1B1.3.10

page I,210

    
2DE SANCTA LUCIA UIRGO .
3ÐA ASPRANG AGATHEN HLISA OFER LAND AND SÆ, SWA þæt fram
4Siracusa sohte mycel meniu ofer fiftig mila þæs mædenes
5byrgene, on Catanensciscre byrig mid mycelre onbryrdnysse.
6þa com sum wydewe, seo wæs geciged Euthicia, betwux oðrum
7mannum to þære mæran byrigene, and hire dohtor samod,
8seo gesælige Lucia.
9Seo wydewe wæs unhal, swa þæt hire arn blod geond feower
10geare fæc, and fæla læca cunnode, ac hi ealle ne mihton
11hyre anre gehelpan.
12Hit gelamp ða æt þære mæssan, þæt man rædde þæt
13godspell, hu þæt wif wearð gehæled, þe wæs on blodes
14ryne, þaða heo hrepode þæs Hælendes reaf.
15þa cwæð Lucia mid geleafan to hire meder, Gif þu gelyfst,
16modor, þysum mæran godspelle, gelyf þæt Agathes geearnode
17æt Criste, þaða heo for his naman ðrowode þæt heo hine
18symle hæbbe on andwerdnysse on ecere blysse.
19Gehrepa hire byrigene, and þu bist sona hal.
20þa æfter þære mæssan seo modor and seo dohtor astrehton
21hi on gebedum æt þære byrgene.
22Mid þam þe hi lagon and gelencgdon ða gebedu, þa wearð
23Lucia on slæpe, and geseah Agathen betwux engla werodum,
24ænlice gefretewode, and clypode hyre þus to, clypigende
25ufenne, Min swustor Lucia, soð godes mæden, hwi bitst þu
26æt me þæs þe ðu miht sylf getiðian?

page I,212

27þinre meder geheolp þin halga geleafa, and efne heo is
28gehæled halwendlice ðurh Crist.
29and swa swa þeos burh is gemærsod þurh me fram Criste, swa
30bið Siracusa burh þurh þe gewlitegod, forðan þe þu
31gearcodest Criste, on þinum clænan mægðhade,
32wynsume wununge.
33and ða awoc Lucia.
34Heo aras ða bifigende for ðære beorhtan gesihðe, and sæde
35to hire meder, þu eart mihtiglice gehæled.
36Nu bidde ic þe, þurh þa ylcan þe þe mid gebedum gehælde,
37þæt þu nanne brydguman næfre me ne namige, ne of minum
38lichaman deadlicne wæstm ne sece; ac þa ðing þe þu
39woldest to gewemmednysse me syllan, forgif me ða to
40clænnysse to Criste farendre.
41þa cwæð seo modor, mine þincg þu wast, and ic heold nu
42nigon gear wið ealle hynða þines fæder gestreon and
43furðor hi geeacnode.
44beluc ærest mine eagan, and þa æhta ateoh loca hu þe
45licige, min leofa dohtor.
46þa cwæð Lucia, hlyst mines rædes; ne miht ðu naht lædan
47of þysum life mid þe, and þæt þu on deaðe sylst for
48drihtnes naman, þu hit sylst for þan þe þu hit ne
49miht mid þe aweg lædan.
50Ac syle nu on gesundfulnysse þam soðan Hælende swa hwæt
51swa þu gemyntest on forðsiþe to donne.
52þus tihte Lucia gelome þa modor, oð þæt heo beceapode þa
53scinendan gymmas, and eac hire landare wið licgendum feo,
54and dælde siððan þearfum and ælþeodigum mannum, wydewum
55and wreccum and wisum Godes þeowum.
56þis com þa to earan þam æðelborenan cnihte þe awogode
57Lucian, se wæs geciged Pascasius, arleas hæðengilda, and
58tihte þæt halige mæden to þæra deofla offrungum.
59ac þæt drihtnes mæden cwæð, Hluttor offrung þæt is,
60and licwurðe Gode, þæt mann wydewan geneosige and wreccan
61gefrefrige,

