chapter, verse I,1

1

JOHN

2

CAP.I.

3
4    In the bigynnyng was the word, and the word was at God,
5and God was the word. This was in the bigynnyng at God.
6Alle thingis weren maad bi hym, and withouten hym was
7maad no thing, that thing that was maad. In hym was lijf,
8and the lijf was the liȝt of men, and the liȝt schyneth in derknessis,
9and derknessis comprehendiden not it. A man was
10sent fro God, to whom the name was Joon. This man cam
11in to witnessyng, that he schulde bere witnessing of the liȝt,
12that alle men schulden bileue bi hym. He was not the liȝt,
13but that he schulde bere witnessing of the liȝt. There was a
14very liȝt, which liȝtneth ech man that cometh in to this world.
15He was in the world, and the world was maad bi hym, and
16the world knew hym not. He cam in to his owne thingis,
17and hise resseyueden hym not. But hou many euer resseyueden
18hym, he ȝaf to hem power to be maad the sones of
19God, to hem that bileueden in his name; the whiche not
20of bloodis, nether of the wille of fleische, nether of the
21wille of man, but ben borun of God. And the word was
22maad man, and dwellyde among vs, and we han seyn the
23glorie of hym, as the glorie of the oon bigetun sone of
24the fadir, ful of grace and of treuthe. Joon berith witnessyng
25of hym, and crieth, and seith, This is, whom Y seide, He that
26schal come aftir me, is maad bifore me, for he was tofor me,
27and of the plente of hym we alle han takun, and grace for
28grace. For the lawe was ȝouun bi Moises; but grace and
29treuthe is maad bi Jhesu Crist. No man sai euer God, no
30but the oon bigetun sone, that is in the bosum of the fadir,
31he hath teld out. And this is the witnessyng of Joon, whanne
32Jewis senten fro Jerusalem prestis and dekenes to hym, that
33thei schulden axe hym, Who art thou?

chapter, verse I,20

34He knoulechide,
35and denyede not, and he knoulechide, For Y am not Crist.
36And thei axiden hym, What thanne? Art thou Elie? And
37he seide, Y am not. Art thou a profete? And he answeride,
38Nay. Therfor thei seiden to hym, Who art thou? that we
39ȝyue an answere to these that senten vs. What seist thou of thi
40self? He seide, Y am vois of a crier in deseert, Dresse ȝe the
41weie of the Lord, as Ysaie, the prophete, seide. And thei that
42weren sent, weren of the Fariseis. And thei axiden hym,
43and seiden to hym, What thanne baptisist thou, if thou art
44not Crist, nether Elie, nether a profete? Joon answeride to
45hem, and seide, Y baptise in watir, but in the myddil of ȝou
46hath stonde oon, that ȝe knowen not; he it is, that schal
47come aftir me, that was maad bifor me, of whom Y am
48not worthi to louse the thwong of his schoo. These thingis
49weren don in Bethanye biȝende Jordan, whare Joon was baptisyng.
50Anothir day Joon say Jhesu comynge to hym, and
51he seide, Lo! the lomb of God; lo! he that doith awei the
52synnes of the world. This is he, that Y seide of, Aftir me
53is comun a man, which was maad bifor me; for he was
54rather than Y. And Y knew hym not, but that he be schewid
55in Israel, therfor Y cam baptisynge in watir. And Joon bar
56witnessyng, and seide, That Y seiȝ the spirit comynge doun
57as a culuer fro heuene, and dwellide on hym. And Y knew
58hym not; but he that sente me to baptise in watir, seide
59to me, On whom thou seest the Spirit comynge doun, and
60dwellynge on hym, this is he, that baptisith in the Hooli
61Goost. And Y say, and bar witnessyng, that this is the sone
62of God. Anothir dai Joon stood, and tweyne of hise disciplis;
63and he biheeld Jhesu walkinge, and seith, Lo! the
64lomb of God. And twei disciplis herden hym spekynge, and
65folewiden Jhesu. And Jhesu turnede, and say hem suynge
66hym, and seith to hem, What seken ȝe? And thei seiden to
67hym, Rabi, that is to seie, Maistir, where dwellist thou? And he
68seith to hem, Come ȝe, and se. And thei camen, and sayn
69where he dwellide; and dwelten with hym that dai. And it
70was as the tenthe our.

chapter, verse I,40

71And Andrewe, the brother of Symount
72Petir, was oon of the tweyne, that herden of Joon, and hadden
73sued hym. This foond first his brother Symount, and he
74seide to him, We han foundun Messias, that is to seie, Crist;
75and he ledde him to Jhesu. And Jhesus bihelde hym, and
76seide, Thou art Symount, the sone of Johanna; thou schalt
77be clepid Cefas, that is to seie, Petre. And on the morewe
78he wolde go out in to Galilee, and he foond Filip; and he
79seith to hym, Sue thou me. Filip was of Bethsaida, the citee
80of Andrew and of Petre. Filip foond Nathanael, and seide to
81hym, We han foundun Jhesu, the sone of Joseph, of Nazareth,
82whom Moyses wroot in the lawe and profetis. And
83Nathanael seide to hym, Of Nazareth may sum good thing
84be? Filip seide to hym, Come, and se. Jhesus siȝ Nathanael
85comynge to hym, and seide to hym, Lo! verili a man of
86Israel, in whom is no gile. Nathanael seide to hym, Wherof
87hast thou knowun me? Jhesus answerde, and seide to hym,
88Bifor that Filip clepide thee, whanne thou were vndur the fige
89tree, Y saiȝ thee. Nathanael answerde to hym, and seide,
90Rabi, thou art the sone of God, thou art kyng of Israel.
91Jhesus answerde, and seide to hym, For Y seide to thee,
92Y sawȝ thee vndur the fige tre, thou bileuest; thou schalt
93se more than these thingis. And he seide to hem, Treuli,
94treuli, Y seie to ȝou, ȝe schulen se heuene opened, and the
95aungels of God stiynge vp and comynge doun on mannys
96sone.
97

chapter, verse II,1

98

CAP. II.

99
100    And the thridde dai weddyngis weren in the Cane of
101Galilee; and the modir of Jhesu was there. And Jhesus was
102clepid, and hise disciplis, to the weddyngis. And whanne
103wijn failide, the modir of Jhesu seide to hym, Thei han not
104wijn. And Jhesus seith to hir, What to me and to thee,
105womman? myn our cam not ȝit. His modir seith to the
106mynystris, What euere thing he seie to ȝou, do ȝe. And there
107weren set sixe stonun cannes, aftir the clensyng of the Jewis,
108holdynge ech tweyne ether thre metretis. And Jhesus seith
109to hem, Fille ȝe the pottis with watir. And thei filliden hem,
110vp to the mouth. And Jhesus seide to hem, Drawe ȝe now,
111and bere ȝe to the architriclyn. And thei baren. And whanne
112the architriclyn hadde tastid the watir maad wiyn, and wiste
113not wherof it was, but the mynystris wisten that drowen the
114watir, the architriclyn clepith the spouse, and seith to hym,
115Ech man settith first good wiyn, and whanne men ben fulfillid,
116thanne that that is worse; but thou hast kept the good
117wiyn in to this tyme. Jhesus dide this the bigynnyng of
118signes in the Cane of Galilee, and schewide his glorie; and
119hise disciplis bileueden in hym. Aftir these thingis he cam
120doun to Cafarnaum, and his modir, and hise britheren, and
121hise disciplis; and thei dwelliden there not many daies. And
122the pask of Jewis was nyȝ, and Jhesus wente vp to Jerusalem.
123And he foond in the temple men sillynge oxun, and
124scheep, and culueris, and chaungeris sittynge. And whanne
125he hadde maad as it were a scourge of smale cordis, he
126droof out alle of the temple, and oxun, and scheep; and
127he schedde the money of chaungeris, and turnede vpsedoun
128the boordis. And he seide to hem that selden culueris, Take
129awei fro hennus these thingis, and nyle ȝe make the hous of
130my fadir an hous of marchaundise. And hise disciplis hadden
131mynde, for it was writun, The feruent loue of thin hous hath
132etun me. Therfor the Jewis answeriden, and seiden to hym,
133What token schewist thou to vs, that thou doist these thingis?
134Jhesus answerde, and seide to hem, Vndo ȝe this temple, and
135in thre daies Y schal reise it.

chapter, verse II,20

136Therfor the Jewis seiden to
137hym, In fourti and sixe ȝeer this temple was bildid, and schalt
138thou in thre daies reise it? But he seide of the temple of his
139bodi. Therfor whanne he was risun fro deeth, hise disciplis
140hadden mynde, that he seide these thingis of his bodi ; and
141thei bileueden to the scripture, and to the word that Jhesus
142seide. And whanne Jhesus was at Jerusalem in pask, in the
143feeste dai, many bileueden in his name, seynge his signes that
144he dide. But Jhesus trowide not hym silf to hem, for he
145knewe alle men; and for it was not nede to hym, that ony man
146schulde bere witnessyng, for he wiste, what was in man.
147

chapter, verse III,1

148

CAP. III.

