1B10.3.1.1

page 1

2

HER BEGINÐ SEO FORESPRÆC MUNECA REGULES.

    
3GEHYR ÐU MIN BEARN geboda ðines lareowes and anhyld þinre
4heortan eare, and myngunge þines arfæstan
5fæder lustlice underfoh and caflice gefyl, þæt ðu mid
6þinre hyrsumnesse geswince to Gode gecyrre,
7þe þu ær fram buge mid asolcennysse ðinre unhyrsumnesse.
8Eornestlice min spręc and lar is to æghwylcum þara asend,
9þe his agenum lustum wiðsæcð and mid þam
10strencstum and þam beorhtestum hyrsumnesse wæpnum drihtnum
11Criste soðum cyninge hyrsumian wile, ærest
12þinga swa hwylc god swa þu beginst, þæt hit ðurh
13drihten to fulfremedum ende cuman mote, mid singalum
14gebede geornfullice gewilna.
15þæt ure heofenlica fæder, þe us him to bearnum teleð,
16næfre ðurh ure yfelan dæda ne geunrotsige and
17on us his graman sette, him is on elcne timan to hyrsumienne
18mid þam godum, þe he us geunnen hæfð,
19þilæs þe he us beyrfewerdige, ðæt is, fram his
20eadignesse ascyrie, swa swa fæder deþ his bearn, þonne
21he him for his gyltum gram bið and his æhta

page 2

22him ne an, na þæt an, þæt he us æhta bedæle, ac þæt
23he us, þe him to wuldre fylian nellaþ, swa swa egeful
24hlaford, mid urum yfelum dædum gegremed,
25to ecum wite ne sylle.
26Utan eornestlice on sumne timan astandan ðurh haliges
27gewrites myngunge, þe þus cwyð: Nu is tima, þæt
28we of slepe arisen, þæt is, þæt we synna geswicen and
29on godum weorcum wacule syn.
30mid openre gymenne godcundes andgytes we eac gehyren, hwæt
31dæghwamlice sio godcunde stefn myngað and
32clypað ðus cweþende: Gyf ge todæg Godes stefne gehyren,
33nellen ge elciende eowere heortan ahyrdan;
34and eft þus cweþ: Se þe hlystes earan hebbe, gehyre
35hwæt þæt haliggast to eallum þam, ðe to Gode
36gelaðede syn, cwiþ: Cume ge mine bearn, gehyrað me; Godes
37ege ic eow tæce; yrnað and onettað, þa
38hwile ðe ge lifes leoht habban, þylæs ðe deaðes þystra
39eow gelæccen.
40And drihten on micelre folces menige smeað and scrutnoð,
41hwæt ða feawa syndan, þe his willan wyrcen
42willen, and ðus acsiende cwyþ: Hwa is manna, þæt lifes
43wilnige and gode dagas geseon wille?
44Gif þu þis gehyrende andswarast: ic eom se þe ðæs
45wilnað, God ælmihtig ðus to þe cwyþ: Gif ðu habban
46wille soð lif and ece, forhafa þine tungan fram yfelre
47spræce and ðine welras nan ðing facenlices
48ne sprecen; buh fram yfele and wyrc god; sec sibbe and hyre
49gefolga.

page 3

50ðenne ge þus doð, min ansyn bið ofer eow and min hlyst æt
51eowrum benum, and ær ge me to clypian, ic
52cweþe: Efene nu ic eom geara to eowere neode.
53Hwæt is lustlicre to gehyrenne þenne þeos laþiende Godes
54stefn?
55Efene nu drihten ðurh his mildheortnesse us lifes wegas
56anywyþ.
57We eornestlice mid clænnesse modes and lichoman and mid
58geleafan and godra weorca biggenge and mid
59haligra mægena hæfene his wegas geornlice faren and
60geearnian, þæt we hine, þe us to ðam wege gelaþode,
61on his rice geseon moten.
62Natoþæshwon his rices eardung bið gefaren buton mid gymene
63and gehealdsumnesse godra dæda; ofst and
64hradung godra weorca is to þæm rice weges færeld.
65Ac uten ahsien urne drihten þurh þæs witegan myndgunge
66þus cweþende: Drihten, hwa mot wunigean on
67þinre eardungstowe and hwam is rest geunnen on þinre halgan
68dune?
69We gehyraþ æfter ðisse æscan drihten andswariendne and
70þone weg his eardunge þus tæcendne: Se on rihtne
71weg færð to minum rice, þe butan leahtra besmitenesse
72wunað and rihtwise weorc begæþ, and se
73þe soð on his heortan beðencð and facenlices nan ðing mid
74his muþe ne clypað, and se þe his neahstan
75yfeles nan ðing ne dyde, and se þe hosp and edwit on his
76neahstan ne sette, and se þe þone awirigedan
77deofol, ælces yfeles lareow fram his heortan awyrpð
78mid ealre his lare and hine for naht teleð,
79and ealle his geþohtas and hopan on God beset,

page 4

80and þa þe God ondrędaþ and hy þurh heora godan dæda
81ne anhebbaþ, ac drihten, þe þa god on hi worhte,
82weorðiaþ and mærsiað, þus mid þæm witegan clipiende:
83Na us, drihten, na us, ac þinum naman sele þu wulder.
84swa eac Paulus þurh his mæran bodunge him sylfan nanes
85lofes ne tilade, ac eal þæt lof Gode betæhte,
86þe him snytera and wisdom sealde, ðus cweþende: þurh
87Godes gife ic eom þæt þæt ic eom; eft se sylfa
88Paulus cwiþ: Se þe wuldrige, wuldrige on God
89ælmihtigne and no on hine sylfne.
90Be þæm ilican andgyte se hælend cwiþ on þæm halgan
91godspelle þus clypiende: Se þe gehyrþ þas mine
92word and hi mid weorcum gefylð, ic hine gelicne læte wisum
93were, ðe ofer fæstum stane bytlode; flodas
94coman, windas bleowan and þæt hus swiðlice gespurnun,
95and hit no feol, forðy þe hit gestaþolod
96wæs ofer fæstum stane.
97Ealle god wyrcende and on his halgan gefyllende and
98tremegende drihten geanbidaþ, hwæþer we mid weorcum
99his lare gefyllan willen.
100For bote urra synna þises lifes dagas us to fyrste forlætene
101synt, swa cwyþ se apostol: Wast þu ðe
102nast, þæt Godes geþyld þe to dædbote gelaþaþ?
103Soðlice mildheort drihten þus cwyþ: Ne wilnege ic ðæs
104synfullan deaðes, ac þæt he gecyrre and lif
105age.
106þa we eornostlice urne drihten ahsedon be þæm bugendum his
107eardungstowe, we gehyrdan hwæt þa gebodu
108synd, þe we þa eardunge mid geearnian sceolon; mid
109gefyllednesse goddere þenunge we weorðaþ heofena
110rices yrfeweardes.

page 5

111We forþy heortan and ealne lichoman to gecampe gegearwian and
112to hyrsumnesse halgra gebeda.
113þæt we þurh tyddyrnesse mennisces gecyndes þurhteon ne
114magon, we urne drihten geornlice biddæn, þæt
115he us þurh his gife gefultumige to gelaste his geboda.
116And gif we hellewites susla forbugan willað and to ecum life
117cuman, þa hwile þe we moten and on þisum
118lichoman wuniað and ealle þas forsprecenan þing ðurh
119lifes lyhtinge gefyllen magon, is to hradienne
120and to efstenne þæt us on ecnesse to life gefyrðrige.
121Toþi þenne ic eornestlice settan wille bysega and bigengas
122þysses drihtenlican þeowdomes.
123þeah hwet teartlices hwæthwara stiðlice on þisum regule,
124þe ures færyldes latteow to Criste is, geset
125and getæht sy, for gesceades rihtinge and for synna bote
126and soðere sibbe gehealdsumnesse, ne beo
127þu þurh þi forht and afæred, ne þurh yrhþe ðinre
128hæle weg ne forlæt.
129þæs weges ongin, þe to Criste læt, ne meg beon begunnen
130on fruman butan sumre ancsumnysse, ac þa geþingþa
131halegera mægena and se gewuna þisse halgan
132drohtnunge, þe gedeþ leafleoht and eaþe, þæt ðe
133ær earfoðe and ancsumlic þuhte.
134se weg is rum and forðheald, þe to deaðe and to hellewite
135læt; se is neara and sticol, þe to life
136and to heofona rice læt.
137he is us þeah to gefarenne mid rumheortum mode and mid godum
138and glædum geþance and mid gefyllednesse
139Godes geboda, swa þæt we on mynstre þurhwunigen on
140Cristes lare

page 6

141and tæcinge, þæt we hine geefenlæcende
142mid geþylde earfeþa and eahtnesse þolien, þæt
143we his rices gemænnesse and gefean mid him agan moten.

page 9

144

BE MUNUCA CYNNE.

    
145Feower synt muneca cyn.
146ðæt forme is mynstermonna, þæt is þara þe under regule
147and abbodes tæcincge on gecampe wuniað.
148Oþer cyn is ancrena, þæt is westensetlena, þe no on niwan
149wylme, ac on lancsumere mynsteres drohtnunge
150geleorniað, þæt hie anstandonde mid Godes fultume
151þurh broðra getrymnesse ongean deofol and his
152flæsces and geþohta leahtras winnan magan.
153þridde cyn is muneca ealra atelucost, sylfdemena, þe no on
154regules and lareowa tæcinge ne beoð afandode
155swa swa gold on heorðe, ac æfter leades gecynde on
156costnunge gemyltað and awacigað and on woruldþingum
157ealne heora hiht besettað, and swylce hie mid
158sceare and munuces hiwe God ælmihtigne pæcen.
159ða wuniað twam and þrim ætgædere and hwilon ænlipige,
160no on Godes eowode belocene, ac on agenum lustum
161beswicene; him is for æ heora idelra gewilnunge lust;
162swa hwylc idel swa him to geþance yrnð
163and him gecoren bið, þæt hie taliað halig, and swa hwæt
164swa him oflicað, þeah hit halig sy, hie hit
165lætað unalyfed.
166þæt feorðe muneca cyn is, þe is widscriþul genæmned,
167þa ealle heora liflade geond missenlice þeoda
168farað and twam and þrim dagum geond missenlicra monna husum
169wuniað, æfre unstaþolfæste and woriende,
170agenum lustum and heora gitsunge unalyfedlice fyliað and
171hyrsumiað.

page 10

172on eallum þingum hie synt wyrsan þænne þa sylfedeman, þe
173on anre wununge stilnesse healdað; be heora
174ealra earman drohtunge sel is to swigienne, þonne embe to
175sprecenne.
176We þas forði forlæten and to þæm stræcstum mynstermonna
177cynne gecyrren and Gode fultumigendum heora
178drohtnunge geendebyrden.
179

HWYLC SE ABBOD BEON SCYLE.

