1B5.1

page 25

    
2Her kið hu Saturnus and Saloman fettode ymbe heora wisdom.
3þa cwæt Saturnus to Salomane, Sage me hwer God sete
4þa he geworhte heofonas and eorðan?
5Ic þe secge, he sætt ofer winda feðerum.
6Sage me hwilc word ærust forðeode of Godes muðe?
7Ic þe secge, Fiat Lux et est factafacta est Lux .
8Saga me for hwilcum ðingum heofon sy gehaten heofon?
9Ic ðe secge forþon he behelað eall þæt hym be ufan byð.
10Saga me hwæt ys God?
11Ic þe secge þæt ys God þe ealle ðing on hys gewealdum
12hafað.
13Saga me on hu fala dagum God geworhte ealle gesceafta?
14Ic þe secge on vi dægum God gesceop ealle gesceafta.
15On þam ærostan dæge he gesceop leoht.
16On þam æfteran dæge he gesceop þa gesceapu, ðe þisne
17heofon healdað.
18On þam þriddan dæge he

page 26

19gesceop sæ and eorðan.
20On þam feorðan dæge he gesceop heofonæs tunglon.
21And on ðam v dæge he gesceop fixas and fugelas.
22And on ðam vi dæge he gesceop deor and nytenu and Adam
23ðone ærostan man.
24Saga me hwanon wæs Adames nama gesceapen?
25Ic þe secge fram iiii steorrum.
26Saga me hwæt hatton þage?
27Ic þe secge Arthox, Dux, Arotholem, Minsymbrie.
28Saga me þæt andworc þe Adam wæs of geworht, se ærustan
29man?
30Ic ðe secge of viii punda gewihte.
31Saga me hwæt hatton þage?
32Ic ðe secge þæt æroste wæs foldan pund of ðam him wæs
33flesc geworht.
34Oðer wæs fyres pund þanon hym wæs þæt blod read and
35hat.
36ðridde wæs windes pund þanon hym wæs seo æðung geseald.
37Feorðe wæs wolcnes pund þanon hym wæs his modes
38unstaðelfæstnes geseald.
39Fifte wæs gyfe pund þanon hym wæs geseald sefa and geðang.
40Syxste wæs blosmena pund þanon hym wæs eagena myssenlicnys
41geseald.
42seofoðo wæs deawes pund ðanon him becom swat.
43Eahtoðe wæs sealtes pund þanon him wæron þa tearas
44sealte.
45Saga me on hwilcere ylde wæs Adam ða he geseapen wæs?
46Ic þe secge he wæs on xxx wintra yldo.

page 27

47Saga me hu lang wæs Adam on længe geseapen?
48Ic ðe secge he wæs vi and cx ynca lang.
49Saga me hu fela wintra leofode Adam on þissere worulde?
50Ic þe secge he leofode ix hund wintra and xxx wintra
51on geswince and on yrmðe, and syððan to
52helle ferde and þar grimme witu ðolode v þusend wintra
53and twa hund wintra and viii and xx wintra.
54Saga me hu fela wintra hæfede Adam ær he bearn strinde?
55Ic þe secge an hund wintra and xxx wintra ær he bearn
56strinde.
57And þa gestrinde he bearn on hys cnihthade se hatte Seth,
58and he þa leofode ealles nygon hundred
59wintra and xxx wintra on þissere worulde.
60ða lyfde Seth hys sunu an hund wintra and v wintra ær
61he bearn gestrinde and þa gestrinde he bæarn
62on hys cnihthade se hætte Enos, and ða lyfde he hym
63sylf ealles nygon hund wintra and xii
64wintra.
65ða hæfede Enos an hund wintra, þa gestrinde he Chanan and
66þa lyfde he Enos ealles nygon hund wintra
67and v wintra.
68And ða hæfede Chanan lxx wintra, þa gestrinde he
69Malaleh, and Canan lyfde þa ealles nygon hund wintra
70and x wintra.
71ða hæfede Malaleh v and lx wintra, ða gestrinde he
72Jared, and Malaleh he lyfde ealles nygon hund
73wintra and v wintra.
74ða hæfede Jared ii and lx wintra and an hund
75wintra, þa gestrinde he Enoh, and Jared hys fæder
76lyfde ealles eahta hund wintra and ii and lx wintra.
77ða hæfede Enoh v and lx wintra, þa gestrinde he
78Matusalem.
79And Enoh lyfde ealles ccc wintra and v and lx
80wintra.
81ða genam hine God myd sawle and mid lychaman up in þone
82heofon.
83ða hæfede Mathusalem vii and lxxx wintra and an hund
84wintra, þa gestrinde he Lamec, and Matusalem
85hys feder lyfde ealles nygon hunð wintra and ix and
86lx wintra.
87ða hæfede Lamec and hund wintra and lxxxii wintra, þa
88gestrinde he Noe, and Lamec lyfde ealles vii

