page 94

1    I þe feaderes & i þe sunes & i þe hali gastes
2Nome; Her Biginneð þe lif-lade. ant te
3passiun of seinte Iuliene.
4    In ure lauerdes luue þe feader is of frumscheft.
5ant i þe deore wurðmunt of his deorewurðe sune.
6& i þe heiunge of þe hali gast. þe of ham
7ba glideð. an godd unagin euch godes ful.
8Alle leawede men. þe under-stonden ne mahen
9latines ledene; lideð & lusteð þe liflade of a meiden.

page 95

10ꝥ is of latin iturnd; to englische leode. wið þon
11ꝥ teos hali leafdi. in heouene luuie us þe mare.
12& þurh þis lihinde lif; leade us to ꝥ eche. þurh
13hire eadi erndunge. ꝥ crist is swiðe icweme.
14    Þeos meiden & teos martyr ꝥ ich of munne;
15wes Iuliene inempnet. i Nichomedese burh.
16Al of heaðene cun icumen & a-kennet. & hire
17fleshliche feader affrican hehte. þe heande &
18heascede mest men þe weren cristene. & droh ham
19þurh derue pinen to deaðe. Ah heo as þeo ꝥ te
20hehe heouenliche lauerd hefde his luue ilenet. leafde
21hire ealdrene lahen & bigon to luuien þen
22aa liuiende goð þe lufsume lauerd. ꝥ schupte alle
23scheaftes & wealdeð & wisseð efter þet his wil
24is. al ꝥ ischeapen is.
25    Wes i þon time as þe redunge telleð. þe modi
26Maximien keiser i rome. heriende. & heiende
27heaðene maumez. wið unimeað muchel hird. &
28wið heh duheðe. & fordemde alle þeo þe o drihtin
29bilefden. þes mihti maximien luuede an
30eleusium biuoren monie of his men. A-kennet

page 96

31of heh cun. & swiðe riche of rente. & ȝung
32mon of ȝeres. þes ȝunge mon eleusius. ꝥ þus wes
33wel wið þe king. hefde iunne feolahschipe to
34affrican. & wes iwunet ofte to cumen wið him
35to his in. & iseon his dohter.
36    As he hefde en-chere bihalden swiðe ȝeorne
37hire utnumme D'ARDENNE: utnunme feire. & freoliche ȝuheðe;
38felde him iwundet in-wið in his heorte
39wið þe flan þe of luue fleoð. swa ꝥ him þuhte
40þet ne mahte he nanes-weis wið ute þe
41lechnunge of hire luue libben. ant efter
42lutle stomde wið-ute long steuene. wes himseolf
43sonde to affrican hire feader. & bisohte
44him ȝeorne ꝥ he hire ȝeue him. & he hire
45walde menskin wið al ꝥ he mahte. as þe þing
46i þe world ꝥ he meast luuede. Affrican wiste
47ꝥ he wes swiðe freo iboren. ant walde wel bicumen
48him a freo iboren burde. & ȝetede
49him his bone. Ha wes him sone ihondsald
50þah hit hire unwil were. Ah ha truste upon
51him ꝥ ne truked na mon. ha trewliche
52him truste on. & eode to chirche euche daheðes
53dei. to leornin godes lare. biddinde ȝeorne
54wið reowfule reames. ꝥ he wissede hire
55o hwuche wise ha mahte witen hire meiðhað
56from mones man vnwemmet.
57    Elewsius ꝥ luuede hire þuhte swðe longe ꝥ

page 97

58ha neren to brudlac & to bed ibrohte. ah
59heo forte werien hire wið him summe hwile;
60sende him to seggen. ꝥ nalde ha nawt lihten
61se lahe to luuien. Ne nalde ha neolechin
62him for na liuiende mon. ear-þen he
63were. under Maximien. hehest i Rome. ꝥ
64is heh-reue. He ase timliche as he hefde
65iherd þis. biȝet ed te Keiser þet he ȝette
66him al ꝥ he walde. & lette as me luuede þa
67leaden him i cure up-o fowr hweoles. & teon
68him ȝeonte tun þron from strete to strete.
69al þe cure ouertild ꝥ he wes itohen on;
70wið purpres & pelles. wið ciclatuns & cendals
71& deorewurðe claðes. As þe ꝥ se heh
72þing hefde to heden. ant se riche refschipe
73to rihten & to readen. þa he hefde
74þus idon. sende hire þus to seggen hire
75wil he hefde iwraht. Nu his ha schulde
76wurchen. Iuliene þe eadie iesu cristes leofmon
77of his blisfule luue balde hire-seoluen & sende
78him al openliche bi sonde to seggen -
79þis word ha send te for nawt þu hauest i-swechte.
80wreaðe se þu wreaðe. Do ꝥ tu do wult nule
81ich ne ne mei ich lengre heolen hit te ȝef
82þu wult leauen. þe lahen þet tu liuest in ant

page 98

83leuen i godd feader & in his deorwurðe sune.
84& i þe hali gast folkene froure. an godd
85ꝥ is igret wið euches cunnes gode; Ich chule
86wel neome þe. & ȝef ꝥ tu nult no; þu art
87windi of me. & oðer luue sech þe. þa þe hehe
88reue iherde þis ondswere; bigon to wreðen swiðe.
89& cleopede hire feder forð. & feng on to tellen.
90hwuch word ha sende him. Efter ꝥ he wende forte
91habben idon al ꝥ he wilnede. Affrican hire feader
92wundrede him swiðe. & bigon to swerien. bi þe ilke
93godes ꝥ me is lað to gremien. beo hit soð ꝥ tu seiist;
94to wraðer heale. ha sehð hit. Ant ich wulle o
95great grome al biteachen hire þe. & tu do hire.
96al ꝥ tu wult. He þonkede him. & heo wes icleopet
97forð. & affrican hire feader feng on earst
98feire on; to lokin ȝef he mahte wið eani luue
99speden. Iuliene qð he mi deorewurðe dohter. sei
100me hwi þu. forsakest þi sy & ti selhðe? þe weolen
101& te wunnen. þe walden awakenen. & waxen of
102þe wedlac ꝥ ich reade þe to. hit nis nan eðelich
103þing. þe refschipe of rome. Ant tu maht ȝef þu
104wult. beon burhene leafdi. & of alle þe londes þe
105þer-to liggeð. Iuliene þe eadie ontswerede him

