1B3.3.14

page 170

    
2Efter drihtnes þrowunge and his æriste, þæt he of deaðe
3aras hælend Crist: on þam dagum his
4halgan geþrowodon for his þæra micclan leofan lufan.
5Eac þa gewearð hit, þæt þa halga seagntes ofercomen þa
6deofla, þe wið heom gewunnon.
7And þa ricene, þe on þan dagum wæron, hæfdon heom
8geworht godes of golde and of seolfre; þa
9wæron dumbe and deafe and blinde, and eal þæt hæþan folc
10swiðe gelefdon on þan godum.
11Sum land is Anthiochia gehaten.
12On þam lande wæs an godes þeowa; se wæs Theothimus
13gehaten; he wæs swiðe gelæred man.
14And þær on lande wæs sum hæþen cyningc, Theodosius
15gehaten, and his cwen mid him.
16Hit gewearð swa, þæt heo bearn gestreonedon and þæt
17wearð geboren mædencild.
18And se hæþene cing his fæder hit het ut aweorpan and men
19swa dyde.
20And se godes þeowe Theothimus gefand þæt cild and he hit
21up anam and hit wel befæste to fedenne.
22And þa hit andgeat hæfde, he him nama gesette, and þæt
23wæs Margareta, and hi syððan to lare
24befæste, and hi þæron wel geþeah.
25ðis eadiga mæden se arwurða godes þeowa Theothimus fedde
26and lærde and forðbrohte, oð þæt hi XV
27wintre eald wæs.
28Dæghwamlice hi hire utsanges and hire gebedu georne gefylde
29and þæt ungelærde folc swiðe mynegode
30to ures drihtones hersumnesse, hælendes Cristes, and þus
31cwæð: Geherað me, earma þeoda, ægþer ge
32weres ge wifes, ge cnihtes ge mægdenes, and healdað fæste on

page 171

33eowre heorta þæt þe ic eow secge and wissige.
34Forwyrpað þa deadan godas, þe ge her beforen to gebugan,
35þe beoð mid mannes handen gegrafena, and
36gebegeð eow to ure sceppende gode almihtigne, Sanctæ
37Marian sunu, hælende Criste.
38And ic eow behata and on hand selle, þæt ge sculon finden
39reste eowre sawlen mid gode and mid
40his gecorenan innan paradyses myrhþe.
41Seo eadiga Margareta wæs Theodosius dohtor; se gehersumode
42þan deofle and hi gehersamedo gode and
43ealle his halgan.
44ða geherde seo eadiga Margareta and hi hit on bocum fand,
45þæt þa cinges and þa ealdormenn and þa
46yfela gerefan ofslogen æfre and bebyrodon ealle þa godes
47þeowas, þe þær on lande wæron.
48Sumne hi mid wæpnum acwealdon and sumne mid hatum wætere.
49Sumne hi onhengon be þan fotum and sumne be þan earmum.
50Sumne hi pinedon mid wallende leade and mid hatum stanum.
51Sumne heo mid sweorde ofslegen, sumne mid spiten betweon
52felle and flæsce þurhwræcon.
53Eall þæt godes þeowan geþafodon and geþrowodon for
54godes deoran lufan.
55And þa seo eadiga Margareta þis eall geherde and geseah, hi
56hi þæs þe swiðor to gode gebæd and þus cwæð:
57Domine Deus omnipotens, ego sum ancilla tua ;
58Drihten god ælmihtig, heo cwæð, ic eom þin
59þeowa clæna and ungewæmmed fram eallum mannum, þe
60geborene bið.
61þe ic me betæce ungewæmmode, þæt þu me gehealde togeanes
62þæs deofles costnung strange and
63staþolfæste on þinre þære sweteste lufa, forþan þe to
64þe nu is and æfre wæs and þurh þin help æfre beon
65sceal min hiht and min hope and min soþe lufu.
66ða gewearð hit on anum dæge, þæt hire fostermoder hi het
67gan mid oþrum fæmnum on feld, sceap to
68hawienne, and hi swa dydo spinnende.
69ða ferde Olibrius se heahgerefa fram Asia þæra burh to
70Anthiochiam, axiende, hwær þa wæron, þe
71heora godan here noldan.
72ða he on his wege rad, þa beseah he on þæt eadigan mæden,
73þær þe hi sæt wlitig and fæger onmang
74hire geferan.
75ða cwæð he to his cnihtum: Ridað hraþe to þære
76fæmnan and axiað hire, gif hi seo frig.
77and gif hi is, þonne wille ic hi habban me to wife.
78and gif hi is þeowa, þonne wille ic gifen fih for hire and
79hæbban hi me to cefase and hire scel
80beon wel mid me þurh hire fægernesse and hire fægre wlite.
81And þa cnihtes hire þa to comon and hire to spræcon,

