1B15.6.47

page 54

    
2þis is Wulfgates gecwide æt Dunnintune.
3þæt is þonne þæt he geann ærest Gode his sawelscættas,
4þæt is I hid æt Tærdebicgan & I pund penega
5& VI & twentig freotmonna for his sawle & into Wigeracæstre
6an bryþen mealtes healf of Dunnintune healf
7of Cylleshale & into sancte Æþelbrihte healfes pundes
8weorð & into sancte Guðlace healfes pundes
9weorð & into Leomynstre IIII aldhryðra & into Bromgearde
10I hryðer oðer into Cliftune & into Heantune
11IIII hryðra & to Pencric II hryðra & into Tweongan
12II hryðra.
13& he geann forgifnesse ælcan þara þe wið hine agylt hæbbe
14for his sawle þearfe.
15& he geann anes geares gafol his monnum to gyfe.
16Swa heo þa are brucon swa heo þa ælmessan gelæstan þa
17ðer to londe foð.
18& he geann his hlaforde II hors & II sweord & IIII
19scyldas & IIII spera & X mæran mid X coltan.
20& he bit his hlaford for Godes lufan þæt he beo his wifes
21freond & his dohter.
22& he ann his wife þæs landes æt Cylleshale & æt Eowniglade
23& æt Hrodene þa hwile hire dæg beo.
24& ofer hire dæg ga þæt land eft in min cynn þa ðær
25nehste syn.
26& Wulfgyfe minre dohter þæt land æt Dunnintune swa hit
27stont & æt þornbyrig þæt land þe wæs mid hire
28moder golde geboht æt Leofnoðe & Wulfgyfe suna mire dohter
29þæt land

page 56

30æt Ingewyrðe & Wilflede minre
31dohter þa oðre hide æt Tærdebicgan & Ælfilde mire magan
32þa hide beneoþan wuda eall swa wit on wedd gesealdon.
33& gif ic lengc beo þonne heo þonne hæbbe ic þæt land æt
34Wrotteslea.
35& ealle þa ðe to mire ahte fon gylde Brune XX mancses
36goldes.
37& ic geann him VI mæran.
38mid VI coltan to þance.
39& þa hors þa þe þær to hlafe beon mine wife & minre
40dohtran eallum gelice fela.
41& þeo wellinc æt þære wic into Dunnintune.
42& Æþelsige, leof, cyð þis mine hlaforde & ealle mine
43freondum.