149
150    And there was a man of the Farisees, Nychodeme bi
151name, a prince of the Jewis. And he cam to Jhesu bi
152niȝt, and seide to hym, Rabi, we witen, that thou art comun
153fro God maister; for no man may do these signes, that
154thou doist, but God be with hym. Jhesus answerde, and
155seide to hym, Treuli, treuli, Y seie to thee, but a man be
156borun aȝen, he may not se the kyngdom of God. Nychodeme
157seide to hym, Hou may a man be borun, whanne
158he is eeld? whether he may entre aȝen in to his modris
159wombe, and be borun aȝen? Jhesus answeride, Treuli,
160treuli, Y seie to thee, but a man be borun aȝen of watir,
161and of the Hooli Goost, he may not entre in to the kyngdom
162of God. That that is borun of the fleisch, is fleisch; and
163that that is borun of spirit, is spirit. Wondre thou not,
164for Y seide to thee, It bihoueth ȝou to be borun aȝen. The
165spirit brethith where he wole, and thou herist his vois, but
166thou wost not, fro whennus he cometh, ne whidir he goith;
167so is ech man that is borun of the spirit. Nychodeme
168answeride, and seide to hym, Hou moun these thingis be
169don? Jhesus answeride, and seide to hym, Thou art a
170maister in Israel, and knowist not these thingis? Treuli,
171treuli, Y seie to thee, for we speken that that we witen,
172and we witnessen that that we han seyn, and ȝe taken not
173oure witnessyng. If Y haue seid to ȝou ertheli thingis,
174and ȝe bileuen not, hou if Y seie to ȝou heueneli thingis,
175schulen ȝe bileue? And no man stieth in to heuene, but
176he that cam doun fro heuene, mannys sone that is in heuene.
177And as Moises areride a serpent in desert, so it bihoueth
178mannys sone to be reisid, that ech man that bileueth in
179hym, perische not, but haue euerlastynge lijf. For God
180louede so the world, that he ȝaf his oon bigetun sone, that
181ech man that bileueth in him perische not, but haue euerlastynge
182lijf. For God sente not his sone in to the world,
183that he iuge the world, but that the world be saued bi him.
184He that bileueth in hym, is not demed; but he that bileueth
185not, is now demed, for he bileueth not in the name of the
186oon bigetun sone of God. And this is the dom, for liȝt cam
187in to the world, and men loueden more derknessis than liȝt;
188for her werkes weren yuele.

chapter, verse III,20

189For ech man that doith yuele,
190hatith the liȝt; and he cometh not to the liȝt, that hise werkis
191be not repreued. But he that doith treuthe, cometh to the
192liȝt, that hise werkis be schewid, that thei ben don in God.
193Aftir these thingis Jhesus cam, and hise disciplis, in to the
194loond of Judee, and there he dwellide with hem, and baptiside.
195And Joon was baptisinge in Ennon, bisidis Salym,
196for many watris weren there; and thei camen, and weren
197baptisid. And Joon was not ȝit sent in to prisoun.
198Therfor a questioun was maad of Jonys disciplis with
199the Jewis, of the purificacioun. And thei camen to Joon,
200and seiden to hym, Maister, he that was with thee biȝonde
201Jordan, to whom thou hast borun witnessyng, lo! he baptisith,
202and alle men comen to hym. Joon answerde, and
203seide, A man may not take ony thing, but it be ȝouun to
204hym fro heuene. Ȝe ȝou silf beren witnessyng to me,
205that Y seide, Y am not Crist, but that Y am sent bifore
206hym. He that hath a wijf, is the hosebonde; but the
207freend of the spouse that stondith, and herith hym, ioieth
208with ioye, for the vois of the spouse. Therfor in this thing
209my ioye is fulfillid. It bihoueth hym to wexe, but me to
210be maad lesse. He that cam from aboue, is aboue alle;
211he that is of the erthe, spekith of the erthe; he that cometh
212from heuene, is aboue alle. And he witnessith that thing
213that he hath seie, and herde, and no man takith his witnessing.
214But he that takith his witnessyng, hath confermyd
215that God is sothefast. But he whom God hath sent, spekith
216the wordis of God; for not to mesure God ȝyueth the spirit.
217The fadir loueth the sone, and he hath ȝouun alle thingis
218in his hoond. He that bileueth in the sone, hath euerlastynge
219lijf; but he that is vnbileueful to the sone, schal
220not se euerlastynge lijf, but the wraththe of God dwellith
221on hym.
222

chapter, verse IV,1

223

CAP. IV.

224
225    Therfor as Jhesu knew, that the Farisees herden, that
226Jhesu makith and baptisith mo disciplis than Joon, thouȝ
227Jhesus baptiside not, but hise disciplis, he lefte Judee, and
228wente aȝen in to Galilee. And it bihofte hym to passe
229bi Samerie. Therfor Jhesus cam in to a citee of Samarie,
230that is seid Sicar, bisidis the place, that Jacob ȝaf to Joseph,
231his sone. And the welle of Jacob was there; and Jhesus
232was weri of the iourney, and sat vpon the welle. And
233the our was, as it were the sixte. And a womman cam fro
234Samarie, to drawe watir. And Jhesus seith to hir, Ȝyue
235me drynk. And hise disciplis weren gon in to the citee,
236to bie mete. Therfor thilke womman of Samarie seith to
237him, Hou thou, whanne thou art a Jewe, axist of me drynk,
238that am a womman of Samarie? for Jewis vsiden not to dele
239with Samaritans. Jhesus answerde, and seide to hir, If thou
240wistist the ȝifte of God, and who he is, that seith to thee,
241Ȝyue me drynk, thou perauenture woldist haue axid of hym,
242and he schulde haue ȝouun to thee quyk watir. The womman
243seith to him, Sire, thou hast not where ynne to drawe, and
244the pit is deep; wherof thanne hast thou quik watir?
245Whethir thou art grettere than oure fadir Jacob, that ȝaf
246to vs the pit? and he drank therof, and hise sones, and
247hise beestis. Jhesus answerde, and seide to hir, Eche
248man that drynkith of this watir, schal thirste efte soone;
249but he that drynkith of the watir that Y schal ȝyue hym,
250schal not thirste with outen ende; but the watir that Y
251schal ȝyue hym, schal be maad in hym a welle of watir,
252spryngynge vp in to euerlastynge lijf. The womman seith
253to hym, Sire, ȝyue me this watir, that Y thirste not, nether
254come hidur to drawe. Jhesus seith to hir, Go, clepe thin
255hosebonde, and come hidir. The womman answerde, and
256seide, Y haue noon hosebonde. Jhesus seith to hir, Thou
257seidist wel, That Y haue noon hosebonde; for thou hast
258hadde fyue hosebondis, and he that thou hast, is not thin
259hosebonde. This thing thou seidist sotheli. The womman
260seith to hym, Lord, Y se, that thou art a prophete.