page 99

106& seide. ȝef he wule luuien. & leuen godd. al-mihti;
107þenne mei he þrof. & speden inohreaðe. for ȝef he
108ꝥ nule no; ich segge þe ꝥ soð is. ne schal he wiuen
109on me. Sei nu hwet ti wil is. affrican wreaðede &
110swor swiðe deopliche. for þe drihtfule godd apollo
111mi lauerd. & mi deore leafdi þe deorewurðe diane ꝥ
112ich muche luuie. ȝef þu haldest her-on; ich schal
113leote wilde deor to-luken & toteore þe & ȝeoue þi
114flesch fode to fuheles of þe lufte. Iuliene him ondswerede.
115& softeliche seide. Ne lef þu nawt leoue
116feader ꝥ tu offeare me swa; ich swerie aȝein. þe
117iesu crist godes sune. ꝥ ich on leue. & luuie as leoflukest.
118& lufsumest lauerd. þah ich cwic beo forbearnd
119baðe lim & lið ileitindei leitindeEdition: ileitinde leie. Nulle ich þe
120her-onont. þreate se þu þreate buhe ne beien.
121    Affrican feng eft on. & to fondin ongon ȝef
122he mahte eanis-weis wið olhnunge wenden hire
123heorte. & leoftede luueliche. & seide hire sikerliche.
124ꝥ ne schulde ha lihtliche wilni na wunne; ꝥ
125ha ne schulde wealden. wið þenan ꝥ ha walde hire
126wil wenden. Nai qð ha ꝥ nis nawt. schulde ich do
127me to him. ꝥ alle deoflen is bitaht. & to eche deað
128fordemet. to forwurðe wið him worlt buten ende i þe
129putte of helle? for his wedlackes weole oðer for ei
130wunne. To soðe ich hit segge þe. vnwurð hit is
131me. Ich chulle ꝥ he wite hit ful wel. & to eke mid

page 100

132al; ich am to an iweddet ꝥ ich chulle treowliche wiðute
133leas luuien. ꝥ is unlich him & alle worltliche
134men. ne nulle ich neauer mare him lihen ne leauen.
135for weole ne for wunne. for wa ne for wontreaðe
136ꝥ ȝe me mahen wurchen.
137    Hire feader feng on to wreaððin swiðe ferliche
138& easkede hire hokerliche. Ant hwet is he þes
139were ꝥ tu art to iweddet. ꝥ tu hauest wið-ute me
140se forð þi luue ilenet - ꝥ tu letest lutel. of al ꝥ
141tu schuldest luuien. Ne ich nes neauer ꝥ ich
142wite ȝet. wið him icnawen. for gode qð þe meiden
143þin hearm is þe mare. Nawt for-þi ꝥ tu
144nauest iherd of him ȝare. ꝥ is iesu godes sune.
145ꝥ forte alesen moncun ꝥ schulde beon forloren
146al; lettelet teEdition: lette lif o rode. Ich ne seh him neauer
147& ꝥ me of-þuncheð. Ah ich him luuie & wulle
148don & leue on as o lauerd. Ne schal me firsen
149him from. Nowðer deouel ne mon. for mi
150lif qð hire feader þe schal laðin his luue. for
151þu schalt habbe þrof hearm & scheome baðe
152& nu þu schalt on alre earst. as on ernesse
153swa beon ibeaten wið bittere besmen. ꝥ tu
154were wummon of wummone bosum to wraðer
155heale eauer iboren i þe worlde. Swa muche qð

page 101

156ꝥ meiden ich beo him þe leouere. se ich derfre
157þing for his luue drehe þu ꝥ ti wil is. ȝe
158qð he bliðeliche. Ant swiðe heatterliche. strupen
159hire steort-naket. & leggeð se luðerliche
160on hire leofliche lich; & hit liðeri o blode.
161Me nom hire & dude swa ꝥ hit ȝeat adun of
162þe ȝerden. ant heo bigon to ȝeien. Beaten se
163ȝe beaten ȝe beliales budeles. ne mahe ȝe nowðer
164mi luue ne mi bileaue lutlin towart te
165liuiende godd mi leofsume leofmon. þe luuewurðe
166lauerd. ne nulle ich leuen ower read þe forreadeð
167ow-seolf. ne þe mix maumez þe beoð þes
168feondes fetles; heien ne herien. for teone ne
169for tintreohe ꝥ ȝe me mahe timbrin. Na nult
170tu qð affrican. hit schal sone sutelin. for ich chulle
171sende þe nu & biteache þi bodi to eleusium
172þe riche ꝥ reue is ouer rome. ant he schal þe forreaden.
173& makie to forswelten. as ishis ahne wil
174is þurh al þet eauer sar is.
175    Ȝe qð þis meiden ꝥ mei godd welden. ne mahe
176ȝe nawt do me bute þet he wule þeauien & þolien
177ow to donne to mutli mi mede & te murhðe
178ꝥ lið to meiðhades menske. for eauer se ȝe
179nu her mearreð me mare; se mi crune schal

page 102

180beon brihttre ba & fehere. for þi ich chulle
181bliðeliche & wið bliðe heorte drehen eauer-euch
182derf. for mi leofmones luue þe lufsume lauerd
183& softe me bið euch sar in his seruise. þu wult
184þu seist aȝeoue me to eleusium þe luðere. aȝef
185me for nawiht ne ȝeoue ich for inc nowðer. þet
186ȝe mahen ane pine me here. Ah hit ne hearmeð
187me nawt ah helpeð & heueð up & makeð mine
188murhðes monifalde in heouene. ant ȝef ȝe doð
189me to deað. hit bið deore to godd. & ich schal
190bliðe bicumen to endelese blissen. ant ȝe schulen
191wrecches wei ower wurðes. ꝥ ȝe weren i þe worlt
192iboren & i-broht forð se wraðer heale ȝe schule
193sinken adun to sar & to eche sorhe. to bitternesse
194ant to bale deope into helle.
195    Affrican hire feader bitterliche iteonet bitahtte
196hire eleusium þe luðere reue of rome & lette
197bringen hire biuoren his eh-sihðe. as he set
198& demde. þe hehe burh-domes. As he biseh & biheold
199hire lufsume leor lilies ilicnesse & rudi ase
200rose. & under hire nebscheft al se freoliche ischapet;
201weorp a sic as a wiht ꝥ sare were i-wundet. His
202heorte feng to heaten & his meari mealten þe

