1B15.5.18

page 84

    
2þus wæron ða seox sulung æt Wuldaham sancte Andrea
3geseald into Hrofesceastre.
4æðelbryht cinc hit gebocode þam apostole on ece yrfe &
5betæhte hit ðam biscope Eardulfe to
6bewitenne & his æftergæncan.
7ða betweonan þam wearð hit ute & hæfdon hit cynegas oð
8Eadmund cinc.
9ða gebohte hit ælfstan Heahstaninc æt ðæm cince mid
10hundtwelftigan mancesan goldes & ðrittigan
11pundan & ðæt him sealde mæst eal ælfeh his sunu.
12æfter Eadmunde cincge ða gebocode hit Eadred cinc ælfstane
13on ece yrfe.
14þa æfter ælfstanes dæge wæs ælfeh his sunu his yrfewærd
15& þæt he beleac on halre tungon & ofteah
16ælfrice his breðer landes & æhta butan he hwæt æt him
17geearnode.
18ða for ðære broðorsibbe geuðe he him Earhiðes & Crægan
19& ænesfordes & Wuldahames his dæg.
20ða oferbad ælfeh ðæne broðor & feng to his læne.
21þa hæfde ælfric suna Eadric hatte & ælfeh nænne.
22ða geuðe ælfeh þam Eadrice Earhiðes & Crægan &
23Wuldahames & hæfde himsylf ænesford.
24þa gewat Eadric ær ælfeh cwideleas & ælfeh feng to his
25læne.
26ða hæfde Eadric lafe & nan bearn.
27þa geuþe ælfeh hire hire morgengife æt Crægan & stod
28Earhið & Wuldaham & Lytlanbroc on his læne.
29ða him eft geðuhte ða nam he his feorme on Wuldaham & on
30ðam oþran wolde ac hine geyflade.
31& he ða sænde to ðam arcebiscope Dunstane & he com to
32Scylfe to him & he cwæþ his cwide beforan him
33& he sette ænne cwide to Cristes cyrican & oðerne to sancte
34Andrea & ðane ðriddan sealde his lafe.
35ða bræc syððan Leofsunu ðurh þæt wif ðe he nam
36Eadrices lafe ðæne cwide & herewade þæs arcebiscopes
37gewitnesse rad ða innon ða land mid þam wife butan witena
38dome.
39þa man þæt ðam biscope cyðde ða gelædde se biscop
40ahnunga ealles ælfehes cwides to Earhiðe

page 86

41on gewitnesse ælfstanes biscopes on Lundene & ealles þæs
42hiredes & ðæs æt Cristes cyrican & ðæs biscopes
43ælfstanes an Hrofesceastre & Wulfsies preostes þæs
44scirigmannes & Bryhtwaldes on Mæreweorðe & ealra
45East Cantwarena & West Cantwarena.
46& hit wæs gecnæwe on Suþ Seaxan & on West Seaxan & on
47Middel Seaxan & on East Seaxan þæt se
48arcebiscop mid his selfes aðe geahnode Gode & sancte Andrea
49mid þam boca on Cristes rode ða land þe
50Leofsunu him toteah.
51& ðæne aþ nam Wulfsige se scirigman ða he nolde to ðæs
52cinges handa.
53& þær wæs god eaca ten hundan mannan ðe þane að sealdan.