page 50

1

PSALM 41 (42) .

2
3    1. As þe hert de-siret to þe welles of waters, so de-sired my soule to
4þe, Lord.

page 51

5    2. And my soule þrefe vnto God, welle liueand, whan ich shal cum
6and apere to-fore þe face of God.
7    3. Mi teres were to me loues day and nyȝt, þer-wyles þat man seid to
8me ich day, Where hys þy God?
9    4. Ich by-þouȝt of þe þynges, and priked in me my soule; for hy shal
10passen in-to þe stede of purgatorij ful of pines, riȝt vn-to heuen.
11    5. Þe soune of þe ioiand ys in þe voice of ioie and of shrift.
12    6. Ha þou my soule, why ertou sori, & why trubles tou me?
13    7. Hope in God, for y shal ȝete shriue vnto hym; he his helþe of my
14gost and my God.
15    8. Myn soule is trubled vn-to my seluen; for-þy, Lord, y shal be
16þenchand on þe, God, of þe turning of folke of þe londe of Jordan and
17of þe folke of þe littel hille of Hermon.
18    9. Helle blameþ þe fendes for þy deþ of þe croice.
19    10. Alle þyn lorde-shippes and þy techynges passeden up me.
20    11. In daie our Lord sent his mercy and on nyȝt his confort.
21    12. Lord, þe oreison of my lif is to þe; ha Lord, y sai, Þou ert my
22taker.
23    13. Whi hastou forȝeten me, and whi am ich sory, þer-whiles þat myn
24enemy tourmenteþ me?
25    14. Þer-whiles þat myȝtes ben frusced, myn enemys, þat trublen me,
26reproued me;
27    15. Þer-whiles þat hij seiden to me vuch daye, Were is þy God?
28    16. Ha þou my soule, whi ar-tou sori, and whi trubles tou me?
29    17. Hope in God, for i shal ȝit schryue to hym; he his helþe of mi
30gost and my God.
31

page 52

32

PSALM 42 (43) .

33
34    1. Iugge me, Lord, and defende my cause fram folke nouȝt holy, and
35defende me fram þe wicked man and þe trecherous.
36    2. For þou art Gode, my strengþe; whi puttestou me out? and whi
37goe ich sorwand, þer-whiles þat myn enemy tourmenteþ me?
38    3. Sende out þy lyȝt and þy soþenes; hij ladden me out, and ladde
39men me in-to þy holi hylle and in-to þy tabernacles.
40    4. And y shal entre unto Goddes auter; to God, þat makeþ glade my
41þingþe.
42    5. Ha God, my God, y shal schryue me to þe in þe in-mast of myn
43hert; ha þou my soule, whi er tou sori, and why trublestou me?
44    6. Hope in God, for ȝete y shal shryue to hym; he is helþ of my gost
45and my God.
46
47

PSALM 43 (44) .

48
49    1. Ha God, we herden wyþ our eren; our fadres telden vs
50    2. Þe werke, þat tou wrouȝt in her daies and in olde daies.
51    3. Þyn honde desparplist þe folke, and þou settest hem; þou
52tourmentedest
53folkes, and puttedest hem out of here pride.
54    4. For hij ne shul nouȝt haue þerþe in swerde, and her myȝt ne shal
55nouȝt sauen hem,
56    5. Ac þy god-hede and þy myȝt and þe liȝt of þy face; for þou plesed
57to hem.
58    6. Þou þy-self art my God and my kyng, þat sendest helþes to Jakob.

page 53

59    7. Whe shul chace oway our enemys þurȝ force in þe, and we shul
60despysen in þy name þe arisand oȝains us.
61    8. For y ne shal nouȝt hopen in my waityng; and my swerde ne shal
62nouȝt sauen me.
63    9. For þou sauedest vs fram hem þat turmented vs , and þou confounded
64hem þat hateden vs.
65    10. Whe shul ben heried in God al day, and whe shul shryue in þy
66name in þe worled.
67    11. For-soþe þou puttedest us now oway, and confoundedest us; and
68þou, God, ne shal nouȝt go out in our vertuȝ.
69    12. Þou turnedest vs by-hynde rygge efter our enemis; and hij þat
70hated vs rauissed vs to hem selue.
71    13. Þou ladest vs as shepe of metes; and þou desparplist vs amonge folkes.
72    14. Þou seldest þy folk wyþ-outen pris; and multitude nas nouȝt in
73chaungynges of hem.
74    15. Þou laidest us in liknes to folkes, stireing of heued in folkes.
75    16. Þou settest us repruse to our neȝburs, vndernimyng and scorne
76to hem þat ben in our cumpas.
77    17. Aldai my shame is oȝains me, and confusion of my face haþ
78couered me.
79    18. Fram þe voice of þe reproceand and þe oȝains spekand, fram þe face
80of þe enemy and of þe pursuand.
81    19. Alle þes þynges comen up us; and we ne forȝate þe nouȝt, and
82we did nouȝt yuel in þy testament.
83    20. And our hert ne departed nouȝt oȝain-ward; and þou bowedest þyn
84bysties fram þy waie.
85    21. For þou lowed vs in stede of turment; and shadew of deþ couered vs.

page 54

86    22. Ȝyf we forȝate þe name of our Lord, and putten forþe our hondes to
87a strange God,
88    23. It is to witen, ȝif God shal nouȝt asken þes þynges; for he knewe
89þe hidynges of þe hert.
90    24. For we ben slayn al dai for þe; we ben holden bi as shepe of
91slaȝtter.
92    25. Arise vp, Lord; whi dwellestou? arise vp, and ne put vs nouȝt
93oway in endynge.
94    26. Whi turnestou þy face oway? þou for-ȝetest our mesais and our
95tribulacioun.
96    27. For our soule is lowed in poudre, and our wombe is deuoured
97to-gideres in þerþe.
98    28. Arise up, Lord, and helpe vs; and bigge vs aȝayn for þy name.
99
100

PSALM 44 (45) .

101
102    1. Myn hert put out gode worde; y saye my werkes to þe kynge
103of glorie.
104    2. My tunge is penne of þe scriuayn swiflich wrytand.
105    3. Fair artou, Christ, in fourme to-fore mennes sones; grace is shadde
106in þy lippes; for-þy blisced God þe wyþ-outen ende.
107    4. Be þou girded wyþ þy myȝt, aldermyȝtfullichest, up þy folke.
108    5. Ȝyf entent godelich, and go forþe, and regne in þy cumlichenes
109and in þy fairnes,
110    6. For soþnes and softnes and riȝtfulnes; and þy pouste shal laden þe
111wonderfulliche.
112    7. Þy manaces ben sharp; folke shul fallen vnder þe vnto þe hertes of
113þe kynges enemys.

page 55

114    8. Ha God, þy sege is in þe worlde of worldes; þe ȝerde of drescing is
115ȝerde of þy kyngdome.
116    9. Þou louedest riȝtfulnes, and hatest wickednes; þer-for God, þy God,
117anoint þe wyþ oile of ioie to-for þy felawes.
118    10. Myrre and gutte and smel ben of þy uestiment, of þy houses of heuen,
119of which þe gode soules deliteden þe in þyn honur.
120    11. Þe quene stode at þy ryȝt half in gildan cloþyng, encompassed
121alabouten wyþ selcouþnesse.
122    12. Here þou, soule, and se, and bowe þyn ere, and for-ȝete þy fole
123þoȝtes and þe substaunces of þy fader.
124    13. And þe kyng shal couait þy fairhede; for he is þe Lord, þy God,
125and þe folk shul worþship hym.
126    14. And þe sones of Tyre & alle þe ryche of þe folke shal praien þy
127semblant in ȝyftos.
128    15. Alle his glorie wyþ-innen hym is of þe soule of God of grete ioies,
129couered a-boute wyþ meruailous þynge.
130    16. Maidenes shal be brouȝt to God efter hym, and hys next shul ben
131brouȝt to þe.
132    17. Hii shul ben brouȝt in-to gladnes and ioie, and shul ben brouȝt in-to
133þe ioie of God.
134    18. Sones ben born to þe for þy fadres; þou shalt stablisse hem princes
135vp alle þerþe.
136    19. For-þy þe folkes shul shriue to þe wyþ-outen ente in þy world
137of wordles.

page 66

138

PSALM 55 (56) .

139
140    1. Haue mercy on me God, for man haþ defouled me; þe fende trubled
141me, feȝtand alday oȝayns me.
142    2. Myn enemys defouled me alday, for many were feȝtand oȝains me.
143    3. Y shal drede þe fram þe heȝt of þe daye; y for-soþe shal hope in þe.
144    4. Hij shal hery my wordes in God, ich hoped in God; y ne shal
145nouȝt dreden, what manes flesshe doþ to me.
146    5. Alday þe wicked acurseden myn wordes oȝains me; alle her þoutes
147ben in iuel.
148    6. Hij shul wonen in helle, and þer hij shul hiden hem, and hij shul
149kepen mi de-fouleing.
150    7. As hij tempteden my soule, for nouȝt þou shalt make hem sauf; and
151þou shalt bring to nouȝt þes folkes in þyn ire.
152    8. Ha God, ich telde my lyf to þe; þou laidest min teres in þy syȝt.
153    9. As in þy bihest shul þan myn enemys be turned oȝain-ward.
154    10. In wat daye þat ich cleped to þe, se! icham aknow þat þou art
155my God.

page 67

156    11. Y shal herien worde in þe, God, y shal heryen worde in þe, Lord;
157ich hopede in þe, God; y shal nouȝt drede, what man doþ to me.
158    12. Ha God, þy desires ben in me, for which y shal ȝelde to þe heryynges.
159    13. For þou deliuered my soule fram helle and myn fete fram slydynge,
160þan ich plese to-fore God in þe lyȝt of hem þat ben saued.
161
162

PSALM 56 (57) .

163
164    1. Haue mercy on me, God, haue mercy on me; for my soule affieþ
165in þe.
166    2. And ich shal hope in þe myȝt of þy grace, þer-whiles þat my
167wickednesses passe.
168    3. Y shal crye to þe God alderheȝest, to God þat did wele to me.
169    4. He sent his sone fram heuen, and deliuered me out of helle, and ȝaf
170in reproceinge þe defouland me.
171    5. God sent fram heuen his mercy and his soþenes, and deliuered my
172soule fram sharpnes of tourmentes of fendes; and ich dwelled trubled.
173    6. Mennes sones han her werkes hard and sharp, and her tunges
174ben sharp swerdes.
175    7. Be þou, God, anheȝed vp þe heuens, and þi glorie in alle erþe.
176    8. Mennes sones diȝten gnares to myn fete, and tempted my soule.
177    9. Hij daluen a diche to fore my face, and fellen hem seluen þer-inne.
178    10. Myn hert ys diȝt to þe, God, myn hert is diȝt; and y shal synge,
179and sai a salme.
180    11. Þou my glorie, arise þou; sautrie and harpe, arise; y shal aryse
181in þe morwenynge.
182    12. Y shal schryue to þe, Lord, in folkes, and saie to þe a songe in men.

page 68

183    13. For þy mercy his heried vn-to þe heuens, and þy soþenes vn to
184þe cloudes.
185    14. Be þou, God, anheȝed up þe heuens, and þy glorye in al erþe.
186
187

PSALM 57 (58) .

188
189    1. Ȝyf ȝe speke in alle þynges ryȝt, ȝe mennes sones, iugyȝt ryȝtfullich.
190    2. For ȝe wirchen wickednesses in our hertes in erþe; ȝour hondes
191wirchen vnryȝtfulnes.
192    3. Þe synȝers ben aliened fer fram þe wombe; hij erreden fram
193þe wombe; hij spoken fals þynges.
194    4. Her wirship is efter þe wickednes of þe serpent, as of aspide def and
195stoppand his eren.
196    5. Þe which ne shal nouȝt here þe voice of þe charmeand, and of þe
197makand uenym charmeand wiselich.
198    6. God shal de-foulen her teþe in her mouþe; our Lord shal breke þe
199uttemast iuels of þe wicked.
200    7. Hij shul by-comen noȝt as water ernand; our Lord shal shewe his
201myȝt, þerwyles þat hij ben made vnstable.
202    8. Þe wicked shul ben wasted as wax þat melteþ; þe wreche of God
203fol vp her werkes, and hij ne seiȝ noȝt her saueour.
204    9. Er þat ȝour synnes vnderstonde þe dampnacioun euerlastand, þe fur
205of vices shal deuoren hem as liueand in ire.
206    10. Þe ryȝt-ful shal gladen whan he seþ þe vengeaunce, and he shal
207wasshen his hondes in þe blode of þe synȝer.
208    11. And man shal saie for-soþe, Ȝyf frute be to þe ryȝtful, for-soþe God
209is iugeand hem in erþe.
210

page 69

211

PSALM 58 (59) .

212
213    1. Ha my God, defende me fram myn enemis, and deliuere me fram þe
214ariseand oȝains me.
215    2. Defende me fram þe wirchaund wickednes, and saue me fram men
216defouled wiþ dedelich sinnes.
217    3. Se, for hij token my soule; þe stronge fel oȝains me.
218    4. Ne my wickednes, Lord, ne my sinne; ich ran wiþ-outen wickednes,
219and dresced þis worde.
220    5. Aryse, Lord, in myn oȝain-erning, and se; and þou, Lord, art God
221of uertuȝ, God of Israel.
222    6. Ȝif entent to uisiten al folkes; ne haue þou nouȝt mercy on alle þat
223wirchen wickednes.
224    7. Hii shul ben turned at euen, and shul suffren hunger as hundes; and
225hij shul cumpassen þe cite.
226    8. Se, hij shul speken in her mouþe, and sharpnes of wordes his in her
227lippes; and hij shul saien, Who herd it?
228    9. And þou, Lord, shalt scornen hem, and þou shalt bringe to nouȝt
229alle folkes.
230    10. Y shal kepe to þe myn strengþes, for God is my taker, my God;
231his mercy shal come to-fore me.
232    11. God shewed miȝt to me vp myn enemys; Lord, ne sle hem nouȝt,
233þat þe folk ne forȝete me nouȝt.
234    12. De-part hem in þy uertu; and þou, God, my defendour, do hem
235oway fram yuel.
236    13. For þe trespas of her mouþe and þe worde of her lippes ben þe
237wycked taken in her pride.
238    14. And of her waryinge and of her lesyng hij shul ben shewed in her
239endyng.

page 70

240    15. And hij ne shul nouȝt ben saued in þe ire of endeing; & wyten hij
241þat God shal lordship Iacob sones and þe cuntres of þerþe.
242    16. Hij shul ben departed at euen, and hij shul suffren hunger as
243hundes, and hij shul gon a-boute þe cite.
244    17. For-soþe y shal syngen þy strengþe, Lord, and erliche heȝen in þy
245mercy.
246    18. for þou art made my taker and my socour in dai of my tribulacioun.
247    19. Ha my helper, y shal synge to þe, for þat þou, God, art my taker,
248my God, my mercy.
249
250

PSALM 59 (60) .