page 28

89hund wintra and lxxvii wintra.
90ða hæfede Noe d wintra ða gestrinde he bearn, Sem,
91Cham, Jafet, and Noe lyfde ealles in ðissere
92worulde dcccc wintra and l wintra.
93Saga me hu fæla þeoda awocon of hys iii bearnum?
94Ic þe secge, lxxii þeoda sindon.
95And of Seme hys yldestan suna awocon xxx, and of Cham
96xxx, and of Jafeðe xii.
97Saga me hwæt wæs se ðe acenned næs and æft bebyrged was
98on hys moder innoðe and æfter þam deaðe gefullod
99wæs?
100Ic þe secge, þæt was Adam.
101Saga me hu lange lyfde Adam on neorxenawange?
102Ic þe sæcge ... AN ERASURE IN MS and on þam
103... AN ERASURE IN MS he abyrgde þa farbodenan fictrewæs
104blæda, and þæt on Frigdæg, and þurh
105þæt he was on helle v
106ðusend wintra and ii c wintra and viii and
107xx wintra.
108Saga me of Sancta Maria ylde.
109Ic þe secge heo wæs iii and syxtig geara eald þa heo
110belyfon wæs, and heo wæs xiiii wintra þa
111heo Crist cende, and heo wæs myd him xxxiii geara on
112myddaneardde, and heo was xvi ger æfter
113hym on worulde.
114And fram Adame and of frimðe myddaneardes was on getal
115gerimes oð ðone micclan Noes flod ii ðusend
116wintra and ii c wintra and ii and lx wintra.
117And fram ðam flode þa wæs oð Abrahames gebyrtide
118ixc wintra and ii and xl wintra.
119And fram Abrahame was þa forð oð Moises tid and Israela
120oferfar ut of Egyptum v c wintra and viii wintra.
121And fram frimðe myddaneardes on Cristes ðrowunge wæron
122vi ðusend wintra and c wintra and viii
123and l wintra.

page 29

124Saga me hu lange worhte men Noes earce?
125Ic þe secge lxxx wintra of ðam treowcinne
126þe ys genemned Sem.
127Saga me hwæt hatte Noes wyf?
128Ic þe secge heo hætte Dalila.
129And hwæt hatte Chames wif?
130Jaitarecta heo hatte.
131And hwæt hatte Jafeðes wyf?
132Ic þe secge Catafluuia heo hatte.
133And oðrum naman hyg sindon genemnede, Olla and Ollina and
134Ollibania, swa hyg ðreo hatton.
135Saga me hu lang was Noes flod ofer eorðan?
136Ic þe secge xl daga and nihta.
137Saga me hu lang was Noes earc on lenge?
138Ic þe secge heo was ccc fæðema lang and l fæðema
139wid and xxx fæðema heah.
140Saga me hwæt sunu hæfede Adam?
141Ic þe secge xxx sunena and xxx dohtra.
142Saga me hwilc man atimbrode ærust cæastræ?
143Ic ðe secge Enos hatte and was Niniuem seo burh, and wæron
144þarin gemanna hund tweltig ðusenda and
145xx þusenda.
146And Hierusalem seo burh heo wæs ærost ofer þam Noes
147flode getymbrod.
148And hwæt hætte seo burh þær sunne up on morgen gæð?
149Ic þe secge Iaiaca hatte seo buruh.
150Saga me hwar gæð seo sunne on æfen to sætle?
151Ic þe secge Garita hatte seo burh.
152Saga me hwilc wyrt ys betst and selust?
153Ic þe secge lilige hatte seo wyrt for þon TORONTO
154CORPUS: forþon þe heo getacnað Crist.

page 30

155Saga me hwilc fugel ys selust?
156Ic ðe secge culfre ys selust.
157Heo getacnað þone halegan gast.
158Saga me hwanon cymð ligetu?
159Ic secge heo kimð fram winde and fram watere.
160Saga me hwilc water ys selust?
161Ic þe secge Jordanem seo ea ys selust forþon ðe Crist was
162on hyre gefullod.
163Saga me hwader gewiton þa engelas þe Gode Wyðsocon on
164heofona rice?
165Ic þe secge hyg todældon on þri dælas, anne dæl he asette
166on þæs lyftes gedrif, oðerne dæl on þæs
167wateres gedryf, þriddan dæl on helle neowelnysse.
168Saga me hu fela ys woruldwatra.
169Ic þe secge twa syndon sealte sæ and twa fersce.
170Saga me hwilc man erost wære wyð hund sprecende?
171Ic þe secge Sanctus Petrus.
172Saga me hwilc man aðohte ærust myd sul to æriende?
173Ic þe secge þæt wæs Cham Noes sunu.
174Saga me for hwam stanas ne synt berende?
175Ic þe secge for ðon þe Abeles blod gefeoll ofer stan, þa
176hyne Cham hys broðer ofsloh myd annes esoles cyngbane.
177Saga me hwæt ys betst and wyrst betwinan mannon?
178Ic þe secge word ys betst and wyrst betwix mannon.