    
180Abbod, ðe ðæs wyrðe sy, þæt he mynsteres wealde, he
181sceal a gemunan, hwæt he gecweden is, and þæs
182ealdorscipes noman mid dædum gefyllan.
183Cristes gespelia he is and his note and spelinge on mynstre
184healt; he forþi his agenum naman geciged
185is, geseðendum apostole and þus cweðendum: Ge onfengon
186bearna gewiscinge gast, on þæm we clypiað
187abba, þæt is fæder.
188And hit forði næfre ne geweorþe, þæt abbod ænig þing
189lære oþþe gesette oðþe hate, butan Godes bebode;
190ac his hæs and lar, þæsma godcundre rihtwisnesse, on
191his underþeoddera modum sy symble geondstregd;
192sy he a gemyndig, þæt mycel smeauncg bið on þæm
193egefullum Godes dome, ægðer ge ymbe his lare,
194ge ymbe his underþeoddra hyrsumnesse.
195Wite he

page 11

196eac, þæt he bið gewitnod swa swa gymeleas
197hyrde, gif se hyredes ealdor, þæt is drihten,
198to lytele note and nytwyrðnesse on his heorde angyt.
199And he eft æt þam dome freo and carleas bið, gif he mid
200ealre gymene þa ungehyrsuman heorde gehylt
201and his seocum, þæt is synfullum dædum ealle lacnunge
202gegearewade, þus mid þæm witegan cweþende: þine
203rihtwisnesse, drihten, ic on minre heortan ne bediglode,
204soðfæstnesse þine and halwendnesse ic
205gesæde, hy þeah forhogiende me forsawon, ðurh þy þonne
206wite and deað ricsað on þa ungehyrsuman heorde his gymene.
207Eornostlice, se þe þone mæran noman abbodes underfehð,
208he sceal mid twyfealdre lare þa wyldan and
209tyn, þe him underþeodde synt, þæt is þæt he ælc god
210and halignesse mid godum dædum swiðor tæce, þonne
211mid worda lare, þæt þa andgytfullan mid worda lare to
212Godes willan gemyngode syn and þa unandgytfullan
213mid godum dædum getrymede and anbryrde hine geefenlæcen.
214Eal þæt he forbeode and his gingrum læþe, he þæt no mid
215weorce ne gefremme; gif he þonne wel lærð and
216yfele mid weorce bysenað, he bið forþearlice aworpen,
217and drihten þurh his witigan to him synfullum
218þus clypað:

page 12

219Hwy cwyst þu mine rihtwisnesse and hwy
220nimest þu mine beboda on þinne muð?
221þu soðlice hatodest rihte lare and awurpe mine word
222wiðæftan þe.
223þu gesawe gehwæde mot on þines broðor eage and ne gesawe
224þone mæstam cyp on þinum agenum eagan.
225þæt is on andgite: þu asceonudest þa læstan gyltas on
226þine gingran and þa mæstan noldest on þe sylfne.
227Ne sie fram abbode hada toscead on mynstre gehealden, þæt
228is ne sy nan fram him geweorðad for gebyrdum
229oðþe for ylde oþþe for ænigum oþrum þingum, butan
230for Godes ege anum and for soþes wisdomes gesceade.
231Ne sceal he nænne swiðor lufian þonne oþerne, butan he
232hwylcne on godum dædum and on hyrsumnesse beteran
233ongyte; ne sceal he þone æþelborenan settan beforan
234þane þeowborenan, gif se þeowborena ær on
235þæm mynstre wæs, butan he for hwylcum gesceade hit do,
236þæt is, gif se æþelborena mid godcundum cræfte
237þone unæþelborenan oferþyhð, sy he gemedemad
238furður be his geearnungum þonne se unæþelborena.
239na be gebyrdum anum þis is to healdenne, ac be ealles
240mynstres endebyrdnesse, þæt se sy furþor forlæten
241on stealle and on setle, se þe furðor on geearnunge
242for Gode sy.
243sy swylcera gebyrda oþþe gecyrrednesse swylce he sy, butan
244hwylc þonne oþerne mid geearnunge oferþeo,

page 13

245sy he gemedemad on stede and on setle, swa swa his
246gecerrednes sy, for þon ge þeow ge freoh, ealle
247we synd an Criste an.
248and under anum Gode gelicne þeowdom we underfengon, forðan
249þe mid Gode nis anfangennes nanra hada,
250þæt is nanes riceteres, ne ylde, butan geearnunge anre.
251Ealle he sceal gelice lufian his underþeoddan, and eallum
252him sceal beon an steor and an lar, æfter
253heora geearnunga anddyfene.
254Abbud sceal symle on his lare healdan þone apostolican cwide,
255on ðam he cwæþ: þrea and witna and halsa
256and cid; he sceal mencgan þa reðnesse wið þa
257liðnesse.
258he sceal gedon, þæt his reðnes ateowe fæderlice and
259arfæste lufe, þæt is, þa unstillan and þa heordheortan
260he sceal þreagean, and þa gehyrsuman and þa
261mildan and þa geþyldigan he sceal witnian and
262halsian, þæt hy bet and bet don, and þa gymeleasan and þa
263oferhogiendan he sceal ægðer ge mid wordum,
264ge mid dædum þreagan.
265Ne sceal he hit no yldan and hiwian, swilce hit him uncuð sy,
266ac sona swa he hwæt unrihtes ongyte,
267he hit sceal sona mid ealle him framadon; he sceal geþencean
268þæs sacerdes frecednesse Eli of Silo.
269þam godum, gif hy hwæt misdoð, he sceal mid wordum styran,
270and þæm þweortymum mid swingellum and mid
271licumlicre clænsunge; he sceal geþencean þæt hit is
272awriten: ðam dysegan ne mæg mon na mid wordum
273gestyran,

page 14

274and eft on oþre stowe: Sleah þine sunu mid
275gyrde, þonne alyst þu his saule from deaðe.
276Se abbod sceal simle gemunan, þæt hit awriten is, þæm þe
277bið mare befæst, from þæm eac mare bið abeden.
278He sceal geþencan, þæt he swiðe uneþelice wisan
279underfehð, þæt is, þæt he sceal rædan and racian oþra
280manna saulum, sumum mid olæcungum, sumum mid þreaungum,
281sumum mid lare, no þæt an, þæt he sceole
282symle gyrnan, þæt he him þæs befæsten eowdes nanne
283æfwirdlan næbbe, ac eac þæt he mage gefeon be
284þæm wæstme heora godra weorca.
285Ne sceal him na lytel þincean, se underfeng saula
286reccendomes, þara he sceal ealra riht agyldan on
287domesdæge.
288Ne sceal he syfian ne mænan ymb woruldspeda, forþæm hit is
289awriten: Secað ærest Godes rice and his
290rihtwisnesse, he eow gifeþ eal, þæt ge beþurfan; and eft
291hit is awriten: Ne bið nan wana, þam þe
292God on riht ondrædað.
293Wite eac se abbod, þæt se þe onfehð saula to ræccænne,
294he gearwað hine selfne to dome on þæm dome on
295domesdæge, and þær he sceal riht agyldan for ealle þa
296þe he onfeng, and eac for his agene saule.

page 15

297

BE ÐY ÐE MON EAL GEFERE ON HEALECUM GEÐEAHTE GELAÐIGE.

    
298Swa oft swa ænig ðing healices on mynstre to donne sy,
299gelaðige se abbod eal þæt gefere and secge
300eallum, embe hwæt neoda to smeagenne sy.
301And heora ealra geþeaht gehyrende smeage on his agenum
302geþance and þæt do, þæt him selost þince.
303Forþi þonne we eal gefere to geþeahte gelaðian heton,
304forði þe oft God þan ginstum anwryhð, hwæt selost
305sy to healdenne.
306þeahtigen þænne þa broþru and swa ræd syllen mid ealre
307eadmodnesse and underþeodnesse, þæt nan ne gedyrstlæce
308mid anwilnesse his agenne ræd to bewerigenne, ac
309stande eal seo geþeahtung on þæs abbodes
310dome, and do þæt him selost and halwendost þince, and hie
311ealle gemænelice him to þæm hyren geornlice.
312Ac ealswa hit geriseð, þæt þa geongran þam yldrum hyren,
313swa eac geriseþ, þæt se ealdor, þæt is se
314abbud, swiðe rihtlice and foreþanclice eal gestyhtige and
315gesette, þæt him gemæne bið.
316On ælcum þingum hie sceolon habban þone regol to lareowe,
317and no of þæm abugan þurh ænige gedyrstignesse; ne

page 16

318sceal nan mon on mynstre girnan, þæt he his agenum
319willan folgie.
320Ne eac sceal nan mon geþristlæcan, þæt he aht stiþlices
321spræce ongean his abbod, nauþer ne binnan mynstre
322ne butan; gif hit hwa deþ, þonne sceal he underhnigan
323þære steore regollicre lare.
324Wite se abbod þeah, eal þæt he do, þæt he hit do mid
325Godes ege and gehealdsumnesse þæs regoles, forðæm
326þe butan tweon he sceal ealra his doma riht agyldan
327beforan þæm rihtwisan deman on domesdæge.
328Gif þonne hwylc læsse þing sie to smeagenne, þonne hæbbe
329he þara yldestra manna geþeaht, forðæm hit
330is awriten: Eall þæt þu do, do hit mid geþeahte, þonne
331ne gehreoweð hit þe na.
332

BE GODDRA WEORCA TOLUM.

    
333ærest mon sceal God lufian of ealre heortan and of eallum
334mode and of eallum mægene, and æfter þon
335his nyhstan, swa swa hine sylfne.
336Ne sceal mon manslean, ne on unriht hæman, ne stelan, ne
337unalyfedlice gelustfullian, ne leasunga secgan,
338ac ælcne man mon sceal arweorðian, and ne sceal nan
339mon don oþrum, þæt he nelle, þæt him mon
340do.
341Mon sceal his agnum lustum wiðsacan and folgian Cristes lare;
342his lichoman gehwa sceal clænsian, þæt
343is mid forhæfdnesse wyldan; estmettas no to

page 17

344grædiglice mon ne sceal lufian, ac fæsten mon sceal
345lufian.
346Earme mon sceal hyrtan and nacode scrydan; untrume neosian and
347deade bebyrgean; geswenctum helpan and sariendne frefrian.
348And fram weoruldwilnungum hine sceal gehwa fremdian and nan
349þing beforan Cristes lufe settan.
350Yrre ne sceal mon fulfremman; yrsunge tidelice sceal mon
351gehealdan; facn ne sceal mon on heortan gehabban;
352lease sibbe ne sceal mon syllan; soþe lufe ne sceal
353mon forlætan.
354Swerian ne sceal mon, þylæs mon forswerige; soðfæstnesse
355of heortan and of muðe mon sceal simle forðbringan.
356Ne sceal mon yfel mid yfele gyldan, ne nanum men nænne
357teonan ne don, ac þonne him mon yfel do, he
358sceal geþyldelice aræfnian; his fynd mon sceal lufian for
359Godes lufan; þa wergendan ne sceal mon
360na ongeanwerian, ac ma bletsian; ehtnesse for rihte mon sceal
361eaðmodlice geþolian.
362Ne sceal mon beon ofermod, ne druncengeorn, ne oferæte, ne
363toslapolto slapolEdition: toslapol, ne slaw, ne gnorniende, ne tælende.
364Ac ealne his tohopan he sceal habban on God; ðonne he hwæt
365godes deþ, þonne sceal he þæt eal tellan
366to Gode, and þonne he hwæt yfeles deþ, he sceal witan,
367þæt þæt cymð of him sylfum.
368Domesdæg he sceal simle geþæncean, and hellewitu he him
369sceal a ondrædan, and þæs ecean lifes he sceal
370mid ealre geornfulnesse girnan, and ælce dæge he him
371sceal deaðes wenan.
372His weorca he sceal giman on ælce tide, þæt þa gode sien,

page 18

373and he sceal geþencan, þæt he nahwer Gode
374dygle ne bið, ac he hine æghwær gesihþ; þa yflan
375geþohtas, þe him on mod becumað, he sceal sona on
376Criste toslean and his gastlican lareowe andedtan.
377ðonne he hie toslyhð on Criste, þonne he geðenceð Cristes
378þrowunge and his wundra and mid þæm geþohtum
379aflymeð þa yfelam geþohtas.
380His muð he sceal from ælcum þweoran and yflum wordum
381gehealdan; ne sceal he fela sprecan, ne idele
382word ne leahtorbere; ne hleahter ne sceal he lufian.
383Halige rædan he sceal lustlice gehyran and gelome on gebedum
384beon; his forðgewitenan yfelu he sceal
385dæghwamlice mid tearum Gode andettan and hie georne betan.
386Ne sceal he his lichoman luste folgian; his agenne willan he
387sceal onscunian, and his abbodes bebodum
388on eallum þingum he sceal hyran, þeah hit sy, swa swa
389hit ne gedafenað, þæt he wyrs do, þonne he lære.
390hie sceolan gemunan þone drihtenlican cwide, on ðæm he
391cwæþ: þæt þæt hie eow secgan, do ge þæt, and
392þæt þæt hie don, ne don ge þæt.
393Ne sy nan lofgeorn, ne wilnigende, þæt his dæda halige
394gesæde sien, ær hie halige weorðan, ac hicge,
395þæt hit mid soðe gesæd beon mæge; he sceal Godes
396bebodu dæghwamlice mid godum dædum gefyllan and
397his clænnesse lufian; ne sceal he nænne mon hatigan; ne
398sceal he andan and æfest healdan, ne geflit lufian.
399he sceal upahefednesse forfleon and his ealderas weorðian
400and his geongran lufian; for Godes lufan
401for heora fynd hie sceolan

page 19

402gebiddan; ær sunnan setlgange hie
403sceolan to sibbe fon wiþ þa ungeþwæran;
404and he næfre ne geortreowe be Godes mildse.
405Efne nu þis synd gastlices cræftes tol and gebytla; ðænne
406hie from us dæges and nihtes unablinnendlice
407beoþ gefyllede and on domesdæge eft betæhte, seo med
408us bið from drihtne agolden, þe he sylfa
409behet, þæt is: þæt mænnisc eage for hire mærðe
410micelnesse geseon ne mihte, ne mannes eare gehyran,
411ne on mannes heortan ne astah, ðe God ælmihtig gegearwað
412eallum þam, þe hine lufiað.
413On mynstres claustre geferrædene staþolfæstnes ealle þas
414þenunge began sceal and geornfullice wyrcean.
415

BE HYRSUMNESSE.

    
416ðære forman eaðmodnesse stepe is hyrsumnes butan elcunge.
417Seo gedafenað þæm þe nan þing him leofre ne lætað,
418þonne Crist ælmihtigne.
419þa hie begað for heora halgan þeowdomes behate, oþþe for
420hellewites ogan, oððe for ðæs ecan lifes
421wuldre.
422Sona swa heom ænig þing fram heora ealdre geboden bið, hi
423þæt butan elcunge mid weorce gefremmað, swylce
424hit fram Gode sylfum geboden sy.
425Be swilcum drihten þus cwyð: Of eares hlyste he hyrsumode
426me.
427Eft he to lareowum þus cwið: Se þe eow gehyrð, he gehyrð
428me, and se þe eow mishyrð, he mishyrð me.

page 20

429Eornostlice, þa þe þyllice synt, sona swa him hwæt beboden
430bið, heora agenne willan aweorpað and swa
431hwilce bysiga, swa hy on handa hæfdan, unfulworhte lætað
432and mid hwatum hyrsumnesse fet þæs beodendan
433stefne mid weorce gefolgiað, and swilce on are
434berhthwile seo foresæde þæs lareowes hæs and
435þa fulfremedan þæs lærincmannes weorc mid Godes eges
436cafscipe gemænelice butu þa þing beoð gefyllede.
437On swylcum wunað seo lufu þæs færeldes to ecum life,
438forði þonne hi þæne ancsuman weg geceosað, be
439þæm se hælend cwyð: Ancsum and neara is se weg, þe to
440life læt, þæt is, þæt he be his agenum dome
441ne libbe, ne he agenum lustum ne hyrsumige, ac be fremedum
442dome and hæse donde sy, on mynstre wunigende,
443þæt abbod his wealde and tæce, a gewilnige.
444Buton tweon, þa þe þilice beoð, hi geefenlæcað þone
445cwide, þe drihten be him sylfum þus cwæþ: Ne com
446ic toþi, þæt ic minne agenne willan worhte, ac þæs,
447þe me hider sænde.
448ðeos sylfe hyrsumnes bið Gode antfenge and mannum lufteme,
449gif þæt gebodene bið gefremed unforhtlice
450and unsleaclice and unasolcenlice and butan ceorunge and
451butan nellendes andsware; seo hyrsumnes
452to soðe, þe bið þæm ealdrum gegearwod, heo bið Gode
453gedon; he soðlice sylf þus cwæþ: Se þe eow gehyrð,
454he gehyrð me.
455And mid godum mode and glædum geþance þa
456underþeoddan leorneras heora ealdrum hyran sceolan,
457forði butan tweon þæne glædan hyran God lufað and þone
458unrotan hataþ.
459witodlice, þeah hwylc leorninccniht his ealdres

page 21

460gebodu mid weorce gefremme, gif he hit mid muðe beceorað
461oþþe mid mode besargað, ne bið hit þeah Gode
462andfenge, þe ælces mannes heortan þurhsyhð, ac
463for swylcere dæde he nane mede æt Gode ne onfehð, ac gyt ma
464on ecum wite mid þam murcnerum, þe Gode
465mishyrdon, bið geset, butan he mid fulre dædbote his
466ungeþanc gebete.
467

BE SWIGAN.

    
468Utan don swa swa se witega myngað, þus cweðende: Ic
469cwæþ, þæt ic beheolde mine wegas, þæt ic ne gylte
470þurh mine tungan; ic gesette minum muþe heordnesse; ic
471adumbade and an godum clypungum gestilde.
472Mid þissum wordum se halga witega gesweotulað, þæt we
473sceolan idelra worda for synna wite geswigian:
474þonne he for swigan mægene foroft godra clypunge geswac,
475eornostlice mon sceal idelra worda geswican.
476þeah fulfremedum leornerum for swigean hefignesse seldhwænne
477leaf geseald sie to sprecenne ymbe halige
478spræca and ymbe þære saule getimbrunge, forði hit
479þus awriten is on halgum bocum: On mænigfealdre
480spræce ne bið syn forbogen; and eft is awriten: Deað
481and lif on þære tungan handa.
482Soþlice þæm lareowe gedafenað, þæt he sprece and tæce,
483þam leornere gerist, þæt he swigie and gehyre.
484Forþi

page 22

485þonne gif hwæt to ahsienne sy fram þam ealdre,
486þæt sy geahsod mid ealre eaðmodnesse and underþeodnesse
487willa and micelre arweorðnesse.
488Ne he on ðam furþor ne sprece, þonne hit framige;
489gegafspræce and idele word and þa word, þe leahter
490astyrien, ecum loce on eallum stowum we geneoþeriað and
491forbeodaþ, and to swylcere spræce nan leornere
492his muð næfre mid minre leafe ne ontyne.
493

BE EAÐMODNESSE.