251
252    1. Ha God, þou hast put us oway fram þe, and þou hast destriued us;
253þou art wroþ, and þou haddest pite of us.
254    2. Þou stired þerþe, and trubled it; hel þe contriciouns of it, for it
255is
256stired.
257    3. Þou shewedest harde þynges to þy folk for synne, and þou ȝaf
258us a drink of þe biternes of prikkyng.
259    4. Þou haf tokenyng of wisdom to hem þat dreden þe, þat hij shuld
260fle fram þe corrupcioun of synne.
261    5. Þat þyn loued ben deliuered fram iuel, make me sauf for þy
262ryȝthalf, and here me.
263    6. God spak in his halwe, Y shal delyten, and y shal departen driehede,
264and y shal meten þe ualaie of tabernacles.
265    7. Galaad ys myn, and Manasses is myn, and Effraim is þe strengþe of
266myn heued.
267    8. Judas ys myn kynde, Moab is þe enterete of myn hope.

page 71

268    9. Y shal shewe my vengeaunce in Ydume; strange be subiectes
269to me.
270    10. Who shal lade me in-to a cite warnist, who shal lade me in-to
271Ydume?
272    11. Nouȝt þou, God, þat put us away fram þe fende, þou, God, ne shal
273nouȝt gon out in our vertuȝ?
274    12. Ȝyf us, Lord, helpe of tribulacioun, for helþe of man is ydel.
275    13. We shul do uertu in God, and he shal brynge to nouȝt þe
276trubland vs.
277
278

PSALM 60 (61) .

279
280    1. Here, God, my praier, and understounde myn oryson.
281    2. Ich cried to þe fram þe cuntres of þerþe, þerwhiles þat myn hert
282was anoied; þou heȝedest me in stablenes.
283    3. Þou laddest me out, for þou art made myn hope; þou art tour of
284strengþe fram þe face of þe enemy.
285    4. Y shal wonen in þy tabernacle in þe worldes; y shal be defended
286in þe couering of þy mercyes.
287    5. For þou, my God, herdest myn oreison; þou ȝaf heritage to þe
288dredand þy name.
289    6. Þou shal casten dayes up þe daies up þe kynge, and his ȝeres vn-to
290þe daye of kynde & kynde.
291    7. He woneþ wyþ-outen ende in þe syȝt of God; who shal sechen his
292mercy and hys soþenes?
293    8. Y shal saye þus a songe to þy name in þe world of world, þat ich
294ȝelde myn a-vowes fram daie to daie.
295

page 72

296

PSALM 61 (62) .

297
298    1. Ne shal nouȝt my soule be vnder-lout to God? for in hym hys
299myn helþe.
300    2. For he ys my God and myn helþe & my taker; y ne shal no more
301dreden.
302    3. Þer-whyles þat ȝe fallen into holy chyrche, ȝe al sle þe in-nocent
303liggand to hym, as to a wal þat þe morter is putt out.
304    4. Þe wicked for-soþe þouȝten to putt oway my god dede, and ich
305vnderstode her pryuetes; hij blisced me wyþ her mouþe, and waried me
306wyþ her hert.
307    5. Ha þou my soule, be þou subiecte for-soþe to God, for of hym ys my
308suffraunce.
309    6. For þat he is my God, my saueour, myn helper, y ne shal nouȝt
310passen out of his comaundement.
311    7. Myn helþe is in God and my glorie; God ys þe wille of myn helpe;
312and myn hope is in God.
313    8. Ha, he alle assemble of folk, hopeþ in hym, heldeþ out to-forn hym
314your hertes; God ys our helper wyþ-outen ende.
315    9. For-soþe mennes sones ben idel, mennes sones ben liȝers in balaunces,
316þat hij deceiuen of idelnes in þat ich þynge.
317    10. Ne wyl ȝe nouȝt hopen in wickednes, and ne wil ȝe nouȝt couaite
318rauyns; ȝyf riches flowe to you, ne wil ye nouȝt sett your hert to hem.
319    11. God spak o-nes to þynges, ich herd hem, for þat þe myȝt of
320God is; and, Lord, to þe is mercy, for þou shalt ȝelde to ichon efter
321his werkes.
322

page 73

323

PSALM 62 (63) .

324
325    1. Ha God, my God, ich wake to þe of lyȝt.
326    2. My soule coueited to be wyþ þe, and my flesshe to þe ful many-fold.
327    3. In wylde lond and out of way an drye in swyche manere, ich
328shewed me to þe in holy þynge, þat ich seiȝe þy vertu and þy glorie.
329    4. For þy mercy is better vp lybbeinges; myn lippes shul heryen þe.
330    5. Se, y shal blisce þe in my lyf; and in þy name y shal lift up
331myn hondes.
332    6. Be my soule fulfyld as of flour and of grece; and my mouþe shal
333heryen þe wyþ lippes of gladnes.
334    7. So was ich þenchand on þe up my bedde, y shal þenche on þe in þe
335morwenyng; for þat þou was myn helper.
336    8. And y shal gladen in þe couering of þy mercies, my soule haþ
337drawen efter þe; þy ryȝt syde toke me.
338    9. For-soþe þe wicked tempted my soule in vayn, and hij shul entren
339in-to þe deppest of þe erþe; so hij shul be ȝeuen in-to sharpenes of
340vengeaunce, so shal hij ben att þe parties of fendes.
341    10. Þe kynge for-soþe shal ioien in God, alle þat hopen in hym shul
342ben heried; for þe mouþe of þe spekand wicked þynges ys stopped.
343
344

PSALM 63 (64) .

345
346    1. Here, God, my praier, whan ich praie; defende my soule fram þe
347drede of þe enemy.
348    2. Þou defendest me fram þe felawe-shippe of þe wicked, fram þe
349multitude of þe wirchand wickednes.

page 74

350    3. For hij whetted her tunges as swerde; so hij maden her manaces
351þyng bytter, þat hij turmenten þe vnwemmed in hidels.
352    4. Hij shul turmenten hym sudeinlich, hij shul nouȝt dreden; hij
353fastened to hem iuel worde of me.
354    5. Hij telden þat hij hidden falsnisses, and saiden, Who shal sen
355hem?
356    6. Hij soȝten wickednisses; þe sechand faileden in her secheyng.
357    7. Þe man ryȝtful shal neȝen to holi hert, and God shal ben heȝed.
358    8. Þe turmentes of þe wicked ben made her deþ, and her tunges ben
359made vnstable oȝains hem .
360    9. Alle gode men þat sehen hem in her malices, weren trubled; and
361ich man drad hem.
362    10. Þe gode telden þe werkes of God, and vnderstonden his dedes.
363    11. Þe ryȝtful shal gladen in our Lord, and he shal hopen in hym;
364and al ryȝtful of hert shul ben heried.
365
366

PSALM 64 (65) .

367
368    1. Ha God, heryynge by-comeþ þe in Syon; and to þe shal vowe be
369ȝolden in Jerusalem.
370    2. Here my praier; icha flesshe schal come to þe.
371    3. Þe wordes of þe wicked vailed more vp vs; and þou shal be mercyful
372to our wickednesses.
373    4. Blisced be þe man þat þou ches and toke; he shal wonen in þyn
374hallis.
375    5. We shul be fulfild of þe godes of þyn hous; and þi temple ys holy,
376wonderful in euennesse.

page 75

377    6. Ha God, our helþe, here us; þou art hope of alle þe cuntres of þerþe
378and fer in þe see;
379    7. Makand redy þe mounteins in þy vertu, girt wyþ myȝt; þat trubleþ
380þe depnes of þe see, þe soune of hys flodes.
381    8. Alle þe men þat wonen in cuntres, shul ben trubled, and shul
382dreden of þyne toknes of þe out-going of morwen; and þou shalt deliten
383in þe euenyng.
384    9. Þou uysited þerþe, and made it fayre, and multiplied, for to make
385it ryche.
386    10. Þe flude of God ys fulfild of waters; þou, God, made radi her
387ernyng for so ys his makyng rady.
388    11. Fylland hys ryuers, multiplie þou his buryon; he shal delyten in
389hys guters ekand.
390    12. Þou shalt blisce to þe time of þe ȝere of þy de-bonairte; and þy
391feldes shul be fulfild of plente.
392    13. Fair þynges of þe wyldernes shal by-comen fat, and þe woniand in
393þe mounteins shul ben fulfild of ioie.
394    14. Þe rammes of shepe ben cloþed wyþ flese, & þe valeys shul
395waxen ful wyþ wheten; folk shul crien and saien heriyng for ioye.

page 118

396

PSALM 96 (97) .

397
398    1. Our Lord regneþ; glade þerþe, and ioien many yldes.
399    2. Cloudes and derknes ben in his cumpasse, ryȝtfulnes and iugement
400ben þe amendement of his sege.
401    3. Fur shal gon to-forn hym, and brenen hys enemys abouten hym.
402    4. Hys liȝtyngens aliȝted þe world; he seiȝe, and þe erþe ys styred.
403    5. Þe mounteins melted as wax fram þe face of our Lord, al þe erþe
404fram þe face of our Lord.
405    6. Þe heuens telden his ryȝtfulnes, and al þe folkes seȝen his glorie.
406    7. Ben hij alle confounded þat anouren y-magerie & þat gladen in her
407maumetes.
408    8. Alle ȝe hys aungels, anouren hym; þe folk of Syon herd God
409and ioied.
410    9. And þe doȝters of Iude gladed, Lord, for þy iugement.
411    10. For þou, Lord, art heȝest up alle þe erþe; mychel þou art heȝed vp
412alle þe godes.

page 119

413    11. Ȝe þat loue our Lord, hateþ iuel; our Lord kepeþ þe soules of his
414halwen; and he shal liuer hem fram þe pouste of þe synȝer.
415    12. Lyȝt hijs sprongen to þe ryȝtful, and ioie to þe ryȝtful of hert.
416    13. Gladeþ, þe ryȝtful in our Lord, and shryueþ to þe mynde of hys
417halwyng.
418
419

PSALM 97 (98) .

420
421    1. Ȝe men, syngeþ to our Lord a newe songe, for he haþ don wonderful
422þynges.
423    2. He saued to hym þe helpe of hys chosen and hys holi pouste.
424    3. Our Lord made hys helþe knowen, and shewed hys ryȝtfulnes in
425syȝt of men.
426    4. He þouȝt on hys merey and on hys soþenes to þe hous of Israel.
427    5. Alle þe contre-hys of þe erþe seȝen þe helþe of our Lord God; he
428alle þerþe, ioieþ to God, and syngeþ and gladeþ and ver-seileþ.
429    6. Syngeþ to our Lord in harp and in voice of psalme, in trumpes
430beten and voice of trumpes of horne.
431    7. Gladeþ in þe syȝt of þe kyng, our Lord; be þe se stired and hys
432plente, þe world, and hij þat wonen þer-inne.
433    8. Þe flodes shul ioien togidres wyþ honde, and mounteins shul gladen
434of þe syȝt of our Lord; for he comeþ to iuge þerþe.
435    9. He shal iuge þe world in ryȝtfulnes, and þe folkes in euennes.
436
437

PSALM 98 (99) .

438
439    1. For þat our Lord regned, wraþ-þen þe folkes; þou þat sittest up
440cherubyn, by þe erþe styred.
441    2. Our Lord ys grete in heuen and he vp alle folkes.
442    3. Shryuen hij to þy grete name, for it ys dredeful and holi; and þe
443honour of þe kyng loueþ iugement.

page 120

444    4. Þou dittest dresceinges, and þou madest iugement & ryȝtfulnes in
445Iacob sones.
446    5. And heȝeþ þe Lord, our Lord, and anoureþ þe shamel of hys fete, for
447hit is holy.
448    6. Moyses and Aaron wyþ her prestes, and Samuel amonges hem þat
449clepen hys name.
450    7. Hij clepeden our Lord, and he herd hem; he spake to hem in a piler
451of a cloude.
452    8. Hij keptten hys witnesses and þe comaundement þat he ȝaf to hem.
453    9. Ha Lord, our God, þou herd hem; þou, God, was mercyful to hem
454and byginnand to wreke in alle her fyndeynges.
455    10. And heȝeþ þe Lord, our God, and anoureþ hym in hys holy heuen;
456for þe Lord, our God, ys holy.
457
458

PSALM 99 (100) .

459
460    1. Ha alle erþe, gladeþ to God, serueþ our Lord in gladnes.
461    2. Entreþ in his syȝt in ioie.
462    3. Weteþ þat our Lord he is God; he made us, and nouȝt we us seluen.
463    4. We ben hys folk and þe shepe of hys pasture; entre hys ȝates in
464shrift, and schryueþ to hym in hys temple in songes.
465    5. Herieþ hys name; for our Lord ys milde, hys mercy ys wyþ-outen
466ende, and hys soþnesse ys in kende and kinde.
467
468

PSALM 100 (101) .

469
470    1. Lord, y shal synge mercy and iugement to þe; y shal versail and
471vnderstonde in wai unfiled, whan þou shal come to me.
472    2. Y ȝede in þe innocens of myn hert, amiddes þe wylle of myn hert,
473in-middes myn hous.

page 121

474    3. Y ne sett nouȝt to-fore myn eȝen þyng vnryȝtful, and ich hated þe
475trespassynges.
476    4. Wicked hert ne come nouȝt to me; y ne knew nouȝt þe wicked
477bowand fram me.
478    5. Y ne pursued hym þat bacbiteþ priuelich hys neȝbur.
479    6. Y ne ete nouȝt wyþ þe prude eȝe, and wiþ hert þat ne may nouȝt
480be fulfild.
481    7. Myn eȝen ben to þe trew of þerþe, þat hij sit wyþ me; þe goand in
482vnfiled wai, he serued me.
483    8. He þat doþ pride ne shal nouȝt wonen amiddes myn houus; he
484þat spekeþ yuel, y ne dresced hym nouȝt in þe syȝt of myn eȝen.
485    9. Ich sloȝe in þe mornyng alle þe synȝers of erþe, þat y shuld
486departent out of our Lordes cite alle þe wirchand wickednes.
487
488

PSALM 101 (102) .

