1B3.2.47

page 131

2

IN DIE PENTECOSTE.

    
3Men þa leofestan, weorþodan we & bremdon nu unfyrn, for
4ten nihtum, þone myclan & þone mæron symbeldæg
5Drihtnes upstiges foran to þyssum ondweardan dæge.
6weorþian we nu todæg þone tocyme þæs Halgan Gastes, se
7wæs of heofenum onsended, & þæm apostolum
8to frofre gehaten for þære miclan langunga Drihtnes
9framfundunga, & to wedde þæs heofonlican eþles,
10swa we on Godes bocum leornodan, þæt Drihten sylfa to
11his gingrum cwæde, ærþon þe he on heofenas
12astige, þonon he næfre won wæs þurh his godcundnesse
13miht.
14Ac se heaþrym þæs Godes hades þæm englicum weorodum
15simle ondweard wæs, þeah þe he þrage mid us wunode,
16swa he Drihten gehet his leornerum, & þus cwæþ: he
17cwæþ, Ne forlæte ic eow aldorlease, ac eow
18sende frofre Gast.
19Swa swa þæt gelimplic wæs þæt he his leornerum frofre
20sende, se þe ealra soþfæstra Frefrend wæs,
21swa we magon ongeotan be us sylfum, þonne hwylcum men
22gelimpeþ þæt his ful leof fæder gefærþ, ne
23mæg þæt na beon þæt þa bearn þe unbliþran ne syn, &
24langunga nabban æfter þæm freondum.
25Swa gemunde & wiste ure se heofonlica Fæder his þa leofan &
26þa gestreonfullan bearn afysed & on
27myclum ymbhygdum wæron æfter him.
28þa wolde he se Hælend hie afrefran.
29Se Halga
30Gast hie æghwylc god lærde, & him æghwylc yfel
31bewerede, swa he Drihten ondweardlice spræc
32to his gingrum, þa he on lichoman wæs, & þus cwæþ,
33To eow cymeþ Halig frofre Gast, þone eow sendeð
34Fæder on minum naman, se eow ealle þa þing læreþ
35to donne, þe ic eow foresægde þæt ge don sceoldon
36æfter minum upstige.
37Se Halga

page 133

38Gast dihtode ealle þa þing þe halige men writon,
39oþþe on ealdum oþþe on neowum þeodscipe.
40Soþlice þes dæg is geweorþod mid manegum godcundum
41geofum, næs þara gifena læs þonne Drihtnes ærist,
42& eac þonne seo gifu þæs Halgan Gastes, þe to
43þyssum dæge sended wæs ofor his apostolas.
44Swylce þes dæg hæfþ ælcere wucan frymþe & ende.
45Forþon us is swiþe mycel nedþearf, broþor mine, þæt we
46swiþe geornfullice & eaþmodlice us geþydon
47on þysne andweardan dæg to urum reliquium & to urum
48halgum gebedum; forþon þe we witon þæt se dæg
49wæs fruma þyses lænan leohtes, & he biþ fruma þæs
50ecan æfterfylgendan.
51Lucas se godspellere cwæþ on þæm bocum þe nemned is
52Actus Apostolorum be þyses dæges weorþunga, he
53cwæþ, Mid þon dæge wæs gefylled se dæg þe is nemned
54Pentecosten ymb fiftig nihta æfter þære gecyþdan
55æriste, þa wæron ealle þa apostolas wunigende on
56anre stowe.
57þa wæs geworden to him sweg, se wæs of heofenum sended on
58windes onlicnesse, þæt wæs sweg þæs Halgan
59Gastes to him cumende.
60& hie wæron ealle gefylled þurh þa gife þæs Halgan
61Gastes, þær hie ætgædere wæron on heora gebedstowe.
62Hie onfengon þæm Halgan Gaste to heora heortan on fyrenra
63lega onlicnesse, swa hit gecweden wæs þæt
64þæt hus wære Haliges Gastes gefylled.
65Se sweg gefylde þæt hus, se Halga Gast gefylde þa halgan
66apostolas, & þurh þone Halgan Gast hie inneweardum
67heortum ecelice burnon þære Godes lufan, swa
68þæt gelimplic wæs þæt þa ætgædere wæron on
69ecre stowe, þa þe on heora heortan & on willan on God
70gecyrred wæron.
71Swylce is gecweden þæt hie ealle on yppan wunedon, þonen
72bidende þæs Halgan Gastes, se on underntid
73& on windes onlicnesse ofer hie astag .
74Be þæm bryne witgode Dauid, & þus cwæþ to him:
75Forþlæteþ wind of his goldhordum, se is waldend windes
76& goldes.
77Se sweg wæs þæs Halgan Gastes be winde meten, & þurh
78witgan witgod; forþon þa halgan apostolas wæron
79gefylde þurh godspelles lare, þa wæs heora lar sawen &
80strogden betuh feower sceatum middangeardes,
81swa on þære ilcan lare nemned is.
82He cwæþ, Geond ealle eorþan gæþ heora sweg, æt þa
83ytmestan gemæro heora lar & heora word.
84We leornedon, & on þæm godspelle cwið, þæt se Drihtnes
85Gast

