1

142

2

1437 C49/22/18 DEPOSITION SIGNED BY ADAM MOLEYNS

3
4    The xe day of ffeuerer the vije yere of the kyng at Westmynstre
5in the Sterre Chambre beyng þanne present þe high and myghti
6Prince Duc of Gloucestre the Bisshops of Bath Chanceller and of seint
7dauid þerlis of Saresbury and Northumbr the lord Cromwell Tresorer
8of England William lyndewode keper of þe kyngis priue seal and Robert
9Rolleston Warderober the kyngis counsaillours examined þe person(s) THE LETTER IN PARENTHESES RUBBED
10whoos namis here on folow vpon þe ryot (that) THE WORD IN PARENTHESES IS OVER ERASURE was doon
11at Bedford. þe xije. day of Ianuer þe yere aboue said. AND FIRST.
12was called before þe seid (counsale) THE WORD IN PARENTHESES TORN Thomas wawton and sworn
13vpon a bok to sey the playn trouth and nouȝt to mene it with eny ontrouth
14for hate or euel will neiþer for loue ner fauour but plainly
15report as it was in dede nouȝt sparing for no persone ne for no þing

page 169

16and he seid plainly he wolde seye þe trouth in such þingis as shulde
17be demaunded of him. FIRST. it was asked him yif he hadde sette
18his seel vnto þe certificat þat was yeue and put vp to þe kyng vpon þe
19lord ffaunhop as touching þe seid mater of Bedford / and he
20answered ye. And forthwith asked yif he knewe þe mater content in
21the said certificatt and he answered ye HE WAS asked with what
22pepil þe lord ffaunhop come to þe Toune of Bedford at þat tyme
23and in what array he answered as to þe nombr of persones with a sexti
24and as to (þe)ire THE LETTERS IN PARENTHESES RUBBED array with pikk doublettis and swerdis and
25bokelers and þus arraied some of þeime come in to þe halle / and as
26too of þeime within þe barre IT WAS asked yif þe seid lord
27ffaunhop at oþer cessions a fore þat tyme was wont to come in like
28array he answered ye. HE WAS asked wheder he cam to þe halle
29before þe lord ffaunhop / and hou many of þe iustices were þere
30to giders ar þe lord ffaunhop cam he answered þat he and Iohn Enderby
31/ Iohn ffitȝ and harry Etwell cam to þe halle before þe lord
32ffaunhop / HE WAS asked yif þei all knewe wel þat þe lord ffaunhop
33was in þe towne of Bedford and yif þei hadde eny spech of him
34amonges þeime iiije. and to all þis he aunswered ye. HE WAS demaunded
35yif he sent to þe lord ffaunhop eny word of þeire beyng þere
36to geders or warned him þat þei wolde procede in þe cessions or
37ellis þat þei taried vnto his comyng to euerich of þis he answered nay
38/ but þei iiije. sat downe and proceded not to þe cessions but commoned
39to geders HE WAS. asked yif he and his felaws such time as
40þe lord ffaunhop come to þeime dede him eny reuerence or what
41countenance þei made (he seid) THE WORDS IN PARENTHESES TORN þat his þre felaws stode vp and
42he sitting stille a valed his hode. HE WAS asked hou þe lord ffaunhop
43demened him after his comyng to þeime / And he answered þat
44he sat him (doune) THE WORD IN PARENTHESES RUBBED and callid to him Iohn ffitȝ and william Pek and
45willed þeime to sitte downe by him and þe seid ffitȝ aduised þe
46lord ffaunhop to take vnto him wawton (and) THE WORD IN PARENTHESES RUBBED and Enderby for þei
47were a boue þe seid ffitȝ in þe commission / and þe seid lord
48ffaunhop aunswered (þeim nay) THE WORDS IN PARENTHESES: OVER ERASURE come and þu will þe (toon) THE WORD IN PARENTHESES OVER ERASURE shal
49be wolcome þe toþer may chese and þis communicacion had þei sat
50downe to (gideris) THE WORD IN PARENTHESES RUBBED HE WAS. asked hou þe rumor and noyse fill
51amonges þeime / he answered by oncurteise langage be twene Iohn
52ffitȝ Geffray and a seruant of þe lord ffaunhops þe which þe seid lord
53ffaunhop bad to answere to þat þe which was seid vnto him and
54þe same seruant forthwith sauyng þe reuerence of his lord seid it was
55fals and so lyued þe seid Iohn fitȝ Geffray and forth with wawton
56seith þat he seid to þe lord ffaunhop it is þe vnruliest cession þat
57I haue euer sey in Bedford and yif it be not oþerwise reuled I wol complaine