page 172

82eall swa heom gehaten wæs.
83ða Sancta Margareta heo to eorþan gestrehte and hi hire
84georne to gode gebæd and þus cwæð:
85Miserere mei, Deus, miserere mei ; Gemiltse me, drihten,
86gemiltse me, þæt min sawle ne seo awæmmod þurh
87þisum hæþenum mannum.
88And ic þe wille biddan, þæt deofle mine sawle ne beswican,
89ne mine treowðe fram þe ahwerfan, ne
90minne clæne lichaman gefylan.
91Drihten leof, æfre ic þe lufode, and þu wuldorcyning, ne
92læt þu me naht beswican, ne næfre min
93gewit fram þe gehwerfan, ne min mægþhad afylan.
94Ac asænd me, leofa drihten, þinne halga engel to fultume,
95þæt ic min gewitt and minne wisdom forð
96healdan mote, forþon ic eom gesett betweonen þisum folce,
97swa swa sceap betweonon wulfum.
98and ic eam befangan eal swa spearwe on nette and eall swa
99fisc on hoce and eal swa hra mid rape.
100Nu help þu me, leofa drihten, gehelp þu me.
101And þa cerdon þa cnihtas to heora hlaforde and cwædon:
102Nis þin mægn naht wið hire, forþon þe hi
103lufað þone god, þe þine eldran aheongan on rode.
104And þa wearð se gerefa swiðe yrre and het hi niman and him
105to gebringan.
106And he hire to cwæð and hire axode, of hwilcere þeode hi
107wære and hwæder hi wære Cristen and frig
108oððe þeowa.
109And seo eadiga Margareta him andwyrde and cwæð: Ic eom
110frig and Cristen.
111And se cniht hire to cwæð: On hwilcum godum is þin
112geleafa, þe þu on gelefst and forð wilt get
113gelefan?
114Seo eadiga Margarete him þa geandswarede: Ic lufige god
115ælmihtigne, cwæð hi, and on him ic gelefa,
116þe is fæder and sunu and halig gast, þone þe min
117mægþhad fægre and wel gehealdon hæfð.
118þæt is se þe þine yldran ahengan and þurh þære dæde
119hi losian sculon, forþon þe he is cyning and
120his rice ne wurð næfre nan ænde.
121And þa wearð Olibrius swiðe yrre and het þa fægre fæmne
122genimen and innon his carcerne belucen,
123þær nan liht inne cumen ne mihte, and men swa dyde.
124ða þis gedon wæs, þa for se gerefa Olibrius to Antiochia
125þære byrig, to his godan him to
126gebiddenne.
127And he þanan to his gereorde eode and amang þan þe he æt,
128he to his þegnum spræc and þus cwæð: On
129hwilca wisa ræde ge me, hu ic muge þis mæden bismærian?
130And hi ealle þa swigedon.
131ða se gerefa het hi ut lædon of þan carcerne and þæt
132wæs on þan