    
494Godcund gewrit us to eaðmodnesse myngað þus clypiende:
495ælc þe hine anhefð, he bið geneoþerad, and
496ælc þe hine mid eaðmodnesse geneoþerað, he bið mid
497weorðmynte onhafen.
498þurh þas clypunge is gesweotolad, þæt ælc upahafednes
499asprincð of modignesse cynrene; wið þone unþeaw
500hine bewarode se witega, þus cweþende: Drihten, nis min
501heorte onhafen, ne mine eagan upabrodene,
502ne ic ne ferde on mærðum, ne wundorlice mid getote ne
503bode.
504Ac hwæt þonne, gif ic eaðmodlice me sylfne ne understode,
505ac min mod on modignesse anhofe?
506Agyld þu me, drihten, mid biternesse lean, swa swa modor deþ
507hyre bearne, þonne hio hit fram hire breosta gesoce weneþ.

page 23

508Forði þonne gif we þone hrof þære healican eaðmodnesse
509getillan willað and to ðære heofonlican anhefednesse,
510þe mid þises andweardes lifes eaðmodnesse bið
511gestigen, caflice cuman þencað, seo hlædder
512is urum dædum to arærenne, þe Jacobe on swefne wearð
513anywed, þurh ða him wæron gesweotolade ægðer
514ge upstigende englas ge niþerstigende.
515Nis butan tweon to understandenne se upstige and se
516niþerstige on nane oþere wisan, butan þæt heofona
517rices upstige mid eadmodnesse geearnod bið and mid
518ofermettum forwyrht.
519Seo arærede hlædder tacnað ure lif on ðisse weorulde,
520ðæt bið mid eaðmodre heortan þurh drihten aræred
521to heofonum; þære hlædre sidan tacniað lichoman and
522saule; on ðæm twam sidum, þæt is on saule and
523on lichoman, missenlice stæpas eaðmodnesse and
524þeawfæstnesse sio godcunde gelaðung to ðæm upstige
525gefæstnode.
526

BE ÐAM TWELF STÆPUM EALRE EAÐMODNESSE.

    
527ðære forman eaðmodnysse stæpe is, þæt gehwa Godes ege
528hæbbe and ætforan his eagena gesyhðe singallice
529sette

page 24

530and ne sy ofergyttol, ac a gemyndig ealra þara
531þinga, þe ure drihten bebead.
532sy he eac gemyndig, hu ða for hiora synnum on helle
533behreosað, þe his beboda forseoð, eac swylce wealce
534a on his mode embe þæt ece lif, þe God gegearwod
535hæfð eallum þæm, þe hine andrædað.
536And þus smeagende gehealde he on ælcne timan fram his
537synnum and leahtrum, ægþer ge geþohta, ge spræce,
538ge gesyhþe, and fram eallum yfelum dædum mid ofste
539his agene lustas and his flæsces gewilnunga
540gewanige; wite manna gehwylc, þæt he bið a gesewen fram
541drihtne of heofonum on ælcne timan.
542On ælcere stowe his dæda beoð gesewene fram godcundre
543gesyhþe and on ælcne timan fram englum gebodode;
544þæt God on urum geþohtum andwearde is, se witega
545gesweotelað þus cweþende: God asmeað ægðer ge
546manna heortan ge æddran; eft he cweð: God cann manna
547geþohtas; eft he cwyð: Drihten, þu angete mine
548geþohtas feorrene, and: Mannes geþanc ge geandet.
549Toþi þæt he carful sy ymbe his þweoran geþohtas, simle se
550nytwyrða broðor þus mid his heortan clypige:
551þonne ic beo unwemmed beforan Gode, gif ic me gehealde
552fram minre unrihtwisnesse.
553Ure agen willa us is forboden, þonne halig gewrit þus
554clypaþ: Gecyr þu fram þinum lustum; eft on
555gebede we

page 25

556halsiað urne drihten, þæt his willa on us gewunige.
557Eornostlice we synt gelærede be geweorhtan, þæt we be
558agenum willan ne wyrcen, þonne we þæt bewarniað,
559þæt halig gewrit, þe þus clypað: Sume wegas syndan,
560þe mannum syn rihte geþuhte, þara ænde þeah
561besencð on helle grunde.
562we us eft andrædað þurh þæt halige gewrit, þe þus
563clypað: Hy synt gewemmede and andsæte gewordene
564on heora agenum lustum.
565Wite we eac to soðe, þæt drihten a bið andweard on urum
566flæslicum lustum and him ures anginnes nan
567ðing digle ne bið; ðæt gesweotelað se witega, þus to
568Gode clypiende: Beforan þe is, drihten, eall
569min gewilnung.
570Be þam halig gewrit monað, þus cweþende: Ne far ðu æfter
571þinum lustum.
572Eornostlice, nu Godes gesyhða behealdað ægðer ge gode ge
573yfele, and drihten of heofonum symle behylt
574ofer manna bearn, þæt he geseo hwæþer heora ænig
575andgyttol sy and God secende, and nu fram þam englum
576us betæhtum ure weorc dæges and nihtes drihtne, urum
577scyppendum, beoð gebodude, us is miclom
578to warnienne, leofe gebroþra, swa hit on þam salmum awriten
579is, þylæs þe God on ænigne timan us geseo
580bugende to yfele and to nahte gehweorfan, and us þeah on
581þisne timan arige, forðan þe he milde
582is and geanbidað, þæt we to beteran

page 26

583gecyrren, þæt he us eft ne afyrre on þam toweardum,
584þus cweðende: þis ge dydon, and ic swigode.
585

BE ÐAM OÐRAN EADMODNESSE STÆPE.

    
586Oðer eadmodnesse stæpe is, þæt hwa his agenne willan ne
587lufige, ne his agenum lustum ne fylige, ac
588mid dædum ures drihtnes stefne geefenlæce, þe þus be him
589sylfum cwyð: Ne com ic toþy, þæt ic minne
590willan worhte, ac þæs þe me hider asænde, þæt is mines
591heofonlican fæder.
592and eft is gecweden: Lust hæfð wite and nead wuldorbeah
593gegearwað, þæt is þæt hwa hine sylfne to Gode
594nyde and his agene lustas aweorpe.
595

BE ÐAM ÐRIDDAN EADMODNESSE STÆPE.

    
596ðridde eaðmodnesse stæpe is, þæt gehwylc for Godes lufan
597hine sylfne mid ealre eaðmodnesse his ealdrum
598underþeode, urne drihten geefenlæcende, be him se
599apostol þus cwið: He wearð gehyrsum toþi, þæt
600he willes deað þrowade.
601

BE ÐAM FEORÐAN EADMODNESSE STÆPE.

    
602Feorða stæpe eaðmodnesse is, gif he on þære sylfan
603hyrsumnesse þolemod bið on heardum and on wiþerweardum

page 27

604þingum and on gehwylcum teonrædennum geþyld lufige
605and ne awacige, na ne his staþel ne lætende
606fram Gode ne buge.
607be þissum halig gewrit þus myngað: Se ðe þurhwunað oþ
608ende, he bið gehealden; eft is gecweden on haligum
609gewrite: Si gestrangod þin heorte and forþyldiga
610þinne drihten, þæt is, þola eall, þæt God
611be þe geþafað.
612And eft is onywed, þæt þa getreowfullan for Godes ege ealle
613lifes wiðerweardnesse forþyldigian scylun,
614be hiora þolemodnesse is þus awriten: For þe, drihten,
615we synd ealne dæg to deaþe gewæhte; we synd
616to deaþe getealde swa swa sceap to gesnide.
617hie þeah orsorge be þam tohopan þæs godcundan edleanes,
618þus æfterfylgendlice mid blisse clypiað: We
619oferswiðredon on þysum eallum þurh þone þe us lufode,
620þæt is drihten; eft be þære ylecan þolemodnesse
621on halegum gewritum is þus gecweden: Drihten, þu
622fandodest ure; þu ameredest us on fyres fandunge,
623swa swa seolfor on fyre amered bið; ðu us belæddest
624on grin, þu gesettest gedrefednessa on urum bæcum.
625eft þæt ilce halige gewrit forðon geswutelað, þæt we
626under ealdra gymene beon scylen, þus cweðende:
627þu settest men ofer ure heafda, þæt is ealdras, þe us
628gewyldon.
629Ge eac þurh Godes gebod earfeþa and teonrædena mid
630geþylde forberað, þæs halgan godspelles cwide gefyllende,
631þe þus cleopað: þonne þu geslegen sie on

page 28

632an gewenge, wænd þæt oðer to; ðam þe þine tunecan
633þe benæme, læt þinne wæfels to; geneadod to anre mile
634gange, gang willes twa.
635ðæt is on andgite: Se went oþer hleor to sleandum, se þe
636god deþ þæm, þe him yfeles uþe, se þe bletsað
637þæne, þe hine wyrigde, he læt þa hacelan to þæm,
638þe hine tunecan benæmbe, se gæþ sylfwilles twa
639mila, to anre geneadod, þonne he bið oferswiðed fram þam
640yfelan, he gewænt þane yfelan to gode.
641se þe þyllic bið, butan tweon he deð, swa swa Paulus
642cwæþ, þæt is, geþyldelice lease gebroðru forbyrð
643and eahtnesse for rihtwisnesse þolað and þa bletsað,
644þe hine wyrigdon.
645

BE ÐAM FIFTAN EAÐMODNESSE STÆPE.

    
646Se fifta stæpe eaðmodnesse is, gif he þurh eaðmodre
647andetnesse his abbode ne diglað ealle þa geðohtas,
648þe his heortan cumende and þa yfelu, þe on diglan fram
649him þurhtogene synd.
650Be þam us halig gewrit myngað, þus cweþende: Onwreoh
651drihtne þinne weg, þæt is þine dæde, and hyht
652on hine; and eft hit cwið: Andettað drihtne, forþan þe he
653is god, forþan þe his mildheortnes is on
654ecnesse.
655and eft cwið se witega: Minne gylt ic gecydde þe and mine
656unrihtwisnesse ic ne bediglode; ic gecwæð,
657ic bodige ongean me mine unrihtwisnesse drihtne, and þu
658forgeafe þa arleasnesse minre heortan.

page 29

659

BE ÐAM SYXTAN EAÐMODNESSE STÆPE.

    
660Se syxta stæpe eadmodnesse is, gif munuc eaðhylde bið and
661geþæf, þeah hine man wacne and unweorðne
662talige and an uteweardum forlæte and to uteweardum medemige.
663on eallum betæhtum notum hine sylfne mid his mode wacne
664wyrhtan talige and unweorðne and þus mittan
665witegan clypige: To nahte ic wæs gehworfen, and ic hit
666nyste; ic eom geworden swilce nyten mid þe,
667and ic þeah simle mid þe.
668

BE ÐAM SEOFOÐAN EAÐMODNESSE STÆPE.

    
669Se seofeða stæpe eaðmodnesse is, gif munuc hine sylfne
670yttran and unweorðran talað þonne ænigne oþerne;
671he hine sylfne geeaðmede and þus mid þam witegan
672cwede: Ic soðlice eom wyrm and no man, manna
673hosp and folces æwyrp.
674Anhafen ic wæs, genyþerod and gescend; and eft: God me is,
675þæt þu me genyþeradest, þæt ic leornige
676þine bebode.
677

BE ÐAM EHTEÐAN EAÐMODNESSE STÆPE.

    
678Se eahteoða stæpe eaðmodnesse is, gif se munuc nan þing
679ne deþ, butan þæt se gemæna mynstres regol
680tæcð, oþþe þæt þa bysena heahþungenra lærað.

page 30

681

BE ÐAM NIGEÐAN EAÐMODNESSE STÆPE.

    
682Se nygeða stæpe eaðmodnesse is, gif munuc his tungan fram
683spræce forhæfð and swigean healdende ne
684sprece, oð þæt he geahsod sy, be þam halig gewrit þus
685gesweotolað: On mænigfealdre spræce ne bið syn
686forbogen, and se ofersprecola wer ne þyhð ofer eorðan.
687

BE ÐAM TEOÐAN EAÐMODNESSE STÆPE.

    
688Se teoða eaðmodnesse stæpe is, gif se munuc ne bið
689galsmære and eaðe and hræd on hlehtre, forþy hit
690is awriten: Se stunta on lehtre his stefne geuferað.
691

BE ÐAM ENDLYFTAN EADMODNESSE STÆPE.

    
692Se endlyfta eadmodnesse stæpe is, þænne se munuc spræce,
693liþelice butan hlehtre and eaðmodlice mid
694gestæþþignesse feawa word and gesceadwise clypige, and he
695ne sy oferhlyde on stefne, swa hit awriten
696is: Se þe wita is, mid feaum wordum geswytelað.

page 31

697

BE ÐAM TWELFTAN EADMODNESSE STÆPE.

    
698Se twelfta stæpe eaðmodnesse is, gif munuc inne on his
699heortan eaðmod bið and na þæt an, ac eac swylce
700utene mid his lichoman eaðmodnesse eallum þam, þe him
701onlociað, simle gebycnige, þæt sy æghwær,
702ge on weorce, ge on gebedhuse, ge innan mynstre, ge on
703wyrtgearde, ge on fare, ge on æcere and
704swa hwær swa he sy sittende, standende, oðþe gangende,
705onhnigenum heafde simle his gesyhða aduna on
706eorðan besette.
707And hine sylfne on ælcne timan scyldigne for his synnum
708talige, swylce he þænne geo to þam egefullan
709Godes dome geandweardod beon scyle.
710cweþe a mid his geþance, þæt se manfulla besettum eagum
711on eorðan gecwæþ, þonne þæt halige godspel
712hereð be þam, þe he hine sylfne scyldigne and forwyrhtne
713gecneow and þus geomriende clypude: Drihten,
714ne eom ic wyrðe, ic synfulla, þæt ic mine eagan to
715heofenum ahebbe.
716Uton eft þus cweðan mid þam witegan: Ic eom gebiged
717æghwær and genyþerad.
718Eornostlice, siððan se munuc ealle þisse eaðmodnesse
719stæpas gestihþ, he cymð sona to þære soðan
720Godes lufe, þurh þa lufe he bið ascyred fram hellewites
721ogan; þurh þa lufe he

page 32

722beginð to healdenne swylce gecyndelice and gewunlice,
723þe he ær butan miclan ege healdan ne mihte; he gehylt
724þa gewunlican god haligre drohtnunge, na for hellewites ege,
725ac for Godes lufe anre and haligra mægena luste.
726ða drihten on sumne timan þurh haligne gast gesweotelað on
727his wyrhtan, þe clæne is fram leahtrum and synnum.
728

BE GODCUNDUM ÐENUNGUM ON NIHTLICUM TIDUM.

    
729On wintres timan, þæt is fram þan anginne þæs monðes,
730þe is nouember gehaten, oþ eastran, æfter gesceades
731foresceawunge, on þære eahteþan tide þære nihte
732is to arisenne, þæt þa munecas hwæthwara furþor
733restan þonne healfe niht, þæt seo dæges þigen
734tofered sy on þære nihtelicam reste and seo hæte
735þære þigene oferslegen and se maga gelyht, þæt he þe
736eað his wæccean healdan mæge.
737ðæt þære nihte to lafe sie æfter þam uhtsange, þæt se
738genotod mid sealmsange and mid leornunge gastlicra
739cræfta buton slæpe.
740From eastron oð ða foresædan kalendas nouembris sy se
741ærest þæs uhtsanges swa gemetegad, þæt lytel
742fæc gehealden sy betwyh þæm uhtsange and þæm
743dægredsange, þæt gehwa to gedreoge on þæm lytlum fæce
744gan mæge, and þærrihte

page 33

745upasprungenum dægriman dægredsang sy begunnen TORONTO
746CORPUS: begunne .
747Se tidsang is swa to beginnenne on ælcne timan, ge on wintra
748ge on sumera.
749

HU FELA SEALMA ON NIHTLICUM TIDUM TO SINGENGE SYNT.

    
750On wintres timan is se uhtsang þus to beginnenne; cweþe
751ærest þis fers: Deus in adiutorium meum intende ;
752þonne syððan þriwa: Domine labia mea
753aperies ; þonne æfter þisan þone sealm: Domine quid
754multiplicati sunt ; þonne inuitatorium mid þæm sealme:
755Venite exultemus domino ; æfter þysum is
756ymen to singenne, þe to þære tide belimpð; æfter þæm
757syx sealmas mid þrim antefenum.
758þon geendedum sylle se abbod bletsunge; and man þreo
759rædinga ræde and þry ræpsas, and ealle þa gebroþra
760þa hwile sittan.
761æt þam þriddan repse singe se sangere Gloria patri and
762þa gebroðro ealle arisen to arweorðnesse
763þære halgan þrynesse.
764æt þam uhtsange ræde man þære godcundan lare bec, ægðer
765ge of þære ealdan cyðnesse ge of þære niwan,
766and eac swa þa haligan trahtas fram namcuþum fæderum and
767rihtgelyfedum geworhte synt.
768æfter þam þrim rædingum and þrim ræpsum æfterfyligan
769oþre syx sealmas and þa syn gesungene mid Alleluia;
770æfter þam

page 34

771fylige capitel of þæreþæra apostola lare
772gemyndelice butan bec gesæd and æfter þam fers
773and syðþan halsunge ben, þæt is Kyrieleison, and
774þus sy geendad se nihtlica uhtsang.
775

HU ON SUMERA SEO NIHTLICE TID TO HEALDENNE SY.

    
776From eastron oþ kalendas nouembris sy æt uhtsange gehealden
777se ylca gewuna, þe we her beforan gecwædan
778and seo ylece mycelnes sealmsanges, butan þam anum
779þæt man rædinge ne þearf rædan on nanre bec
780for þan scortan nihton, þe on sumera beoð, ac for þan
781þrim rædingum sy an ænlypig rædincg geræd of
782þære ealdan cyþnesse gemyndelice butan bec, and an swyþe
783scort ræps æfterfylige.
784elles ælc oþer þing butan þysum sy gehealden on sumera,
785þæs þe mon on wintra hylt, þæt sy swa þæt
786næfre læs sealma ne sy gesungen æt uhtsange þonne twelf,
787butan Domine quid multiplicati sunt and
788Uenite exultemus Domino .

page 35

789

HU ON SUNNANNIHTUM NIHTLIC WÆCCE TO HEALDENNE SY.

    
790On sunnandæge mon sceal hraðor arisan to uhtsange.
791On þam uhtsange mon sceal healdan þæt ylce gemet, þe we
792her bufan gecwædon, þæt is be twelf sealmum;
793singe man ærest six sealmas and þonne on ende fers; æfter
794þam, him eallum endebyrdlice sittendum,
795ræde man feower rædinga mid feower ræpsum.
796æt þam feorðan ræpse, þonne me Gloria patri singe,
797arisen hi mid arwyrðnesse, and singan oþre syx
798sealmas mid þrim antefenum and fers æfter þam, and
799æfter fyligan oþre feower rædinga mid feower ræpsum
800þære ylecan endebyrdnesse, þe we bufan cwædan,
801æfter þæm þry canticas of witigena bocum swylce
802se abbod gesette, and þa syn mid alleluian begunnene.
803æfter þam fers and gesealdre bletsunge fram þam abbode,
804syn gerædde oþre feower rædinga of þære niwan
805cyþnesse þære ylecan endebyrdnesse, þe we bufan
806cwædon.
807æfter þæm glorian þæs feorþan repses beginne se abbod
808þæne lofsang Te deum laudamus ; þam geendedum,
809ræde se abbod godspel mid arwyrðnesse and mid godcundum
810ege, him eallum standendum; æt þæs godspelles
811endunge andswarien ealle Amen, æfter ðam beginne
812se abbod: Te decet laus , and geendadre
813bletsunge sy dægeredsang begunnen.

page 36

814Seo endebyrdnes sunnandaga uhtsanges sy gelice gehealden on
815ælcne timan, ge on wintra ge on sumera,
816butan hit færlice swa gelimpe, þæt man lator arise, þonne
817hit gebyrige, and man bedæle repsas and
818rædinga gescyrte, þæt la ne geweorðe, þæt þyllic
819gymelest gelimpe.
820Sy georne bewarnod, þæt hit na ne gesæle; ðæt gif hit
821gelimpe, dædbete se Gode on his gebedhuse, þe
822hit þurh his gymeleste gelamp.
823

HU DÆGREDSANGAS ON FREOLSTIDUM TO HEALDENNE SYN.

    
824On þæm dægredsangum on sunnandæge ærest mon sceal singan
825þone syxandsyxtigeþan sealm, þæt is Deus
826misereatur nostri .
827æfter þam man sceal mid allelugeam þone fiftigeþan sealm
828beginnan, þæt is Miserere mei deus ; æfter
829þon þone hundteontigeðan and þone seofonteoþan, þæt
830is Confitemini domino , siðþan þane twaandsyxtigeþan,
831þæt is Deus, deus meus, ad te de luce .
832æfter þisum þone bletsingsealm, þæt is Benedicite ,
833æfter þon þone lofsealm, þæt is Laudate dominum
834de celis ; æfter þysum sy gecweden an ræding of
835apocalipsin gemyndelice butan bec, æfter þam reps,
836ymen, fers and lofsang of þam godspelle,

page 37

837þæt is Benedictus dominus deus Israhel , and halsung,
838þæt is Kyrieleison, Pater noster and collectan, and
839swa bið gefylled.
840

HU HIE ON WEORCDAGUM TO HEALDENNE SYN.