page 31

179Saga me hwæt ys cuðost mannon on eorðan to witanne?
180Ic þe secge þæt nys nænygum men nanwyht swa cuð swa he
181sceal deað þrowian.
182Saga me hwæt syndon þa iii ðing þe nan man buton
183lufian THE MS SPELLING lufian STANDS FOR lyfian ne mæg?
184Ic þe secge on ys fyr, oðer ys wæter, ðridde ys ysen.
185Saga me hwilc treow ys ealra treowa betst?
186Ic þe secge þat ys wintreow.
187Saga me hwar resteð þas mannes sawul þone se lychaman
188slepð?
189Ic þe secge on þrim stowum heo byð, on þam bragene,
190oððe on þere heortan, oððe on þam blode.
191Saga me forhwan wæs seo sæ sealt geworden?
192Ic þe secge of ðam x wordon ðe Moises gesomnode in
193þære ealdan æ, Godes bebode.
194And he awearp þa x word in ða sæ and hys tearas aget
195in ða sæ, forþon wearð seo sealt.
196Saga me hwæt wæron þa worð?
197Ic þe secge þæt forme word wæs Non habeas EDITION:
198habeos Deos alienos , þæt ys, Ne lufa þu oðerne
199God ofer me.
200þæt oðer worð wæs Non adsumes nomen Domini in uanum ,
201Ne cig þu Godes naman on ydel.
202þæt ðridde word wæs Healdað þone haligan
203restendæg.
204ðæt feorðe word wæs Ara þinon fæder and þinre
205meder.
206þæt v word wæs

page 32

207Non occides , Ne sleh þu man unscildine .
208þæt vi word wæs Non mechaberis , on unriht ne hæmð
209þu.
210þæt vii word wæs Ne stala þu.
211þæt viii word wæs Ne sæge lease gewitnysse.
212þæt ix word wæs Non concupiscens rem et omnia proximi
213tui , Ne gewilna ðu oðres mannes æhta myd
214unrihte.
215þæt x word wæs Non concupiscens uxorem proximi
216tui , Ne gewilna ðu oðres mannes wyfes on unriht.
217Saga me hwær ys Moyses byrgen ðæs kininges?
218Ic þe secge heo ys be þam huse þe Fegor hatte, and nan man
219nys þe hyg wite ær þam miclan dome.
220Saga me for hwilcum þingum þeos eorðe awyrgeð wære
221oððe æft gebletsod?
222Ic þe secge þurh Adam heo wæs awirged and þurh Abeles
223blod and æft heo wæs gebletsod þurh Noe and
224Abraham and þurh fulluhte.

page 33

225Saga me hwa wingeard erost plantode?
226Ic þe secge þæt wæs Noe se heahfæder.
227Saga me hwa nemde ærost Godes naman?
228Ic þe secge se deoful nemde ærost Godes naman.
229Saga me hwæt ys hefogost to berende on eorðan?
230Ic þe secge mannes synna and hys hlafordes yrre.
231Saga me hwæt ys þæt oðrum licyge and oðrum myslycige?
232Ic þe secge þæt is dom.
233Saga me hwæt syndon þa iiii ðing ðe næfre fulle
234næron, ne næfre ne beoð?
235Ic þe secge an ys eorðe, oðer ys fir, ðridde ys hell,
236feorðe ys se gytsyenda man worulde welena.
237Saga me hu fela ys fleogendra fugelcynn?
238Ic þe secge iiii l.
239Saga me hu fela ys fisccynna on wætere?
240Ic ðe secge vi and xx.
241Saga me hwilc man ærost mynster getimbrode?
242Ic þe secge Elias and Eliseus þa witega and æfter fulluhte
243Paulus and Antonius þa ærostan ancran.
244Saga me hwæt syndon þa streamas and þa ean ðe on
245neorxenawange flowað?

page 34

246Ic ðe secge heora syndon iiii.
247Seo æroste hatte Fison, seo oðer hatte Geon, and seo
248iii hatte Tygres, seo feorðe Eufraten, þæt
249ys meolc and hunig and æle and win.
250Saga me forhwan byð seo sunne read on æfen?
251Ic þe secge forðon heo locað on helle.
252Saga me hwi scyneð heo swa reade on morgene?
253Ic þe secge forðon hire twynað hwæðer heo mæg þe ne
254mæg þisne myddaneard eondscynan swa hyre beboden ys.
255Saga me þas iiii wætera þe þas eorðan fedað?
256Ic þe secge þæt ys snaw and wæter and hagol and deaw.
257Saga me hwa ærost bocstafas sette?
258Ic þe secge Mercurius se gygand.
259Saga me hwæt bockinna and hu fela syndon?
260Ic þe secge Kanones bec syndon ealra twa and hundseofontig,
261eall swa fela ðeoda syndon on gerime,
262and eall swa fela leornyngcnihta buton þam xii apostolum.
263Mannes bana syndon on gerime ealra cc and xviii.
264Mannes addre þa beoð ealra ccc and v and
265lx.
266Mannes toða beoð on eallum hys lyfe ii and xxx.
267On xii monðum beoð ii and l wucena and
268ccc dagena and v and lx daga.
269On xii monðum beoð ehta þusend tyda and vii
270hund tyda.
271On xii monðum þu sealt syllan þinon ðeowan men
272vii hund hlafa and xx hlafa buton morgemetten
273and nonmettum.