page 85

1    Sum-tyme olde wise clerckus þe
2whiche knewe kyndes & complexciones
3of men & of bestus þei fondon & writoun
4many grete resounus in helynge of bestus as wel as of
5men. And for an hors is a best þat muche worschepith
6men. & many harmes takeþ þrouȝ mys-happus fele &
7ofte-tyme beþ outerliche I-lost for defauȝte of help þerfore
8I wol schewe ȝou as j haue jlerned sum curus for hors
9þat al men knowe noȝt. And also wherof þe euel comeþ
10on an hors And also þe tokenus þerof. where-bi þat
11men schul hem knowe. & how þei schul in a good feyre a good
12hors chese. Hit is nedeful to hym be wise & warre þat
13schal an hors bye. ffor ofte-tyme þei þat wenyþ hem-silf
14sly. beþ bi-giled with blynd hors & pursif hors. & oþer wicked
15tacches þat men mowe noȝt redeliche se with here yȝen.
16þerfore .4. þyngus þou schalt loke in an hors. & þat þei
17faile noȝt. ffurste þe schap of an hors þat þou schalt
18wite þat he be of good heythe to suche trauaile as þou nedest
19& þat he be þicke & wel I-growe to his heythe &
20strongliche I-made. longe sydes & fleyscheful. & grete boddockes.
21& rounde. & brod brest bi-fore. & al þe bodi knette with
22wreþes of brawn. drie bon & hole þat schal his bodi bere
23& þat schal be a good hors. Þe secunde is þe beawte of an
24hors þat he semyþ faire. & þat he haue a litul hed & a lene
25with-oute flesche þe skyn riȝt ny þe cheke-bon is noȝt
26for to loke. schort eres & scharp for-sake hem noȝt. gret

page 87

27eyen & oute stepe is wel for to preise. & wyde noseþurlus
28to þrast in þin hond. an hyȝe hors bifore with a þicke
29mane þe tayle meneliche long with a good rumpe. a runde
30fot & þicke bi-comeþ an hors wel. & ȝif his pastron
31be schort he is wel þe betere. wyde hors bi-twene þe
32chaueles haue. I herde for to preise. & brode bi-twixst
33þe yȝen is good at þe countre. And þicke warres bifore
34þe sadel bi-comeþ an hors wel. And lowe-wombede
35beþ comeliche good. And flat-crowped hors buþ
36esi to holde in poynte. Þe þridde is bounte þat is best of
37alle. And þat þou schalt knowe by þese signus. Loke þat
38he be hardi & coragious of herte. redi & lyȝt of his
39feet & þat he go wyde in resoun. & þat his lymes tremeli
40for þat is sygne of strengþe. And also þouȝ he reste
41muche þat he be esi to hold. & if he be j-take forþ hastliche
42with þe spore þat he be sumdel kene. & þat he be good to rebaie
43when þat tyme is. & þis beþ þe signes in a bounte hors.
44Þe ferþe is colour þat he schal haue of here. for sum haueþ
45betur here þan summe as I haue herde telle. ffor bayblak.
46Mylkewhite. don with a blak lyste. yren-graye.
47& oþer many hewes þat buþ not to rekne. ffor whatso
48his þat hors bowȝte.
49    And when þou hast a good hors at þin owen
50wille loke þat þou be warre bi-tyme þat he
51take not harme þrouȝ rauhede of blode whereþrouȝ
52an hors takeþ many euelis. And þus

page 89

53schalt þou knowe when þin hors nedeþ to be I-lete
54blod. Ȝif he be ranke of blod he wol gnappe himsilf
55& rubbe him a-ȝens þe walle þat he stondeþ bi. his kaym
56schal stynke. & hoshis pisse schal be rede & þicke. his eyȝenwebbe
57blod-schote & wateri with-alle. And ouer al his
58bodi þer wol rise litel smale bleynes þe whiche þou schalt
59aspie bi felyng of þyn honde. for þei buþ I-hud vndur þe
60heere. And he schal leue his mete more þan he was
61I-wonede. And þan schalt þou latyn him blod a-boue
62on his necke. & aftur þat his stat is þou schalt latym
63blede. ȝif he be passed .v. ȝere. & be in good poynt to þe
64whiȝte of .3. pond or .4. may he blede. And ȝif he be
65of .ij. ȝere or of .3. or ellus þat he be lene & feble of flesche.
66a pond & an half wol ouer-take hym wel
67or ellus at þe moste .ij. pond.
68    Many euelus comeþ on hors þat bleduþ not in
69tyme þrouȝ þat kynde of þat euel blod þat gendreþ in his
70bodi þat is to say þe farcioun. þat in his skyn boreþ many
71an hole. schale & mangew. & turtes & many oþer
72euellis þat I schal here afturward nemyny as þei gendreþ
73in þe bodi of here owene kynde. And nameliche of
74þese euelus þat oon hors may cacche of an-oþer þat he
75stonduþ bi. And whan an hors is I-let blod & wol
76not staunche. Or ellus he strobuleþ his veyne with
77rubbynge of hym in self. Þen schalt þou take felt & brenne
78it sumdel. & wete it in þe lus of þe rede nettel. & ley hit

