1B1.2.34

page 247

2

XXVII

3

NATALE SANCTI IACOBI APOSTOLI

427.1
5

VI. KALENDAS AGUSTI. SANCTORUM SEPTEM DORMIENTIUM.

6    We willað eow eac gereccan sceortlice þæt nu æfter twam
7dagum is ðæra seofon slapera gemynd. þæra naman
8sind ðus gecwedene;
9Maximianus. Malchus. Martinianus. Dionisius. Iohannes.
10Seraphion. Constantinus;
11Þas seofon geleaffullan godes cempan wæron on Decies dagum
12þæs caseres wunigende on ðære byrig Ephesum;
13Hi wæron æðelborene for worulde. and wurdon to ðam
14hæðenan cwellere gewrehte. for heora cristendome;
15ða nolde he hi sæmtinges acwellan. ac let him fyrst for
16heora æþelborennysse þæt hi hi beðencan sceoldon. and
17bugan to his hæðengylde. þonne he eft come. oððe heora
18lichaman sceoldon beon mid mislicum tintregum gecwylmede;
19Decius ða gewende to oðrum burgum to tintregienne ða
20cristenan. and ða seofan godes ðegenas beceapodon heora
21æhta wið feo. and þæt ðearfum digellice dældon. and
22eodon of ðære byrig into anum micclum screafe under anre
23dune. and þær on gebedum ðurhwunodon. dæges and nihtes;
24Eft ða ða decius com ða het he hi gelangian;
25Þa wearð him gesæd þæt hi on ðam scræfe behydde wæron.
26and he ða gehathyrt het fordyttan þæs scræfes muð mid
27ormætum weorcstanum;
28Ac se mildheorta

page 248

29god hæfde lytle ær hi ealle geswefode binnon ðam scræfe.
30and hi swa slapende lagon ðreo hund geara. and twa and
31hundseofontig geara. oð þæt cristendom becom ofer ealne
32middaneard;
33Eft ða æfter ðisum fyrste on ðæs caseres dagum Theodosies
34se ðe micclum on crist belyfde. getimode þæt sume wyrhtan
35afundon ðone stan æt þæs scræfes muðe. and hine aweg
36awiligdon;
37Hwæt ða se ælmihtiga scyppend forgeaf þam seofon halgum
38þe on ðam scræfe lagon lif and ærist. æfter
39swa langum slæpe. and hi wurdon ða ameldode þam burhwarum;
40Þis wundor wearð ða þam cristenum casere theodosie gecyd.
41and he mid bliðum mode ðider siðode. mid
42ealre þære burhware and biscopum and heafodmannum;
43ða halgan martyras ða ut eodon of ðam scræfe togeanes ðam
44casere. and heora nebwlitu scean swa swa sunne;
45Se casere ða theodosius feoll ætforan him. and heora ælcne
46synderlice cyste. micclum blissigende and cwæð;
47Swa ic geseo eow. swilce ic gesawe hælend crist. þa ða he
48lazarum of his byrgene arærde;
49Þa cwæð se yldesta Maximianus to ðam casere;
50Gelyf us. for ðe arærde se ælmihtiga god us of eorðan ær
51ðam micclum dæge. þæt ðu buton twyn gelyfe. þæt deadra
52manna ærist bið. nu we arison of deaðe. and we lybbað;
53Stande nu ðin cynedom on sibbe. and on soðum geleafan. and
54crist hine gescylde wið deofles costnungum;
55æfter ðison feollon hi eft ealle ætforan þam casere. swa
56swa god bebead. and heora gast ageafon;
57Þa wolde se casere wyrcan him eallum gyldene scryn. ac hi
58æteowodon him on ðære ylcan nihte. and sædon;
59Of eorðan we arison. læt us on eorðan gerestan. oð þæt
60god us eft arære;
61Se casere ða and his biscopas arærdon mære cyrcan ofer
62heora lichaman to lofe ðam ælmihtigum gode.
63se ðe leofað and rixað. a. on ecnysse. amen: