1B5.2

page 35

    
2Adrianus cwæð to Ritheus; Saga me hu lange wæs Adam on
3neorxnawange.
4Ic þe secge, he wæs þrittine gear.
5Saga me on hwilcne dæig he gesingode.
6Ic þe secge, on Frydæig and on þone dæig he was ær
7gesceapen, and on þam dæge he eft asweolt and
8for þam Crist eft þrowede on þam dæge.
9Saga me on hwæðere Adames sidan nam ure Drihten þæt ribb
10þe he þæt wif of geworhte.
11Ic þe secge, on ðære winstran.
12Saga me hwær sæt ure Drihten þa he geworhte heofonan and
13eorðan and ealle gesceafta.
14Ic þe secge, ofer winda fiðerum.
15Saga me hwær is seo eorðe þe næfre sunne on ne scean, ne
16mona, ne næfre wind on ne bleow, nane tid
17dæges ne ær ne æfter.
18Ic þe secge, seo eorðe is in þære readan sæ ofer þære
19eode Israela folc of Egipta heaftnode.
20Saga me hwær scyne seo sunne on niht.
21Ic þe secge, on þrim stowum;
22ærest on þæs hwales innoðe þe is cweden Leuiathan and on
23oðre tid heo scynð on helle and þa ðridda tid

page 36

24heo scynð on þam ealond þæt is Glið nemned, and
25þar restað haligra manna sawla oð domes dæig.
26Saga me for hwam scyne seo sunne swa reade on ærne morgien.
27Ic þe secge, for þam ðe heo kymð up of þære sæ.
28Saga me for hwam byð seo sunne swa read on æfen.
29Ic þe secge, for þan þe heo lokað ufan on helle.
30Saga me hu mycel seo sunne sy.
31Ic þe secge, heo ys mare þonne eorðe for þam heo byð on
32ælcum lande hat.
33Saga me hwilc sy seo sunne.
34Ic þe secge, Astriges se dry sæde þæt hit wære byrnende
35stan.
36Saga me hwæt þæs liuigendan mannes gleng sy.
37Ic þe secge, þas deadan swat.
38Saga me hwilc sunu wræce ærest his fæder on hys moder
39innoðe.
40Ic þe secge, þære næddran sunu, for þam ðe seo moder
41ofsloh ær þane fæder, and þonne ofsleað þa bearn
42eft þa moder.
43Saga me hwilc bisceop wære ærest on þare ealdan æ ær
44Cristes tokyme.
45Ic þe secge, Melchisedech and Aaron.
46Saga me hwilc bisceop wære on þære niwan æ.
47Ic þe secge, Petrus and Jacobus.
48Saga me hwilc man witegode ærest.
49Ic þe secge, Samuel.
50Saga me hwa wrat bocstafas ærest.
51Ic þe secge, Mercurius se gigant.

page 37

52Saga me hwa sette ærest wineardas of þe hwa dranc ærest
53win.
54Ic þe secge, Noe.
55Sæga me hwa wære ærest læce.
56Ic þe secge, Aslerius se wæs cwæden.
57Sæga me hwæt sint þa twegen men on neorxnawang and þas
58gelomlice wepað and beoð unrote.
59Ic þe secge, Enoc and Helias;
60Hi wepað for þam ðe hi sceole cuma on ðisne middangeard
61and beon deade þeah hy ær þone deað longe
62yldon.
63Saga me hwær wuniað hy.
64Ic þe secge, Malifica and Intimphonis; þæt is on simfelda
65and on sceanfelda.
66Saga me for hwam si se hreuen swa sweart þe ær wæs hwit.
67Ic þe secge, for þy þe he eft ne gehwirfde to Noe in to
68þære arke þe he ær of gesend was.
69Saga me for hwam se hrefen þurh gehyrsumnisse geþingode
70þæt he ær þurh ofermodignisse agilte.
71Ic þe secge, þa he fedde Heliam þa he in eode to þam
72westerne and him þenode.

