page 8

1

A PROCLAMATION

2
3    Henri, þurȝ Godes fultume King on Engleneloande, Lhoauerd
4on Yrloande, Duk on Normandi, on Aquitaine, and Eorl on
5Aniow, send igretinge to alle hise holde, ilærde and ileawede, on
6Huntendoneschire. Þæt witen ȝe wel alle þæt we willen and
7vnnen þæt, þæt vre rædesmen alle, oþer þe moare dæl of heom,
8þæt beoþ ichosen þurȝ us and þurȝ þæt loandes folk on vre
9kuneriche, habbeþ idon and shullen don in þe worþnesse of
10Gode and on vre treowþe, for þe freme of þe loande þurȝ þe
11besiȝte of þan toforeniseide redesmen, beo stedefæst and ilestinde
12in alle þinge a buten ænde. And we hoaten alle vre
13treowe in þe treowþe þæt heo vs oȝen, þæt heo stedefæstliche
14healden and swerien to healden and to werien þo isetnesses þæt
15beon imakede and beon to makien, þurȝ þan toforeniseide
16rædesmen, oþer þurȝ þe moare dæl of heom, alswo alse hit is
17biforen iseid; and þæt æhc oþer helpe þæt for to done bi þan
18ilche oþe aȝenes alle men riȝt for to done and to foangen. And
19noan ne nime of loande ne of eȝte wherþurȝ þis besiȝte muȝe
20beon ilet oþer iwersed on onie wise. And ȝif oni oþer onie cumen
21her onȝenes, we willen and hoaten þæt alle vre treowe heom
22healden deadliche ifoan. And for þæt we willen þæt þis beo
23stedefæst and lestinde, we senden ȝew þis writ open, iseined wiþ
24vre seel, to halden amanges ȝew ine hord. Witnesse vsseluen
25æt Lundene þane eȝtetenþe day on þe monþe of Octobre, in þe
26two and fowertiȝþe ȝeare of vre cruninge. And þis wes idon
27ætforen vre isworene redesmen, Boneface Archebischop on
28Kanterburi, Walter of Cantelow, Bischop on Wirechestre, Simon
29of Muntfort, Eorl on Leirchestre, Richard of Clare, Eorl on
30Glowchestre and on Hurtford, Roger Bigod, Eorl on Northfolke

page 9

31and Marescal on Engleneloande, Perres of Sauueye,
32Willelm of Fort, Eorl on Aubemarle, Iohan of Plesseiz, Eorl on
33Warewik, Iohan Geffrees sune, Perres of Muntfort, Richard of
34Grey, Roger of Mortemer, Iames of Aldithele, and ætforen oþre
35inoȝe.
36    And al on þo ilche worden is isend into æurihce oþre shcire
37ouer al þære kuneriche on Engleneloande, and ek in-tel Irelonde.