chapter, verse IV,20

261Oure
262fadris worschipiden in this hil, and ȝe seien, that at Jerusalem
263is a place, where it bihoueth to worschipe. Jhesus seith
264to hir, Womman, bileue thou to me, for the our schal come,
265whanne nether in this hil, nethir in Jerusalem, ȝe schulen
266worschipe the fadir. Ȝe worschipen that ȝe knowen not;
267we worschipen that that we knowen; for helthe is of the
268Jewis. But the tyme is comun, and now it is, whanne
269trewe worschiperis schulen worschipe the fadir in spirit
270and treuthe; for also the fadir sekith suche, that worschipen
271hym. God is a spirit, and it bihoueth hem that worschipen
272hym, to worschipe in spirit and treuthe. The womman
273seith to hym, Y woot that Messias is comun, that is seid
274Crist; therfor whanne he cometh, he schal telle vs alle
275thingis. Jhesus seith to hir, Y am he, that spekith with
276thee. And anoon hise disciplis camen, and wondriden,
277that he spak with the womman; netheles no man seide
278to hym, What sekist thou, or, What spekist thou with hir?
279Therfor the womman lefte hir watir pot, and wente in to
280the citee, and seide to tho men, Come ȝe, and se ȝe a
281man, that seide to me alle thingis that Y haue don;
282whether he be Crist? And thei wenten out of the citee,
283and camen to hym. In the mene while hise disciplis
284preieden hym, and seiden, Maistir, ete. But he seide to
285hem, Y haue mete to ete, that ȝe knowen not. Therfor
286disciplis seiden togidir, Whether ony man hath brouȝt him
287mete to ete? Jhesus seith to hem, My mete is, that Y do
288the wille of hym that sente me, that Y perfourme the werk
289of hym. Whether ȝe seien not, that ȝit foure monethis ben,
290and rype corn cometh? Lo! Y seie to ȝou, lifte vp ȝoure
291iȝen, and se ȝe the feeldis, for now thei ben white to repe.
292And he that repith takith hire, and gaderith fruyt in to
293euerlastynge lijf; that bothe he that sowith, and he that
294repith, haue ioye togidere. In this thing is the word trewe,
295for anothir is that sowith, and anothir the repith. Y sente
296ȝou to repe, that that ȝe haue not trauelid; othere men
297han trauelid, and ȝe han entrid in to her trauels. And of
298that citee many Samaritans bileueden in hym, for the
299word of the womman, that bare witnessyng, That he seide
300to me alle thingis that Y haue don.

chapter, verse IV,40

301Therfor whanne Samaritans
302camen to hym, thei preieden hym to dwelle there;
303and he dwelte there twey daies. And many mo bileueden
304for his word, and seiden to the womman, That now not
305for thi speche we bileuen; for we han herd, and we witen,
306that this is verili the sauyour of the world. And aftir twei
307daies he wente out fro thennus, and wente in to Galilee,
308And he bar witnessyng, that a profete in his owne cuntre
309hath noon onour. Therfor whanne he cam in to Galilee,
310men of Galilee resseyueden hym, whanne thei hadden seyn
311alle thingis that he hadde don in Jerusalem in the feeste
312dai; for also thei hadden comun to the feeste dai.
313Therfor he cam eftsoone in to the Cane of Galile,
314where he made the watir wiyn. And a litil kyng was,
315whos sone was sijk at Cafarnaum. Whanne this hadde
316herd, that Jhesu schulde come fro Judee in to Galilee, he
317wente to hym, and preiede hym, that he schulde come
318doun, and heele his sone; for he bigan to die. Therfor
319Jhesus seide to him, But ȝe se tokenes and grete wondris,
320ȝe bileuen not. The litil kyng seith to hym, Lord, come
321doun, bifor that my sone die. Jhesus seith to hym, Go,
322thi sone lyueth. The man bileuede to the word, that
323Jhesus seide to hym, and he wente. And now whanne
324he cam doun, the seruauntis camen aȝens hym, and telden
325to hym, and seiden, That his sone lyuede. And he axide
326of hem the our, in which he was amendid. And thei
327seiden to hym, For ȝistirdai in the seuenthe our the feuer
328lefte him. Therfor the fadir knewe, that thilke our it was,
329in which Jhesus seide to hym, Thi sone lyueth; and he
330bileuede, and al his hous. Jhesus dide eft this secounde
331tokene, whanne he cam fro Judee in to Galilee.
332

chapter, verse V,1

333

CAP. V.

334
335    Aftir these thingis ther was a feeste dai of Jewis, and
336Jhesus wente vp to Jerusalem. And in Jerusalem is a waissynge
337place, that in Ebrew is named Bethsaida, and hath fyue
338porchis. In these lay a greet multitude of sike men, blynde,
339crokid, and drie, abidynge the mouyng of the watir. For the
340aungel of the Lord cam doun certeyne tymes in to the watir,
341and the watir was moued; and he that first cam doun in to
342the sisterne, aftir the mouynge of the watir, was maad hool of
343what euer sijknesse he was holdun. And a man was there,
344hauynge eiȝte and thritti ȝeer in his sikenesse. And whanne
345Jhesus hadde seyn hym liggynge, and hadde knowun, that he
346hadde myche tyme, he seith to hym, Wolt thou be maad
347hool? The sijk man answerde to hym, Lord, Y haue no
348man, that whanne the watir is moued, to putte me in to the
349cisterne; for the while Y come, anothir goith doun bifor me.
350Jhesus seith to hym, Rise vp, take thi bed, and go. And
351anoon the man was mad hool, and took vp his bed, and
352wente forth. And it was sabat in that dai. Therfor the
353Jewis seiden to him that was maad hool, It is sabat, it is not
354leueful to thee, to take awei thi bed. He answeride to hem,
355He that made me hool, seide to me, Take thi bed, and go.
356Therfor thei axiden him, What man is that, that seide to thee,
357Take vp thi bed, and go? But he that was maad hool, wiste
358not who it was. And Jhesus bowide awei fro the puple, that
359was set in the place. Aftirward Jhesus foond hym in the
360temple, and seide to hym, Lo! thou art maad hool; now
361nyle thou do synne, lest any worse thing bifalle to thee.
362Thilke man wente, and telde to the Jewis, that it was Jhesu
363that made hym hool. Therfor the Jewis pursueden Jhesu,
364for he dide this thing in the sabat. And Jhesus answeride
365to hem, My fadir worchith til now, and Y worche. Therfor
366the Jewis souȝten more to sle hym, for not oneli he brak the
367sabat, but he seide that God was his fadir, and made hym
368euene to God. Therfor Jhesus answerde, and seide to hem,
369Treuli, treuli, Y seye to ȝou, the sone may not of hym silf do
370ony thing, but that thing that he seeth the fadir doynge; for
371what euere thingis he doith, the sone doith in lijk maner tho
372thingis.

chapter, verse V,20

373For the fadir loueth the sone, and schewith to hym
374alle thingis that he doith; and he schal schewe to hym
375grettere werkis than these, that ȝe wondren. For as the
376fadir reisith deed men, and quykeneth, so the sone quykeneth
377whom he wole. For nethir the fadir iugith ony man, but
378hath ȝouun ech doom to the sone, that alle men onoure the
379sone, as thei onouren the fadir. He that onourith not the
380sone, onourith not the fadir that sente hym. Treuli, treuli, Y
381seie to ȝou, that he that herith my word, and bileueth to hym
382that sente me, hath euerlastynge lijf, and he cometh not in
383to doom, but passith fro deeth in to lijf. Treuli, treuli
384Y seie to ȝou, for the our cometh, and now it is, whanne deed
385men schulen here the vois of Goddis sone, and thei that
386heren, schulen lyue. For as the fadir hath lijf in hym silf,
387so he ȝaf to the sone, to haue lijf in him silf; and he ȝaf to
388hym power to make doom, for he is mannys sone. Nyle ȝe
389wondre this, for the our cometh, in which alle men that ben
390in birielis, schulen here the voice of Goddis sone. And thei
391that han do goode thingis, schulen go in to aȝenrisyng of
392lijf; but thei that han done yuele thingis, in to aȝenrisyng of
393doom. Y may no thing do of my silf, but as Y here, Y deme,
394and my doom is iust, for Y seke not my wille, but the wille
395of the fadir that sente me. If Y bere witnessing of my silf,
396my witnessyng is not trewe; another is that berith witnessyng
397of me, and Y woot that his witnessyng is trewe, that he berith
398of me. Ȝe senten to Joon, and he bar witnessyng to treuthe.
399But Y take not witnessyng of man; but Y seie these thingis,
400that ȝe be saaf. He was a lanterne brennynge and schynynge;
401but ȝe wolden glade at an our in his liȝt. But Y haue
402more witnessyng than Joon, for the werkis that my fadir ȝaf
403to me to perfourme hem, thilke werkis that Y do beren witnessyng
404of me, that the fadir sente me. And the fadir that
405sente me, he bar witnessyng of me. Nether ȝe herden euere
406his vois, nether ȝe seien his licnesse. And ȝe han not his
407word dwellynge in ȝou; for ȝe byleuen not to hym, whom he
408sente. Seke ȝe scripturis, in which ȝe gessen to haue euerlastynge
409lijf; and tho it ben, that beren witnessyng of me.