page 91

79upon þe ueyne þat þou wolt staunche. Or ellus take
80þou þe woluyfiste & geder out þe dust & medle hit
81with swynes þost þat lyueþ bi þe gras. grynde hem
82wel to-geder & make hem on a plaster. & make it hot.
83& ley it to þe veyne. & in-to þe þridde daye remoue it
84not. Or ellus take hors-cayme & grynd it wel &
85bynde it fast to þe veyne. Or ellus sum wol tak
86a feþer & twyne it in þe heere þer þe blod renneþ out
87& feþeres bynde þere-to. & so I haue seye hit staunche
88wel I-nowȝ. A charme for to cese blod. God
89was bore in betheleem. Ido on þe rode-tre in ierhusalem fulled
90he was in flum iordan. Lord as þe flode with-stode
91so staunche þis horsus blod. Lord ȝif þi wille be. Pater
92noster &. Aue Maria. An-oþer. Put þese syngnus to þe
93nauel I-write vpon sum-þyng. fac. per. nomen. matris. Christi. altae.
94sacrae. & .7. nomen. mariae. An-oþer. Take þe knotte of a stre
95& wete it in þe blod & make .v. crosses in þe forhed
96& sey þese wordus at euery crosse boram uexboram uex. Anoþer.
97I coniure þe wonde in þe uertu of þe .v. wondes
98of oure lord ihesus crist. & in þe vertu of þe mylke
99þat he soke of his moder brest & of his deþ & of his
100up-rist þat þou rankil noþer swelle ne blede ne
101festre no more þan doþ þe wonde þat longeus
102made with þe spere in þe riȝt side of our lord ihesus crist.
103In nomine patris & filii & spiritus sancti. Amen.
104    Farcyn is an euel of to muche mosture

page 93

105of flesche. & to muche plente of humurus þe whiche
106euel sum men clepeþ þe worme. And þe cause whifor
107þe forseide humors þat beþ in þe flesche makeþ
108rounde holes in þe flesche & in þe skyn as þe angeltweches
109doþ in þe erþe. And also ofte-tymes hit comeþ
110of blak blod & of humors þat renneþ with-in þe
111veynus. & oþer-while with-oute. And oþer-while it comeþ
112of grete strokes or of a wonde þat with-inne too
113monþes is not heled. Also it comeþ oþer-while
114bi-twext þe schuldres or in þe sides. & þat may oone
115hors take of an-oþer. Cure þerfore now wol I schewe.
116Take hede þou marchal to þis euel & in what stede it is.
117for oþer-while it is in synewe stedes. & in brawne & in
118þe cauernes of þe bones & in dyuerse place a-boute þe
119lymes þat euel is to hele. And sum-tyme in fleschy stedus
120þat is esi to hele. Ȝif þe farcyn be in þe forhalf of his
121bodi. & þou perceyue ranckehede of blod. in his neckeveyne
122let him blede wel. And if it be on his þy or
123ellus in his legge let him blede in his fot & þat is good.
124And aftur take .3. plantes of auence. & .3. of of weybrede.
125& .3. of egrymonye & a rote of radysche. &
126grynde hem al to-geder. & tempere it with a litul quantite of
127stondinge water of a pole or of sum oþer & let þe hors
128swelwy him adoun in-to his bodi. And þen aftur þou make
129a plaster of auence & of þe rote of radische of boþe
130I-liche muche. & a litel swope. & as muche hony. &