page I,214

62and steopbearnum gehelpe on heora gedrefednyssum.
63Ne dreah ic nu þrym gearum nane oþre dæda, butan þam
64lyfigendan drihtne þas lac geoffrode.
65Nu ic wylle me sylfe him soðlice geoffrian, forðan ic leng
66næbbe hwæt ic on his lacum aspende.
67þa yrsode Pascasius, and hi spræcon fela, oð þæt he hire
68swingele behet gif heo suwian nolde.
69Lucia him cwæð to, þæs lifigendan Godes word ne magon
70geswican, ne forsuwode beon.
71He axode ða mid olle, Eart þu la God?
72Lucia him andwyrde, Ic eom þæs ælmihtigan þinen; forþi ic
73cwæð Godes word, forþan þe he on his godspelle cwæð, Ne
74synd ge þe þær sprecað, ac sprycþ se halga gast on eow.
75Eft þa Pascasius orgellice befran, Wunað se halga gast on
76þe eornostlice?
77Lucia andwyrde þam arleasan and cwæð, Se apostol behet þam
78ðe healdað clænnysse, þæt hi synd godes templ, and þæs
79halgan gastes wunung.
80þa cwæð se arleasa, Ic hate þe ardlice lædan to þæra
81myltestrena huse, þæt ðu þinne mægðhad forleose, þæt
82se halga gast þe fram fleo, ðonne þu fullice byst gescynd.
83Lucia andwyrde þus, ne bið ænig gewemmed lichama to plihte
84gif hit ne licað þam mode.
85þeah þu mine hand ahebbe to ðinum hæþengilde, and swa
86þurh me geoffrige mines unwilles, ic beo þeah
87unscyldig ætforan ðam soðan Gode, seþe demð be þam
88willan, and wat ealle þincg.
89Gif þu me unwilles gewemman nu dest, me bið twifeald
90clænnysse geteald to wuldre.
91Ne miht þu gebigan minne willan to þe, swa hwæt swa þu
92minum lichaman dest, ne mæg þæt belimpan to me.
93þa wolde se wælhreowa his word gefyllan, þæt heo wurde
94gelæd to þære laðan fulnysse,

page I,216

95and begunnon hi teon to þære galnysse huse; ac Godes miht
96wearð geswutelod sona on þam mædene, swa þæt se halga
97gast hi heold and mid hefe gefæstnode, þæt þa manfullan ne
98mihton þæt mæden astyrian.
99þa cnitton hi rapas mid reðum anginne hire to handum and
100fotum, and fela samod tugon, ac heo næs astyrod, ac stod swa
101swa munt.
102þa wearð geancsumod se arleasa Pascasius, and het him
103gelangian þa leasan drymen to, þæt hi þæt Godes mæden
104mid heora galdrum oferswyðdon.
105Ac ðaþa him naht ne speow, þa het he spannan oxan to, ac hi
106ne mihton awecgan þæt mæden þagit swa.
107Se cwellere þa cwæð to þam clænan mædene, hwæt is se
108intinga þæt an þusend manna þe ne magon astyrian swa
109unstrang swa ðu eart?
110Lucia him cwæð to, þeah þu clypige tyn þusend manna, hi
111sceolan ealle gehyran þone halgan gast þus cweðende,
112Cadent a latere tuo mille, et decem milia a dextris tuis,
113tibi autem non adpropinquabit malum, þusend feallað fram
114þinre sidan, and tyn þusend fram þinre swyðran, þe sylf
115soðlice ne genealecæð nan yfel.
116þa wearð se arleasa geancsumod eft swiðor on mode, and het
117mycel ad ontendan on ymbhwyrfte þæs mædenes, and mid
118pice hi besprencgan and mid spyrcendum ele.
119Heo stod þa unforht on þam fyre and cwæð, Ic abæd æt
120Criste þæt ðis cwealmbæra fyr me ne gewylde, þæt þu
121wurðe gescynd, and hit þam geleaffullum afyrsige þære
122ðrowunge forhtunge, and þam ungeleaffullum þa yfelan
123blysse ofteo.
124þa wearð se wælhreowa wodlice geancsumod, þæt his magas
125ne mihton his modleaste acuman; Ac heton acwellan þæt clæne
126mæden mid swurde.
127heo wearð þa gewundod, þæt hire wand se innoð ut,

page I,218

128ac heo ne gewat swa þeah, ac þurhwunode on gebedum swa lange
129swa heo wolde, and to þære leode cwæð, Ic secge eow to
130soþan þæt sib is forgifen Godes gelaðunge, and se gramlica
131casere Dioclytianus is gedon of his rice and Maximianus se
132manfulla is dead.
133Swa swa seo Catanenscisce burh binnan hire weallum hæfð
134minre swyster Agathen miccle foreþingunga, swa ic eom
135forgifen, fram þam ælmihtigan Gode nu þyssere byrig
136Siracusanan eow to geþingienne, gif ge foð to geleafan.
137Mid þam þe heo þis spræc, wearþ se manfulla Pascasius mid
138racenteagum gebunden, and beforan ðam mædene gelæd.
139He wæs ær gewreged for his wælhreowum dædum, to Romaniscre
140leode, þe ða ealle land geweolden.
141He wearð þa gebroht on bendum to Rome, and þa witan heton
142hine beheafdian, þaþa he ne mihte his mandæda betellan.
143Seo eadiga Lucia on þære ylcan stowe wunode þe heo ofslagen
144wæs, oðþæt sacerdas coman and hi gehusloden mid haligre
145gerynu.
146and heo gewat to Criste mid þam þe hi cwædon amen.
147þa arærde þa leoda þær heo læg cyrcan, and on hire naman
148gehalgodon, þam hælende to wurðmynte seðe æfre rixað on
149ecnysse god; AMEN.