page 173

133oðre dæge and het hi bringan beforen him.
134And he hire to cwæð: ðu earma fæmna, læt beon þin
135mycela mod, þe þu to me hæfst, and gemiltse
136þinum fægran lichaman and gebide þe to minum gode and ic þe
137gife ælc god genoh and þu scealt eal
138mines godes wealden mid me selfum.
139Sancta Margareta him andswerode and þus cwæð: Drihten hit
140wat, þæt ic min mægþhad wel þurh him
141gehealdan habbe, and ne miht þu me beswican, ne þu ne miht me
142becyrran of minum rihtan geleafan, ne
143fram minum rihte hlaforde.
144And ic eom geara, cwæð hi, on drihten to gelefanne, þe
145gesceop heofonas and eorðan, and he sæ
146bedraf, þær þe heo wrohtað dæges and nihtes.
147Olibrius þa cwæð: Gif þu nylt to minum gode þe gebiddan,
148min swyrd sceal þinne þone fægran
149lichaman eall to styccan forcyrfan and þine lieman ealle
150tosindrian, and þine ban ic sceal ealle
151forbærnan.
152And gif þu woldest me lufian and to minum godum þe
153gebiddan, þe sceolde beon eall swa wel, eall
154swa me selfan.
155And seo eadiga Margareta him andswerode and cwæð: Ic habbe
156minne licchaman and mine sawla gode
157bebodan, for he is min hlaford and min help and min werigend
158and min fultum wið þe and wið eallum
159þinum leasum gewitum.
160Crist hine selfne to þan geeadmedde, þæt he for mancynne
161micele þrowunge geþrowode and na for his
162gewyrhtum, ac for ure alesednesse.
163and ic wille, cwæð hi, for his leofan wille bliðelice
164þrowian.
165ða het se gerefa hi niman and het hi be þam fotan upp ahon
166and mid greatum roddum beaton.
167And seo eadiga Margareta hire handan upp ahof and hi to gode
168gebæd and þus cwæð: On þe ic
169gelefa, leofa drihten; and þæt ic þe bidde, þæt þu ne
170þole, þæt ic næfre forwurþe, ne þæt me mine feond
171næfre oferswiðan ne moten, forþan min hiht is to þe,
172leofe drihten.
173And hi þa get hire clæne gebedu forð hild and þus cwæð:
174æfre wunu þu mid me, leofa drihten
175heofonlice cyng.
176Miltse me and genere me of deofles anwealde.
177Ealle þa men, þe hire abutan stodon, to hire cleopoden and
178þus cwædon: Hwi nelt þu, earme fæmne,
179gelefan on ure gode and to ure hlaforde þe gebugan and lutan.
180æle fægre fæmne, ealle we þe bemænað sarlice, forþon
181þe we geseoð þe swa nacode sittan and þinne
182fægra lichaman to wundre macian, and us þæt þincþ, þæt
183he ah þines gewald, hwæþer swa he wille to
184deaðe oððe to life.

page 174

185Gelef on ure gode, þonne most þu mid us lif habban.
186Seo eadiga Margareta heom andswerode: æle ge geleasan witan,
187gað hraðe to eowrum weorce, forþan
188ðe min god is mid me on fultume.
189Hwæt, wene ge, þæt me þæt ofþynce, þæt min lichame
190þrowige?
191Ic wat, þæt min sawle is þæs þe clænre mid gode.
192Ac earme þeode, gelefað get on minum gode, and for he is
193strang and mihtful and ealle þan mannen
194gefultumað, þe mid rihte farað and mid clænre heorte him
195to gebiddað, and he heom geofð in
196paradise eardingstowe.
197Ne þurfe ge næfre þæs wenan, þæt ic æfre eowrum godum
198me to gebidde, forþon þe hi syndon dumbe
199and deafe and blinde and mid drycræfte geworhte.
200ða wearð se gerefa eorre geworþan and cwæð to hire: ðu
201wyrcest þines fæðeres weorc, þæt is se
202deofol self.
203And seo fæmne andswaro geaf: Hwæt, þu nu, earming, mid
204leasunge færst and me is min drihten on
205fultume.
206ða cwæð se gerefa: Hwær is se god, þe mæg þe gebeorgan
207of mine handan?
208Seo eadiga Margareta him to cwæð: Geswiga þu earmingc, ne
209hæfst þu nan þingc on me to donne, ac
210eall þu eart full and þu scealt faran into þære nigenda
211niþhelle and þu scealt þær onfon þa yfelan
212geweorc, þe þu her gefremest and gefremed hæst.
213ða het se gerefa hio nimon and be þan fexe up ahon and bæd
214wyrcan scearpa piles and het wrecen
215betweon flæsce and bane.
216And seo eadiga Margareta hire handa up ahof and hi georne to
217drihtne gebæd and þus cwæð: ðu,
218drihten leof, beo þu me on fultume, for me beoð abuton hundes
219swa manega, and heo willeð minne
220lichamen to sticcan gebringan.
221Drihten leof, deme mine sawla and þu genere minne lichome,
222for ic ne recce þise leasere þrowunge.
223Gehelp þu me, drihten, and sænd me fultum, þæt ic wið
224minum feondum fihtan muge, þæt ic mid
225minum eagne twam þe geseon mote on þine rice.
226ða þa leasan gewiten hi swiðe gepinedon and se gerefa hire
227to cwæð: Gecer, earme fæmne, to me and
228to minum gode, and gif þu nelt, þu scealt to wundre
229gewurðan.
230Seo eadiga Margareta him andswerode: Gif ic minne lichaman to
231þe geeadmede, þonne scealt þu inne
232þæt wallende pic into helle wite; þær þu scealt wunian
233æfre.
234þonne miht þu habban minne lichaman þe to gæmene, and god
235hæfð mine sawle fram þe generod.