page 95

131grynde hem al to-geder & þen þou schalte schaue þe heere a-boute
132þe holes. & ley þis plaster þer-to. Or ellus take arnement.
133& brenne in þe fyer. & take þe pouder of it. & as
134muche of vnslekid lyme & tempere hem to-geder with swope
135þat is old. & with good hony as þouȝ it were gruel. &
136ley it to þe holes. & do so twyes on þre dayes
137tyl þe farcin be drie. & ȝif þe holes be to strayte make
138hem wyddur with a rasur. And while þou curest þis hors
139loke he be foddered with a barli-straw. or ellus with hard hey. &
140prouendre ȝif him non. & as ferforþ as þou may let him not
141drynke. And þe farcyn be not in þe cauernes of þe bone
142ne in þe brawn ne in þe schuldres. but onliche in þe fleschi
143stedus þen do þus. Take a rasour & schere awey þe
144skyn & make it al bare as fer as it semeþ þe a-tamed
145& þen tak an hot yre & brenne it wel abouen & þen make
146a plaster of auence or ellus of egrimonye. or lekes. & ferst
147grynde hem wel. & do þer-to ȝelkus of eyren & faire barlimele
148& tempere hem al to-geder. & ley a-boue þe farcyn. Or
149ellus take & fille ful þe holes of podur of bremston riȝt
150to þe grounde. & aftur tak an hot yre þat is smal bi-fore
151& put in-to þe holes as depe as þei beþ. Or ellus take
152a pynte of þe ius of planteyne. & a pynte of þe ius
153smalache. & half a pynte of þe jus rubarbe & half
154a pynte of þe Ius of LACUNA IN MS: SPACE FOR EIGHT LETTERS & a pynte of þe
155Ius of þe leues of eldre þat beruþ þe beries. &. half
156a pynte of venegre. & half a pynte of þicke hony. &

page 97

157half a pynte of þe Ius of morel. & half a pynte
158of þe jus of þe wilde tesel. & too or þre of amydoum.
159& medle hem al to-gederes in a panne. & set it ouer þe fier.
160& let it boile til it be þicke. & when it is þicke take
161it don. & let it stonde til it be cold. & þen take þe white
162of .viij. eyron & medle þer-with. Þis same medicyne
163is good also for boylynge of venum. Þese cures as
164I vndurstonde schal hele an hors for þe farcioun ful
165wel. A charme for þe same. Dytez ceste charme
166par .iij. iors apres le solayl couchaunte sur le chyual uers
167le west turne primez pater noster hysmabet pater noster
168mechay pater noster amathanay pater noster Crux
169Christi amen pater noster. Cinke foyrz dirrs cest charme.
170par .iij. iours outre le chyual & par seux. iij. iours ne
171doit le chyual este en bon erre ne prouendre mag ne ewe
172currant passer mays selk fame manguse & garra.
173ffor þe farcyn & for þe feloun a good charme. In nomine
174patris & filij & spiritus sancti amen. Ie te coniure felon ou farcyn
175ou verme male suz dauant par dieu omnipotent de ceel & de
176terre & de solial & de lune & de tutz creaturis & de sent autres
177& de sent abbes & de sent euesqes bien atturnes com de
178messes chauntere de nuit de noele & de la paylle so?
179dount deu fuit en-volupe si tu i es ne demurrez niemt
180si tu ne es ne entres poynt al nom du pere & fitz &
181saunt espyrit te coniure qe tu ne augz. Ceo ditz
182troi foitz outre le best & garra. Or ellus take þe

page 99

183rede nettel. & þe popi rote. & myntes & flex & make
184a plaster & bynde to þe frounte of þe hors. .v. daies &
185 .v. nyȝttus. & ȝif him drynke herbes. beteyne. quycseluer.
186And þat also for to hele þe wondes of þe farcyn.
187Tak floure of whete & hony & medle hem to-geder.
188& ley to þe sore. & aftur pouder of piper & caste in þe
189wondus. & ȝif him drynk of þe same & he schal be
190hole. A charme for þe same. In nomine patris. & filij. &
191spiritus. sancti. amen. In þe worschip of oure lord ihesus crist &
192of oure ladi seynt marie & of seynt Iobis fadur
193soule
194& for his modur soule & for al his antecers
195soulus sey. iij. pater noster. & .iij. aue maria. Seynt Iob had.
196 .ix. wormes. & o worme had non hed. Sey þus aboute
197þe hors. Also for al-maner of farcyn. Make
198a plaster of an vnce of vertegrece and eisel
199& arnement & ley þer-to a nyȝt.
200    Mangew gendereþ of brend blod & rotoun
201& nameliche in herueste when a hors traueyleþ ouer-muche
202with litel mete. or litul drynke. & aftur haþ
203myche reste aftur grete trauayle. And or he be let blod
204he most be trauayle. aȝen. And oþer-while it
205comeþ upon an hors when pouder & swot I-dried
206to. be ouer-nyȝt. upon him & is not currayde & made
207clene. And also it wil come of sodayne fast ridynge.
208when an hors aftur gret traueyle. or aftur gret
209swetynge stonduþ vnheled. or out of house. or in eny