page 170

58vnto þe kinges counseill to þe which þe lord ffaunhop shulde
59haue seid complaine as þo wole y defie þi menasing and all þine
60euel will wawton seide he answered I sette litil of þi defiance and
61with þis þere was rumor and noyse in þe halle and soo þei rose vp boþe
62þe lord ffaunhop wawton Enderby and all þe remenant / and þe
63lord ffaunhop stode vpon þe Cheker borde þe which borde stode a fore
64þe benche HE WAS asked yif he sye þe lord ffaunhop drawe eny
65dagger he seid forsoth nay he was asked wheþer he sawe eny dagger
66in his hande and he seid ye. furþermore he was asked in what wise
67he helde þe dagger in his hande þe point forth riȝt foynyng / or
68ellis þe point towardes his elbowe downward / and to þis he said he
69wist nat / HE WAS also asked yif he sawe þe lord ffaunhop (or
70any man of his) THE WORDS IN PARENTHESES SUPERIOR INSERT smite eny man or made eny likly countenaunce to smyte
71he said nay / HE WAS also asked wheþer þe lord ffaunhop such
72tyme as he stode vpon þe borde labored to þe cessing of þe rumor
73and debat or ellis þat he stured and moued þe pepil to rumor / and
74he answered þat he labored to cesse þe noyse and þe rumor þat
75was in þe halle He was asked wheder he labored effectuelly or ellis faintly
76and vnder colour of his labore soffred harme to be doo / he
77answered þat to his vnderstandyng he labored to þe keping of pees /
78and to stynte þe noyse and Rumor þat was in þe halle and alsoo
79diligently as euer he sawe man. HE WAS asked what the seid lord
80ffaunhop dide such tyme as the noyse was cessed / he answered
81þat he went vnto his ynne. and with his owne seruantȝ lete feleshipped
82þe seid wawton / and oþer of his felaws / vnto þeire logginges for
83þeire more seuretee and þe lord ffaunhop willed wawton to haue
84come dronken with him as he hadde Enderby seyeng to wawton þat
85he sholde be welcome for he yaf him drink which he hadde lesse
86cause to loue þanne (him) THE WORD IN PARENTHESES RUBBED menyng be Enderby: IOHN Enderby called
87before þe counsail in fourme as it is reherced of Thomas wawton
88in like wise swore vpon a bok to (sey) THE WORD IN PARENTHESES IS OVER ERASURE þe trouth in þe mater a boue
89said & þe which he promissed to do &c. EXAMINED vpon þe first
90article he seide at þe tyme of makyng of þe certificat þe which was sent
91vnto þe kyng his felawe and he were in d(i)fference THE LETTER IN PARENTHESES TORN and discorde
92not forþanne he sette his seal þerto. AS TO þe secunde to þe þridde
93to þe fourthe to þe fifte to þe vje. and to þe vije. articles he accorded
94in all his deposicion and answere with Thomas wawton: AS TO
95þe viij. he seide þat þei stode vp all such tyme as þe lord ffaunhop
96come to þeime. AS TO þe ixe. and þe xe. article he accorded in substance
97with þe seid wawton confessing alsoo þat he him self drewe out
98his owne dagger / and in þe tyme of þe rumor his man brought
99him a swerd and in what wise he departid from his dagger he can not

page 171

100sey. AS TO þe xje article he seith þat he sawe not þe lord ffaunhop
101to drawe eny dagger / neiþer þat he hadde eny in his hande: EXAMINED
102vpon þe xije. and þe xiije articles he accorded with Thomas
103wawton no þing varyeng in substance. IOHN ffitȝ in like wise as
104wawton and Enderby sworn vpon a bok and examined answereth as
105it folowith: IN THE first and þe secunde Article he accorded with
106wawton: IN THE þridde þe iiije and þe ve. and þe sexte Articles he
107accorded in his deposicion with wawton and Enderby: AS TO Þe
108vij article he accorded with Enderby and not with wawton: AS TO
109þe viij article he accorded alsoo AS TO þe ix article he accordith with
110wawton. IN Þe. xe article he accordith with Enderby boþe þat he
111sawe þe lord ffaunhop to drawe no dagger neiþer þat he hadde eny
112in his hande In the xje and xij articles he accordeth with wawton
113and Enderby AND ALSO in þe xiije article noþing chaungyng in
114substance. HARRY Etwell examined and sworn vpon a bok to sey
115trouth In þe first article he accordith with his felaws: IN THE
116secunde article he accorded also with his felaws saue he va(ri)ed THE LETTERS IN PARENTHESES CREASED in
117nombre seyng þat þe lord ffaunhop come to Bedford with xl. or
118l. persons / IN THE iije þe iiij þe v. and þe vje. articles he accordid
119with his felaws IN Þe vij and þe viij. articles he accorded with
120Enderby (IN Þe ixe) THE WORDS IN PARENTHESES TORN and þe xe. articles he accordith with wawton
121IN Þe (xie. xij and xiije) THE WORDS IN PARENTHESES TORN articles he accordith with his felaws: THE
122xxiiij day of ffeuerer þe yere a boue seid at westmynstre Thomas
123Stratton vnder shereue of Bedford in þe (presence) THE WORD IN PARENTHESES RUBBED of the high and
124myȝti prince þe Duc of Gloucestre the Bisshop of Bath Chaunceller
125of England þerle of Saresbury lord Cromwel tresorer of Englonde: þe
126lord hungerford William lyndewode keper of þe kinges priue seal
127þe kinges counsaillours / swere vpon a bok to make trewe and iuste
128answere in þat shulde be demanded him of þe Ryot doon at Bedford:
129FIRST he was demanded yif he was priue of þe certificat
130þat was made vnto þe kyng by wawton Enderby ffitȝ and Etwell and
131he seid ye: MORE OUER he was demanded where he sat at þe
132cession tyme. and he answered at þe lord ffaunhop fete inasmoche as
133he was clerc of þe cessions: HE WAS asked hou þe rumor be gan
134/ and he þerein accorded with þe (seye)ng THE LETTERS IN PARENTHESES RUBBED of wawton and soo he dede
135in all his deposicions sauyng in þe xj Article he varied from all
136seyeng / þat þe lord ffanhop (su)ch THE LETTERS IN PARENTHESES RUBBED tyme as he stode vpon þe
137Cheker borde he made (countenance) THE WORD IN PARENTHESES RUBBED towardes Enderby as he wolde
138haue smete him / but he seith he smote him not

141

236

142

C 1428 C49/22/19 BRISTOL DEPOSITION

143
144    The certyficate of the Meyr and Baillyffes of Brystowe

page 297

145    Remembrance that the fryday next after þe fest of the Exaltacion
146of the holy Croyce the sexte yer of the kyng that nowe ys: Iohn Baylly
147late the Clerk of Phelip Excestre: come a fore Robert Russell that
148tyme Meyr Roger lyuedon and Water Milton the yonger Baillifs. And
149many other worthy men syttyng yn open Court And seyd openly
150yn heryng of alle men: that ther were that serteyn day and yere: he shewed
151to Thomas Stamford a dede ensealed that Crystyan Nele somtyme
152of Brystowe made vnder her seal. And also vnder the Meyres seale:
153to Willyam Combe somtyme Burgeis of Bristowe: of certeyn londes
154And tenementes: yn the towne: and þe subarbes of Bristowe: And whan
155he had shewed the same dede: vn to the same Thomas: the same
156Thomas toke the seales yn his honde: and desyred the foresaid dede:
157And for the same Iohn Bailly. wolde not delyuer hit hym: he pulled
158of the seales. that he helde yn his honde: and putte hem yn his sleue:
159And whan the same Thomas hed harde these wordes: he said. that sothe
160hit was: that þe said Iohn Baylly shewed hym suche a dede: And.
161yn struglyng be twene hem bothe: he brake of the seales: and so he
162knoweleched the brekyng ther of: openly a fore alle the Court /
163and said these wordes: I didde hit. what wolle ye sey ther to: take youre
164auauntage: