page 88

1

XXXII

2

NATHANIS JUDAEI LEGATIO.

3
4    On Tiberies dagen þæs mycele caseres, hit gelamp binnen lyttle
5fæce æfter þan þe Crist ahangen wæs, ꝥ sum æðele mann wæs,
6þæs name wæs Tirus. & he wæs on Equitania rice king under
7Tiberie þan casere, & he wæs gelomest wunigende on þære ceastre
8Libie. & he wæs se ilca Tirus swa unhal on his andwliten, ꝥ ꝥ
9adle, þe cancre hatte, him wæs on þan nebbe fram þan swyðre
10nosþyrlle, oððet hit com to þan ege. & wæs, ꝥ sum man wæs
11farende of Judea lande, þæs name wæs Natan. He wæs anes
12burhmannes sune on Israele lande, þæs name wæs Nau; & se ilce
13Nathan wæs forliðen, ꝥ he wæs gefaren fram ælcen lande to oðren,
14& fram sæ to sæ, swa ꝥ he hæfde ealle eorðe gemæren þurhfaren.
15& se ilca Nathan wæs gesænd fram Tiberie þan casere to Romesbyrig,
16to þan ꝥ he scolde his ærende læden Claudium, & he ferde
17forð on þære sæ, & se suðerne wind hine bedraf to þære burh
18Libia. & Tirus þær burge hlaford ꝥ gefran & gecneow beo heora
19færelde, ꝥ heo of Judea lande wæron, & cwæð, 'Næfre
20ic ær swylcne wunder ne geseh, ꝥ of Judea lande scipen scolden
21hider cumen.' & Tirus þider sænde & het ꝥ þider scolde to him
22cumen, se þe eldest wære on þan scipe. Nathan him sone com to,
23& Tirus him sone axede, 'Hwæt eart þu, & hwanen come þu hider?'
24He him andswerede, 'Ic eam Nathan, Naos sune, & ic eam of
25Grecane rice, & ic of Judean wæs þan Pontisscen Pilate underðeodd,

page 89

26& ic eam gesænd fram þan casere Tiberie to Claude & me wæs
27se suðerne wind beæften, & hider adraf & awræc, ꝥ ic nat, hwar ic
28eam.' Tirus þa cwæð, 'La, gyf þu mihtest ænige bote me finden of
29minen yfele, ic þe wolde gyfen gold & seolfer swa mycel swa þin
30scip heonne ferigen wolde.' & he him his yfel æteowde. Þa cwæð
31Nathan, 'Læt þe fulhtigen on name þæs Fæder & þæs Sunen & þæs
32Halgen Gastes, þonne byst þu sone hal.' Tirus his worden gelefde,
33& fulht underfeng, & he wæs sone hal þurh rihten geleafe, & swa
34fæger & swa strang, swa he wæs þa þa he wæs þrittig wintre; &
35he þa ealle his þeode to cristendome awænde, & his
36godes on fyre forbærnde, & halige mynstres arærde, & halige rode
37þær inn gesette. & he þa Nathan & his ærendraca æfter his broðre
38Titus & Vaspasius sænde, & wiðinnen feower wucan comen to him
39mid mycelen ferde, & heo þa befrinen þone casere, hwæt heo
40scolden, & he heom atealde of þan Nazarenisscen kinge, hwu he
41gepined wæs, & ealle þa wundra, þe he on Jerusalemes lande
42worhte, & he æteowde his unhæle, & hwu he fulluht underfeng &
43ciricen hrærde, & þæron belefde, & begen his broðren þa to cristendome
44awænde, & heo to Jerusalem asænde, & mid mycele ferde þa
45burhware uten belagen. Titus & Vaspasius & Tirus ferden geond
46eall ꝥ land, & ealle þa Judees ofslogen, þe Criste nolden heren &
47fulluht underfon. & heo lagen abuten þa ceastre, ꝥ heo næfden
48nænne bigleofe; & heo inne þære ceastre namen to hræde, ꝥ heora
49ælc oðerne ofsloh. & heo þa eall ꝥ land to cristendome awænden.
50Þa com Godes bebod ofer heom, eall swa heo ær abæden, ꝥ wæs his
51wraca, ꝥ heo syððen æfre unwurðe wæron on heora
52lifdagen, & get synden underlinges, for þan þe heo heora hlaford
53belæwden; ne wurð of heom næfre cyng ne ealdor ofer land ne ofer
54burh. Þiss synd þa gedone þing, þe beo uren Ælmihtige Hlaford
55Godes Sune gedone wæron, þan seo lof & wille & wyrðmynt
56Fæder & Sune & þan Halgen Gaste aa buten ænde. Amen.