page 101

210oþer cold stede. Þe mangew wol bi-gynne bi-side
211þe necke in þe heere & þer wol genderi whelkus oþer
212bilus & in oþer dyuerse stedus of his bodi. and in þe
213same stede wol þe here pile awey. & þe hors wol
214gnappe him-self & rubbe out of curs. & but þat hors
215be holpe in tyme þat mangew wol turne in-to a foule
216schabbe þerfore tak of þese medicynes þat folueþ.
217And ȝif an hors be rancke of blod. þen let him
218blod in his necke. & with þat same blod hot whasche
219him ouer-al. & frote hym riȝt faste & spare him not. And
220aftur þe þridde daye of his blod-letynge let wasche
221him wel with hot lie j-made of axes of barli-straw. &
222see-water or with vyneger or with sowre ale. Or ellus
223wasche him with þe croppus of horhone or ellus with sede. or with
224þe gresse of an erbe þat men clepuþ hemloke. Or ellus
225with þe croppus of walwort þat haþ kyndeli vertu with a
226porcioun of salt wel j-soden & wasche him wel. & curreye
227him wel with an hors-combe. & make him riȝt clene. &
228when he is riȝt drie or ellus upon þe morwe anoynte
229him with an oynement þat j schal þe teche. Þou schalt
230tak þe rote of þe rede docke & þe rote of hemlok.
231& seþe hem wel in vyneger or eysel or wyn. longe til
232þei be riȝt neysche. & þen þou schalt take awey þe
233hardust of þe herbes & grynde it. or when þei buþ
234sumdel drie with olde swynes grece. & with þat oynement
235aȝens þe sunne or þe fyer loke þou grece him wel.

page 103

236Or ellus tak quycseluer & freische grece & hony. porcioun
237þese þre to-gederis & anoynte him þer-with & or
238he be anoynted let him blod on þe sides & whasche
239þe sore þer-with. Or ellus take .ij. libra of barwus grece.
240& a quarterun of uertegrece & a quartron of quycseluer
241& half a pond of frankencence. & .ij. sauserful
242of womman mylke þat haþ a knaue childe with-inne
243þre ȝere age & medle al þese to-geder & wasche
244him þer-with.
245    And ȝif an hors wol gnappe hymself.
246tak þe rede water-kerse for þei buþ
247hatter & bettur þen þe whit & wermode & hemlok
248with a gret dele of sote til þei be muche iliche to
249grece. & þen grece him ouer-al & þat schal lete him to
250gnappe. Or ellus wasche him wel in bene broþ &
251poune to-geder piper & vertegrece & arnement & cerfoyle
252& make a good fier a-boute þe hors &
253grece him þer-with .3. daies.
254    Scabbe wol brede in þe necke. & on þe dok
255of þe taile riȝt as þe mangew. & it
256peliþ awei þe heere up bi þe rotes so þat þe hors
257wille rubbe him-self þat þe necke & þe dok of his
258taile schal be al bare & þat wol come of superfluyte of
259blod. or of oþer wicked humourr. & of þe same cause þat þe
260mangew wol gendre so wol þis. of bi-stonding bi a
261schabbed hors or bi gnappynge of an hors. or if he
262be whiped with a wippis curreyed with a combe þat a schabbed

page 105

263hors haþ be curreyd with. or if he ete of þe corn
264or of þe hey þat a schabbed hors haþ ymoneld on
265bi-fore. or if þe oynde of a schabbed hors comeþ
266muche in his nose. Cure þerfore. If þe hors be
267stalworde. let him wel blod & wasche þe schabbed
268stedes with þe hot blod & when it is drie rubbe him wel
269with an hors-combe euer-more til þe blod sprynge out
270of þe skyn amonge þe schabbes. & þen þou schalt wasche
271him with a lye þat clerkus clepuþ on latyn capitellumcapitellum
272þe whiche is made on þis manere. Take .3. parties
273of asche asken. & .ij. parties of askus of bene-halm.
274o partie of vnsleked lym. & medle hem wel to-geder &
275do hem in a brod vessel ful of holes riȝt as þou
276makest lye & helde aboue see-water or lye þat was
277ymade of asche askus euer til it droppe. & geder þat
278clene in a vessel. & when þe capytel is made. take
279an eye of an hen & wynde a þrede þer-aboute. & do
280it softeli in þat capytel. & ȝif it synk not þi capytel
281is good. or ley þer-on a gret neld & if he flete
282þi capytel is good. Come not hende þe hole skyn
283for þen it wol make þe here pile awey þrouȝ violense
284of it-self. but wasche þe schabbes with þe
285capytel. & þat riȝt wel. And when it is drie
286þen schalt þou grece it with an oynement þat is ymade
287on þis manere. Take sulphur vyue. & whit
288tartre & blak. & grynde him al to-geder & tempere it with