page 103

203rawen rahten of luue þurh euch lið. of his limes.
204& inwið bearnde of brune swa & cwakede as
205of calde. þet him þuhte in his þonc. þet ne bede
206he i þe worlt nanes cunnes blisse; bute hire bodi
207ane. to wealden hire wið wil efter ꝥ he walde. & bigon
208wið swotnesse soffte to seggen.
209    Mi lif & mi leofmon. & leafdi ȝef þu wel wult ase
210A LEAF IS MISSING BETWEEN PRESENT FOLIOS 40 AND 41
211tu for na sclhaht þe sonre seo me slakien to
212luuien & to leuen o þen liuiende godd al-re
213gume lauerd.
214    Þe reue feng to rudnin igrome of great
215heorte. & het his heaðene men strupin hire
216steort-naket. & strecchen o þer eorðe. &
217hwil ꝥ eauer six men mahten idrehen beaten hire
218beare bodi. ꝥ ha al were bigoten of þe blode.
219Ha duden al as he bed. & hwil ꝥ ha beoten
220hire; bigunnen to ȝeien. þis is a biginnunge
221of þe sar ꝥ tu schalt; & of þe scheome drehen;
222ȝef þu nult to ure wil buhen & beien. Ah ȝet
223þu maht ȝef þu wult burhe þe seolfen. ant
224ȝef þu mare wið seist? alre monne wurðe

page 104

225him wurst of wa & of wontreaðe þe ne wurche
226þe meast.
227    Doð qð ha deofles limen al ꝥ te deoflen hwas driueles ȝe
228beoð driueð ow to donne. lutel me is of ower
229luue. leasse of ower laððe. & of þes þreates
230riht noht; wite ȝe hit to wisse. Nu cweden ha.
231wa him þe ne fondi to-dei for te wurche þe
232wurst. þer wes sorhe to seon on hire freoliche
233flesch hu ha ferden þer-wið. Ah heo hit al
234þuldeliche þolede for drihtin. & hwen ha felde
235meast sar; sikerlukest seide. Haldeð longe
236ne leaue ȝe neauer. for nulle ich leauen his
237luue. ꝥ ich on leue. ne for luue. nowðer ne
238for luðer eie.
239    Eleusius iherde þis. & feng his neb to rudnin
240ant tendrin ut of teone. & hehte swiðe neomen
241hire & teon bi þe top up; & swa me dude sone.
242swa ꝥ ha hongede feor from þer eorðe. bi þe uax
243ane. & leiden þa se luðerliche on hire on euch
244halue; ꝥ euch dunt defde in hire leofliche
245lich þe ȝet of þe ȝerden al o gure blode.
246lauerd godd almihti qð ha loke to þi meiden.
247þu fondedest abraham & fundest him
248treowe. lef me ꝥ ich mote. þe treowliche luuien.
249Halt me healent min iesu crist godes sune as þu
250hauest bigunnen. for nam ich strong of na
251þing buten of þi strengðe. & o þe i truste al;

page 105

252& nawt o me-seoluen. Ant her ich bihate þe.
253swuc hope ich habbe to þin help. milde godd
254al mihti. ne schal neauer mi luue. ne mi bileaue
255towart te lutlin ne lihen. for na derf ne
256for na deað; ꝥ ich schule drehen.
257    Þa eleusius seh ꝥ ha þus feng on to festnin hire
258seoluen i soðe bileaue; þohte he walde don hire
259anan ut of dahene. & bed biliue bringen
260forð brune wallinde bres. & healden hit se wal
261hat hehe up on hire heaued. ꝥ hit urne enddelong
262hire leofliche lich dun to hire helen.
263Me dude al as he het. Ah þe worldes wealdent
264ꝥ wiste sein iuhan his ewangeliste unhurt
265i þe ueat of wallinde eoli þer he wes i-don
266in. ꝥ ase hal com up þrof; as he wes hal meiden.
267þe ilke liues lauerd. wiste him unwemmet.
268his brud of þe bres ꝥ wes wallinde. swa ꝥ ne
269þuhte hit hire buten ase wlech weater al ꝥ
270ha felde. Eleusius wod þa nuste hwet segen.
271Ah hehte swiðe don hire ut of his eh-sihðe. &
272dreaien in-to dorc-hus to prisunes pine ant
273swa ha wes idon sone.
274    Heo as ha þrinne wes i þeosternesse hire ane. feng
275to cleopien to crist & bidde þeos bone. lauerd
276godd al-mihti mi murhde & mi mede. mi

page 106

277sy & al þe selhðe. ꝥ ich efter seche þu sist al
278hu ich am bisteaðet & bistonden. festne mi
279bileaue. Riht me & read me. for al mi
280trust is on þe. Steor me & streng me for
281al mi strengðe is of þe. Mi feader & Mi moder
282for-þi ꝥ ich nule þe forsaken; habbe forsake me.
283& al mi nestfalde cun. ꝥ schulde beo me best freond;
284beoð me meast feondes. & mine in-hinen;
285alre meast heamen. herewurðe healent. habbe
286ich þin anes help. ich am wil-cweme mene for-leaf
287þu me nawt luuiende lauerd. as þu biwistest daniel
288bimong þe wode liuns i-latet se luðere. & te
289þreo children þe chearre nalden from þe lahen
290ꝥ ha schulden luuien. Ananie & Azarie & Misahel
291inempnet. As þu al-wealdent biwistest ham
292unwemmet. wid ꝥ ferliche fur i þe furneise.
293swa þu wunne of þe worlt wite me & were &
294witere. & wisse þurh þi wisdom to wite me wið
295sunne. lauerd liues lattow. lead me þurh þis lease.
296þis lutle leastinde lif; to þe hauene of heale.
297as þu leaddest israeles leode of egipte bute schip
298dru-fot þurh þe reade sea. & asenchtest hare
299uan þe ferden ham efter. & tu folkes feader.
300aual mine va-men. & tu drihtin to-drif þe
301deouel ꝥ me derueð. for ne mei na monnes strengðe

