page 146

1

XLVIII

2

THE PHOENIX HOMILY.

3
4    Sanctus Johannes ȝeseh ofer garseg swylc hit an land wære.
5Þa ȝenam hine se ængel & ȝebrohte hine to neorxenewange.
6Neorxenewange nis naðer ne on heofene ne on eorðe. Seo boc
7sæȝð ꝥ Noes flod wæs feowrtig fedmen heh ofer þa hegesta dunen
8þe on middenearde synden, & neorxenewang is feowrtiȝ fedme herre
9þone Noes flod wæs, & hit hangeð betwonen heofone & eorðen
10wunderlice, swa hit se Eallwealdend ȝescop, & hit is eall
11efenlang & efenbrad. Nis þære naðer ne dene ne dune. Ne þære
12ne byð ne forst ne snaw ne hagel ne reign, asac þær is fons uite , ꝥ is
13lifes welle. Þonne Kalendas Januarii inn gað, þonne flowð seo
14welle swa fæȝere & swa smoltlice & na deoppere, þone mann mæiȝ
15ȝewæten his finger on forewarde, ofer eall ꝥ land. & swa ȝelice
16ælce monðe ane siðe, þonne se monð inn cumð, seo welle onginð
17flowen; & þær is se fægere wudeholt þe is ȝenemmed Radion
18saltus ; þær is ælc treow swa riht swa bolt & swa heh, ꝥ nan eorðlic
19mann ne ȝeseh swa heh, ne seggen ne cann hwilces cynnes heo
20synden. Ne fealleð þær næfre leaf of, ac heo byð singrene, wlitiȝ
21& wynsum, welena unrim. Neorxenewange is upprihte on eastewearde
22þisse wurlde. Nis þær ne hete ne hunger; ne þær niht
23nefre ne byð, ac simble dæiȝ. Sunne þær scineð seofen siðe

page 147

24brihtlycor þone on þissen earde. Þær wuneð on Godes ængles
25unrim mid þan halgen sawlen oðð domes dæiȝ. Þær
26wuneð on an fugel fæȝer Fenix gehaten, he is mycel & mære swa
27se Mihtiȝe hine ȝescop, he is hlaford ofer eall fugel cynn. Ælcere
28wuca ane siðe se fæȝere fugel hine baðeð on þære lifes welle; &
29þonne flihð se fugel & ȝesett uppe ꝥ hegeste trow onȝean þære
30haten sunne. Þonne scinð he swa sunne leome & he gliteneð swilc
31he gyldene seo. His feðeren synden ængles feðeren gelice, his
32breost & bile brihte scineð, fæȝere & fage. Feawe synden swylce.
33Hwat! his eagene twa æðele synden swa clæne swa cristal & swa
34scire swa suneleome. His fet synden blodreade beȝen, & se bile
35hwit. Hwæt! se fægre fugel flihð of his earde, se þe is fæȝere
36Fenix ȝehaten. Þonne wuneð he witodlice on Egiptelande fiftene
37wucan feste togædere. Þonne cumeð him to, swa swa to heora
38kinge fageninde swyðe, eall ꝥ fugel cinn & fæȝere ȝegreteð ealle
39Fenix, writiȝeð & singeð ealle abuten him, ælc on his
40wisen, ealle hine heriȝeð. Þonne ferð ꝥ folc feorrene swyðe,
41wafiȝeð & wundrigeð, wylcumiȝeð Fenix. Hal beo þu Fenix! fugele
42fæȝerest! feorren þu come. Þu glitenest swa read gold, ealra
43fugela king, Fenix ȝehaten. Þonne wyreceð heo of wexe & writeð
44Fenix, & meteð hine fæȝere þær se madme stant. Þonne fagenegeð
45þære fugeles ealle fæȝere & fage, feale togædere fealleð to foten.
46Fenix greteð. His stemne is swa briht swa beme, & his sweora
47swylce smete gold, & his forebreost fæȝere ȝeheowed, swylce
48marmelstan mære scinnes, & him on read heow rudeð on þan
49hrynge gold felle ȝelic gliteneð Fenix. Þonne færð eft se fugel
50fæȝere to his earde emb fiftene wucan, & fugeles maniȝe ealle him
51abuten efne ferden ufene & nyðene, & on ælce healfe, oððet heo
52nehiȝeð neorxenewange. Þær inn ȝefærð Fenix, fugele fæȝerest,
53& eall oðer fugel cinn to heora earden ȝewændeð. Nu sæiȝð
54her Sanctus Johannes soðen worden, swa se wyrhte cann,
55ꝥ æfre binnen an þusend wintren þynceð Fenix, ꝥ he forealdod
56seo; ȝegadered togædere ofer eall Paradis þa deorwurðe boges &
57heapeð tosamne, & þurh Godes mihte & þære sunne leome, se heap
58byð onæled; & þonne fealleð Fenix on middan ꝥ micele fyr, & wurð
59forbærned eall to duste. Þonne on þan þriddan dæȝe ariseð se
60fæȝere fugel Fenix of deaðe, & byð eft edȝung & færð to þære lifes

page 148

61welle, & baðað hine þær inne, & him wexeð on feðeren swa fæȝere
62swa heo æfre fæȝerest wæren. Þuss he deð æfre binne þusend
63wintren. He hine forbærnð & eft edȝung upp ariseð, & næfð he
64nænne ȝemaca, & nan mann ne wat, hweðer hit is þe karlfugel, þe
65cwenefugel, bute God ane. Þes halge fugel is Fenix ȝehaten, wlitiȝ
66& wynsum, swa hine God ȝescop. & þuss he sceal drigen Drihtenes
67wille, se þe is on heofone heh & haliȝ, ealra kinge King. Crist us
68ȝeneriȝe ꝥ we on wynne wuniȝen mote mid þan þe leofeð & rixeð
69a bute ænde. Amen.