page 183

1

156

2

1441 E28/66/34 ROYAL INDENTURE

3
4    This endenture made bytwix the Kyng oure souuerain
5Lorde on þat one part and William Pyrton Squier on þat other part.
6Wittenesseth / that the said William is witholden with þe kyng lieutenant
7of his Castell of Guysnes / fro þe .ix. day of Ianuer last passed
8duryng þe terme of vj. yere þenne next folowing / And the said william
9shall haue continuelly with him abidyng vpon þe saufgarde of þe
10said Castell duryng þe saide tyme .l. men of Armes on foote himself
11accompted onely on horsbak and .l. Archiers on foote / takyng for
12him self .ij s. on þe day for euerich of þe saide men of Armes .viij.
13d. and for euerich of þe saide Archiers on fote. vj d a day duryng þe
14werre Of þe which wages þe saide william shall be paied for him
15and his saide Retenue for a quarter in hand at þe makyng of þees endentures
16& so fro quarter to quarter at the beginnyng of euery quarter

page 184

17duryng þe (tyme) THE WORD IN PARENTHESES TORN aforesaide by þe handes of þe Tresourer of Caleys
18for the tyme being Of þe which paiement the said william shall receiue
19for him and his saide Retenue / þe thrid peny in vitailles couenables
20and at suche price as þey be worth at Caleys þe tyme of þe deliueryng
21of hem by þe handes of þe said Tresourer / and yf þe said Tresorer
22may not performe þe thrid peny in vitailles as afore it is saide.
23he shall performe in monoye to the same william all þat that he shall
24lak duryng þe tyme aforesaide / And yf it fortune that þe kynges
25Aduersairs be of suche myght þat by liklinesse þe saide Castell be
26put in grete perill of enny sodeine aduenture by trewe espiall. withouten
27þat it were stuffed with greter nombre of men of Armes & Archiers
28that þen þe said william shall aduertise þe kyng and his counsaile
29þerof and þey to pourueye him in all hast possible oute of
30þe Royaume of Englande or oute of þe towne of Caleys vnto þe nombre
31of .CC. persones men of Armes & Archiers of within after
32þe discrecion of þe kynges counsaile and as þe cas. requireth Also
33yf þe kyng for enny cause moeuyng him and his counsaile woll resume
34into his handes his saide Castell within þe saide tyme / the forsaide
35william shall haue warnyng þerof half a yere afore þe day of his
36discharge of þe said Castell by lettres vnder þe kynges grete or priue
37sealx and in lyke wyse þe saide william shall yeue warnyng vnto
38þe kyng or his counsaile by an half yere / that if he for sekenesse lak
39of paiement or other cause resonable may not occupie þe saide
40lieutenancie So þat the kyng may purueye a newe lieutenant þer and
41þe said william to stande discharged ayenst þe kyng withouten enny
42empeschement in tyme commyng / And the kyng oure souuerain
43lorde shall haue aswell þe thrid partie of wynnynges of werre / of
44þe saide william as þe thridde of þe thriddes / whereof þe persones
45of his saide Retenue shall be answeryng vnto him of þeire wynnynges
46of werre / be þey prisoners prayes or other þinges taken by werre
47and all droitȝ of werre accustumed / Of þe which thriddes and thridde
48of thriddes / and also droitȝ þe said william shall by his othe or
49by þe othe of his executour or executours of his testament trewely
50answere to þe kyng oure saide souuerain lorde in his Eschequier at
51Caleys / And also þe said william and þo of his saide Retenue shall
52haue all maniere prisoners þat shall be taken by hem. duryng þe said
53tyme except princes and sones of Princes / mareschalx & lieutenantȝ
54generalx and þo þat bere þe armes of ffraunce except also him þat
55calleth him Duc of Bourgoigne and all his mareschalx and lieutenantȝ
56generalx / the which shall remayne and be prisoners vnto þe kyng
57oure said souuerain / lorde and for þe which he shall make resonable
58agreement to him or to hem þat so shall take þeime And þe saide

page 185

59william hath vndertake sauely to kepe the saide Castell to þe worship
60and proufit of oure said souuerain lorde the kyng duryng þe tyme
61aforesaide and not to deliuere þe saide Castell to enny persone bot to
62our souerain lorde þe kyng abouesaide / or to his heirs kynges of
63Englande or at þeire commaundement by þeire lettres of grete or
64priue sealx In wittenesse of which þing to þe partie of þis endenture
65remaignyng with þe kyng oure saide souuerain Lorde þe saide
66william hath putte his seal. Yeuen at westminstre þe x day of feuerer
67þe yere of þe Regne of the kyng oure said souuerain lord xixe.