chapter, verse V,40

410And ȝe wolen not come to me, that ȝe haue lijf. Y take not
411clerenesse of men; but Y haue knowun ȝou, that ȝe han
412not the loue of God in ȝou. Y cam in the name of my
413fadir, and ȝe token not me. If another come in his owne
414name, ȝe schulen resseyue hym. Hou moun ȝe bileue, that
415resseyuen glorie ech of othere, and ȝe seken not the glorie
416that is of God aloone? Nyle ȝe gesse, that Y am to accuse
417ȝou anentis the fadir; it is Moises that accusith ȝou, in whom
418ȝe hopen. For if ȝe bileueden to Moises, perauenture ȝe
419schulden bileue also to me; for he wroot of me. But if ȝe
420bileuen not to hise lettris, hou schulen ȝe bileue to my
421wordis?
422

chapter, verse VI,1

423

CAP. VI.

424
425    Aftir these thingis Jhesus wente ouere the see of Galilee,
426that is Tiberias. And a greet multitude suede hym; for thei
427sayn the tokenes, that he dide on hem that weren sijke.
428Therfor Jhesus wente in to an hil, and sat there with hise
429disciplis. And the paske was ful niȝ, a feeste dai of the
430Jewis. Therfor whanne Jhesus hadde lift vp hise iȝen, and
431hadde seyn, that a greet multitude cam to hym, he seith to
432Filip, Wherof schulen we bie looues, that these men ete?
433But he seide this thing, temptynge hym; for he wiste what
434he was to do. Filip answerde to hym, The looues of tweyn
435hundrid pans sufficen not to hem, that ech man take a litil
436what. Oon of hise disciplis, Andrew, the brothir of Symount
437Petre, seith to him, A child is here, that hath fyue barli
438looues and twei fischis; but what ben these among so
439manye? Therfor Jhesus seith, Make ȝe hem sitte to the
440mete. And there was myche hey in the place. And so men
441saten to the mete, as fyue thousynde in noumbre. And
442Jhesus took fyue looues, and whanne he hadde do thankyngis,
443he departide to men that saten to the mete, and also
444of the fischis, as myche as thei wolden. And whanne thei
445weren fillid, he seide to hise disciplis, Gadir ȝe the relifs that
446ben left, that thei perischen not. And so thei gadriden, and
447filliden twelue cofyns of relif of the fyue barli looues and
448twei fischis, that lefte to hem that hadden etun. Therfor
449tho men, whanne thei hadden seyn the signe that he hadde
450don, seiden, For this is verili the profete, that is to come in to
451the world. And whanne Jhesus hadde knowun, that thei
452weren to come to take hym, and make hym kyng, he fleiȝ
453aloone eft in to an hille. And whanne euentid was comun,
454his disciplis wenten doun to the see. And thei wenten vp in
455to a boot, and thei camen ouer the see in to Cafarnaum.
456And derknessis weren maad thanne, and Jhesus was not
457come to hem. And for a greet wynde blew, the see roos vp.
458Therfor whanne thei hadden rowid as fyue and twenti furlongis
459or thretti, thei seen Jhesus walkynge on the see, and to
460be neiȝ the boot; and thei dredden.

chapter, verse VI,20

461And he seide to hem,
462Y am; nyle ȝe drede. Therfor thei wolden take hym in to
463the boot, and anoon the boot was at the loond, to which thei
464wenten. On the tother dai the puple, that stood ouer the see,
465say, that ther was noon other boot there but oon, and that
466Jhesu entride not with hise disciplis in to the boot, but hise
467disciplis aloone wenten. But othere bootis camen fro Tiberias
468bisidis the place, where thei hadden eetun breed, and
469diden thankyngis to God. Therfor whanne the puple hadde
470seyn, that Jhesu was not there, nether hise disciplis, thei
471wenten vp in to bootis, and camen to Cafarnaum, sekynge
472Jhesu. And whanne thei hadden foundun hym ouer the see,
473thei seiden to hym, Rabi, hou come thou hidur? Jhesus
474answerde to hem, and seide, Treuli, treuli, Y seie to ȝou, ȝe
475seken me, not for ȝe sayn the myraclis, but for ȝe eten of
476looues, and weren fillid. Worche ȝe not mete that perischith,
477but that dwellith in to euerlastynge lijf, which mete mannys
478sone schal ȝyue to ȝou; for God the fadir hath markid hym.
479Therfor thei seiden to hym, What schulen we do, that we
480worche the werkis of God? Jhesus answerde, and seide to
481hem, This is the werk of God, that ȝe bileue to hym, whom
482he sente. Therfor thei seiden to hym, What tokene thanne
483doist thou, that we seen, and bileue to thee? what worchist
484thou? Oure fadris eeten manna in desert, as it is writun, He
485ȝaf to hem breed fro heuene to ete. Therfor Jhesus seith to
486hem, Treuli, treuli, Y seie to ȝou, Moyses ȝaf ȝou not breed
487fro heuene, but my fadir ȝyueth ȝou veri breed fro heuene;
488for it is very breed that cometh doun fro heuene, and ȝyueth
489lijf to the world. Therfor thei seiden to hym, Lord, euere
490ȝyue vs this breed. And Jhesus seide to hem, Y am breed
491of lijf; he that cometh to me, schal not hungur; he that
492bileueth in me, schal neuere thirste. But Y seid to ȝou,
493that ȝe han seyn me, and ȝe bileueden not. Al thing, that
494the fadir ȝyueth to me, schal come to me; and Y schal not
495caste hym out, that cometh to me. For Y cam doun fro
496heuene, not that Y do my wille, but the wille of hym that
497sente me. And this is the wille of the fadir that sente
498me, that al thing that the fadir ȝaf me, Y leese not of it,
499but aȝen reise it in the laste dai.

chapter, verse VI,40

500And this is the wille of my
501fadir that sente me, that ech man that seeth the sone, and
502bileueth in hym, haue euerlastynge lijf; and Y schal aȝen
503reyse hym in the laste dai. Therfor Jewis grutchiden of
504hym, for he hadde seid, Y am breed that cam doun fro
505heuene. And thei seiden, Whether this is not Jhesus, the
506sone of Joseph, whos fadir and modir we han knowun. Hou
507thanne seith this, That Y cam doun fro heuene? Therfor
508Jhesus answerde, and seide to hem, Nyle ȝe grutche togidere.
509No man may come to me, but if the fadir that sente me,
510drawe hym; and Y schal aȝen reise hym in the laste dai.
511It is writun in prophetis, And alle men schulen be able for to
512be tauȝt of God. Ech man that herde of the fadir, and hath
513lerned, cometh to me. Not for ony man hath sey the fadir,
514but this that is of God, hath sey the fadir. Sotheli, sotheli,
515Y seie to ȝou, he that bileueth in me, hath euerlastynge lijf.
516Y am breed of lijf. Ȝoure fadris eeten manna in desert,
517and ben deed. This is breed comynge doun fro heuene,
518that if ony man ete therof, he die not. Y am lyuynge breed,
519that cam doun fro heuene. If ony man ete of this breed, he
520schal lyue withouten ende. And the breed that Y schal ȝyue,
521is my fleisch for the lijf of the world. Therfor the Jewis
522chidden togidere, and seiden, Hou may this ȝyue to vs his
523fleisch to ete? Therfor Jhesus seith to hem, Treuli, treuli,
524Y seie to ȝou, but ȝe eten the fleisch of mannus sone, and
525drenken his blood, ȝe schulen not haue lijf in ȝou. He that
526etith my fleisch, and drynkith my blood, hath euerlastynge
527lijf, and Y schal aȝen reise hym in the laste dai. For my
528fleisch is veri mete, and my blood is very drynk. He that
529etith my fleisch, and drynkith my blood, dwellith in me, and
530Y in hym. As my fadir lyuynge sente me, and Y lyue for the
531fadir, and he that etith me, he schal lyue for me. This is
532breed, that cam doun fro heuene. Not as ȝoure fadris eten
533manna, and ben deed; he that etith this breed, schal lyue
534withouten ende. He seide these thingis in the synagoge,
535techynge in Cafarnaum.

chapter, verse VI,60

536Therfor many of hise disciplis
537herynge, seiden, This word is hard, who may here it? But
538Jhesus witynge at hym silf, that hise disciplis grutchiden
539of this thing, seide to hem, This thing sclaundrith ȝou?
540Therfor if ȝe seen mannus sone stiynge, where he was bifor?
541It is the spirit that quykeneth, the fleisch profitith no thing;
542the wordis that Y haue spokun to ȝou, ben spirit and lijf.
543But ther ben summe of ȝou that bileuen not. For Jhesus
544wiste fro the bigynnynge, which weren bileuynge, and who
545was to bitraye hym. And he seide, Therfor Y seide to ȝou,
546that no man may come to me, but it were ȝouun to hym of my
547fadir. Fro this tyme many of hise disciplis wenten abak,
548and wenten not now with hym. Therfor Jhesus seide to the
549twelue, Whether ȝe wolen also go awei? And Symount
550Petre answeride to hym, Lord, to whom schulen we gon?
551Thou hast wordis of euerlastynge lijf; and we bileuen, and
552han knowun, that thou art Crist, the sone of God. Therfor
553Jhesus answerde to hem, Whether Y chees not ȝou twelue,
554and oon of ȝou is a feend? And he seide this of Judas
555of Symount Scarioth, for this was to bitraye hym, whanne
556he was oon of the twelue.
557

chapter, verse VII,1

558

CAP. VII.

559
560    Aftir these thingis Jhesus walkide in to Galilee, for he
561wolde not walke in to Judee, for the Jewis souȝten to sle
562hym. And ther was neiȝ a feeste dai of the Jewis, Senofegia.
563And hise britheren seiden to hym, Passe fro hennus,
564and go in to Judee, that also thi disciplis seen thi werkis
565that thou doist; for no man doith ony thing in hiddlis, and
566hym silf sekith to be opyn. If thou doist these thingis,
567schewe thi silf to the world. For nether hise britheren
568bileueden in hym. Therfor Jhesus seith to hem, My tyme
569cam not ȝit, but ȝoure tyme is euermore redi. The world
570may not hate ȝou, sothely it hatith me; for Y bere witnessyng
571therof, that the werkis of it ben yuele. Go ȝe vp to
572this feeste dai, but Y schal not go vp to this feeste dai,
573for my tyme is not ȝit fulfillid. Whanne he hadde seid
574these thingis, he dwelte in Galilee. And aftir that hise
575britheren weren gon vp, thanne he ȝede vp to the feeste
576dai, not opynli, but as in priuyte. Therfor the Jewis souȝten
577hym in the feeste dai, and seiden, Where is he? And
578myche grutchyng was of hym among the puple. For
579summe seiden, That he is good; and othere seiden, Nai,
580but he disceyueth the puple; netheles no man spak opynli
581of hym, for drede of the Jewis. But whanne the myddil
582feeste dai cam, Jhesus wente vp in to the temple, and
583tauȝte. And the Jewis wondriden, and seiden, Hou can
584this man lettris, sithen he hath not lerned? Jhesus answerde
585to hem, and seide, My doctryne is not myn, but his that
586sente me. If ony man wole do his wille, he schal knowe
587of the techyng, whethir it be of God, or Y speke of my
588silf. He that spekith of hym silf, sekith his owne glorie;
589but he that sekith the glorie of hym that sente hym, is
590sothefast, and vnriȝtwisnesse is not in hym. Whether Moises
591ȝaf not to ȝou a lawe, and noon of ȝou doith the lawe? What
592seken ȝe to sle me?

chapter, verse VII,20

593And the puple answerde, and seide,
594Thou hast a deuel; who sekith to sle thee? Jhesus answerde,
595and seide to hem, Y haue don o werk, and alle ȝe wondren.
596Therfor Moises ȝaf to ȝou circumcisioun; not for it is of
597Moyses, but of the fadris; and in the sabat ȝe circumciden a
598man. If a man take circumcicioun in the sabat, that the lawe
599of Moises be not brokun, han ȝe indignacioun to me, for
600Y made al a man hool in the sabat? Nile ȝe deme aftir
601the face, but deme ȝe a riȝtful doom. Therfor summe of
602Jerusalem seiden, Whethir this is not he, whom the Jewis
603seken to sle? and lo! he spekith opynli, and thei seien no
604thing to hym. Whether the princes knewen verili, that this
605is Crist? But we knowun this man , of whennus he is; but
606whanne Crist schal come, no man woot of whennus he is.
607Therfor Jhesus criede in the temple techynge, and seide,
608ȝe knowen me, and ȝe knowen of whennus Y am; and
609Y cam not of my silf, but he is trewe that sente me,
610whom ȝe knowen not. Y knowe hym, and if Y seie that
611Y knowe hym not, Y schal be lijk to ȝou, a liere; but
612Y knowe hym, for of hym Y am, and he sente me. Therfor
613thei souȝten to take hym, and no man sette on hym
614hoondis, for his our cam not ȝit. And many of the puple
615bileueden in hym, and seiden, Whanne Crist schal come,
616whether he schal do mo tokenes, than tho that this doith?
617Farisees herden the puple musinge of hym these thingis;
618and the princis and Farisees senten mynystris, to take
619hym. Therfor Jhesus seide to hem, Ȝit a litil tyme Y
620am with ȝou, and Y go to the fadir, that sente me. Ȝe
621schulen seke me, and ȝe schulen not fynde; and where
622Y am, ȝe may not come. Therfor the Jewis seiden to
623hem silf, Whidur schal this gon, for we schulen not fynde
624hym? whether he wole go in to the scateryng of hethene
625men, and wole teche the hethene? What is this word,
626which he seide, Ȝe schulen seke me, and ȝe schulen not
627fynde; and where Y am, ȝe moun not come? But in the
628laste dai of the greet feeste, Jhesus stood, and criede, and
629seide, If ony man thirstith, come he to me, and drynke.
630He that bileueth in me, as the scripture seith. Floodis of
631quyk watir schulen flowe fro his wombe. But he seide this
632thing of the Spirit, whom men that bileueden in hym
633schulden take; for the Spirit was not ȝit ȝouun, for Jhesus
634was not ȝit glorified.

chapter, verse VII,40

635Therfor of that cumpanye, whanne
636thei hadden herd these wordis of hym, thei seiden, This
637is verili a prophete. Othere seiden, This is Crist. But
638summe seiden, Whether Crist cometh fro Galilee? Whether
639the scipture seith not, that of the seed of Dauid, and of
640the castel of Bethleem, where Dauid was, Crist cometh?
641Therfor discencioun was maad among the puple for hym.
642For summe of hem wolden haue take hym, but no man
643sette hondis on hym. Therfor the mynystris camen to
644bischopis and Farisees, and thei seiden to hem, Whi
645brouȝten ȝe not hym? The mynystris answeriden, Neuere
646man spak so, as this man spekith. Therfor the Farisees
647answeriden to hem, Whether ȝe ben disseyued also? whether
648ony of the pryncis or of the Farisees bileueden in hym?
649But this puple, that knowith not the lawe, ben cursid.
650Nychodeme seith to hem, he that cam to hym bi nyȝt,
651that was oon of hem, Whethir oure lawe demith a man,
652but it haue first herde of hym, and knowe what he doith?
653Thei answeriden, and seiden to hym, Whether thou art
654a man of Galilee also? Seke thou scripturis, and se thou,
655that a prophete risith not of Galilee. And thei turneden
656aȝen, ech in to his hous.
657

chapter, verse VIII,1

658

CAP. VIII.