page 175

236ða wearð se gerefa swiðe yrre and het hi innan þam
237carcerne belucen.
238and hi in eode into þam carcerne and mid Cristes rodetacne
239hi hi gebletsode.
240and hi seofon tide þæs dæges þærinne gesæt and hi to
241gode gebæd and þus cwæð: Drihten leof, þe ic
242þancige þeoses domes, þe þu me in sændest, for þu eart
243ælces mannes fultum, þe on þe gelefað, and
244þu eart fæder ealra þære þe fæderlease syndon.
245And ne geswic þu me næfre, drihten leof, ac help þu me,
246þæt ic me bewerige wið minum feondum, and
247ne læt þu me næfre mine sawle beswican, for þu eart
248ealre demena dema and nu betweon me and
249heom.
250þa com hire fosterfæder gan to hire and þurh an eahþyrl
251he hire to spræc and he hire brohte bread
252and wæter; þæs wæteres hi gebreac and nanes breades.
253And he hire þrowunge fægre sette on godes bocum.
254And hit þa færunge gewearð sona æfter þam, þæt þær
255inn eode an grislic deofol; his nama wæs
256Ruffus.
257And he wæs swiðe mycel on dracan heowe and eall he wæs
258nædderfah.
259And of his toþan leome ofstod, eal swa of hwiten swurde, and
260of his eagan swilces fyres lyg and
261of his nasþyrlum smec and fyr ormæte mycel and his tunge
262þreowe his sweore belygde.
263Sancta Margareta hi to eorðan gestrehte and hire rihtwise
264gebedu to gode gesænte and þus cwæð:
265Drihten god ælmihtig, georne ic þe bæd, þæt ic hine
266geseage, and nu ic þe eft gebidde, þæt ic hine
267ofercumen mote.
268And hi þa upp aras and hire earmes eastweard aðeonode and
269þus cwæð: Drihten god ælmihtig, þu þe
270gesceope heofona and eorþa and eal mancyn and heora lif, þe
271on heom syndon, and þa þu on rode wære
272gehangen and þu to helle astige and þu þine halgan ut
273gedydost and þone mycele deofol Sathan
274fæste gebunde: gehelp þu me, leofe drihten, þæt ic þisne
275deofol fæste mote gebinden.
276And se deofol him þa abalhc and þa fæmne forswelgan wolde.
277And seo eadiga fæmne sona mid hire swiðre hand wið þone
278sceocca wel gebletsode and on hire
279forhæfde rodetacna mærcode and swa wið þone draca wel
280generode.
281and seo eadiga fæmne hal and gesund fram him gewænte and
282eall sticmælum toðwan se draca ut of
283þan carcerne.
284And hi nan yfel on hire ne gefelde.
285ac hi sona to eorðan gestrehte and hi geornlice to gode
286gebæd and þus cwæð: Drihten leof, lof sy
287þe selfum and wuldor ealra þære

