1B15.2.1

page 1

    
2Ic Oswulf aldormonn mid Godes gæfe ond Beornðryð min
3gemecca sellað to Cantuarabyrg to Cristes cirican
4ðæt lond æt Stanhamstede, XX swuluncga, Gode
5allmehtgum & ðere halgon gesomnuncgæ, fore hyhte
6& fore aedleane ðæs aecan & ðæs towardon lifes &
7fore uncerra saula hela & uncerra bearna.
8Ond mid micelre eaðmodnisse biddað ðæt wit moten bion on
9ðem gemanon ðe ðaer Godes ðiowas siondan
10& ða menn ða ðaer hlafordas wæron & ðara monna ðe
11hiora lond to ðaere cirican saldon and ðættæ
12mon unce tide ymb tuælf monað mon geweorðiæ on
13godcundum godum & æc on aelmessan suæ mon hiora
14doeð.
15Ic ðonne Wlfred mid Godes gaefe archiepiscopus ðas
16forecuaedenan word fulliae, & bebeode ðæt mon
17ymb tuælf monað hiora tid boega ðus geweorðiae to anes
18daeges to Oswulfes tide ge mid godcundum
19godum ge mid aelmessan ge aec mid higna suesendum.
20ðonne bebeode ic ðaet mon ðas ðing selle ymb tuælf
21monað of Liminum, ðe ðis forecuaedene lond to limpeð,
22of ðaem ilcan londe æt Stanhamstede, CXX
23huaetenra hlafa & XXX clenra & an hriðer dugunde
24& IIII scęp & tua flicca & V goes & X
25hennfuglas & X pund caeses, gif hit fuguldaeg

page 2

26sie, gif hit ðonne festendæg sie, selle mon węge cæsa, &
27fisces & butran & aegera ðaet mon begeotan
28maege, & XXX ombra godes welesces aloð, ðet limpeð
29to XV mittum, & mittan fulne huniges oðða
30tuęgen wines, suę hwaeder suae mon ðonne begeotan maege.
31Ond of higna gemęnum godum ðaer aet ham, mon geselle CXX
32gesuflra hlafa to aelmessan for hiora
33saula suae mon aet hlaforda tidum doeð.
34Ond ðas forecuędenan suęsenda all agefe mon ðęm
35reogolwarde & he brytnię swæ higum maest red sie
36& ðaem sawlum soelest.
37Aec mon ðaet weax agæfe to cirican & hiora sawlum nytt
38gedoe ðe hit man fore doeð.
39Aec ic bebeode minum aefterfylgendum ðe ðaet lond hębben
40aet Burnan ðaet hiae simle ymb XII monað
41foran to ðære tide gegeorwien ten hund hlafa & swae
42feola sufla & ðęt mon gedele to aelmessan aet
43ðere tide fore mine sawle & Oswlfes & Beornðryðe aet
44Cristes cirican & him se reogolweord on
45byrg gebeode foran to hwonne sio tid sie.
46Aec ic bidde higon ðette hie ðas godcundan god gedon aet
47ðere tide fore hiora sawlum, ðaet ęghwilc
48messepriost gesinge fore Oswlfes sawle twa messan, twa fore
49Beornðryðe sawle & aeghwilc diacon
50arede twa passione fore his sawle, twa fore
51hire ond ęghwilc Godes ðiow gesinge twa fiftig fore his
52sawle, twa fore hire ðaette ge fore weorolde
53sien geblitsade mid ðem weoroldcundum godum & hiora saula
54mid ðem godcundum godum.
55Aec ic biddo higon ðaet ge me gemynen aet ðere tide mid
56suilce godcunde gode suilce iow cynlic ðynce,
57ic ðe ðas gesettnesse sette gehueder ge for higna
58lufon ge ðeara saula ðe haer beforan hiora
59namon awritene siondon.
60Valete in Domino. þis is gesetnes Osulfes &
61Biarnðryðe.