1B15.6.27

page 10

    
2Ic Badanoð Beotting cyðo & writan hato hu min willa is
3ðet min ærfe lond fere ðe ic et
4Aeðeluulfe cyninge begæt & gebohte mid fullum friodome on
5æce ærfe, æfter minum dege & minra ærfewearda,
6ðet is mines wifes & minra bearna.
7Ic wille ærist me siolfne Gode allmehtgum forgeofan to ðere
8stowe æt Cristes cirican & min bearn
9ðęr liffest gedoan & wiib & cild ðæm hlaforde & higum &
10ðære stowe befestan ober minne dei to friðe &
11to mundbyrde & to hlaforddome on ðæm ðingum ðe him ðearf
12sie.
13& hie brucen londes hiora dei & higon gefeormien to minre tide
14swæ hie soelest ðurhtion megen &
15higon us mid heora godcundum godum swę gemynen swæ us arlic &
16him ælmeslic się.
17& ðonne ofer hiora dei wifes & cilda ic bebeode on Godes
18noman ðæt mon agefe ðæt lond inn higum to
19heora beode him to brucanne on ece ærfe swæ him liofast sie.
20& ic biddo higon for Godes lufe ðæt se monn se higon londes
21unnen to brucanne ða ilcan wisan leste
22on swæsendum to minre tide & ða godcundan lean minre saule
23mid gerece swę hit mine ærfenuman ær
24onstellen.
25ðonne is min willa ðæt ðissa gewriota sien twa gelice,
26oðer habben higon mid boecum oðer mine
27ærfeweardas heora dei.
28ðonne is ðes londes ðe ic higum selle, XVI gioc ærðe
29londes & medwe all on æce ærfe to brucanne ge
30minne dei ge æfter swæ to ationne swæ me mest red & liofast
31sie.
32Ceolnoð arc~ episc~ ðiss writo & festnię mid Cristes
33rode tacne.
34Alchhere dux ðiss writo & ðeafię.
35Bægmund prb~ ab~ ðiss writo & ðeafię.
36Hysenoð pr~ ðiss writo & ðeafie.
37THE LISTS OF NAMES OMITTED