page 176

288goda, þe þu me dest and
289gedon hæfst, and get is min hopa, þæt þu
290don wille aa in ealra worulda woruld.
291And þa hi hire gebedu gefyld hæfde, þa beseah hio hio on
292þære wynstre healfe þæs carcernes and hi
293oþerne deofol sittan geseah, sweart and unfæger, swa him
294gecynde wæs, and he þa up aras and to
295hire weard eode.
296þa seo fæmne on him beseah, þa cwæð hi to þam deofle:
297Ic wat, hwæt þu þæncst, ac geswic þu þæs
298geþohtes, forþon ic wat eall þin yfel geþanc.
299And se deofol hire andswerode and cwæð: Ic minne broþor
300Rufonem to þe gesænde on dracan gelice,
301þæt he sceolde þe fordon, and nu hæfst þu hine mid Cristes
302rodentacn ofslagen, and ic wat, þæt þu
303me mid þinum gebedum ofslean wilt.
304Seo eadiga Margareta upp aras and þone deofol be þan fexe
305gefeng and hine niþer to eorðan gewearp.
306and hi hirne swiðre fot upp on his swire gesette and him to
307cwæð: Geswic þu earming, ne miht þu
308to nahte minne mægþhad me to beswicenne, for ic hæbbe minne
309drihten me to fultume.
310and ic eam his þeowa and he is min hlaford and ic eom him
311beweddod, þe gehalgod is aa in ealra
312worulda woruld.
313ða hi þis gecwedon hæfde, þa þærinne com drihtnes engel
314and þær wearð inne swa mycel leoht, swa
315hit beoð on middæg, and he hæfde Cristes rodentacen on
316hande.
317ða wearð Sancta Margareta swiðe bliðe and hio þancode
318gode eall, þæt hi ær and sioððon þurh gode
319oft and gelome gesegon hæfde.
320And hi þa seo fæmne wið þone deofol wordum dælde and
321þus cwæð: Sege me earmingc, hwanan eart þu
322oððe hwanon come þu?
323Se deofol hire to cwæð: Ic þe gebidde, forþon þe þu
324eart gehalgod fæmne, þæt þu þinne fot of
325minum sweorum alihte, and ic þe secgan wille eall, þæt ic
326gedon hæbbe.
327And hio þa seo eadiga Margareta hire fot up ahof and he hire
328sæde eall, þæt he wiste, and cwæð:
329Siððan Sathan gebunden wearð, siððan ic mid mannum æfre
330gewunode.
331and manega godes þeowas ic gehwearf fram gode and næfre ne
332mihte me nan man ofercuman buton þu
333ane.
334Minne broþor þu ofsloge and þu mines eall geweald ahst,
335forþan ic geseo, þæt god is mid þe.
336And get ic þe mare secge of minum dædum ealle syndrige.
337For ic nam ealle wæstmes fram mancynne, þe on gode
338gelefdon.
339Sume ic spræce benam and sume heora hlyste, sumen

page 177

340heora fet and sume heora handa, and heo þurh
341þæt creopeles wurðon.
342Sumum ic eagen benam and sumum his gewittes.
343Sume ic slæpende beswac and sume eac wacigende.
344Sume mid winde and sume mid wætere.
345Sume mid miste and sume mid drænce, ofte þonne hio
346ungebletsodon wæren.
347Sume mid slehte and sume on some.
348Sume on morðdædum and sume mid oðres mannes wife
349gehæmdon.
350Sume mid feowerfoted nytene for minum willen gefremedon and
351sume heora eldran mid wordon
352gegræmedon.
353Eal þis ic me ane wat and þæt me nu hearde hreowð.
354þin fæder and þin modor mine wæron and þu ane fram
355fæder and fram modor and fram eallum þine
356cynne to gode þu gehwurfe.
357And seo eadiga fæmna him to cwæð: Hwanan wearð eow, þæt
358ge mihton ahan godes þeowes to beswicenne?
359And þa se deofol hire to cwæð: Sege me, hwanen is þin
360lif, Margareta, and hwanan beoð þine liman,
361and hwu and on hwilce wise is Crist mid þe; and ic þe
362secge eall, þæt ic wat.
363And þa seo fæmne to þam deofle cwæð: Nelle ic hit þe
364secgan, forþon þe þu ne eart þæs wurþe, þæt
365ic wið þe wordum dæle, for god is swiðe god and him sy
366geþancod, for ic eam his nu and æfre ma
367beon wille.
368Se deofol hire to cwæð: Sathana urne cyning, hine gewræc
369drihten of paradises myrhþe and him þa
370twa land agæf; an is Gamne and oðer is Mambre.
371And þider he gebrincð ealle þa þe he begeton mæig of
372mancynne.
373Nu ic soðlice þe to sprece and for þi ne mæig ic na læng
374beon, forþon ic geseo, þæt god is mid þe.
375Ac ic þe bidde, eadige fæmne, þæt ic wið þe an word
376dælan mote, and ic þe hælsige þurh þinne god
377and þurh his sunu and his þone halgan gast, þe þu on
378belefst, þæt þu me na mare yfel ne do.
379And ic þe behate and þæt þe gelæste, þæt ic næfre ma
380nænne mon on þisum life ne beswice and þæt
381ic þin bebod fæste gehealdan wille.
382And seo eadiga fæmne him andswarode: Gewit þe heonan on
383weig and sea eorðe þe forswelge and þu
384þær wunige to domes dæge.
385And þa þæs oðres dæges se gerefa het, þæt me him þæt
386mæden toforen brohte.
387and þa seo fæmne ut of þan carcerne gelæd wæs, hio hy
388sona seneda, þa hio ut eode, and me þær
389forwerhte men of Antiochia þære burh gesamnoden, þæt hi þa
390fæmne geseon woldan.
391And þa se gerefa to þære fæmne cwæð: Wilt þu