659
660    But Jhesus wente in to the mount of Olyuete. And
661eerli eft he cam in to the temple; and al the puple cam
662to hym; and he sat, and tauȝte hem. And scribis and
663Fariseis bryngen a womman takun in auoutrye, and thei
664settiden hir in the myddil, and seiden to hym, Maystir,
665this womman is now takun in auoutrie. And in the lawe
666Moises comaundide vs to stoone suche; therfor what seist
667thou? And thei seiden this thing temptynge hym, that
668thei myȝten accuse hym. And Jhesus bowide hym silf
669doun, and wroot with his fyngur in the erthe. And whanne
670thei abiden axynge hym, he reiside hym silf, and seide to
671hem, He of ȝou that is without synne, first caste a stoon
672in to hir. And eft he bowide hym silf, and wroot in the
673erthe. And thei herynge these thingis, wenten awei oon
674aftir anothir, and thei bigunnen fro the eldre men; and
675Jhesus dwelte aloone, and the womman stondynge in the
676myddil. And Jhesus reiside hym silf, and seide to hir,
677Womman, where ben thei that accusiden thee? no man
678hath dampned thee. Sche seide, No man, Lord. Jhesus
679seide to hir , Nethir Y schal dampne thee; go thou, and
680now aftirward nyle thou synne more. Therfor eft Jhesus
681spak to hem, and seide, Y am the liȝt of the world; he
682that sueth me, walkith not in derknessis, but schal haue
683the liȝt of lijf. Therfor the Fariseis seiden, Thou berist
684witnessyng of thi silf; thi witnessyng is not trewe. Jhesus
685answerde, and seide to hem, And if Y bere witnessyng
686of my silf, my witnessyng is trewe; for Y woot fro whennus
687Y cam, and whidur Y go. But ȝe witen not fro whennus
688Y cam, ne whidur Y go. For ȝe demen aftir the fleisch,
689but Y deme no man; and if Y deme, my doom is trewe,
690for Y am not aloone, but Y and the fadir that sente me.
691And in ȝoure lawe it is writun, that the witnessyng of
692twei men is trewe. Y am, that bere witnessyng of my
693silf, and the fadir that sente me, berith witnessyng of me.
694Therfor thei seiden to hym, Where is thi fadir? Jhesus
695answeride, Nether ȝe knowen me, nethir ȝe knowen my
696fadir; if ȝe knewen me, perauenture ȝe schulden knowe
697also my fadir.

chapter, verse VIII,20

698Jhesus spak these wordis in the tresorie,
699techynge in the temple; and no man took hym, for his
700our cam not ȝit. Therfor eft Jhesus seide to hem, Lo!
701Y go, and ȝe schulen seke me, and ȝe schulen die in ȝoure
702synne; whidur Y go, ȝe moun not come. Therfor the Jewis
703seiden, Whether he schal sle hym silf, for he seith, Whidur Y
704go, ȝe moun not come? And he seide to hem, Ȝe ben of bynethe,
705Y am of aboue; ȝe ben of this world, Y am not of this
706world. Therfor Y seide to ȝou, that ȝe schulen die in ȝoure
707synnes; for if ȝe bileuen not that Y am, ȝe schulen die in ȝoure
708synne. Therfor thei seiden to hym, Who art thou? Jhesus
709seide to hem, The bigynnyng, which also speke to ȝou. Y
710haue many thingis to speke, and deme of ȝou, but he that
711sente me is sothefast; and Y speke in the world these
712thingis, that Y herde of hym. And thei knewen not, that
713he clepide his fadir God. Therfor Jhesus seith to hem,
714Whanne ȝe han areisid mannus sone, thanne ȝe schulen
715knowe, that Y am, and of my silf Y do no thing; but as
716my fadir tauȝte me, Y speke these thingis. And he that
717sente me is with me, and lefte me not aloone; for Y do
718euermore tho thingis, that ben plesynge to hym. Whanne
719he spak these thingis, manye bileueden in hym. Therfor
720Jhesus seide to the Jewis, that bileueden in hym, If ȝe
721dwellen in my word, verili ȝe schulen be my disciplis;
722and ȝe schulen knowe the treuthe, and the treuthe schal
723make ȝou fre. Therfor the Jewis answeriden to hym,
724We ben the seed of Abraham, and we serueden neuere
725to man; hou seist thou, That ȝe schulen be fre? Jhesus
726answeride to hem, Treuli, treuli, Y seie to ȝou, ech man
727that doith synne, is seruaunt of synne. And the seruaunt
728dwellith not in the hows with outen ende, but the sone
729dwellith with outen ende. Therfor if the sone make ȝou
730fre, verili ȝe schulen be fre. Y woot that ȝe ben Abrahams
731sones, but ȝe seken to sle me, for my word takith
732not in ȝou. Y speke tho thingis, that Y say at my fadir;
733and ȝe doen tho thingis, that ȝe sayn at ȝoure fadir. Thei
734answerden, and seiden to hym, Abraham is oure fadir.
735Jhesus seith to hem, If ȝe ben the sones of Abraham,
736do ȝe the werkis of Abraham.

chapter, verse VIII,40

737But now ȝe seken to sle
738me, a man that haue spoken to ȝou treuthe, that Y herde
739of God; Abraham dide not this thing. Ȝe doen the werkis
740of ȝoure fadir. Therfor thei seiden to hym, We ben not
741borun of fornycacioun; we han o fadir, God. But Jhesus
742seith to hem, If God were ȝoure fadir, sotheli ȝe schulden
743loue me; for Y passide forth of God, and cam; for nether
744Y cam of my silf, but he sente me. Whi knowen ȝe not
745my speche? for ȝe moun not here my word. Ȝe ben of
746the fadir, the deuel, and ȝe wolen do the desyris of ȝoure
747fadir. He was a mansleere fro the bigynnyng, and he
748stood not in treuthe; for treuthe is not in hym. Whanne
749he spekith lesyng, he spekith of his owne; for he is a
750liere, and fadir of it. But for Y seie treuthe, ȝe bileuen
751not to me. Who of ȝou schal repreue me of synne? if
752Y sey treuthe, whi bileuen ȝe not to me? He that is of
753God, herith the wordis of God; therfor ȝe heren not,
754for ȝe ben not of God. Therfor the Jewis answeriden,
755and seiden, Whether we seien not wel, that thou art a
756Samaritan, and hast a deuel? Jhesus answerde, and seide,
757Y haue not a deuel, but Y onoure my fadir, and ȝe han
758vnhonourid me. For Y seke not my glorye; there is he,
759that sekith, and demeth. Treuli, treuli, Y seie to ȝou, if
760ony man kepe my word, he schal not taste deth with outen
761ende. Therfor the Jewis seiden, Now we han knowun,
762that thou hast a deuel. Abraham is deed, and the prophetis,
763and thou seist, If ony man kepe my word, he schal not
764taste deth withouten ende. Whether thou art grettere
765than oure fader Abraham, that is deed, and the prophetis
766ben deed; whom makist thou thi silf? Jhesus answeride,
767If Y glorifie my silf, my glorie is nouȝt; my fadir, is that
768glorifieth me, whom ȝe seien, that he is ȝoure God. And
769ȝe han not knowun hym, but Y haue knowun hym; and
770if Y seie that Y knowe hym not, Y schal be a liere lich
771to ȝou; but Y knowe hym, and Y kepe his word. Abraham,
772ȝoure fadir, gladide to se my dai; and he saiȝ, and
773ioyede. Thanne the Jewis seiden to hym, Thou hast
774not ȝit fifti ȝeer, and hast thou seien Abraham? Therfor
775Jhesus seide to hem, Treuli, treuli, Y seie to ȝou, bifor
776that Abraham schulde be, Y am. Therfor thei token stonys,
777to caste to hym; but Jhesus hidde hym, and wente out
778of the temple.
779

chapter, verse IX,1

780

CAP. IX.

