page 89

1

XXXIII

2

SIGNS OF THE LAST JUDGEMENT.

3
4    On þan nexten fiftene dagen beforen domesdæge, sculen gewurðen
5foretacnen, þe bodieð & tacnieþ þone styrnlicne ege, þe God
6sceaweð þan arleasen, þone he demen sceal rihtwisen & unrihtwisen.

page 90

7On þan formen dæige, se sæ heo onhefð ofer ealle dunen
8feowertig elnen on hehnysse swa swa weall, & swa hit byð fram
9morgen oð æfen. On þan oðren dæige, seo sæ besincð inn agean
10swa deope, ꝥ uneaðe man gesicð ꝥ ufemeste, & swa hit byð eallne
11dæig. On þan þridden dæige, heo gecerð to hire rihte gecynde
12mid eallen hire streamen, þe heo hæfde æt frymðen, þa þa God
13ærest toscelede wæter fram lande. On þan feorðen dæige, ealle
14sælice deor & fissces heo æteowigieð bufe þan yðen &
15bellgigeð swa swa mid mænnisscre reorde, ac þehhweðere ne
16understant nan mann heora gereord bute God ane; & ꝥ byð to
17tacnunge þære eorre, þe God cyðð þan synfullen on domes dæige.
18On þan fiften dæige, ealle wyrte & ealle treowwes ageafeð read swat
19swa blodes dropen. Þæt doð þa wyrten, for þy ꝥ þa synfulle mæn
20heo træden, & þa treowwen, for þan þe þa synfulle hæfden freome
21of heom & of heora wæstmen. On þan sixten dæige sculen slean
22togædere ealle stanes lytle & mycele, & ælc stan tobrytt on feower
23hloten, & ælc þære hloten fiht wið oðer, oððet heo eall to duste
24gewurðeð. ꝥ heo doð forþan, ꝥ þa arlease mænn of heom worhten
25steples & castles, ꝥ heo þær mid swæncten geleaffulle mænn &
26Godes þearefen. On þan seofeðen dæige wurðeð geemnode denen
27& dunen, swa ꝥ eall eorðe byð smeðe & emne. ꝥ betacned, ꝥ God
28ne forsihð þæs þearfendan ansene, ne ne wurðeð þæs mihtiges
29mannes modignysse, ac besicð to ælces mannes gewyrhten.
30On þan ehteðen dæige gewurðð swylc eorðstyrung, ꝥ
31eall middeneard beofeð fram eastdæle to westdæle, for þan þe he
32abær þær mannen unrihtwisnysse. On þan nigeðen dæige tofealleð
33castles, & steples, & hus, & circen, & ealle getimbrunge lytle & mycele,
34for þan þe þa synfulle hæfden þæron heora wununge. On þan
35tenðen dæige, heo gegaderigeð ealle deaddre manna lymen, swa
36ꝥ gyf an mann wære dead on middewearden, & his an hand oððe
37fot wære on eastdæle, & his oðer lym on westdæle, þehhweðere heo
38cumeð togædere ælc to his lichame, & ælc lichame arist oð his
39byrigeles brerd. On þan ændeleften dæge eorneð wilddeor beo
40tunen, & felden, & manna wunungen, swa swa heo beon wittlease.
41On þan twelften dæige eorneð mænn geond eall middeneard
42byfigende & drædende Cristes tocyme to demene cwican & deaden,
43swa ꝥ se were ne gret his wif, ne ꝥ wif hire were, þeh heo heom
44gemeten, ac byð swa swa wittlease & unspecende. Ne heo ne eteð,
45ne heo ne drincað. On þan þreottende dæige fealleð sunne & mone,

page 91

46& ealle steorren, for þan þe heo geafen leome þan
47yfelen mannen. On þan feowertenðen dæige, ealle libbende mænn
48gewurðeð deade, swa ꝥ heora nan ne byð gebyrod, ac fyr cumð
49& forbærnð þa eorðe, for þan þe heo fostrede þa synfulle & þa
50arlease. On þan fiftenðe dæige cumð flod & geswyleð þa æsscen,
51& besæncð ealle þa unclænnyssen into þære eorðe deopnysse, swa
52ꝥ on middenearde ne belæfð naht unclænes gesene.