1B9.4.1

page 1

    
2Gaderode me þonne kigclas, and stuþansceaftas, and
3lohsceaftas and hylfa to ælcum þara tola þe ic mid
4wircan cuðe, and bohtimbru and bolttimbru, and, to ælcum
5þara weorca þe ic wyrcan cuðe, þa wlitegostan
6treowo be þam dele ðe ic aberan meihte.
7ne com ic naþer mid anre byrðene ham þe me ne lyste ealne
8þane wude ham brengan, gif ic hyne ealne aberan meihte.
9on ælcum treowo ic geseah hwæthwugu þæs þe ic æt ham
10beþorfte.
11Forþam ic lære ælcne ðara þe maga si and manigne wæn
12hæbbe, þæt he menige to þam ilcan wuda þar ic
13ðas stuðansceaftas cearf, fetige hym þar ma, and gefeðrige
14hys wænas mid fegrum gerdum, þat he mage
15windan manigne smicerne wah, and manig ænlic hus settan, and
16fegerne tun timbrian, and þær murge and
17softe mid mæge on eardian ægðer ge wintras ge sumeras,
18swa swa ic nu ne gyt ne dyde.
19Ac se þe me lærde, þam se wudu licode, se mæg gedon þæt
20ic softor eardian mæge ægðer ge on þisum
21lænan stoclife be þis wæge ða while þe ic on þisse
22weorulde beo, ge eac on þam hecan hame ðe he us
23gehaten hefð þurh scanctus Augustinus and sanctus Gregorius
24and scanctus Ieronimus, and þurh manege
25oððre halie fædras.
26swa ic gelyfe eac þæt he gedo for heora ealra earnunge,
27ægðer ge þisne weig gelimpfulran gedo, þonne
28he ær þissum wesEdition: węs, ge hure mines modes eagan to þam
29ongelihte, þæt ic mage rihtne weig aredian to
30þam ecan hame and to þam ecan are, and to þare ecan reste
31þe us gehaten is þurh þa halgan fæderas. sie swa.

page 2

32Nis hit nan wundor þeah man swilc ontimber gewirce,
33and eac on þare lade and eac on þære bytlinge;
34ac ælcne man lyst, siððan he ænig cotlyf on his
35hlafordes læne myd his fultume getimbred hæfð, þæt
36he hine mote hwilum þar on gerestan, and huntigan, and
37fuglian, and fiscian, and his on gehwilce
38wisan to þere lænan æhte tilian, ægþær ge on se
39ge on lande, oð þone fyrst þe he bocland and æce yrfe
40þurh his hlafordes miltse geearnige.
41swa gedo se weliga gidfola, se ðe egðer wilt ge þissa
42lænena stoclife ge þara ecena hama.
43Se ðe ægþer gescop and ægðeres wilt, forgife me þæt me
44to ægðrum onhagige: ge her nytwyrde to beonne,
45ge huru þider to cumane.
46Agustinus, Cartaina bisceop, worhte twa bec be his agnum
47ingeþance; þa bec sint gehatene Soliloquiorum,
48þat is, be hys modis smeaunge and tweounga, hu hys
49gesceadwisnes answarode hys mode þonne þæt
50mod ymbe hwæt tweonode, oðþe hit hwæs wilnode to witanne,
51þæs þe hit ær for sweotole ongytan ne meahte.