1B14.57

page 483

    
2Willelmes cyninges asetnysse.
3Wilhelm cyng gret ealle þa þe ðys gewrit to cymð ofer eall
4Englaland freondlice & beot & eac cyð eallum mannum ofer eall
5Angelcynn to healdenne, þæt is.
6Gif Englisc man beclypað ænigne Frænciscne mann to orneste
7for þeofte oððe for manslihte oððe for
8ænigan þingan, þe gebyrige ornest fore to beonne oððe dom
9betweox twam mannum, habbe he fulle leafe
10swa to donne.
11& gif se Englisca forsæcð þæt ornest, þe Frencisca, þe
12se Englisca beclypað, ladige hine mid aþe ongean hine mid
13his gewitnesse æfter Norðmandiscere lage.
14Eft: Gif Frencisc man beclypað Engliscne man to orneste for
15ðam ylcan þingan, se Englisca be fulre

page 484

16leafe hine werige mid orneste oððe mid irene, gif him þæt
17gecwemre byð.
18& gif he untrum byð & nelle þæt ornest oððe ne mage,
19begyte him lahlicne spalan.
20& gif se Fræncisca byð ofercuman, he gyfe þam cynge
21III pund.
22& gif se Englisca nele hine werian mid orneste oððe mid
23gewitnesse, he ladige hine mid irene.
24æt eallan utlaga þingan se cyng gesette, þæt se Englisca
25ladige hine mid irene.
26& gif se Englisca beclypað Frencisne mid utlagan þingan &
27wille hit þonne on him gesoðian, se Fræncisca bewerie
28hine mid orneste.
29& gif se Englisca, ne durre hine to orneste beclypian, werige
30hine se Fræncisca mid unforedan aðe.