1B15.3.5

page 28

    
2In usses Dryhtnes noman Hælendes Cristes ic Uuerfriþ
3biscop mid alles ðæs heoredes leafe on
4Weogornaceastre ge gunges ge aldes selle Cyneswiþe mire megan
5ðreora hida lond on Alhmundingtune ðaes
6fif hida ðe higen me gebocedan aer on ðreora monna dæg.
7Nu gewrite ic hit eft hire mid hina leafe ðaet ðreora hida
8lond on ðreora monna daeg.
9& heo hæbbe ða wuduraeddenne in ðæm wuda ðe ða ceorlas
10brucaþ.
11& ec ic hire lete to ðaet ceorla graf to sundran.
12& elles ðæt twega hida lond & ða ceorlas & se Alhmunding
13snaed here into Preosdabyrig ða hwile
14hit unagaen seo.
15Ond Cyneswið hit to nængum oþrum men ne lete ða hwile hit
16unagæn se butun to hire bearna sumum,
17swa hweolcum swa heo ðonne wille, gif heo lifigen.
18Gif heo ðonne ne

page 30

19lifigen lete hit to sweolcum hire mega
20swelce hit hire to geearnigan wille.
21Ond ic Uuerfrið biscop biddu & halsigu ðæt ðis ðreora
22hida lond & ec ðæt twega ðonne hit agæn seo
23ðæt hit se agefen into Clife to ðæm biscoprice butan
24eghweolcum wiðercwide.
25Ond ec ic Uuerfriþ biscop & all higen halsigaþ usse
26æterfylgend ðæt heora nænig ðas gefe gewonige
27ær hit swa agæn se swa hit on ðissum gewrite stondeþ.
28& all higen eodan to minum bure on Weogornaceastre & me
29saldan heora hondsetene ðisse
30geraednesse.
31ðara noman her beneoþan awriten stondaþ.
32& heo hit haebben eghwæs to freon butun agefen elce gere
33ðreo mittan hwætes to ciricsceatte to
34Clife.