    
841On weorcdagum dægredsanges weorðung is þus to healdenne,
842þæt is þæt se syxandsyxtigeþa sealm, þæt
843is Deus misereatur nostri , sy gecweden butan antefene, and
844he sy on swege gelencged hwæthwara ealswa
845on sunnandæge, þæt eal se hired sy gegaderad æt þam
846anginne þæs fiftigeðan sealmes, þe is mid
847antefene to beginnene, þæt is Miserere mei deus .
848æfter þisum oþre twegen sealmas æfter gewunelicum þeawe,
849þæt is ðy oþran dæge se fifta sealm and se
850fifandþrittigeða, þæt is Uerba mea and Dixit
851iniustus ; ðy þriddan dæge se twaandfeowertigeða sealm
852and syxandfiftigeþa, þæt is Judica me deus and
853Miserere mei deus, miserere mei ; ðy feorþam dæge
854se þreoandsyxtigeða and se feowerandsyxtigeþa, þæt is
855Exaudi deus orationem meam cum tribulor and
856Te decet ymnus deus .
857þy fiftan dæge se seofan and hundeahtatigeþa and se nigan
858and hundeahtatigeða, þæt is Domine deus
859salutis mee and Domine refugium ; ðy syxtan dæge se fif
860and hundseofontigeþa and se an and hundnigonteoða,
861þæt is Notus in Judea deus and Bonum est
862confiteri domino .
863þy sætresdæge se hundteontigeþa and twa

page 38

864and feowertigeþa, þæt is Domine exaudi orationem meam
865auribus percipe and cantic deuteronomio, þæt is
866Adtende celum , se sy todæled on twegen glorian.
867Elles oþrum dagum on ðære wucan sy cantic gesungen, þæt
868is lofsang, þe to þam dæge belimpð, ealswa
869hit romana eclesia hylt, þæt is on monandæge
870Confitebor , on tiwesdæg Ego dixi , on wodnesdæg
871Exultauit , on þunresdæg Cantemus , on frigedæg
872Domine audiui , on sætresdæg Adtende celum .
873æfter þam ælce dæge þone lofsealm, þæt is Laudate
874dominum de celis , and syðþan an ræding of þære
875apostola lare gemyndelice butan bec gecweden, and syþþan
876ræps, imen, fers, cantic of þam godspelle,
877þæt is Benedictus, and halsung; and swa bið gefylled.
878Ne sy nateþæshwon geendod naðer ne dægredsang ne æfensang
879butan þam drihtlican gebede, þæt is Pater
880noster, ac se ealdor hluddre stefne eallum gehyrendum
881þæt gebed eal singe, þæt gehwa hine sylfne
882becnawe, gif he ænig þing ungeþwærlices and swicollices
883on his geþance rixade, and hine sylfne geclænsige
884fram ælcre hatunge leahtre, þurh þæt þe he on
885þam gebede gehyrð: Dimitte nobis debita nostra,
886sicut et nos dimittimus debitoribus nostris , þæt is
887on ure geþeode: Drihten forgif us ure synna,
888swa swa we forgifað þam, þe wið us gyltað.
889At ælcan oþran tidsange se ende an sy hlude geclypod fram
890þam sacerde, þæt fram eallum sy geandswarad:
891Sed libera nos a malo .

page 39

892

HU ON FREOLSDAGUM SEO NIHTLICE WÆCCE TO HEALDENNE SY.

    
893On Godes halgena freolstidum and on eallum freolstidum, þe
894on geares ymbryne gelimpað, eal þenung
895is to donne on þæt ylece gemet and þære ylecan
896endebyrdnesse, þe man on sunnandæge deþ, butan þam anum,
897þæt sealmas and antefenas and ræpsas and rædinga syn
898gesungene, þe to þam freolsdæge belimpað,
899elles on oþrum þingum sy gehealden þæt ylece gemet, þe
900man on sunnandæge hylt.
901

ON HWYLCUM TIDUM ALLELUIA SCEOLE BEON SUNGEN.

    
902Fram eastron oð pentecosten sy alleluia butan todælednesse
903gecweden, ægðer ge on sealmum ge on ræpsum.
904Fram pentecosten oþ lenctenes anginne ælce niht æt uhtsange
905sy alleluia gecweden mid þam syx æftrum
906sealmum; ælce sunnanniht butan lenctene þa canticas and
907dægredsang, primsang, undernsang, middægsang,
908nonsang mid alleluian syn gesungene, and se æfensancg
909mid antefene sy gecweden.
910ræpsas ne syn næfre gesungene mid alleluian, butan fram
911eastran oþ pentecosten.

page 40

912

HU ÐA GODCUNDAN WEORC ON DÆGE SCEOLON BEON GEDONNE.

    
913Vton don swa se witega cwæþ: Seofonsiðum on dæg ic þe,
914drihten, herede and þin lof sæde.
915ðæt seofonfealde getæl bið þus þurh us gefylled, gif
916dægredsang, primsang, undernsang, middægsang,
917nonsang, æfensang, nihtsang bið gefylled þurh ures
918þeowdomes þenunge.
919be þam tidum cwæð se witega: Seofonsiþum on dæg ic
920drihten þe herede; soþes se yleca witega be þam
921uhtwæccum þus cwæþ: To middre nihte ic aras, drihten, þe
922to andettenne.
923Eornostlice on þysum tidum we herien urne scyppend be þam
924domum his rihtwisnesse, þæt is on dægred,
925on prim, on undern, on middæg, on non, on æfen, on
926nihtsange; and on niht arisan and drihtne geandettan.
927

HU FELA SEALMA ÐURH ÐA SYLFAN TIDA SCEOLON
928BEON GECWEDENE.

    
929Nu geo we habbað gefadod þa endebyrdnesse þæs
930sealmsanges, þe to uhtsange oþþe dægredsange gebyreð;
931uton nu behawian be þam oþrum tidum.
932To primsange syn þry sealmas gecwedene, ælc on sundron and
933nan under anum gloria; ær man þa sealmas
934beginne, sy ymen gesungen, þe to þære tide belimpe,
935æfter þam ferse: Deus in adiutorium meum intende .

page 41

936æfter geendunge þara þreora sealma sie an capitul gecweden
937and fers and kyrrieleison, and þa beon mid gebedum geendode.
938On undern and on middæg and on non þæt ilece gebed þære
939ylecan endebyrdnesse sy geweorðod, þæt is
940mid ferse and mid imene þæra sylfra tida mid þrim sealmum,
941mid rædinge and ferse and kyrrieleyson,
942and swa mid gebede beon geendode.
943Gif hit mycel geferæden is, syn hy mid antefene gesungene,
944gif seo geferæden lytel is, syn hy forðrihte
945butan sone gesungene.
946þæs æfensanges lof sy mid feower sealmum geendod mid heora
947antephanum, æfter þam sealmum sy anes capitules
948ræding gecweden, and siðþan reps, ymen, fers,
949lofsang of ðam godspelle, þæt is Magnificat,
950halsung, þæt is Kyrrieleison and drihtenlic gebed,
951þæt is Pater noster, and sy swa mid gebede geendad.
952Nihtsang sy mid þrim sealmum geendod; ða sealmas syn
953gesungene forðrihte butan antefene; æfter þam
954ymen, þe to þære tide belimpe, anes capitules ræding,
955fers, kyrrieleison, and sy swa mid gebede geendod.
956

HWYLCERE ENDEBYRDNESSE ÐA SEALMAS TO CWEÐENE SYN.

    
957Syn simle þa dæglican tida on fruman begunnene mid ferse:
958Deus in adiutorium meum intende , and mid:
959Gloria patri , and æfter þam ymen, þe to þære tide
960belimpe.
961æfter

page 42

962þam feower capitulas, þæt is feower todala angin
963þæs hundteontigeðan and eahtateoðan sealmas,
964þæt is Beati inmaculati oð legem pone .
965on þam oðrum tidum, þæt is on undern and on middæg ond
966on non þry capitulas syn gesungene of ðam foresædan
967sealme, þæt is on undern fram legem pone oþ
968portio mea , fram portio mea oð defecit ,
969fram defecit oð lucerna .
970On monandæge to primsange syn gesungene þry sealmas, þæt
971is se forma and se oþer and se syxta, þæt
972is Beatus uir, Quare fremuerunt gentes and Domine, ne in
973furore tuo , and swa oþrum dagum on þære
974wucan syn forðon þry sealmas gesungen oð þone nigonteoðan
975sealm, swa þonne, þæt se nigeða sealm and
976se seofonteoða syn todæled on twegen glorian, þæt is
977Confitebor and Diligam te .
978And swa syn gefadod, þæt se uhtsang sy begunnen on
979sunnannihtum fram ðam twentigeðan sealme,
980þæt is Domine, in uirtute tua .
981On monandæge to undernsange and to middægsange and to
982nonsange syn to ælcan þry capitulas gesungene
983of þam nigan capitulum, þe to lafe synt of þam
984hundteontigeðan and eahtateoðan sealme.
985sy þonne þus geendod se hundteontigeþa and se eahtateoða
986sealm on twam dagum, þæt is on sunnandæge
987and on monandæge, on tiwesdæge on undern and on middæg
988and on non syn ðry sealmas to ælcan þæra
989gesungene of þisum nigum sealmum, þæt is fram ðam
990hundteontigeðan and nigonteoðan sealme oþ þone
991hundteontigeðan and þone seofon and twentigeðan.
992ða sylfan sealmas syn dæghwamlice