page 107

302wið-uten þin stonden him to-ȝeines. les
303me ꝥ ich mote mihti meinfule godd i-seon
304him ischeomet ȝet þe weneð me to schrenchen.
305& schunchen of þe nearowe wei ꝥ
306leadeð to eche lif. loke me from his lað liuiende
307lauerð. Make me war & wite me wið his
308crefti crokes. ꝥ ha me ne crechen. were me
309swa wið þen vnwine. helpleses heale. ꝥ tu beo
310iheiet & iheret eaure in eorðe. as in heouene.
311Beo þu aa iblescet lauerd as þu were ant art
312& schalt beon in eche.
313    As ha þeos bone hefde ibeden; com a kempe of
314helle on englene heowe. & feng on to motin þus
315wið his meiden. Iuliene mi leofmon þu hauest for
316mi luue muchel idrohen & idrahen þu hauest
317feorliche fan ꝥ te fehteð aȝein. ha greiðið þe
318o grome nu alles cunnes pinen. ne mei ich þolien.
319ꝥ ha þus mearren þe na mare. þu art inoh
320ifondet & tu hauest Mi freondschipe inoh swiðe
321of-seruet. Me areoweð þi sar. Ah nuðe mi read.
322wurch eleusius wil. for ich þe ȝeoue leaue.
323    Þes Meiden wes a-wundret swiðe of þes wordes. &
324as ha wes ofsearet; feng on to freinin. Hwet
325wiht qð ha art tu. ꝥ þulli word me bringest. Ich
326hit am qð þe unwiht. godes heh-engel. forte segge

page 108

327þe þis isent te from heouene. Ha wundrede
328hire swiðe. & as þeo þe nes nawt of lihte bileaue. stille
329bute steauene on heh in hire heorte cleopede
330to criste.
331    Iesu qð ha godes sune ꝥ art þi feader wisdom wisse
332me þi wummon hwet me beo to donne. & ȝef þi deore
333wil is do me to understonden. ꝥ þe ꝥ þis seið me ȝef
334he beo þi sonde. & com sihinde adun softe from
335heouene. a steuene ꝥ seide Iuliene. þe eadie
336iblescet beo þe time. ꝥ tu ibore were. nule nawt
337þi leofmon þolie na leas þing to lihe þe longe.
338Hit is þe stronge vnwiht þe stont ter of helle.
339Ga nu neor & nim him. & wið þe bondes ꝥ ter beoð
340bind him heteueste. Godd al-mihti ȝeueð þe mahte
341forte don hit. & tu schalt leaden him al effter
342ꝥ te likeð. & he schal al telle þe vnþonc in his teð
343ꝥ tu wilnest to witen. & kenne þe & cuðen al ꝥ tu
344easkest. þis eadi meiden as ha wes iwisset þurh
345þen engel; leop to & ilahte him. & seide. sei me
346swiðe. hwet tu beo & hweonene. & hwa þe hider

page 109

347sende. ant he wið ꝥ ilke feng to hwenden heowes.
348ant warð swuch as he wes vnhwiht of helle.
349leafdi qð he leaf me. & ich chulle seggen. Do swiðe
350sei me for ich chulle lowse þe & leten hwen
351me þuncheð.
352    Deore leafdi. qð he þa ich hit am þe deouel belial
353of alle unwreste unwhihtes þe wurste & meast
354awariet. for nis me neauer wel ne nes; bute hwen
355ich makede moncun to wurche to wundre. Ich
356hit am. ꝥ weorp ut adam & eue; of paraise selhðe.
357& ich hit am ꝥ makede caym þe acursede
358acwalde his broðer abel. ant ich hit am ꝥ makede
359nabugodonosor. þe kene king of caldey makien
360þe maumez igoten al of golde. ant ich
361hit am ꝥ makede ꝥ te þreo children icoren ouer þe
362oþre; weren idust to fordon i þet ferliche fur of
363þe muchele ouen. Ant ich hit am ꝥ makede þen
364muchele witti witege ysaie. beon isahet þurh
365& þurh to deaðe. AndAnt ich hit am ꝥ makede to ontenden
366ierusalem. & godes deore temple to-driuen al
367to duste. Ant ich hit am ꝥ makede. & readde israeles
368folc to leauen i þe wildernesse. þe lauerd ꝥ alesde ham
369of pharaones þeowdom. & makeden ham godes
370igotene. to heien & to herien. Ant ich hit am. þe
371reafde þe riche Iob his ahte. swa ꝥ he weolewede

page 110

372of wontreðe i þe mixne. ant ich hit am ꝥ sum
373chearre wes þurh þe wise Salomon ethalden. Ant
374ich hit am þet makede sein iuhan þe baptiste beon
375heafdes bicoruen. & seinte stephene isteanet.
376Ant ich hit am ꝥ spec þurh simunes muð. þe wicche.
377þe weorrede eauer aȝein peter & pawel. Ant
378ich hit am þe readde nerun þe riche keiser of rome
379to don o rode peter. & to biheafdin pawel. ant
380ich makede þe cniht to þurlin godes side wið scharpe
381speres ord. þah ich talde aldei; ȝet ich mahte
382tellen. for ma wundres ich habbe iwraht; þene ich
383mahte munien. & ma monne bone ibeon; þen
384ei of mine brreðren.
385    Do sei me qð þe meiðen. hwa sende þe to me; ant hwa
386is meister ouer þe. leafdi qð he belzeebub. þe balde
387þurs of helle. Hwet is qð ha his werc. & hwet wurcheð
388he mest; leafdi ȝef þi wil is. he ifint euch uuel
389& biþencheð hit al. & sendeð us þenne þider As
390him þuncheð. & hwen we nawt ne spedeð ne ne
391mahen wrenchen sum rihtwis of þe weie; we
392dearieð & ne durren nohwer cume biuoren him.
393& he heterliche hat þeo ꝥ habbeð iwraht efter his
394wille. Hwer-se ha us ifinden. beaten us. & binden &
395don us mare wa on; þen ei mon mahte þolien. for
396þi we moten leafdi buhen swiðe & beien to ure luuewrðe
397feader. & wurchen alle his willes.