489
490    1. Here, Lord, my praiere, and my crye come to þe.
491    2. Ne turne þou nouȝt þy face fram me; in wich daie þat ich be
492trubled, bow to me þyn ere.
493    3. In which daie þat ich had cleped to þe, here þou me hastilich.
494    4. For my daies failed as smoke, and my bones dried as craukes.
495    5. Ich am smyten as hay, and myn hert dryed; for ich for-ȝate to ete
496my brede.
497    6. Of þe voice of my waymentynge my bon droȝ to my flesshe.
498    7. Icham made lich to þe pellican of ones, and icham made as þe
499nyȝtrauin in þe euesynges.
500    8. Y woke, and made as þe sparowe wonand on in þe hous.
501    9. Myn enemys vp-braided me aldai, and hij þat praised me swore
502oȝains me.

page 122

503    10. For ich ete my brede as asken, and medeled my drynke wyþ
504wepyng.
505    11. Fram þe face of þe ire of þi indignacioun; for þou liftand me
506norissed me.
507    12. My daies boweden as shadow, & hij dreied as hai.
508    13. Þou, Lord, forsoþe dwellest wyþ-outen ende, and þi mynde is in
509kinde and in-to kynde.
510    14. Þou, Lord, arisand shalt haue pite of þe folke of Syon; for þe time
511of hijs mercynge, for þe time comeþ.
512    15. For hijs fastnes pleised to þi seruantes, and hij shul haue pite of
513his erþe.
514    16. And þe folke, Lord, shul douten þy name, and alle þe kynges of þe
515erþe þi glorie.
516    17. For our Lord edefied þe heuen, and shal be sen in hijs glorie.
517    18. He loked in-to þe oreison of þe meke, and he ne despised nouȝt
518her praier.
519    19. Be þes þynges wryten in þat oþer kinde; and þe folk þat shal be
520fourmed shal heryen our Lord.
521    20. For he loked fram hys eȝe heuen; our Lord loked fram heuen
522into erþe;
523    21. Þat he herd þe waie-mentynges of þe fettered and vnbinde þe
524sones of þe slain.
525    22. Þat hij telle in Syon þe name of our Lord and hys hereinge in
526Ierusalem.
527    23. In acordand þe folkes in on, and þe kynges, þat hii serue to
528our Lord.
529    24. He answerd hym in voice of his vertu, Telle to me þe fewenes of
530my daies.

page 123

531    25. Ne clepe þou me nouȝt oȝayn in þe half dele of mi daies, in kynde
532and in-to kynde of þe ȝere.
533    26. Lord, þou founded þerþe atte gynnyng, and þe heuens ben þe
534werkes of þyn hondes.
535    27. Hij shul perissen, þou for-soþe dwellest; and alle shul by-gynne at
536elden as cloþyng.
537    28. And þou shalt chaungen hem as couertour, and hij shul be chaunged;
538þou for-soþe art þat ich, and þy ȝeres ne shul nouȝt failen.
539    29. Þe sones of þy seruauntes shul wonen, and here sede shalt be
540dresced in þe world.
541
542

PSALM 102 (103) .

543
544    1. Ha þou my soule, blisce our Lord; and alle þynges þat ben wyþ-innen
545me, blisce hys holi name.
546    2. Ha þou my soule, blisce our Lord; and ne wille þou nouȝt for-ȝete
547alle his ȝelde-inges;
548    3. Þe which is merciful to alle þin wickednesses; þe which helþe alle
549þy sekenisses;
550    4. Þe which ransoun-neþ þy lif fram deþ; þe which crouneþ þe wyþ
551mercy and pites;
552    5. Þe which fulfilleþ þy desire in goddes; þy ȝengþe shal be made
553new
554as of an erne.
555    6. Our Lord is doand mercies and iugement to alle þe suffrand wronge.
556    7. He made hys waies knowen to Moyses, he did to þe childer of
557Israel her willes.
558    8. Our Lord is ryȝtful and merciable and of longe wille and michel
559merciable.
560    9. He ne shal nouȝt wraþþe him wyþ-outen ende, ne he ne shal nouȝt
561manacen wyþ-outen ende.

page 124

562    10. He ne did nouȝt to us efter our synȝes, ne he ne ȝeldeþ nouȝt to vs
563efter our wickednes.
564    11. For efter þe heȝt of heuen fram erþe he streinȝed hys mercy vp
565hem þat dreden hym.
566    12. He made fer fram us our wickednes, as þe este departeþ fram
567þe west.
568    13. As þe fader has mercy on his childer, our Lord is merciable of hem
569þat dreden hym; for he knowe our faintes.
570    14. He recorded þat we ben pouder ; man ys as hai, hys daies ben as
571floure of þe feld, so he shal florissen.
572    15. For gost shal passen in hym; and he ne shal nouȝt dwelle, and he
573ne shal no more knowen his stede.
574    16. Þe mercy of our Lord is forsoþe fram wyþ-outen ende vnto wyþ-outen
575ende up hem þat dreden hym.
576    17. And his riȝtfulnes is into child of childer to hem þat kepen his
577testament.
578    18. And hij ben remembraunt of his comaundementȝ to don hem.
579    19. Our Lord shal diȝten his sete in heuen, and his kyngdome shal
580lord-ship alle.
581    20. Ha alle his angeles, miȝtful of uertu, doand his worde, to here þe
582uoice of hys wordes, blisceþ our Lord.
583    21. Ha alle his uertu, blisceþ our Lord; ȝe his ministris, þat don hys
584wille, blisced our Lord.
585    22. Ȝe alle werke of our Lord, blisceþ our Lord in alle stedes of his
586lordship; ha þou my soule, blische our Lord.
587

page 125

588

PSALM 103 (104) .

589
590    1. Ha þou my soule, blisce our Lord; ha Lord, mi God, þou art
591greteliche heried.
592    2. Þou clad schryft and fairnes, hiled wyþ lyȝt as wyþ cloþyng,
593    3. Spredand out þe heuen as a skyn; þe which couered þe alderheȝestnes
594wyþ waters;
595    4. Þat settest þe cloude þy wendyng up; þat gost vp þe swiftnes of
596þe wynde;
597    5. Þat makest þyn angeles gostes, and þy ministres sengeand fur ;
598    6. Þat foundest þerþe vp his stablenes; it ne shal nouȝt be bowed in
599þe worled of þe worldes.
600    7. Depenes ys hys couertour as cloþyng; waters shul stonde vp
601mounteines.
602    8. Hij shul fle fram þe lackeinge, & hij shul douten of þe voice of
603þy þonder.
604    9. Þe mounteyns steyȝen up, and þe feldes fallen in-to þe stede þat-ou
605founded to hem.
606    10. Þou setted þe terme, þe which hij ne shul nouȝt passe ouer; ne hij
607ne shul nouȝt be turned oȝain to hilen þerþe.
608    11. Þou þat sendest welles in valeis; þe waters shul passen amiddes þe
609mounteines.
610    12. Alle bestes of þe felde shul drynken, þe wilde asses shul abiden in
611her þrest.
612    13. Þe foules of heuen shulle whonen vp þat erþe, þe waters shul
613ȝeuen voice of þe middel of þe stones.
614    14. Dewand þe mounteines of þyn ouermor, þerþe shal be fulfild of þe
615frut of þy werkes.

page 126

616    15. Þou art bryngand forþe hay to meres and grasse to seruice
617of men;
618    16. Þat tou brynge forþ brede of þerþe, and wyn glade mannes hert.
619    17. Þe tres of þerþe shul be fulfild, and þe cedres of Lyban, which he
620sette; sparowes shul make þer her nestes.
621    18. Þe hous of faucouns is her lader, þe heȝe mounteins to hertes, þe
622ston is refut to heyrouns.
623    19. He made þe mone in-to times, þe sonne knew hys goingdoun.
624    20. Þou settest derkenes, and nyȝt ys made; al þe bestes of þerþe shul
625passen þer-ynne.
626    21. Þe whelpes of þe liouns rumyand, þat hij rauissen and aske metes
627to hem of God.
628    22. Þe sonne ys rysen, and hij ben gadered, and shul be laid in her
629couches.
630    23. Man shal go forþ to his werke, and to his wircheing vn-to þe
631euenynge.
632    24. Hou michel þyn werkes ben heried, Lord! þou madest alle þynges
633in wisdome; þerþe is fulfild of þyn habbyng.
634    25. Þis see hys michel and large to hondes; þer-inne ben crepand
635þynges, of which nis no noumbre:
636    26. Bestes litel wyþ michel; þer shul shippes passen:
637    27. Þys dragon þatou fourmedest to by-gylen him: alle abyden, þatou
638ȝif to hem mete in tyme.
639    28. Þe ȝeuand to hem, hij shul gaderen; þe openand þyn honde, alle
640þynges shul be fulfild of godenes.
641    29. Þe for-soþe turnand owai þy face, hij shul be trubled; þou shal
642take fram hem þy gost, and hij shul failen, and shul be turned into
643her poudre.
644    30. Sende for þy gost, and hij shul be fourmed; and þou shalt make
645newe þe face of þerþe.

page 127

646    31. Be þe glorie of our Lord in þe world; our Lord shul gladen in
647his werkes;
648    32. Þe which lokeþ to þerþe and makeþ it to tremblen; þe which
649toucheþ þe mounteyns, and hij shul smoken.
650    33. Y shal syngen to our Lord and my luf, and synge to my God as
651longe as ich am.
652    34. Be my word to hym ioiful; ich for-sothe shal gladen in our Lord.
653    35. Defailen þe synȝers of þerþe, and þe wicked so þat hij ne be
654nouȝt;
655ha, þou my soule, blisce our Lord.
656
657

PSALM 104 (105) .

658
659    1. Shriueþ to our Lord, and clepeþ his name; telleþ amonges folke
660hys werkes.
661    2. Syngeþ to hym, and psalmeþ to hym; telleþ alle his wondres; be ȝe
662heried in hys holi name.
663    3. Glade þe hert of þe secheand our Lord; secheþ and our Lord, and beþ
664confermed; secheþ alway hys face.
665    4. By-þencheþ ȝou of his wondres þat he did; & his toknes ben þe
666iugementȝ of his mouþe.
667    5. Ha þou sede of Abraham, his seruauntȝ; ha ȝe Iacob sones, his
668chosen, biþencheþ of God.
669    6. He his þe Lord, our God; his iugementȝ ben in alle erþe.
670    7. He was by-þenchand in þe world of his testament, and of his world
671þat he sent into a þousand kyndes.
672    8. Which worde he ordeined to Abraham and his oþe to Ysaac.
673    9. And he stablist þat to Iacob in comaundement, and to þe sones of
674Israel in testament wyþ-outen ende,
675    10. Saiand, Y shal ȝeue þe þe londe of Chanaan in a corde of ȝour
676herytage.

page 128

677    11. As y were in lytel noumbre and her tyliers alderfewest:
678    12 And hij passeden fram folk to folk, and fram kyngdom to
679anoþer folk;
680    13. He ne suffred nouȝt man greuen hem, and he repruued kynges
681fram hem,
682    14. Saiand, Ne wil ȝe nouȝt touchen my prestes anoint wyþ creyme,
683and ne wylle ȝe nouȝt weryen in my prophetes.
684    15. And he cleped hunger vp þe londe of Chanaan, and de-fouled al þe
685fastnes of brede.
686    16. Jacob sent þe man Joseph oȝayn his breþer, Joseph was solde to
687þral þurth hem.
688    17. Hij loweden þe fete of Ioseph in fetteres, yren passed þourȝ þe
689soule of Iacob to þat þe word of Ioseph come to hym.
690    18. Þe word of our Lord brent Ioseph; þe kyng Pharaon sent for hym
691to þe prison, and vnbonde hym of bondes; þe prince of folk did hym
692of pyne.
693    19. He stablist hym lord of hys hous and prince of alle hys
694habbynge,
695    20. Þat he lered hys prynces as hym self and tauȝt hys elde quaintyse.
696    21. And þe fende anoied greteliche hys folk, and fastened it up
697hys enemys,
698    22. LATIN AND ENGLISH OMITTED.
699    23. Þe fende turned þe hertes of þe Egipciens, þat hij hated hys folke
700and dede trecherie oȝain Goddes seruauntes.
701    24. Our Lord sent Moyses, hys seruaunt, and þat Aaron þat he ches.
702    25. He sett in hym wordes of his toknes and of his wondres in þe
703londe of Cham.

page 129

704    26. He sent derknisses, and made derke þe Egipciens, and ne enegred
705nouȝt þe wordes of Moyses,
706    27. He turned her waters into blode, and sloȝe her fisshes.
707    28. And her erþe ȝaf frosches in þynges of her kynges gode to parte.
708    29. Moyses seide to our Lord of þe hardnes of Egipciens, and houndefleȝes
709and gnattes comeþ in alle her londes.
710    30. He sett her raynes hail and fur brynand in her londe;
711    31. And smote her vynes and her fygers, and defouled þe wode of
712her londe.
713    32. Moyses seid to our Lord of þe hardnes of Pharaon in þe sones of
714Iacob, and grashoppes come and breses, of which no noumbre was of.
715    33. And he ete alle þe hai in her londe, and ete al þe fruit of her
716londe.
717    34. And he smote alle þe first biȝetynge of her londe and þe first
718byȝetyng of alle her trauaile.
719    35. And he lad out Iacob sones wyþ gold and syluer, and syke man
720nas nouȝt founden in alle her kyn-redenis.
721    36. Egipt was glad in þe forþgoing of Iacobes childer, for þe drede of
722hem touched vp hem.
723    37. And he shewed cloude in-to her proteccioun and fur, þat it shuld
724alyȝt to hem by nyȝt.
725    38. Hij askeden flesches; and curlu come to hem, and fulfild hem of
726brede of heuen.
727    39. God brake þe stone, and waters ran out, and flodes ȝede þurȝ
728drienes.
729    40. For he was byþenchand of his holy worde, þe which he had to
730Abraham, hys childe.
731    41. And God lad forþ hys folk wyþ gladnes and hys chosen wyþ ioie.

page 130

732    42. And he ȝaf hem kyngdomes of men, and hij hadden þe trauailes of
733folkes,
734    43. Þat hij kepten riȝtfulnesses and soȝten his lawe.
735
736

PSALM 105 (106) .

