1THE TEXT BELOW CONTAINS LATER INTERPOLATIONS
2GIVEN IN SMALL PRINT IN THE EDITION.
3    

page 112

4B17.1
5Her forþferde ælfheah Wintanceastres bisceop on Sancte
6Gregories mæssedæg.
7Her forþferde Eadred cining. on Sancte Clementes mæssedæg
8on Frome, & he rixsade teoþe healf gear;
9& þa feng Eadwig to rice. Eadmundes sunu cinges.
10& aflæmde Sancte Dunstan ut of lande.
11Her forðferde Eadwig cyng on Kalendæ Octobris . & Eadgar
12his broðor feng to rice.
13Her he sænte efter Sancte Dunstane. & gæf him biscoprice on
14Wigracæstre, & ðær æfter þæt biscoprice on Lundene.

page 114

15Her gewat Odo arcebiscop, & Sancte Dunstan feng to
16arcebiscoprice.
17Her forðferde ælfgar cinges mæg on Defenum, & his lic rest
18on Wiltune. & Sigferð cyning hine offeoll,
19& his lic ligð æt Wimburnan.
20& þa on geare wæs swiðe micel mancwealm, & se micela
21manbryne wæs on Lundene, & Paules mynster forbarn.
22& þy ilcan geare wearð eft gestaþelad,
23On þys ilcan geare for Aþelmod mæssepreost to Rome, & þær
24forðferde xviii Kalendæ Septembris :
25Her forðferde Wulfstan diacon on Cilda mæssedæge, & æfter
26þon forðferde Gyric mæssepreost:
27On þys ilcan geare feng Aþelwold abbod to þæm bisceop
28rice to Wintanceastre. & hine mon gehalgode
29IN UIGILIA Sancti Andree . wæs sunnan dæg on dæg:
30VERSE OMITTED

page 116

31Her dræfde Eadgar cyng þa preostas on Ceastre of
32Ealdanmynstre, & of Niwanmynstre. & of Ceortes ige.
33& of Middeltune. & sette hy mid munecan. & he sette
34æþelgar

page 118

35abbod to Niwanmynstre to abbode. & Ordbirht
36to Ceortes ige. & Cyneweard to Middeltune.
37Her forðferde Eadmund æðeling. & his lic lið æt Rumesige.
38VERSE OMITTED

page 122

39Her wearð Eadweard cyning ofslegen.
40On þis ylcan feng æðelred æðeling his broðor to rice.

page 124

41Her forðferde ælfhere ealdorman.
42Her forðferde se wellwillenda bisceop Aðelwold, & seo
43halgung þæs æfter filgendan bisceopes ælfheages,
44se ðe oðran naman wæs geciged Godwine. wæs xiiii
45kalendæ Novembris & he gesæt þone bisceopstol
46an þara twegra apostola dæge Simonis & Iudæ. on
47Wintanceastre.

page 126

48Her on ðissum geare com Unlaf mid þrim & hund.
49nigentigon scipum to Stane, & forhergedon þæt on ytan, & for
50ða ðanon to Sandwic, & swa ðanon to Gipeswic,
51& þæt eall ofereode, & swa to Mældune;
52& him þær com togeanes Byrhtnoð ealdorman mid his fyrde, &
53him wið gefeaht. & hy þone ealdorman þær
54ofslogon, & wælstowe geweald ahtan. & him man nam syððan
55frið wið, & hine nam se cing syððan to bisceopes
56handa. ðurh Sirices lare Cantware biscpes, &
57ælfeages Wincæstre biscop.
58Her forðferde Sigeric arcebisceop. & feng ælfric Wiltunscire
59bisceop to ðam arcebisceoprice.

page 132

60Her on þysum geare wæs micel unfrið on Angelcynnes londe
61þurh sciphere, & welgehwær hergedon & bærndon ,
62swa þæt hy upp asetton on ænne siþ þæt hy coman
63to æþelingadene.
64& þa com þær togeanes Hamtunscir, & him wið gefuhton. &
65ðær wearð æþelweard cinges heah gerefa ofslegen.
66& Leofric æt Hwitciricean, & Leofwine cinges
67heahgerefa, & Wulfhere bisceopes ðegn, & Godwine
68æt Worðige, ælfsiges bisceopes sunu. & ealra manna an &
69hundeahtatig.
70& þær wearð þara Denescra micle ma ofslegenra. þeah ðe
71hie wælstowe geweald ahtan.
72& foran ða þanon west oþ þæt hy coman to Defenan, & him
73þær togeanes com Pallig mid þan scipan ðe he
74gegaderian mihte, forþam þe he asceacen wæs fram
75æðelrede cyncge ofer ealle ða getrywða ðe he him
76geseald hæfde, & eac se cyng him wel gegifod hæfde on
77hamon, & on golde & seolfre.
78& forbærndon Tegntun, & eac fela oðra godra hama þe we
79genemnan ne cunnan, & heom man syððan þær frið wið nam.
80& hy foran þa þanon to Exanmuðan, swa þæt hy asettan him
81upp on ænne sið oð hy coman to Peonho, & þær
82wæs Kola ðæs cyninges heahgerefa, & Eadsige þæs
83cynincges gerefa togeanes him mid ðære fyrde ðe
84hy gegaderian mihtan, & hy ðær aflymede wurdon, & ðær
85wearð fela ofslegenra, & ða Denescean ahtan wælstowe
86geweald;
87& ðæs on mergen forbærndon þone ham æt Peonho, & æt
88Glistune, & eac fela godra hama þe we genemnan
89na cunnan, & foran ða eft east ongean oð hy coman to Wiht;
90& þæs on mergen forbærndon ðone ham æt Wealtham. & oðra
91cotlifa fela. & heom man raþe þæs wiðþingode.
92& hy namon frið.