page 111

398    Sei qð ha witerluker ȝet. hu ȝe wurchen & o hwuche
399wise ȝe bichearreð godes children. leafdi qð he
400Iuliene þe ich font. & habbe ifolhet me to wraðer
401heale; Ich wende iwis to leade þe into þine ealdrene
402lahen. & makie to leauen þe luue of þi lauerd. Ant
403feng on to fondin þe. ah ich am aueallet. Ich chulle
404kenne þe nu al ꝥ tu easkest Hwer-se we eauer
405iseoð mon oðer wummon eani god biginnen;
406we wepnið us aȝein ham & Makieð iswiken al ꝥ
407best mahte wenden hare heorte ant Makien ham
408to þenchen þohtes þer-to-ȝeines. & wendeð to oðer
409willes ꝥ ham wulleð hearmin. & makieð ham
410forte leose lust. forte bidde ȝeorne ꝥ godd bineome
411ham þe wil; ꝥ we in ham warpeð & unstrengið
412þer-wið. & we strenged þer-wið on ham
413al ear ha lest wenen. & ȝef we seoð ham ȝeornliche
414sechen to chirche. & ter swiðe bi ham-seolf
415bireowsin hare sunnen. & leofliche lustnin hali
416chirche lare. þer we beoð ȝetten bisiliche ham
417abuten. & mare þer þen elles-hwer to letten
418ham ȝef we mahen. & wrenchen hare þonkes towart
419unnette þinges. Ah hwucche-se beoð se

page 112

420stealewurðe: ꝥ ha understonden ham & warpeð
421ut wið strengðe; ut of hare heorte. unwreaste
422willes ꝥ ich ham in warpe. & ȝeornliche ȝeiȝeð
423efter godes grace to help & to heale. & þenne
424meast hwen þe preost in-wið þe messe noteð
425godes licome ꝥ he nom of ꝥ laðlese meiden:
426þer is riht bileaue. & in-wardliche bonen swa
427icweme to godd. ꝥ i ꝥ ilke time we biginneð
428to fleon & turneð to fluhte þis is al ꝥ we
429doð i cristemen & eggið eauer to vuele.
430    Me ȝe eateliche wihtes. qð ꝥ eadi wummon.
431hu durre ȝe eauer neomen ow to cristes. icorene;
432Me sei me seli meiden qð he hu derst
433tu halde me & hondlin se heterliche
434bute þuh ꝥ tu art trusti o þi lauerd. & ich
435do as þu dest. truste o mi lauerd ꝥ is meister
436of alle mixschipes & wurche his wil ouer al ase forð
437as i mei. & ȝef ich mahte forðre ich walde beo þe
438feinre. ah nat i hwet vnseli sið makede me her to sechen.
439bute mi muchele unselhðe sohte þe to seonne.
440wumme aa ꝥ sihðe se sariliche hit sit me. ne set me
441neauer na þing se luðere ne se sare. wei hwi nefde
442ich i-wist. hwuch weane me wes towart. Ne mi kinewurðe

page 113

443feader ne cuðe nawt warnin of þulli wa his
444foster. forlet me nu leafdi & ich chulle al bileaue
445þe. & folhin an oþer. oþer ich chulle forwreie þe to
446meinfule feader. Ah wel ich warni þe uore. hit nis
447nawt þin bi-heue. O qð ha Iuliene iesu cristes leofmon
448þreates tu me wrecche? þe schal iwurðen godd
449hit wat godes þe wurse. & grap a great raketehe
450ꝥ ha wes wið ibunden. & bond bihinden his rug
451ba twa his honden. ꝥ him wrong euch neil & blakede
452of þe blode. & duste him ruglunge adun
453riht to þer eorðe. & stondinde o þe steorue nom
454hire ahne bondes & bigon to beaten þen belial
455of helle. & he to rarin reowliche. to ȝuren
456ant to ȝein. & heo leide on se luðerliche þet
457wa wes him o liue.
458    O mi leafdi Iuliene qð he euening wið apostel.
459patriarchen ilich. & leof wið alle martyrs. englene
460feolahe. & archanlene freonð friðe
461ane hwhile ich halsi þe o godes half. & on his sune
462rode. ꝥ we se muchel ðredeð. & o þe pine & o þe deað.
463ꝥ he droh for moncun milce haue & merci wummon of
464mi wrecchedom
465    Stew þe steorue of helle. qð ꝥ eadie meiden. Merci

page 114

466nan nis wið þe. for-þi ne ahest tu nan milce to
467ifinden. Ah sei me swiðe. mare of þe wa ꝥ tu hauest
468& of woh i-wraht mon. leafdi leaf þe hwile. & hald
469þine eadi honden. Ich habbe iblend men & ibroken
470ham þe schuldren. & te schonken. i fur iwarpen
471ham & i water. & hare ahne blod ich habbe ofte imaket
472ham to spitten & to speowen. & te an to sclein
473þen oþer. & a-hon him-seoluen. Me witti wummon.
474hu wult tu ꝥ ich endi þe. þe tale þe waxeð aa as ich
475telle. Se feole ich habbe i-fulet of þeo þe neren iblescet
476nawt se wel as ham bihofde; ꝥ ne mahte hit
477na mon rikenin ne reden. of al ꝥ uuel i þe world.
478hwet wult tu wurse. ich am of þe sprunges. þe
479an ꝥ hit meast of springeð. ne neauer adet tis dei
480nes ich þus ihondlet. O þe mihte of meiðhad as þu
481art iwepnet to weorrin a-ȝein us. ȝet tu wurchest
482us wurst of al ꝥ us wadeð as þu dudest eaure. Ah
483we schule sechen efter wrake on alle þeo ꝥ te biwiteð.
484ne ne schulen ha neauer beo sker of ure weorre.
485we wulleð meidenes a mare heanen & heatien.
486& þah Monie etsterten us summe schulen stutten.
487O iesu godes sune. þe hauest þin hehe seotel o
488meiðhades. mihte. hire to muche menske. wa wurchest
489tu us þer-wið. to wel þu witest ham þe treowliche