page 107

289strong eisel. & with oyle til it be of þe þickenus
290of an oynement. & twies on þe day grece him on
291þe scabbede stedus. And on þis same manere do
292to an hors þat haþ þe mangew euer til he be hole.
293Or do make suche an oynement for þe same. Take
294sulphur vif. & frankencence. nytre & tartre. & aschyn
295rynde vitriole & vertegrece. whit ellebore & blak.
296erþenotes. & ȝelkes of hard-soden eyren. boyle al
297þese in oile of olyue til it wexe þicke. & with þat anoynte
298þe hors twies or þries on þe day as þe
299þynkeþ best. Or in þis manere schalt þou make &
300oyle aȝens þe scabbe. Tak of þe myddel rynde of
301a tre þat sum men clepuþ buchyl & þei makeþ caudeles
302of þat same rynde. take þen þat same rynde & schaue
303awey þe ouemuste & take þe myddel rynde. & hew
304it al smale & fil a pot of erþe þat is newe ful þer-of &
305loke þat þe same pot haue þre holis or .4. in þe bottum
306þer-of. & take an-oþer pot þat is wel ileded with-inne
307& set þe pot with þe ryndus upon þe leded pot & loke
308þat þe brynkes of þe leded pottus mouþe & þe brynkus
309of þe pot with þe ryndus be wel dabbid with cleye &
310with hors-donge so þat non oþer flauor entre in-to þe
311pottus ne non reche come oute. And if þou se eny reche
312come out loke þou daube it eft-sonus. & also þe pottis
313mouþe with þe ryndus þou schalt helyn it with a ston &
314daube it in þe manere forsayde & þen make a good fyer

page 109

315aboute þe pottis of wode & cole. and when þe wode
316& þe cole buþ I-bred oute. þen take oute þe pottis
317& þe oyle þat þou fyndest in þe neþer pot geder it up &
318with a feþer grece þe schabbede stedus þries on þe daie. or
319oftur if it be nede. & fro þe firste daie þat þe hors is furst
320gresed with þis oile loke þat þe hors be wel kept from
321al-manere wetynges of water & fro gnappynge & rubbynge
322til þe. .7. daies be passed. And sum men makeþ
323oile in þe same wise þat þis forsayde oile is made of schrapynge
324of hertes-hornes. or of drie schauynges of
325aschentre. or of eldir-tre. or of wode appeltre. or of
326þe rynde of blak-þorn. þe whiche oile þey sey for-soþe
327it is good for al-manere schabbe. & al oþer filþe & maladie
328þat gendereþ on þe skyn. Ȝif þe schabbe be in þe dok
329of þe taile þen schalt þou take blak comyn & grynde it
330seþe a litel in swete mylke it when it is hote a-noynte
331þe schabbe ofte þer-with. & loke þat þe schabbede hors
332stonde noȝt amonge oþer þat þei ne take þe same
333    Fike is an euel þat wol gendri in hore of hym.
334& it is called a fyke for-as-myche as it is
335neysche gaderynge of humorus of rede colour or of blo
336colour or blak with-oute hooro spryngynges oute of
337þe skyn in þe manere of a rype fyge where-of it
338takeþ his name. & hit gendreþ of to myche blod
339þat regneþ bi-twexst þe hyde & þe hold & þus þou
340schalt cure it. ffurst loke in what lyme þat it be

page 111

341& if it be eny-þynge brode. And þen þou schalt take
342a gobet of leþer & make a rownde hole in þe myddel
343of þe leþer aftur quantite of þe fyke so þat it be fast sittynge
344bi-twexst þe fyke & þe hol skyn. & take towȝ cley.
345or past of smal floure & cramme it riȝt wel so þat þe
346hole skyn be not I-hurte with eny hot þyng þat schal
347be y-layd þer-to. When it is so ydiȝt take horhoune
348& grynde it wel & make þer-of ballus of þe gretnus
349of perus. or of þe gretnus of þe fyke. & ley him upon
350an hot ston or on yren til þei be wel y-rosted. & þen
351take a bal al hote & þrast in-to þe fyke. & when it is
352cold ley an-oþer to al hote with-oute delay. & so euermore
353oon aftur an-oþer til þe fyke bi-gynne to
354wexe white. And if þou haue non horhoune
355take water-kresus or þe myddel rynde of þe hasel. &
356make balles. & rost hem & do in þe same manere
357as it is forsayde of horhoune. Or ellus if þou
358wolt þou myȝt schere a-wey þe fyke euene bi þe
359hole skyn & let þe euel blod blede out euerydel þen
360schalt þou strawe upon pouder of unsleked lyme
361or of chalke. And take an yre as brode as
362þe sore is & let brenne it riȝt wel til þou hopest
363þat þe fier come to þe hole flesche. And if þe
364fyke be in eny jnnor be y-warre þat þou do esili þat
365þe senues ne þe Ioyntus be not ytowched with
366þe fyer. And þen schalt þou take freische rothorus