737
738    1. Shryueþ to our Lord, for he his God, for in þe world is his mercy.
739    2. Who shal speke þe myȝtes of our Lord? he shal make alle hys
740heryynges herd.
741    3. Blisced ben hij þat kepen iugement and don ryȝtfulnes in alle time.
742    4. Þenche, Lord, on vs in þe wele-likand of þy folk, and visit vs in
743þyne helþe,
744    5. For to se in þe godenes of þyn chosen, to gladen in þe gladnisse of
745þy folke, þatou be heried in þyne herytage.
746    6. We han synȝed wyþ our fadres, we han wroȝt vnryȝtfullich, and we
747han don wickednisse.
748    7. Our fadres in Egipt ne vnderstode noȝt þyn wondres, and hij were
749nouȝt þenchand on þe multitude of þyn mercy.
750    8. And hij tariden þe Egipciens wendand vp in þe see, þe Reed See;
751and he saued hem for his name, þat he made his myȝt knowen.
752    9. And he wyþ-droȝe þe Reed See, and it ys dried; and lad þe Egipciens
753in depenes as in þe desert.
754    10. And he saued þe .xii. kindes of Iacob fram þe honde of þe enemy.
755    11. And þe water couerd þe trybuland hem, and þer ne laft nouȝt
756on of hem.
757    12. And þe .xij. kindes byleueden his worde and heried his heryyng.
758    13. Sone hij faileden, and forȝaten hys werkes, and ne susteined nouȝt
759hys conseil.
760    14. And hij couaited couaitise in desert, & tempteden God in driehede.
761    15. And he ȝaf hem her askyng, & sent fulnes in-to her soules.
762    16. And hij tariden Moyses in castels & Aaron, þe holy of our Lord.

page 131

763    17. Þe erthe ys opened, & swolwed Datham, & couered vp þe gaderyng
764of Abyron.
765    18. And fur brent in her sinagoge, & lait brent þe sinȝers.
766    19. And hij maden a chalf in Oreb, & anoured þyng made wyþ
767fingers.
768    20. And hij chaungeden her glorie in-to þe likenes of chalf etand haye.
769    21. Hij for-haten God þat saued hem, þat grete þynges did in Egipt,
770in þe londe of Cham, dredeful þynges in þe Reed Se.
771    22. God seid þat he shuld for-done hem, ȝyf Moyses, his chosen, ne
772had nouȝt stonden in brekeyng in his syȝt;
773    23. Þat he turned hys wraþþe, þat he ne fordid hem nouȝt; and hij
774had for nouȝt þe londe desiderable.
775    24. And hij ne leued nouȝt his worde & gruched in her tabernacles,
776and hij ne herd nouȝt þe voice of our Lord.
777    25. And he lifted his vengeaunce vp hem, þat he feld hem doun in
778wildernesse.
779    26. And þat he out-kest her sede in þerþes and departed hem in
780kyngdomes.
781    27. And hij ben sacrified to Belphegor, & eten þe pines of þe dampned.
782    28. And hij taried hym in her fyndynges, and fallyng doun is multiplied
783in hem.
784    29. And Finees stode and plesed, & crossyng cessed.
785    30. And it is teld to hym in-to ryȝtfulnes in kynde to kynde vn-to
786euere lastend.
787    31. And hij tariden Moyses atte water of ȝainsygeinge, and he ys
788trauayled for hem þat greued hys gost.

page 132

789    32. And he distincted in his lippes; & hij ne sprad nouȝt men which
790our Lord seid to hem.
791    33. And hij ben meined among folk wyþ-outen lawe, and lerned her
792werkes, and serueden to her fals ymages, and þat ys made to hem in
793sclaunder.
794    34. And hij sacrifiden her sones and her douters to debleries,
795    35. And shadde blode nouȝt filed, and blode of her sones and her
796douȝters, which hij sacrified to þe fals ymages of Chanaam.
797    36. And þerþe is slaine for synȝes & filed in her werkes, & dede
798horedome in her fyndeinges.
799    37. And our Lord wraþed hym in hys vengeaunce oȝains his folk, and
800loþed hys heritage.
801    38. And he ȝaf hem in-to þe hondes of folkes wyþ-outen lawe, and hij
802þat hated hem lord-shipped hem.
803    39. And her enemys trubled hem, and hij ben meked vnder her hondes;
804often our Lord deliuerd hem of iuel.
805    40. Hij for-soþe greueden him in her conseils, and hij ben lowed in
806her wickednisses.
807    41. And he seȝe whan hij were trubled, & herd her praier.
808    42. And he was by-þen-chand on hys testament, & it hym for-þouȝt
809efter þe multitude of hys mercy.
810    43. And he ȝaf hem in his mercies in syȝt of alle þat hadde taken hem.
811    44. Ha Lord God, make us sauf, & gader us to-gider of straunge
812kynredens,
813    45. Þat we shryue to þyn holy name, & þat we gladen in þy heryynge.
814    46. Be our Lord, God of Israel, blisced of þys world, here and vnto
815þe world þat euer shal last; & alle þe puple shal saie, Be it don,
816be it don.
817

page 133

818

PSALM 106 (107) .

819
820    1. Shryueþ to our Lord, for he ys gode, for in þe world ys hys mercy.
821    2. Siggen hij nov þat ben bouȝt of our Lord, which he bouȝt fram þe
822honde of þe enemy, of straunge kyngdomes he gadered hem.
823    3. Fram þe rysyng of þe sunne vnto þe goynge adoune, fram þe norþe
824& þe see.
825    4. Þe childer of Israel erreden in onhede & in dryhede, and hij ne
826fonde nouȝt þe waie of ioye euer lastand.
827    5. Hungerand & þrestand, her soule faileden in hem.
828    6. And hij criden to our Lord, as hij were trubled, & hij deliuered
829hem of alle her nedefulnes.
830    7. And he lad hem in þe ryȝt waie, þat hij heden into ioie euerlastand
831    8. Shryue to our Lord hys mercies, & hys wonders to mennes sones.
832    9. For he fulfild idel soule, and fulfild hungri soules of godes,
833    10. Sittand in derknes & in shadue of deþ, bonden in wrechedhede
834& in iren.
835    11. For hij anegreden þe wordes of our Lord, & maden vain þe
836conseil of þe heȝest.
837    12. And her hert ys lowed in her trauailes, and hij ben syke; & þer
838nas non þat halpe hem.
839    13. And hij crieden to our Lord, as hij weren trubled & he
840deliuered hem of alle her nedefulnisses.
841    14. And he lad hem fram derknesses & shadowe of deþ , & brake her
842bondes.
843    15. Shryue to our Lord hys mercies & hys wonders to mennes sones.
844    16. For he defouled þe ȝates of brasse, & brake þe lockes of iren.

page 134

845    17. He toke hem fram þe waie of wickednes, for hij ben lowed for her
846vnryȝtfulnes.
847    18. Her soule wlated al techyng of helþe, & aproched to þe ȝates
848of deþ.
849    19. And hij criden to our Lord, as hij weren trubled; and he deliuered
850hem of alle her nedefulnisses.
851    20. Shryue to our Lord hys mercies, & hys wondres to mennes sones,
852    21. Þat hij sacrifien sacrifice of heryynge and telle his werkes in
853ioie.
854    22. Þe which comen in-to þe see in shippes, makand wercheinge in
855mani waters,
856    23. Hij seȝen þe werkes of our Lord, & his wonders in þe depenes.
857    24. God seid, & þe gost of tempest stode, & his flodes ben anheȝed.
858    25. Hij steȝen vp vnto þe heuens, & fallen a-doun into depnes; her
859soule quoke in yuels.
860    26. Hij ben trubled, and hij ben stired as drunken, and alle her
861wisdomes is deuoured.
862    27. And hij criden to our Lord, as hij were trubled; and he lad hem
863out of her nedefulnisses.
864    28. And he stablist his tempest in þe wynde, & alle his flodes
865were stille.
866    29. And hij ioiden, for þe flodes were stille; and God lad hem to þe
867hauen of her wille.
868    30. Shryue to our Lord is mercies, & his wondres to mennes sones.
869    31. And heȝen hij hym in þe chirches of folkes, & heri hym in þe
870chaier of olde.
871    32. He sett her flodes in desert & þe goinges of waters in þrust,
872    33. Erþe berand frut in saltmerche for þe wickednesse of þe wonand
873þer-inne.

page 135

874    34. He sett þe desert in pondes of waters, & þerþe wyþ-outen water
875at out-goynge of waters.
876    35. And he sett þerþe hungri, & hij stablist cite of wonyng.
877    36. And hij sewen feldes, and sett vines, & maden frut of birþe.
878    37. And he blisced hem, and hij ben michel multiplied; & he ne
879litteled nouȝt her meres.
880    38. And hij ben made fewe, & ben trauailed fro þe tribulacion of
881wicked & fro sorow.
882    39. Strif is hald vp þe princes, & þe fende made hem to erren in
883wilde stede, & nouȝt in þe waie.
884    40. And he halpe þe pouer of his mesais, & set þe menȝes as shepe.
885    41. Þe ryȝtful shul sen & gladen, & alle wicked shal stoppe her mouþe.
886    42. Which wise shal kepe þes þynges & vnderstonde þe merci of
887our Lord?
888
889

PSALM 107 (108) .

890
891    1. Ha God, myn hert hys made redi; myn hert his made redy, & y
892shal syngen, & y shal psalmen in my glorie.
893    2. Aryse sautrie & harpe, and y shal arysen in þe morwenyng.
894    3. Y shal shryue to þe, Lord, for þe folkes; and y shal syngen to þe
895for þe kyndes.
896    4. For þy mercy ys grete vp þe heuens, & þy soþenes is vn-to þe cloudes.
897    5. Be þou an-heȝed vp þe heuenes; & þy glorie is vp alle þerþe, þat
898þyn frendes ben deliuered.
899    6. Make me sauf, & here me for þy myȝt; God spak in hys holy.
900    7. Y shal gladen & departen þe dryhede, & y shal mete þe ualeye of
901tabernacles.
902    8. Galaad ys myn, & Manasses is myn, Effraym ys þe takeyng of
903myn heued.

page 136

904    9. Juda ys my kynge, Moab is þe caudron of myn hope.
905    10. Y shal shewe myn hoseing in Ydume; strange ben made my frendes.
906    11. Who shal lede me in-to a cite warnist? who shal lede me in-to
907Ydume?
908    12. Noȝt þou, God, þat put vs oway; & þou ne shal nouȝt, God, gon
909out in our vertuȝ.
910    13. Ȝyf vs helpe of tribulacioun, for helþe of man ys ydel.
911    14. We shal do vertu in God, and he shal bringe to nouȝt our enemis.
912
913

PSALM 108 (109) .

914
915    1. Ha God, ne haue þou nouȝt stilled myn heryynge; for þe mouþe of
916þe synȝer & þe mouþe of þe trecherous is open up me.
917    2. And hij spaken to me wyþ trecherous tunge, and encumpassed me
918wyþ wordes of hating, & faȝten wyþ me wyþ wille.
919    3. For þat þe gode loued me, þe wicked bacbiten me; & ich praied
920for hem.
921    4. And hij sett to me iuels for godes & hate for my loue.
922    5. Stables þe synȝer vp þe wicked; & þe fende stonde at hys ryȝthalf.
923    6. As he ys iuged, go he out condempned, & be hys prayer made into
924synȝe.
925    7. Ben his dayes made fewe, & anoþer tak his bischopriche .
926    8. Ben hys childer made faderles, & wif widowe.
927    9. Be hys sones made stumbland, & biggen hij; and ben hij outcusten
928of her woninges.
929    10. Secheþ þe usurer alle hys substaunce, & þe straunge rauis her
930trauales.
931    11. Ne be nouȝt to hym helper, ne þer ne be non þat haue pite of his
932moderles.

page 137

933    12. Be his childer made in-to deþ, & be hys name don oway in o
934kynde.
935    13. Turne þe wickednes of hys fadres in-to mynde in þe siȝt of our
936Lord, and þe synȝe of his moder be nouȝt don oway.
937    14. Hij ben made al-way oȝains our Lord, & peris her mynde fram
938þerþe, for þat he ne had nouȝt in mynde to do mercy,
939    15. And pursued þe gode man, þe mesays and þe biggeand, & to sle
940man prikked in hert.
941    16. And he loued waryynge, & it shal come to hym; and he nold
942nouȝt blisceing, & it shal be don fer fram hym.
943    17. And he cloþed wareing as cloþyng, & it entred as water in-to his
944in-nermast þinges & as oile in his bones.
945    18. Be made to hym as cloyþng, wyþ which he is couered, & as a
946girdel, wyþ which he is euermore girt.
947    19. Þis is þe werk of hem þat bacbiten me to our Lord, & hij þat
948speken iuel þynges oȝain my soule.
949    20. & þou, Lord, do mercy wyþ me for þy name; for þy mercy is mylde.
950    21. Deliuer me of iuel; for ich am nedeful & pouer, and myn hert is
951trubled wyþ-innen me.
952    22. Ich am don oway as shadowe, whan it boweþ doun, & ich am
953shaken out as grashoppes.
954    23. Myn knowes ben sike led of fastyng, & my flesshe is chaunged
955for oile.
956    24. And ich am made to hem vpbraidynge; & hij seiȝen me, & styreden
957her heuedes.
958    25. Ha Lord, my God, helpe me; make me sauf efter þy mercy.
959    26. And hij shul wyten þat þys his þyn helpe, and þou, Lord,
960made it.

page 138

961    27. Hij shul waryen, and þou shalt bliscen; be hii confounded þat
962arisen oȝains me, & þy seruant shal gladen.
963    28. Ben hij cloþed wyþ shame þat bacbiten me, ben hij couered wyþ
964confusion as wyþ double cloþyng.
965    29. Y shal shryue michel to our Lord in my mouþe, & y shal herien
966hym amiddes mani,
967    30. Þe wich stode at þe ryȝt-half of þe pouer in gost, þat he made
968me sauf fram þe pursuand my soule.
969
970

PSALM 109 (110) .

971
972    1. Þe Lord, fader of heuen, seid to his sone, my Lord, Sitt þou at my
973ryȝthalf,
974    2. Þer-whiles þat y sett þyn enemys shamel of þy fete.
975    3. Our Lord shal sende fram Syon Marie, þe ȝerde of þy vertu; lordship
976þou in-middes þin enemys.
977    4. Þe bi-ginynge is wyþ þe in þe daie of þy uertu in shinynges of
978holy, ymade wyþ me of my pouste to-fore Lucifer.
979    5. Our Lord swore, and it ne shal nouȝt forþenchen hym; þou art
980prest wyþouten ende efter þe order of Melchisedech.
981    6. Our Lord is at þy ryȝthalf, & he shal for-don kynges in þe daie
982of his ire.
983    7. He shal iuge in kyndes & fulfillen fallinges; he shal crouse in erþe
984þe wicked dedes of mani.
985    8. He drank in þe way of þe wille of grace, for-þy he heȝed his heued.
986
987

PSALM 110 (111) .

988
989    1. Lord, y shal shryue to þe in al myn hert in þe conseil & in þe
990gaderyng of ryȝtful.

page 139

991    2. Þe werkes of our Lord be grete, soȝt in-to alle his willes.
992    3. His werk ys shryf and hereing, & his ryȝtfulnes woneþ in þe heuen.
993    4. Our Lord piteful & merciful made minde of his wondres; he ȝaf
994mete to þe doutand hym.
995    5. He shal be biþenchand in þe world of his testament; he shal tellen
996to his folk þe vertu of his werkes.
997    6. Þat he ȝaf hem heritage of men, þe werkes of his hondes ben
998soþenisse & iugement.
999    7. Alle hys comaundementȝ ben trew, confermed in þe worled of
1000world, made in soþenes & euenhede.
1001    8. Our Lord sent raunsoun to his folk, & comaunded hys testament
1002wyþ-outen ende.
1003    9. His name is holy & dredeful, þe biginnyng of wisdome is dredyng
1004of our Lord.
1005    10. Gode vnderstondynge ys to alle doand hym ; his hereing woneþ
1006in þe heuens.
1007
1008

PSALM 111 (112) .

1009
1010    1. Blisced be þe man þat douteþ our Lord; he shal wil greteliche in
1011his comaundementȝ.
1012    2. His sede shal be ryȝtful in erþe; þe kynde of þe ryȝtful shal be
1013blisced.
1014    3. Glorie & riches ben in his hous, & his ryȝtfulnes woneþ in heuens.
1015    4. Lyȝt hys sprungen in derkenes to þe ryȝtful; merciful & reuful &
1016riȝtful.
1017    5. Þat man shal be ioieful þat haþ pite and laneþ & ordeineþ his
1018wordes in iugement, for he ne shal nouȝt be stired wyþ-outen ende.
1019    6. Þe ryȝtful shal be in mynde euerlastand, & he ne shal nouȝt douten
1020of iuel hereing.

page 140

1021    7. Hys hert is diȝt to hope in our Lord, & his hert is confermed; & he
1022shal nouȝt be stired to þat he despise his enemis.
1023    8. He de-parted, & ȝaf to pouer; is ryȝtfulnes wones in þe heuens, his
1024heued shal be an-heȝed in glorie.
1025    9. Þe synȝer shal sen is iuel and be wroþe, and he shal gnaist wyþ his
1026teþ for pynes, and he shal failen of holines; þe desire of þe synȝers shal
1027peris.
1028
1029

PSALM 112 (113) .

1030
1031    1. Ha ȝe childer, herieþ our Lord, herieþ þe name of our Lord.
1032    2. Be þe name of our Lord blisced, nou of þis & vnto heuen.
1033    3. Þe name of our Lord ys worþshipful fram þe birþe of þe sunne vnto
1034þe going-doun.
1035    4. Our Lord is heȝe vp alle men, & his glorie his vp heuens.
1036    5. Who is as God, our Lord, þat woneþ on heȝt & loked to þe meke
1037þinges in heuen & in erþe?
1038    6. Liftand þe mysays fram þerþe & dressand up þe pouer out of dung,
1039    7. Þat he sett him wyþ princes, wyþ princes of his folk;
1040    8. Þat doþ þe barain moder of childer to wonen in þe hous ioyand.
1041
1042

PSALM 113 (114) .

1043
1044    1. In þe out-going of þe childer of Israel of Egipt, of þe men of Iacob
1045hous fram þe strange folk,
1046    2. Iude is made his halwyng, Israel is made his pouste.
1047    3. Þe see saȝe hem, & fled hem; and so his þe flum Iordan turned
1048oȝainward .
1049    4. Hij heden þe mounteyns as weþeres, & þe littel hilles as lambren
1050of shepe.

page 141

1051    5. Ha þou see, what þyng is to þe, þat tou fleddest, & þou flum
1052Iordan, for þou art turned oȝainward?
1053    6. Ha ȝe childer of Israel, ȝe anheȝed þe mounteyns as weþeres and
1054þe littel hulles as lambren of shepe.
1055    7. Þe erþe is stired fram þe face of our Lord, fram þe face of God
1056of Iacob;
1057    8. Þe which turned þe stone to flodes of waters and þe roche to welles
1058of waters.
1059    PSALM 115. 1. Nouȝt to us, Lord, nouȝt to us; bot ȝif glorie to
1060þy name.
1061    2. Be we vp þy mercy and vp þy soþenes, þat þe folk ne say nouȝt,
1062Wher is her God?
1063    3. For-soþe our God is in heuen; he made al þyng þat he wolde.
1064    4. Þe ymagerie of men wyþ-outen lawe ben gold and seluer, werkes of
1065mennes hondes.
1066    5. Hij han mouþe, & hij ne shal nouȝt speken; hij han eȝen, & hij ne
1067shal nouȝt se.
1068    6. Hij han eren, and hij ne shul nouȝt heren; hij han noses, and
1069hij ne shul nouȝt smullen.
1070    7. Hij han hondes, & hij ne shul nouȝt fele; hij han fete, & hij ne
1071shul nouȝt gon; hij ne shul nouȝt crien in her þrote.
1072    8. Hij þat maken hem be liche to hem, & hij þat affien in hem.
1073    9. Þe folk of þe hous of Israel hoped in our Lord; he is her helper &
1074her defendour.
1075    10. Þe hous of Aaron hoped in our Lord; he his her helper & her
1076defendour.
1077    11. Hij þat dreden our Lord hoped in our Lord, he his her helper &
1078her defendour.

page 142

1079    12. Our Lord was þenchand on vs, and blesced us.
1080    13. He blisced þe folk of Israel, he blesced þe folk of Aaron.
1081    14. He blisced alle þat douten our Lord, þe littel wyþ þe mechel.
1082    15. Cast our Lord grace vp ȝou, vp ȝou & up ȝour sones.
1083    16. Blisced be he god of our Lord, þat made heuen and erþe.
1084    17. Þe heuens ȝauen heuen to our Lord, & he ȝaf þerþe to mennes sones.
1085    18. Þe dampned, Lord, ne shul nouȝt herien þe, ne alle þo þat
1086descenden in-to helle.
1087    19. Bot we þat lyuen. blisce our Lord nou and þanne vnto þe worled.
1088
1089

PSALM 114 (116) .

1090
1091    1. Ich loued our Lord; for our Lord shal here þe voice of my praier.
1092    2. For he bowed his ere to me, & y shal clepe him in mi daies.
1093    3. Sorowes of deþ ȝede a-bouȝt me, & þe perils of helle fonde me.
1094    4. Y funde tribulacion & sorowe, & cleped þe name of our Lord.
1095    5. Ha þou Lord, ryȝtful & merciable, deliuer my soule; and our Lord
1096haþ mercy.
1097    6. Our Lord is kepand þe littel; ich am made buxum, & he deliuered
1098me of iuels.
1099    7. Turne my soule in-to þy reste, for our Lord haþ don wele to me.
1100    8. For he defended my soule fram deþ, myn eȝen fram teres, myn fete
1101fram slideinge.
1102    9. Y shal pleise to our Lord in þe kyngdom of þe leueand.
1103
1104

PSALM 115 (116 CONTINUED) .

1105
1106    1. Y byleued þat y spake; ich am for-soþe michel lowed.
1107    2. Y said in my passing, Ich man is liȝer.

page 143

1108    3. What þyng shal y ȝeue to our Lord for alle þyng þat he haþ ȝeuen
1109to me?
1110    4. Y shal take þe chalice of helþe & clepe þe name of our Lord.
1111    5. Y shal ȝelde to our Lord myn vowes to-fore alle his folk; þe deþ
1112of his holy is precious in þe siȝt of our Lord.
1113    6. Ha Lord, for þat ich am þy seruaunt & þe sone of þyn hondemaiden,
1114    7. Þou to-brak myn bondes; y shal sacrefie to þe offrand of hereing,
1115& y shal clepen þe name of our Lord.
1116    8. Y shal ȝelde vowes to our Lord in þe siȝt of alle his folke, in þe
1117halles of þe hous of our Lord amiddes of Ierusalem.
1118
1119

PSALM 116 (117) .

1120
1121    1. Ȝe alle folkes, herieþ our Lord; ȝe alle folkes, herieþ hym.
1122    2. For his mercy is confermed vp us, and þe soþenes of our Lord
1123woneþ wyþ-outen ende.
1124
1125

PSALM 117 (118) .

1126
1127    1. Þe folkes, shriueþ to our Lord, for he his God; for his mercy is in
1128þe worled.
1129    2. Saie nov þe folk of Israel, for he his god, for in þe world is his mercy.
1130    3. Saie nov þe hous of þe folk of Aaron, for his mercy ys in þe world.
1131    4. Saien hij nov þat dreden our Lord, for in þe world is his mercy.
1132    5. Ich cleped our Lord in my tribulacioun, and our Lord herd me
1133in brede.
1134    6. Be our Lord myn helper, & y shal despisen myn enemys.
1135    7. Gode is to affien in our Lord þan to affien in man.
1136    8. Gode is to hopen in our Lord þan to hopen in princes.

page 144

1137    9. Alle folkes wyþ-outen lawe bisett me wyþ iuels, and in þe name of
1138our Lord; for ich am venged in hem.
1139    10. Þe encumpassand iuels encumpassed me wyþ iuels, and in þe name
1140of our Lord; for ich am venged in hem.
1141    11. Hij encumpassed me as ben, & brenden as fur in þornes, & in þe
1142name of our Lord; for ich am venged in hem.
1143    12. Ich am putt oȝain & turned oȝain, þat y shuld fallen, & our Lord
1144toke me vp.
1145    13. Our Lord ys my strengþe & myn hereing, & he is made to me
1146in-to helþe.
1147    14. He is voice of ioie & of helþe in þe tabernacles of ryȝtful.
1148    15. Þe help of our Lord did vertu, þe helpe of our Lord anheȝed me,
1149þe helpe of our Lord did vertu.
1150    16. Y ne shal noȝt dien, bot y shal liuen & telle þe werkes of our Lord.
1151    17. Our Lord chastiand chastied me , & ne ȝaf me nouȝt to deþ.
1152    18. Openeþ to me þe ȝates of riȝtfulnes; ich, entred in-to hem, shal
1153shriue to our Lord; þat is þe ȝate of our Lord, þe ryȝtful shul entren
1154þer-inne.
1155    19. Y shal shryue to þe, for þou herd me; & þou art made to me
1156in-to helþe.
1157    20. Þe stone which þe biggand reproued, and it is made oȝain þe heued
1158of þe corner.
1159    21. Þis þynge is made of our Lord, and it is wonder-ful in our eȝen.
1160    22. Þis ys þe daie þat our Lord made; ioie we, glade we in yt.
1161    23. Ha Lord, make me sauf; ha Lord, be þou wele enprospered;
1162blisced be he þat comeþ in þe name of our Lord.
1163    24. We haue blisced ȝou of þe hous of our Lord; God is our Lord, and
1164he shone vnto vs.

page 145

1165    25. Stablis þe solempne daie in þikkenesses vnto corner of þe auter.
1166    26. Þou art my God, & y shal shryue to þe; þou art my God, & y
1167shal an-heȝe þe .
1168    27. Y shal shryue to þe, for þou herd me; and þou art made to me
1169into helþe.
1170    28. Shriueþ to our Lord, for he his God; for his mercy is in þe world.
1171

page 145

1172

PSALM 118 (119) .

1173

ALEPH.

1174
1175    1. Þe vnfiled in her waie ben blisced, þat gon in þe lawe of
1176our Lord.
1177    2. Ben hi blesced þat sechen his witnes & sechen hem in alle his hert.
1178    3. For hij þat wirchen wickednes, ne ȝede nouȝt in his waies.
1179    4. þou comaunded þy comaundement to ben greteliche kept.
1180    5. God ȝyf þat min waies ben dresced for to kepe þy ryȝtfulnes.
1181    6. Þanne shal y nouȝt be confounded, whan ichaue loked in alle þyn
1182comaundementȝ.
1183    7. Y shal shryue to þe in drescynge of hert, in þat ichaue lerned þe
1184iugementȝ of þy ryȝtfulnes.
1185    8. Y shal kepe þy ryȝtfulnes; ne forsake me nouȝt in no manere.
1186
1187

BETH.

1188
1189    9. In what þynge amendeþ þe ȝenge man his waie in keping þy wordes?
1190    10. Ichaue bi-soȝt þe in alle myn hert, ne putt me nouȝt owaie fram
1191þyne comaundementȝ.
1192    11. Ich hidde þy spekynges in myn hert, þat y ne synȝe nouȝt to þe.
1193    12. Ha Lord, þou art blisced; teche me þy ryȝtfulnisses.

page 146

1194    13. Ichaue shewed for-þe in myn lippes alle þe iugementȝ of þy
1195mouþe.
1196    14. Ich delithed me in þe waie of þy witnisses as in alle riches.
1197    15. Y shal be haunted in þy comaundement, & y shal sen þyn waies.
1198    16. Y shal be þenchand in þyn ryȝtfulnesses, & y ne shal nouȝt
1199for-ȝete þyn wordes.
1200
1201

GYMEL.

1202
1203    17. Ha God, ȝif grace to þy seruaunt, & quike me; & y shal kepe
1204þyn wordes.
1205    18. Shewe myn eȝen, and y shal kepe þe wondres of þy lawe.
1206    19. Ich am tilier in erþe, ne hide þou noȝt fram me þyn comaundement.
1207    20. My soule haþ couaited for to desiren þy ryȝtfulnesses in alle time.
1208    21. Þou blamed þe proude; hij ben weried þat bowen fram þyn
1209comaundement.
1210    22. Do fro me vpbradeing & despite, for ich haue soȝt þyn witnisses.
1211    23. For princes seten and spoken oȝains me; þin seruaunt for-soþe was
1212haunted in þy riȝtynnges.
1213    24. For my þouȝt is þy witnisses, & þy ryȝtfulnisses ben mi conseil.
1214
1215

BELETH.

1216
1217    25. My soule drow to stablenes; quike me efter þy worde.
1218    26. Ich told myn waies, and þou herdest me; teche me þy ryȝtfulnisses.
1219    27. Teche me þe way of þy ryȝtfulnes, and y shal be haunted in þy
1220wondres.

page 147

1221    28. My soule trembleþ for anguisse; conferme me in þy wordes.
1222    29. Do fro me þe way of wickednes, & haue mercy on me for þy lawe.
1223    30. Y chese þe way of þe soþenes, and y ne for-gate nouȝt þyn
1224iugementȝ.
1225    31. Lord, y droȝ to þyn wittenisses, ne wil þou nouȝt confounde me.
1226    32. Ichaue vrnen þe wai of þy comaundementȝ, as tou enlarged mi hert
1227in godnisse.
1228
1229

HE.

1230
1231    33. Sett, Lord, lawe to me, way of þyn ryȝtynges, & y shal euer
1232seche it.
1233    34. Ȝif me vnderstondyng; and y shal seche þy lawe & kepe it in
1234alle myn hert.
1235    35. Lade me in þe bi-stiȝe of þy comaundement, for ich wold it.
1236    36. Bowe myn hert into þy witnisses, & nouȝt in-to auarice.
1237    37. Turne owai myn eȝen, þat y ne se no uanites; quik me in þy waie.
1238    38. Stablisce to þy seruant þy worde in þy drede.
1239    39. Schred owai my reproce, þat ich haue in suspeccioun; for þyn
1240iugementȝ ben ioiful.
1241    40. Se, ich couaited þy comaundementȝ; quike me in þin euennisse.
1242
1243

VAU.

1244
1245    41. & cum þy mercy, Lord, vp me, þyn helþe efter þy spekynge.
1246    42. And y shal answere to þe reprouaund to me word, for ich hoped in
1247þy wordes.
1248    43. And ne do þou noȝt out of my mouþe worde of soþenes in non
1249maner, for ich hoped in þin iugement.
1250    44. And y shal kepe þy lawe euer more in þe world and in þe heuen.
1251    45. And ich ȝede in brede, for ichaue souȝt þyn comaundementȝ.

page 148

1252    46. And y spake of þin witnes in syȝt of kynges, & y ne was nouȝt
1253confounded.
1254    47. And y shal þenchen in þin comaundementȝ, which y loued.
1255    48. Y ne lefted myn hondes to þy comaundementȝ, þat y loued; and
1256y shal be haunted in þy riȝtinges.
1257
1258

ZAI.

1259
1260    49. Be þo biþenchand on þy worde to þy seruaunt, in which þou ȝaf
1261me hope.
1262    50. Þis hope conforted me in my meknes, for þi spekyng quikened me.
1263    51. Þe proude deden iuel on ich a side; y for-soþe ne bowed nouȝt
1264fram þy lawe.
1265    52. Ich was, Lord, biþenchand on þy iugementȝ of þe world, & ich
1266am conforted.
1267    53. Defaut held me for þe synȝers for-sakand þi lawe.
1268    54. Þy riȝtinges were songelich to me instede of my pilgrimage.
1269    55. Ich was, Lord, bi-þenchand of þy name in þe niȝt, & ich kept
1270þy lawe.
1271    56. Þys lawe is made to me, for þat y soȝt þyn riȝtinges.
1272
1273

BETH.

1274
1275    57. Ha Lord, myn porcioun, y seid to kepen þy lawe.
1276    58. Ich bi-þouȝt þy face in alle min hert; haue mercy on me efter
1277þy worde.
1278    59. Ich bi-þouȝt myn waies, and turned my fet into þy witnesses.
1279    60. Ich am made redy; & y nam nouȝt ytroubled, þat y kepe þy
1280comandementȝ.

page 149

1281    61. Þe wickednisses of sinȝers enbraceden me, & y ne for-ȝate nouȝt
1282þy law.
1283    62. Ich ros vp at midniȝt to shriue to þe vp þe iugement of þy riȝtinge.
1284    63. Ich am partener of alle þe dredand þe & kepand þy comaundementȝ.
1285    64. Þerþe, Lord, is ful of þy mercy; teche me þin ryȝtinges.
1286
1287

TETH.

1288
1289    65. Lord, þou didest godenes wiþ þy seruaunt efter þy worde.
1290    66. Teche me godenes, discipline, and cuninge; for ich bileued in þy
1291comaundement.
1292    67. Y trespassed to-forn þat y was lowed; for-þy y kept þy worde.
1293    68. Þou art gode; & teche in þy godenes þyn ryȝtynges.
1294    69. Þe wickednes of pride is multiplied up me; y shal seche for-soþe
1295in alle myn hert þyn comaundementȝ.
1296    70. Her hert is runnen to-gideres as milk, ich for-soþe soȝt þy lawe.
1297    71. Gode þing it is to me, þat þou lowedest me, þat ich lerne þy
1298riȝtinges.
1299    72. Gode þyng ys to me þe lawe of þy mouþe vp a þousand talens of
1300seluer & gold.
1301
1302

LOTH.

1303
1304    73. Þyn hondes made me, & fourmed me; ȝeue me vnderstondynge, þat
1305ich lern þyn comaundementȝ.
1306    74. Hij þat dreden þe shul sen me & gladen, for ich vp hoped in þy
1307wordes.
1308    75. Ich knew, Lord, þat þyn iugement ben euenhede, & þou lowedest
1309me in þy soþnes.

page 150

1310    76. Be þy mercy made þat it conforted me; be it made to þy seruaunt
1311efter þy worde.
1312    77. Cum to me þyn mercies, & y shal liue; for þy lawe is my
1313þenching.
1314    78. Ben þe proude confounded, for hij diden wickednes in me wyþ
1315wrong; y for soþe shal be haunted in þy comaundementȝ.
1316    79. Be þe dredand þe turned to me, & hij þat knowen þy witnes.
1317    80. Be myn hert made vnfiled in þy riȝtinges, þat ich ne be nouȝt
1318confounded.
1319
1320

CHAP.

1321
1322    81. My soule failed in þin helþe, & ich hoped in þi worde.
1323    82. Min eȝen faileden in þy worde, saiand, Whan shal tou conforten me?
1324    83. For ich am made as way in rimfrost; y ne haue nouȝt forȝeten þy
1325riȝtinges.
1326    84. Hou mani ben þe daies of þi seruaunt? whan shalt tou make
1327iugement of þe pursuand me?
1328    85. Þe wicked telden me tales, ac nouȝt as þi law.
1329    86. Alle þyn comaundementȝ ben soþnes; þe wicked pursued me, helpe
1330þou me.
1331    87. Hij hadden nere honde casten me in erþe, for-soþe y ne for-soke
1332nouȝt þin comaundement.
1333    88. Quike me efter þy mercy, & y shal kepe þe wittnisses of þi mouþe.
1334
1335

LAMETH.

1336
1337    89. Lord, þi worde dwelleþ wyþ-outen ende in heuen.
1338    90. Þy soþnes is in kinde & kinde; þou founded þerþe, & it dwelleþ.
1339    91. Þe daie lasteþ þurȝ þin ordinaunce, for alle þinges seruen to þe.

page 151

1340    92. Bot þat þy lawe is mi þouȝt, þan peraunter ich had perissed in my
1341lowenisse.
1342    93. Y ne shal nouȝt for-ȝete þin riȝttinges wyþ-outen ende, for þou
1343quiked me in hem.
1344    94. Ich am þy; make me sauf, for ichaue soȝt þi ryȝtinges.
1345    95. Sinȝers abiden me, þat hij shuld destruen me; ichaue vnderstonden
1346þy witnesses.
1347    96. Ich seiȝe þe endeing of alle fulfilling, þi comaundement is much
1348large .
1349
1350

MEM.

1351
1352    97. Hou, Lord, loued ich þy lawe? al dai it is my þouȝt.
1353    98. Þou madest me quainte vp myn enemis to þi comaundement, for it
1354is to me wiþ-outen ende.
1355    99. Ich vnderstode vp alle techand me; for ich þouȝt þin witnisses ben
1356mi þouȝt.
1357    100. Ich vnderstode vp þe olde, for ich soȝt þin comaundement.
1358    101. Ich defended mi fete fram ich iuel way, þat ich kepe þin wordes.
1359    102. Y ne bowed nouȝt fram þin iugement, for þou sett lawe to me.
1360    103. Ful swete ben þi wordes to mi cheke, more þan huni to my
1361mouþe.
1362    104. Ich vnderstode witt of þy comaundement, for-þi ich hated ich
1363way of wickednes.
1364
1365

NUN.

1366
1367    105. Þy worde is lanterne to mi fete & liȝt to my bisties.
1368    106. Ich swore & stablist to kepe þe iugementȝ of þy riȝtfulnes.
1369    107. Ich am lowed on ich half; quicke me efter þyn worde.

page 152

1370    108. Make, Lord, þe wilful þinges of mi mouþe in gode plesaunce, &
1371teche me þin iugement.
1372    109. My soule is alway in myn hondes, & y ne haue nouȝt for-ȝeten þi lawe.
1373    110. Sinȝers laiden gnare to me, and y ne erred nouȝt for þy
1374comaundementȝ.
1375    111. Ichaue purchased wyþ-outen ende þin witnesses in heritage, for
1376hij ben þe ioie of min hert.
1377    112. Ich bowed min hert to do þy riȝtinges wyþ-outen ende for mede.
1378
1379

SAMEC.

1380
1381    113. Ich hade þe wicked in hateing, & ich loued þi lawe.
1382    114. Þou art min helper & mi taker, & ich hoped in þi worde.
1383    115. Ha ȝe wicked, boweþ fram me, and y shal sechen þe comaundement
1384of my God.
1385    116. Take me efter þy worde, and y shal leuen; & ne confounde me
1386nouȝt fram myn abidyng.
1387    117. Helpe me, & y shal be sauf; & y shal euermore þenchen in þy
1388riȝtinges.
1389    118. Þou despised alle þe descendand fram þin iugementȝ; for her
1390þouȝt is wrongful.
1391    119. Ich told alle þe sinȝers of erþe for-fetand; for-þy loued ich þy
1392wittnesses.
1393    120. Feche my flesshes in þi drede, for y was agaist of þy iugementȝ.
1394
1395

AYM.

1396
1397    121. Ich did iugement & riȝt, ne ȝif me nouȝt to þe chalangand me.
1398    122. Take vp þi seruaunt in gode, þat þe proude ne chalenge me nouȝt.

page 153

1399    123. Min eȝen faileden in þin helþe & in þe worde of þi riȝt.
1400    124. Do wyþ þy seruaunt efter þy mercy, & teche me þi riȝtinges.
1401    125. Ich am þi seruaunt; ȝif to me vnderstondynge, þat ich cunne þi
1402witnesses.
1403    126. Lord, it is time to do wreche, þe wicked han wasted þi lawe.
1404    127. For-þi loue ich þi comaundement vp gold & topaz.
1405    128. For-þi was ich dresced to þi comaundement, & ichad alle iuel
1406way in hatynge.
1407
1408

PHE.

1409
1410    129. Ha Lord, wonderful ben þin witnesses; for-þi my soule
1411soȝt hem.
1412    130. Þe shewynge of þin wordes aliȝteþ me, & ȝeueþ vnderstondyng to
1413litel.
1414    131. Ich opened my mouþe, & droȝe þe gost, for þat ich desired þi
1415comaundementȝ.
1416    132. Loke in me, & haue mercy on me efter þe iugementȝ of hem þat
1417louen þi name.
1418    133. Dresce min goinges efter þi worde, & al vnriȝt-fulnes ne lord-ship
1419me nouȝt.
1420    134. Raunsoun me fram þe chalanges of men, þat ich kepe þin
1421comaundementȝ.
1422    135. Liȝt þi face vp þi seruant, & teche me þy riȝtinges.
1423    136. Myn eȝen ladden outgoinges of waters, for þat hij kepten þi lawe.
1424
1425

SADE.

1426
1427    137. Lord, þou art riȝtful, & þi iugementȝ is riȝtful.
1428    138. Þou sendest riȝtfulnesses þin wittnesses & þi soþenes greteliche.
1429    139. Mi loue made me to quaken, for þyn enemis forȝaten þin wordes.

page 154

1430    140. Þy worde is michel aliȝted, and þin seruaunt loued it.
1431    141. Ich am honge & despised, and y ne haue nouȝt for-ȝeten þin
1432riȝtinges.
1433    142. þy riȝt, Lord, is riȝt wyþ-outen ende, & þi lawe is soþenes.
1434    143. Tribulacioun and anguis founden me; my þouȝt is þi comaundement.
1435    144. Þi witnesses ben euenhede wyþ-outen ende; ȝif me vnderstondynge,
1436and y shal lyuen.
1437
1438

CEPH.