page 43

993geedlæhte ofer ealle wucan gynd þa sylfan tida oð þone
994sunnandæg; ymenas and capitula rædinga and fers and halsunga
995syn anum gemete gehealdene eallum dagum, be þam
996þe we ær cwædon, and swa symle eft beginne on þone
997sunnandæg fram þam hundteontigeþan and þan eahtateoðan
998sealme, þæt is Beati inmaculati .
999Se æfensang sy dæghwamlice gehendod mid feower sealma
1000dreame.
1001þa sealmas beginnen fram ðam hundteontigeðan and þam
1002nigeðan; oð þene hundteontigeþan and þane seofan
1003and feowertigeðan, þæt is fram Dixit dominus oð
1004Laudate dominum de celis , butan þam, þe þær betweox
1005ascyrede synt to oðrum tidsangum, þæt is fram ðam
1006hundteontigeþan and seofonteoðan oð þone hundteontigeðan
1007and seofon and twentigeðan, þæt is fram
1008Beati inmaculati oþ Sepe expugnauerunt me ,
1009and butan þam hundteontigeþan and þreo and þritigeðan
1010and þam hundteontigeþan and twa and feowertigeþan,
1011þæt is Ecce nunc and Domine exaudi , elles
1012ealle þa oþre syn to ðan æfendreame gesungene.
1013Forðam þe þæs sealmgetæles is elles to lyt, þa þry
1014mæstan sealmas sculon beon todælede on twegen glorian,
1015þæt is se hundteontigeða and se eahta and
1016þrittigeþa and se hundteontigeða and se þreo and
1017feowertigeða and se hundteontigeða and se feower and
1018feowertigeþa, þæt is Domine probasti me , and
1019Benedictus, and Exaltabo te domine .
1020se hundteontigeða and se syxteoða, for þan þe hy lytel
1021is, he sceal beon geþeod þam hundteontigeðan
1022and þam fifteoðan and þa twegen to anum

page 44

1023sealme gesungen.
1024To eacan þære endebyrdnesse þara sealma þæs æfensanges
1025syn oðre þing gefyllede, swa ic bufan gewissode,
1026þæt is rædinga, ræpsas, ymen, fers and canticas,
1027þæt is Magnificat.
1028To nihtsange mon sceal þa sylfan sealmas ælce niht
1029geedlæcan, þæt is þone feorðan and þone
1030hundnigontigeðan and þone hundteontigeðan and þreo and
1031ðritigeþan, þæt is Cum inuocarem te, Qui habitat ,
1032and Ecce nunc .
1033þus gefadodre endebyrdnesse þæs dæglican sealmsanges,
1034ealle þa oðre sealmas, þe þær to lafe synt,
1035syn gelice todælede to þan seofon uhtsangum þære wucan,
1036swa þæt þa mæstan syn todælede on twegen glorian,
1037and swa to ælcan uhtsange syn twelf sealmas
1038gesungene.
1039We þæs healice myngiað, gif hwam þises sealmsanges fadung
1040and endebyrdnes mislicað, fadige he sel
1041and endebyrde, gif him swa þince.
1042swa þeah þæt he þæs gyme, þæt þa hundteontigandfiftig
1043þæs salteres sealmas syn on ælcere wucan ealle
1044to þæm tidsangum todælede and gesungene, forþi hit is
1045ealles to sleac munuca þeowdom heora hyrsumnesse,
1046gif hie læsse singað on þære wucan þonne þæne
1047saltere ealne mid gewunelican cantican.
1048we rædað, þæt þa ealdan fæderas on anum dæge þæt
1049stiðlice gefyldon, eala þær we asolcene and awacode
1050on are wucan gelæsten.

page 45

1051

BE SEALMSANGES ÐEAWFÆSTNESSE.

    
1052æghwar we gelyfað, þæt Godes andweardnes sy and gesihð,
1053and his eagan behealdað ægþer ge þa godan
1054ge þa yfelan; þeah swiþost we þæs butan ælcere tweonunge
1055gelyfen, þonne we æt Godes weorce wuniað.
1056Forþy þonne syn we a gemyndige, þæs þe se witiga þus
1057cwæð: ðeowiað eoweran drihtne mid ege; and eft:
1058Singað wislice, and: On engla gesihðe ic singe ðe.
1059Eornostlice uton besceawian, hu we wunien on Godes gesyhþe
1060and on his engla; and þonne swa standan
1061æt þam sealmsange, þæt ure mod geþwærige mid þæs
1062muðes clypunge.
1063

BE GEBEDES ARWEORÐNESSE.

    
1064Gif we mid rican mannan hwæt embe ure neode manian willað,
1065þæt we ne gedyrstlæcat butan mid micelre
1066eaðmodnesse; micle swyþor is to halsienne ealra gesceafta
1067drihten mid ealre eaðmodnesse and mid ealre
1068underþeodnesse and modes hlutternesse.
1069We na ne wenen þæt we no þurh ða mænigfealdnesse ura
1070gebeda syn gehyrede, ac mid ure heortan hlutternesse
1071and mid teara anbryrdnesse ure gebeda beoð andfenge.
1072Forðy þonne þæt gebed sceal beon scort and hlutter,

page 46

1073butan hwa mid godcundre anbryrdnesse gemanod sy,
1074þæt he his gebed gelenge; an metincge þeah þæs geferes
1075sy þæt gebed gescyrt, and geworhtum beacne
1076fram þam ealdre ealle endemes arisen.
1077

HWYLCE MYNSTRES TEOÐINGEALDRAS BEON SCEOLON.

    
1078Gif seo geferræden to þam micel sy, syn gecorene of ðam
1079sylfum gebroðrum, þa ðe godes gewittes syn
1080and haligre drohtnunge, and syn gesette to teoðingealdrum,
1081ða syn emhydige and cariende embe heora
1082ealdorscypas on eallum þingum æfter Godes bebodum and
1083heora abbodes hæse.
1084Syn þa ealdras swylce gecorene, þæt se abbod his byrðenna
1085on hy todælan mæge; ne syn hy gecorene be
1086nanre endebyrdnesse, ac be lifes geearnunge and wisdomes
1087lare.
1088Gif heora hwylc þurh þæne truwan his ealdorscipes færinga
1089toðint and hine on modignesse onhefð, and
1090he on þam leahtre bið onfunden, sy him æne gestyred and
1091eft and þriddan siðe; gif he þonne swa ne
1092bete and rihtlæce, he sy of ðam ealdorscype aworpen, and
1093oþer sy ongeset, ðe þæs wyrðe is.
1094And þæt sylfe we settað and tæcað be þam prafoste.

page 47

1095

BE MUNECA RESTE.

    
1096ænlypige munecas geond ænlypige bed restan.
1097Hy bedreaf onfon æfter heora drohtnunge gemete and æfter
1098heora abbodes dyhte.
1099Gif hit beon mæge, hy ealle on anum huse restan; gif seo
1100menigo to þam micel sy, þæt hy ne mægen,
1101tynum and twentigum on anum inne ætgædere restan mid heora
1102ealdrum, þe embe hy carien.
1103Leoht on ðæm selfum inne singallice ofer ealle niht byrne
1104oð leohtne mergen.
1105Hy gewædode and begyrde resten and nane sex be heora sidan
1106næbben, þe læs þe hy on slæpe gewundade weorþan,
1107ac þæt hy symle gearowe syn, and geworhtum beacne
1108hy butan elcunge arisende caflice gehwylc
1109oþerne forestæppe and to ðam Godes weorce efste þæt
1110þonne sy mid mycelre gestæþðignesse and gemetfæstnesse.
1111Seo geogoð na getanglice ne licge, ac sio yld þa geogoðe
1112tolicge.
1113To þam Godes weorce arisende, heora ælc oþerne myngige,
1114þæt þa slapule nane lade næbben.

page 48

1115

BE GYLTA BOTE.

    
1116Gyf hwylc broðor ongyten bið toþunden, oþþe ungehyrsum,
1117oþþe modig, oðþe ceoriende, oþþe on ænigum
1118þinge wiðerweard wuniende þam halgum regule, and his
1119yldrena geboda oferhogiend, þes þyllica æfter
1120Godes gebode sy dyhlice mid wordum tuwa oðþe þriwa
1121gemyngod.
1122Gif he swa ne bete and hine sylfne ne gerihte, he sy geþread
1123openlice beforan eallum.
1124Gif he þonne swa gyt hine selfne ne geriht, gif he ongyt hu
1125hefigtyme wite hit is, he amænsumenge underhnige;
1126gif he þonne gyt wiðerræde bið, he lichamlice
1127wrace mid swingelle þolige.
1128

HWYLC GEMET ON ÐÆRE BOTE TO HEALDENNE SY.

    
1129æfter þæs gyltes gemete sceal beon gelengen þære
1130amansumunge gemet oðþe þære steore; stande þara gylta
1131gemetgung on þæs abbodes dome.

page 49

1132þeahhwæþere gif hwylc broðor on lytlum gyltum byð
1133onfunden, sy he ascyred fram beodes gemænnesse.
1134ðis is mid gesceade to healdenne þæm þe ascyrede syn fram
1135þam gemænan gereorde, ðæt is þæt hy an cyricean
1136ne beginnen naðer ne sealm ne antefene, ne rædinge ne
1137ræden oþ fulre dædbote; his gereordes
1138þigene he ana underfo æfter gebroðra gereorde.
1139swylc ic þus cweþe: gif þa gebroþru on middæg gereorden,
1140gereorde he on non; gif hy on non, he on
1141æfen, oþ þæt he o mid þæslicre dædbote forgifenesse æt
1142Gode begyte.
1143

BE HEFIGTYMUM GYLTUM.

    
1144Se broðor, se þe mid swærra gylta hæfene bið gedered and
1145on hefigtymum gyltum bið arasod, sy he ascyred
1146fram gemænre mysan þigene and eac swa fram þam
1147ingange þære halgan cyrican.
1148Nan broðor him nane geþeodrædene to næbbe, ne on spræce
1149ne on nanum oþrum gemanan; sy he ana wuniende
1150on betæhtre note mid dædbote and hefefulre hreowesunge,
1151understande eac þone egefullan cwide, þe
1152se apostol be

page 50

1153swa forgyltum cwyþ: Si þus gerad man
1154sceoccan betæht to flæsces forwyrde, toþy þæt
1155se gast on Godes dome gehealden sy.
1156His metes gereord he ana underfo, þam gemete and on þære
1157tide, þe se abbod understande, þe him gebyrige.
1158Ne he ne sy gebletsod fram nanum þara, þe hine met, ne se
1159mete þe ma, þe him geseald bið.
1160

BE ÐAM ÐE BUTAN HESE ÐÆS ABBODES WIÐ ÐA DÆDBETENDAN
1161ÐEODAÐ.