page 113

367scherne. or henne dryt. or doues dryt & grynde
368it with sope & bynde it þer-to & let it leye þer-to. ij. daies
369stille. & þen afturwarde þou schalt anoynte it with sum
370hote oynement þat is to say with pentemyron or ellus
371with hony. onus on þe day til it be hole. And in þe menetyme
372kepe it wel from lickynge. & from wetynge of
373colde water til .ix. daies be passed. And if it so be þat
374þe fyke be gret aboue & smal bi þe bodi as a stalke
375of a walnote. take þen. .v. silken þredus. & þre heres
376of an hors taile þat neuer rode mare. & twyne hem wel
377to-geder as an harpestrenge. bynde it fast bi þe bodi
378vndur þe fyke. And on þe morwe aftur if it be asclaked.
379draw it eft fastur. & so þou schalt do oft til þe fyke falle
380awey him-self. And when he is falle awey. Ȝif so be þat
381an-oþer wol come vp þer aȝen þou schalt do þus. Do
382past or cleye þer-upon al aboute as ytold bi-fore
383caste scaldynge hote hony euene þer-upon. but loke
384þou kepe with al þi myȝt þat noȝt of þe hote þynge
385come hende þe skynne. & eft-sonus when it is kelid.
386make it riȝt drie & cast efte-sonus þer-upon as þou dedust
387bi-fore. & if þe þynke þat þe rotus be depe in þe flesche.
388Ȝif þou schalt hele it wel as y haue seide bi-fore. And
389if he haue many fykos in his bodi þen þou schalt let him
390blede aftur þat his elde & his strengþe wol streche.
391    Tortes beþ apostemes in þe ouer half of þe
392flesche. genderynge with-inne þe skyn in þe

page 115

393manere of a Cake þat men clepuþ tarteles. of þe whiche
394he takeþ his name. & it wol come of oute-rage of
395blod þat is rotun. & of humours þat beþ bi-twexst þe hyde
396& þe holde. & of hertynge of flesche or of strokes. &
397of stondynge bi oþer hors. þerfore in þis cure þus schalt
398þou don. Þou schalt slitte þe skyn of þe torte up & don
399euene in þe myddes of þe torte. & undur-neþe þer þe swellynge
400oþer þe bolnynge stonduþ. with a flewme þou schalt
401aripe al þe bagge & breke þe gaderynge þat is with-inne
402& þreste þe quyture out. And efte if it nede be
403ronge it riȝt wel. Or ellus an-oþer manere if þe like
404it betere. Amyddes þe torte slyte þe skyn euene doun to
405þe erþe til þe slitte come to þe hole flesche & þen clanse
406it wel þat is redi rotun. And þen stoppe þe holes
407ful of herdus of hempe or of lynne. & loke þat þei
408be clene y-diȝt with-out eny schyues. but wete hem
409furst in botter or in sayme or in þe white of an ey. And
410þus euery day diȝt it onus til he be hole. Or if beþe
411turte at þe furste tyme be nesche. & þou vndurstonde
412þat it be rotid. in þe stede þer þe þynkeþ þat it
413is neyschest. Þen þou schalt bi good avyse in þe neþer
414half make a good sclitte & in eiþer half of þe torte
415quyse it with þi fyngrus al þe while þat þer wol
416renne out eny quyter. And aboue on his bak
417þou schalt let him blede first in þat on side & aftur .7.
418daies on þat oþer side. And þen aftur .xv. daies þou schalt

page 117

419efte let him blod vpon þe same side þat he was furst þer
420late blod. But loke þou do not þe last cure of letynge
421of blod but if þe þynke be good syngnes þat
422it be nede. þat is to say. þat blod be enchesoun. or ellus
423oþer humors. Where-þroȝ þe torte schold al-wei gendre upon þe hors.
424    Corn is an euel & it is cleped
425þe corn for-as-myche as þe hyde of þe hors
426with þe flesche. or ellus þe flesche bi him-self. is so harde
427as þouȝ it were an horne. And þat wol come þrouȝ
428gret hurtynge & of gret burdyn. & of swellynge. &
429or þat swellynge be passed awei efte-sonus bereþ sum heuy
430burdyn þat breseþ it wel more. Also it comeþ for
431many oþer causes of þe whiche me nedeþ not telle
432of nowþe. But for to teche ȝow how ȝe schul kepe
433an hors þat he ne take no suche manere harme. y wold
434if y cowþe. Þus haue j seie men kepe here hors
435from cornus. When an hors for-trauailed & beruþ ouȝt
436heuy. When þe burdun is downe þen þei wol tak
437of þe sadul or þe hors be colded. & grope ouer-al
438if þei fynde eny hurtynge or swellyng. And if þei se
439or fele eny hurtynge or swellynge. a-non þei takeþ
440cold water & salt to-geder. & waschuþ ouer-al & froteþ
441him wel. Also swithe þei set up þe sadul aȝen & so
442þei lettuþ him stonde til he be kelid riȝt wel. & so doþ
443þei .ij. or .3 . & setteþ vp þe sadul a-bouen aȝen. & so wol
444þe swellynge aswage wel I-nowȝ. But if it be

