1B15.6.46

page 52

    
2Ic Wulfgar an þæs landes æt Collingaburnan ofer minne
3dæg Æffan hiere dæg.
4& heo tilige uncer begea sawla þearfe gemænelice ðæron &
5feormige þrie dagas þa Godes þeowas þær
6min lic reste on þone gemynddæg & selle þam mæssepreoste
7fif peningas & þara oþra ælcum twegen.
8& ofer hiere dæg to Winteceastre þam niwan hierede for mine
9sawle to habbenne & to brucenne & na of
10þam mynstre to sellanne.
11& ic an þæs landes æt Ingepenne ofer minne dæg Æffan to
12brucenne & to bewitanne & þæt heo hæbbe
13ælce gere to þam tune ealra gearwæstma þa þrie dælas &
14þone feorþan to Cynetanbyrig þam Godes þeowum
15for mine sawle & for mines fæder & for mines ieldran fæder.
16þonne ofer hiere dæg into Cynetanbyrig to þære halgan
17stowe for Wulfgares sawle þe ic hit in selle
18& for Wulfrices & for Wulfheres þe hit ærest begeat to
19habbenne & to brucenne & næfre ut to
20sellanne.
21þonne an ic þæs landes æt Cræft ofer minne dæg Wynsige &
22Ælfsige & ealles þæs þe ic þæron begite.
23& ic an þæs landes æt Denforda ofer minne dæg Æþelstane
24& Cynestane gif hie me oþ þæt on ryht
25gehieraþ.
26& ic an þæs landes æt Butermere ofer minne dæg Byrhtsige
27twegea hida & Ceolstanes sunum anes gif
28hie me oð ðæt on ryht gehieraþ.
29& ic cweþe on wordum be Æsc mere on minum geongum magum
30swelce me betst gehieraþ.
31& ic wille þæt Æffe feormige of þæm þrim dælum æt
32Ingepenne þa Godes þeowas æt Cynetanbyrig þrie
33dagas on twelf monþum ænne dæg for me oþerne for minne
34fæder þriddan for minne ieldran fæder.
35& ic an þæs landes æt Hamme Æffan ofer minne dæg.
36& heo tilige þæron uncer begea sawla þearfe & feormige
37þrie dagas þa Godes þeowas þær min lic reste
38on Eastron & ofer hiere dæg into Winteceastre to þæm
39ealdan hierede to sancte Trinitate to
40hæbbenne & to brucenne & næfre ut to sellanne.
41Her swutelaþ þæt Wulfgar geuþe Hamme into ealdan mynstre
42æfter Æffan dæge hys wifes.