1439
1440    145. Ich cried in alle myn hert; Lord, her me, y shal sechen þy
1441riȝtinges.
1442    146. Ich cried to þe; make me sauf, þat ich kepe þin comaundement.
1443    147. Ich com for-þe in melshede & cried, & ich hoped in þyn worde.
1444    148. Min eȝen com to-fore to þe in þe morwening, þat ich þouȝt þin
1445wordes.
1446    149. Here my voice, Lord, efter þy mercy, and quick me after þy
1447iugement.
1448    150. Þe persuand me drowen to wickednesse; hij for soþe ben made
1449fer fram þy lawe.
1450    151. Lord, þou art neȝe, & alle þin waies ben soþenes.
1451    152. Ich knew fram þe bigynnyng of þi wittnesses, for þou fonded
1452hem wyþ-outen ende.
1453
1454

RES.

1455
1456    153. Se my mekenisse, & defende me fram iuel; for y ne for-ȝate nouȝt
1457þy lawe.
1458    154. Iuge my iugement, & bigge me oȝain, & quike me for þi worde.
1459    155. Helþe his fer fram sinȝers, for hij ne souȝt nouȝt þy riȝtfulnesses.
1460    156. Lord, þy mercius ben mani; quike me efter þy iugement.

page 155

1461    157. Mani þer ben þat pursuen me; y ne bowed nouȝt fram þy witnes.
1462    158. Ich seiȝe þe forfetours, & ich quaked, for þat hij ne kep nouȝt
1463þy wordes.
1464    159. Se, Lord, for ich loued þin comaundementȝ; quike me in þy mercy.
1465    160. Þe by-ginnyng of þy wordes is soþ; so ben wiþ-outen ende alle
1466þe iugementȝ of þy riȝtfulnisse.
1467
1468

SYN.

1469
1470    161. Princes pursued me wyþ wille, & myn hert dradde of þin wordes.
1471    162. Y shal glade vp þi wordes, as he þat findeþ many spolinges.
1472    163. Ichade wickednisse in hateinge, and ich loþed it, & loued þy lawe.
1473    164. Ich seid hereinge to þe seuen siþes on þe daie vp þe iugement of
1474þi riȝt.
1475    165. Muchel pes is to þe louand þy lawe, & sclaunder nis nouȝt to hem.
1476    166. Ich abode, Lord, þin helþe, and ich loued þin comaundementȝ.
1477    167. My soule kept þi witnesses, & ich loued hem greteliche.
1478    168. Ich kept þy comaundementȝ & þi witnisses, for alle my waies ben
1479in þy siȝt.
1480
1481

THAU.

1482
1483    169. Cum, Lord, my praier in þy siȝt; gif me vnder-stondynge efter þy
1484worde.
1485    170. LATIN AND ENGLISH OMITTED.
1486    171. My lippes shul shewe songe, whan þou hast tauȝt me þy riȝtinges.
1487    172. My tunge shal putt forþe þy worde, for al þy comaundementȝ ben
1488euenhede.
1489    173. Ben þin honde made þat it saue me, for þat ich loued þy
1490comaundementȝ.
1491    174. Lord, ich loued þin helþe, & þy lawe is my þouȝt.
1492    175. My soule shal lyuen & herien þe, & þi iugementȝ shal helpe me.

page 156

1493    176. Ich erred as a shepe þat perissed; seche, Lord, þy seruant, for y
1494ne forȝate noȝt þy comaundement.
1495
1496

PSALM 119 (120) .

1497
1498    1. Ich cried to our Lord, as ich was trubled, & he herd me.
1499    2. Lord, deliuer my soule fram þe wicked lippes & fram þe trecherous
1500tunge.
1501    3. What þinge be ȝeuen to þe? oþer what be sett to þe trecherous
1502tunge?
1503    4. Sharpe arwen of þe miȝtful wyþ coles dis-confortables.
1504    5. Alas to me; for my dwellynge is proloyngned; ich woned wiþ þe
1505woniand of Cedar, my soule was tilier michel.
1506    6. Ich whas peisible wyþ hem þat hateden pes; as y spak to hem, hij
1507smiten me wyþ wille.
1508
1509

PSALM 120 (121) .

1510
1511    1. Ich lifted myn eȝen to þe heuens, whennes helpe com to me.
1512    2. Myn helpe is of our Lord, þat made heuen and erþe.
1513    3. Ha þou gode man, þat God þat kepeþ þe ne ȝif nouȝt þy fote in
1514stirynge, ne he ne shal nouȝt refusen hem.
1515    4. Our Lord kepeþ þe, & our Lord is þy fendour vp þi riȝt honde.
1516    5. Brynynge of vice ne shal nouȝt brulen þe bi daie, ne enticement
1517bi niȝt.
1518    6. Our Lord kepeþ þe fram alle iuels; our Lord kepe þi soule.
1519    7. Our Lord kepe þin entre and þin yssu fram þis nov vnto þe world.
1520

page 157

1521

PSALM 121 (122) .

1522
1523    1. Ich am gladed in þe þynges þat ben yseid to me; we shul go into
1524þe hous of our Lord.
1525    2. Ha þou heuen, our fete wer stondand in þin halles, whan we
1526do wele.
1527    3. Þe heuen þat is edefied as cite, of wham takyng part is in þat ich
1528þing.
1529    4. For þider mounted þe kyndes of kindes of our Lord, þe witnesse of
1530þe childer of Israel, to shriue to þe name of our Lord.
1531    5. For þat satten þe chosen in iugement, þe chosen vp þe folk of þe
1532hous of Dauid.
1533    6. Ha ȝe heuens, askeþ þinges þat ben in pes & wexing be to þe
1534louand þe.
1535    7. Be pes made in þy vertu & wexing in þy miȝtes.
1536    8. TRANSLATION OMITTED.
1537    9. For þe houus of God, our Lord, y soȝt godes to þe.
1538
1539
1540

PSALM 122 (123) .

1541
1542    1. Þou þat wonest in þe heuens, ich lifte myn eȝen to þe.
1543    2. Se, as þe eȝen of þe seruauntes ben in þe hondes of her lordes;
1544    3. As þe eȝen of þe hondemaiden ben in þe hondes of þe ladi, so
1545ben our eȝen to God, þer-whiles þat he haue merci on vs.
1546    4. Ha mercy on vs, Lord, haue merci on us, for we ben michel
1547fulfild of despite.
1548    5. For þat our soule is greteliche fulfild wyþ synȝes, reprucynge be to
1549þe wexyng & despite to þe proude.
1550

page 158

1551

PSALM 123 (124) .

1552
1553    1. Bot ȝif our Lord were in vs, sai nou þe folk of Israel, bot ȝif God
1554were in us:
1555    2. As men arisen oȝains vs, peraunter hij hadden deuoured vs al
1556quike.
1557    3. As her wodeship was wroþe oȝains us, water peraunter hade
1558swolwed vs.
1559    4. Our soule passed trauail; perchaunce our soule had passed peine
1560þat maie nouȝt be suffred.
1561    5. Blisced be our Lord, þat ne ȝaf vs nauȝt in takyng to her teþe.
1562    6. Our soule is defended as þe sparowe fram þe gnare of þe fouler.
1563    7. Þe trappe of þe fend is to-broke wyþ þe deþ of Crist, & we ben
1564deliuered fro dampnacioun.
1565    8. Our helpe is in þe name of our Lord, þat made heuen and erþe.
1566
1567

PSALM 124 (125) .

1568
1569    1. Hij þat affien hem in our Lord, as þe folk of Syon, ben gode; ne he
1570þat woneþ in heuen ne shalt nouȝt be stired wiþ-outen ende.
1571    2. Þe ioies ben in his cumpas, & our Lord is in þe cumpas of his folk
1572fram nou & into heuen.
1573    3. For our Lord ne shal nouȝt for-sake þe penaunce of þe sinȝers vp
1574þe lot of þe riȝtful, þat þe riȝtful ne shewe nouȝt her hondes to wickednes.
1575    4. Do wele, Lord, to þe gode & riȝtful of hert.
1576    5. Our Lord shal laden þe bowand fram gode in-to bindeing wyþ þe
1577wircheand wickednes; pes be vp þe folk of Israel.
1578

page 159

1579

PSALM 125 (126) .

1580
1581    1. We ben made as conforted, our Lord turnand chaitifs of þe folk
1582of Syon.
1583    2. Þan is our mouþe fulfild of ioie, & our tunge in gladenes.
1584    3. Þan shul hij saien a-monge men: Our Lord heried to do wyþ
1585hem mercy.
1586    4. Our Lord heried to do wyþ us, so be we made ioiand.
1587    5. Lord, wil þou turne our chaitifnes, as þi grace is in heuen.
1588    6. Hij þat repenten her sinȝes in teres, hij shul liuen in heuen
1589wiþ ioie.
1590    7. Þe dyand ȝede out of þe world & wept, sendand her dedes.
1591    8. And hij comaund in-to heuen shul cum wyþ ioie, berand to God
1592her honours.
1593
1594

PSALM 126 (127) .

1595
1596    1. Bot ȝif ȝour Lord haue bigged þe hous in uain, hij trauaileden
1597þat it sett.
1598    2. Bot ȝif our Lord haue kept þe cite, he þat kepeþ it wakeþ al on
1599idel.
1600    3. Ydel þing it is to ȝou for to arisen to-fore liȝt; ȝe þat han don
1601dedelich sinȝe, ariseþ, sen þat ȝe han made dwelling.
1602    4. Ȝe childer, marchaundis & frut of þe wombe, seþ þe heritage of our
1603Lord, whan he had ȝeuen reste to his loued.
1604    5. As arwen ben in þe honde of þe miȝtful, so ben þe sones of þe
1605smiten.
1606    6. Blisced be þe man þat fulfild his desire of hem; he ne shal nouȝt
1607be confounded, as he shal speken to his enemis in þe ȝate of Paradis.
1608

page 160

1609

PSALM 127 (128) .

1610
1611    1. Blisced ben hij al þat dreden our Lord, þe which þat gon in his waies.
1612    2. Ha þou man, þou art blisced, & wele þe shal be, for þou shalt eten
1613þe trauailes of þin hondes.
1614    3. Þy wyf shal be as a vine wexand in þe sides of þyn hous.
1615    4. Þy childer shul ben as braunches of oliues a-bout þy table.
1616    5. Se, þus shal þe man be blisced þat dredeþ our Lord.
1617    6. Þe Lord of þe folk of Syon blisce þe, þat tou se þe godes of heuen
1618alle þe daies of þy lif;
1619    7. Þat tou se þe sones of þi sones, pes vp þe childer of Israel.
1620
1621

PSALM 128 (129) .

1622
1623    1. Þe wicked foeten OR focten, MS. READING UNCLEAR oftȝ oȝains me fram my ȝengþe, sai nou þe folk
1624of Israel.
1625    2. Þe wicked foȝten oft oȝains me fram my ȝouþe, for hij ne miȝten
1626nouȝt to me.
1627    3. Þe synȝers forgeden folies vp my rigge, & hij proloined her
1628wickednes.
1629    4. Our Lord riȝtful shal keruen þe haterels of þe sinȝers; ben hij alle
1630confounded & turned þat hateden þe folk of Syon.
1631    5. Ben hij made as hai of houses þat dried, ar þat it be drawen vp;
1632    6. Of which he þat shal repen, ne fild nouȝt his honde, ne he his bosme
1633þat shal gader þe honde-fouls.
1634    7. And hij þat passeden ne saiden nouȝt, Þe blisceing of our Lord be
1635vp ȝou, we blisced ȝou in þe name of our Lord.
1636

page 161

1637

PSALM 129 (130) .

1638
1639    1. Ich cried, Lord, to þe for þe depe; Lord, here my uoice.
1640    2. Ben þin eres made vnder-stondand to þe voice of mi praier.
1641    3. Lord, ȝif þou hast kept wickednes, Lord, who shal holde hem vp?
1642    4. For help is to þe, & ich susteined þe, Lorde, for þy lawe.
1643    5. My soule helde vp gode in his worde, my soule hoped in our Lord.
1644    6. Hope þe folk of Israel in our Lord fram þe mornynge kepinge vn-to
1645þe niȝt.
1646    7. For merci is at our Lord, & at him is plentiuose raunsoun.
1647    8. And he shal raunsoun þe folk of Israel fram alle her wickednes.
1648
1649

PSALM 130 (131) .

1650
1651    1. Lord, myn hert nis nouȝt anheȝed, ne min eȝen ne ben noȝt born
1652on heȝe.
1653    2. Ne ich ne ȝede nouȝt in grete þinges, ne in wonderful þinges vp me.
1654    3. Ȝif y ne feld nouȝt lowelich, bot haue heȝed mi soule:
1655    4. As þe souking is vp his moder, so is ȝeldyng in my soule.
1656    5. Hope þe folk of Israel in our Lord, nou fram þis time and to
1657þe heuens.
1658
1659

PSALM 131 (132) .

1660
1661    1. Bi-þenche þe, Louerd, of Dauid & of alle his mildenes.
1662    2. As he swore to our Lord, he avowed vowe to þe God of Iacob.
1663    3. Ȝif ichaue entred in-to þe tabernacle of mi hous, ȝif ichaue went
1664vp into þe bedde of myn apparaile;

page 162

1665    4. Ȝif ichaue ȝeuen sleping to myn eȝen & slomeringe to myn
1666eȝen-liddes,
1667    5. And rest to my tymes, þer-whiles þat ich finde stede to our Lord,
1668tabernacle to God of Iacob:
1669    6. Se, we herd it in Effrata, we finde it in þe heuen.
1670    7. We shul entre in-to þe tabernacle of God, & we shul anouren in þe
1671stede, þer his fete stode.
1672    8. Arise, Lord, in-to þi rest, þou & þe houche of þin halwing.
1673    9. Þyn prestes ben cladde wiþ riȝt-fulnisses, & glade þin holi.
1674    10. Ne turne nouȝt þe face of þi prest anoint wiþ creme for Dauid, þi
1675seruant.
1676    11. Our Lord swore to Dauid soþenes, & he ne shal nouȝt deceiue him;
1677y shal laie vp þi sege of þe frut of þi wombe.
1678    12. Ȝif þi childer haue kept þe testament & þe witnesses, þo þinges þat
1679y shal teche hem,
1680    13. Her childer shul siten vp þi sete vn-to þe world.
1681    14. For our Lord ches þe folk of Syon, he ches hem in-to wonyng
1682to him.
1683    15. Þis wonyng is rest to me in heuen, her shal ich wone, for iches it.
1684    16. Ich blisceand shal blisce his widowe, y shal fulfil his pouer
1685of loues.
1686    17. Y shal cloþen his prestes wiþ helþe, & his holi shul gladen wyþ ioie.
1687    18. Þer shal y bringe forþe þe power of Dauid; and y made rady þe
1688laterne to mi preste anoint wyþ creme.
1689    19. Y shal cloþe his enemis wiþ confusioun; myn halweing for-soþe
1690shal florissen vp hym.
1691

page 163

1692

PSALM 132 (133) .

