Anonymous: Judgements, London (1 412 words)

Text size: − / +

Display options

Display as: HTML / XML / original HC / raw XML

Show source and parameters: yes / no

Line numbers: on / off

Page breaks: on / off

Corpus contents

Sort by: author / title

For more sorting options, please use the search feature.

page 94


1

IV


2

PROCLAMACIO SUPER JUDICIO PILLORIJ.


3

DATE: 1418 ?


4
5    For as moche as Thomas of Forde of Caunterbury, Sawyer,
6other wyse called Thomas of Forde, Sothseyer, that here stant,
7be solempne enquest afore the Mair and Aldermen take, was
8endited, and aftur be another enquest atteint and convict, of
9hidous trespasses and disseites, that is to seye þat he now late
10cam to oon Jonet, þat was þe wyfe of Janyn Cook of Estchepe,
11seing that he was a sothseyer, and trewely wolde telle here where
12cc.li. and more was be-come, with a litel cofre closed be her
13housbond in his life, was beried in þe ground, if it so were þat
14she wold paye as well for the sotell instrumentes þat longen to
15his craft, as for his mete and drinke that he spended al þe mene

page 95


16while þat he were in this toun, and with that also þat she wolde
17ensure him to be wedded to him; which Jonet, nat knowyng
18his falsnesse and disceit, paied at his byddyng for his instrumentes
19and mete and drinke xls. and more onward; and, Innocently
20trustyng to her wordes and behest, behot hym for to do all þat
21he desired, with that condicion that he wolde perfourme and
22do as he hadde hight and promised; the whiche Thomas, contynuyng
23his falsnesse and disceit aboueseyd, wityng wel þat he
24might ne cowde nat perfourme þat he hadde benight, delaied
25her forth fro day to day, til at the laste he knouliched his Falsnesse
26and profered hem amendes; and in the same wyse he
27begiled and disceyued an-other woman, þat hight Nauerine
28Mauncell, behetyng here for to gete a-geyne half a gowne of
29cloth of gold, which was stolen out of here kepyng, and made
30here to spende vpon hym, up trust therof, xviiis. vid. and more.
31For the which falsnesse and disceytes, þa Mair and Aldermen,
32willyng þat suche shul be war be hym in tyme comyng, han
33awarded, after þe Custome of this Cite, þat he, as a fals lyere and
34disceyuer of þe comune peple, shal stonde here vpon þe pillorye
35thre market dayes, eche day an hour, wiþ a Weston aboute hys
36necke in tokene of a Lyere.
Carpenter.

37

page 95


38

V


39

JUDICIUM PILLORIJ NICHOLAI KETERINGHAM PRO FALSIS
40OBLIGACIONIBUS CONTROFACTIS.


41

DATE: RILEY GIVES DATE 1418.


42
43    For as mych as Nichol Wigh, oþerwise callyd Nicholas
44Ketringham, oþerwise callyd John Segrave, otherwise callyd
45Nicholl Pecche, þat here stont vp-on þe pillory, is opynly conuict
46and atteynt, a-for þe Meir & Aldremen, for a comune mysdoer
47& disceyuour of peple, & a fals contrefetour of lettres and
48mennys sealx; and especiali for a lettre, which he broght late in

page 96


49þe name of Sir Nichol Pecche, knyght, to herry Somer, for to
50have borwyd x li., with an obligacion of xx li. for seurete of
51repayement þerof, vndir þe same knyghtes sele, as he seyde;
52which lettre, obligacion, & sele were neuere made ne selyd by þe
53same knyght, but falsly contrefetid and forged by þis same man
54þat here stant, as it is opynly & lawfully knowyn and provid a-for
55þe Meir and Althermen. And foras-mych also as þis same man,
56þat here stant on þe pillori, on lik wyse disceyvid and begilyd
57Nicholl Carrewe, Squyer, with such anoþer lettre & obligacion,
58falsly contrefetid & forgyd vndur þe name & seel of þe same
59sir Nichol Pecche, knyght, as it is euidently knowyn to þe
60forseyd Meir and Aldermen, Therfor þe seyd Mair and Aldirmen,
61considering how such worthy persones as þe same knyght
62is, thurgh such falsnes in tyme comyng myght lightly and
63causeles renne in sclaundre, and oþir men in grete harme & losse,
64yef such falsnes & disceyt shold passe vnponysshid, han awardid,
65aftir þe Custume of þe Citee, in exaumple þat al oþer shul þe
66rather eschewe al such falsnes and disceyt, þat he shal stonde
67here on þe pilorie thre market dayes, eche day an hool hour,
68with on of his fals lettres, be hym falsly and disseiuably contrefetid
69and forgid, hangyng a-bout his nek &c., and aftir þe
70execucion of þis iewesse, the thrid market day to be led fro þis
71pilory to Newgate, þerin to abyde vn-to he have found seurte
72of his trewe gouernaunce & good beryng in tyme comyng.

page 100


73

X


74

THE IEWISSE OF ÞE PILLORY FOR WILLIAM HOROLD
75FOR FALS ROMENEY.


