ðe us gehæleð from ðæm stice urra synna, he geðafode
962ðæt him mon sette ðyrnenne beag on ðæt heafud.
963Se ðe us oferdrencð mid ðæs ecan lifes liðe, he
964gefandode geallan biternesse, ða hine ðyrstte.
965Se ðe for us gebæd to his Fæder, ðeah he him emnmiehtig
966sie on his godhade, ða ða him mon on bismer
967to gebæd, ða swugode he.
968Se se ðe deadum monnum lif gearuwað, & he self lif is, he
969becom to deaðe.
970Forhwy ðonne sceal ænigum menn ðyncan to reðe oððe to
971unieðe ðæt he Godes suingellan geðafige for
972his yfelum dædum, nu God self sua fela yfeles geðafode, sua
973sua we ær cuædon, for monncynne?
974Hwa sceal ðonne, ðara ðe hal & good andgiet hæbbe, Gode
975unðoncfull beon, forðæm, ðeah he hine for
976his synnum suinge, nu se ne for butan suingellan of ðys
977middangearde se ðe butan ælcre synne wæs & giet is?

page 263

978

ÐÆTTE ON OÐRE WISAN SINT TO MANIENNE ÐA ÐE HIM
979ONDRÆDAÐ GODES SWINGELLAN OÐÐE MONNA, & FORÐY
980FORLÆTAÐ ÐÆT HIE YFEL NE DOÐ;
981ON OÐRE WISAN ÐA ÐE BEOÐ SWA AHEARDODE ON UNRYHTWISNESSE
982ÐÆT HI MON NE MÆG MID NANRE ÐREAUNGE
983GEÐREATIAN.

    
984On oðre wisan sint to monianne ða ðe him suingellan
985ondrædað, & forðæm unsceaðfullice libbað;
986& on oðre wisan sint to manianne ða ðe on hiera
987unryhtwisnessum sua aheardode beoð ðæt hie mon mid
988nanre swingellan gebetan ne mæg.
989ðæt is to cyðanne ðe him swingellan ondrædað ðæt hie
990ðissa eorðlicena goda to suiðe ne gietsien,
991ðeah hie geseon ðæt ða yfelan hie hæbben ongemong him,
992forðæm hie sint ægðrum gemæne ge yfelum monnum
993ge godum;
994& ne fleon eac ðis andwearde yfel, suelce hie hit adriogan ne
995mægen, forðonðe hit oft gode menn her
996on worlde dreogað.
997Eac hie sint to monianne, gif hie geornlice wilnigen ðæt
998him yfel ðing losie, ðonne beo him suiðe
999egefull ðæt ece wite;
1000nalles ðeah sua egeful ðæt hie ealneg ðurhwunigen on ðæm
1001ege, ac mid ðam fostre ðære Godes lufan
1002hie sculon uparisan & weaxan a ma & ma to lufigeanne ða
1003godcundan weorc.
1004Forðæm Iohannis se godspellere cwæð on his ærendgewrite,
1005ic cwæð: Sio fulfremede Godes lufu
1006adrifeð aweg ðone ege.
1007& eft cwæð sanctus Paulus: Ne underfengon ge no ðone Gast
1008æt ðæm fulluhte to ðeowigeanne for ege,
1009ac ge hine underfengon to ðæm ðæt ge Gode geagenudu bearn
1010beon scielen, forðy we cliepiað to Gode,
1011& cweðað, Fæder, Fæder.
1012Forðæm cwið eft eac se ilca lariow: ðær se
1013Dryhtnes gast

page 265

1014is, ðær is freodoom.
1015Gif ðonne hwelc mon forbireð his synna for ðæm ege anum
1016ðæs wites, ðonne nafað ðæs ondrædendan
1017monnes mod nanne gastes freodom, forðæm, gif he hit for ðæs
1018wites ege ne forlete, butan tweon he
1019fulfremede ða synne.
1020ðonne nat ðæt mod ðæt him bið freodom forgiefen, ðonne
1021hit bið gebunden mid ðæs ðeowutes ege.
1022ðeah monn nu good onginne for sumes wites ege, hit mon sceal
1023ðeah geendigean for sumes godes lufum.
1024Se ðe for ðæm anum god deð ðæt he sumre ðreaunge yfel
1025him ondrætt, se wilnað ðætte nan ðing ne sie
1026ðe he him ondrædan ðyrfe, ðæt he ðy orsorglicor dyrre
1027don unnyttlicu ðing & unalifedu.
1028ðonne bið suiðe sweotol ðætte him ðonne losað beforan
1029Gode his ryhtwisnes, ðonne he ðurh his agene
1030geornfulnesse gesyngað unniedenga, ðonne bið suiðe
1031sueotul ðæt he ðæt good na ne dyde ðær he hit
1032for ðæm ege dorste forlætan.
1033Ongean ðæt ðonne sint to monianne ða menn ðe suingellan
1034ne magon forwiernan ne na gelettan hiera unryhtwisnesse.
1035Hie beoð to ðreageanne & to swinganne mid swa micle maran
1036wite sua hie ungefredelicor beoð aheardode on hiera unðeawum.
1037Oft eac ða swelcan monn sceal forsion mid eallum
1038forsewennessum, & unweorðian mid ælcre
1039unweorðnesse, forðæm ðætte sio forsewennes him ege &
1040ondrysnu on gebringe, & eft æfter ðæm ðæt hiene sio
1041godcunde manung on wege gebringe, & hine to hyhte gehwierfe.
1042ðonne sint eac ðæm ilcan monnum suiðe ðearllice to
1043recceanne ða godcundan cwidas, ðæt hie bi ðam
1044oncnawæn, ðonne hie geðencen ðone ecean dom, to hwæm hiera
1045agen wise wirð.
1046Eac hie sculon gehieran ðæt on him bið gefylled Salomonnes
1047cwide ðe he cwæð, he cwæð: ðeah ðu
1048portige ðone dysegan

page 267

1049on pilan, swa mon corn deð mid piilstæfe,
1050ne meaht ðu his dysi him from adrifan.
1051ðæt ilce sarette se witga, ða ða he cwæð: ðu hie
1052tobræce, & ðeah hie noldon underfon ðine lare.
1053Eft bi ðæm ilcan cwæð Dryhten: Ic ofslog ðis folc, & to
1054forlore gedyde, & hie hie ðeah noldon
1055onwendan from hiera woom wegum, ðæt is, from hiera yfelum
1056weorcum.
1057Bi ðæm ilcan eft cwæð se witga: ðis folc nis no gewend to
1058ðæm ðe hie swingð.
1059Ymb ðæt ilce sargode se witga, sua sua god lareow deð,
1060ðonne he his gingran suingð, gif hit him
1061nauht ne forstent.
1062Be ðæm cwæð se witga: We lacnodon Babylon, & hio ðeah ne
1063wearð gehæled.
1064ðonne bið Babylon gelacnad, nales ðeah fullice gehæled,
1065ðonne ðæs monnes mod for his unryhtum
1066willan & for his won weorcum gehierð sceamlice ðreaunga, &
1067sceandlice suingellan underfehð, &
1068ðeahhwæðre oferhygð ðæt he gecierre to bettran.
1069ðæt ilce eac Dryhten oðwat Israhela folce, ða hie wæron
1070gehergeode & of hiera earde alædde, &
1071swaðeah noldon gesuican hiera yfelena weorca, ne hie noldon
1072awendan of hiera won wegum;
1073ða cwæð Dryhten: ðiss Israhela folc is geworden nu me to
1074sindrum & to are & to tine & to iserne &
1075to leade inne on minum ofne.
1076Suelce he openlice cwæde: Ic hie wolde geclænsian mid ðæm
1077gesode ðæs broces, & wolde ðæt hie wurden
1078to golde & to seolufre, ac hie wurdon gehwierfde inne on
1079ðam ofne to are & to tine & to isene &
1080to leade, forðæmðe hie noldon on ðæm gesuincium hie selfe
1081gecirran to nyttum ðingum, ac ðurhwunedon
1082on hiera unðeawum.
1083Witodlice ðæt ar, ðonne hit mon slihð, hit bið hludre
1084ðonne ænig oðer ondweorc.
1085Sua bið ðæm ðe

page 269

1086suiðe gnornað on ðære godcundan
1087suingellan, he bið on middum ðæm ofne gecirred to are.
1088ðæt tin ðonne, ðonne hit mon mid sumum cræfte gemengð, &
1089to tine gewyrcð, ðonne bið hit swiðe
1090leaslice on siolufres hiewe.
1091Sua hwa ðonne sua licet on ðære swingellan, he bið ðæm
1092tine gelic inne on ðæm ofne.
1093Se bið ðonne ðæm isene gelic inne on ðæm ofne, se ðe
1094for ðære suingellan nyle his ðweorscipe
1095forlætan, ac ofan his nihstan his lifes.
1096ðæt lead ðonne is hefigre ðonne ænig oðer andweorc.
1097Forðy bið inne on ðæm ofne geworden to leade se se ðe sua
1098bið geðrysced mid ðære hefignesse his
1099synna ðæt he furðum on ðæm broce nyle alætan his
1100geornfulnesse & ðas eorðlican wilnunga.
1101Bi ðæm ilcan is eft awriten: ðær wæs suiðe suiðlic
1102gesuinc, & ðær wæs micel swat agoten, & ðeah ne
1103meahte monn him of animan ðone miclan rust, ne furðum mid
1104fyre ne meahte hiene mon aweg adon.
1105He us stiereð mid fyres broce, forðæmðe he wolde from us
1106adon ðone rust urra unðeawa, ac we ðeah
1107for ðæm broce ðæs fyres nyllað alætan from us ðæt rust
1108ðara unnyttra weorca, ðonne we on ðære
1109suingellan nyllað gebetan ure unðeawas.
1110Be ðæm cwæð eft se witga: Idel wæs se blawere, forðon
1111hiera awiergdan weorc ne wurdon from him
1112asyndred.
1113Eac is to witanne ðætte oft ðæm bið gestiered mid
1114manðwærlicre manunga, ðæm ðe monn mid heardre
1115suingellan gecirran ne mæg, & ða ðe ne magon ðrouunga
1116gestieran yfelra weorca, eft hie hie forlætað
1117for liðelicre olicunga, sua sua ða seocan, ða ðe mon oft ne
1118mæg gelacnian mid ðæm drencium strangra
1119wyrta gemanges, ða ful oft beoð mid wlacum watre gelacnode,
1120& on ðære ilcan hælo gebrohte ðe hie ær

page 271

1121hæfdon.
1122Sua beoð eac ful oft ða wunda mid ele gehælda, ða ðe mon
1123mid gesnide gebetan ne meahte.
1124& eac se hearda stan, se ðe aðamans hatte, ðone mon mid
1125nane isene ceorfan ne mæg, gif his mon
1126onhrinð mid buccan blode, he hnescað ongean ðæt liðe blod
1127to ðæm suiðe ðæt hine se cræftega wyrcean mæg
1128to ðæm ðe he wile.