page 38

73Saga me hwær byð mannes mod.
74Ic þe secge, on þam heafde and gæð ut þurh þone muð.
75Saga me hwilce wihta beoð oðre tid wifkinnes and oþre tid
76wæpnedkinnes.
77Ic þe secge, Belda se fisc on sæ and Viperus seo næddre
78and Coruus se fugel, þæt is se hrefen.
79Saga me for hwam seo sæ si sealt.
80Ic þe secge, forþam þe Moyses wearp on sæ þa tin word
81ðære æaldan æ, þa ða he worhte þa breda for þam
82þe Israela folc wurðedon deofolgild.
83Saga me hwæt sindon þa twegen fet þa þeo sawul habban
84sceal.
85Ic þe secge, Godes lufu and manna
86and gif heo ðæra naðer nafað, ðanne byð heo healt.
87Saga me on hu manegum fiðerum sceal seo sawul fleogan gif
88heo sceal to heofonum fleogan.
89Ic þe secge, feower, glæwnisse, geþwærnisse, strengþe,
90and rihwisnisse.
91Saga me hwilc man wære dead and
92nære acenned and æfter þam deaðe wære eft bebyried in
93his moder innoðe.
94Ic þe secge, þæt wæs Adam se æresta man, for þam eorðe
95wæs his moder and he wæs bibiriged eft in þære
96eorðan.
97Saga me þære burge naman þær sunne upgæð.
98Ic þe secge, Jaiaca heo hatte.
99Saga me hwæt hatte þæt þær heo on sætl gæð.
100Ic þe secge, Jainta hit hatte.
101Saga me hwilc word wæs ærest.
102Ic þe secge, Drihten cwæð, Gewurðe leoht.

page 39

103Saga me hwæt is hefegost mannum on eorðan.
104Ic þe secge, hlafordes yrre.
105Saga me hu fela si fleogendra fugela kynna.
106Ic þe secge, twa and fiftig.
107Saga me hwæt nædderkinna si on eorðan.
108Ic þe secge, feower and þrittig.
109Saga me hwæt fisckinna si on wætere.
110Ic þe secge, six and þrittig.
111Saga me hwa gesceope ealra fisca nama.
112Ic þe secge, Adam se æresta mann.
113Saga me hu fela wæs þære kempena þe Cristes hregel
114dældon.
115Ic þe secge, seofon heora wæron.
116Saga me feower stafas dumbe.
117Ic þe secge, an is mod, oðer geþanc, þridde is stef,
118feorðe is ægesa.
119Saga me hwæt sint þa þreo ðinc ðe nan mann butan ne
120mæig beon.
121Ic þe secge, þæt is wæter and fyr and isen.
122Saga me hwa Godes naman nemnede ærest.
123Ic þe secge, deofol.
124Saga me hu wæs Crist acenned of Maria his meder.
125Ic þe secge, ðurc þæt swiðre breost.
126Saga me hwa dyde þæt sunne stod ane tid dæiges.
127Ic þe secge, Josue hit gedyde in Moyses gefeohte;
128þeo dun hatte Gabaon þe heo on stod.
129Saga me hwæt byð betst and wyrst.
130Ic þe secge, mannes word.

page 40

131Saga me hwæt þam men si leofust on his life and laðest
132æfter his deaðe.
133Ic þe secge, his willa.
134Saga me hwæt deð þæt swete wurd.
135Ic þe secge, hit gemanifealdað mannes freondscype and
136stilleð mannes feond.
137Saga me hwylc byð se leasa freond.
138Ic þe secge, he byð mannes gefera to beode and nang to
139neodþærfe.
140Saga me hwæt onscunað se seoca man þe ær him gesund
141lufode.
142Ic þe secge, þam seoca men byð mete lað þe him ær was
143leof and his eagum byð leoht lað þe him æror
144wæs leof.
145Saga me on hwam mæig man geseon mannes deað.
146Ic þe secge, twege manlican beoð on mannes eagum;
147Gif þu þa ne gesihst þonne swilt se man and bið gewiten
148ær þrim dagum.