    
1162Gif hwylc broðor butan his abbodes hæse gedyrstlæcð,
1163þæt he on ænige wisan ænige geþeodrædene nime
1164wið þone amansumedan, oðþe þurh ænige spræce oðþe
1165þurh æniges oþres mannes ærendunge, sy he gelicum
1166gelimpe amansumad, and on gelicre wrace dædbete.
1167

HU ABBOD CAREFUL BEON SCEAL YMBE ÐA DÆDBETENDAN.

    
1168Se abbod mid ealre emhydignesse carige embe þa gyltendan
1169gebroðru, forðy þa halan læces ne lacnunge
1170ne behofiað,

page 51

1171ac þa untruman.
1172Forðy on eallum gemete hy scylun læca þeawe on heora
1173heordræddenne notian; he sceal oft dyhlice ealde
1174witan and gestæþþige sendan, þæt þone
1175unstaðolfæstan broðor and þone tweonigendan to dædbote
1176and to his agenre þearfe manigean and hine swa frefrigean,
1177þæt he þurh mycele gnornunge ne sy on lyre forswolgen.
1178sy on þone synnigan broðor seo soðe lufu acyd and
1179gefæstnod, and ealle gebroðru for hine gebiddan.
1180þearle swyþe se abbod sceal gyman and mid eallan gleawscipe
1181hogian, þæt nan sceap of þære heorde ne
1182losige, þe him betæht is.
1183Wite he, þæt he þa gymenne þara untrumra saula to rihtre
1184lacnunge underfeng and na for ricetere, þe
1185he ofer ða hæbbe, þe hale syndon; he eac ondræde þa
1186þeowwrace, þe drihten þurh his witigan ðywð,
1187þus cweþende: þæt ge fættas gesawan, þæt ge gecuran,
1188and þæt wanhal wæs and alewed, þæt ge awurpan.
1189ac se abbod geefenlæce þa bysene þæs arfæstan and þæs
1190mildheortan hyrdes, þe uppan þære dune forlet
1191niganandhundnigantig sceapa, and an, þe ðær losode and
1192dwelede, geornlice sohte and funde, and þæs
1193sceapes untrumnesse him to ðam swiðe ofhreaw, þæt he
1194hit ofer his eaxla lede and eft up to þære
1195heorde bær.

page 52

1196

BE ÐAM ÐE OFT GEÐREAD BEOÐ AND NA ÐE BETERAN NE BEOÐ.

    
1197Gif hwylc broðor oftrædlice SCHROEER: oft rædlice
1198geþread for hwylcum gylte bið, ne he furðon for amansunge
1199gebetan nelle, ne his þeawas gerihtlæcan, hine man þreage
1200mid teartran steore, þæt is him sige on swingella wracu.
1201Gif he þænne þurh ða swingella ne bið geriht, ac on
1202modignesse wuniende mid upahefednesse his yfelan
1203dæda mid leasum talum bewarian wile, do þænne se abbod
1204swa swa wis læce.
1205gif he sweðunga gegearwode and godcundra myngunga sealfunga,
1206haligra gewrita lacnunga, and æt nyhstan
1207amansumunge bærnet and swingella wita þurhteah and
1208ongyt, þæt eal his hogu and gleawscipe naht
1209framað, he þonne gegearwige, þæt þæt mæst is, his agen
1210gebed and ealra broðra for hine, þæt drihten,
1211þe ealle þing mæg and ealra þinga wylt, gehæle þone
1212untruman and þone leahterfullan broðor.
1213Gif he furðon þurh þa gebedu gehæled ne bið, notige
1214þonne se abbod cyrfes, and mid isene þa uncoðe
1215aceorfe

page 53

1216and fram þære hæle ascyrige, þurh ðæs apostoles
1217mungunge, þe ðus cwæþ: Afyrrað þone yfelan
1218fram eow; and eft he cwyð: Gif se getreowleasa gewite, he
1219gewite, þylæs þe an adlig sceap ealle heorde besmite.
1220

BE ÐAM ÐE UTFARAÐ HWÆÐER HI MON EFT UNDERFON SCYLE.

    
1221Se broðor, þe for his agenum lehtre oðþe unðeawe of
1222mynstre færð oðþe adræfed bið, gif he eft gecyrran
1223wile, behate ærest bote and geswicenesse ealra þæra
1224unþeawa, þe he fore adræfed wæs, and he sy
1225onfangen on uteweardre endebyrdnesse, þæt he þurh þæt
1226sy afandod, hwæþer he mid eadmodnesse gecyrre.
1227Gif he þænne eft for his unðeawum utfærð, oþþe adræfed
1228bið, he þeah sy onfangen oð þan þriddan siðe;
1229wite he þonne, ofer ðæt þæt him ælces infæres
1230forwyrned bið and he næfre eft to þam mynstre gecyrran
1231ne þearf.
1232

BE GEONGRA MANNA STEORE.

    
1233ælc yld and andgit scylun habban on steore agene gemetu;
1234forðy þonne geonge cild and stiðe cnapan
1235oðþe þa, ðe

page 54

1236hwonlice understandan magan, hu micel wite is
1237and hu hefigtyme, þæt man on amansumunge
1238sie, þa ðyllice, þonne hy agyltað, him man styre oðþe
1239mid swiðlicum fæstenum, oðþe mid teartum swingellum
1240hy wylde, þæt hy gehælede syn.
1241

BE MYNSTRES HORDERE.

    
1242Se mynstres hordere si gecoren of þære gesamnunge, wis, on
1243geripedum þeawum, syfre and na oferettol,
1244na drefend, ne teonful, ne lofgeorn, ac God ondrædende; sy
1245he ealre geferrædenne swa swa fæder.
1246He hogige embe ealle ðing; ne do he nan ðing butan þæs
1247abbodes hæse; healde þæt him beboden sy.
1248He his gebroðru ne geunrotsige; gif hwylc broðor
1249unsceadelice hwæs bidde, he þeah mid forseawennesse
1250hine ne geunrotsige, ac gesceadwislice mid eaðmodnesse his
1251yfelan bene forwyrne.
1252Gehealde he a his geþanc, þæt he mid godan mode þenige,
1253and sy gemyndig þæs, þe se apostol þus cwyð:
1254Se þe wel þenað, he godne wyrðscipe him sylfum
1255gestrynð.
1256Hæbbe he care and gymene untrumra manna mid ealre
1257emhydignesse and eac swa cildra and cumena and þearuena,
1258wite he butan tweon, þæt he æt Godes dome be heom
1259eallum gescead agyldan sceal.

page 55

1260Ealle mynstres fata and spede he sceal beseon, swylce þa
1261gehalgedan fata þæs weouedes; ne læte he nan
1262þing to gymeleste; ne he uncysta na begange, na he
1263lofgeorn ne sy, and he na mynstres æhta ne yte,
1264ne na myrre, ac ealle þing gemetlice do and æfter his
1265abbodes hæse.
1266Hæbbe he eaðmodnesse toforan eallum þingum, ðæm þe he of
1267mynstres æhta næbbe to syllanne, sylle gode
1268andsware, forðy hit is awriten, þæt seo gode antswaru sy
1269ouer ða selestan selene.
1270Hæbbe he under his gymene eal, þæt se abbod him betæce;
1271and he furðor ne gedyrstlæce to donne, þonne
1272him beboden sy.
1273þa gesettan bileouene his gebroðrum gebeode on rihtne timan
1274buton late and gnornunge, þæt hy ne geunrotsigen,
1275sy gemyndig þære godcundan clypunge, hwæt se
1276geearnige, þe geæbylið enne þara læstena, þe
1277on God behycgað.
1278Gif seo geferræden swa micel sy, sy him frouer and fultum
1279geseald, he mid heora fultume efnum mode
1280and gladum þa ðenunga, þe him befæste syn, lustbære
1281gefylle.
1282On gedafenum tidum syn gesealde þa þincg, þe to syllenne
1283synt, and syn gebedene, þe to biddene synt,
1284þæt nænig sy gedreued, ne geunrotsige on Godes huse.

page 56

1285

BE MYNSTRES TOLUM AND GEHWYLCUM ÆHTUM.

    
1286Mynstres æhta on tolum oðþe on reafum oðþe on oðrum
1287gehwylcum þingum syn betæhte to bewitenne þam
1288gebroþrum, þe heora lif and þeawas gode gecorene syn and
1289þam abbode orsorge, and he þa betæce þæm,
1290þe heora notian sceolan and heora eft underfon.
1291Hæbbe se abbod a mid him gewrit ealra þæra æhta; þonne
1292seo notu on gebroðra gewrixle bið, sy þæt gewis
1293a mid þam abbode, þæt he wite, hwæt betæht sy and
1294hwæt underfangen.
1295Gif heora hwylc fullice oðþe gymeleaslice mynstres þing
1296behwyrfe, sy him gestyred; gif he betan nele,
1297underlicgge he rihtlicre þreale.
1298

BE ÐAM ÐÆT MUNECAS SYNDRIGE ÆHTE NÆBBEN.

    
1299Healicast and swidost mon scel þone unþeaw of mynstre
1300wanian and mid ealle awyrtwalian, þæt nænig
1301ne gedyrstlæce, ænig ðing to syllenne oðþe to nimine,
1302butan þæs abbodes hæse, ne he nan ðing syndries
1303ne age, ne nan þing eallunga, ne furðon boc, ne
1304weaxbreda, ne græf, ne on eallum þingum

page 57

1305nan ðing.
1306eornestlice, hwæt scel he agan on sundrum, þe furðon his
1307agenne lichoman ne his agen mod ne sceal
1308agan on his agenum gewealde?
1309ealra neadþinga he sceal hihtan and wilnigan fram his
1310mynstres fæder.
1311Ne he nan þing næbbe butan þæs abbodes sylene and
1312geþauunge; syn heom ealle þing gemæne, swa swa hit
1313awriten is on þara apostola drohtnunge, be þam muneca lif
1314is gebysenod.
1315ne nan ne gedyrstlæce, þæt he ænig þing syndries hæbbe
1316oðþe furðon þæt word gecweþe, þæt he agen hæbbe.
1317Gif hwa on þysan manfullan and forcuðestan unðeawe ænigne
1318lust hæbbe, oðþe þurh myngunge his ealdrena
1319geswice, oðþe hine man mid swyðlicum and lichwamlicum
1320þrealum gewylde.