page 178

392me get geheran and to minum gode þe gebiddan?
393And hi þa andswera ageaf: Ne þe, ne þinum godum ic næfre
394ne lufige; ac þe wel gerisde, þæt þu
395minnen gode wel geherdest and lufodest, þane þe lufað ælc
396þære manna, þe hine mid inweardre heortan
397lufiað.
398ða het se gerefa hio genimon and bead heom hire claðes of
399niman and hi up ahon bi þan fotum, and
400he het wallende stanes on hire fægre lichaman geworpan, and
401heo þa leasan gewitan eac swa dydon.
402And þa cwæð se gerefa to þære fæmne: And nylt þu me get
403lufian, ne to minum gode þe gebugan, ne þe
404to him gebiddan?
405And seo eadiga fæmne nolde him andswarigen nan word.
406ða wærð se gerefa swiðe eorre and het mycel fyr onælan
407and ænne cytel þærofer gesettan and bæd
408þære fæmne fet and handan tosomne gebindon and innen þone
409weallende cetel gesetton.
410And seo eadiga Margareta heo georne to gode gebæd and þus
411cwæð: Ic þe wille biddan, leofa drihten
412cyning, þæt þæt wæter gewurðe me to fulluhtes bæðe
413and to clænsunge ealra minum synnum.
414And þa þær com fleogan drihtnes ængel and he þa gehalgode
415þæt wallende wæter to fonte and þa halga
416fæmne genam be þære swiðre hand and of þan wætere þa
417fæmne gesette and hire on þan wætere na
418lað ne gewearð.
419ða þæt geherdon and geseagon þe hire ymbstodan, wundor
420heom þuhte.
421Hio geherdon stefne of heofone clypion to þære fæmne þus:
422Ic eom þin godfæder and þu min
423goddohtor, and ic eallum gearige, þe on þe gelefað.
424Eadig eart þu, halig fæmna Sancta Margareta, forþon þe
425þu þine hande and þinne hige clæne
426gehylde and for minre lufu mycel geþrowodest.
427And embe lytle fece, næs hit lang to þan, eac hit sona
428gewearð þurh þære fæmne þrowunge, þæt þær
429to gode gebugan fif þusend manna.
430þa wearð se gerefa swiðe eorra and he het ealle ofslean,
431þa þe on gode gelefdon.
432And se gerefa cwæð to his þeowum Malcum THE FOLLOWING
433FIVE WORDS MARKED FOR DELETION IN THE MS se ilca dernunga
434gode geþenode: Gedrah þu þin swurd,
435cwæð se gerefa, and þa fæmne þu ofsleah.
436And þa godes wiðerwinnan þa fæmnan genamon, ut of þære
437byrig ungerædelice hi togoden, and þa hi
438þær becomon, þær me hio slean scolde, and þa leasan witan
439to Malcum spræcan and cwæðon: Drah hraþa
440þin swurd and þa fæmna þu ofsleah.
441And hire þa to leat Malcus swa dreohlice and hire georne
442bæd and þus cwæð: Gemune þu me

page 179

443earminge on þinum gebedum.
444And seo eadige fæmne him to cwæð: Ic wille þe fore
445biddan.
446And hio hio to eorþan gestrehte and þus cwæð: Drihten god
447ælmihtig, þu þe heofones gescope and
448eorþe and eall þæt men bi libbað, geher þu mine bene,
449þæt ælc þære manna synne sy forgiofene, þe
450mine þrowunge rædeð, and ælcum þære mannu, þe hi for
451godes lufu geheran willæð.
452And get ic þe, leofa drihten, biddan wille, þæt þu ælc
453þæra manna, þe on minum naman cirice
454arære, and þan þe me mid heora lihte gesecan willað and
455mid oðrum ælmessan and þam þe mine þrowunge
456gewritað oððe mid heora figa gebicgað, þæt innan heora
457husum nan unhal cild sy geboren, ne crypol,
458ne dumb, ne deaf, ne blind, ne ungewittes.
459ac forgif þu, leofa drihten, ealle heora synna for þinra
460þære mycele ara and for þinum godcundum
461wuldre and for þinre þære mycelen mildheortnesse.
462And hio hi eft niðer gestrehte and heore hleor wið þæra
463eorþan gelegde and þa ealle, þe hire
464ymbstodan, feollan heom on cneowgebedum.
465And þa ure drihten him self com of heofonum to eorþan
466astigan and hire sona to cwæð: Ic þe geofa
467and behate, swa hwæt swa þu bidst and gebeden hæfst, eal hit
468is þe getyðed.
469And eft cwæð ure drihten: ælc þæra þe on þinre lufa me
470to gebiddað and ælmessan bringað oððe mid
471leohte secað oððe þine þrowunge rædað oððe write
472oððe mid his fige gebycge oððe inne his huse
473hæbbe, ne sceal nan yfel næfre on him becuman.
474and ælc þære þe his synne forgifennesse habban wille on
475þinre lufan, eall hit sio forgifen.
476Eadig eart þu, Margareta, and ealle þa þurh þe on me
477gelefdon and gelefan willað.
478And þa seo eadiga Margareta up aras of hire gebedum feagre
479gefrefred and cwæð to eallum þam þe
480hire ymbstodan: Geherað me, mine gebroðra and swustra, ealda
481and geunga, ealle gemænelice.
482Ic eow bidde, þæt ge gelefan on drihten god ælmihtigne and
483on his sunu and on his halgan gaste.
484And ic eow bidde, þæt ge me on eowrum bedum gemunnen,
485forþan ic eam swiðe synfull.
486þa þa hi hire gebedu gefylled hæfde, þa cleopode hi
487swiðe hlude þone þe hi slean sceolde and
488cwæð: Malche, nim nu þin swurd and do þæt þe gehaten is,
489for nu is min time gecuman.
490Malcus hire to cwæð: Nylle ic þe ofslean, forþon ic geseo,
491þæt

page 180

492Crist is mid þe, and ic geherde, hu
493he spræc to þe and cwæð, þæt þu his fæmne wære.
494And seo fæmne him to cwæð: Gif þu nylt me ofslean, nafa
495þu nan hlot mid me on heofene rice.
496And he þa Malcus to hire fotum gefyll and þus cwæð: Ic
497þe bidde, leofa eadige fæmne, þæt þu
498gebidde for me and forgif þu me þas wite, for min drihten hit
499wat, þæt ic hit unwillende do, þæt ic
500æfre þas dæda gefremme.
501And þa seo fæmne hi to gode gebæd and þus cwæð:
502Drihten leof, forgif þu him ealle þa synne, þe he
503gefremeð hæfð.
504And he þa Malcus his swurd adroh and þæra eadigra fæmne
505þæt heafod of asloh.
506And seo eadiga fæmne Margareta hire sawle gode agef, and
507Malcus on hire swiðran uppan his swurda
508feol, and his sawle godes ængles underfeongan and þurh
509þæra eadigra fæmne bene gode betæhton.
510ða hit geherdon ealle þa untruman, þe wæron þær on
511lande, ealle hi hire lic gesohton and heora
512hæle þer gefetton.
513Sume hi wæron blinde and deafa and sume crypeles and sume
514dumbe and sume ungewitfulle.
515Ealle hi heora hæle æt þære halgan fæmnan onfenge, and
516mycel mancyn, ealle þa þe unhale wære,
517þære fæmnen lic gesohton, ealle hi hale and gesunde on heora
518wege ham gewænton.
519And ures drihtnes ænglæs þider comon and þa sawla
520underfengon and heo on heofene rice gebrohton.
521And nu hi is mid gode and mid eallum his halgum, and þær hi
522wunað nu and æfre wunian sceal in
523ealra worulda woruld a buton ænde. Amen.