76

DATE: RILEY DATES THIS 1419.


77
78    For as mych as by þe Mair, Aldermen, and Comunes of þis
79Citee hit was late ordeynid & proclamyd, for the good & eese
80of al þe peple, þat no coupere, fre ne foreyn, ne none oþer man
81shold wiþin þis Citee rase ne gumme, or in eny other wyse medle
82with vndewe makyng, medlyng, or contrefetyng of Romeney, vp

page 101


83peyne of Juesse of þe pillory; And for as mych as William
84Horold, Couper, of Hampton, that here stant, ferst by one
85enquest was endytid afor þe Meir and Aldermen, & aftirward
86lawfully conuict and atteynt by an-other, that he, long aftir the
87sayd proclamacion, a-yens the tenure an fourme of þe sayd
88ordenaunce, ymagynyng sotilly to deceyve þe comune peple in
89contrefetyng of old and feble spaynissh wyn for good & trewe
90Romeney, in þe parisshe of seynt Martyns in the vyntry, falsly
91& deceyuably gummyd and rasyd ij buttes, with diuers gummes
92& vnholsome oþer thynges for mannys body, & feld hem ful
93of old & feble spaynissh wyn to have a lykly manere taste and
94smell to the drynkyng of Romeney thurgh þe gummyng and
95rasyng aboue seyd; Also, þe same William, in gretter deceyt of
96þe peple, for to make the same wyn haue a lykly colour of
97Romeney, wold have put poudir of bayes and oþer poudres
98þer-in, yef he had noght þe more warly be let by certein
99officers, þat toke hym þerwith; Therfor the Meir and Aldermen,
100wyllyng þat euery man þe rather shold eschewe such falsnes and
101disceyt in tyme comyng, haue, aftir þe fourme of þe forseyd
102ordenaunce, awardid þat he shal stonde here on þe pillory þis
103day an hour.

page 233


104

III


105

PRESENTMENT BY A JURY


106

DATE: C. 1396-7.


107
108    To ȝow Worschepeful Justice Sir Walter Clopton & to þe
109Corowner of oure lord kyng We, Iswore as fore þe kynges
110proffit by owre othes a þe by-gynnyng, presentyn þat Thomas
111Bradle, John Spaldyng, William Schyngilwode, prest, Richard
112Langeforde and other mo þat we knowe nowt, at þe oure of
113mydnyt þe thorusday in estarne Weke, þe reyne of oure lord þe
114Kyng xvje, comyn With forse & armes, þat is for to seye bowes
115& arwes, swerdes & bokelers, gaderid hem to-gedere in þe feld
116of Stebenythe parich, by-syde Schordych parich, by-syde John
117ȝerelddys croft, in Middlesex, & þere betyn down a peire berseles
118by force & armes, aȝeynes þe kynges pees, and to gret rankour
119to al þe contre of Schordych.

page 234


120    And also þe friday folwynge in þe same Woke of Estarne, in
121þe same ȝer of owre lord þe kyng xvje, Thomas Bradle, John
122Spaldyng, William Schyngilwode, preest, & Richard langeford,
123with other mo vne-knowen, in þe feld of Stebenythe, vp-on þe
124land of John ȝereld by-syde Schordych, with force & armes,
125bowes & arwes, swerdes & bokelers & other wepene, & þere asawt
126madyn to þe sone of John ȝereld and to þe ȝomen of Schordych,
127þat þere were in amendyng of here berseles, her boweȝ & her
128schoueleȝ brokyn & hewen, & hem foule afrayedyn, þat þei dredyn
129hem of here lyues, ageynns þe kynges pees. And also þe thorusday
130next aftar þe translacion of Seynt Thomas of Caunterbiry,
131þe reygne of oure lord þe kyng xviije, þe priour of seynt Marie
132Spetele, Thomas Bradle, John Spaldynge, William Schyngilwode,
133preest, & Richard langeford, with other mo vne-knowyn, with-owt
134warant of lawe out putte William Auerey out of a chaumbre þat
135William Auerey made, þe weche þat he tok of þe same Priour
136& of his Couent, in a place þat is clepid Sustar croft, & þerine
137entred in & owt him putte ageynes þe kynges pees etc.
138    And also þe thorusday in þe feste of seynt Jame inþe ȝer of
139þe reigne of oure lord þe kyng xviije, Thomas Bradle & Richard
140langeforde, with other mo vnknowe, with force & armes entredyn
141in-to þe chaumbre þat Will Auerey made, þe weche þat he tok of
142þe same priour & hys Couent, & Sissely þe Wif of William
143Auerey & Johane þe Wif of Thomas Fyncham asaut made & hem
144beten & blod drowen, & out of þat chaumbre hem pute, & gret
145affray made a-geynes þe kynges pees etc.