page 119

445so þat þe corn be genderid. þen þou moste schaue it aboute
446þe corn oþer þe swellynge. & þen schalt þou garce it with
447many smale pikes meneliche depe. þat þe brused blod
448may out ren. But if þe bolnynge be ouȝt olde. þen
449schalt þou first or þou garse him. baþe it riȝt wel with warme
450water. & þat a longe while. & þat is for to make
451þynne þe bresid blod þat it may come out þe
452bettur. And aftur þou schalt make a plaster of smalache
453& of walwort & of askes of elder-tre. grunde
454wel al to-geder. & chaufed in sayme. or in wyn. & lay it
455to þe corn. Or make a plaster of þe holi þystel. &
456of faire whete-floure. or of rye. & .iiij. eryn. or of
457 .v. & al hote ley þer-to & aftur when it is roted. & þe
458swellyng aswageþ. þen schalt þou take a smal elsen
459& al hot glowyng þrest in-to þe corn al aboute.
460And take afturward a cloute of hempe or of
461lynne too fyngur brod þer þe corn is & lay it vpon
462þe corn. And aftur take a drie stikke of wyþi
463or of hasel & þwyte þer-on longe sponus & þynne
464in-to þat on ende of þat styke. & þat oþer ende of þe
465styke schal be scharpe. þer-on þou schalt styke
466a gobet of fat lard. & þen þou schalt take a long
467yren & scharpe. & styke in-to þe þwyten stykkes.
468& þen hold it ouer þe fier til it haue y-chaut hete
469of þe fier. & hold it ouer þe corn & let þe larde droppe
470ouer þe cloute so þat þe hote sayme may renne

page 121

471in-to þe corn þrouȝ þe holes þat þe elsen made.
472& aftur or þe clout be remeued let him swete. & aftur if
473it be nede þou maist take sayme of lard in a sawcer & anoynte
474þe corn with a feþer or with a splent of tre. And
475so ofte-tymus til þe cor wol arise & may be take out.
476Or take þe snayles þat beþ in here schellis. & riȝt
477so stampe hem to-gederes. & make a plaster & ley to þe
478sore. & ofte-tyme meue þe corn hyder & þidur til he
479arise. And þou haue nede to ride upon þis same
480hors or þe corn be oute. þen make a þynne plaster of
481þe forseide snayles. & set þi sadul aboue & schyft hit
482noȝt til þe corn arise. And y haue seye make a
483plaster of hey askes ytempered with pysse y-leide to þe
484corn til þat he a-rise. & when þe corn is oute þen schalt
485þou euery day onus fille þe hole ful of herdes wel y-clensid
486of hempe or of flexe y-hewe nameliche
487smale. ffor herdus wol kyndeliche clensi woundes
488or apostemes & also þei wol not suffri ded flesche
489engendri in þe sore. But let no wete
490of water come on þe hole þer þe corn was inne.
491    Ded flesche oþer-while engendereþ in wondes.
492& in apostemes if so be þat kynde helpe & skilful
493be not don þerto. or ellus if þat sore be not wasche
494& diȝt in tyme. And þerfore schalt þou when þou sixte þe
495flesche ouer-passe þe brynkes of þe skyn with-jnne
496þe wonde. Or if þou se pappes in þe brynkes of