1129B9.1.3D

page 387

    
1130On oðre wisan sint to manianne ða ðe eall orsorglice
1131begitað ðisse worulde, ðæt ðæt hie wilniað;
1132on oðre wisan ða ðe ðisses andweardan middangeardes wilna
1133& welena wilniað, & swaðeah mid sumum
1134wiðerweardum brocum hiora him bið færwirned.
1135ða ðonne sint to manienne ðe simle habbað ðisse worulde
1136ðæt ðæt hie wilniað ðæt hie ne
1137agiemeleasien, ðonne hi hit eall hæbben, ðæt hie ne secen
1138ðone ðe him to eallum gefultemað, ðylæs hie lufigen
1139ðas elðiodignesse ofer hiora ægenne eðel, & hiora mod eal
1140ahon on ðæt ðe him her gelæned bið, &
1141ðylæs hie gedwelle sio gehydnes & ða getæsu ðe hie on
1142ðæm wege habbað, ðæt hie forgieten hwider hie
1143scylen, & ðylæs hie for ðæm fægeran monan ðe hi on niht
1144gesioð forhycgen ðæs dæges bierhto & ðære sunnan.
1145Eac hi sint to monienne ðætte hie no ne geliefen ðætte ða
1146willan & ða getæsu ðe him on ðisse
1147worulde becumað, ðætte ðæt sien ða lean ðe him God
1148getiohchod hæfð, ac bið ðissa iermða frofor, & ða lean
1149bioð on ðæm ecean life ðæs ðe we to gode doð.
1150Forðy we sculon ure mod getrymman wið ðisses middangeardes
1151oliecunga, ðylæs we hie mid ealle mode
1152lufigen, & us mid ealle hiere underðieden.
1153Ac se se ðe ðas orsorgnesse ðe he her hæfð ne forswið
1154mid ðære gesceadwisnesse his ingeðonces &
1155mid ðære lufan ðæs beteran lifes, ðonne gehwierfð he
1156ða olecunga ðisse gewitendan worulde him to ecum deaðe.
1157For ðissum ðingum wæs ðætte Ezechiel se witga ðreade
1158Israhela folc, & cwæð ðæt hie wolden weorðan
1159forlorene & oferwunnene mid orsorgnesse, swa swa Idumeas
1160wæron, forðæm hi to swiðe bliðsodon on
1161ðisses middangeardes orsorgnesse.
1162Ac Dryhten hie ðreade ðurh ðone witgan, ða he cwæð: Hie
1163dydon min land him selfum to ierfelonde
1164mid gefean & mid ealre heortan & mid ealle mode.
1165Be ðæm wordum we mægon gehieran ðæt hie wæron swiðe
1166suiðlice getælde, næs no forðæmðe hie
1167fægnodan, ac forðæmðe hie mid ealre heortan & mid ealle
1168mode fægnodan.
1169Be ðæm cwæð Salomon: Giongra monna dolscipe hi ofslihð, &
1170dysigra monna orsorgness hi fordeð.
1171Be ðæm ilcan cwæð sanctus Paulus: Sien ða hæbbendan

page 389

1172swelce hie nowiht hæbben, & ða ðe ðisses
1173middangeardes notigað swelce hi his no ne notigen.
1174ðætte we swa lufigen ðisne uterran & ðisne eorðlican
1175fultum ðætte we forðæm from ðære wilnunga &
1176from ðære geornfulnesse ðære godcundan lufan ure mod ne
1177awenden, ðylæs us weorðe to wope & to
1178elðiodignesse ðæs ecean lifes ðæt ðæt us on ðisse
1179elðiodignesse to fultume & to are gelæned is;
1180ðætte we ne fægnigen, swelce we gesælige sien for ðissum
1181gewitendan ðingum, ðonne ðonne we betweox
1182ðæm ongieten hu earme we bioð ðara ecena ðinga.
1183Be ðissum ilcan cwæð Salomon on Cantica Canticorum
1184ðære bec be ðære halgan gesomnunge, he cwæð:
1185Dryhtnes winestre hand is under minum heafde, & his swiðre
1186hand me beclipð.
1187Sio winestre hand Godes he cwæð wære under his heafde.
1188ðæt tacnað orsorgnesse ðisses andweardan lifes.
1189ða hand ðonne geðrycð sio incunde lufu ðæs uplican
1190lifes.
1191Sio swiðre hand hine ðonne beclipð, ðonne ðonne he
1192hine gehielt on ðæm willan ðæt he mid ealre
1193estfulnesse lufað ðæt ece lif.
1194Eft wæs gecueden ðurh Salomon ðone snottran ðætte on his
1195swiðran handa wære lang lif, & on his
1196winestran wære wela & wyrðmynt.
1197ða he lærde hu we ægðer lufian sceolden, ða he mæt ðone
1198welan & ðone wyrðmynd to ðære winestran handa.
1199Eft be ðæm ilcan cwæð se psalmsceop: Gehæle me ðin sio
1200swiðre.
1201Ne cwæð he no ðin sio winestre hond, ac ðin sio swiðre.
1202Mid ðæm he gecyðde ðæt he ne mænde ðis andwearde
1203lif, ac ðæs ecean lifes hælo he sohte.
1204Be ðæm ilcan is eft awriten on Exodo, ðæt is Moyses boc,
1205hit is awriten: ðin swiðre hand, Dryhten,
1206gebræc ðine feond.
1207ða ðonne ðe Godes fiond bioð, ðeah hi on ðære winstran
1208handa bion geðigene, hi beoð mid ðære
1209swiðran tobrocene, ðæt is ðætte oft ðis andwearde lif
1210upahefeð ða yfelan, ac se tocyme ðære ecan
1211eadignesse hie geniðrað.
1212ðy sint to manienne ða ðe on ðisse worulde orsorglice
1213libbað, ðæt hie geornlice ongieten ðætte sio
1214orsorgnes ðisses andweardan lifes hwilum bið to ðæm
1215gelæned ðæt hie sien ðurh ða to beteran life
1216getogene, hwilum to ðæm ðæt hie sien ðy swiður on
1217ecnesse gesciende.
1218Forhwam wæs elles Canonea land Israhela folce gehaten,
1219buton forðæmðe ðæt ungetyde folc nolde
1220geliefan ðeah him mon feorr land on fierste gehete, gif him
1221sona ne sealde sum on neaweste se him ðæt mare gehett?
1222Ond eac forðæm ðætte hie ðy fæsðlicor & ðy
1223untweogendlicor gelifden ðara ecena ðinga, swa hwanne
1224swa him ða gehete, ðylæs

page 391

1225hi mid ðæm gehatum & mid ðæm
1226tohopan anum hi spone to ðære giefe, ac eac
1227mid ðære giefe he hi teah on ðone tohopan.
1228ðæt eac gecyðde se psalmsceop swiðe openlice, ða he
1229cwæð: He him sealde ricu oðerra kynrena, &
1230manigra folca gestreones hie wieoldon, to ðon ðæt hi his
1231ryhtwisnesse geheolden, & his æ sohten.
1232Ac ðonne ðæt mennisce mod Godes glædmodnesse mid godum
1233weorcum ne geandsworað, ðonne bið he swiðe
1234ryhtlice mid ðæm gehined ðe mon wenð ðæt he mid gearod
1235sie.
1236Be ðæm wæs eft gecweden ðurh ðone salmsceop: ðu hie
1237geniðrades, ða hi hi selfe upahofon.
1238Swa, ðonne ðonne unnyttan men ða godcundan gife nyllað
1239leanian mid ryhtum weorcum, ac willað hi
1240selfe her mid ealle fordon mid ðære fortruwunga ðæs
1241toflowendan welan & orsorgnesse, & ðonon ðe hi
1242utan bioð ahæfene, ðanon hie bioð innan afeallene.
1243Be ðys ilcan wæs eac gecweden be ðæm welegan ðe gesæd
1244is ðætte on helle ðrowude, hit wæs
1245gecweden: ðu onfenge ðin god eal her on worulde.
1246Forðæm anfehð se yfla auht goodes on ðisse worulde ðæt
1247he eft ðy maran yfles on ðæm toweardan life,
1248gif he her nolde for ðæm goode to Gode gecierran.
1249Angean ðæt sint to manigenne ða ðe ðises middangeardes
1250wilna & weolena wilniað, & him swaðeah sum
1251wiðerweardnes his forwiernð, & hi geswencð on ðisse
1252worulde, ða sint to manienne ðæt hie geornlice
1253geðencen mid hu micelre giefe ofer him wacað se Scippend &
1254se Stihtere ealra gesceafta, ðonne he hi
1255nyle lætan to hiera agnum wilnungum;
1256swa swa se læce, ðonne he ðæm siocan ne truwað, & wenð
1257ðæt his gehelpan ne mæge, ðonne aliefð he
1258him eal ðæt ðæt hine lysð to donne & to ðycganne, ac
1259ðæs ðe he wenð ðæt he gehelpan mæge, ðæm he
1260forwiernð swiðe feola ðæs ðe he wilnað.
1261Hwæt we eac wiernað urum cildum urra peninga mid to
1262plegianne, ðæm ilcum ðe we eft tiochiað urne
1263eard & urne eðel & ure ierfe eall ætsomne to te forlætanne,
1264& hie tiochiað us to ierfeweardum to habbanne.
1265Ac nimen him nu be ðisse bisene gefean & tohopan ðære ecan
1266ierfeweardnesse, ða ðe sio
1267wiðerweardnes ðisses andweardan lifes geeaðmet: ac gif hi
1268God næfde on ecnesse getiochod to gehælanne, ðonne ne
1269gebridlode he hi no mid swa swiðlicre ðreaunga his lare.
1270Eac sint to manigenne ða ðe ðissa hwilendlicra ðinga
1271wilniað, & him ðeah sum broc & sumu
1272wiðerweardnes hiera forwiernð, ðætte hie geornfullice
1273geðencen ðætte oft ryhtwise menn mid ðys hwilendlican
1274anwealde