page 115

490habbeð hire in heorte forte halden. ȝef
491ha milde & meoke beon as meiden deh to beonne.
492wið ꝥ he þis hefde iseid; bigon swa te ȝuren ꝥ
493monie weren awundret. hwet tet ȝur were.
494    Eleusius þe reue het lokin ȝef ha liuede. & bringen D'ARDENNE: brngen
495hire biuoren him. ȝef ha were oliue. Heo þe
496weren ihaten forð & funden hire þus. & of ꝥ grisliche
497gra weren agrisen swiðe. leadden hire þah forð.
498& heo leac eauer efter hire þen laddliche of helle
499ꝥ olhnede swiðe. & bed tus & bisohte. Mi leoue leafdi
500Iuliene ne make þu me nawt men to hutung
501ne to hokere. þu hauest ido me wa inoh þah þu
502ne do me wurse. Ich habbe wumme forloren mi leoue
503feaderes freontschipe. Ne neauer mare her-on-uuen
504ne der ich cumen biouren him. Mihti meiden
505leaf me o godes half ich halsi þe. ȝe beoð cristene
506men. ȝef hit is soð ꝥ me seið. merciable & milzfule.
507& tu art bute reowðe. Haue merci of me for
508þe lauerdes luue. þi luuewurðe leofmon leafdi i þe
509bidde. & heo leac him eauer endelong þe cheping champmen
510to huting. & heo leiden to him sum wið
511stan. sum wið ban. & sleatten on him hundes. ant
512leiden to wið honden.
513    As he wes imaket tus earmest alre þinge & berde
514as þe ful wiht. ꝥ ter flue monie. se ꝥ eadi wummon

page 116

515wergede sumhwet. & reat hit wið þe raketehe
516vnrudeliche swiðe. & weorp him forð from hire awei
517in-to a put of fulðe. com baldeliche forð biuore
518þe reue as he set on his dom-seotle schiminde hire
519nebscheaft schene as þe sunne. þe reue þa he
520seh hire: þuhte muche sullich & bigon to seggen.
521Iuliene sei me & beo soð-cnawes. hwer were þe itaht
522þeose wicche-creftes. ꝥ tu ne telest na tale of
523nanes cunnes tintreohe. ne ne dredest nowðer deað
524ne cwike deoflen.
525    Her me heaðene hund qð ꝥ eadi meiden. Ich heie
526& herie godd feader. & his sulliche sune iesu crist
527hatte & te hali gast. godd as þe oþre þreo. & nawt
528þreo godes. Ah is eauer an. & ihwer untweamet.
529He kempene king haueð to-dei. ouercumen
530helles bule belial baldest of alle. & ti sire sathanas
531ꝥ tu leuest up-on. & ti feader hatest. & his
532heaste forðest. & wel bi-semeð þe to beon. & bikimeð
533to beo streon of a swuch strunde. Ah eauer
534beo acurset colt of swuch cunde. þe mihti mildfule
535godd ꝥ ich aa munne. ȝef me mihte of heouene
536him forte hearmin. & te forte schenden.
537& makien to scheomien. ꝥ schalt swucche

page 117

538schuken. heien & herien. weila as þu were iboren
539wrecche o wraðe time. ꝥ ti sari sawle. & ti sorhfule
540gast. schal wið swucche ploiueren pleien in
541helle. Reue a-reow þe-seoluen. vnseli mon bisih
542þe. hei godd & her me. iesu is se milz-ful ꝥ
543he walde bliðe-liche heouenes heale to alle. Ah hwa
544se o bote ne geað ne schal he beon i-borhen.
545    Ȝe qð eleusius haldest tu ȝetten up-o þi ȝuhelunge.
546wenest tu ꝥ we beon se eð to biwihelin.
547Ah we schulen iseo nu. for hit schal sone sutelin
548hu þi wichecreft schal wite þe. & werien. & lette
549o wodiwisewodi wiseEdition: wodiwise a swiðe wunderlich hweol meten. & makien
550ant þurh-spitien hit al wið spaken & felien
551þicke & þreofalt wið irnene gadien. kene to keoruen.
552al ꝥ ha rinen to; ase neil-cniues. & stod þe
553axtreo istraht o twa half in-to stanene postles.
554ꝥ hit. as hit turnde. ne ouer-toke nohwer bineoðen
555to þer eorðe. grisen him mahte ꝥ sehe hu hit
556gront in-to hwet-se hit of-rahte.
557    Me brohte hire uorð as beliales budel bet & bunden
558hire þer-to hearde & heteueste. he dude
559on eiðer half hire. fowre of hise cnihtes. forte
560turnen ꝥ hweol wið hondlen imaket þron o ꝥ eadi
561meiden se swiðe as ha mahten. & het o lif. & o leomen
562swingen hit swiftliche. & turnen hit abuten.

page 118

563& heo as þe deouel spurede ham to donne. duden
564hit unsperliche. ꝥ ha bigon to broken al as ꝥ istelede
565irn strac hire in. ouer-al. & from þe top to þe
566tan. aa as hi turnde. to-limede hire & to-leac lið
567ba & lire. bursten hire banes. & ꝥ meari bearst ut
568imenget wið þe blode. þer me mahte iseon alre sorhene
569meast þe i ꝥ stude stode.
570    As ha ȝeide to godd. & walde aȝeouen hire gast
571in-to his honden; se þer lihtinde com an engel
572of heouene. & reat to þet hweol swa ꝥ hit al to-reafde.
573bursten hire bondes. & breken alle clane. & heo
574ase fischhal as þah ha nefde nohwer hurtes ifelet.
575feng to þonki þus godd wið honden up aheuene.
576    Drihtin undeaðlich. an godd. almihti alle oþre
577unlich. heouene wruhte. & eorðes. & alle iwrahte
578þinges þe ich þonki to-dei alle þine deden. þu makedest
579mon of lame. & ȝeue him liuiende ȝast ilich
580to þe-seoluen. & settest for his sake al ꝥ i þe worlt
581is. Ah he forgulte him anan þurh þe eggunge
582of eue. & wes iput sone ut of paraise selhðen. weox
583swa his team her. ne mahte hit na mon tellen.
584Ah swa swiðe hit sunegede. ꝥ tu hit forsenctest al
585in noees flod bute eahte ꝥ tu friðedest. þu chure