1693
1694    1. Se, hou gode & hou ioiful þing it is, breþer to wonen in on;
1695    2. As onement in þe heued, þat falleþ into þe berde, þe berde of Aaron;
1696    3. Þe which fel in-to þe hemme of his cloþinge, as dew of Hermon þat
1697fel in þe mounteine of Syon.
1698    4. For our Lord sent þider his blisceinge, and lif vnto þe heuen.
1699
1700

PSALM 133 (134) .

1701
1702    1. Ha ȝe alle seruantes of our Lord, seþ, blisceþ our Lord nou.
1703    2. He þat stonde in þe hous of our Lord, in þe halles of our Goddes hous,
1704    3. Heȝeþ your hondes bi niȝtes in-to holi þinges, & blisceþ our Lord.
1705    4. Our Lord blisced þe, Marie of Syon, þat made heuene & erþe.
1706
1707

PSALM 134 (135) .

1708
1709    1. Ha ȝe seruauntȝ, herieþ our Lord, herieþ þe name of our Lord.
1710    2. Ȝe þat stonde in þe hous of our Lord, in þe halles of þe hous
1711of our Lord,
1712    3. Herieþ our Lord, for he is gode; singeþ to his name, for it is milde.
1713    4. For our Lord ches Iacob to him, Israel to him in possessioun.
1714    5. For ich knew þat our Lord is gret, and our God is to-fore alle goddes.
1715    6. Our Lord made alle þinges þat he wolde, in heuen & in erþe, in see
1716and in halle depenisses.
1717    7. He his ladand out cloudes of þe last ende of þerþe, & he made
1718liȝtinges in raine.

page 164

1719    8. Þe which þat putteþ forþe þe windes of his tresour, þo which smote
1720þe first borne of Egipt fram man vnto beste,
1721    9. And sett his to-knes & his wondres in-middes of þe Egipt, oȝayn
1722Pharaon his seruauntes;
1723    10. Þe which smote mani folkes, & sloȝe stronge kynges,
1724    11. Seon, Kyng of Amorreux,
1725    12. And Og, kyng of Basan,
1726    13. And alle þe kyngdomes of Chanaan.
1727    14. And he ȝaf her londe heritage, into heritage to his folk of
1728Israel.
1729    15. Lord, þy name is wyþ-outen ende, þi minde is in kynde and in-to
1730kinde.
1731    16. For our Lord shal iuggen his folk and praie for his seruauntes.
1732    17. Þe y-magerie of men ben seluer & gold, werkes of mennes hondes.
1733    18. Hij han mouþe, and hij ne shul nouȝt speken; hij han eȝen, and
1734ne shul nouȝt sen.
1735    19. Hij han eren, and hij ne shul nouȝt heren; and no gost is in her
1736mouþe.
1737    20. Hij þat maken hem be made lich to hem, and alle þat affien
1738in hem.
1739    21. Ha he folk of Israel, blisceþ our Lord; ha ȝe folk of Aaron,
1740blisceþ our Lord.
1741    22. Þe folke of Leui, blisceþ our Lord; ȝe þat douteþ our Lord,
1742blisceþ our Lord.
1743    23. Blisced be our Lord of þe folk of Syon þat woneþ in heuen.
1744

page 165

1745

PSALM 135 (136) .

1746
1747    1. Shriueþ to our Lord, for he is god, for hys merci is in þe world.
1748    2. Shriueþ to þe God of goddes;
1749    3. Shriueþ to þe Lord of lordes;
1750    4. Þe which bi him on deþ grete wondres;
1751    5. Þe which made þe heuens in vnder-stondinge;
1752    6. Þe which fastened þerþe vp waters;
1753    7. Þe which made grete liȝtes,
1754    8. Þe sonne in-to þe miȝt of þe dai,
1755    9. Þe mone and þe sterres in-to miȝt of þe niȝt;
1756    10. Þe which smote Egipt wyþ her first biȝeten.
1757    11. Þe which lad out þe childer of Israel fram amiddes hem,
1758    12. In myȝt-ful honde and heȝe arme;
1759    13. Þe wiche departed þe Reed See in departynges;
1760    14. Þe wiche lad þe folke of Israel þurȝ-out it;
1761    15. Þe which smote Pharaon and his vertuȝ in þe Reed See;
1762    16. Þe which lad his folk þourȝ desert;
1763    17. Þe which smote grete kinges,
1764    18. And sloȝe stal-worþ kinges,
1765    19. Seon, kynge of Amorreux,
1766    20. And Og, kyng of Basan,
1767    21. And alle þe kyngdoms of Chanaan.
1768    22. And he ȝaf her londe heritage,
1769    23. Heritage to Israel, his seruaunt.
1770    24. Þe which was bi-þenchand on us in our mekenes,

page 166

1771    25. And raunsouned vs fram our enemis;
1772    26. Þe which ȝeueþ mete to ich flesshe.
1773    27. Shriueþ to þe God of heuen;
1774    28. Shriueþ to þe Lord of lordes;
1775    29. For in þe world is his mercy.
1776
1777
1778

PSALM 136 (138) .

1779
1780    1. Y shal shriue, Lord, to þe in alle myn hert, for þou herdest þe
1781worde of my mouþe.
1782    2. Y shal singe to þe in þe siȝt of aungels, & y shal anoure þe to þin
1783holi temple, & ich shal shriue to þi name,
1784    3. Vp þi merci & þi soþenes; for þou heried þin holi name vp alle þinge.
1785    4. In whiche daie þat ichaue cleped þe, her me; þou shalt multiplien
1786vertu in my soule.
1787    5. Shriue, Lord, to þe alle þe kinges of erþe; for hij herden alle þe
1788wordes of þi mouþe;
1789    6. Þat hij singe in þe waies of our Lord, for þe glorie of our Lord
1790is grete.
1791    7. For our Lord is heȝe; & he lokeþ þe lowe þinges, & knoweþ þe
1792heȝe þinges fram fer.
1793    8. Ȝif ich haue gon amiddes of my tribulacion, þou shalt quike me; &
1794þou sheweþ þin honde vp þe wraþe of min enemis; þi miȝt made me sauf.
1795    9. Our Lord shal ȝelden for me; þi merci, Lord, is in þe world; ne
1796despise þe werkes of þin hondes.
1797
1798

PSALM 137.

1799
1800    1. Þer-whiles þat we bi-þouȝt vs of þe heuen, we satt & wept þer vp
1801þe assautes of þe fende.

page 167

1802    2. We heng our ioies in passand þinges in-middes of him.
1803    3. Why hij, deuels, þat ladden vs chaitifs, asked vs þer wordes of songes.
1804    4. And hij þat ladden vs out of godenes, seiden to vs: Singeþ to us of
1805þe songe of heuen.
1806    5. Hou shul we singe þe songe of our Lord in iuel liif?
1807    6. Ha ȝe folk of gode liif , seid our Lord, if þat ich for-ȝete ȝou,
1808be mi
1809miȝt ȝeuen to forȝetinge.
1810    7. Fast drawe my tunge to my chekes, ȝif y þenche nouȝt on þe.
1811    8. Yf y ne sett nouȝt forþe gode folk in þe biginnynge of my ioie.
1812    9. Be þou bi-þenchand of wicked childer in þe daie of iugement of
1813gode men;
1814    10. Þe which wicked sain, For-doþ þe gode, fordoþ þe gode vnto þe
1815foundement in it .
1816    11. Ha þou soule, filed þurȝ þe fende, þou art chaitif; blisced be he
1817þat ȝeldeþ to þe þi ȝeldinge, þe which þat tou ȝelde to vs gode.
1818    12. Blisced be he þat shal holde him in godenes & put his gode dedes
1819to stondynge.
1820
1821

PSALM 138 (139) .

1822
1823    1. Lord, þou prouedest me, and þou knewe me; þou knewe my
1824sittyng and my risynge.
1825    2. Þou vnderstonde mi þoȝutes fram fer; þou soȝt my bisti and
1826myn acorde.
1827    3. And þou for-seȝest alle myn waies, for þer nis no worde in my
1828tunge.
1829    4. Se, Lord, þou kneu alle þe last þynges & þe old; þou fourmed me,
1830and sett vp me þin helpe.

page 168

1831    5. Þy conynge is made wonderful vp me; it is conforted, and y ne mai
1832nouȝt þer-to.
1833    6. Whider shal y go fram þy gost, and whider shal y fle fro þy face?
1834    7. Ȝif ich steiȝe to heuen, þou art þer; ȝif ich go a-doun to helle,
1835þou
1836comest þider.
1837    8. Ȝif þat y take my liȝtynges in þe morning and wonne in þe vtterest
1838of þe see,
1839    9. Whi hy þin helpe shal lede me þider, and þy miȝt shal holde me.
1840    10. And y seid perchaunce, derkenesses shul defoulen me, and þe nyȝt
1841is my liȝting in my delites.
1842    11. For derkenesses ne shul nouȝt be derke of þe, and þe nyȝt shal be
1843briȝted as þe daie; as his derknesses ben, so is his liȝt.
1844    12. For þou weldedest mie reines, and toke me fro þe wombe of
1845my moder.
1846    13. Y shal shriue to þe; for þou art dredefullich heried; þin werkes
1847ben wonderful, and my soule shal knowe hem gretelich.
1848    14. My mouþe nis nouȝt hidde fro þe, which þou made in priuete, and
1849my substaunce is in þe neþerest of þerþe.
1850    15. Þyn eȝen sen myn vnparfitnes, & al shul be writen in þi boke; þe
1851daies shul be fourmed, and no man in hem.
1852    16. Ha God, þin frendes for-soþe ben michel worþshiped to me, her
1853principalte is mychel conforted.
1854    17. Y shal telle hem, & hij shul ben multiplied vp grauel; ich aros, &
1855ȝete ich am wyþ þe.
1856    18. Ha God, ȝif þou sle þe synȝers, helpe me; ȝe men suiled wyþ sinȝe,
1857bowe fro me.

page 169

1858    19. For þat ȝe say in ȝour þouȝtes, Taken þe gode in vaine her medes.
1859    20. Þinge to wyten ȝif ich hated þe hatend þe, Lord, and failled vp
1860myn enemis?
1861    21. Ich hated hem wiparfite hate, and hij ben made enemys to me.
1862    22. Proue me, God, and wite myn hert; aske me, and knowe my sties.
1863    23. And se, ȝif waye of wickednes is in me, and lade me in waie
1864euerlastend.
1865
1866

PSALM 139 (140) .

1867
1868    1. Defend me, Lord, fro þe wicked man, and defende me fro þe man
1869vnriȝtful.
1870    2. Þe which þoȝten wickednes in hert, hij stablist batails aldai.
1871    3. Hij sharped her tunges as naddres, venym of aspides is vnder
1872her lippes.
1873    4. Kepe me, Lord, fram þe honde of þe sinner, & defende me fram þe
1874vnriȝtful men.
1875    5. Þe which þouȝten to supplaunten my ganginges, þe proude hidden
1876gnares to me.
1877    6. Hij spradden out wickednesses into gnare, hij sett sclaunder to me
1878by þe waye.
1879    7. Y seid to our Lord, þou art my God; here, Lord, þe voyce of my
1880prayere.
1881    8. Þou Lord, Lord, uertu of myn helþe; þou shadued, Lord, vp min
1882heuede in þe daie of bataile oȝains þe fende.
1883    9. Ne ȝyf me nouȝt fro my desire to þe sinȝer; þe wicked þouȝten
1884oȝains
1885me, þat hij ne be nouȝt peraunter an-heȝed.

page 170

1886    10. Þe heued of her cumpassement & þe trauail of her lippes shal
1887couer hem.
1888    11. Tourmentȝ shul falle vp hem, and þou shalt cast hem in-to
1889dampnacioun; þe gode ne shul nouȝt dwellen in mesais.
1890    12. Þe man michel spekand ne shal nouȝt be dresced in erþe, iuels shul
1891taken þe unriȝtful in-to deþ.
1892    13. Ich knew þat our Lord shal do þe iugement of þe mesais and
1893vengeaunce of þe pouer.
1894    14. Þe riȝtful for-soþe shul shriuen to þy name, and þe riȝtful shul
1895wonen wyþ þy semblaunt.
1896
1897

PSALM 140 (141) .

1898
1899    1. Lord, ich cried to þe, here me; vnderstonde my voice, whan y
1900crye to þe.
1901    2. Be myn orison dresced to þe as encens in þy syȝt, and so be þe
1902lifting of myn hondes sacrifice of heuen.
1903    3. Lord, sett kepyng to my mouþe, & þe dore of þe vnderstondynge MS: vmstondynge to
1904my lippes.
1905    4. Ne bowe nouȝt myn hert into wordes of malice for to excusen
1906excusaciouns in sinȝes.
1907    5. Wyþ men wirchand wickednes, & y ne shal nouȝt commune wyþ
1908her chosen.
1909    6. Þe riȝtful shal vndernimen me in merci and blame me; þe iuel for-soþe
1910of þe sinȝer ne shal nouȝt grese min heued.
1911    7. For ȝete is myn orisoun in her welelikand, her iuges ioint to þe
1912stone ben swolwed.
1913    8. Hij shul heren my wordes, for hij miȝten here hem; mi worde his
1914lopen bifore as fathede of þerþe.

page 171

1915    9. Our bones ben wasted bisiden helle, for to þe Lord ben our eȝen;
1916Lord, ich hoped in þe, ne do nouȝt owaie þe soule fro me.
1917    10. Kepe þou me fro þe assaut þe which þe wicked stablist to me, &
1918fro þe sclaundres of þe wirchand wickednes.
1919    11. Þe synȝers shul fallen in her assaut; ich am oneliche, þerwhiles
1920þat y passe.