page 393

1275weorðað upahæfene, oð hie ðurh ðone anwald
1276weorðað mid synnum gefangne, sua sua mid sume
1277grine, swa swa we ær herbiufan sædon on ðisse ilcan bec bi
1278Dauide ðæm Godes dirlinge ðæt he wære
1279ryhtwisra ða ða he ðeng wæs ðonne he wære siððan he
1280kyning wæs.
1281ða ða he ðegn wæs, he mette his feond, & ðeah for Godes
1282ege & for ryhtwisnesse lufum he hine ne dorste ofslean.
1283Ac eft siððan he kyning wæs, for lare & for tiehtinge his
1284agenes firenlustes he ofslog & besirede his getreowne ðegn.
1285Hwa mæg ðonne æhta oððe anwaldes oððe weorðscipes
1286wilnian butan plio, nu se swelc plioh ðæron
1287gefor, se ðe his no ne wilnode?
1288Hwa mæg ðonne for ðyllecum bion gehealden butan miclum
1289gesuince & miclum plio, nu se on ðæm rice on
1290swelce synne befioll, se ðe God self to ðæm rice geceas?
1291Eac hie sint to manigenne ðæt hie geðencen hu hit awriten
1292is be Salamonne, hu he æfter swa miclum
1293wisdome afioll, emne oððæt he dioflum ongan gieldan.
1294Nis hit no gesæd ðæt he ænig wuht wiðerweardes on ðys
1295middangearde hæfde, ærðæmðe he afeol;
1296ac siððan him se wisdom to forlæten wæs eallunga he forget
1297hine selfne & ða lare & ðone ðiodscipe
1298ðe he geliornode, swa ðæt he his nan geswinc habban nolde
1299ne læsse ne mare.
1300

ÐÆTTE ON OÐRE WISAN SINT TO MANIANNE ÐA ÐE BEOÐ
1301GEBUNDNE MID SYNRÆDENNE, ON OÐRE WISAN ÐA ÐE FREO
1302BIOÐ ÐARA BENDA.

    
1303On oðre wisan sint to manienne ða ðe mid synnrædenne bioð
1304gebundene, on oðre ða ðe ðara benda bioð frio.
1305ða sint to manigenne ðe mid ðæm gebundene bioð, ðonne
1306ðonne hie betwuh him ðenceað hu hiera ægðer
1307oðres willan don scyle, ðæt hira swa tilige ægðer oðrum
1308to licianne on hiera gesinscipe, ðæt hi ne
1309mislicien hiera Scippende;
1310& ðæt hie swa wyrcen ðisses middangeardes weorc ðæt hie
1311ne forlæten to wilnianne ðara ðe Godes
1312sien, & swa gefeon ðissa andweardena goda ðæt hi him eac
1313geornlice ondræden ða ecan yflu, & swa eac
1314ðara yfela ðisse worulde hiofen ðæt hi huru hiora tohopan
1315anwealgne gefæstnigen to ðæm ecum godum;
1316& ðonne hie ongieten hu gewitendlic ðis andwearde bið
1317ðæt ðæt hie her doð, & hu ðurhwunienede ðæt
1318bið ðæt hi wilniað, ðætte ðonne nawðer ne nan yfel
1319ðisses middangeardes hiora mod ne gebrece ne
1320nan god hie ne beswice, ac se gefea ðara hefonlicena goda hi
1321gehierde wið ðæm

page 395

1322brocum;
1323& eft se wena ðara toweardena yfela on ðæm toweardan dome
1324hie geegesige on ðære orsorgnesse;
1325forðæm ðæt mod ðara cristenra gesamhiwena, ðætte bið
1326ægðer ge trum ge untrum & ne mæg fullice
1327forsion ðas hwilendlican ðing, he mæg ðeah hine formengan
1328to ðæm ecum mid his willan, ðeah he ðonne
1329giet on ðæs flæsces lustfulnesse licge, mid ðæm ðæt he
1330hine getrymige & gefylle mid ðæm uplican tohopan.
1331Ond ðeah he hæbbe hwæt eorðlices & mennisclices him on
1332gewunan on ðys wege se weg is ðis andwearde
1333lif ne forlæte he ðeah ðone tohopan ðæt he becume to
1334Gode for his godan willan, & swaðeah ne
1335fulga he eallunga ðæs lichoman wilnunga, ðylæs he eallunga
1336afealle ðonon ðe he fæsðlicost tohopian scolde.
1337Ymb ðæt reahte Paulus swiðe wel mid feaum wordum on his
1338ærendgewrite to Corinctheum, he cuæð: ða ðe
1339wif hæbben, sien ða swelce hie nan hæbben, & ða ðe
1340wepen, sien ða swelce hi no ne wepen, & ða ðe
1341fægnigen, sien ða swelce hi no ne fægnigen.
1342Se ðonne hæfð wif swelce he nan næbbe, se ðe hit hæfð
1343for licumlicre frofre, & ðeah for ðæm bryce &
1344for ðære lufe hine ne awent from bettrum weorcum.
1345Se hæfð eac wif swelce he nan næbbe, se ðe ongiet ðætte
1346eal ðas andweardan ðing bioð gewitendlicu,
1347& ðeah for niedðearfe hæfð giemenne his flæsces, &
1348hwæðre mid micelre wilnunga his gæstes giernð
1349ðæs ecan gefean.
1350ðæt is ðonne ðæt mon wepe, & ne wepe, ðæt mon ða
1351iermðo ðisses middangeardes wepe, & swaðeah wite
1352ðæt he sceal bion afrefred , & blissian on ðæm ecum
1353gefean.
1354& eft is ðæt mon blissige & ne blissige ðæt mon ahebbe his
1355mod of ðissum eorðlican to ðæm
1356hefonlican, & ðeah ne forlæte ðæt he him ne ondræde ðæt
1357he afealle of ðæm uplican to ðæm niðerlican.
1358Ymb ðæt swiðe wel ðærryhte æfter rehte sanctus Paulus,
1359ða he cwæð: ðyses middangeardes ansien ofergæð.
1360Swelce he openlice cwæde: Ne sculon ge no eallunga to swiðe
1361lufian ðisne middangeard, forðam, ðeah
1362ge hine lufigen, he eow ne mæg ealneg standan;
1363on idelnisse ge fæstniað eower mod on him, forðæmðe he
1364eow flihð, ðeah ge hine lufigen swelce he
1365wunigende sie.
1366To manigenne sint ða gesomhiwan, ðeah hira hwæðrum
1367hwæthwugu hwilum mislicige on oðrum, ðæt hie ðæt
1368geðyldelice forberen;
1369& gebidde hira ægðer for oðer ðæt hie mægen ðurh ðæt
1370weorðan gehælede, forðæm hit awriten is:
1371Berað eowre byrðenna gemænelice betwux iow, ðonne gefylle
1372ge Godes æ.
1373Sio lufu ðonne is Godes æ: sio æ & sio lufu us briengað
1374monig god

page 397

1375from Criste, & ure yfelu geðyldelice forbierð.
1376Ac ðonne we onhyrigað Criste, & eac ða onhyringe gefyllað,
1377ðonne we lustlice sellað oðrum ðæt ðæt
1378us God selð, & geðyldelice forberað hiora yfelu.
1379ða gesinhiwan mon sceal manian, & eac gehwelcne mon, ðæt
1380hie no læs ne ne geðencen hwæt oðre men
1381him forberað & geðafiað, ðonne hie geðenceað hwæt hi
1382oðrum monnum forberað;
1383forðæmðe he mæg micle ðy ieð adreogan ða tionan ðe him
1384oðre men doð, gif he wile gemunan ða ðe he
1385oðrum monnum deð.
1386Eac sint to manigenne ða gesinhiwan ðæt hi gemunen ðæt
1387hie for nanum oðrum ðingum ne bioð
1388gesomnode, buton forðæm ðæt hie sculon bearna strienan.
1389Forðæm hi sculon geðencean, gif hie to oftrædlice & to
1390ungemetlice hie gemengað on ðæm hæmede, ðæt
1391hie ne bioð no on ryhtum gesinscipe, gif hie ðæt on gewunan
1392habbað, ac forðæmðe hie gewemmað ðone
1393aliefedan gesinscipe mid ðære unliefedan gemengnesse, him
1394is micel niedðearf ðæt hie mid
1395oftrædlicum gebedum ða scylde adiligien.
1396Forðæm wæs ðæt se getyda læce ðæs hefonlican
1397læcedomes, ðæt wæs sanctus Paulus, ægðer ge ða halan
1398lærde ge ðam unhalum læcedom eowde, ða he cwæð: God bið
1399men ðæt he sie butan wife.
1400& eft he cwæð: God bið mannum ðæt ælc hæbbe his agen
1401wif, & ælc wif hire ceorl, ðylæs hi on unryht hæmen.
1402ægðer he dyde, ge he egesode ða ðe on unryht hæmdon, ge
1403he liefde ðæm ðe hit forberan ne meahton,
1404forðæm ðætte ða ðe gestondan ne meahton, gif hi afeallan
1405scolden, ðæt hi afeollen on ðæt hnesce bedd
1406ðæs gesinscipes, næs on ða heardan eorðan ðæs
1407unryhthæmdes.
1408& eft he cwæð to ðæm untrumum: Agife se wer his wife hire
1409ryht on hira gesinscipe, & swa same ðæt wif ðæm were.
1410Ac æfterðæmðe he hwelcehwugu gerisenlice leafe dyde ðæm
1411gesinhiwon hira willan to fremmanne, he
1412cwæð: Ne cweðo ic no ðæt ðæt ic ær cwæð bebeodende,
1413ac lærende & geðafigende.
1414ða he spræc gelicost ðæm ðe hit hwelchwugu syn wære,
1415ða he cwæð ðæt he hit forgiefan wolde & geðafian.
1416Forðæm bið sio scyld ðy hraðor gehæled, forðæmðe hio
1417ne bið unliefedo, ac ðeah hio aliefedu sie, ne
1418sceal hi mon to ungemetlice began.
1419ðæt us getacnode Loth swiðe wel on him selfum, ða he fleah
1420ða biernendan ceastre Sodoman, & com to
1421Segor, ða ne dorste he nawuht hrædlice ut of ðære
1422ceastre faran up on ða muntas.
1423Midðæmðe he fleah ða birnendan Sodoman, he getacnode ðæt
1424we sculon fleon ðone unliefedan bryne ures lichoman.
1425Sio heanes ðonne ðara munta getacnað