page 119

586seoððen i þe alde lahe abraham & isaac. Iacob &
587his children. & ȝeue to ioseph. ꝥ wes þe ȝungeste
588hap i pharaones halle. longe þer-efter þu leddest
589þurh moyses ꝥ tu se muchel luuedest. bute brugge
590& bat. þurh þe reade sea al his cunredden
591þear as al pharaones ferde fordrencte. & feddest ham
592fowrti ȝer i þe wildernesse. wið heouenliche fode. &
593wurpe under hare uet. hare fan alle. & brohtest ham
594þurh iosue. into ierusalemes lond ꝥ tu ham bihete.
595þer wes i Samueles dei. Saul þe forme king kempene
596icorenest. In an weorre as he wes. þu dudest i þe
597lutle dauið þe selhðe. ꝥ he slong & of-sloh wið a
598stan to deaðe þe stronge Golie. & readdest him to
599rixlen i saules riche. þus þu makest milde godd
600alle þeo muchele; þe makieð ham meoke. & þeo
601þe heið ham her: leist swiðe lahe. þrefter þa þe
602þuhte iþonket hit beo þe. lihtest hider to us of
603heouenliche leomen. & nome blod & ban i ꝥ meare
604meiden. & were i beðleem iboren moncun to heale.
605& to þe hirden schawdest te ꝥ te engles to
606þe tahten & of þe þreo kinges were kinewurdliche
607iwurdget. weoxe & wrahtest wundres. Ah ear þu were
608ioffret & wið lac a-leset. & i iordanes flum of

page 120

609sein iuhan ifulhet; þu healdest alle un-hale. & te
610deade. of deaðe. Aleast as þe bi-luuede lettest an of
611þe tweolue ꝥ tu hefdest icoren. chapi þe. & sullen.
612& þoledest pine. & passiun. þurh giwes read o rode.
613deidest. & were idon dead. i þruh of stane. stepe adun.
614& struptest. & herhedest helle. Arise. & þin ariste
615cuddest þine icorene. & stuhe abuue þe steorren
616in-to þe heste heouene. & kimest king o domes
617dei. to deme cwike. & deade. þu art hope of heale.
618þu art rihtwises weole. & sunfules salue. þu art an
619ꝥ al maht. & nult nawt bute riht. I-blescet beo þu.
620eaure. þe ah eauer euch þing heien & herien. &
621ich do deore drihtin þi meiden an ꝥ ich am. & luuie
622þe to leofmon luuewende lauerd. ꝥ hauest se muche
623for me iwraht. wið-ute mine wurðes. Beo mi blisfule
624godd wið me. & wite me wið þe deoueles driueles.
625& wið hare creftes. wurch ȝet swucche wundres
626for þi deorewurðe nome. ꝥ te reue rudni & scheomie
627wið his schucke. & tu beo aa iwurdget as þu art wurðe
628wurðmunt from worlde into worlde. Amen wið-uten ende.
629    Wið þis as ha stute stoden þe cwelleres. & ȝeiden lud
630steuene. Mihti lauerd is þe. ꝥ Iuliene on leueð.
631ne nis na godd buten he; we beoð wel icnawen. Reue
632us reoweð ure sið ꝥ we se longe habbeð ileuet
633þine reades. & wenden alle anesweis a-bute fif hundret
634þe stoden & ȝeiden alle in a steuene. luuewurðe
635wummon. we wendeð alle to ꝥ godd. ꝥ tu on trustest.

page 121

636forlore beo þu reue wið false bileaue. & iblescet beo
637crist. & alle his icorene. do nu deadliche on us al ꝥ tu
638do maht. make us reue anan-riht misliche pinen
639on-tentd fur & feche hweol. greiðe al ꝥ const
640grimliche bi-þenchen. forðe al þi feaders wil þes feondes
641of helle; to longe he heold us as he halt te nuðe.
642Ah we schulen heonne-forð halden to iesu godes kinewurðe
643sune moncun alesent. swa þe reue gromede
644ꝥ he gristbetede wod he walde iwurðen. & sende o
645wodiwisewodi wiseEdition: wodiwise forð to maximien. þe mihti caisere of rome
646her-of; hwet he readde. & he ham het euch fot
647heafdes bikeoruen. fif hundret italt of wepmen
648& of wimmen an hundret & þritti þrungen euchan
649biuoren oðer forte beo bihefdet & ferden alle martyrs
650wið murhðe to heouene.
651    Eleusius þe hwile lette his men makien a muche fur
652mid alle. & bed binden hire swa þe fet & te honden.
653& keasten hire in-to þe brune cwic to for-bearnen.
654As ha lokede up. & seh þis lei leiten; biheolt towart
655heouene. wið honden a-heuene. & þus to crist cleopede.
656    Ne forleaf þu me nawt nu i þis nede lauerd of liue.
657Mild-heortfule godd milce me þi meiden. & mid
658ti softe grace salue mine sunnen. iesu mi selhðe ne

page 122

659warp þu me nawt ut of þin ehsihðe. bihald me ant
660help me. & of þis reade lei reaf & arude me. swa ꝥ
661tes unseli ne þurue nawt seggen. þi lauerd ꝥ tu
662leuest on. & schulde þi scheld beon. hwer is he
663nuðe. ne bidde ich nawt drihtin þis for deaðes drednesse.
664Ah false swa hare lahe. & festne i þine icorene
665treowe bileaue. schwau nu mihti godd þi meinfule
666mahte. & hihendliche iher me iheiȝet & ihere
667aa on ecnesse.
668    Nefde ha bute iseid swa; ꝥ an engel ne com se briht
669as þah he bearnde. & to ꝥ ferliche fur. i ꝥ lei lihte
670& acwente hit anan. eauer-euch sperke. & heo stod unhurt
671þer amidheppes heriende ure healent wið
672heheste steuene. þe reue seh hit acwenct & bigon
673to cwakien. se grundliche him gromede. & set te
674balefule beast; as eauer ei iburst bar. ꝥ grunde his
675tuskes. & fen on to feamin. & gristbeatien grisliche
676up-o þis meoke meiden. & þohte wið hwuch mest
677wa. he mahte hire awealden. & het fecchen a ueat.
678& wið pich fullen. & wallen hit walm-hat.
679& het warpen hire þrin. hwen hit meast were
680iheat & wodelukest weolle.
681    As me dude þrin. ha cleopede to drihtin. & hit