page 123

497wondes or blankus with-ynne þe wonde. & litel quyter þer-ynne.
498þat is uerei signe of ded flesche. And bi þat þou
499maist it knowe if þou it touche it wol gladli blede.
500& when þou sixt þat. take a rasor & pare it as ney as þou
501maist til þou trowe þat þou be at þe good flesche. Ȝif so be þat
502veynes & synues lettuþ not. ffor wite þou forsoþe þat
503it falleþ þe not to kerue ne to brenne in stedes þer veynes
504& synuus buth liggynge as in þe Ioyntes & oþer stedes þat is
505good ynowȝ buþ to knowe. And aftur þat it is coruen
506þou schalt brenne it with an hote yre & aftur þou schalt take
507netus scherne & ley þer-vpon. Or ellus take ȝelkus of
508eyrin & herdes. & wete hem þer-ynne & ley þer-to & remeue
509it not bi-fore þe þridde day. And ȝif þou wilt
510haue out þe wicked flesche with-oute keruyng. or brennyng
511þen schalt þou make suche a poudur. Take þe
512white of eyrin. & olde sope þe blak is þe bettere of boþe
513iliche myche. & stere hem boþe to-gedur til þei be al of
514o color. & take as moche of unsleked lyme & medle
515it al to-geder so þat it be sumdel þicke & a-non ley it upon
516þe ded flesche. But let it not longe leye þer-to for
517peyringe of þe quycke flesche. And þen aftur þou schalt
518anoynte it with oile of olyue euer til it be hole. Or
519ellus þou maist hele it with bature y-made of smalache.
520& morel if þou maist gete it. & do þer-to whit of eyryn
521& a parti of hony & tempere it with rye-floure or with
522whete & upon herdus ley it þer-to. Also sum men

page 125

523makeþ suche a poudur for ded flesche þei takeþ .iij.
524parties of vnsleked lyme & .ij. of poudur of oisturschellus
525& oon of salt. & an-oþer of hertus-hornes oþer
526netus & stampe hem al to-geders & tempere hem with stronge
527ley or with mannus vreyne. & make al þat in manere
528of a lof. & in þe herþe. or in þe ownen or in þe fier bake
529it til it be riȝt harde. þen þou schalt make poudur þer-of &
530hote of þe pouders a day ley þer-on. & if þe ded flesche
531be y-wasted away in on stede of þe wonde & not in an-oþer.
532þen schalt þou take herdes & wasche hem with spotel
533in parti & ley hem vpon þe stede þat þe þynke is clansed.
534& þer þe þynkeþ it is not clene ley of þe forseide pouder
535þer-to til it be clene wastid away. & þou schalt aftur take herdes
536& wete hem in sayme or boture. or in oile olyue or in hony
537or in wyn. & euer-more ley it þer-to til þou se þe good flesche
538euene with þe skyn. þen schalt þou with suche a pouder hele up
539þe wonde. Take of an hors-skyn a porcioun. & of þe
540bonus of an hors þy or of þe rybbe. & of an hertus horne
541or of a schep & old scho-soles. or of þe keruynge of leþer
542þat þou schalt fynde in corueseruus schoppes. And euereche
543of þese for-seide þyngus þou schalt brenne bi hem-self & aftur
544grynde euereche bi him-silf riȝt smale & take of euereche
545iliche myche & do hem alle to-geder & medle hem wel. & aftur
546do þe pouder in-to a bladder & vse it when nede is.
547Sum men makeþ poudur of a gras þat hate orygan &
548medle it with bark dust. & leyþ þer-to bi it-self & wol helpe

page 127

549at nede. And if þat hors schal be y-reden while his
550bak is sore þen þou most use þe cure aforsaide þat
551is to say. at euene take of þe sadel. & wasche it
552with hot wyn or vryne. or salt water. or in watere þat
553horshoune. or walwort or smalache or origan haueþ
554bi sode ynne. & aftur drye þe sore. & ley aȝen sum
555of þese helynge pouderes or herdes wete in sayme.
556or in sum of þe forseide þyngus. or a plaster aforseide til it
557be hole
558    And ȝif þe schuldur of an hors be swolle
559þrouȝ stirtynge or fallynge. or if þe brawn
560of þe sides be bolned or hurte with prykynge of þe spore
561þen schalt þou helpe him in þis manere. ffirst schalt þou
562schere a-way þe here al aboute þe bolnynge & þen
563þou schalt anoynte þe sore stede with sayme of lard or with
564hote oile riȝt ofte. And aftur schalt þou take þe leues
565of wermod. & þe tendre rotes of walwort & grynde
566hem riȝt wel to-geder. & aftur frie hem riȝt wel in sayme.
567or in boter & make þen þer-of a plaster & ley it hot to þe
568swellynge. And loke þat þou hold þe hole of þe
569prychynge sumdel open. And if it be so þat þis
570manere of swellynge aforseide haue y-be longe
571with-oute helpe þen schalt þou sclyte þe skyn in myddes
572þe bolnynge. And bi-neþe in þe hole skyn þer þe swellynge
573stynteþ þou schalt kerue an hole & put þerynne
574a seyne. but loke þat þou do it wiseliche for
575hurtynge of veynes & of synues. And if þe

page 129

576brest be bolned bi-side þe necke of prykynge
577of þe spore. or ellus þe side. þen schalt þou seyne him
578in þe brest but not ouer ney þe schulder þese
579medicynes buþ good & prophytable.