page 135

86ofer hiene astige on culfran onlicnesse.
87forþon þe he wæs ealra fyrena leas, þe fyr clænsian
88sceolde, þonne wæs se Halga Gast ahafen ofer
89þa godes leorneras on anlicnesse fyrenra legea.
90& þurh þæt hie wæron fram eallum synnum alesde, & to
91þæm ecean life gelædde, ge eac þæt hie mihton
92þurh þa gife oþerra manna synna adilegian, & getrymman
93þurh þa gife þæs Halgan Gastes byrþenne
94þe eaþelicor & þe wynsumlicor þa myclan byrþenne & þa
95hefian aberan mihton þære mycclan langunga
96heora þæs leofan Hlafordes.
97& swylce he eac wolde þæt hie mihton þurh þa gife þæs
98Halgan Gastes þe eþelicor & þe fæstlicor þæm
99wergan gaste wiþstondan & ofercuman, & oferswiþan þa men
100þe hie ongeaton þæt wiðerwearde wæron Godes
101beboda & þæs gastlican rihtes.
102swa he seolfa to his gingrum cwæþ: he cwæþ, Swa me lufode
103min fæder, swa ic eow lufige.
104Se Hælend wiste þæt his gingran woldan unrote beon for his
105framfundunga, forþon þe he wæs se leofa
106Lareow, & eac ealles middangeardes Scyppend, & hie eac
107gesawon þæt þa halgan heofenware him hyrsumedon.
108Forþon wæron swa manigfealdlice sorga Cristes þegnum on
109heora heortum, forþon þe hie hine lichomlice
110gesawon, & him æfter eorþlicre wisan eaþmodlice
111hyrdon.
112þa wæs him micel langung & sorh on heora heortan þa hie
113þæt ongeaton þæt he leng mid him lichomlice wunian nolde.
114he hie þa þæm gastlicum wordum frefrede for þære
115gelomlican sorge, þe hie swa mycle gefylnesse hæfdon,
116& he þus cwæþ, Ne þurfe ge beon unrote, ne
117gedrefed eower heorte; ac ic eow freoþige to Fæder
118þæt he eow gehealde þurh þæt heofenlice anwald.
119Hrædlice him þa wæs þæt heofenlice gehat, & þære
120gastlican strenge toþon mycel hyht þæt hie ealle
121þa eorþlican sorga forleton, & þa ingehyd heora heortan
122ful fæstlice on þone heofonlican hyht gestaþelodon.
123& him ne wæs nænig earfoþe þæt lichomlice gedal on
124þære neowan wyrde.
125æfter þeossum wordum se Hælend cwæþ to his leornerum, Ic
126eow sende frofre Gast.
127þæs wordes andgit is swa mon cweþe þingere, oþþe
128frefrend.
129æfter þissum wordum hi ða onfengon ðære mæstan strenge
130þæs heofonlican fultomes þurh þa onfengnesse
131þæs Halgan Gastes.
132hie wæron toðon frome & toþon strange, þæt hie

page 137

133mihtan æghwæt gefremman mid Godes fultome ðæs þe hie
134woldan.
135eac þonne heora wegas onlihton þurh heora lare & þurh gife
136ðæs Halgan Gastes.
137Sona swa ðeos geofu þurh Drihtnes miht on heora heortan
138alegd wes, hie wæron toðon frome & toðon
139anrode, þæt hie forhogodan ege ealra eorðlicra cyninga;
140toðon hie ðam Halgan Gaste onfengon on heora
141sefan & þone eorðlican egsan forsawon, & he him forgeaf
142eces lifes hyht.
143Broðor mine, nu we gehyrdon secgan þa weorðunga þyses
144ondweardan dæges, & eac þa gife þe ðam halgan
145apostolum seald wæs on ðysne ondweardan dæg.
146Nis hit þæt an þæt him anum þæm apostolum wære geofu
147seald, ac eac þonne eallum manna cynne forgifnes
148wæs seald ealra synna, & eac se freodom þæs
149unaræfnedlican þeowdomes, þæt is ðæs deofollican
150onwaldes eallum welwyrcendum.
151eac us is alefed edhwyrft to þæm ecean life, & heofena rice
152to gesittenne mid eallum halgum & mid
153Drihtne sylfum, þæm Drihtne sy lof & wuldor on worlda
154world, a buton ende, on ecnesse.
155AMEN.