page 399

1426ða clænnesse ðære forhæfdnesse.
1427ða ðonne bioð swelce hi eardigen upp on ðæm munte ða
1428ðe bioð gesponnene to gesinscipe, & ðeah ne
1429bioð na gemengde buton ðonne hi wilniað bearn to
1430gestrienanne.
1431ðonne hie stondað up on ðæm munte, ðonne ðæt flæsc
1432nauht elles ne secð to ðæm oðrum buton tudor.
1433ðæt is ðæt mon stonde on ðæm munte ðæt ðæt flæsc ne
1434sie flæsclice to ðæm oðrum gefæsðnod.
1435Ac monige bioð ðara ðe hie gehealdað wið unryhthæmed, &
1436swaðeah his agenra ryhthiwena ne brycð swa
1437swa he mid ryhte sceolde.
1438Loth for ut of Sodoman to Segor, & ðeah ne com he nauht
1439hraðe onuppan ðæm muntum.
1440Swa, ðonne ðonne mon forlæt ðæt wyrreste lif, & ne mæg
1441ðeah ðonne git cuman to ðæm betstan, ne ða
1442forhæfdnesse gehealdan ðæs hean gesinscipes, ðonne bið
1443ðæt swa swa Segor stod on midwege betweox
1444ðæm muntum & ðæm merscum ðe Sodoma on wæs.
1445Sio Segor gehælde Loth fleondne.
1446Swa deð sio Segor ðæs medemestan lifes: ða ðe hire to
1447befleoð hio gehælð.
1448Ac ðonne ða gesinhiwan hi gemengað ðurh ungemetlice
1449unforhæfdnesse, ðær ðær hi ðone fiell fleoð
1450ðære synne, ðonne magon hie ðeah weorðan gehælede suiðe
1451ieðelice ðurh forgiefnesse & ðurh gebedu, swa
1452swa Loth funde ða lytlan ceastre, & hine ðæron wið ðæt
1453fyr gescilde.
1454ðæt lif ðara gesinhiwena, ðeah hit ful wundorlic ne sie on
1455mægenum weoruldwilnungum to
1456wiðstondanne, hit mæg ðeah bion orsorglic ælcra wita.
1457Forðæm cwæð Loth to ðæm engle: Her is an lytele burg
1458swiðe neah, ðær ic mæg min feorh on generian.
1459Hio is an lytel, & ðeah ic mæg ðæron libban.
1460He cwæð ðæt hio wære swiðe neah, & ðeah genog fæst on
1461his hælo.
1462Swa is ðæt lif ðara gesinhiwena.
1463Nis hit naht feor ascaden from ðisse worulde, ne eac noht
1464fremde ðære ecan hælo, forðæm for ðære
1465dæde ðe hie doð betwuh him hi beoð gefriðode mid
1466oftrædlicum gebedum betwuh him, swelce hie sien on
1467sumere lytelre byrig belocene.
1468Be ðæm wæs swiðe ryhte gecweden ðurh ðone engel to
1469Lothe: ðinre bene ic wille nu onfon, & for ðinre
1470bede ic ne toweorpe ða burg ðe ðu forespricsð.
1471Swa bið ðæt lif ðara gesinhiwena.
1472Ne bið hit no fordemed beforan Gode, gif ðær gebedo æfter
1473fylgeað.
1474Ymb ða illcan gebedo sanctus Paulus manode, & ðus cwæð: Ne
1475fornime incer noðer oðer ofer will butan
1476geðafunge, ðæm timum ðe he hine wille gebiddan, ac
1477geæmtigeað inc to gebedum.
1478Ongean ðæt sint to manigenne ða ðe ne beoð gebundne

page 401

1479mid ðæm gesinscipe, ða sint to manienne ðæt
1480hie swa micle ryhtlecor ða hefonlican bebodo healden swa hie
1481orsorgran bioð ðisses middangeardes
1482ymbhogena, forðæm hie nan gespann ðæs flæsclican
1483gesinscipes ne gebiegeð on ðisse worulde, ne se
1484aliefeda gesinscipe hi ne gehefegað.
1485ðonne is him micel ðearf ðætte sio unliefde byrðen ðissa
1486eorðlicena sorga hi ne geðrysce, ðætte
1487hie swa micle gearran finde se ytemesta dæg, ðonne he cume,
1488swa hi her æmtegran bioð;
1489& ðonne hi geæmetgade bioð ðæt hie magon bet don ðonne
1490oðre menn, & hit swaðeah agiemeleasiað, ðæt
1491hie ðonne ðurh ðæt ne geearnigen wyrse wite ðonne oðre
1492menn.
1493Ac hi scoldon gehiran hwæt Paulus cwæð, ða ða he sume
1494men manode to ðære giefe Godes ðiowdomes;
1495ne cwæð he ðeah no ðæt ðæt he cwæð forðæmðe he
1496gesinscipe tælde, ac forðæmðe he wolde ða sorga
1497awegadrifan ðisses middangeardes of his hieremonna mode ða
1498ðe bioð aweaxene of ðæm gesinscipe;
1499he cwæð: ðis ic cweðe for eowerre ðearfe, ðylæs ic eow
1500mid ænige grine gefoo.
1501Ic eow secgge hwæt eow arwyrðlicost is to beganne, & hu ge
1502fullecost magon Gode ðiowian ðæt eow
1503læst ðinga mierð.
1504Forðæm of ðæm gesinscipe weaxað eorðlice ymbhogan &
1505sorga, forðæm se æðela ðioda lareow his
1506hieremen to betran life spon, ðylæs hi mid eorðlicre sorge
1507wurden gebundne;
1508forðæm, ðonne se Godes ðiow on ðæt gemearr ðære
1509woruldsorga befehð, ðeah he ðonne hæbbe beflogen
1510ðone gesinscipe, ðonne næfð he no beflogen ða byrðenne.
1511Eac sint to manienne ða Godes ðiowas ðæt hie ne wenen
1512ðæt hie butan ðæm demme stranges domes hi
1513gemengan mægen wið ða æmtegan wifmen, ða Paulus ðæt yfel
1514ðære forlegnesse swa manegum awiergdum leahtrum loh.
1515He gecyðde hwelc sio scyld bið, ða he cwæð: Nawðer ne
1516ða wohhæmendan, ne ða ðe diofulgieldum
1517ðiowiað, ne ða unfæsðradan, ðe ne magon hira
1518unryhthæmdes geswican, ne ða ðiofas, ne ða gietseras, ne
1519ða druncenwillnan, ne ða wiergendan, ne ða reaferas Godes
1520rice ne gesittað.
1521& eft he cwæð: ðæm wohhæmerum demeð Dryhten.
1522Forðæm hi sint to manigenne, gif hie ða halwendan
1523forhæfdnesse gehabban ne mægen, & ða scuras ðære
1524costunga adreogan ne mægen, ðæt hie wilnigen ðære hyðe
1525ðæs gesinscipes;
1526forðæm hit is awriten ðæt hit sie betere ðæt mon
1527gehiewige ðonne he birne, forðæm butan synne he
1528mæg gehiwian, gif he hit ær ne forhet.
1529Ac se ðe mare god gehet ðonne he ær dyde, he gedeð mid
1530ðæm ðæt læsse god unaliefed

page 403

1531ðæt he ær dyde.
1532Hit is awrieten on ðæm godspelle ðæt nan mon ne scyle don
1533his hond to ðære sylg, & hawian underbæc.
1534Ne ðon ma se ðe gehat gehæt, ne wene he ðæt he sie a ðy
1535near hefonrice, gif he hine from went ðæm gehatum.
1536Forðæm se ðe hine selfne maran godes behæt, & ðonne
1537forlæt ða maran god, & went hine to ðæm
1538læssum, ðonne bið hit swutol ðæt he bið fromlociende
1539oferswiðed.
1540

ÐÆTTE ON OÐRE WISAN SINT TO MANIENNE ÐA ÐE GEFANDOD
1541HABBAÐ ÐARA FLÆSCLICRA SYNNA, ON OÐRE WISAN ÐA
1542ÐE ÐÆS NOHT NE CUNNON.

    
1543On oðre wisan sint to manienne ða ðe ongietað & witon
1544hiera lichoman synna, on oðre ða ða ðe hie nyton.
1545ða sint to manienne ðe hiera lichoman synna onfunden
1546habbað, ðæt hie huru æfter ðæm scipgebroce him
1547ða sæ ondræden & ðæt forlor hira frecennesse, ðonne hie
1548hit oncnawen, ðæt hi hit onscunigen;
1549ðætte ða ða ðe mildheortlice bioð gehealdne æfter hiora
1550ðurhtogenum synnum, ðætte hi eft unwærlice
1551to ne gecierren, & ðonne swelten.
1552Forðæm is gecweden to ðære syngiendan sawle, ðe næfre
1553hire synna geswican nyle: ðu hæfst
1554forlegisse andwlitan, forðæm ðe no ne sceamað.
1555ðeah hie sint to manienne ðæt hie geornlice giemen, ðeah
1556hi ðæt god hira gecynde gehal nolden
1557gehealdan, ðæt hi hit huru tobrocen gebeten.
1558Him is ðearf ðæt hie geðencen hu micel menigu ðæra
1559getreowfulra bið, ðe ægðer ge hi selfe clæne
1560gehealdað, ge eac oðre of hira gedwolan ahwierfað.
1561Ac hwæt cweðað hi ðonne, ðonne ða oðre stondað on
1562anwalgre hælo, & hie nyllað æfter yfelre dæde
1563gecierran?
1564Oððe hwæt cweðað hi, ðonne ða oðre briengað ægðer
1565ge hie selfe ge eac oðre mid hiora bisenum to
1566hefonrice;
1567ond hie, ðonne him God ðone first alefð, & him hira yfel
1568forbierð, nyllað furðum hie selfe
1569briengan?
1570Ac hie sint to manienne ðæt hie gemunen hwæt hi godes ær
1571forleton ðæs ðe hi don meahton, ðæt hi
1572huru ðonne forbugen ðæt andwearde yfel.
1573Be ðæm cwæð Dryhten to ðæm gewundedum modum ðurh
1574Ezechiel ðone witgan, swelce he to Iudeum spræce,
1575& he ðara gedonena scylda eft gemyndgade, forðæmðe he
1576wolde ðæt hi sceamode ðæt hie eft on ðære
1577oðerre worulde wæren unclæne, he cwæð ðæt hi hi
1578forlægen on Egiptum on hira gioguðe: hi wæron ðær
1579forlegene, & ðær wæron gehnescode hiera

page 405

1580breost, & forbrocene ða dela hiora mægdenhades.
1581On Egiptum beoð hira breost gehnescod, ðonne hi ða
1582scandlican lustas ðisses middangeardes mid hira
1583modes willan underhnigað.
1584Ond eft on Egiptum bioð forbrocene ða wæstmas ðæra dela,
1585ðonne ðæt gecyndelice gewitt ærest sume
1586hwile bið on him selfun anwalg untosliten, oððæt hit bið
1587gewemmed midðæmðe hit cnyssað on unryhta
1588wilnunga, & hit toterað.
1589Forðæm sint to manienne ða ðe hiera synna onfunden
1590habbað, ðætte hie mid wacore mode ongieten
1591æfter hira misdædum mid hu miclum godum willan Dryhten
1592tobræt ðone greadan his mildheortnesse ongen ða
1593ðe to him gecierrað.
1594Swa swa he ðurh Ieremias ðone witgan cwæð, he cwæð: Gif
1595hwelc wif forlæt hiere ceorl, & nimð hire
1596oðerne, wenestu recce he hire æfre ma, oððe mæg hio æfre
1597eft cuman to him swa clænu swa hio ær wæs?
1598Hwæt ðu ðonne eart forlegen wið manigne copenere, &
1599swaðeah ic cweðe: Gecier eft to me, cwæð Dryhten.
1600He gereahte ðone ryhtestan dom be ðæm forlegenan & ðæm
1601aworpnan wife, & swaðeah us gecyðde, gif we
1602æfter ðæm hryre urra scylda to him gecierdon, ðæt us
1603wære gearo his miltsung, næs ðæt ryht.
1604Of ðissum wordum we magon oncnawan, nu he us sparað mid swa
1605micelre mildheortnesse, ðonne we
1606gesynngiað, & ðonne giet nyllað æfter ðære scylde to him
1607gecierran, ðæt we ðonne eft mid micle dysige
1608syngiað, nu sio Godes miltsung is swa micul ofer ða dysegan,
1609ðæt hiene na ne aðriet ðæt he hi to him
1610ne laðige, æfterðæmðe hie gesyngod habbað.
1611Be ðære miltsunga æfter ðære laðunga is swiðe wel
1612gesæd ðurh Essaias ðone witgan;
1613hit is gecweden to ðæm wiðerweardan men: ðin eagan
1614weorðað gesionde ðinne bebiodend, & ðin earan
1615gehirað under bæc.
1616Eall moncynn wæs to Gode gewend, ða ða hi ærest
1617gesceapene wæron on neorxna wonge;
1618& he ða hie manode andwearde, & him forgeaf ðæt hie moston
1619stondan on frioum anwalde, & him getæhte
1620hwæt hi on ðæm don sceolden, hwæt ne scolden.
1621ða giet stodon men to him gewende.
1622Ac ða hie wendon hiera bæc to him, ða hi ofermodgiende his
1623gebod forhogdon.
1624& ðeah, ðeah hi hine oferhogden , ne forhogde he hi no ne
1625ne forlet: ðæt he gecyðde, ða ða he him
1626sealde æ, & hi mid ðære ham gelaðode, & oft sende his
1627englas us ham to spananne to him, & on ðissum
1628deadlican flæsce he hine selfne æteowde.
1629ða he ðis eal dyde, ða he stod æfter us gewend, & cliopode
1630æfter us, ðeah we from him gewende wæren;
1631& ðeah he oferhogod

page 407

1632wære, he us eft laðude to his hyldo.
1633Ac swa swa we nu ðis reahton be eallum monnum, swa hit mæg
1634æghwelc mon be him anum geðencean,
1635forðæmðe æghwelc mon ðe his bebod & his forbod ongiet, he
1636bið swelce he beforan him stonde, ærðæmðe he gesyngige.
1637ðonne giet he stent beforan him, ðonne he hine ne forhygeð,
1638ac for his ege forbierð ðæt he ne syngað.
1639Ac ðonne he forlæt his godnesse & his unsceaðfulnesse, &
1640gecist unryhtwisnesse, & ða gefremeð,
1641ðonne went he his hrycg to him.
1642Ac ðeah ðonne giet him fylgð God, & him æfter cliopað,
1643ðonne he hine monað æfter ðære gedonan
1644scylde, & hine spænð ðæt he to him gecierre.
1645ða scylda he nyle gesion, & ðone fromweardan he ciegeð, &
1646ðone greadan his arfæstnesse & his
1647frofre he gebræt ongean ða ðe to him gecierrað.
1648ðonne we gehirað under bæc ðæs maniendes stemne, ðonne
1649we to him gecierrað, ðonne ðonne he us
1650ciegeð huru æfter urum scyldum, ðonne he us æfter cliopað,
1651ðeah we ær nolden æfter his lare.
1652Hit is cyn ðæt we ure scomigen, ðonne he us æfter
1653cliopað, gif we us nyllað ondrædan his
1654ryhtwisnesse, forðæm we hine mid swa micle maran unryhte &
1655dysige oferhycgeað swa he læs forhogað ðæt he us
1656ðonne giet to him spane, siððan we hiene oferhycggeað.
1657Ongean ðæt sint to manigenne ða ðe ðonne giet ungefandod
1658habbað flæsclicra scylda, ðætte hie swa
1659micle swiðor ðone spild ðæs hryres him ondræden ðonne ða
1660oðre swa hi ufor stondað ðonne ða oðre.
1661Hi sint to manienne ðæt hi witen swa swa hie on hira stede
1662gestondað swa him mare gescot & ma flana
1663hiera feonda to cymð.
1664Forðæm he ongit swa micle swiður him on feohtan swa he hine
1665selfne untrumran gefred on his lichoman.
1666Ac gif he ðonne ðæm wiðstent, ðonne ongit he swa micle
1667maran sige on him selfum swa he unieð wiðstod.
1668Ac hie sint to manienne ðæt hie unablinnendlice ðara leana
1669wilnigen, & lustlice ðæt geswinc ðæra
1670costunga ðe hi ðrowiað hi forsion & geðolien, & buton tweon
1671hi geliefen ðara leana; forðæm, gif hie
1672geðenceað ðara gesælða ðe him ungeendode æfter ðæm
1673geswincum becuman sculon, ðonne ðyncað him ðy
1674leohtran ða geswinc ðe ofergan sculon.
1675Hi sculon gehieran hwæt ðurh Essaias ðone witgan gecweden
1676is, he cwæð: ðis cwið Dryhten: ða
1677afyrdan, ða ðe behealdað minne ræstedæg, & geceosað
1678ðæt ic wille, & minne freondscipe gehealðað, ic him
1679selle on minum huse, & binnan minum wealle, wic & beteran noman
1680ðonne oðrum minum sunum oððe dohtrum.
1681Hwæt elles getacniað

page 409

1682ða afyrdan buton ða ða ðe
1683ofðryscað ða styringe ðæs flæsclican lustes, & of
1684him selfum aceorfað unryhtlico weorc?
1685ðæm monnum is gecyðed hwelce stowe hi moton habban beforan
1686urum fæder, swa swa we ær cwædon, ðæt
1687hie sceolden habban ece eardungstowe on ðæs fæder huse
1688furðor ðonne his ægnu bearn.
1689Hi sculon gehieran hwæt ðurh sanctus Iohannes gecweden is,
1690he cwæð: ðæt sindan ða ða ðe mid wifum
1691ne beoð besmitene, & hira mægeðhad habbað gehealdenne;
1692ða folgiað ðæm lambe, swa hwær swa hit færð.
1693ða singað ðone sang ðe nan mon elles singan ne mæg, buton
1694ðæt hundteontig & feowertig & feower ðusendo.
1695ðæm is sundorlic sang to singanne mid ðæm lambe on ecnesse
1696beforan eallum geleaffullum, & to
1697blissianne for hira flæsces clænnesse, ðætte ða oðre
1698gecorenan ðone song gehiran mægen, ðeah ðe hine swa
1699singan ne mægen, & for ðæm lufum ðe hi to him habbað, &
1700for ðæm weorðscipe ðe hi gesioð ðæt hie
1701habbað hi fægnigen, & emnswiðe him blissigen, ðeah hie ða
1702geearnunga næbben ðæt hi ðone weorðscipe
1703habban mægen.
1704Gehieren eac ða ðe ungefandod habbað ðara flæsclicana
1705scylda hwæt sio soðfæsðnes ðurh hie selfe
1706cwæð bi ðære clænnesse, he cwæð: Ne underfoð no ealle
1707men ðas lare.
1708Mid ðæm worde he cyðde ðæt hit is se hiehsta cræft,
1709forðæm he cwæð ðæt hine ealle ne gefengen, &
1710eac sæde ðæt he unieðe wære to gehealdenne, & eac cyðde
1711hu wærlice hi hine healdan scolden, ðonne
1712hie hine underfangen hæfden.
1713Eac sint to manienne ða ðe ungefandod habbað ðæs lichoman
1714scylda ðæt hie witen ðæt se mægðhad is
1715hirra ðonne se gesinscipe, & swaðeah hi sint to læranne
1716ðæt hi hi ne ahebben ofer ða oðre;
1717ac læten ðæt lif ðæs mægðhades beforan ðæm oðrum, &
1718hine selfne biæftan, & ne forlæte ðeah ðæt lif
1719ðe he wat ðætte betere bið, & behealde hine selfne ðæt
1720he hine ne ahebbe on idelnesse.
1721Hi sint to manienne ðæt hi ongieten ðætte oft gebyreð
1722ðætte ðæt lif ðara gesinhiwena oferstigð ðæt
1723lif ðæs mægðhades, ðonne hi underfoð ægðer ge
1724forhæfdnesse ge eaðmodnesse furðor ðonne hie
1725gehaten, & ða oðre ne begað furðum hira ægne
1726endebyrdnesse.
1727Be ðæm wæs swiðe wel gecweden ðurh Essaias ðone witgan
1728to ðære byrig ðe Sidon hatte, sio stod bi ðære sæ;
1729ðæ cwæð se witga: ðios sæ cwið ðæt ðu ðin scamige,
1730Sidon.
1731Swelce sio burg ða wære ðurh ðæs sæs stemne to scame
1732geworden.
1733Swa bið ðis eorðlice lif oft yðgiende swa swa sæ, &
1734ðeah bið oft swiðe acorenlic, & ðæt oðer swiðe
1735aworpenlic, ðætte fæstre bion

page 411

1736scolde & trumlicre.
1737Oft weorðað monige æfter ðæs lichoman scylde to Gode
1738gecerred, & hi ðonne swa micle fæsðlicor
1739gestaðoliað on godum weorcum swa hi hi selfe synnigran
1740ongietað.
1741& oft ða, ða ðe on clænnesse hiora lichoman gehealdenne
1742habbað, swa swa hi læsse ongietad on him
1743selfum ðæs ðe him hreowan ðyrfe, swa swa hie swiður wenað
1744ðæt him genog sie on hira lifes clænnesse,
1745ðonne hira mod ne beoð onhæt mid nanre manunge ðære
1746hreowsunga.
1747ðonon wyrð oft Gode leofre ðæt lif ðætte æfter his
1748synnum onæled bið mid hreowsunga ðonne ðæt
1749clæne & ðæt unsceaðfulle for slæwðe & for orsorgnesse.
1750Be ðæm cwæð ðæs Deman stemn, ðæt is Crist, be Marian
1751ðære forlegisse: Hire sint forgifena swiðe
1752manega synna, forðæmðe hio swiðe hreowsade.
1753Ond eft he cwæð: Mara gefea wyrð on hefonum for anum
1754hreowsiendum ðonne ofer nigon & hundnigontig
1755ryhtwisra ðæra ðe him nan ðearf ne bið hreowsunga.
1756ðæt we magon swutolor ongietan & hræðor bi urum agnum
1757gewunan, gif we willað ongietan ðone dom
1758ures agnes modes.
1759Hwæt, we witon ðæt we ma lufiað ðone æcer ðe ær wæs
1760mid ðornum aswogen, & æfterðæmðe ða ðornas beoð
1761aheawene, & se æker bið onered, bringð godne wæsðm ma we
1762lufiað ðone ðonne ðone ðe stent on
1763clænum lande, & bið unwæsðmbære oððe ungefynde corn
1764bringð oððe deaf.
1765Eac sint to manienne ða ðe ungefandod habbað ðissa
1766flæsclicena scylda, ðæt hie ne wenen for hira
1767clænnesse ðæt hie sien beforan ðæm hirrum hadum,
1768forðæmðe hi nyton ðeah hi sin behindan ðæm ðe læssan
1769hades bioð, & hie wenað ðæt hie beforan bion scylen;
1770forðæmðe on ðæm dome ðæs ryhtwisan Deman onwent sio
1771geearnung ðone had & ða geðyncðo.
1772Hwa is nu ðæra ðe gesceadwis sie, & to ðæm gleaw sie
1773ðæt he swelces hwæt tocnawan cunne, ðætte nyte
1774ðætte on gimma gecynde carbunculus bið diorra ðonne
1775iacinctus?
1776& swaðeah ðæt bleoh ðæs welhæwnan iacintes bið betera
1777ðonne ðæs blacan carbuncules;
1778forðæm ðæs ðe sio endebyrdnes & ðæt gecynd forwiernð
1779ðæm iacinte, se wlite his beorhtnesse hit eft
1780geiecð, & eft, ðeah ðe ðæt gecynd & sio endebyrdnes
1781ðæs carbuncules hine upahebbe, his blioh hine
1782gescent.
1783Swa bið on ðisse menniscan gecynde manige on beteran hade &
1784on beteran endebyrdnesse wyrsan, & on
1785wyrsan hade & on wyrsan endebyrdnesse beteran;
1786swa ðætte oft on læwedum hade & on læwedum girelan mid
1787godum weorcum & mid ryhte life man oferðihð
1788ðone munuchad, & ða oðre, ðe ðone hierran

page 413

1789had habbað,
1790ðonne hi nyllað ðæm ðeawum & ðæm geearningum
1791folgian, ðonne gewaniað hie ðone had & gewemmað.
1792

ÐÆTTE ON OÐRE WISAN SINT TO MANIANNE ÐA ÐE ÐA GEWORHTAN
1793SYNNA WEPAÐ, ON OÐRE ÐA ÐE ÐA GEÐOHTAN WEPAÐ.

    
1794On oðre wisan sint to manienne ða ðe hiera geworhtan synna
1795wepað, on oðre ða ðe hira geðohtan wepað.
1796ða sint to manienne ðe hira geworhtan wepað, ðætte hie
1797ða gedonan yfelu mid fullfremedre
1798hreowsunga aðwean, ðylæs hi sin to swiðe gebundne mid ðæm
1799ðurhtogenum scyldum, & ðonne to lange forelden
1800ðæt hi hi ne anbinden mid ðære hreowsunge.
1801Be ðæm is awriten on ðæm nigon & hundsiofantigoðan
1802sealme: God us drencte swiðe gemetlice mid
1803tearum, swa ðætte æghwelces mannes mod swa micle oftor wære
1804geðwæned mid hreowsunge tearum swa swa he
1805gemunde ðæt hit oftor wære adrugod from Gode on his synnum.
1806Hi sint eac to manienne ðæt hi unaðrotenlice ða gedonan
1807synna gelæden beforan hira modes eagan, &
1808ðonne hi hi gesewene hæbben, gedon ðæt hie ne ðyrfen bion
1809gesewene æt ðæm nearwan dome.
1810Be ðæm cwæð Dauid on psalmum: Ahwyrf, Dryhten, ðin eagan
1811from minum synnum.
1812& lytle ær he cwæð: Mine misdæda bioð simle beforan me.
1813Swelce he cwæde: Ic ðe bidde ðæt ðu no ne locige on mine
1814synna, forðæmðe ic self him ealneg on locige.
1815Be ðæm eac cwæð Dryhten ðurh Essaias ðone witgan: ðinra
1816synna ne weorðe ic gemunende, ac gemun ðu hiora.
1817Forðæm hie sint to manienne ðæt hi ælce synne geðencen
1818ðæra ðe hi gemunan mægen, forðæm, ðonne hie
1819for anre hwelcre hreowsiað, ðonne hreowsiað hie for ealle.
1820Be ðæm is swiðe wel gecweden ðurh Ieremias ðone witgan,
1821ða ða he ðæra Iudea misdæda ealle apinsode,
1822he cwæð: Todælnessa ðara wætera utleton min eagan.
1823Todældu wæteru we lætað ut of urum eagum, ðonne we for
1824synderlecum synnum synderleca hreowsunga
1825doð: forðæmðe hie ne magon ealneg ealla on ane tid emnsare
1826hreowan, ac hwilum an, hwilum oðru cymð
1827sarlice to gemynde;
1828& ðonne he wierð mid ðære anre onstyred, ðonne wyrð he
1829eallra geclænsod.
1830Eac hie sint to manienne ðæt hi gelefen & baldlice
1831getruwien ðæt hi ða forgiefnesse habbað for
1832ðære hreowsunga ðe hi wilniað, ðylæs hi to ungemetlice

page 415

1833sien gewægde mid ðære hreowsunga .
1834Ne gedyde næfre se mildheorta Dryhten, ne an his mode ne
1835gebrohte swelce hreowsunga, gif he hit
1836æfter ðæm auht swiðe wrecan wolde.
1837He gecyðde swiðe mildheortlice ðæt he him deman nolde,
1838ða he gedyde ðæt hi him selfe ær beforan demdan.
1839Be ðæm is awriten on ðæm feower & hundnigontigoðan
1840psalme, hit is gecweden: Wuton cuman ær his dome
1841andettende.
1842& eft hit wæs gecweden ðurh sanctus Paulus: ðær we us
1843selfum demden, ðonne ne demde us no God.
1844& eft hi sint to manienne ðæt hi swa hopigen to ðære
1845forgiefnesse ðæt hie for ðære orsorgnesse to
1846unwærlice ne aslawien.
1847Forðæm oft ðæt lytige dioful ðæt mod ðæt he mid ðære
1848synne ascrenceð, ðonne he gesihð ðæt hit unrot
1849bið for ðæm hryre his synna, ðonne forspenð he hit mid
1850ðære wolberendan oliccunge.
1851ðæt wæs mid ðære biesene getacnod ðe Dinan gedon wæs
1852Iacobes dohtor.
1853Hit is awriten ðæt Dina wære ut gangende sceawian ðæs
1854londes wif.
1855ða hi ða geseah Sihhem, Emmores sunu ðæs ebreiscan, se
1856wæs aldormon ðæs londes, & ða gelicode hio
1857him, & he hi genam niedenga, & hire mid gehæmde.
1858& ða wæs his mod gehæft mid ðæm mædene, & he ða hi swa
1859unrote oleccende to him geloccode.
1860ðonne gæð Dine ut sceawian ða elðiodigan wif, ðonne
1861hwelces monnes mod forlæt his ægne tilunga, &
1862sorgað ymb oðerra monna wisan, ðe him nauht to ne limpð,
1863& færð swa wandriende from his hade & of
1864his endebyrdnesse.
1865Sihhem, ðæs landes ealdorman, geniedde ðæt mæden Dinan,
1866ða he hie gemette swa wandrian.
1867Swa deð se dioful ðæt mod ðæt he gemet on unnyttum
1868sorgum: he hit awiert.
1869Sihhemes mod wæs ða gehæft to Dinan.
1870Swa ðæt dioful, ðonne he gesihð ðæt mod on ðæm ilcan
1871unryhtan willan ðe he bið, & ðonne eft gesihð
1872ðæt hit ðæs hreowsað, ðonne gebringð he beforan ðæs
1873modes eagan idle orsorgnesse & tohopan, forðæm
1874ðæt he him oftio ðære nyttwyrðan unrotnesse.
1875Be ðæm wæs swiðe ryhtlice gecweden ðætte Sihhem Dinan
1876liðelice olehte, ða ða he hi geunrotsod hæfde.
1877Swa deð ðæt dioful ðæm mode: hwilum he gedeð ðæt him
1878ðyncð ðæt hit nan scyld ne sie ðæt ðæt he deð;
1879hwilum he gedeð ðæt him ðyncð, ðeah hit scyld sie, ðæt
1880oðre men hefiglicor syngien;
1881hwilum he fortruwað to swiðe Godes mildheortnesse;
1882hwilum him ðyncð ðæt he hæbbe fierst genogne to
1883hreowsianne.
1884& ðonne ðæt beswicene mod ymb ðyllic ðencð, ðonne wyrð
1885hit amierred from ðære incundan hreowe, to
1886ðon ðæt hit nan

page 417

1887god ne gemete, forðæm him nan yfel ne hriwð.
1888Ac hit wyrð swa micle swiður beswicen mid ðæm witum swa
1889hit nu swiður gefihð on his yfelum.
1890Ongean ðæt sint to manienne ða ðe ða geðohtan synna
1891wepað, ðæt hie geornlice giemen on ðære
1892degelnesse hira modes hwæðer him ðæt geðoht cume of
1893færlicum luste, ðe of wilnunga & geðafunga, ðæt hie
1894swa gesyngeden.
1895Forðæm hit oft gebyreð ðæt ðæt mod wyrð gecostod of
1896ðæs flæsces lustfulnesse, & ðeah ðæt mod
1897wiðstent ðæs flæsces lustfulnesse, swa ðætte se ilca
1898lust ðe hine geunrotsað on ðære degelnesse his modes
1899hine eft gerotsat, gif he him wiðstent.
1900Oft eac folgað ðæm mode swa grundleaslicu costung, & hit
1901swa forswilgð, ðæt hit mid nanre
1902wiðerweardnesse hire ne wiðstent, ac geðafigende folgað
1903ðære costunga.
1904ðonne hit bið onstyred mid ðære lustbærnesse, & hit
1905onhagað to ðæm ðingum, ðonne forlæt hit
1906hrædlice ða weorc ðæs inneran godan willan, ðonne hit
1907onhagað to ðæm uterran.
1908Ac ðonne ðæt gesihð se ryhta dom ðæs ðearlwisan Deman,
1909ðonne ne bið hit no swa swa geðoht syn, ac
1910swa ðurhtogen.
1911Forðæmðe ðæt ðætte hine ne onhagode utane forð to
1912brenganne mid weorcun, innane he hit geðafode, &
1913ðurhteah mid ðy weorce ðæs fulfremedan willan.
1914We habbað geascod from urum ærestan mæge Adame ðæt us is
1915from him gecynde ðæt we ælc yfel on ðrio
1916wisan ðurhtion: ðurh gespan, & ðurh lustfulnesse, & ðurh
1917geðafunga.
1918ðæt gespan bið ðurh dioful.
1919Sio lustbærnes bið ðurh ðone lichoman.
1920Sio geðafung bið ðurhtogen ðurh ðone gæst.
1921Se sætere, ðæt is se dioful, he hine spænð on woh.
1922Se lichoma hine ðonne him underðied mid ðære
1923lustfulnesse, oððæt se gæst bið oferwunnen mid ðære
1924lustfulnesse, ðæt he hit geðafað.
1925Swa swa sio nædre on neorxna wonge, ærest hio lærde Euan on
1926woh, & Eue hi hire underðiodde mid
1927lustfulnesse, swa swa lichoma.
1928ða wæs Adam, swa swa se gæst, ðurh gespan ðære næddran
1929& ðurh Euan lustbærnesse oferswiðed, ðæt
1930he geðafode ða synne.
1931On ðæm gespane we magon ongietan ða synne, & mid ðære
1932lustfullnesse we bioð genedode, & mid ðære
1933geðafunge we bioð gebundne.
1934Ac ða sint to manienne ða ðe ða geðohtan synna hreowsiað
1935ðæt hie geornfullice giemen on hwelce ðæra
1936synna hie befeollen, forðæm ðæt hi mægen ongean ðæt be
1937ðæm ilcan gemete hreowsian ðe hi on hira
1938inngeðonce ongieten ðæt hie gesyngoden, ðylæs him to hwon
1939hreowen ða geðohtan synna, oððæt hi hi fulfremmen.
1940& swaðeah we hi scylen manian & bregean ðæt we hi

page 419

1941on ormodnesse ne gebringen, ðylæs hi wyrs don.
1942Forðæm oft se mildheortaa Dryhten swiðe hrædlice ða
1943geðohtan synna awegaðwihð, ðonne he him ne
1944geðafað ðæt hi hi ðurhtion moten.
1945Be ðæm he mæg witan ðæt hi bioð hrædlice forgiefene,
1946ðonne he him ne geðafað ðæt hi to ðæm weorce
1947becumen ðæt he him ðonne ðearlur deman scyle.
1948Be ðæm is swiðe wel gecweden ðurh ðone psalmsceop on
1949ðæm an & ðritigoðan psalme, he cwæð: Ic wille
1950secgan ongean me selfne min unryht, Dryhten, forðæm ðu
1951forgeafe ða arleasnesse minre heortan.
1952ða he hæfde befæst Gode his synna, ða he getiohchod æfde
1953ðæt he him ondettan sceolde.
1954ða cyðde se witga hu ieðelic bið to forgiefenne sio
1955geðohte synn, ða he cwæð ðæt hio him sona
1956forgiefen wære swa he geðoht hæfde ðæt he hi ondettan
1957wolde.
1958ðæt ilce ðæt he getiohchod hæfde to biddanne he cwæð
1959ðæt him wære ær forgiefen.
1960Forðæm sio synn ne wearð ðurhtogen mid nanum weorce,
1961forðæm ne com seo hreowsung to nanre ðrowunge,
1962ac sio geðohte hreowsung adrygð ða geðohtan synne of
1963ðæm mode.
1964

ÐÆTTE ON OÐRE WISAN SINT TO MONIANNE ÐA ÐE ÐA
1965ÐURHTOGENAN SYNNA WEPAÐ, & SWAÐEAH NE FORLÆTAÐ;
1966ON OÐRE WISAN ÐA ÐE HIE NO NE HREOWSIAÐ, & HIE ÐEAH
1967FORLÆTAÐ.

    
1968On oðre wisan sint to manienne ða ðe ða gedonan synna
1969wepað, & hi ðeah ne forlætað;
1970on oðre wisan ða ðe hi forlætað , & swaðeah no ne
1971hreowsiað.
1972ða sint to manienne ðe ða gedonan synna wepað, & hi
1973swaðeah ne forlætað, ðæt hi geornlice ongieten
1974ðæt hi on idelnesse tiliað hi selfe to clænsianne mid ðy
1975wope, ðonne hi eft mid unryhte life hie besmitað;
1976swelce hi hi mid ðære hreowsunga to ðæm aðwean ðæt hi
1977hi mægen eft afylan.
1978Be ðæm is awriten ðæt se hund wille etan ðæt he ær
1979aspaw, & sio sugu hi wille sylian on hire sole
1980æfterðæmðe hio aðwægen bið.
1981Hwæt, se hund wile aspiwan ðone mete ðe hine hefegað on
1982his breostum, & ðæt ilce ðæt he for
1983hefignesse aspaw, ðonne he hit eft frit, ðonne gehefegað
1984hine ðæt ilce ðæt hine ær gelihte .
1985Swa bið ðæm ðe ða gedonan yfelu hreowsiað, ðonne hi
1986ðæt yfel mid ondetnesse him of aweorpað ðætte
1987hira modes innað yfele & hefiglice mid gefylled wæs, &
1988ðonne eft foð to ðæm ilcan & fætað in æfter ðære

page 421

1989ondetnesse ðæt ilce yfel ðæt hi ær mid ðære
1990ondetnesse & hreowsunga utawurpun.
1991Swa ðet swin, ðeah hit aðwægen sie, gif hit eft filð on
1992ðæt sol, ðonne bið hit fulre ðonne hit ær
1993wæs, & ne forstent ðæt ðweal nauht, ðeah hit ær
1994aðwægen wære;
1995swa bið ðæm ðe his gedonan synna wepeð, & hi swaðeah ne
1996forlæt: hefigran scylde & hefigran witum he
1997hine underðiet, gif he hit ne forlæt.
1998Forðæm he forhogde ða forgifnesse ðe he mid ðære
1999hreowsunga begiten hæfde, forðæmðe he wealwode on
2000ðæm gedrofum wætere;
2001& ðæt ðæt he ær mid ðære hreowsunga geclænsode he
2002beforan Godes eagum eft afylde.
2003Be ðæm is eft awriten on Salomonnes bocum, hit is awriten:
2004Ne eftga ðu ðin word on ðinum gebede.
2005ðæt is ðonne ðæt mon eftgige his word on his gebede,
2006ðæt mon æfter his hreowsunga gewyrce ðæt he
2007eft scyle hreowsian.
2008Be ðæm is eac gecweden ðurh Essaias ðone witgan, he
2009cwæð: Aðweað iow, ðæt ge sin clæne.
2010Hwæt, se ðonne ne recð hwæðer he clæne sie, ðe ne sie,
2011se ðe æfter ðære hreowsunga hine ryhtlice &
2012clænlice nyle gehealdan: ealne weg hi hi ðweað, & ne beoð
2013hie næfre clæne, ðeah hi ealneg wepen;
2014ealneg hi wepað, & æfter ðæm wope hi gewyrceað ðæt hi
2015moton eft wepan.
2016Be ðæm is gecweden ðurh sumne wisne mon: Gif hwa on hand
2017nimð hwæt unclænes, & hine æfter ðæm
2018aðwihð, & ðonne eft fehð on ðæt ilce ðæt he ær feng,
2019hwæt forstent him ðonne ðæt ærre ðweal. Se bið
2020aðwægen of unclænnesse, se ðe aðwihð mid hreowsunga his
2021unclænnesse. Se ðonne gehrinð eft ðære unclænnesse ðe
2022syngað æfter his hreowsunga. Ac ða sint to manienne ðe
2023ða gedonan scylda hreowsiað, & hi ðeah ne forlætað,
2024ðæt hi ongieten ðæt hie beoð beforan ðæs dieglan
2025Deman eagum gelice ðæm monnum ðe swiðe eaðmodlice
2026onginnað beforon ricum monnum, & him swiðe oleccað
2027ða hwile ðe hi him beforan beoð, & eft, ðonne hi him
2028beæftan beoð, ðonne doð hi him to demme & to fiondscipe
2029ðæt ðæt hi magon.
2030Hwæt is ðæt, ðæt mon hreowsige his synna, buton ðæt mon
2031eowað Gode his eaðmodnesse & his treowa &
2032his hiersumnesse?
2033Oððe hwæt is ðæt, ðæt mon æfter his hreowsunga
2034syngige, buton ðæt, ðæt he deð feondscipe &
2035ofermetto & unhiersumnesse ðæm ilcan Gode ðe he ær olehte?
2036Swa swa Iacobus sæde se apostol, ða he cwæð: Swa hwa swa
2037wille bion ðisse weorlde freond to
2038ungemetlice, he bið gehaten Godes feond.
2039ða ðonne sint to manienne ðe ða gedonan scylda wepað, &
2040hi swaðeah ne forlætað,

page 423

2041ðætte hi ongiten
2042ðætte oft bið swiðe idel & unnyt ðara yfelena manna
2043hreowsung, ðonne hi æfter ðæm ne tiliað nauðer
2044ne god to donne ne yfel to forlætanne.
2045Swa bið eac swiðe oft synleas yfel geðoht ðæm godum,
2046ðonne hi hit mid weorcum ne ðorhtioð.
2047Swa wundorlice hit todælð & gemetgað se godcunda wisdom be
2048hira ægðeres geearnungum, swa ðætte ða
2049yflan betwix eallum hira yflum ðe hi fullice gefremmað hi
2050fortruwiað, & hi on ofermetto ahebbað
2051for ðæm lytlan gode ðe hi geðenceað, & no ne anginnað to
2052wyrceanne.
2053Ond eft, ða godan, ðonne hi beoð onstyrede mid ðæm yflum
2054geðohtum ðe hi næfre nyllað ðurhtion,
2055ðonne beoð hi geeaðmedde, & forsioð hi selfe for ðæm
2056lytlan yfele, & ne forleosað nauht ðurh ðæt hira
2057ryhtwisnesse, ac hi hi geiecað mid ðære eaðmodnesse.
2058Hwæt, Balam cwæð, ða he geseah ða wicstowa ðara
2059ryhtwisena Israhela: Geweorðe min lif swelce ðissa
2060ryhtwisena, & geweorðe min ende swelce hira.
2061Ac eft, ða sio anbryrdnes hine alet, ða funde he swiðe yfel
2062geðeaht & searwa ymb hira lif: forðæm
2063hine gehran sio gitsung, he forget ðone freondscipe wið
2064Israhele.
2065Hwæt, sanctus Paulus cwæð ðæt he gesawe oðerne gewunan
2066& oðerne willan on his limum, & se wære
2067feohtende wið ðæm willan his modes, & hine gehæftne lædde
2068on synne gewunan.
2069Sio, he cwæð, wære on his limum.
2070Forðæm wæs sanctus Paulus gecostod mid his modes
2071untrumnesse ðæt he ongeate his synna, & forðæm
2072wære ðy strangra on godum weorcum.
2073Forhwy bið se synfulla onbryrd mid ðære hreowsunga, & ne
2074bið no ðy ryhtwisra;
2075oððe forhwy bið se ryhtwisa gecostod mid yfle geðohte, &
2076ne bið ðeah gewemmed mid ðære scylde;
2077buton forðyðe ðæm synfullan nauht ne helpað his godan
2078geðohtas ,geðohtas, forðæmðe he næfð gearone willan
2079untweogendne to ðæm weorce, ne eft ðæm ryhtwisan ne deriað
2080his yflan geðohtas, forðæmðe he næfð
2081gearone willan ðæt woh to fulfremmanne?
2082Ongean ðæt sint to manienne ða ðe hira synna forlætað, &
2083hi ðeah ne betað ne ne hreowsiað, ðæt hi
2084ne wenen, ðeah hi hira synna forlæten, ðæt hi God him
2085forlæte, gif hi hi mid nanum ðingum ne betað
2086ne ne hreowsiað.
2087Swa se writere, gif he ne dilegað ðæt he ær wrat, ðeah
2088he næfre ma nauht ne write, ðæt bið ðeah
2089undilegod ðæt he ær wrat.
2090& swa eac se ðe oðrum bismer cwið, oððe deð, ðeah he
2091geswice, & hit næfre eft ne do, ðeah hit bið
2092gedon ðæt he dyde, & unðingad, gif he hit ne bet.
2093Ac he sceal ða ofermodlican word mid eaðmodlicum wordum
2094gemetgian,

page 425

2095gif he wið ðone oðerne geðingian wile.
2096Wenstu, gif hwa oðrum hwæt gieldan sceal, hwæðer he hine
2097mid ðy gehealdan mæge ðæt he him nauht
2098mare on ne nime, ne ðæt ne gielde ðæt he ær nam?
2099Swa us bið æt Gode, ðonne we wið hine gesyngiað: ðeah we
2100næbre eft swa ne don, gif we ðæt gedone
2101mid nanum ðingum ne betað ne ne hreowsiað, ne bio we no
2102ðæs sicore, gif us ðæt ne mislicað ðæt us ær
2103licode, ðonne ne bið hit no us færgiefen, ðeah we nu
2104nauht yfeles ne don on ðisse worulde.
2105Ne sculon we ðeah forðy bion to orsorge, gif we nauht to
2106gode ne doð, forðæmðe swiðe fela
2107unalefedes we oft geðenceað.
2108Hu mæg se ðonne bion orsorg se ðe him self wat ðæt he
2109gesyngað?
2110Hwelce iðnesse hæfð God æt urum witum, oððe hwelcne
2111weorðscipe hæfð he æt urre ðrowunga, butan ðæt
2112he wile gehælan ða wunde urra scylda mid strangum
2113læcedome, gif he ne mæg mid liðum, ðætte us
2114biterige sio hreowsung, swa swa us ær swetedon ða synna?
2115& swa swa we sigon ær on ðæt unaliefede, oððæt we
2116afeollon, swa we sculon nu forberan ðæt
2117aliefede, oððæt we arisen;
2118ðætte ðæt mod ðætte wæs abisegad mid unryhtre blisse si
2119eft abisegad on halwyndre & on ryhtlicre
2120hreowsunga, swa ðætte ðæt mod ðætte sio upahæfenes & ða
2121ofermetto gewundedon eft gehæle sio eaðmodnes
2122& sio forsewennes his selfes.
2123Be ðæm cwæð Dauid on ðæm feower & hundsiofantigoðan
2124psalme: Ic cwæð to ðæm unryhtwisum , ne do ge
2125unryhtwislice, & cwæð to ðæm ðe ðær syngedon, ne hebbe
2126ge to up eowre hornas.
2127ðonne ahebbað ða synfullan swiðe up hira hornas, ðonne hi
2128hi næfre nyllað geeaðmedan to ðæm ðæt hie
2129ongieten hira unryhtwisnesse, & ða hreowsian.
2130Be ðæm wæs eft gecweden on ðæm fiftegoðan psalme: ða
2131gedrefedan heortan & ða geeaðmeddan ne
2132forsihð hi næfre Dryhten.
2133Swa hwa ðonne swa his synna hreowsað, & hi swaðeah ne
2134forlæt, se gedrefð his heortan, & ðeah
2135oferhygð ðæt he hi geeaðmede.
2136Se ðonne, se ðe his synna forlæt, & hi swaðeah ne
2137hreowsað, se hine eaðmed, & nyle ðeah his mod gedrefan.
2138Be ðæm cwæð sanctus Paulus on his ærendgewrite
2139to Corinctheum, he cwæð: Ge wæron ær on
2140yflum weorcum, ac ge sint nu geclænsode & gehalgode.
2141Forðæmðe æghwelc man bið æfter ðære hreowsunga his
2142synna clænra ðonne he ær wæs, ær he gesyngade.
2143Be ðæm cwæð sanctus Petrus, ða he geseah manige men
2144ormode for hira ærron yflun, he cwæð: Hreowsiað
2145& weorðað gefulwade eower ælc.
2146ærest he lærde ðæt hi hreowsodon, & siððan ðæt

page 427

2147hi wurden gefullwode, swelce he cwæde: Hreowsiað
2148ærest on eowrum mode, & siððan æfter fierste aðweað eow,
2149& geclænsiað mid eowrum tearum.
2150Hu mæg se bion orsorg ðære wrace his scylda, se ðe nu
2151agiemeleasað ðæt he hreowsige his synna?
2152Hu mæg he hira bion orsorg, nu se hiehsta hierde ðære
2153halgan ciricean cwæð ðætte sio hreowsung
2154scolde bion ær ðæm fulwihte?
2155Se fullwuht ðone mon geclænsað from his synnum, & ealra
2156ðinga swiðosð ða synna adwæscð.