781
782    And Jhesus passynge, seiȝ a man blynd fro the birthe.
783And hise diciplis axiden hym, Maistir, what synnede this
784man, or hise eldris, that he schulde be borun blynd?
785Jhesus answeride, Nether this man synnede, nether hise
786eldris; but that the werkis of God be schewid in hym.
787It bihoueth me to worche the werkis of hym that sente
788me, as longe as the dai is; the nyȝt schal come, whanne
789no man may worche. As longe as Y am in the world,
790Y am the liȝt of the world. Whanne he hadde seid these
791thingis, he spette in to the erthe, and made cley of the
792spotil, and anoyntide the cley on hise iȝen, and seide to
793hym, Go, and be thou waisschun in the watir of Siloe,
794that is to seie, Sent. Thanne he wente, and waisschide,
795and cam seynge. And so neiȝboris, and thei that hadden
796seyn him bifor, for he was a beggere, seiden, Whether
797this is not he, that sat, and beggide? Othere men seiden,
798That this it is; othere men seyden , Nai, but he is lijc hym.
799But he seide, That Y am. Therfor thei seiden to hym,
800Hou ben thin iȝen openyd? He answerde, Thilke man,
801that is seid Jhesus, made clei, and anoyntide myn iȝen,
802and seide to me, Go thou to the watre of Siloe, and
803wassche; and Y wente, and wasschide, and say. And
804thei seiden to hym, Where is he? He seide, Y woot not.
805Thei leden hym that was blynd to the Farisees. And
806it was sabat, whanne Jhesus made cley, and openyde hise
807iȝen. Eft the Farisees axiden hym, hou he hadde seyn.
808And he seide to hem, He leide to me cley on the iȝen;
809and Y wasschide, and Y se. Therfor summe of the Fariseis
810seiden, This man is not of God, that kepith not the
811sabat. Othere men seiden, Hou may a synful man do
812these signes. And strijf was among hem. Therfor thei
813seien eftsoone to the blynd man, What seist thou of hym,
814that openyde thin iȝen? And he seide, That he is a
815prophete. Therfor Jewis bileueden not of hym, that he
816was blynd, and hadde seyn, til thei clepiden his fadir and
817modir, that hadde seyn. And thei axiden hem, and seiden,
818Is this ȝoure sone, which ȝe seien was borun blynd? hou
819thanne seeth he now?

chapter, verse IX,20

820His fadir and modir answeriden
821to hem, and seiden, We witen, that this is oure sone, and
822that he was borun blynd; but hou he seeth now, we witen
823neuer, or who openyde hise iȝen, we witen nere; axe ȝe
824hym, he hath age, speke he of hym silf. His fader and
825modir seiden these thingis, for thei dredden the Jewis;
826for thanne the Jewis hadden conspirid, that if ony man
827knoulechide hym Crist, he schulde be don out of the
828synagoge. Therfor his fadir and modir seiden, That he
829hath age, axe ȝe hym. Therfor eftsoone thei clepiden
830the man, that was blynd, and seiden to hym, Ȝyue thou
831glorie to God; we witen, that this man is a synnere.
832Thanne he seide, If he is a synnere, Y woot neuer; o
833thing Y woot, that whanne Y was blynd, now Y se. Therfor
834thei seiden to hym, What dide he to thee? hou openyde
835he thin iȝen? He answerde to hem, Y seide to ȝou now,
836and ȝe herden; what wolen ȝe eftsoone here? whether ȝe
837wolen be maad hise discyplis? Therfor thei cursiden hym,
838and seiden, Be thou his disciple; we ben disciplis of Moises.
839We witen, that God spak to Moises; but we knowen not
840this, of whennus he is. Thilke man answeride, and seide
841to hem, For in this is a wondurful thing, that ȝe witen not,
842of whennus he is, and he hath openyd myn iȝen. And we
843witen, that God herith not synful men, but if ony man is
844worschypere of God, and doith his wille, he herith hym.
845Fro the world it is not herd, that ony man openyde the
846iȝen of a blynd borun man; but this were of God, he myȝt
847not do ony thing. Thei answeriden, and seiden to hym,
848Thou art al borun in synnes, and techist thou vs? And
849thei putten hym out. Jhesus herd, that thei hadden putte
850hym out; and whanne he hadde founde hym, he seide to
851hym, Bileuest thou in the sone of God? He answerde,
852and seide, Lord, who is he, that Y bileue in hym? And
853Jhesus seide to hym, And thou hast seyn him, and he it
854is, that spekith with thee. And he seide, Lord, Y byleue.
855And he felle doun, and worschipide hym. Therfor Jhesus
856seide to hym, Y cam in to this world, in to doom, that thei
857that seen not, see, and thei that seen, be maad blynde.

chapter, verse IX,40

858And summe of the Faryseis herden, that weren with hym, and
859thei seiden to hym, Whether we ben blynde? Jhesus seide
860to hem, If ȝe weren blynde, ȝe schulden not haue synne;
861but now ȝe seien, That we seen, ȝoure synne dwellith stille.
862

chapter, verse X,1

863

CAP. X.

864
865    Treuli, treuli, Y seie to ȝou, he that cometh not in by
866the dore in to the foold of scheep, but stieth bi another
867weie, is a nyȝt theef and a dai theef. But he that entrith
868bi the dore, is the scheepherde of the scheep. To this
869the porter openeth, and the scheep heren his vois, and he
870clepith his owne scheep bi name, and ledith hem out. And
871whanne he hath don out his owne scheep, he goith bifor
872hem, and the scheep suen hym; for thei knowun his vois.
873But thei suen not an alien, but fleen from hym; for thei
874han not knowun the vois of aliens. Jhesus seide to hem
875this prouerbe; but thei knewen not what he spak to hem.
876Therfor Jhesus seide to hem eftsoone, Treuli, treuli, Y
877seie to ȝou, that Y am the dore of the scheep. As many
878as han come, weren nyȝt theues and dai theues, but the
879scheep herden not hem. Y am the dore. If ony man
880schal entre bi me, he schal be sauyd; and he schal go
881ynne, and schal go out, and he schal fynde lesewis. A
882nyȝt theef cometh not, but that he stele, sle, and leese;
883and Y cam, that thei han lijf, and haue more plenteousli.
884I am a good scheepherde; a good scheepherde ȝyueth
885his lijf for hise scheep. But an hirid hyne, and that is
886not the scheepherde, whos ben not the scheep his owne,
887seeth a wolf comynge, and he leeueth the scheep, and
888fleeth; and the wolf rauyschith, and disparplith the scheep.
889And the hirid hyne fleeth, for he is an hirid hyne, and it
890parteyneth not to hym of the scheep. Y am a good
891scheepherde, and Y knowe my scheep, and my scheep
892knowen me. As the fadir hath knowun me, Y knowe
893the fadir; and Y putte my lijf for my scheep. Y haue
894othere scheep, that ben not of this foolde, and it bihoueth
895me to brynge hem togidir, and thei schulen here my vois;
896and it schal be maad o foolde and o scheepherde. Therfor
897the fadir loueth me, for Y putte my lijf, that eftsoone Y
898take it. No man takith it fro me, but Y putte it of my
899silf. Y haue power to putte it, and Y haue power to take
900it aȝen. This maundement Y haue takun of my fadir.
901Eft dissencioun was maad among the Jewis for these wordis.

chapter, verse X,20

902And many of hem seiden, He hath a deuel, and maddith;
903what heren ȝe hym? Othere men seiden, These wordis
904ben not of a man that hath a feend. Whether the deuel
905may opene the iȝen of blynde men? But the feestis of
906halewyng of the temple weren maad in Jerusalem, and
907it was wyntir. And Jhesus walkide in the temple, in the
908porche of Salomon. Therfor the Jewis camen aboute
909hym, and seiden to hym, Hou long takist thou awei oure
910soule? if thou art Crist, seie thou to vs opynli. Jhesus
911answerde to hem, Y speke to ȝou, and ȝe bileuen not;
912the werkis that Y do in the name of my fadir, beren witnessyng
913of me. But ȝe bileuen not, for ȝe ben not of my
914scheep. My scheep heren my vois, and Y knowe hem,
915and thei suen me. And Y ȝyue to hem euerelastynge
916lijf, and thei schulen not perische with outen ende, and
917noon schal rauysche hem fro myn hoond. That thing
918that my fadir ȝaf to me, is more than alle thingis; and no
919man may rauysche fro my fadris hoond. Y and the fadir
920ben oon. The Jewis token vp stoonys, to stoone hym.
921Jhesus answerde to hem, Y haue schewide to ȝou many
922good werkis of my fadir, for which werk of hem stonen
923ȝe me? The Jewis answerden to hym, We stoonen thee
924not of good werk, but of blasfemye, and for thou, sithen
925thou art a man, makist thi silf God. Jhesus answerde to
926hem, Whether it is not writun in ȝoure lawe, That Y seide,
927Ȝe ben goddis? Yf he seide that thei weren goddis, to
928whiche the word of God was maad, and scripture may not
929be vndon, thilke that the fadir hath halewid, and hath
930sent in to the world, ȝe seien, That thou blasfemest, for
931Y seide, Y am Goddis sone? Yf Y do not the werkis
932of my fadir, nyle ȝe bileue to me; but if Y do, thouȝ ȝe
933wolen not bileue to me, bileue ȝe to the werkis; that ȝe
934knowe and bileue, that the fadir is in me, and Y in the fadir.
935Therfor thei souȝten to take hym, and he wente out of her
936hondis.