page 123

682colede anan. & warð hire ase wunsum as þah
683hit were a wlech beað iwlaht for þen anes in for
te forte
beaðien. & smat up aȝein þeo þe iȝarket hit
684hefden. & forschaldede of ham as hit up scheat;
685alle italde bitalebi taleEdition: bitale. seoue siðe tene. & forðre ȝet fiue. þa
686þe reue þis iseh; rende hise claðes & toc him-seolf
687bi þe top. & feng to fiten his feont. & lastin his lauerd.
688    Swiðe qð he. wið hire ut of min ehsihðe. ꝥ ich ne
689seo hire nawt heonne-forð mare. ear þe buc of
690hire bodi. & tet heauet liflese liggen i-sundret.
691Sone se ha þis iherde; ha herede goð of heouene.
692& warð utnume glead; for þis ha hefde iwilnet. Me
693leadde hire & leac forð. & heo wes eðluke. As ha stutte
694i ꝥ stude. þer þe fordemde schulden deað drehen: þa
695com þe illke belial ꝥ ha hefde ibeaten feorren-to
696bihinden & bigon to ȝeien. A stalewurðe men ne spearie
697ȝe hire nawiht. ha haueð us alle scheome idon.
698schendeð hire nuðe. Ȝeldeð hire ȝarow borh efter ꝥ ha
699wurðe is. A stalewurðe men doð hire biliue to deað
700buten abade.
701    Ivliene þe eadie openede hire ehnen & biheold towart
702him; as he þus seide. & tet beali blencte. &
703breid him aȝeinwart bihinden hare schuldren.

page 124

704as for a schoten arewe. wumme ꝥ ich libbe qð he.
705ich beo nunan ilaht. Ah ilecche ha me eft; ne finde
706ich na leche. I-gripe ha me eanes; ne ga i neauer
707mare. þrefter o grene. & leac him aȝeinwart as
708þe beare unwiht in alre diche deofle wei ne mahte
709nawt lette. As ha schulde stupin & strecche forð
710ꝥ swire; ha bed first & feng on þus forte learen
711þeo þe þer weren.
712    Lvsteð me leoue men & liðeð ane hwile. Bireowsið
713ower sunnen. & saluið wið soð schrift & wið deaðbote.
714leaueð ower unlahan. & buldes up-o treowe
715eorðe. ꝥ ne dredeð na ual for wind ne for wedere.
716lokið þet te heouenliche lauerd beo grunt-wal of
717al ꝥ ȝe wurcheð. for ꝥ stont studeuest falle ꝥ
718falle. ȝeieð to godd in hali chirche. ꝥ he
719ȝeoue ow wit wel forte donne. & strenge ow
720wið his strengðe. aȝein þe stronge unwiht
721ꝥ seleð eauer. & aa. ow to forswolhen. lustnid
722lustiliche hali writes lare. & liuieð þrefter.
723wel him þe wakeð wel. & i þis lutle hwile wit
724her him-seoluen. & heorteliche sikeð ofte for
725his sunnen. þis worlt went awei. as þe weater
726þe eorneð. & ase sweuen imet a-swint hire

page 125

727murhðe. & al nis bute a leas wind ꝥ we i þis
728worlt liuieð. leaueð ꝥ leas is. & leoteð lutel
729þrof. & secheð ꝥ soðe lif ꝥ aa leasteð. for
730þis lif ȝe schulen leoten. & nuten ȝe neauer
731hwenne. & reopen ripe of ꝥ sed ꝥ ȝe her seowen.
732ꝥ is underuo ȝeld of wa. oðer of wunne.
733efter ower werkes. Swiðe ich biseche ow. ꝥ ȝe
734bidden for me. breðren. & sustren. & custe
735ham coss of D'ARDENNE: os pes alle as ha stoden. ant biheold uppart.
736ant hehede hire steuene.
737    Lauerd godd D'ARDENNE: goðd almihti. ich þonki þe of þine ȝeouen.
738nim ȝeme to me nuðe. þu luuest ouer alle þing
739treowe bileaue. ne lef þu neauer to þi va; þin ilicnesse
740ꝥ tu ruddest of deað; þurh þi deað o rode. ne let
741tu me neauer deien i þe eche deað of helle. Vnderueng
742me to þe. & dome wið þine. i ꝥ englene hird
743wið meidenes imeane. Ich aȝeoue þe mi gast deorrewurðe
744drihtin. & do hit blisfule godd for þin iblescede
745nome to ro. & to reste. wið ilke ha beide hire
746& beah duuelunge adun bihefdet to þer eorðe.
747ant te eadie engles wið þe sawle singinde sihen
748in-to heouene.
749    Anan þrefter sone. com a seli wummon. bi Nichomedesse
750burh o rade towart rome. Sophie wes

page 126

751inempnet of heh cun akennet. & nom þis meidenes
752bodi. & ber hit in-to hire schip bi-wunden swiðe
753deorliche i deorrewurðe claðes. As ha weren i watere.
754com a strom ꝥ te schip ne mahte na mon
755steorin. & drof ham to drue lond in-to champaine
756þer lette sophie. from þe sea a mile. setten
757a chirche. & duden hire bodi þrin in a stanene
758þruh hehliche as hit deh halhe to donne.
759    Þe reue sone se he wiste. ꝥ ha wes awei ilead. leup
760for hihðe wið lut men into a bat & bigon to
761rowen swiftliche efter. forte reauin hit ham. &
762i þe sea senchen. & arisen stormes se sterke &
763se stronge. ꝥ te bordes of þis bat bursten & tobreken.
764& te sea sencte him on his þrituðe sum
765ant þer-to ȝet fowre. & draf him adrenchet
766dead to þe londe. þer ase wilde deor limmel toluken
767ham. & to-limeden eauer euch lið from þe
768lire. ant te unseli sawlen sunken to helle. to forswelten
769i sar & i sorhe eauer.
770    Þvs þe eadi iuliene wende þurh pinen. from worldliche
771weanen; to heoueriches wunnen i þe Nomecuðe
772burh Nicomede inempnet. i þe Sixtenðe

page 127

773dei of feouereres moneð. þe fowrtuðe kalende
774of mearch ꝥ is seoððen.
775    Heo us erndi to godd. þe grace of him-seoluen.
776þe rixleð in þreo had. & tah is untweamet iheret
777& iheiet beo he him ane as he wes & is eauer in eche.