chapter, verse XI,40

937And he wente eftsoone ouer Jordan, in to that
938place where Joon was firste baptisynge, and he dwelte there.
939And manye camen to hym, and seiden, For Joon dide no
940myracle; and alle thingis what euer Joon seide of this,
941weren sothe. And many bileueden in hym.
942

chapter, verse XI,1

943

CAP. XI.

944
945    And ther was a sijk man, Lazarus of Bethanye, of the
946castel of Maria and Martha, hise sistris. And it was Marye,
947which anoyntide the Lord with oynement, and wipte hise
948feet with hir heeris, whos brother Lazarus was sijk. Therfor
949hise sistris senten to hym, and seide, Lord, lo! he whom
950thou louest, is sijk. And Jhesus herde, and seide to hem,
951This syknesse is not to the deth, but for the glorie of God,
952that mannus sone be glorified bi hym. And Jhesus louyde
953Martha, and hir sistir Marie, and Lazarus. Therfor whanne
954Jhesus herde, that he was sijk, thanne he dwellide in the
955same place twei daies. And after these thingis he seide to
956hise disciplis, Go we eft in to Judee. The disciplis seien
957to hym, Maister, now the Jewis souȝten for to stoone thee,
958and eft goist thou thidir? Jhesus answerde, Whether ther
959ben not twelue ouris of the dai? If ony man wandre in
960the dai, he hirtith not, for he seeth the liȝt of this world.
961But if he wandre in the niȝt, he stomblith, for liȝt is not
962in him. He seith these thingis, and aftir these thingis he
963seith to hem, Lazarus, oure freend, slepith, but Y go to
964reise hym fro sleep. Therfor hise disciplis seiden, Lord,
965if he slepith, he schal be saaf. But Jhesus hadde seid of
966his deth; but thei gessiden, that he seide of slepyng of
967sleep. Thanne therfor Jhesus seide to hem opynli, Lazarus
968is deed; and Y haue ioye for ȝou, that ȝe bileue, for Y was
969not there; but go we to hym. Therfor Thomas, that is
970seid Didymus, seide to euen disciplis, Go we also, that we
971dien with hym. And so Jhesus cam, and foond hym hauynge
972thanne foure daies in the graue. And Bethany was bisidis
973Jerusalem, as it were fiftene furlongis. And many of the
974Jewis camen to Mary and Martha, to coumforte hem of her
975brothir.

chapter, verse XI,20

976Therfor as Martha herde, that Jhesu cam, sche
977ran to hym; but Mary sat at home. Therfor Martha seide
978to Jhesu, Lord, if thou haddist be here, my brother hadde
979not be deed. But now Y woot, that what euere thingis
980thou schalt axe of God, God schal ȝyue to thee. Jhesus
981seith to hir, Thi brother schal rise aȝen. Martha seith to
982hym, Y woot, that he schal rise aȝen in the aȝen risyng in
983the laste dai. Jhesus seith to hir, Y am aȝen risyng and lijf;
984he that bileueth in me, ȝhe, thouȝ he be deed, he schal lyue;
985and ech that lyueth, and bileueth in me, schal not die with
986outen ende. Bileuest thou this thing? Sche seith to hym,
987Ȝe, Lord, Y haue bileued, that thou art Crist, the sone of
988the lyuynge God, that hast come in to this world. And
989whanne sche hadde seid this thing, sche wente, and clepide
990Marie, hir sistir, in silence, and seide, The maister cometh,
991and clepith thee. Sche, as sche herd, aroos anoon, and cam
992to hym. And Jhesus cam not ȝit in to the castel, but he
993was ȝit in that place, where Martha hadde comun aȝens hym.
994Therfor the Jewis that weren with hir in the hous, and
995coumfortiden hir, whanne thei sayn Marie, that sche roos
996swithe, and wente out, thei sueden hir, and seiden, For
997sche goith to the graue, to wepe there. But whanne Marie
998was comun where Jhesus was, sche seynge hym felde doun
999to his feet, and seide to hym, Lord, if thou haddist be
1000here, my brother hadde not be deed. And therfor whanne
1001Jhesu saiȝ hir wepyng, and the Jewis wepynge that weren
1002with hir, he made noise in spirit, and troblide hym silf,
1003and seide, Where han ȝe leid hym? Thei seien to hym,
1004Lord, come and se. And Jhesus wepte. Therfor the
1005Jewis seiden, Lo! hou he louede hym. And summe of hem
1006seiden, Whethir this man that openyde the iȝen of the borun
1007blynde man , myȝte not make that this schulde not die?
1008Therfor Jhesus eft makynge noise in hym silf, cam to the
1009graue. And there was a denne, and a stoon was leid
1010theronne. And Jhesus seith, Take ȝe awey the stoon.
1011Martha, the sistir of hym that was deed, seith to hym, Lord,
1012he stynkith now, for he hath leye foure daies.

chapter, verse XI,40

1013Jhesus seith
1014to hir, Haue Y not seid to thee, that if thou bileuest, thou
1015schalt se the glorie of God? Therfor thei token awei the
1016stoon. And Jhesus lifte vp hise iȝen, and seide, Fadir, Y
1017do thankyngis to thee, for thou hast herd me; and Y wiste,
1018that thou euermore herist me, but for the puple that stondith
1019aboute, Y seide, that thei bileue, that thou hast sent me.
1020Whanne he hadde seid these thingis, he criede with a greet
1021vois, Lazarus, come thou forth. And anoon he that was
1022deed, came out, boundun the hondis and feet with boondis,
1023and his face boundun with a sudarie. And Jhesus seith
1024to hem, Vnbynde ȝe hym, and suffre ȝe hym to go forth.
1025Therfor many of the Jewis that camen to Marie and Martha,
1026and seyn what thingis Jhesus dide, bileueden in hym. But
1027summe of hem wente to the Farisees, and seiden to hem,
1028what thingis Jhesus hadde don. Therfor the bischopis and
1029the Farisees gadriden a counsel aȝens Jhesu, and seiden,
1030What do we? for this man doith many myraclis. If we
1031leeue hym thus, alle men schulen bileue in hym; and
1032Romayns schulen come, and schulen take our place and
1033oure folk. But oon of hem, Cayfas bi name, whanne he
1034was bischop of that ȝeer, seide to hem, Ȝe witen nothing,
1035ne thenken, that it spedith to ȝou, that o man die for the
1036puple, and that al the folc perische not. But he seide not
1037this thing to hym silf, but whanne he was bischop of that
1038ȝeer, he prophesiede, that Jhesu was to die for the folc,
1039and not oneli for the folc, but that he schulde gadere in
1040to oon the sones of God that weren scaterid. Therfor
1041fro that dai thei souȝten for to sle hym. Therfor Jhesus
1042walkide not thanne opynli among the Jewis; but he wente
1043in to a cuntre bisidis desert, in to a citee, that is seid Effren,
1044and there he dwellide with hise disciplis. And the pask of
1045the Jewis was niȝ, and many of the cuntrey wenten vp to
1046Jerusalem bifor the pask, to halewe hem silf. Therfor
1047thei souȝten Jhesu, and spaken togidere, stondynge in the
1048temple, What gessen ȝe, for he cometh not to the feeste day?
1049For the bischopis and Farisees hadden ȝouun a maundement,
1050that if ony man knowe where he is, that he schewe, that thei
1051take hym.